صغيرتي♡
الحلقه 18و19 الأخيرةة
بابا: انتي نحكي معاك ...
انا: رفعت راسي قصدك انا ... ؟
بابا: اها
انا: نعم بابا
بابا: اليوم جوني عرم خطبوكي مني.... فكرت في موضوع وطلعو ناس كويسين...
غمت عندي بكل... عليك قصه معش انتهت... يعني في طريحه جديده....
انا: مارديتش... وبحتت في ماما وعليا... وبان ع وجي ان رقالي....
بابا: شن رايك موافقه ....وﻻتفضي بيا زي لي فاتو...
انا: بابا... انت تعرف .... " بحتت في ماما نبيها تساعدني"
بابا: يعني نقول ﻻ...
ماما: باه من العرب ياناصر....الواحد يشوف قبل...
بابا: تعرفوهم....
وبحت فيا....
انا.... وﻻ اي ردت فعل....
ماما: من هم ؟
بابا: عيت خوي محمد...
انا ماصدقتش لسمعته....دموعي نزلن....وضحكت.... ولقيت روحي ماشيه مضبطه بابا ...
انا: واخيرا....
بابا: طالعه راسك يابس لباتك...
انا : سامحني...بس والله مادرت وﻻ عمري حندير ححاجه تواطي راسك....
وتقريبا حاجه سنتين الا ثلات شهوﻻ....ماحضنت بابا .... وﻻ باسني ....
بابا: ربي يهنيك يارب...ويرضى عليك....
بسته ع راسه ويده.... ربي مايحرمني منك...
ماما مسكينه حتى هى فرحت ... واخيرا افتكت من الصداع.... ونحلت هالمشكله....
وعليا اختي نفس شي ...كانت فرحانه وتباركلي....
بابا: وتو ارواحكم .. عشان بكرا نرددو لحوشنا ....
انا: هيييي واخيرا....
بابا: فنص فيا ...
انا ماعرفتش عليش بس خفت وخلاص 😄
كانت دنيا مش سايعتني.... كان خاطري نطلع نقول لناس كلها بابا وافق على فرج... انا مرات فرج توا... حنكون جنبه العمر كله ...
واخيرا.... الحمدالله ياارب...
قعدنا نوتو ونلمو في دبشنا.... وماما وعليا... يعزقلي في كلام...
واخيرا شفنه هالوجه
كم لك ماضحكتي...
شوف شوف كيف بروحها تضحك وتبتسم....
تحملت وااجد عشان لحظه هذه...
ماما: وانا شاهده ع كل شي.... ان شاء الله يارب تهني...ويسعدك.... انا فرج... يعز عليا.... ونحبه من هو صغير.... واثقه في...انك حتكوني سعيده معاه...
انا"مبتسمه" حتى انا نحبه واثقه حنكون سعيده معاه....
عليا: بت تحشمي....
ماما: اختك هذه فااانص....
انا:"نضحك"
روحت عليا لحوشها... وقالت تو نجيكم غادي.... لي زمان على عمي والبنات....من بعد زوجت ماعش مشيت...
انا:لنقنى لنا زمااان عليهم...وع الحوش . وذكريات ... هى امتى يجي بكرا....
عليا: خلاص ياحنه عدي حطي راسك ع مخده.... تو يجي بكرا...
YOU ARE READING
صغيرتي♡ (مكتملة)💚
Romanceرواية ليبية شرقاوية تحكي علي قصة حب بين اعيال عم وتحكي علي عادات وقوانين صارمة في عائلتهم وكل شي ممنوع ع بنات العائلة النقال ممنوع الجامعة وزواج بدون راي البنت والحب ممنوع وهذي قصة فرج وندي كيف انتهت بسبب العادات وتقاليد الجاهلة💔
