صغيرتي ♡
الحلقه الثامنه والتاسعه
مشيت لعليا اختي ....
انا: تبيش تركبي لندى؟
عليا: ﻻ هى نازله عليش؟
انا: امتى نازله ؟
عليا: توا تبي تاخد مني اكسسورات قالتي نلبس وننزل...
انا: تماام بكل ... نجك لي انتي ..
عليا:"تضحك" شن تبي في البنت ؟
انا: تو تعرفي بروحك...
نعدي نستقبلها... باتي تحت صح..؟
عليا: كلهم تحت ماعدا انا وامي بس..
انا: امي شفتها نزلت .. خالتي عائشه جت...
عليا: حي عليا نسقد روحي معناها...هيا وجك بنلبس....
طلعت... نراجي في الباب يدق...
دق دق
وعديت فتحتلها...
ندى : هيي انت شن دير هنا .. غمض عيونك...
انا فتحت فمي... الله اكبر... ربي يحفظها طالعه اميره....
قعدت سرحان فيها...
ندى: فرج نحكي معاك... انزل بنخش ...
انا: كريتها وسكرت الباب...
ندى: هيييي فرج شن دير..؟
انا:شن سماحه هذه... مافيش مشي خليك هنا...
ندى: عليش مافيش مشي؟
انا: ﻻ يخطبوك... وليش القصر هذا كله....
ندى قعدت تكر في الفستان تنزل في...
قالتلي فرج عادي كله صبايا...
فرج: باه شن سماحه هذه كلها...
ندى: بلا قلة ادب ره نطلع...
انا: قفلت الباب..
ندى: يا بارد اطلع شن هضى تشوفنا امك...
انا: مش قاعده...
ندى: طح سعدك قصدك بروحنا في الحوش...
انا: يس ... انا وانتي وبس..
ندى: تحكيي جد ...
انا:"نضحك" اها...
ندى: فرج بلا براده... ياعلياااا...
انا:"نضحك" خلاص خلاص ...... غمضي عيونك ...
ندى: نبيش
انا: تي غمضي ...
ندى: شن بدير..
انا: غمضي انتي بس...
ندى : ها 😌
انا: نعليا انا عليك سماحه. .. مدي يدك ...
ندى: فرج شن بدير..
انا: خلاص معش بندير شي...خشي لعليا جوا تراجي فيك...
ندى: خلاص بطلت ها مديت يدي...
انا: خوافه...
لبستها ختام... وبستلها يدها...
ندى: فتحت عييونها فرج... 😳
بعدها شهقت شن هضى ؟
انا: شن رايك ؟
ندى: يهبل.. بس ليش متعب روحك؟
انا: انتي روحي وتستاهلي دنيا كلها... هضى جبته لك عشان يسحابوك مخطوبه...وماحد يجي شورك....
ندى: فرج واجد هك...
انا: فقريه وحق ربي... قولي شكرا حبيبي سلمك جياب ربي مايحرمني منك 😒
ندى:"تضحك" ربي يخليك ليا وﻻ يحرمني منك ومن حنيتك... يادنيتي انت ... نحبك ..
انا: وووووو ياربي صبرني شن هضى ...
ندى:" تضحك" خلاص عدي.. خير ما تكون نهايتنا توا..
انا: نحبك نحبك نحبك ...
ندى: "تضحك" ... بعدين سرحت...
انا: اوييي وين رحتي..؟
ندى:خايفه ؟.
انا: من شن ؟
ندى: خايفه من هلنا لو عرفو بلي بينا شن بتكون ردت فعلهم.... نخاف يفرقونا.... خايفه يخش عليا باتي ويقولي هذا مدفوعك كيف عليا....
انا: اسمعي الاخيره هدى مستحيل تصير... ﻻن وقت يجتمعو عشان يعطو وحده فيكن انا ﻻزم نكون قاعد ومش حنرضى شي هضى.... بس قصة الكبسه.. انا خايف اكتر منك.. بس في الاخير طز فيهم .... انا نبيك... وغصبن عن اي حد في دنيا... حناخدك...
ندى: ربي يستر .. خايفه عشان غلطنا هالغلط... يعاقبونا...
انا: قصدك حبنا غلطه !!
ندى: احلى غلطه في حياتي ومستحيل نندم عليها... بس في نظرهم غلطه كبيره ...
انا:خلاص بما ان حبنا غلطه... نحن مستعدين لتحمل العواقب .. بس في الاخير مستحيل حد يلمسك..وياخدك مني وانا حي...
ندى: انﻻ حلالك انت بس والباقي كله محرم عليا....
انا: باه خشي لعليا... هيا انا نازل...
ندى: دير بالك ع روحك...
انا: اركبي معايا...
ندى:نعرفش مرات بابا مايخلنش..
انا: باتك مش ماشي.. اركبي معايا تم..
ندى: تو ننزل مع عليا.. ونركبو معاك...
انا: خلاص ...هيا تشاو...
ندى: سلام...
انا: اوووف مش قادر نسيبك...
ندى:"تضحك" تي انزل بلا هبال...
انا: باه خشي عشان نقدر ننزل....ندى: "تضحك" باه هيا خشيت انزل....
نزلت وقلبي وعقلي وكل حاجه عندها... سعادتي .. تنسيني في همومي.... نحس ان الحياه له معنى... معاها...
التمت العائله...
باتي ؛ وينك من بدري نراجي فيك..
انا: وسع بالك ياحاج كنت نلبس...
باتي: وشن هالاناقه بالك تحساب روحك العريس...
انا: "نضحك" نعليا مني عجبتك.. كان عندك بنت اخطبني ...
باتي:"يضحك" امتى تعقل ياليد..
انا: تي هبا ع العقل نسيته فوق...
باتي: وين نسيته..
انا: "نضحك" قاعد قاعد...
باتي: تسفتر عليا انت... تبيلك تربايه من جديد..
انا:"نضحك" وسع بالك خيرك جايتك عليا ؟
كسدت مع باتي لعند نزلو ... واركبن معايا عليا اختي وندى وطبعا هاله... مستحيل تفوت فرصه هك... ولقدام امي....
وطلعنا بيبات... واغاني وجو ... وصلنا للعرب...وخشو... دارو جوهم... ولبسو العروس.... ...
وع المغرب هك روحو...ركبن معايا نفس المجموعه....
يهدرزن ويسفقن.... بعدها حطيت اغنيه وائل كفوري لو حبنا غلطه.... وعدلت لمرايا عليها.. كانت مقمعزه ورايا دغري...
اول مابدت الاغنيه بحتت فيا وابتسمت.....
ﻟﻮ ﺣﺒﻨﺎ ﻏﻠﻄﺔ .. ﺗﺮﻛﻨﺎ ﻏﻠﻄﺎﻧﻴﻦ
ﻣﺎ ﺯﺍﻝ ﻋﺸﻘﺎﻧﻴﻦ .. ﻣﻊ ﺑﻌﺾ ﻣﺮﺗﺎﺣﻴﻦ
ﻣﻴﻦ ﺍﻟﻠﻲ ﻗﻠﻚ ﻣﻴﻦ .. ﻋﻦ ﺣﺒﻨﺎ ﻏﻠﻄﺔ
ﻣﺶ ﻫﺎﻣﻤﻨﻲ ﺍﻟﺪﻧﻴﻲ ﻛﻼ .. ﻭﺍﻧﺖ ﺣﺪﻱ
ﻣﺶ ﻫﻤﻲ ﻫﻨﻲ ﺷﻮ ﺑﺪﻭﻥ .. ﺑﻌﺮﻑ ﺷﻮ ﺑﺪﻱ ..
ﺑﺪﻱ ﺣﺒﻚ ﺃﻛﺘﺮ ﺑﻌﺪ .. ﺑﺪﻱ ﺃﻋﻄﻲ ﻋﻴﻮﻧﻚ ﻭﻋﺪ
ﺭﺍﺡ ﻧﺒﻘﻰ ﺩﺍﻳﻤﺎً ﻟﺒﻌﺾ
ﻟﻮﻻ ﺑﻜﺮﻩ ﺗﺮﻛﻨﺎ ﺑﻌﺾ ..
ﻫﺎﻱ ﺃﻛﺒﺮ ﻏﻠﻄﺔ
ﻣﻜﺘﻮﺏ ﻋﻠﻴﻨﺎ ﻧﺸﺘﺎﻕ .. ﻟﻠﺤﺐ ﺍﻟﻬﻨﻲ
ﺗﻴﺨﻠﺺ ﻋﻤﺮ ﺍﻷﺷﻮﺍﻕ .. ﺗﺘﻔﻨﻰ ﺍﻟﺪﻧﻲ
ﺑﺪﻱ ﺣﺒﻚ ﺃﻛﺘﺮ ﺑﻌﺪ .. ﺑﺪﻱ ﺃﻋﻄﻲ ﻋﻴﻮﻧﻚ ﻭﻋﺪ
ﺭﺍﺡ ﻧﺒﻘﻰ ﺩﺍﻳﻤﺎً ﻟﺒﻌﺾ
ﻟﻮﻻ ﺑﻜﺮﻩ ﺗﺮﻛﻨﺎ ﺑﻌﺾ ..
ﻫﺎﻱ ﺃﻛﺒﺮ ﻏﻠﻄﺔ
وفي نص الاغنيه شفتها دمعت... صراحه حتى انا كلام الاغنيه اثر فيا. ..
دزيت مسج ع نقالها
"" وعد مني مستحيل نسيبك.... انتي روحي... ومانقدرش نعيش من دونك .... نحبك والله نحبك ""
ونزلت معاهم.... وكملنا وجيج مرعي واخيرا....
ركبت تعبانه وفرحانه ومشاعري مخلبطه...
ماما: من ويلك لي في يدك..؟
انا: خديته من عليا بنت عمي محمد...
ماما: حلوه ... ماشاء الله عليه...
انا: هى مش عجبها... نفكر نشريه منها...او نبدله بحاجه من عندي....
ماما: دخلني بيكن وجيجكن واجد ...نبي نخش نتريح تعبت...
خشيت لدار...
عليا "اختي" مهيحه حضرتك اليوم....
انا: اللهم ﻻ حسد...
عليا:" تضحك" شفتي احمد...
انا: ﻻ عده معانا قصدك؟.
عليا: ﻻ ﻻ كان قاعد مع عمامي هنا...
انا: ﻻ والله ماركزت ...
عليا: طبعا ... راكبه مع حبيب القلب...
انا: نعليا منه وخلاص حبيب القلب هضى....خطرهاااا ..
عليا: شن؟
انا: شن صار في موضوع صوره ؟
عليا: اه...اا اين صوره؟
انا: مش كان يبي منك صوره؟
عليا: ﻻ خلاص معش فتح الموضوع وانا... فته...
انا: احسن...عشان يعرف انك مش رخيصه ...
عليا : حلوه خطيبة مرعي صح؟
انا: مش حلوه حلوه.. تحسيها لطيفه... كيووت بكل...
عليا: عجبتني انا حسيته لايقه ع فرج..
انا: فرج عينك دا...
عليا:"ميته ع روحها من ضحك" قصدي مرعي مرعي...
انا: "نضحك" عنجد فرج.... خزي
عليا: خلاص اعذرينا غلطنا ....
فتحت دروج وطلعت نقال لقيت مسج من فرج...
ابتسمت...
رديت عليه
" لو دنيا كلها صبت في وجي ومنعنتي منك ....مستعده نموت وماناخد غيرك.... نحبك يابابا وحبيبي وراجلي انا وبس .... "
في يوم خشت علينا هند تبكي...
كنا مكسدات في الجنان...
عدينالها نجارو كنك شن في بسم الله
مابتش ترد وخشت الحوش عمي...
شافتها مرات عمي كنك بسم الله
ضبت امها وقعدت تبكي...
هند: مجدي
مرات عمي: كنه شن في ؟
هند:تبكي
مرات عمي: قمعزي اهدي شوي...هاله عدي جيبي لاختك ميه
شربت ميه... وسلحت عبايتها وخمارها....
هند: مجدي يقول اني نكلم في واحد غيره !!
مرات عمي شن؟
هند: تبكي... والله جهازي ديما بين يدي.. لو في حد راه شافه...
مرات عمي: باه قوليله...
هند:قالي توقضي في...تقوليله انا بس نرن عليك.... عشان مجدي مايعرفش...
مرات عمي : ﻻ هضى مريض طح سعده...
هند:والله ياماما ياما متحمله...
يضرب فيا ويقولي ربي من عمايلك ماخلكش تجيبي...
وبعد نقوله طلقني ... يقولي طبعا عشان تعدي تزوجي حبيب القلب...
وانا تعبت والله تعبت....
مرات عمي : تو نحكي لباتك يديرله حل...
هند:"ضحكت" باتي !! تو يقولي هضى وجيج نقالات....
مرات عمي: تو نحكيله انا...
وجعتني الحق...هند هبله... وطيبه ...ماعندهش احلام واجد .. بس تبي تعيش.... اسره وطلوع وخشوش....
لكن نصيبها طاحت في راجل نفسيه....
بعد روح عمي وشاف هند عندهم...
عمي : كيف حال يابنت ؟
هند: بخير ياباتي ....
عمي: امك حكتلي علي صاير...
اول شي طلاق مافيش.... ماعندش بنت تطلق.... تاني شي...هضى وجيج نقالات وقطاف الفاضي... وبعدين راجلك... مايشكش هك وخلاص... فكك منه هالبلا...
هند: بس ياباتي
عمي: وﻻ كلمه... اليوم ارقدي هنا.... ومن بكرا ترني ع راجلك تروحي....
هند:"تبكي" حاضر...
عمي : وين ماشيه؟
هند: عيت عمي ناصر يبوني...
عمي: باه ماطوليش....
ركبت هند عندنا
يتبع
صغيرتي♡
الحلقه التاسعه :
عمي : وين ماشيه ؟
هند: عيت عمي ناصر يبوني
عمي : باه ماطوليش
ركبت هند عندنا
فتحتلها.. خشت سلمت ع ماما وخشت كسدت انا وياها وعليا اختي جوا...
انا: شن صار؟
هند: نفس ماتوقعت باتي وعارفتي.
انا: عليك قصه...
هند: ماهو هضى لي كاسر ظهري... مش يوم وﻻ اتنين.... بداية زواجنا كان كويس... عدينا مصر وروحنا... فرحت طلعت وشفت دنيا.... ودارلي نقال....
بعدها طلعت قصة الحمل... وقلت بالك عشان مازال بدري.... بعدها راجل تغير بروحه... كل مانعالجو... ويطيح البيبي... يقولي بالعاني انتي ديري فيها.... انتي ماتبينش..... عارفك في بالك واحد تاني..
هند: يامجدي والله مافي بالي واحد...وﻻ نعرف حد...
مجدي: كذابه... عليش تبيش تحملي مني.. عشانه هو...
هند:"تبكي" والله يامجدي.. انا نبي يكون عندنا بيبي اكتر منك...
مجدي: تكذبي قدامي....
مره خش عليا وكنت نحكي مع بابا نطمن عليكم ...
كانت بدايه زواجنا...
هند: انت كيف حالك كويس؟
بحت فيا بنظره ... وكر جهاز مني وحطه ع سبيكر...
نصدمت انا...
كيف حال ماما والبنات..؟
بابا: بخير كلهم... كيف حال راجلك ؟
هند: الحمدالله ... اهو مجدي جنبي يسلم عليك...
وعطيته جهاز وصبيت... وجعتني روحي... وقعدت نبكي...
انا: خزي هالحقير كان ماعندش ثقه في روحه عليش زوج...
هند: عشان يقهرني في عمري...
انا: ماتبكيش ياعمري ...
هند: المشكله .. لو عندي هل زي ناس....راه ماقدرش يطاول هك... من اول مره كلمتله باتي دارلي حل...وﻻ حتى خوت عندي...
انا: باه في فرج ومرعي...
هند: مساكين شن بيديرو....
انا: تو نحكيله ... بالك يدير اي شي يحكي معاه... يعرف وراك ظهر...
هند:حاسه في بينكم جو
انا:"تحشمت" قصدك فرج؟
هند: شوف وجها شوف ...
انا:"نضحك"
هند: ربي يهنيكم ...ان شاء الله تكملو مع بعضكم... ❤
انا: ان شاء الله يارب...
هند: من امتى؟
انا: قريب نسكرو سنه... من عرس اختك..
هند: لايقين ع بعضكم... ومن انتو صغار مايتحمل فيك شي...
انا: مبتسمه ... ومتحشمه...
هند: كنتي بعد درهيلي كبدي ... ونبي نضربك... مانشيلش حمل عمي.. نشيل حمله هو... حيجي يهزب... ويكرهني في اليوم لمديت فيه يدي عليك...
انا:"نضحك" نعليا منه وخدلي حقي من يومه... ☺
عدن ايام وجن ايام ... وجا يوم تخرج فرج...
حايس يشري في بدله...يدزلي مسج... تراه اطلعي من روشن نبي نوريك ...
نفتح روشن داري يطل ع جنان....
وراني البدله...وشوز... والاكسسوري تاع البدله....
كانت كل حاجه سمحه...
وطبعا نبي نهدي حاجه... و ماعندش مبلغ كبير يادوبك مصروف اليومي متاع المدرسه...
خطرت عليا فكره.. ماعنديش غير هند.. تعرف وتقدر تصرف...
كانت جايه لعيت عمي.. نزلت بنكسد عندهم... وحكيت لهند. ..
انا: تعرفي تخرج فرج الخميس...
ونبي نهدي... عندي مبلغ بسيط....نبي نبيع دناديني .... وتجيبلي نظاره...ﻻن مازال ماشراهش.... يلبسها... في حفله....
هند: فكره بس كان هلك لاحظو دنادينك مش قاعدات....
انا: ساهل تو نقوللهم راحن...
هند:"تضحك" ووووو مقواك....
انا: اوكي تهنيني ...
هند: خلاص تم...بس كيف تبي شكلهن نظارات...
انا: عادي ع ذوقك.... هند لو نديرلك مشكله مع مجدي بلاش...
هند: عادي... من امتى قعدنا بدون مشاكل...
انا: وراس هند... لو في نسبب مشكله فوتي...
هند: تو نقوله عليا اخته تبيهن .ودزتني...
انا: نجك ليا ... مبدري كنا نحكو ... قالي مازالي العطر ونظارات....
قلت نلحق ع نظارات... قبل مايشري....
هند: كيف تحكو...
انا: دايرلي نقال ... بس راه تطلع منك ... تعرفيهم حيقتلونا...
ع خشت هاله ...قصدك فرج دايرلك نقال 😨 .....
انا: من ؟...
هند: اسكتي تطلع منك كلمه نوريك...
هاله: ﻻ ماتخفنش...
انا: هاله وراس امك تطلع منك حاجه تعرفي شن يصير...
هاله: ولو ... انتو حبايبي ..
وجبتلي نظارات.. وجا يوم التخرج... طبعا نحن مستحيل نعدو...
كان كأن عرس نضنا بدري.. خوتي جهزو ارواحهم... وانا طلعت قبلهم...
نزلت وخذيت معايا نظارات.. .. دقيت عليهم ... فتحلي عمي...
انا تحشمت : صباح الخير...
عمي : صباح نور خشي...
انا: عليا وين؟
عمي: خشي قاعده جوا...
خشيت لدار
عليا: بسم الله حالمه بينا؟
انا: حانطه... وين قاعد؟
عليا: في داره يلبس.... نوضنا من الفجر...
انا: باه انا نبي
عليا: عديله في داره
انا: ها ها ها... عدي لدار ع اساس تبي حاجه وقوليله يتأخر في نزله...
عليا: وكم تدفعي...
انا: تي شن الحناطه لي نازله عليك ع صبح ... هيا عشاني ...
عليا: دا ... باهي اصبري ...
وطلعت .... عدت حكتله....
انا: ها شن صار
عليا:قالي مستعجل ... قوليلها بعد نروح ..
انا رقالي تحكي جد ؟
عليا: اها والله ...
انا: باهي هاكي مديله هذينا... وباركيله... 😔
عليا: بعد يروح عطيها له...
انا: ﻻﻻ نبي يلبسها في الحفله هيا عدي ....
عليا : هيا شوي بس...
طلعت بعدها جتني ... نزل ..
انا: ييييييي عليك حظ ...
طلعت انا وياها وسط الحوش ...
صباح الخير
مرات عمي: صباح نور كيف حالك..؟
انا: الحمدالله ... مبروك
مرات عمي : الله يبارك فيك....
شوي سمعت صوت شن رايك ياامي يصير مني ...
مرات عمي : ماشاء الله ربي يحفظك ...
انا برمت .... وماكنتش مصدقه... البدله جايه عليه تهبل...رسمة اللحيه.... بنت العطر.... الشوز.... كل حاجه ... كانت ماشاء الله .... ربي يحفظه كان طالع .. طرف ... لقيت روحي لا تلقائي مبتسمه .. وعيوني مدمعه....
مرات عمي حضناته....وهو باسها من راسها... وقالها ربي يخليك ليا... تعبتك معايا... والحمدالله اليوم حققتلك امنيتك... وحنكون دكتور كيف ماتبي...
مرات عمي :"تبكي" ربي مايحرمني منك... ربي يرضى عليك ويفتحها في وجك...
بعدها سلمت عليه عليا ... وباركتله...
فرج: خوك دكتور من قدك ...
عليا: ريت هالدكتور...
فرج :غصبن عنك ...
وبعدها جيت انا مديت يدي
مبروك...
كانت نظرته ليا تجنن.... ومش قادره نسيطر ع دقات قلبي...
وجي احمر...
فرج مبروك...
فرج:"يضحك" الله يبارك فيك...
انا : بحتت في مرات عمي.. تحشمت . .. بس الله غالب مضطره... خليها لتبي تقوله تقوله...
مديتله نظارات .... هذينا البسهن توا...
فرج: ليش متعبه روحك ... وكيف حصلتي فلوس...
انا: عليك قلة ادب... العفو مش من قيمتك.. ان شاء الله يكون عجبوك 😒😒
فرج:"يضحك" والله نحكي جد ...
انا: تو بعد نروح نقولك...
فرج: لبسهن.. مش عارف شن نقول.... بحت في مرات عمي ...
بكرا اخطبيها ليا باه
مرات عمي "تضحك" مش حنلقى احسن منها تكون كنتي ...
فرج: خلاص والله نحكي جد ...
مرات عمي: وانا نحكي جد ...
انا تحشمت وابتسمت ...
عليا: مبرووك واخيررااا 👏👏
فرج : بحت فيا ربي مايحرمني منك ... هيا وقت عليا ... انا نشوفكم بعد نروح....
مرات عمي : دير بالك ع روحك.... في حفظ الله ...
فرج: ربي يخليك يالغاليه .. سلام
وطلع....
قلت في قلبي ... ربي يحمي ....
وكسدت مع عليا .... وركبت الحوشنا.... دزيتله مسج
"ن ح ب ك "
بعدها نزلنا كلنا الحوش عمي خالد...
وكانن هند وعليا ولدها قاعدين. . عليك وليد يهبل بكل 😍
جتني هند ... عطتيهن له..
انا: اها... وووو
هند : شن ماعجبنش؟
انا: ﻻﻻ بالعكس عجبنه بكلل
هند : شن ؟
انا: حكا لمرات عمي.. وقاللها بكرا نركبو نخطبوها 😍
هاله: قصدك فرج ؟
انا: بسم الله .. خاطري نعرف كيف تسمعي بس
هند:وين كنتي؟
هاله: من بدري كنت مقمعزه وراكن هن ...
انا صراحه قلبي مش مطمنلها بكل... عرفت كل شي... ربي يستر...
بحتت فيا بنظره غريبه ..
وبعدها سمعانهم...روحو. .. فرج الانيق ...لبنته سمحه.... روح متبهدل. . وبنته زفره... شكله يضحك بكل 😃
ركب يدوش.... بعدها شوي هك ......
نسمع في صوت هرجه....
وصوت عمي خالد .. يعيط ويهارج
عمي خالد : ياندى...
يتبع