ماسوشيه
الجزء الثاني والثلاثون
صدفه غريبه
في يوم من الايام من غاب عنا سيعود ومن تركنا بدون سبب سيعلم اننا نحن من نضع الشروط نعم شروط العوده الينا من جديد اذا كانت توجد عوده من الاساس انت تركت دون سابق انذار وذهبت الي مهب الريح ذهبت بارادتك ولن تعود الا برغبتنا نحن هكذا تكون اصول اللعبه (فمن تركنا عمدا فنسيانه واجب علينا) ومن غاب دون قصد او لظروف خارجه عن ارادته لابد من سماع اقواله ان اقتنعنا عدنا وان لم نقتنع فلن نعود اليه مهما حدث ومهما فعل ... اياكم والبعد عن من احببتم فان البعد مدمر وقاتل ربما تاتي عليك بعض الضغوط وتاتي اليك بعض الظروف القهريه تغير في المود والمزاج وبهذا تحب ان تظل وحيدا تجلس بمفردك لتعيد افكارك من جديد وترتبها لتعلم ماذا تريد وربما تكون مشتت فكريا وحرفيا وهذا ما قد يجعلك تعتقد بانك ظلمت الكثير والله اعلم اانت ذاك الظالم ام انك من ظلمت في تلك الحياه القاسيه قفوا مع من قست عليه الدنيا وتغير بدون اسباب وتقبلوه حين يعود وطيبوا بخاطره وضمدوا جراحه فانها بامس الحاجه اليكم كوني راحمين يرحمكم الله .... ماسوشيه
وبعد خمس دقايق الموكب وصل ٤ سيارات واحده همر في المقدمه وواحده جيب والمرسيدس السودا ووراها جيب وقفت العربيات وما فيش اي حد مصدق الي ييحصل ده والكل علي نار عاوز يعرف مين الشخص ده
لين ...هما ليه عامين زحمه كده ميسيبوا الراجل ياخد نفسه اهو بينزل اهووو ايه ده مين ده مش معقوله
يزن ... ايه يالين في ايه مالك مش معقول ايه
لين ... انا مش مصدقه عنيا بجد
اميره... مالك يابنتي في ايه مستغربه من ايه انتي تعرفيه
لين ... ايوه اعرفه عز المعرفه
يزن... طيب مين ده فهمينا طيب متسيبناش زي الطرش في الزفه كده
لين .... عارف مين ده ياايزن
يزن... لا مش عارف خلصي قولي متنشفيش دمنا بقا ..
لين... ده شريف
يزن ... نعم انتي بتقولي ايه ده شريف بتاعنا شريف الي بتحكي عليه وبدوري عليه
لين... ايوه هو
اميره..... وايه النقله الكبيره دي بس بصراحه عندك حق مز بجد ويستاهل كل العناء ده بجد مز مز يعني
يزن... بتقولي ايه ياروح امك
اميره... والله ياروحي ما قصدي حاجه وبعدين هو في حد في جمالك وحلاوتك ورجولتك
يزن ... بحسب
لين سرحانه وبتبصله جامد نفسها تنده عليه نفسها تروحله وتسلم عليه نفسها تضمه بس مش قادره نزل شريف من عربيته ومعاه الحراسه بتاعته وقص شريط الافتتاح ودخل الفندق وطلع فوق لمكتب الاداره ومعاه رجلته ومدير الفندق وكله تمام شريف اتغير خالص في طريقه لبسه وهندامه بقا شخصيه مش هينه والكل بيعمله الف حساب شديد جداا ومبيقبلش باي اخطاء في العمل اطلاقا ومش بيبص علي حد ولا بيشغله حد ولين في ذهول ومش مصدقه انها شافت شريف ومكلمتهوش ولا عارفه توصله ويزن بيبص عليه وحزين انه مش عارف يعملها اي حاجه خالص وهنا قررت لين انا تطلع لحببها وكان حلمها بيه اتحقق بسرعه غير متوقعه طلعت المكتب فوق لقت الحراسه علي الباب فطلبت منهم انها تقابل شريف فقالولها انوا عنده اجتماع ومانع اي مقابلات غير بعد الاجتماع طيب الاجتماع ده بيطول .. والله يافندم علي حسب مش عارفين احيانا ساعه واحيانا اكتر طيب تمام جلست لين منتظره خروج شريف وانتهاء الاجتماع بس ما فيش فايده مطلعش من جوه فراحت تاني وسألت قلولها يافندم لسه محدش خرج ... هو اجتماع ايه ده ... شريف بيه مجتمع برؤساء الاقسام وعشان الاحراج يامدام اتفضلي تحت ... طيب انا عاوزه اقابله .. يامدام انزلي تحت وهو نازل كلميه عشان متعمليش لنا مشاكل الله يرضي عليكي.. بقلك عاوزه اقابله ... وانا قلت لحضرتك مش هينفع تقبليه واتفضلي حضرتك عشان منستخدمش العنف... وعلي ايه طيب انا هنزل ... نزلت لين وهو مش مستوعبه كل الي حصل وقت وعنيها علي السلم منتظره لحظه نزوله ويزن واميره راحوا عندها لين انتي واقفه كده ليه انتي قابلتيه ... لا ياايزن عنده اجتماع مع رؤساء الاقسام ومرضوش يدخلوني ... طيب والحل ايه ... هستناه لحد ما ينزل كل ده وهي بتفكر هتواجهه ازاي هتاخده في حضنها ولا لا افكار كتير في راسها وبعد ساعه تقريبا لقت الصحفيين بيجروا ناحيه السلم عرفوا انه نازل وفعلا شريف نزل مع المدراء وافراد الحراسه والصحفين والمذعين محوطينه وكل واحد بيتكلم معاه كل ده ولين بتحاول توصله وبتنده عليه بس من الدوشه مش سامع وخصوصا ان الكل بيقول شريف بيه شريف ماستر شريف فضلت تزق وتعافر لحد ما وصلت عنده قدامهاوقدامه شخض واحد. وخلاص هتوصله لقت البودي جارد مدخله ست سلم عليها وباسها وحطها تحت باطه لين شافت المنظر ده ورجعت ورا علطول وعنيها كلها دموع شريف اتجوز وبقا عنده حبيبه شريف انجوز وبطل يحبني وشالني من قلبه وانا الي كنت منتظراه وعلي امل انه هيرجع ليا ياااه علي دي دنيا مبتديش الحلق الا للي بلا ودان انا متتظراه وهي عايش حياته شال حبي من قلبه انا مش هلومه لا مش هلومه ولا اعتب عليه لان ده حقه طبعا بعد الموقف السخيف الي حصل وهل ياتري البنت دي ساديه ولا لا عرفت تخليه ينساني ازاي اه اه اه علي العموم ربنا يهنيه يارب ....
خد شريف البنت الي معاه في ايده ومشي خرج من الفندق ووراه رجالته ولين خارج وراه بتبص عليه وكانها بتقول يارتني كنت موت ومشفتش اللحظه دي يارتني معرفتش هو فين ولا عرفت مكانه ومكنتش شفت حد غيري معاه ركب شريف السياره والسيارات اتحركت لين عنيها اتملت بالدموع وقالت
مع السلامه ياغالي وداع يافرحه عيني يارب اشوفك عالي واملي منك عيني
ومع السلامه الفين سلامه مع السلامه ياغالي
نصيب وكان غلاب خلاك تعيش مع غيري ماعدش بينا عتاب اصبحت ملك لغيري
مع السلامه الفين سلامه مع السلامه ياغالي
واوعي تنسي ياغالي يوم الفرح تدعيني واملي منك عيني واقول يافرحه عيني
مع السلامه الفين سلامه مع السلامه ياغالي
انا مش هلومك تاني ولا هسالك ايه ذنبي سيبني اعيش وحداني ويا الالام وجرحي
مع السلامه الفين سلامه مع السلامه ياغالي
لحظه غروب الشمس والدنيا مروحه عاود حبيب الامس رجعني للصبا
مع السلامه الفين سلامه مع السلامه ياغالي
وليك انا غنيت يادنيتي وناسي وان كنت مره اسيت حقك علي راسي
مع السلامه الفين سلامه مع السلامه ياغالي
بعد الكلام الي يقطع القلب ده الي قالته لين وكانت في حاله غريبه جدا حضنتها اميره جامد وهي بتعيط ويزن اتاثر جدا بالموضوع ده فرحه لين اتقلبت لحزن جامد جواها خدتها اميره ومعاها يزن ومشيوا راحوا علي الشاليه وهي ساكته ومش بتتكلم ولا عاوزه تاكل دخل يزن وكلمها وقالها ...
لين اعتبري انك مشفتهوش اصلا اعتبري انه مكنش موجود والي شوفتيه ده مش هو شريف لازم تفوقي لنفسك بقا عشان صحتك الزعل مش حلو عشانك خالص وكل شيء نصيب تعالي نتمشي شويه علي البحر ونشم هواء نظيف شويه يالين مش هينفع كده بجد يالين يالين يالين وهي مش بترد فتحت شنطتها وطلعت قطر من شنطتها ورايحه بيه علي شراينها مسك ايدها شريف وفضل يضرب فيها بالاقلام ويقلها انتي بتعملي ايه يامجنونه اترمت في حضنه وحصنته جامد وقالت انا تعبان يايزن تعبانه جامد ارجوك متسبنيش لانك لو سبتني في اي لحظه هموت نفسي واميره بدمع وعيونها رغرغت بالدموع بس الغيره قايده نار في قلبها لمح يزن ده فيها شاورها تطلع بره وقعد يملس علي شعر لين ويقلها العيون دي متعيطش يالين معلش اهدي خالص اهدي انتي عارفه ان شريف مشفكيش ومخدش باله منك ولو شافك كان هيجيلك اهدي ياالين ونامي اهدي نامت لين جوه احضانه وغطاها وخرج بره بصتله اميره وقالت
ممكن تفهمني ايه النا شفته جوه ده
البنت كانت منهاره وهتموت نفسها حرام عليكي كانت محتاجه للحنان
اه والحنان ده في حضنك وبس
بقلك ايه انا مش ناقصك والله ولو مسكتيش والله ما هنام هنا وهمشي
اه ما هو ده النتي شاطر فيه
اقسم بالله لو مسكتي لهخلي ليلة ابوكي سوده فاهمه ياحيوانه
انا اسف ياسيدي معلش بس بغير عليك اعمل ايه بس مقدرتش اشوفك كده مقدرتش
قومي نامي معاها وخلي بالك منها
حاضر
انا خارج
حضرتك رايخ فين
نازل اتمشي شويه عشان مخنوق
ماشي ياسيدي اتفضل
خرج يزن يتمشي علي البحر ويفكر في كل الي حصل وتخيل لين وهي في حضنه وريحتها الجميله ولما ملس علي شعرها الحرير وفجأه التليفون رن اميره
يووه يااميره حتي في خيالي وحلمي بتغيري ومعكننه عليا ربي لا اسالك رد القضاء ولكني اسالك اللطف فيه...
الو
ايوه يايزن
خير يااميره في حاجه
لا كنت بطمن عليك بس
انا كويس متقلقيش
ماشي ياروحي متتاخرش
مش هتاخر متقلقيش
مشي يزن وهو بيفكر في حاله لين وانه لازم يلاقي حل ليها ويقف جنبها حتي لو كان عينه منها بس مينفعش لانه مريضته وثانيا صاحبة مراته وهنا خطرت في باله فكره طلع تليفونه واتصل بااحمد صاحبه مدير الفندق الي عزمه
ايوه يااحمد بيه يجناب المدير العام
حبيبي يادكتور يزن
ايه الدنيا
فل ياغالي
صاحب الفندق مشي
ايوه راح الشليه بتاعه في دهب يقعد فيه
طيب ياااحمد انا عاوز منك خدمه
انت تامر لو اقدر عليه
هتقدر ان شاء الله
ان شاء الله قلي ايه هي
عاوز اقابل شريف بي
ليه
هكون عاوز شغل يعني عاوزه في موصوع مهم
والله ما اقلك غير كل خير انا بكره رايحله دهب ابقا تعالي معايه واعرفك عليه انك صاحبي
بجد يااحمد
اه بجد ياشريف
تسلملي ياابو الصحاب
فرح يزن جداا بالخطوه الايجابيه الي وصلها دي وراح علي الشاليه ودخل اطمن علي لين واميره وقل اميره ها هي كويسه ردت عليه ايوه نايمه وكويسه فصل يزن قاعد بره منمش وقال لاميره نامي انتي شويه والساعه عشره الصبح رن تليفونه وكان احمد وقاله جهز نفسك خمس دقايق هكون عندك لبس شريف وجهز نفسه وخلال خمس دقايق كان احمد عنده ركب معاه سيارته وراحوا علي دهب ودخلو عند شريف كان قاعد علي البحر وسرحان قرب منه احمد ويزن
احمد... صباح الخير ماستر شريف
شريف... اهلا صباح الخير يااحمد اتفضل
احمد ... تسلم اعرفك الدكتور يزن صديقي ومعجب جدا بحضرتك وكان حابب يتعرف عليك
شريف... اهلا وسهلا تشرف يادكتور في كل وقت
يزن... ربنا يخليك شكرا وسعيد بمعرفه حضرتك
شريف .. ها يااحمد عملت ايه
احمد....كل الي امرت بيه اتنفذ قاعه افراخ راشيل خلاص جهزت وعلي الافتتاح بس وقاعه المؤتمرات الي باسم لين خلاص جهزت وممكن نفتتحوهم بكره
شريف ... هايل يااحمد مش عاوز اي غلطات خالص يااحمد انا بثق فيك وانت عارف واحنا اخوات من ايام ما كنا في الغردقه يووه يااحمد نستنا نشوف الدكتور يشرب ايه تشرب ايه يادكتور
يزن... لا مالوش لزوم
شريف ... ياراجل انت اول مره تجينا انا لسه مشربتش قهوتي تشرب معايه
يزن... تمام ماشي
شريف... ياعبده هات ثلاثه قهوه لو سمحت قلي بقا يادكتور حضرتك دكتور في ايه
يزن... انا دكتور نفساني
شريف ... ياساتر يارب ما احتاح لكم ابدا
يزن.... هههه ليه بس هو احنا مش بنعالج غير المجانين بس عندنا ناس بيكون جواها حاجات كتير وخابه تفضفض وبنخرج الي جواها وبسهوله وبنلاقي ليهم علاج
شريف .. بس انا الي جوايا مالوش علاج عندك
يزن... طيب احكيلي يمكن تلاقي عندي علاج
شريف... عندك علاج ينسيك حبك ووجعه الي في قلبك وانك متفكرش في الي بتحبه
يزن ... وليه تنسي حبك وهو موجود وعايش جواه
شريف... عشان مش ليه
يزن... ومين قال كده ياشريف بيه لما تكون بتحبه وضحيت عشانه كتير حتي انك انضربت بالنار عشانه ووقفت في وش العالم كله عشان حبك وانه يكون شايل نفس ميولك وانك تكتب قاعه باسمها وبعد سنه ونص لسه فاكره اعتقد مستحيل تنساه
شريف.... لا استني بقا انت دكتور ولا ساحر قلي
يزن ... دكتور طبعا
شريف... والدكتور يعرف كل ده ازاي دي حاجات كله حصلت بالفعل وكل الي قلته ده حصل ومحدش يعرفه غير انا وهي
يزن... انا اغرف اكتر من كده اعرف مودا او اقول راشيل وثروتها وخليل برهان والي حصل معاه وجاك كمان واول مره شفت لين في محل الميك والاب والاسطوانات ودخولك السجن غشانها
وقف شريف من علي كرسيه وراح ليزن ومسكه باديه الاتنين من ياقه قميصه وجذبه ليه وقومه وقاله انت مين وعرفت الحاجات دي منين قالي او هقتلك هنا قول اتكلم قول... حاضر حاضر سيب بس رقبتي عشان اعرف اتكلم ... اتكلم ... عرفت من لين ..... من لين فين لين .. هنا وشافتك امبارح وكانت هتموت وتكلمك بس لما لقت معاك ست بعدت عنك ومردتش تكلمك وقالت انك مش ليها وجالها صدمه عصبيه ... هي فين دلوقتي انطق هي فين... في شاليه الي في شرم ... ياعبده حضر العربيه بسرعه بسررررررعه ..حاصر يابيه حاضر.... اسف يادكتور بجد مقدرتش اتمالك اعصابي خقك عليا معلش ... ولا يهمك بس خف ايدك شويه .. معلش بقا هي لين كويسه طمني عليها كويسه.. ايوه تمام ... طيب يالا بينا غشان نروح لها بسرعه يالا ..
خد شريف العربيه وخد يزن معاه واتحهوا ناحيه الشيليهات ودخل يزن وشريف الشاليه ودخل غرفه لين ولكن...........
انتظروا الجزء القادم
من
ماسوشي
بقلم
الراقي
بعتذر عن البارت الي فات كان صغير وفي غلطات كتير لاني كتبته واتا بنام عشان متزعلوش اتمني البارت يعجبكم ومنتظر تعليقاتكم ولايكاتكم
الراقي