علاء الاء من نزلت الغرفه امي ما دحكت وجها تخدمني من بعيد من اطلع تدخل للغرفه تنضفها وتغسل ملابس وتطلع اسبوعين ما دحكت وجها ولا هي تبين كدامي خديجه اخذتها للدكتوره تكول اسم الحمل ماكو وجبرتها انو تسوي فحص عذريإ طلعت بنيه وما بيها اي عيب شنو اللي ديصير ومنو الو مصلحه يسوي هيج ماعرف معاملتي وياها اختلفت تماما شكد جنت احترمها واكول طفله بس كرهتها وطلعتها من حياتي صارت مجرد خدامه الامي اجه يوم اربعين ابوي اهلها ما اجو بس مازن ومروه اللي عرفتو ابوها تعب ويكول شلون ادخل الأنبار والحجي ما موجود بيها اما مازن بقه من الصبح العصر رجعو الكربلاء من بعد ما خلصت السالفه مال الاربعين و هوستو دخلت للبيت دحكتها واكفه تنضف وحدها بالمطبخ طلعت مت المطبخ دحكت سوسن وهديل يسولفن ويضحكن شكد اكره هذن الزوج دخلت الغرفه الحجيه تمددت ع تختها وهي كاعد اتصلي شوي دخلت الاء اخذت فلوس وطلعت طلعت وراها اريد اعرف المنو تريد تنطيهم و شنو تريد دحكتها وكفت يم مسلم ابن مخلد عمرو 8 سنوات كاتلو أريد اربعين شمعه كلت شسوي بيهم ضليت كاعد بالصاله رجع مسلم انطاها الشموع اخذتهم و دخلت للمطبخ خلتهم ع الكاونتر بالسره واحده صف الاخ شغلتهم و طلعت من الباب الثاني طلعت وراها دحكتها راحت للمغسله توضت انه رجعت للغرفه الحجيه ضليت متمددت ع السرير دخلت اخذت حرام و القران وطلعت كانو ما موجود كدامها ضليت كاعد امي عيونها علي كانما تريد تحجي اعرف شنو تريد تكول وانه متأكد من اللي راح تحجي صحيح بس لازم اعاملها بجفاف اريد اعرف منو سبب هاي المشكله اللي عرفتو من أمي محد اجه بهذاك اليوم بس اللي بالبيت وهاي السالفه ملعوبه واللي لاعبها واحد من البيت متاكد من براءه الاء بس اريد اعرف منو اللي يريد يخرب صورتها طلعت دحكتها كاعده تقرأ قران صوتها مسموع مشاق الها وهي تقرأ مشتاق اسمع كلام الله بصوتها مشتاق الحضنها الثولها الكل شي بيها مشتاق بس شحجي شكول اعرف بمجرد ما راح تظهر كل الحقيقه راح تتركني وتروح ضليت واكف استمعلها هي ما تدري بيه لحظه ثانيه دقيقه ساعه يوم شهر سنه قرن كلهن يخلصن بلمح البصر من اكون يمها ماريد تلاحظ هتمامي بيها تركتها ودخلت للمطبخ اربعين شمعه وصوره ابوي ضل هذا المنضر بالي شنو معناها ليش صعدت للغرفه اووف وحشه مو غرفه صوتها ماكو اتذكرت شكلها من رجعت وصفا معصبه تمددت ع التخت وحضنت مخدتها كرهت نفسي من شكيت بيها ليش بكلشي استعجل ليش ما عندي صبر ليش ما سمعتها نمت وانه اشتم عطر مخدتها كعت يوم ثاني نزلت كالعاده الريوك جاهز وهي ماكو كعدت أكل كملت خليت مصرف يم الاكل وكمت ولو مثل يوميه راح ارجع والكاها مخليتو ع ميز تواليت طلعت للشغل مثل يوميه ماكو شي مميز بي كلت اطلع يومين البغداد ارتاح شوي أخذت اجازه اتصلت ع صفا تحضر ملابسي ع ما ارجع فعلا رجعت للبيت ونثل ما اتوقعت المصرف بالغرفه خليتو الها ع جهة ويه مصرف يوميه اخذت الجنطه ونزلت ودعت امي وخليت مصرف الها وللبنات كل وحده مصرفها وحد وطلعت دحكتها واكفه بالمطبخ هي و صفا ودعت صفا وطلعت احس عيونها تراقبني بس ثولتها وطلعت وصلت البغداد دخلت للشقه ما صارلي هواي من جاي البغداد فالشقه نضيفه دخلت اتصلت ع شهاب
شهاب. هلا بالزين وين صرت يابه مشتاقين
علاء. هلا بيك اليوم تتجمعون لو لا
شهاب. يي ليش ما نتجمع مثل يوميه جوه جسر الجادريه
علاء. عجل انه اليوم جايكم بلغ الشباب
شهاب. لا والله صدك من يمته بغداد خاين
علاء. قبل شوي وصلت للشقه ارتاح شوي واجي عليكم
شهاب. هلا بالزين كله ننتظرك وشكلك محمل هموم
علاء. والله ياخوي حيل محمل وبعد ما عندي طاقه اسكت
شهاب. يلا ياخوي تعال نسمعك ماعدنه شي
علاء. يلا ب12 يمكم مع سلامه
شهاب. الله وياك ضلع
علاء نهيت الاتصال ونمت حلمت بالاء لابسه ابيض وكاعده بيدها قران بعيده علي تقربت عليها اريد احجي وياها احس اكو حاجز شفاف بينه مااكدر اتقرب احجي وياها ما تسمعني دحكت اكو بنات واكفات يضحكن وجوهن مو واضحه اختنكت بالحلم كعدت دحكت ع الساعه ب11:30 حيل شكد نايم كمت فتحت الجنطه ترتيب الاء مو صفا طلعت ملابس ودخلت للحمام أخذت شاور وطلعت من الشقه رحت للمكان اللي يتجمعون بي الشباب بس شهاب موجود سلمت عليه وكعدت ضلينه نسولف سوالف عامه شوي شوي بلشو الشباب يجون
شهاب. يي اليوم نسمع علاء ﻹن شكله محمل هواي
مروان. يي نسمع شنو عدنه نحبل نجيب
عماد. والله هوه شكله ما يبشر بالخير احجي بعد اخوك شصاير
علاء. ماعرف منين ابدي محتار سالفه تخلي العقل بالكف
مروان. كول وان شاءالله نكدر نساعدك
علاء. قبل فتره اكتشفت مرتي تخوني
شهاب. لحظه لحظه شلون تخونك مكالمات او علاقات فراش
علاء. اثنينهن
شهاب. يي وشنو سويت من عرفت وشلون عرفت
علاء. قبل فتره من مات ابوي هي كامت تنام ويه امي لان تعبت هاي الفتره بيوم رجعت للبيت كالعاده كعدت يم امي هي جابت الأكل وكعدت وانه اتغده سمعت صوت موبايل يرن ضليت اتبع الصوت لحد ما لكيتو فتحت الخط ولد يحجي ويكلها وكعتي الطفل لو بعدج مانريد ننفضح من نهيت الاتصال دخلت ع المحادثات كلها كلام استغفرالله كلام منحط و سخيف
شهاب. اعذرني ع هاي الكلمه بس انته اغبه انسان شفته بحياتي يعني لو جهازها ما تخلي عام تخلي سايلنت وما تخلي بدون باسورد
مروان. صح كلام شهاب يمكن حيله يردون يوكعون بينكم وحته لو هي حامل يمكن الطفل منك مو من غير رجال
علاء. هي لو حامل الطفل مو مني لان لليوم ما متقربلها
شهاب. شنووووو و ليش عوود
علاء. اخاف اتقرب منها وهي بعدها طفله عمرها ما يطلع نص عمري شلون اتقرب عليهما انته لو تدحك نظراتها بليله العرس شلون تكسر خاطر اكبر رجال ما كدرت اتقرب منها ولليوم هي ما تريد اتقربلها
شهاب. وانت مصدك اللي سمعته واللي شفته لو هيج منا والدرب وبعدين اكو شي اسمه فحص خلي تروح تسوي مو صعبه عليك ولا عليها
علاء. راحت و فحصت وكلشي سليم لا اكو حمل ولا فاقده عذريتها
شهاب. وشلون صار كل هذا اذا هي ما بيها شي
علاء. انه متاكد حته الجهاز مو الها اكييد اكو لعبه
مروان. وشنو مصلحتهم من كل هذا ما كاعد افهم وليش ويه مرتك يمكن الجهاز مو الها الوحده ثانيه بالبيت و وكعت براس هل مسكينه
علاء. ماعرف دخت من وره هأي البنيه شسوي ماعرف
عماد. اسمع اذا لعبه عليها انته ضل عاملها بجفاف إلى ان تكتشف الحقيقه واذا الجهاز مو الها والوحدة ثانيه فهذا موضوع ثاني شوف منو من نسوانكم بايعه روحها و طاحت براس هل مسكينه
علاء. الصراحه ما فكرت بيها بس والقران لو اكضبها الهاي الكح... املصو الراسها واخلص منها ضلينه نسولف للساعة ب3 يلا رجعت للشقه ماكو نوم دخلت ع الصور عندي صور الها هواي اخذلها بدون ما تدري ضليت ادحك عليها دخيل ربها شلون بنيه تركص الميت جهازها عندي طلعت جهازها بدون رمز جنت دائما اسئلها ليش جهازج بدون رمز تكلي ماعندي شي اضموو واذا ع الصور مخفيتهم ومخليه 3اقفال وحساباتي ما يتهكرن لان مخليتلهم حمايه دخلت ع الاستوديو دخلت مواليدها انفتح طلعلي قفل ثاني دخلت مواليدها ما نفتح دخلت مواليد مازن هم ما انفتح دخلت رقمها ماكو حتاريت شنو الرمز دخلت تاريخ زواجنه انفتح طلعلي قفل انعل والديها ع هل حمايه اللي مخليتها شدخل هسه كلت أدخل مواليدي واشوف دخلتهم انفتح بسرعه ضحكت عليها طلعت صورها قبل العرس صور بوضعيات توكع اكبر رأس ع هل حركات ترفع بصدرها لو بملابس نومها دخلت ع مقطع نايمه ونص جسمها طالع كلابيتها واصله الضهرها كلشي مفضوح وديصورنها البنات ويضحكن عليها وذبن عليها مي وطفرنها من مكانها ضلن يضحكن عليها وهيه كامت ع البنات وضلت تضربهن وبعدها كامت تضحك وياهن خلص الفيديو لو نلعب بحالي ع هل منظر اللي دحكتو اريد انام مااكدر رجعت فتحت الفيديو وادحك بي انصطرت ع راسي بالكوه نمت
الاء من نزلني الغرفه الحجيه ارتاحيت منو وحققت رغبتو وما خليتو يدحك وجهي اخدمو من بعيد اكعد قبل لا هو يكعد احضر اكلو واخلي ع الطاوله بالمطبخ قبل لا ينزل ب5 دقايق ضبط ادخل للغرفه من يطلع ادحك مصرف ويه الاكل اخذو ومن اصعد ادحك الغرفه صاير بيها انفجار ابقى انضف بيها اكملها اخلي الفلوس واطلع اخذ ملابسو اغسلهم جوه اخاف يجي واني بالغرفه ويسويلي مشكله ضليت ما احتك بي خديجه اخذتني للدكتورة سويت تحليل كامل مو بس عذريإ او حمل رجعت للبيت افور بس مااكدر احجي اخذت البطانية وتغطيت وضليت ابجي ماعندي شي ثاني اكدر اطلع قهري بي غير الدموع لليل اجه علاء وكلتلو الحجيه نتيجه التحاليل هو ما كال شي اخذهم وطلع استمر وضعنه هيج بيوم أربعين الحجي اجو بس مازن ومروه ابوي ما يريد يدخل الانبار من بعد موت الحجي امي بقت يمو ماتقربت الاحد الحجيه مالها دخل بشي خديجه ما تركتني كله وياي طالعه أتمشى بالحديقه وعيوني ع البيت احس هذا البيت ع الرغم من سعتو وكبرو بس يخنك كعدت باب المطبخ علاء بالشغل اليوم اتاخر ما عرف ليش وما يهمني عيوني ع السما الدنيا زوال الشمس دتغيب 6أشهر مر ع وجودي 6أشهر بهذا البيت كل يوم اعيشو بفرح أعيش أضعافو بحزن وقهر حياتي بهذا البيت اشبه بعذاب اريد ارجع الحياتي القديمه اريد ارجع الاهلي ماريد لا علاء ولا غيرو بحياتي
كاعده باب المطبخ عيوني ع السما وضع الموصل مو زين احتلها داعش او مثل ما يدعون الدوله الاسلامية بالي كلو باللي صار وياي منو اللي يريد يخرب حياتي ليش هيج ربي لا احتك بيهم ولا ادخل بحياتهم ليش مستحقرين وياي علاء هه علاء بس اسمو زوجي صارلنه 6أشهر متزوجين حالي حال الخدامه بهذا البيت هو حارمني من كلشي من السالفه حاقد علي احسان هو سبب دماري هو وعدني بهواي أشياء وعدني يتزوجني و اكمل دراسه شكول عليك يا مازن ما لكيت غير مروه تحبها ماكو غيرها اهلي من رجعو الكربلاء ما سئلو عني ابوي ما يريد الانبار يكول يخنك بدون الحجي حته اتصال ما يتصل كانو ماعنده بنت ساكنه هين علاء شد وياي كلش هذا ممنوع هذاك ما مسموحلج لآ ادحكين مسلسلات ما مسموحلج تطلعين بره كرهتو حيل هه ليش اني حبيتو طبعو صعب ما ينحمل فزيت من صفنتي ع صوتو
علاء. انتي شسوين هين مو كلت ممنوع طلعين بره
الاء. عجل وين اروح اموت نفسي وترتاح
علاء. حدري هين السانج طولان اكصوو والله
الاء. خلص اتركني ارحمني ابوس ايدك كافي
علاء. سمعي لج انتي كلج خلك وحده ساقطه اهلج شمروج علي صارلهن بالشهرين منو سئل عنج منهم ولا تنسين انه ساتر عليج اذا تردين ابوج ومازن يعرفون بسوايتج عادي الحين اتصل واخبرهم
آلاء ماكدر ارد وبابا كلشي عندو مسموح الا الشرف اعرف مالي ذنب بكل اللي ديصير بس هذا اللي صار اذا وصل الاهلي واني ماعندي دليل انو هذا مو الي ومو سوالفي دخلت الغرفه الحجيه هيه اربعه وعشرين ساعة نقالها ع ذانها وتحجي ويه خديجه تمددت ع التخت وصفنت ع السقف شنو يصير لو ما جايه هين لو باقيه بكربلاء بيت ليان بابا ميكول شي ليش اجيت هين وخربت حياتي اوووف يامازن انت مرتاح ويه مرتك واختك شافت ضيم من هذا اللي اسمو علاء ربي شسوي طالعه روحي من يوم اللي مات الحجي انام بغرفه الحجية عشتو عود متزوجه بس بالاسم حته زواجنه مو شرعي اتمنه امي تتصل علي مشتاقتلهم مشتاقه ليان والبنات كلهن الله لا ينطيك يا علاء خربت حياتي حته ما وفه بوعدو كل اللي رايدتو اكمل دراسه وهذا كان شرطي اكمل دراسه اووووف ربي تعبت شسوي حته خديجه اليوم ما جت زعلانه لان ازل تكاونت ويه سوسن و حسين حجه ع ازل زين وين اروح صفا كله بغرفتها وعلاقتي وياها مو كلش قويه مثل مروه ضليت نايمه بغرفه الحجيه فززني صوتها
الحجيه. كومي يمه راح تصير الصلاه وتجيج مره هشيم تشيب راسج
الاء. حجيه تعبانه ما بيه اكوم
الحجيه. يا يمه كومي لا تخلين إذا عليوي يجي يعيط عليج وانتي دحكي شلون صايره
الاء انفعلت ورفعت صوتي. واني خايفه منو خلي يجي ما اخاف منو هو شنو عندو غيري الاء تعاي الاء روحي كافي بزعت منو ما عاد اتحملوو
الحجيه. يمه تركج منو هو من سالفه التلفون متخبل عليج
الاء. يمه حرام والله حرام شنو ذنبي والله مو الي ابنج ضالم ضالم ما يرحم احد
علاء. منو ضالم يول
الحجيه. انته ما دخلك انه وياها
علاء.ها يمه انه ابنج مادخلني
الحجيه. يايمه انته راح تموتني انته وهاي العرمه اللي كدامك
الاء. اكوم احسن اللي الكعده وياكم تكصر العمر
علاء. يول اليوم تردين كتله جسمج يحكج والله اجي العب الحزام ع ضهرج
الاء ما هتميت طلعت دحكت صفا و هيثم بالمطبخ دخلت يمهم
صفا. عندج الف بعدين ارجعلج
الاء. ليش اخوج يعطيني مصرف حته يصير عندي
صفا. اروح أخذ منو تردين
الاء. لا ماريد شي منو بس اخذيلج
هيثم. بعدكم انتي وخالي ما تحجون ويه بعض
الاء. هيثم ارجوك اسكت مالي مزاج احجي بخالك
صفا. الاء رجلج يريدج
الاء. اوووف شيريد ما كال
صفا. لا روحي قبل لا هو يجي
علاء. الااااااااااااء
الاء بتذمر. مااااااتت ماااااتت كول امين
علاء. انتي اليوم ليش ما تحترمين احد شبيج
الاء. يا أخي اتركني ابوس ايدك اعتقني الخاطر الله والله تعبت كافي ما تحس تعذبت وياك
علاء. ولي من هين لا تكعدين تمثلين علي تره انه فاضحج
الاء تركتو ودخلت الغرفه الحجيه ابجي ليش هيج حظي يجبرني ع اشياء ماريدها لازم احجي بلهجتهم واني اكثر كلامي كردي بسبب جدو ابو ماما كله يحجي كردي وتعلمت منو لو احجي كربلائي ما يقبل الا انباري صارت الصلاه صليت بسرعه ونمت سوسن اجت تريد تكعدني اكو احضر وياهن العشه بس الحجيه ما قبلت تكعدني نمت وتحلمت كاعدين بالصوره ناس وجوهم م واضحه كل واحد بيهم رافع رايه اني طلعت من غرفه الحجيه كلهم اتكسرن العصي مال الرايه مالاتهم و وكعن بالارض بس رايه وحده بقت اجت مره أنطتني اياها اخذتها وكلتلي كل سر تالي ينفضح ماكو شي يبقى مضموم فزيت من نومي رأسي احسو راح ينفجر كمت اخذت فاليوم وبندول ضليت افكر بالحلم شنو قصدها كل سر تالي ينفضح عن يا سر تحجي وشنو معنى الرايه اللي انطتني اياها ضليت افكر لعدها ما حسيت ع شي دخلت بنوم عميق مثل السبات ماحسيت غير ع صوتو اللي يرج المكان رج من كثر ما هو عالي ما تحركت من مكاني
علاء. السلام عليكم
الحجيه. هلا بابو طول الحلو
علاء. هلا بيج يمه هاي شبيها نايمه بس مريضه
الحجيه. لا يمه ما بيها شي تعبانه شوي وتكعد بس انته اترك البنت بحالها تعبت منك شبيك
علاء. ااااه يمه هي هين المشكله مااكدر اتركها وهي تصاحب بيتي تريد تفضحني وماريد اكرر الماضي وهي تروح بيها
الحجيه. يمه اذا هي غلطانه استر عليها واذا لا صدك راح يذوب الثلج ويبان المرج انته كلتها ماتريد تكرر الماضي
علاء. الله كريم يمه ادعيلي ربي ينور طريقي وامشي بالطريق الصح
الحجيه. ان شالله يمه بس يمه الضلم حرام وانه اكلك كل اللي ديصير بالبنيه لعبه عليها وين تصاحب هي كلإ يمي وتنام يمي وقبلي وين تصاحب ما تكلي
علاء. اعرف يمه والله اعرف تقربت يمها نايمه عيونها ورمانات من كثر البجي ااااه يا آلاء دموعج تكسر قلبي بس مجبور اسوي هيج طلعت من الغرفه اريد اصعد للغرفة انتبهت ع باب غرفه هشام مفتوح و حسين واكف يم الباب تقربت عليه ووووووو........ يتبع
كلمات البارت 2392 ويه هذا 1973 فيصير 4364
هلا والله شلونكم اخباركم توقعاتكم للبارت الجاي حسين شنو يسوي يم غرفه هشام و شنو تفسير حلم الاء احبكم كووومااات كومااات راح اشتاقلكم منا الباجر تمه تمه