زيجه راس براس

البارت 15

الحجي . هاا بويه وين انته

علاء . ليش حجي اذا صاير شي عندك ولدك خلي يتصرفون انه اريد أرتاح

الحجي . يي صاير بس اخوانك مالهم دخل انته ساس البله وين انته

علاء . بجهنم الحمره تريد تجي وياي

الحجي . ولك علاء انته تخبلت لو تريد تخبلنه

علاء  . بغداد أريد ارتاح تعبان لو حرام

الحجي . مصخم وجهي وتريد ترتاح ترجع للبيت بسرعه

علاء . حجي رحمه الميتينك شسوي راجع للبيت خليني مرتاح من هوسه البيت ومشاكلو

الحجي . صخمان ولك مرتك

علاء . شبيها هاي بعد انه مااخلص منكم

الحجي .  انته من كل عقلك مخليها بالحمام وطالع

علاء.  وانه شكو بيها هيه دخلت للحمام خوما أدخل وياها

الحجي . تعال يابه تعال حلوه هاي مرتك راح اتموت وانته دايح بغداد

علاء.  هسه حجي كول من الاخر شبيها

الحجي.  من طلعت لليل مرتك ماكو صعدتلها صفا لكتها بالحمام والهسه ما صحت

علاء.  يي والمطلوب

الحجي.  هاي شنو انته تريد تصخم وجهي كدام ابو مازن

علاء.  حجي والله موتتني بهذا ابو مازن هسه مادري شنو

الحجي.  ولك علاء احترم نفسك لا والله اجي انعل والديك

علاء.  من رخصتك حجي عندي شغل

الحجي.  شغليش علاء هسه ترجع للبيت

علاء.  ان شاء الله حجي باجر الصبح العصر يمكم يلا مع سلامه

الاء.  اسمعو يصيح ويغلط ما طلعت اعرف لو راح اطلع راح يلعب بيه لعب ضليت بالحمام ابجي اختنكت ما اكدر اتحمل بعد وصلت حدها شوي رجع دك الباب ما طلعت اتنرفز وكام يكسر ويغلط اني ضليت بالحمام لحظات رعب اتوقعتو يكسر الباب ويسحلني من الحمام ضليت واكفه ودموعي تجري صار ع عيوني غشاوه سوده ما عاد اشوف شي بس صوت علاء مو واضح بعدها ما حسيت ع شي مااعرف شكد مر وكت ساعه ساعتين يوم سنه شهر مااعرف احس جسمي مخدر مااكدر احرك لا ايد ولا رجل فصلت عن العالم الخارجي وبلشت عالم خاص بيه مابي احد غيري اني وبس محد يشاركني عالمي عالم وردي كلو حب وامان و برائه ما بي شي ينكد علي لا بي علاء ولا إحسان ولا أي مخلوق أمشي بطريق كلو خضار والورد بكل مكان الهوى يجنن نسيم هادء هذا العالم اللي احلم بي وهءا اللي اريدو ماريد احد عادي اعيش وحدي ماريد واحد يعيش وياي  اني وبس بس أني ماريد احد

🕊🕊🕊🕊🕊🕊🕊🕊🕊🕊🕊🕊🕊🕊🕊🕊🕊🕊

علاء ما هتميت اعرف لعبه منهم كل مره امي وهسه مرتي انعل ابوكم لا ابو اللي يسمع حجيكم كلكم ولد كح.... كلكم جذابين ماكوو نوم كمت من الفراش غيرت ملابسي وطلعت من العماره الساعه ب1 الفجر الجو بلش يدخل ع الشتا الهوى حلو رحت كعدت جوه الجسر الجادريه الهوى يشرح الصدر اكو شباب كاعدين اركيله و جكاير وانه كاعد وحدي اجه علي واحد منهم