بغداد ،،،، یوم الخمیس ،،، بیــت نتـالیا ،،، السـاعە 9 صباحا ...
ام نتالیـا (بصیاح): وليييييي لچ نونو گعدي راجعي ،، شایفة ساعة شگد !!!
فتحت عیني دا ارید اشوف الساعة شگد عیوني مغوشة و افرك بیهـن و باوعت ...
نتاليـا : شبیچ یوم بعدهـا ساعە 9 فززتیني عبالي ساعة 2
ام نتالیا : عزا العزاچ لیش هم تریدین تگعدین ساعە 2 باللە ما تسویها
نتالیـا (بتعب): لعد خلیني اكمل نومتـي
ام نتالیـا (بصیاح): انچبي لچچ تگعدين لا اجیب النعال اشوه وجهچ من صباحیات الله
نتالیا (بضحك): ههه ماشي گعدت گعدت یعني الا تجیبین طاري النعال بالنص اووف منچ یمە
ام نتالیا : اي لعد شلون غیر هیچ تمشون عدل ،، یلا گعدي ام لسان عندچ امتحان کیمیاء و مگضیتها نوم یا تمبل العالم تراجع و انتي بس تنامین چنچ نعجە
نتالیا : تره الامتحان یومي و صفحة وحدة سهل و قاریته كله (احچي واني اگعد من السریر والم بشعري)
ام نتالـیا : دیلا بدلي بین ما اجهز الرییوگ
نتالیا : ماشي
نزلت جـوە سبـحت و بدلت و جففت شعري و لمیتە سویتە ذیل حصان و طبیت للمطبخ شفت امي مجهزة كلشي و ردت اگعد عل السفرە سمعنا صوت الباب یندگ
ام نتالیـا : خیــر یا ترە منو جاینە ؟؟
نتالیا : یمکن سیف راجع من الدوام
ام نتالیا : یا سیف ما تعرفینو یرجع ساعە 3 شو هسە بعدها ساعە 10 ما صایرة
نتالیا : بلكد ماخذ اجازة
ام نتالیا : دروحي بالله شوفي منو
رکضت للباب ارید افتح اشوف منو فتحت ...
نتالیا(بتعجب) : خالتي ؟!
ام ایاد : الله بالخیر ،، شلونچ نونو حبیبه گلبي
نتالیا : اهلین خالتي ،، انتي شلونچ
اماني :شلونچ نونو
نتالیا : هلا امونە حبیبتي (اتباوست ویاهم) اتفضلو
طَبو جوه و تلگتهم امي و سلمت علیهم تباوسو وگعدو بالهول ،،،
ام نتالیا : واللە مشتاقین هدی لیش ما تبینون لا حس و لا خبر شنو هالگطعة ما تگلیلي
ام ایاد : واللە شگلچ هیومە غیر ما کو مجال و انتي تعرفینو لابو ایاد بس اسبوع موجود بالبیت و هذا الاسبوع مگضیها بس شغل و مسواك للبیت
اماني : اي والله خالتي يا دوب نشوفو
ام نتالیا : الله یحفظه ،،، بس اقلها یجیبكم ایاد بطریقه شعدكم مو احسن من گعدة البیت ... شوفي هسه شگد حلوو کاعدین و متونسین
ام ایاد : اي والله صدگتي یا خیه،،، بس والله هیومة احنه الیوم جیتنه عندكم ما هو زیارة عادیة جایین وعدنه طلب
ام نتاليا : ٲمري حبیبتي و احنه ننفذ
ام ایاد :ما یٲمر علیچ ظالم ،،، والله جاین نطلب اید نونو لاسامة !!
( نتالیا )چنت توني دا اطب اگعد یمهم من سمعت هیچ گالت حسیت ضربوني 16 راشدي مره وحدة !!!!
نتالیـا (بتعجب) : شنووووو!!!!
ام ایاد : شبیچ یمە نونو شو اتعجبتي ؟؟
ام نتالیـا (بتعجب):ههه شدا تگولین هدی تتشاقین مو ؟!
اماني(بانزعاج) : ولیش حتی تتشاقە یا خالە شبیە خویه شایفین منو شي ؟؟
ام نتالیا (بتوتر): لا حبیبتي ما بي شي بس استغربت لان اكو فرق بین عمرهم یعني شلون
ام ایاد :لا یا هیومة وین هو كلها 5 او 6 سنوات ما هوایە،، بعدین هو اولـە بیها من الغریب وین تلگون احسن منو؟
ام نتالیـا : لعد دراستها شلون
ام ایاد : یا دراسة یا صخام ،،، خیتي هي نونو شراح تستفید لو تكمل دراسة تالیتها تگعد و تستچن تنتضر قسمتها وین حتی تعیین ماكو هیاتها حتی اماني بطلناها هي بس الابتدائية تتعلم تقره و تكتب و خلص ما یحتاج
ام نتالیا : واللە ما اعرف شگلچ یا هدی؟؟،، بس اني شبیدي غیر تطلبوها من ابوها
ام ایاد : ما علیچ هیومە باچر اسامة راح یجي و یجیب ابوه و عمامو و عاد نطلبها من ابوها
ام نتالیا : یصیر خیر ان شاء الله
امي و خالتي یتناقشون واني مسطورة و بعالم ثاني .. شنو دیصیر اني اتزوج اسامة !!!! هذا النسونچي الدایح .... لا و یریدون یبطلوني من المدرسةو اگعد ویاهم مثل الخدامة !!!! بمجرد تفكیري بالموضوع كزبر جلدي و بقیت اباوعلهم و ما احچي شي و همه یتفقون بلا ما وحدة منهم تسٲلني حتی عن رٲيي !!!
ضلیت مصدومة لحد ما سمعت صوت هورن الخط مالي ،،، طلعت من البیت بلا ما اسلم علیهم چنت ضایجة و احس العبرة خنگتني صعدت السیارة و اني مصدومة كل الي چنت احس بیە اني مخنوگە حیییل و الدمعة بطرف عیني ،،،
للحظة اتذكرت طفولتي كلها و شلون اني و اسامة من چنە نلعب سویە ،،، همه بیتهم چان بالانبار بعید عن المدینه ،،، تقالیدهم تختلف عن تقالیدنه عدهم البنیه عیب تطلع و تدرس و الا لازم تلبس حجاب عکسنە احنە،،،، اني کل عمري حسبت اسامة مثل اخویة و بعمري ما فكرت غیر هیچ ... و اسامة من هو صغیر چان وکیح و ابو مشاکل و بالفترە الاخیرە عرفت من بیبیتي انو مشاكله زادت هوایه و كل یومیه مسویله مصیبة لو لاگفي ویه بنات لو ضاربله ولد و من هاي السوالف ...
خلي اعرفكم علی نفسي اول شي
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
ه اني اسمي نتالیا 😊عمري ۱٥ سنة صف ثالث متوسط شكلي حلوة وام خدود و عندي غمازات ،،، بشرتي بیضه ،،، طولي ما احچیلکم قزمة هواية الي یشوفني يگلي انتي واصله للثالث 😑اي عیني لعد شنو هههههه،،، جسمي متناسق لا سمینة و لا ضعیفة وسط ،، و شعري طويل و لونة قهوائي غامق من فوگ و فاتح من جوە ،،، عیوني قهوائية غامقة ،،، شخصیتي حبابة و شعبیة یعني یحبوني الناس بساع و حشاشه حیل یمكن هوایتي الضحك ،،،راســي یابس من اقرر شي اسوي الي براسي حتی لو انگلبت الدنیا خبلة و عنودیة و ما یهمني ،،، اني وحیدة اهلي بس عندي اخیین اثنینهم همه اكبر مني ...
هیچ شکلي،،،، خبالاتي ما تخلص 😂😂
و هیچ جسمي ،،،،،
اني عشت طفولتي مدللة بابا یجیبلي كلشي اریده و احبـه و ما یرفضلي اي طلب
اخواني هم احبهم كلش وهمه یدیرون بالهم علیه دائما من واني صغیرة ،،،،،
چنت احب بیت خالتي هدی كلش و چانت علاقتنە قویة بیهم لدرجة انو 24 ساعة اروح لبیتهم وابات یمهم لان چان عدهم بساتین و مزارع دائما نطلعلها و نلعب بیها ... یعني حرفیا اتربیت ویا جهالهم .... لحد ما بیوم من الايام صارت فتنة بین العائلتین و اتعاركو اهلي ویا بیت خالتي وانقطعت علاقتنه بیهم نهائیا !!!! بوكتها چان عمري 5 سنوات و ما عرفت لیش اتعارکو اهلي ویاهم ؟
حزنت حیل من بطلنه نروح لبیت خالتي لان چنت کلش متعلقە بجهالهم و خصوصا ~اسامة~، ،، دائما چان بعیوني البطل و الامير و الملك و بقیة الولد كلهم اشرار ،،، لان چان دائما یدافع عني،،،، و من گد ما حزنت علی فراگهم اتمرضت و طببوني المستشفی و اكتشفو انو عندي فتحتین بگلبي و وضعي چان کلش حرج ... اهلي كلش انهد حیلهم من عرفو بالسالفة بس مچانو یبینون هالشي گدامي ،،، چنت اسمع الطبیب دائما یوصي اهلي علیە و یگول میصیر تركض او تتعب او تنقهر بس اني چنت صغیرة احب العب و اتحرر و اركض ویا الجهال بالروضة او بٲي مكان ما چنت احب اتقید بس للاسف انحرمت من هاي الحریة و ضلیت هیچ لحد ما وصلت للمرحلة الي اني بیها هسه
اما بالنسبة لبیت خالتي فما شفتهم ابد و یمكن نسیتهم هم... بس من صار عمري 12 سنە اتصالحو اهلي ویاهم بس هم ما گدرت اشوفهم لان علاقتنە بیهم بقت متوترە و ما چنە نروح یمهم ابد و لا همە یجون یعني مجرد اكو سلام بینه لحد ما انصدمت الیوم بهذا القرار المفاجئ ..!!!!
ــــــــــــــــــــــــــــــــــــــــــــــــــــــــــــــــــــ
واني صافنة بالطریق قاطعت صفنتي صوت بنیة وهي تهز بیه .....
حنان : نتاليـا نتاليـا
نتالیا (بتعجب) : شکو شصایر ؟؟!
حنان :ما تنزلین صارلي ساعة اصیحچ و انتي صافنة
نتالیـا : اسفة منتبهت ... يلا ننزل
طبیت للمدرسة و اني كٲني جثة و دتمشي بالي بغیر مكان وصلت للصف و....
ایمان (بصیاح) : نونوووو.....(و رکضت حضنتني)
نتالیا : ایمي فدوة حبیبتي شلونچ
ایمان : تمام وانتي ؟؟
نتالـيا : والله ابد مو زینة ( گلتها و الدمعە بعیني)
ایمان : لیش ولچ شبیچ ؟؟!
نتالـيا : مو هنا خلي نطلع للساحـة
ایمان صدیقتي واقرب وحدة الیه من بین كل صدیاقتي و دائما احچیلها کلشي یصیرلي لان هي مثل اختي و اعرف بیها ما تطلع اسراري خلي نعرفكم علیها اكثر ....
ــــــــــــــــــــــــــــــــــــــــــــــــــــــ
هلو اني اسمي ایمان عمري 16 سنة و صف ثالث متوسط لان تركت سنة ،،، جسمي مربره و طویلة ،،،، و بشرتي بیضة،،،، شعري لونه ذهبي ،،، عیوني عسلیة ،،، شخصیتي معقدة شویه و ما احب اصادق هوایة عكس نتالیا،،، انتقلت من مدرستي القدیمة قبل سنە لان شلنه بیتنا واتحولنه لغیر منطقة فٲضطریت انتقل و اول ما جیت لهاي المدرسة چنت وحیدە و منعزلە ما اختلط ابد اخاف اصادق بس چنت الاحظ نتالیا تحچي ویا الكل و تضحك و البنات یحبوها تمنیت اكون مثلها بهاي الصفة و بیوم من الایام بالصدفة گعدت یمي اتعارفنه و شویه شویة اتقوت علاقتنه و صارت اعز صدیقه الیه و الوحیدة هههه😂
هیچ شکلي
ــــــــــــــــــــــــــــــــــــــــــــــــــــــــــــــ
طلعنه بره الصف و رحنه للساحة و دنتمشه ....
ایمان : لچ احچي خرعتیني راح انجلط انتي شایفة وجهچ شلون مصفر
نتالیـا (ببکاء): الیوم بیت خالتي هدی اجوي و طلبوني لاسامة
ایمان (بتعجب) : شنوووووو!!! دتتشاقین مو
نتالیـا : والله العظیم
ایمان : انچبي نونو بلا چذب
نتالیـا : دا احلفلچ بشنو تصدگین انتي
ایمان :مدا اصدگ شلون ،،، انتي وین اسامة وین ،،،، من كل عقلهم راح یزوجوچ لهذا الساقط ابو الجگایر
نتالـیا (ببكاء): شمدریني والله راح اموت
ايمان : لعد انتي لیش وافقتي یا غبیة
نتالیـا : ما وافقت من كل عقلچ اني راح اوافق علی هذا السرسري لا وانوب یبطلوني من المدرسة
ایمان : لعد شلون ابوچ انطاچ ؟؟
نتالیـا : ابویة بعده میعرف بشي سمعتهم یگولون باچر راح یجوون یطلبوني منه
ایمان : الحمد لله عبالي ابوچ انطاچ همزین ،،، ما اعتقد راح یوافق واللە
نتالیا : واي بلكد ما یوافق والله كلش خایفة
ایمان : خلي املچ بربچ چبیر و بعدین مستحیل ابوچ یبیعچ بهالسهولە هو ماعندە غیرچ
و سمعنه صوت جرس المدرسة ....
نتالـیا : الله كریم ،،،، گومي نطب للصف لا ست اخلاص تعلسنه
ایمان : ههههه ولـي گدامي ام لسان ما تبطلین سوالفچ
یتبع ......
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
شنو تتوقعون یكون رد ابو نتالیـا و شنو رٲي اسامة بنتالیا انتضرو البارت الجاي ... ❤❤❤
#قَــزّومـّـتي_المـّســودِنـة