صغيرتي ♡
الحلقه 16و17
روحت لحوشنا... وحكيت مع باتي على موضوع هند....
باتي: ﻻ .. ماعندنش بنات يطلقن
انا: وعندكم بنات عادي ينهانن... وينضربن.... !!
باتي: تو نحكي معاه ... لكن طلاق ﻻ..
انا: شن تحكي معاه... ﻻ والنبي معش تضرب بنتنا !! باتي شن لتقول فيه.... البنت معش تبي...
باتي: ومن امتى رأي البنت عندنا مسموع ؟
انا: ماهو شن لي وصل بناتكم هك.... غير جبروتكم...
باتي ... انا بنعطيك العلم بس.... اني حنشقى بموضوع هند.... ونردلها كرامتها....
باتي: رايح قليل الادب انت.... هدا ماعلمك شارع...
انا: هضى شارع لعزقتني له...شن تبي يعلمني !!
صبيت وسيبته.... نزلت للجنان .... ولعت سبسي....
على طلعت هاله من جوا...
هاله؛ متعقد عشان عمي مايبيش يعطيها لك ..
انا: وانتي عاجبك الوضع...
هاله: ﻻ .. معقوله.... بلعكس زعلانه عليييك بكل...
انا: تعرفي تقلبي وجك...
هاله: علييش ...انا جايه بنخفف عليك همك... "تجعون"
انا: شكرا بارك الله فيك... خليني في حالي لو سمحتي....
هاله: "بدلع" أوجي... خلاص عاد...افردها... نديرلك قهوة..
انا عجبتني اوجي... بحتت فيها ... وكنت منصدم من برادتها...
طلعت وسيبتها بدون.... مانرد عليها....
أذن المغرب.... صليت في جامع.... وبعدها طلعت شور حوش عمي.....
ركبت لدروج..... ودقيت الباب....
طلع فرج... وانهرت بكا.... ماما تعاطفت معايا... لفت عليا وقعدت تسكت فيا...
خشت بيا جوا لداري.... وحطتني ع سرير....
ماما: ان شاء الله ربي يكتبلكم كل خير...
انا: شفتي ياماما ان مايلعبش.... وﻻ في نيته حاجه شينه...
ماما: انا من الاول مش شاكه في نيته وﻻ في أخلاقه... فرج متربي قدام عيوني... نحن وجعتنا لعبه...ومن ورانا.... لو حكا مع باتك من البدايه.... وطلبك حتى بكلمه.... راه هضى كله ماصارش....
انا: هو كان خايف من بابا... عشان فرج مش مكمل وماعنده شي...
ماما: بس هوفي الاخير ولد خو.... يختلف ع باقي...
سمعنا صوت بابا روح...
انا:نبيش يشوف وجي هك... طفي ضي ع اساس راقده...
طلعت ماما وطفت ضي....ع خشت بابا...
بابا: راقده؟
ماما: اها...
بابا: قبل كنت بنحكي معاها في موضوع..
ماما: ان شاء الله خير..؟
بابا: في حد جا طلبها مني اليوم.... وانا عطيتها له...
ماما: من هم؟
بابا: جماعه كويسين... وناس محترمه...
انا فرحت... قلت هضى فرج...شكله طلع من هنا عدى لباتي ... وحكاله... وباتي وافق 😃
قمعزت ... وقعدت نفكر...كيف قدر يقنع باتي.... اصلا باتي يحب فرج من زمان...
اللللله واخيرا ☺
YOU ARE READING
صغيرتي♡ (مكتملة)💚
Romanceرواية ليبية شرقاوية تحكي علي قصة حب بين اعيال عم وتحكي علي عادات وقوانين صارمة في عائلتهم وكل شي ممنوع ع بنات العائلة النقال ممنوع الجامعة وزواج بدون راي البنت والحب ممنوع وهذي قصة فرج وندي كيف انتهت بسبب العادات وتقاليد الجاهلة💔
