SUNUD-SUNOD ang tango ni Sari. Darating siya sa kasal ni Ralph upang ipakita kay Aldon kung ano siya ngayon. Still very young and successful. In a way, mayroon siyang dapat ipagpasalamat sa lalaki. Kung hindi niya natuklasan ang totoo, hindi niya mahahanap ang sarili niya. Ang lahat sa buhay niya ay nakadepende rito. Hindi niya mare-realize na marami pala siyang puwedeng gawin maliban sa maghintay sa asawa maghapon.
Ngunit aaminin naman niyang she was happy being his wife. Life was so simple. Hindi paris ngayon, when everything was complicated dahil hindi na niya alam kung paano maging masaya. Masaya siya sa takbo ng kanyang career. Still, she couldn't get over her longings. Minsan, masusumpungan na lamang niya ang sarili na nangangarap sa nakaraan. When happiness was hers.
She sighed. If only she could fall in love again, then she would have everything. Ironic that when life offered you so many things, it also reminded you that they were not everything.
"Excuse me," ani Ralph, sapagka't tumunog ang cellphone nito at pumasok sa kusina upang sagutin iyon. Ngunit hindi pansin iyon ni Sari. She was thinking of what used to be, when she had everything and lost it.