ﺍﻟـﺴـﻼﻡُ ﻋـﻠـﻴـﻜـﻢ 🌼🌻
ﺭﺷﻔﺔ ﻋﺸﻖ
ﺍﻟـﻌـﺒـﺎﺩﻳـــﻪ
ﺍﻟﺒﺎﺭﺕ _29_
ﺇﻳﭭﺎﻥ
ﮔﻌﺪﺕ ﺑﺎﻟﻄﺎﺭﻣﻪ ﻭﺍﺑﭽﻲ ﻭﺍﻋﻴﻂ ﻭﺍﻫﻠﻲ ﻣﻠﺘﻤﻴﻦ ﻋﻠﻴﻪ ﺧﺎﻳﻔﻴﻦ ﻭﻣﺎﻳﺪﺭﻭﻥ ﺷﺼﺎﻳﺮ !!..
ﺑﺎﺑﺎ ﺣﭽﻰ ﻭﻳﺎﻱ ﻭﺁﻧﻲ ﻓﺎﺻﻠﻪ ﻭﺑﺲ ﺍﺷﻬﮓ ﻟﻤﺎ ﺑﻌﺪ ﻣﺎﺣﺴﻴﺖ ﺑﺸﻲ !!
ﮔﻌﺪﺕ ﻟﻜﻴﺖ ﻧﻔﺴﻲ ﺑﺤﻀﻦ ﺑﺎﺑﺎ ﺣﻀﻨﺘﻪ ﻗﻮﻱ ﻭﺑﭽﻴﺖ ﺑﺤﻀﻨﻪ ..
ﮔﺎﻝ
- ﺑﺎﺑﺎ ﺷﺼﺎﻳﺮ ﻭﻳﺎﭺ ﻓﻬﻤﻴﻨﻲ ؟؟
ﺷﻬﮕﺖ ﻗﻮﻱ ﻭﮔﺘﻠﻪ ﺑﺼﻮﺕ ﻣﺘﻘﻄﻊ
- ﺑﺎﺑﺎ ﺁﻧﻲ ﻭﺻﻔﺎﺀ ﺗﻄﻞ .. ﺗﻄﻠﮕﻨﺎ !!!!..
ﺍﻣﻲ ﻟﻄﻤﺖ ﻋﻠﻰ ﺻﺪﺭﻫﺎ ﻭﺻﺎﺣﺖ
- ﻋﺰﺍ ﺍﻟﻌﺰﺍﭺ ﺇﻳﭭﺎﻥ
ﻭﺿﻠﺖ ﺗﺎﻛﻞ ﺑﺮﻭﺣﻬﻪ ﻟﺤﻢ ﺑﺎﺑﺎ ﻋﺎﻁ ﺑﻴﻬﻪ
- ﺍﻭﮔﻔﻲ ﻳﻤﺮﻩ ﺧﻞ ﻧﺸﻮﻑ ﺷﻜﻮ ﺷﺼﺎﻳﺮ ﺷﺒﻴﭻ ﺍﻛﻠﺘﻲ ﺭﻭﺣﺞ ﻟﺤﻢ !!
- ﻫﺎﻱ ﺍﻟﮕﺪﺍﻣﻚ ﺷﻮﻓﻬﻪ ﻣﺎﺗﺘﺤﻤﻞ ﺑﻼﻳﻪ ﺻﻔﺎﺀ ﺭﺍﺡ ﺗﻤﻮﺕ ﺭﻭﺣﻬﻪ ﺷﻮﻑ ﻭﺟﻬﻪ ﺷﻠﻮﻥ ﺍﺻﻔﺮ ﻣﻦ ﺍﺟﺖ ﻟﻬﺴﻪ ﺑﺲ ﺗﺸﻬﮓ ﻭﺧﺘﻤﺘﻬﻪ ﺑﺎﻷﻏﻤﺎﺀ ﻫﺴﻪ ﺍﻧﺘﻈﺮ ﻭﺷﻮﻑ ﺑﻌﺪ ﺷﻴﺼﻴﺮ ﺑﻴﻬﻪ ﺍﺫﺍ ﻣﺎﺗﺎﻛﻠﻠﻬﻪ ﺷﻬﺮﻳﻦ ﺑﺎﻟﻔﺮﺍﺵ ﻋﺎﺗﺒﻨﻲ
ﻏﻄﻴﺖ ﻭﺟﻬﻲ ﺑﺈﻳﺪﻳﻪ ﻭﺷﻬﮕﺖ ﺑﺼﻮﺕ ﻋﺎﻟﻲ .. ﺳﺤﺮ ﮔﺎﻟﺖ
ﺳﺤﺮ .. ﻟﻴـﺶ ﺗﻄﻠﮕﺘﻮﺍ ﻣﻌﻘﻮﻟﻪ ﻣﺪﺍﺻﺪﮒ ﺇﻧﺘﻮ ﺣﺒﻜﻢ ﻋﻈﻴﻴﻴﻴﻴﻤﻢ
ﻛﻠﻬﻢ ﻳﺮﻳﺪﻭﻥ ﺍﺣﭽﻲ ﻭﺁﻧﻲ ﺻﻮﺗﻲ ﻣﻘﻄﻮﻉ ﻭﺍﺣﺲ ﻧﻔﺴﻲ ﻋﺎﺟﺰﻩ ﻋﻦ ﺍﻟﻜﻼﻡ !!
ﻋﺎﻁ ﺑﺎﺑﺎ ﺑﻴﻪ
- ﻟﭻ ﺍﺣﭽﻲ ﻣﻮ ﺷﻠﻌﺘﻲ ﮔﻠﺒﻲ ﺍﺣﭽﭽﭽﭽﻴﻴﻴﻲ
- ﺑﺎﺑﺎ ﺻﻔﺎﺀ ﺟﺒﺮﻩ ﺃﺑﻮﻩ ﻳﻄﻠﮕﻨﻲ !!
ﻛﻠﻬﻢ ﺻﻔﻨﻮﺍ ﻭﺭﺍﺋﺪ ﻭﻛﻒ ﺻﺎﺡ
- ﺟﺒﺎﻥ ﻭﺍﻟﻠﻪ ﺟﺒﺎﻥ ﻳﺨﺎﻑ ﻣﻦ ﺃﺑﻮﻩ ﻟﻮ ﺍﻧﻲ ﻣﻨﻪ ﺍﺳﺤﻠﻪ ﺷﻨـﻮ ﺍﻃﻠﮓ ﻣﺮﺗﻲ ﻋﻠﻤﻮﺩ ﺍﺑﻮﻱ !!
ﺑﺎﺑﺎ ﺧﺰﺭﻩ ﻭﻫﻮَ ﺧﻨﺲ ﻭﮔﻌﺪ ﻓﺸﻼﻥ ﺧﻄﻴﻪ ﺣﻤﻪ ﺯﺍﻳﺪ .
ﺑﺎﺑﺎ ﺍﺣﺘﻀﻦ ﻭﺟﻨﺎﺗﻲ ﺑﻴﻦ ﺇﻳﺪﻳﻪ ﻭﺗﺬﻛﺮﺕ ﻫﺎﻱ ﺣﺮﻛﺔ ﺻﻔﺎﺀ ﻣﻦ ﻳﺎﺧﺬ ﻭﺟﻨﺎﺗﻲ ﻭﻳﻤﺮﺭ ﺍﺻﺒﻌﻪ ﺑﻬﺪﻭﺀ ﻋﻠﻰ ﺑﺸﺮﺗﻲ ﺍﻟﻄﺒﺸﻮﺭﻳﻪ ..
ﺑﭽﻴﺖ ﻭﻧﺰﻟﺖ ﺩﻣﻌﺘﻲ ﻋﻠﻰ ﺇﻳﺪﻩ .. ﻣﺴﺤﻬﻪ ﺑﻬﺪﻭﺀ ﻭﮔﺎﻝ
- ﺑﺎﺑﺎﺗﻲ ﻓﻬﻤﻴﻨﻲ ﺷﺼﺎﺭ ﺑﻴﻨﻜﻢ ﻭﺻﻠﻜﻢ ﻟﻬﺎﻟﻤﺮﺣﻠﻪ
ﺷﻬﮕﺖ ﻣﻦ ﻭﺻﻠﺖ ﻟﻠﺴﺒﺐ ﺍﻟﺮﺋﻴﺴﻲ ﻭﻭﺟﻬﻲ ﺃﺻﻔﺮ ﻭﺷﻔﺘﻲ ﺍﻧﻌﻘﺪﺕ .
ﻛﻠﻬﻢ ﻣﻨﺘﻈﺮﻳﻦ ﻣﻨﻲ ﻛﻠﻤﻪ ﻭﺁﻧﻲ ﺑﺲ ﺍﺷﻬﮓ ﺁﺧﺮ ﺷﻲ ﺳﺤﺒﺖ ﻧﻔﺴﻲ ﻭﮔﻠﺖ ﺑﺼﻮﺕ ﺷﺒﻪ ﻣﺴﻤﻮﻉ
- ﺻﻔﺎﺀ ﺧﺎﻧّﻲ !!!!
ﻛﻠﻬﻢ ﻓﺘﺤﻮﺍ ﻋﻴﻮﻧﻬﻢ ﻭﺍﻟﺼﺪﻣﻪ ﺗﻌﺘﻠﻲ ﻭﺟﻮﻫﻬﻢ !! ﺭﺍﺋﺪ ﻃﻔﺮ
- ﻟﻴـﺸﺶ ﺧﺎﻧﭻ ﺑﻴﺶ ﻣﻘﺼﺮﻩ ﻭﻳﺎﻩ ؟؟
- ﻻ ﻻ ﻭﺍﻟﻠﻪ ﻣﻤﻘﺼﺮﻩ ﺑﻬﺎﻟﻄﻮﻝ ﺑﺲ ﻳﮕﻮﻝ ﺑﻔﺘﺮﺓ ﻣﺮﺿﻲ ﻭﺍﻟﻠﻪ ﻣﺪﺍﺻﺪﮒ ﻟﻶﻥ
ﻏﻄﻴﺖ ﻭﺟﻬﻲ ﺑﺈﻳﺪﻱ ﻭﺍﺷﻬﮓ ﻣﺎﺍﺣﺐ ﺍﺣﺪ ﻳﺘﻔﺮﺝ ﻋﻠﻰ ﺩﻣﻮﻋﻲ ﻭﻳﺸﻮﻓﻨﻲ ﺍﺑﭽﻲ ﻭﻫﺎﻱ ﺣﺮﻛﺘﻲ ﺩﺍﺋﻤﺎً ﺍﺳﻮﻳﻬﻪ
بيج قصص عراقيه حقيقيه من واقعنا.روعه الطائي
ﺑﺎﺑﺎ ﮔﺎﻝ ﺧﻠﻮﻫﻪ ﺗﺮﺗﺎﺡ ﻭﺑﻌﺪﻳﻦ ﻧﺘﻔﺎﻫﻢ ..
ﺭﺣﺖ ﻟﻠﻐﺮﻓﻪ ﻣﺎﻟﺘﻲ ﺍﺑﺎﻭﻋﻠﻬﻪ ﻭﺍﮔﻮﻝ ﺑﺪﺍﺧﻠﻲ
. ﺭﺟﻌﺘﻠﺞ ﻣﻜﺴﻮﺭﺓ ﺍﻟﺠﻨﺎﺡ !!
ﺭﻛﻀﺖ ﻉ ﺍﻟﺴﺮﻳﺮ ﺩﻓﻨﺖ ﺭﻭﺣﻲ ﺑﺎﻟﺪﻳﺒﺎﺝ ﻭﺩﮒ ﺑﻮﺍﭼﻲ ﻟﺜﺎﻧﻲ ﻳﻮﻡ ﺑﻌﺪ ﻣﺎﻃﻠﻌﺖ ﻭﻛﻠﺴﺎﻉ ﺍﺣﺲ ﺃﻣﻲ ﺗﺪﺧﻞ ﺗﺸﻮﻓﻨﻲ ﻟﻮ ﺑﺎﺑﺎ ﺍﻟﺒﺎﺏ ﻣﺎﺑﻄﻞ ﻓﺘﺢ .. ﻛﻞ ﺷﻮﻳﻪ ﻣﻔﺘﻮﺡ !!..
ﺷﻨـﻮ ﺫﻧﺒﻬﻢ ﺍﻫﻠﻨﺎ ﻳﺘﺤﻤﻠﻮﻥ ﻫﻤﻮﻣﻨﺎ ﻭﻣﺸﺎﻛﻠﻨﺎ ﻳﻌﻨﻲ ﺣـﻮﺭﺍﺀ ﻗﺒﻞ ﻓﺘﺮﻩ ﺭﺟﻌﺖ ﻭﻫﺴﻪ ﺁﻧﻲ ﻧﺎﻭﺑﺖ ﺑﻤﻜﺎﻧﻬﻪ !!
ﻫﺎﻱ ﻏﻴﺮ ﺣﺠﻲ ﺍﻟﻨﺎﺱ ﻫﺴﻪ ﺍﻟﻴﺼﻴﺮ ﺑﻔﻠﺲ !!
ﮔﻌﺪﺕ ﺛﺎﻧﻲ ﻳﻮﻡ ﺍﻟﻈﻬﺮ ﻭﺟﻬﻲ ﻭﺍﺭﻡ ﻭﻋﻴﻮﻧﻲ ﻭﺍﺭﻣﻪ ﻭﺍﻟﺤﻴﺎﺓ ﻣﺴﻠﻮﺑﻪ ﻣﻨﻲ .. ﺍﻛﻠﺖ ﺷﻠﻮﻥ ﻣﺎﻛﺎﻥ ﻭﺭﺟﻌﺖ ﻟﻤﻠﺠﺄﻱ ﻟﻐﺮﻓﺘﻲ ﻟﺴﺠﻨﻲ !!
ﺑﻘﻴﺖ ﺍﺳﺒﻮﻉ ﺑﺤﺎﻟﺔ ﺇﻛﺘﺌﺎﺏ ﻭﺃﻣﻲ ﺗﺨﺒﻠﺖ ﻟﻌﺒﺖ ﺑﻴﻪ ﻟﻌﺐ ﻋﻠﻰ ﺍﺑﻮ ﺧﻞ ﻳﻮﻟﻲ ﻭﻣﻴﺴﺘﺎﻫﻠﺞ ﻭﻋﺮﻓﺘﻪ ..
- ﺣﻀﺮﻱ ﺭﻭﺣﭻ ﺭﺍﺡ ﺍﺧﻠﻲ ﺭﺍﺋﺪ ﻳﺎﺧﺬﭺ ﻳﻢ ﺣـﻮﺭﺍﺀ ﺗﻘﻀﻴﻦ ﻫﺎﻟﻔﺘﺮﻩ ﺑﻴﻬﻪ ﻭﺗﻨﺴﻴﻨﻪ ﺷﻮﻳﻪ
- ﻣﺎﺷﻲ
ﻓﺮﺣﺖ ﺍﺻﻼً ﻻﻥ ﻫﻨﺎﻙ ﻋﺒﺎﺱ ﺷﻮﻳﻪ ﻳﻨﺴﻴﻨﻲ ﺑﺴﻮﺍﻟﻔﻪ ﻭﺿﺤﻜﻪ .
ﺣﻀﺮﺕ ﻣﻼﺑﺴﻲ ﻭﺍﺟﻪ ﺑﺎﺑﺎ ﻋﻠﻤﻮﺩ ﻳﺎﺧﺬﻧﻲ ..
ﻃﻮﻝ ﺍﻟﻄﺮﻳﻖ ﻳﻨﺼﺢ ﺑﻴﻪ
- ﺑﺎﺑﺎ ﺍﻧﻲ ﺭﺍﺡ ﺍﻃﻠﮕﭻ ﻣﻨﻪ ﻻﻥ ﻃﻼﮔﮕﻢ ﻳﻌﺘﺒﺮ ﺑﺎﻃﻞ ﻭﺑﻌﺪﻳﻦ ﺗﻄﻠﮕﻮﻥ ﻣﺤﻜﻤﻪ ﺣﺘﻰ ﻫﺎﻱ ﻫﻲَ ﻛﻠﺸﻲ ﻳﻨﺘﻬﻲ ﻣﺎﺩﺍﻡ ﺍﻧﺖِ ﺭﺍﻏﺒﻪ ﺍﻟﻄﻼﮒ ﺧﻼﺹ .
- ﺍﻱ
ﺣﺴﻴﺖ ﮔﻠﺒﻲ ﺍﻧﻘﺒﺾ ﻭﻋﻴﻮﻧﻲ ﺩﻣﻌﻦ .. ﻣﺒﺎﺷﺮﺓً ﻣﺴﺤﺖ ﺩﻣﻌﺘﻲ ﻣﻮ ﺍﻧﻲ ﺍﻟﻀﻌﻴﻔﻪ ﺧﻞ ﻳﻮﻟﻲ ﻣﺎﻓﻜﺮ ﺑﻴﻪ ﻣﻦ ﺧﺎﻧّﻲ ﻟﻮ ﻫﺴﻪ ﺟﺎﻱ ﻳﺘﻮﺳﻞ ﻭﻳﺪﮔﺪﮒ !..
ﻭﺻﻠﻨﺎ ﻟﺒﻴﺖ ﺟﺪﻭ ﺭﻛﻀﺖ ﺣﺎﻣﻴﻪ ﻋﻠﻴﻬﻢ ﺍﺑﻮﺱ ﺑﻴﻬﻢ ﻭﺍﺣﻀﻦ ﺻﺎﺭ ﻣﻦ ﺗﺰﻭﺟﺖ ﻟﻬﺴﻪ ﻣﺪﺍﺧﻠﻪ ﻟﺒﻴﺘﻬﻢ ﺑﺴﺒﺐ ﺻﻔﺎﺀ ﺍﻓﻨﺪﻱ ﺑﺎﺏ ﺍﻟﺸﺎﺭﻉ ﻣﻴﺨﻠﻴﻨﻲ ﺍﻋﺒﺮﻩ !!..
ﺑﻘﻴﺖ ﺑﺤﻀﻦ ﺟﺪﻭ ﻭﻋﺒﺎﺱ ﺧﻠﺼﻬﻪ ﺗﺼﻨﻴﻒ ﻋﻠﻴﻪ ﻭﺁﻧﻲ ﺍﺿﺤﻚ ﭼﺬﺏ ﺩﺍﺧﻠﻲ ﺷﻲ ﻳﻨﺰﻑ ﻭﻣﺠﺮﻭﺡ ..
ﺑﺎﺑﺎ ﺑﻘﻰ ﻟﻠﻌﺼﺮ ﺗﻐﺪﺍ ﻭﺭﺍﺡ ﻭﺧﻼﻧﻲ ﺁﻧﻲ ﻋﺪﻫﻢ ..
ﺭﺣﺖ ﻟﻐﺮﻓﺘﻲ ﺍﻟﭽﺎﻧﺖ ﺑﻴﻬﻪ ﻏﺮﺍﺿﻲ ﻋﻠﻰ ﺣﻄﺘﻬﻪ ﻣﺤﺪ ﻻﻣﺲ ﺷﻲ ﻭﻣﻐﻴﺮﻩ ﺑﺲ ﻻﺣﻀﺖ ﻣﻼﺑﺲ ﺣـﻮﺭﺍﺀ ﺑﻴﻬﻪ !
ﻧﻈﺮﺍﺕ ﻋﺒﺎﺱ ﺣـﻮﺭﺍﺀ ﺍﺑﺪ ﻣﺘﺪﻝ ﺇﻧﻮ ﻣﺘﺼﺎﻟﺤﻴﻦ ﺑﺲ ﻣﺜﻠﻮﺍ ﻫﺎﻟﺸﻲ ﻣﻘﺎﺑﻴﻠﻲ ﻻﻥ ﺳﺒﻖ ﻭﺳﻮﻳﺖ ﻫـٰٖﺬﺍ ﺍﻟﺸﻲ ﻭﻳﻪ ﺻﻔﺎﺀ ..
ﻃﻠﺐ ﺍﻟﻨﻪ ﻋﺒﺎﺱ ﺑﻴﺘﺰﺍ ﺩﻟﻔﺮﻱ ﻭﺑﻘﻰ ﻳﻨﺘﻈﺮ ﻃﻮﻟﻮ ﻭﻫﻢ ﻳﺠﻴﺒﻮﻫﻪ ..
ﺑﻘﻰ ﻳﻔﺘﺮ ﻓﻮﻙ ﺭﻭﺳﻨﺎ
- ﻧﻌﻠﻌﻼ ﻭﻳﻦ ﺭﺍﺣﺖ ﺍﻟﺒﻴﺘﺰﺍ ﻣﺘﻨﻪ ﺟﻮﻉ
- ﺩﺻﺒﺮ ﺷﺒﻴﻚ ﺍﺑﻮ ﻛﺮﺵ
- ﺧﺮﺏ ﻭﺍﻟﻠﻪ ﻣﺘﺖ
ﺣـﻮﺭﺍﺀ .. ﻣﻮ ﮔﺘﻠﻜﻢ ﺧﻞ ﺍﻧﻲ ﺍﺳﻮﻳﻠﻜﻢ ﻣﻘﺒﻠﺘﻮ
ﺇﻳﭭﺎﻥ .. ﺧﺐ ﺷﻮ ﺳﻜﺘﻲ ﺧﻞ ﻧﻘﻂ ﺭﺟﻠﺞ
ﺣـﻮﺭﺍﺀ .. ﻫﻢ ﺻﺪﻙ ﻳﺴﺘﺎﻫﻞ ﺍﻟﻘﻄﻪ
ﺻﻔﻦ ﺑﻴﻬﻪ ﻭﺣﻂ ﺍﺻﺒﻌﻪ ﻋﻠﻰ ﻟﺤﻴﺘﻪ ﻳﻔﻜﺮ ﻭﻣﺒﺘﺴﻢ ﺑﻤﻜﺮ
بيج قصص عراقيه حقيقيه من واقعنا.روعه الطائي
ﻋﺒﺎﺱ .. ﺍﻣﻢ ﻟﻴـﺶ ﺗﺨﻠﻴﻨﻲ ﺍﻃﻠﻊ ﺍﻟﻘﻄﻪ ﺑﻌﺪ ﺷﻮﻱ ( ﻭﻏﻤﺰ )
ﺣـﻮﺭﺍﺀ .. ﻳــﺎﺍ ﻋﺰﺯﺍ ﺑﻌﻴﻨﻚ
ﺇﻳﭭﺎﻥ .. ﺗﻔﻮﻭ ﺍﺣﺘﺮﻣﻨﻲ ﻉ ﺍﻻﻗﻞ
ﺻﻔﻨﺖ ﻋﻠﻰ ﻛﻠﻤﺘﻲ ﺗﺬﻛﺮﺗﻪ ﺍﻭﻭﻑ ﻳﺎﺍﻟﻠﻪ ﻛﻠﺸﻲ ﻳﺬﻛﺮﻧﻲ ﺑﻴﻪ ﻛﻠﺸﺸﻲ !..
ﻭﺻﻞ ﺍﻟﻄﻠﺐ ﻭﻋﺒﺎﺱ ﺭﺍﺡ ﻳﺮﻛﺾ ﺑﻘﻴﻨﺎ ﻧﻀﺤﻚ .. ﻭﺍﻟﻠﻪ ﺷﻮﻳﻪ ﻭﺍﺟﻪ ﻳﺮﻛﺾ ﻃﺎﻳﺮ ﺭﺟﻠﻴﻪ ﻣﺎﻳﻮﺻﻠﻦ ﻟﻠﻜﺎﻉ ﻣﻦ ﺍﻟﺮﻛﺾ ..
ﺍﺣﻨﻪ ﺑﺎﻟﺼﺎﻟﻪ ﻭﻫﻮَ ﺍﻟﺒﺎﺏ ﻣﻔﺘﻮﺡ ﻧﺸﻮﻓﻪ ﺍﺟﻪ ﻣﻦ ﺍﻟﻄﺎﺭﻣﻪ ﻳﺮﻛﺾ ﻭﺑﻴﺪﻳﻪ ﺍﻟﺒﻴﺘﺰﺍ ..
ﺟﺎﻧﺖ ﺍﻛﻮ ﻓﺮﺷﻪ ﺑﺒﺎﺏ ﺍﻟﺼﺎﻟﻪ .. ﺍﻭﻝ ﻣﺎﻭﺻﻞ ﻳﻤﻬﻪ ﺟﻠﺒﺖ ﺑﺮﺟﻠﻪ ﻭﻃﺒﺒﺒﺒﺒﺐ
ﺍﻟﻜﺎﻉ ﺍﻧﺮﺩﻣﺖ ﻭﮔﻊ ﻋﻠﻰ ﻃﻮﻟﻪ ﻭﺿﺨﺎﻣﺘﻪ ﺷﻜﻠﻪ ﻳﻤﻮﺕ ﻭﺍﻟﺒﻴﺘﺰﺍ ﻃﻔﺮﺕ ﻣﻨﻪ ﻭﺍﻧﻲ ﻭﺣـﻮﺭﺍﺀ ﺗﮕﺎﺑﻠﻨﺎ ﻭﻧﺮﻳﺪ ﻧﺴﻜﺖ ﻣﺎﻛﻮ ..
ﺷﺒﻌﻨﺎ ﺿﺤﻚ ﻣﺘﻨﺎ ﻣﺘﻨﺎ ..
ﻫﻮَ ﻭﺟﻬﻪ ﺻﺎﺭ ﺍﺣﻤﺮﺭﺭ ﻣﻦ ﺍﻟﻔﺸﻠﻪ ﻭﻳﺮﻳﺪ ﻳﮕﻮﻡ ﻣﺎﻛﻮ .
ﻓﻄﺴﻨﺎ ﺿﺤﻚ ﻭﻫﻮَ ﻳﻌﻴﻂ ﺑﻴﻨﺎ ﻭﺍﺣﻨﻪ ﻣﻮ ﻳﻤﻪ ﺍﺻﻼً ﺣـﻮﺭﺍﺀ ﺗﺮﻓﺲ ﻭﺣﺎﻃﻪ ﺍﻳﺪﻫﻪ ﻋﻠﻰ ﺣﻠﮕﻬﻪ ﻭﺍﻧﻲ ﺍﺯﻳﺪ ﻣﻨﻬﻪ ..
ﻋﺒﺎﺱ .. ﻛﺎﻓﻲ ﺍﺳﻜﺘﻦ ﻣﻮ ﺻﻮﭼﭽﻦ ﺻﻮﺟﻲ ﺍﻧﻲ ﺍﻛﻮﻝ ﺟﺎﻋﻦ
- ﻛﺎﻓﻲ ﺣـﻮﺭﺍﺀ ﻻﺗﻀﺤﻜﻴﻦ
- ﺇﻳﭭﺎﻥ ﺷﻠﻘﻀﻴﻪ ﺗﺮﻩ ﻫﻲَ ﭼﻠﺒﺖ ﺑﺮﺟﻠﻲ
ﻳﺤﺠﻲ ﻭﺣﺪﻩ ﻭﺍﺣﻨﻪ ﻣﻴﺘﻴﻦ ﺿﺤﻚ ﻣﺤﺪ ﻳﺠﺎﻭﺑﻪ ..
ﻇﻞ ﻛﻠﺴﺎﻉ ﻳﻐﻢ ﺑﻮﺣﺪﻩ ﺑﻴﻨﻪ ﻭﻳﻘﻠﺪ ﻭﻳﺼﺒﺢ ﺍﺿﺤﻜﻦ ﺍﺿﺤﻜﻦ .
ﮔﻌﺪ ﻉ ﺍﻟﻘﻨﻔﻪ ﻭﺍﺣﻨﻪ ﻛﻌﺪﻧﻪ ﺟﻮﺍﻩ ﻟﺒﺴﻨﻪ ﺷﺎﻻﺕ ﻭﺣﻄﻴﻨﺎﻫﻪ ﻭﺭﻩ ﺍﺫﺍﻧﺎﺗﻨﻪ ﻭﻇﻠﻴﻨﺎ ﻧﻬﻮﺱ ﻭﻧﻬﺰ ﺑﺮﻭﺳﻨﻪ ﻣﺜﻞ ﺍﻟﻴﺤﻔﻦ ﻋﺒﺎﻟﻚ ﻧﻨﮕﺮ ﺑﻴﻪ ﻭﺣﻮﻟﻨﺎ ﻋﻴﻮﻧﻨﻪ ﻭﺍﻧﻲ ﺍﺻﻴﺢ
- ﺍﻟﻤﺎﮔﺪﺭﻫﻪ ﻳﻐﺺ ﺑﻴﻬﻪ
ﻭﺍﻟﻤﺎﻛﺪﺭﻫﻪ ( ﺣـﻮﺭﺍﺀ ﺗﻜﻤﻞ ( ﻳﻐﺺ ﺑﻴﻬﻪ )
ﻫﻮَ ﻣﺒﺘﺴﻢ ﻭﻣﻮﺑﺎﻳﻠﻪ ﺑﺈﻳﺪﻩ ..
ﺳﻜﺘﻨﺎ ﻭﻇﻠﻴﻨﻪ ﻧﻀﺤﻚ ﻭﻧﺼﻨﻒ ﻋﻠﻴﻪ ﻭﻛﻠﺴﺎﻉ ﻧﺮﻭﺡ ﻟﻤﻜﺎﻥ ﺍﻟﻮﻛﻌﻪ ﻧﺼﻴﺢ ﻫﻨﺎ ﺗﻤﺪﺩ ﻋﺒﺎﻟﻚ ﺑﻐﻞ ﻭﻫﻮَ ﻳﺘﺤﺮﮔﻦ
ﺷﻮﻳﻪ ﻭﺳﻤﻌﻨﺎ ﺍﺻﻮﺍﺗﻪ ( ﺍﻟﻤﺎﻛﺪﺭﻫﻪ ﻳﻐﺺ ﺑﻴﻬﻪ )
ﺑﺲ ﺻﻮﺕ ﻣﻮﺑﺎﻳﻞ ﺍﻟﺘﻔﺘﻨﻪ ﻟﮕﻴﻨﻪ ﺍﻟﻤﻮﺑﺎﻳﻞ ﺑﺈﻳﺪﻩ ﻭﺗﺼﻮﻳﺮ ﻛﺎﻣﻞ ﻋﻠﻰ ﺍﻟﻤﺎﻛﺪﺭﻫﻪ ﻳﻐﺺ ﺑﻴﻬﻪ ﻳﺒﻮﻭﻭﻭﻱ
ﺻﺤﺖ
- ﻳﻠﻬﻮﺗﻲ ﺣـﻮﺭﺍﺀ ﺍﻧﻔﻀﺤﻨﺎ
ﺑﻘﻴﻨﺎ ﻧﺘﻮﺳﻞ ﺑﻴﻪ ﻋﻠﻤﻮﺩ ﻳﺤﺬﻑ ﺍﻟﻔﻴﺪﻳﻮ ﻭﻳﺼﻴﺢ
ﻋﺒﺎﺱ .. ﺍﻟﻤﺎﻛﺪﺭﻫﻪ ﻳﻐﺺ ﺑﻴﻬﻪ ﻣﻮ؟؟ ﻳﻼ ﻫﺴﻪ ﻏﺼﻴﺘﻦ ﺑﻴﻬﻪ
ﺣـﻮﺭﺍﺀ .. ﺑﻠﻴﺰ ﺍﺣﺬﻓﻬﺎ ﺍﺗﻮﺳﻞ ﻟﻚ ( ﻭﺗﺴﻮﻳﻠﻪ ﺣﺮﻛﺔ ﺗﻮﺳﻞ ﻫﻨﺪﻳﻪ )
ﻋﺒﺎﺱ .. ﺍﻣﻢ ﻳﺘﻨﻄﻴﻨﻲ ﻭﻳﻨﺨﺬﻑ
ﺣـﻮﺭﺍﺀ .. ﺍﺗﺨﺒﻞ ﻣﻦ ﻫﺎﻱ ﺍﻟﻜﻠﻤﻪ ﻭﺑﻌﺪﻳﻦ ﺍﺣﻨﻪ ﻣﻮ ﺍﺗﻔﻘﻨﻪ ﻧﻄﻠﻊ ﺧﺒﺎﻻﺗﻨﻪ ﻋﻠﻤﻮﺩ ﻧﺘﻮﻧﺲ ﻣﻮ ﻭﺍﺧﺪ ﻳﺒﺘﺰ ﺍﻟﻠﺦ
ﻋﺒﺎﺱ .. ﻭﺍﻟﻠﻪ ﺍﻧﻲ ﺭﺟﺎﻝ ﻣﺤﺮﻭﻡ ﺍﻧﻄﻴﻨﻲ ﺷﻲ ﻭﺍﺣﺬﻑ
ﺇﻳﭭﺎﻥ .. ﻋﺰﺍ ﻫـٰﺬﺍ ﺯﺍﺡ ﺍﻟﻤﺴﺘﺤﻰ ﺧﻞ ﺍﻃﻔﺮ
بيج قصص عراقيه حقيقيه من واقعنا.روعه الطائي
ﺭﻛﻀﺖ ﻟﻐﺮﻓﺘﻲ ﻭﻣﻴﺘﻪ ﺿﺤﻚ ﻛﻠﻤﺎ ﺍﺗﺬﻛﺮ ﺍﻟﻤﻮﻗﻒ ﻭﺍﻟﻠﻪ ﻳﺎﻋﺒﺎﺱ ﺩﻭﻣﻪ ﻳﻀﺤﻜﻨﻲ ﺍﻟﺤﻤﺪ ﻟﻠﻪ ﻣﻦ ﻋﻨﺪﻱ ﻫﻴﺞ ﺍﺑﻦ ﺧﺎﻟﻪ ..
ﻏﻤﻀﺖ ﻋﻴﻮﻧﻲ ﺍﺭﻳﺪ ﺍﻧﺎﻡ ﻭﺍﻟﺘﻤﺖ ﻋﻠﻴﻪ ﻟﺬﻛﺮﻳﺎﺕ ﻭﻧﺎﺭ ﺍﻟﻔﺮﺍﻕ ..
ﺑﭽﻴﺖ ﻭﺩﻣﻮﻋﻲ ﺣﺮﻗﺖ ﺧﺪﻱ ﻭﻟﻤﺖ ﻧﻔﺴﻲ ﻣﻌﻘﻮﻟﻪ ﺍﻛﻮ ﺍﻣﻞ ﺍﺳﺎﻣﺤﻪ ﻟﻮ ﻫﺎﻱ ﻫﻲَ ﻛﻠﺸﻲ ﺍﻧﺘﻬﻰ !!
ﮔﻌﺪﺕ ﺛﺎﻧﻲ ﻳﻮﻡ ﺁﻧﻲ ﻭﺣـﻮﺭﺍﺀ ﻋﺰﻟﻨﻪ ﺍﻟﺒﻴﺖ ﻭﻫﻲَ ﻃﺒﺨﺖ ﻭﻛﻠﺴﺎﻉ ﺗﺘﻘﻴﺄ !!
ﺻﺒﻴﻨﻪ ﺍﻟﻐﺪﺍ ﺟﺎﻧﺖ ﻣﺴﻮﻳﻪ ﺩﻭﻟﻤﻪ ﻋﻠﻤﻮﺩﻱ ﻛﻠﺶ ﺍﺣﺒﻬﻪ ..
ﮔﻌﺪﻧﺎ ﮔﻠﺒﺘﻬﻪ ﺑﺎﻟﺼﻴﻨﻴﻪ ﻭﻃﻠﻌﺖ ﺍﻟﺮﻳﺤﻪ ﺍﻭﻳﻠﻲ ﺍﻧﺼﻬﺮﺕ ..
ﻗﺪﻣﺖ ﺍﻟﻠﺒﻦ ﻭﺍﻟﻠﻴﻤﻮﻥ ﻭﺍﻟﺰﻻﻳﻂ ..
ﺣﺘﻰ ﻋﺒﺎﺱ ﺍﻟﻤﺎﻳﺎﻛﻠﻬﻪ ﺍﺟﻪ ﻣﺘﻠﻬﻒ ﻉ ﺍﻟﺮﻳﺤﻪ ﻳﺮﻳﺪ ﻳﺠﺮﺏ ﺍﻟﻄﻌﻢ ..
ﺳﺤﺒﺖ ﻟﻴﻤﻮﻧﻪ ﺍﺣﺒﻬﻪ ﺣﺎﻣﻀﻪ .. ﺍﻭﻝ ﻣﺎﮔﺼﻴﺖ ﺍﻟﻠﻴﻤﻮﻧﻪ ﻭﻃﻠﻌﺖ ﺭﻳﺤﺘﻬﻪ ﻟﻌﺒﺖ ﻧﻔﺴﻲ !!
ﺣﺴﻴﺖ ﻧﻔﺴﻲ ﺍﺭﻳﺪ ﺍﺳﺘﻔﺮﻍ ..
ﺭﻛﻀﺖ ﺗﻘﻴﺄﺕ ﻭﻏﺴﻠﺖ ﺷﻮﻳﻪ ﺍﺭﺗﺎﺣﻴﺖ ﻭﺭﺟﻌﺖ ﮔﻌﺪﺕ ﻛﻠﻬﻢ ﻳﺒﺎﻭﻋﻮﻥ ﺑﻴﻪ ﻣﺘﻔﺎﺟﺌﻴﻦ ..
ﺧﺎﻟﺘﻲ ﺻﺎﻓﻨﻪ ﻋﻠﻴﻪ ﻭﺑﻴﺒﻲ ﻛﺬٰﻟﻚ ..
ﮔﺎﻣﻮﺍ ﻳﻮﺯﻋﻮﻥ ﻧﻈﺮﺍﺗﻬﻢ ﻭﻭﺍﺣﺪ ﻳﺒﺎﻭﻉ ﻟﻠﺦ ﺻﺤﺖ ﺑﻴﻬﻢ
- ﺧﻴـﺮ ﺷﻜﻮ ﻭﺟﻬﻲ ﺑﻴﻪ ﺷﻮﺍﻑ ﺷﻨـﻮ؟؟
ﺑﻴﺒﻲ ﮔﺎﻟﺖ
- ﺷﻮ ﺑﺎﻭﻋﻲ ﺑﻮﺟﻬﻲ
- ﻣﺎﺍﺭﻳﺪ
- ﺑﻴﺒﻲ ﺧﻞ ﺍﺷﻮﻓﭻ ﺧﺎﻑ ﺣﺎﻣﻞ
ﻋﺮﻓﺖ ﺗﻔﻜﻴﺮﻫﻢ ﻧﺘﺮﺕ
- ﻣﺎﺍﺭﻳﺪ ﺑﻴﺒﻲ ﻻﺣﺎﻣﻞ ﻭﻻﺷﻲ ﺑﺲ ﺗﻌﺒﺎﻧﻪ
- ﺑﺲ ﺑﺎﻭﻋﻴﻠﻲ
- ﺑﻴﺒﻲ ﻣﻮ ﺣﺎﻣﻞ ﺻﺪﮔﻲ
ﮔﺎﻣﺖ ﻋﻠﻴﻪ ﺳﺤﺒﺖ ﻭﺟﻬﻲ ﻭﺗﺮﻳﺪ ﺗﻔﺤﺺ ﻭﺟﻬﻲ ﻏﻤﻀﺖ ﻋﻴﻮﻧﻲ ﻭﺣﻠﻔﺘﻨﻲ ﺍﻓﺘﺤﻬﻦ
ﻓﺘﺤﺖ ﻋﻴﻮﻧﻲ ﺭﻛﺰﺕ ﺑﻴﻬﻦ ﻭﻛﺎﻟﺖ ﻟﺨﺎﻟﺘﻲ
- ﻫﻠﻬﻠﻲ ﺣﺎﻣﻞ
ﺧﺎﻟﺘﻲ ﻃﮕﺘﻬﻪ ﺑﻬﻠﻬﻮﻟﻪ ﻭﻳﻀﺤﻜﻮﻥ ﻓﺮﺣﺎﻧﻴﻦ ﺣﺘﻰ ﻋﺒﺎﺱ ﻭﺣـﻮﺭﺍﺀ ﻃﺎﺭﻭﺍ
ﻋﻄﺖ ﺑﻴﻬﻢ
- ﺷﺒﻴﻜﻢ ﻣﻮ ﺣﺎﻣﻞ ﻣﻮ ﺣﺎﻣﻞ
ﺑﻴﺒﻲ ﮔﺎﻟﺖ
- ﻣﻦ ﺷﻮﻛﺖ ﺗﺘﻘﻴﺌﻴﻦ
- ﻣﺎﺍﺩﺭﻱ
ﺻﻔﻨﺖ ﻭﺗﺬﻛﺮﺕ ﺍﻭﻝ ﻣﺮﻩ ﻣﻦ ﺭﺟﻌﻨﺎ ﻣﻦ ﺍﻟﺸﺮﻳﻔﻪ ﺗﻘﻴﺌﺖ
- ﺑﻴﺒﻲ ﻣﻦ ﺭﺣﻨﺎ ﻟﻠﺸﺮﻳﻔﻪ ﺑﻠﺸﺖ ﺍﺗﻘﻴﺄ
- ﻛﻠﻠﻠﻮﻭﻭﺷﺶ .. ﺩﺭﻭﺣﻲ ﻫﻮَ ﻃﻼﮔﭻ ﺑﺎﻃﻞ ﻣﻦ ﺍﻟﺒﺪﺍﻳﻪ ﻭﻫﺴﻪ ﺗﺄﻛﺪ ﺑﻄﻮﻟﻪ
- ﻳــﺎﺍ !!..
- ﺍﻱ ﻭﺍﻟﻠﻪ
- ﻣﻮ ﺑﻜﻴﻔﻜﻢ
- ﻫﻬﻬﻬـﻪ ﺑﻜﻴﻔﻨﺎ ﻭﺍﻟﻠﻪ
ﺑﻘﻴﺖ ﺻﻔﻨﻪ ﺗﺠﻴﺒﻨﻲ ﻭﺻﻔﻨﻪ ﺗﺎﺧﺬﻧﻲ ..
ﺗﻐﺪﻳﻨﺎ ﻭﻛﻤﺖ ﻟﻐﺮﻓﺘﻲ ﺻﺎﻓﻨﻪ ﺑﺎﻟﻔﺮﺍﻍ ﻭﺍﺗﺤﺴﺮ .. ﺍﻭﻭﻑ ﻭﺍﻟﻠﻪ ﻣﺎﺍﺩﺭﻱ ﺷﺤﻴﺼﻴﺮ ﺑﻌﺪ !
ﺷﻮﻳﻪ ﻭﺃﺗﺼﻞ ﻣﻮﺑﺎﻳﻠﻲ ﻛﻤﺖ ﺍﺩﻭﺭ ﻋﻠﻴﻪ ﻭﺍﻧﺨﺒﺼﺖ ﺷﻔﺖ ﺍﻻﺳﻢ ﻟﮕﻴﺘﻪ ﺻﻔﺎﺀ
بيج قصص عراقيه حقيقيه من واقعنا.روعه الطائي
ﻏﻤﻀﺖ ﻋﻴﻨﻲ ﻭﺑﻠﻌﺖ ﺭﻳﻖ !
ﻫﺪﺃﺕ ﺍﻧﻔﺎﺳﻲ ﺍﻟﻤﻀﻄﺮﺑﻪ ﻭﺣﺎﻭﻟﺖ ﺍﺳﺘﺠﻤﻊ ﻗﻮﺍﻱ ﻭﺭﺩﻳﺖ
- ﺍﻟـﻮﻭﻭ ..
ﺍﺟﻪ ﺻﻮﺗﻪ ﻣﺒﻴﻦ ﺗﻌﺒﺎﻧﻪ ﻭﺍﻟﻔﺮﺣﻪ ﻣﺎﻟﻴﺘﻪ
- ﻫﻼ ﺑﻴﺞ ﺷﻮﻧﺞ ﺷﺨﺒﺎﺭﺝ
- ﺍﻟﺤﻤﺪ ﻟﻠﻪ
- ﺻﺪﻙ ﺣﺎﻣﻞ !! ؟
- ﻻ !!. ﻣﻨﻮ ﮔﺎﻝ ؟؟
- ﺷﻨـﻮ ﻻ ؟ !
- ﻣﻮ ﺣﺎﻣﻞ ﻳﺎﺑﻪ
- ﻫﻬﻬـﻪ ﺗﺠﺬﺑﻴﻦ ﻋﻠﻴﻪ ﻋﻮﺩ ﺍﻧﺖِ ﻏﺸﻴﻤﻪ ﻳﺎﺑﻪ ﺍﺩﺭﻱ ﺑﻜﻠﺸﻲ ﻻﺗﻀﻤﻴﻦ ﻋﻠﻴﻪ
- ﺷﺒﻴﻚ ﻳﺎﺑﻪ ﺩﺍﻛﻮﻝ ﻣﻮ ﺣﺎﻣﻞ
- ﻫﻬﻬﻬﻬـﻪ ﻟﺞ ﻃﺎﻳﺮ ﻣﻦ ﺍﻟﻔﺮﺣﻪ ﺭﺍﺡ ﺍﻛﻮﻥ ﺍﺭﻛﺺ ﻫﻬﻬﻬـﻪ ﻛﻠﺶ ﻓﺮﺣﺎﻥ ﺍﻭﻻً ﺭﺍﺡ ﺍﺻﻴﺮ ﺃﺏ ﻭﺛﺎﻧﻴﺎً ﻃﻼﻙ ﺑﺎﻃﻞ ﻭﻟﻮ ﻫﻮَ ﻣﻦ ﺍﻻﺻﻞ ﺑﺎﻃﻞ ﺑﺲ ﻳﻼ ﻫﺴﻪ ﺗﺄﻛﺪ ﻭﺛﺒﺘﺘﻠﺞ ﺑﺎﻃﻞ
- ﺻﻔﺎﺀ ﻣﻮ ﺑﺎﻃﻞ ﻛﺎﻓﻲ ﻳﻼ ﺑﺎﻱ
ﺿﺤﻚ ﺑﺮﺧﺎﻭﻩ ﻭﻫﺪﻭﺀ ﮔﺎﻝ
- ﺑﺎﻱ ﺣﺐ ﺣﻴﺎﺗﻲ
ﺳﺪﻳﺘﻪ ﻣﻨﻪ ﻭﺃﺭﺟﻒ ﻭﺍﻋﺼﺎﺑﻲ ﺗﻌﺒﺎﻧﻪ ﺍﺭﻳﺪ ﺍﺳﺘﻮﻋﺐ ﻭﮔﻠﺒﻲ ﺩﻛﺎﺗﻪ ﺗﺰﻳﺪ ﻛﻞ ﺛﺎﻧﻴﻪ !!
ﺑﻘﻴﺖ ﺍﺑﺎﻭﻉ ﺑﺎﻟﻤﻮﺑﺎﻳﻞ ﻋﺒﺎﻟﻚ ﺻﻮﺭﺗﻪ ﻛﺪﺍﻣﻲ ﻭﺷﻲ ﺑﺪﺍﺧﻠﻲ ﺗﺤﺮﻙ ﭼﻨﻪ ﺷﻌﻮﺭ ﻓﺮﺡ !!
ﺍﺗﺼﻠﺖ ﺑﺄﻣﻲ ﮔﻠﺘﻠﻬﻪ ﺷﻮ ﻫﻢ ﻓﺮﺣﺖ !! ﻣﻌﻘﻮﻟﻪ ﺍﻟﻜﻞ ﻓﺮﺡ ﺑﺲ ﺁﻧﻲ ﺍﺣﺲ ﻧﻔﺴﻲ ﻏﻴﻤﺖ ﻭﻣﺎﻗﺎﺑﻠﻪ ﺑﻴﻪ ﺟﻨﺖ ﺍﺭﻳﺪ ﺍﺧﻠﺺ ﻭﺍﺗﻄﻠﻚ ﻭﻫﺴﻪ ﺍﺭﺟﻊ ﻻ ﻣﺎﻣﻌﻘﻮﻟﻪ !!
- ﻣﺎﻣﺎ ﺑﻄﻨﻲ ﺗﺄﺫﻳﻨﻲ ﺣﻴﻞ
- ﺍﻭﻭﻱ ﺳﻮﺩﻩ ﻋﻠﻴﻪ ﻫﻮَ ﺍﻧﺖِ ﺑﺎﻟﺸﻬﺮﻳﻪ ﺗﺘﺨﺒﻠﻴﻦ ﻣﻦ ﺍﻷﻟﻢ ﻑ ﻛﻴﻒ ﻫﺴﻪ ﺣﺎﻣﻞ ﻭﺟﻴﺎﺏ ﻭﺭﺍﺝ
- ﻣﺎﻣﺎ ﻟﺘﺨﺒﻠﻴﻨﻲ ﺑﻌﺪﻧﻲ ﻟﻶﻥ ﻣﻤﺴﺘﻮﻋﺒﻪ ﺧﺒﺮ ﺣﻤﻠﻲ ﻭﻳﻤﻜﻦ ﻣﻮ ﻣﺆﻛﺪ
- ﺭﻭﺣﻲ ﻟﺞ ﺑﻴﺒﻴﺘﺞ ﻣﺘﺨﻄﺄ ﻭﺍﻧﻲ ﻫﻲَ ﻛﺸﻔﺖ ﻋﻠﻴﻪ ﻣﻦ ﻋﻴﻮﻧﻲ ﻭﻃﻠﻌﺖ ﺣﺎﻣﻞ ﺑﻴﺞ ﻻﻥ ﺍﺫﺍ ﻓﺺ ﺍﻟﻌﻴﻦ ﺑﺎﻫﺖ ﻭﺑﻴﻪ ﺻﻔﺎﺭ ﺣﺎﻣﻞ ﻭﺍﻧﺖِ ﻣﻦ ﺍﺟﻴﺘﻲ ﻭﺟﻬﺞ ﻣﻮ ﻋﻠﻰ ﺑﻌﻀﻪ
- ﺍﻫـﻮﻭ ﺍﺫﺍ ﺭﺩﺗﻮ ﺷﻲ ﺗﻄﻠﻌﻮﻧﻪ ﻛﻠﺸﺶ ﻋﻠﻴﻪ
- ﺩﻳﻼ ﻳﺎﺑﻪ ﺍﻟﻌﺼﺮ ﺍﺧﺬﺝ ﻟﻠﺪﻛﺘﻮﺭﻩ ﺧﻞ ﺗﭽﻴﻜﺞ
- ﺍﻭﻙ ﺭﺍﺡ ﺍﺣﻀﺮ ﻣﻼﺑﺴﻲ
- ﺍﻭﻛﻲ
ﺣﻀﺮﺕ ﻣﻼﺑﺴﻲ ﻭﻋﻠﻜﺘﻬﻢ .. ﻧﻤﺖ ﻟﻠﻌﺼﺮ ﺑﺎﻻﺭﺑﻌﻪ ﺍﺗﺼﻞ ﻣﻮﺑﺎﻳﻠﻲ ﻫﻢ ﺻﻔﺎﺀ ﺍﻫﻮﻭﻭ ..
ﺭﺩﻳﺖ ﻣﺰﻋﻮﺟﻪ ﻭﺍﻧﻲ ﺗﻮﻧﻲ ﻛﺎﻋﺪﻩ ﻣﻦ ﺍﻟﻨﻮﻡ ﻭﻣﺘﻨﺤﺴﻪ ﻛﻠﺖ ﺑﻨﺘﺮ
- ﺍﻟـﻮﻭ ..
- ﺍﻟـﻮﻭﺍﺕ ﻣﺒﻴﻦ ﻣﻌﺼﺐ ﺍﻟﺤﻠﻮ
- ﺷﺘﺮﻳﺪ ؟؟
- ﻳﻼ ﻟﺒﺴﻲ ﺍﻧﻲ ﺑﺎﻟﺒﺎﺏ !!
- ﺷﻨـﻮ ﻳﺎﺑﺎﺏ ﺷﺒﻴﻚ ﺍﻧﺖَ ؟؟
- ﻳﺎﺑﻪ ﻣﻮ ﻋﻨﺪﺝ ﻣﻮﻋﺪ ﻋﻨﺪ ﺍﻟﺪﻛﺘﻮﺭﻩ ﺍﻧﻲ ﺣﺠﺰﺗﻠﺞ ﻭﻫﺴﻪ ﻣﺎﺧﺬﺝ ﺍﺭﻳﺪ ﺍﺗﻄﻤﻦ ﻋﻠﻰ ﺍﺑﻨﻲ
- ﻟﻚ ﺍﻧﺖَ ﻣﻨﻮ ﺍﻟﮕﺎﻟﻚ ﻭﺍﺻﻼً ﺷﻠﻮﻥ ﻋﺮﻓﺖ ﺍﻧﻲ ﺣﺎﻣﻞ ؟؟
- ﻣﻴﺤﺘﺎﺝ ﺣﺒﻲ ﻳﻼ ﺍﺳﺘﻌﺠﻠﻲ ﻣﺎﺑﻴﻪ ﺣﻴﻞ ﻛﺎﻋﺪ ﺑﺎﻟﺴﻴﺎﺭﻩ ﺣﺎﺭﻩ ﻋﻠﻴﻪ ﺗﻘﺒﻠﻴﻬﻪ ﺍﺑﻮ ﺍﺑﻨﺞ ﻳﺤﺘﺮ
بيج قصص عراقيه حقيقيه من واقعنا.روعه الطائي
- ﺩﺭﻭﺡ
- ﺇﻳﭭﺎﺍﺍﺍﺍﺍﻥ ﻟﺘﻌﺼﺒﻴﻴﻨﻲ ﺍﺫﺍ ﺳﺪﻳﺘﻲ ﺍﻟﻤﻮﺑﺎﻳﻞ ﺑﺔﺟﻬﻲ ﻭﺍﻟﺤﺴﻴﻦ ﺍﻧﺰﻝ ﺍﺳﻮﻳﻬﻪ ﻣﺠﺰﺭﻩ
- ﺍﻱ ﻭﺳﻮﻳﻬﻪ ﻗﺎﺑﻞ ﺧﺎﻳﻔﻪ ﻣﻨﻚ ﺍﻧﻲ ؟؟
ﻋﺎﻁ ﺑﺼﻮﺕ ﻋﺎﻟﻲ ﺧﻼﻧﻲ ﺍﺭﺟﻒ
- ﻫـﺎﺍ؟؟ ﺗﺘﺤﺪﻳﻨﻲ ﻳﻌﻨﻲ
ﺑﻘﻴﺖ ﺍﻣﺘﻤﺖ
- ﻻ ﻻ ﻣﺎﺍﺗﺤﺪﺍﻙ ﺍﻛﻌﺪ ﺑﻤﻜﺎﻧﻚ ﻭﺍﻧﺘﻈﺮ ﻋﺴﻰ ﻣﺎﻟﻠﻴﻞ ﺑﻜﻴﻔﻲ ﺷﻮﻛﺖ ﻣﺎﺍﻃﻠﻊ ﺗﺮﻳﺪ ﻣﺘﺮﻳﺪ ﺍﺫﺍ ﻋﺎﺟﺒﻚ ﺍﻧﺘﻈﺮ ﻭﺍﺫﺍ ﻣﺎﻋﺎﺟﺒﻚ ﺭﻭﺡ
- ﻫﻮﺏ ﻫﻮﺏ ﻫﻮﺏ ﺍﻛﻠﺘﻴﻨﻲ ﺑﮕﺸﻮﺭﻱ ﺍﻧﺘﻈﺮ ﻳﺎﺑﻪ ﺷﻌﻨﺪﻱ ﻋﺴﻰ ﻣﺎﻟﺒﺎﭼﺮ ﺷﻌﻨﺪﻱ ﻏﻴﺮ ﻣﺮﺗﻲ
ﻏﻠﻘﺖ ﺑﺪﻭﻥ ﻣﺎﺍﺣﺠﻲ ﻭﻃﻠﻌﺖ ﺩﻛﻴﺖ ﺍﻟﺒﺎﺏ ﻋﻠﻰ ﻏﺮﻓﺔ ﻋﺒﺎﺱ ﺍﻛﻴﺪ ﻫﻮَ ﻗﺎﺑﻞ ﺍﻛﻮ ﻏﻴﺮﻩ
ﻓﺘﺤﻪ ﻭﻳﻠﺒﺲ ﺑﻘﻤﻴﺼﻪ ﻋﻄﺖ ﺑﻴﻪ
- ﻋﺒﺎﺱ ﺍﻧﺖَ ﻛﻠﺖ ﻟﺼﻔﺎﺀ ﺍﻧﻲ ﺣﺎﻣﻞ؟
- ﺍﻱ
- ﻟﻴـﺶ ﺍﻧﻲ ﺳﻤﺤﺘﻠﻚ ؟؟
- ﺷﺒﻴﺞ ﺗﻌﻮﻳﻦ ﻳﺎﺑﻪ ﻏﻴﺮ ﺍﺑﻮ ﻻﺯﻡ ﻳﺪﺭﻱ
- ﻋﺒﺎﺱ ﺍﻧﺖَ ﻟﻴـﺶ ﺗﺘﺪﺧﻞ ﺑﺤﻴﺎﺗﻲ ﻟﻴـﺶ ﻓﻬﻤﻨﻲ ﻳﻌﻨﻲ ﻟﻮ ﺍﺭﻳﺪ ﺍﻧﻲ ﺍﺗﺼﻞ ﺑﻴﻪ ﻭﺍﮔﻠﻪ ﻣﻴﺤﺘﺎﺝ ﺍﻃﻠﺐ ﺍﺫﻧﻚ
ﻃﻠﻌﺖ ﺣـﻮﺭﺍﺀ ﺧﺎﻳﻔﻪ ﻭﻣﺴﺘﻐﺮﺑﻪ
ﺣـﻮﺭﺍﺀ .. ﺷﺒﻴﺞ ﺇﻳﭭﺎﻥ؟؟
- ﺷﻮﻓﻲ ﺭﺟﻠﭻ ﺭﺍﺡ ﺧﺎﺑﺮ ﺻﻔﺎﺀ ﻭﮔﺎﻟﻠﻪ ﺑﺨﺒﺮ ﺣﻤﻠﻲ ﺍﻧﻲ ﺩﺯﻳﺖ ﻋﻠﻴﻚ ﻭﻛﺘﻠﻚ ﺭﻭﺡ ﺑﺸﺮ
ﻋﺒﺎﺱ .. ﻟﺞ ﺍﻧﺖِ ﻣﺨﺒﻠﻪ ﺍﻛﻴﺪ ﻳﺎﺑﻪ ﻻﺍﻧﺖِ ﺗﻌﻴﺸﻴﻦ ﺑﺪﻭﻥ ﺻﻔﺎﺀ ﻭﻻﺻﻔﺎﺀ ﻳﻌﻴﺶ ﺑﺪﻭﻧﺞ ﺑﺲ ﻫﺎﻱ ﻛﻠﻪ ﻣﻜﺎﺑﺮﺍﺕ ﻻﺍﻛﺜﺮ ﻭﺍﻧﻲ ﻟﺤﻞ ﺍﻟﻨﺰﺍﻉ ﻛﺘﻠﻪ
ﻋﻄﺖ ﺑﻴﻪ ﺑﺼﻮﺕ ﻋﺎﻟﻲ
- ﺭﺟﺎﻝ ﻭﻣﺮﺗﻪ ﺍﻧﺖَ ﺷﻜﻮﻭﻭﻭ؟؟
- ﻏﻴﺮ ﺍﻧﻲ ﮔﻮ .... ﺳﺎ .... ﺻﻮﺟﻲ ﻭﺍﻟﻠﻪ ﺻﻮﺟﻲ ﺷﻌﻠﻴﻪ ﺑﻴﻜﻢ ﻧﺎﺭﻛﻢ ﺗﺎﻛﻞ ﺣﻄﺒﻜﻢ ﻣﺜﻞ ﻣﺎﻧﺼﺤﺘﺞ ﻗﺒﻞ ﻭﻣﺎﺍﺧﺬﺗﻲ ﺍﻟﻨﺼﻴﺤﻪ ﻫﺴﻪ ﻫﻢ ﺗﻨﺪﻣﻴﻦ ﻭﺗﻌﺎﻱ ﻋﻮﻱ ﻫﻨﺎ
- ﻗﺎﺑﻞ ﻣﻌﻮﻳﻪ ﻋﻠﻴﻚ ﺷﺎﻛﻴﺘﻠﻚ؟؟
- ﺩﻃﻴﺮﻱ ﻧﻌﺎﻝ ﻋﻠﻴﺞ ﻭﻋﻠﻰ ﺍﻟﻴﺴﻮﻳﻠﺞ ﺧﻴﺮ
- ﺍﻟﻔﺎﻇﻚ
- ﻭﺧﺮﻱ ﻋﻨﻲ ﺇﻳﭭﺎﻥ ﻭﺧﺮﺭﺭﺭﺭﺭﻱ
ﺭﻓﺲ ﺍﻟﺒﺎﺏ ﻭﻃﻠﻊ !!
ﺧﺰﺭﺕ ﺣـﻮﺭﺍﺀ ﻭﺭﺣﺖ ﺑﺪﻟﺖ ﻏﺼﺒﺎً ﻋﻠﻴﻪ ﻣﺎﻃﺎﻳﻘﻪ ﺍﺣﺪ ﻳﻤﻲ ﺍﺑﺪﺩ
ﻟﺒﺴﺖ ﻓﺴﺘﺎﻥ ﻗﺼﻴﺮ ﻟﻠﺮﻛﺒﻪ ﻟﻮﻥ ﻧﻴﻠﻲ ﻣﻘﻔﻞ ﻭﻣﻄﻌﻢ ﺑﻮﺭﺩﻱ ﻭﺷﺎﻝ ﻭﺭﺩﻱ ﻭﺣﺬﺍﺀ ﻧﻴﻠﻲ ﻭﻛﺐ ﻧﻴﻠﻲ ﺷﻠﺖ ﺟﻨﻄﺘﻲ ﻭﮔﻠﺖ ﻟﺒﻴﺒﻲ ﻭﻃﻠﻌﺖ ﻣﺘﻌﺠﺒﻪ ﺑﺼﻔﺎﺀ ﻳﺘﺨﺒﻞ ﻣﻦ ﺍﻻﻧﺘﻈﺎﺭ ﻭﺻﺎﺭﻟﻪ ﺍﻛﺜﺮ ﻣﻦ ﺳﺎﻋﻪ ﻳﻨﺘﻈﺮ !!..
ﻃﻠﻌﺖ ﻟﻜﻴﺖ ﺳﻴﺎﺭﺗﻪ ﺑﺎﻟﺒﺎﺏ ﻣﺘﻤﺪﺩ ﺑﺎﻟﻜﺸﻦ ﺣﺎﻁ ﺇﻳﺪﻩ ﺟﻮﻩ ﺭﺍﺳﻪ ﻭﻧﺎﻳﻢ ﺩﻛﻴﺖ ﺍﻟﺠﺎﻣﻪ ﻓﺰﺯ ﻭﻳﺒﺎﻭﻋﻠﻲ ﺑﻠﻬﻔﻪ ﻭﻣﺘﺸﻮﻕ !!..
ﻧﺰﻝ ﻧﻈﺮﻩ ﻋﻠﻴﻪ ﻭﻋﻜﺪ ﺣﺎﺟﺒﻪ ﻣﻦ ﺷﺎﻑ ﻟﺒﺴﻲ ﺍﺷﺮﻟﻲ ﺑﺈﻳﺪﻩ ﺑﻤﻌﻨﻰ ( ﺍﺭﺟﻌﻲ )
ﺭﻓﻌﺖ ﺣﺎﺟﺒﻲ ﻭﺩﻛﻴﺖ ﺍﻟﺠﺎﻣﻪ ﻓﺘﺤﻬﻪ ﻭﻛﺎﻝ
بيج قصص عراقيه حقيقيه من واقعنا.روعه الطائي
- ﺍﺭﺟﻌﻲ ﻏﻴﺮﻱ
- ﻳﻼ ﺍﻓﺘﺢ ﺍﻟﺒﺎﺏ ﻣﺎﻟﻲ ﺧﻠﮓ
- ﺇﻳﭭﺎﻥ ﺍﺭﺟﻌﻲ ﻟﺒﺴﻲ ﻋﺒﺎﻩ
- ﻻ ﻭﺍﻟﻠﻪ ﻭﺍﻧﺖَ ﺷﻜﻮ ﺷﻌﻠﻴﻚ ﺑﻴﻚ
- ﺯﻭﺟﺞ ﻭﺑﻜﻴﻔﻲ
- ﻫـﻪ ﻃﻠﻴﻘﻲ ﻗﺼﺪﻙ
- ﺑﺎﺍﺍﺍﺍﺍﺍﺍﺍﺍﺍﺍﺍﻃﻄﻄﻄﻄﻄﻄﻄﻠﻠﻠﻠﻠﻞ
ﺑﻌﺪ ﺍﺻﻴﺢ ﺍﻛﺜﺮ ﻟﻮ ﻫﺎﻱ ﻫﻲَ
- ﺩﻛﺎﺍﻓﻲ ﻳﻼ ﺍﻓﺘﺢ ﺍﻟﺒﺎﺏ
- ﺍﻣﻤﻢ ﺑﻠﻪ ﺍﻧﺪﺍﺭﻱ ﺍﺫﺍ ﺍﻟﺨﻠﻔﻴﻪ ﻣﺎﻣﺒﻴﻨﻪ ﻣﺎﺗﻠﺒﺴﻴﻦ
- ﭼـﺆﺅ ﺻﻔﻔﺎﺍﺍﺀ ﺑﻼ ﺳﻮﺍﻟﻔﻚ ﺍﻟﻤﺎﺻﺨﻪ
- ﺑﻜﻴﻔﺞ ﻋﺎﺩ
ﺍﻧﺪﺍﺭﻳﺖ ﻋﻠﻰ ﺍﻋﺼﺎﺑﻲ ﻭﺍﺯﻓﺮ ﺍﻧﻔﺎﺱ ﺑﻌﺼﺒﻴﻪ ﮔﺎﻝ
- ﺍﻣﺸﻲ ﺑﻠﻪ ﺧﻞ ﺍﺷﻮﻑ
ﺍﻟﺘﻔﺘﺖ ﻋﻠﻴﻪ ﺧﺰﺭﺗﻪ ﻭﻋﻄﺖ ﺑﻨﻔﺎﺫ ﺻﺒﺮ
- ﺻﺼﺼﺼﻔﻔﻔﻔﻔﻔﺎﺍﺍﺍﺀﺀ
ﻛﺎﻡ ﻳﻘﻠﺪ ﻋﻠﻴﻪ
- ﺍﻭﻭﻱ ﺷﺒﻴﺞ ﻋﻴﻮﻧﻲ ﺗﺤﺮﻛﻴﻠﺞ ﺧﻄﻮﺗﻴﻦ ﺩﻧﺸﻮﻑ ﺍﻟﻤﺪﻳﻨﻪ ﺷﺼﺎﻳﺮﻩ
- ﺍﺳﺘﻐﻔﺮ ﺍﻟﻠﻪ
- ﻳﻼ ﻋﻴﻮﻧﻲ ﻳﻼ
ﻣﺸﻴﺖ ﺧﻄﻮﺗﻴﻦ ﻭﺍﻟﺘﻔﺘﺘﻠﻪ
- ﻫـﺎﺍ ... ﻫﺴﻪ؟؟
- ﺭﻭﺣﻲ ﺟﻴﺒﻲ ﻋﺒﺎﻩ ﻣﻴﺼﺮﻓﻠﻲ ﻫـٰﺬﺍ ﺍﻟﺤﺠﻲ
- ﺻﻔﻔﻔﻔﻔﺎﺍﺍﺀ ؟؟
- ﺍﻭﻭﻭﻭﻭﻭﻱ
ﺗﺨﺒﻠﺖ ﻣﻦ ﺍﺳﻠﻮﺑﻪ ﺍﻗﻞ ﻛﻠﻤﻪ ﻭﻛﺎﻝ ﺍﻭﻱ ﻻﻥ ﺍﺳﺘﺨﺪﻣﻬﻪ ﻣﻦ ﺍﺗﺪﻟﻊ ﻋﻠﻴﻪ ﻫﺴﻪ ﺑﺲ ﻳﺴﺘﻔﺰ ﺑﻴﻪ
- ﻳﻼ ﺣﺒﻴﺒﻲ ﺗﺎﺧﺮﺕ ﺍﻟﻮﻗﺖ ﻉ ﺍﻟﺪﻛﺘﻮﺭﻩ ﺭﻭﺣﻲ ﻃﻜﻴﻠﺞ ﻋﺒﺎﻩ ﻭﺗﻌﺎﻟﻲ
- ﻣﺎﺍﻋﺮﻑ ﺍﻣﺸﻲ ﺑﻴﻬﻪ
- ﺍﻧﻲ ﺍﻣﺸﻴﺞ ﻳﻼ
- ﭼـﺆﺅ
ﺭﺣﺖ ﺟﺒﺖ ﻋﺒﺎﻩ ﻣﺎﻝ ﺣـﻮﺭﺍﺀ ﻟﺒﺴﺘﻬﻪ ﻭﻃﻠﻌﺖ ﻳﺒﺘﺴﻢ ﻭﻳﺒﺎﻭﻋﻠﻲ ﺑﻨﻈﺮﺍﺕ ﺭﺿﺎ ﺍﺷﺮﻟﻲ ﻋﻼﻣﺔ ﺍﻭﻛﻲ ﻭﻓﺘﺢ ﺍﻟﺒﺎﺏ ﺻﻌﺪﺕ ﻳﻤﻪ ﻭﻇﻞ ﻛﻠﺴﺎﻉ ﻣﻠﺘﻔﺖ ﻋﻠﻴﻪ ...
ﺷﻮﻳﻪ ﻭﻣﺪ ﺇﻳﺪﻩ ﻗﺮﺑﻬﻪ ﻟﺮﺟﻠﻲ ﻳﺘﻠﻤﺲ . ﺿﺮﺑﺘﻪ ﻋﻠﻴﻬﻪ ﻭﺻﺤﺖ ﺑﻴﻪ ﻭﻳﻪ ﺧﺰﺭﻩ ﻗﺎﺗﻠﻪ
- ﺻﺼﺼﺼﻔﻔﻔﺎﺍﺍﺍﺀﺀﺀ
- ﺑﺲ ﺍﺗﺤﺴﺲ ﺍﺑﻨﻲ
- ﻛﺎﻓﻲ ﺣﺠﺞ ﺑﺎﻳﺨﻪ ﺍﻣﺸﻲ
- ﺷﺒﻴﺞ ﺑﺲ ﻫﺎﻟﻤﺮﻩ
- ﻻﺍﺍﺍ .. ﺍﻣﺸﻲ ﻭﺍﺳﻜﺖ
ﻇﻞ ﻳﺒﺎﻭﻋﻠﻲ ﺑﻨﻈﺮﺍﺕ ﺗﻮﺳﻞ ﻭﻳﺴﺒﻞ ﺑﻌﻴﻮﻧﻪ
- ﺑﺲ ﺍﺗﻠﻤﺲ ﺑﻄﻨﺞ ﻛﺒﺮﺍﻧﻪ ﻟﻮ ﻻ ؟؟ !!
- ﺻﻔﺎﺀ ﺯﻭﺩﺗﻬﺎ ﺗﺮﻩ
- ﻫﺴﻪ ﺷﻤﺴﻮﻱ ﺑﺎﻳﮓ ﻧﺎﻫﺐ ﺍﺑﻨﻲ ﻭﺍﺭﻳﺪ ﺍﺷﻮﻓﻪ
ﺳﻜﺘﺖ //..
ﺿﺤﻚ ﻭﮔﺎﻝ
- ﺍﺑﻮ ﺍﻟﻤﺜﻞ ﻳﻜﻮﻝ ﺍﻟﺴﻜﻮﺕ ﻋﻼﻧﺔ ﺍﻟﺮﺿﺎ ﻳﻌﻨﻲ ﺍﺗﻠﻤﺴﻪ ﻣﻮﻭ؟؟
بيج قصص عراقيه حقيقيه من واقعنا.روعه الطائي
ﺳﻜﺘﺖ //..
ﺑﺎﻭﻋﻠﻲ ﺑﺘﻮﺳﻞ ﻭﻋﻴﻮﻧﻪ ﺗﻠﻤﻊ ..
ﻛﺴﺮ ﺧﺎﻃﺮﻱ ﮔﺘﻠﻪ ﺑﻨﺘﺮ ﻋﻮﺩ ﺯﻋﻼﻧﻪ
- ﻳﻼ ﺑﺴﺮﻋﻪ ﻭﺷﻴﻞ ﺍﻳﺪﻙ ﻟﺘﻄﻮﻝ
- ﺍﻳﻲ
ﻭﻛّﻒ ﺍﻟﺴﻴﺎﺭﻩ ﻭﺗﻠﻤﺲ ﺑﻄﻨﻲ ﺿﺤﻚ ﻭﮔﺎﻝ
- ﻟﺞ ﺻﺎﻳﺮﺗﻠﺞ ﺑﻄﻦ ﺯﻏﻨﻮﻧﻪ
ﺿﻤﻴﺖ ﺿﺤﻜﺘﻲ ﻭﻛﺘﻠﻪ
- ﻳﻼ ﻭﺧﺮ
- ﺑﺲ ﺍﺑﻮﺳﻬﺎ !!
ﻧﺘﺮﺕ
- ﺻﺼﻔﻔﻔﺎﺍﺍﺍﺀ
- ﺷﺒﻴﺞ ﺑﺲ ﻫﺎﻟﻤﺮﻩ
- ﻻ ﻻ ﻻ ﻣﺎﻛﻮ ﺑﻌﺪ ﺻﺎﺣﺒﻚ ﺣﻠﻮ ﻻﺗﺎﻛﻠﻪ ﻛﻠﻪ ﺯﻳﻦ ﻣﻨﻲ ﻭﺧﻠﻴﺘﻚ ﺗﻠﻤﺴﻪ
- ﺑﺲ ﻇﻠﺖ ﺑﻨﻔﺴﻲ ﺍﺑﻮﺳﻪ
- ﺻﻔﺎﺀ ﻫﺴﻪ ﻣﻨﻮ ﻳﻜﻮﻝ ﺣﺎﻣﻞ ﺍﺷﻮ ﺍﻣﺸﻲ
- ﺣﺎﻣﻞ ﻭﺍﻟﻠﻪ
- ﻟﺘﺤﻠﻒ
- ﻭﺍﻟﻠﻠﻠﻠﻠﻠﻪ ﺣﺎﺍﺍﻣﻠﻞ
- ﺍﻫـﻮﻭﻭ
ﻣﺸﻰ ﻭﻛﻠﺴﺎﻉ ﻳﻠﺘﻔﺖ ﻋﻠﻴﻪ ﻭﻳﻀﺤﻚ ﻭﻋﻴﻮﻧﻪ ﺗﻠﻤﻊ ﻛﺴﺮ ﺧﺎﻃﺮﻱ ﺻﺪﮒ ﺑﺲ ﻛﻠﺴﺎﻉ ﺍﺗﺬﻛﺮ ﺍﻟﺴﻮﺍﻩ ﻭﺍﺭﺟﻊ ﺍﻗﺴﻲ ﻛﻠﺒﻲ ..
ﻭﺻﻠﻨﺎ ﻟﻠﺪﻛﺘﻮﺭﻩ ﻭﺑﻘﻴﻨﺎ ﻧﻨﺘﻈﺮ ﺳﺮﺍﻧﻪ ﮔﻌﺪ ﻳﻤﻲ ﻭﺳﺤﺐ ﺇﻳﺪﻱ ﻳﺘﻠﻤﺲ ﺑﻴﻬﻪ .. ﺫﺏ ﺣﺴﺮﻩ ﻭﻛﺎﻝ
- ﺍﻭﻭﻑ ﻭﺍﻟﻠﻪ ﻣﺸﺘﺎﻗﻠﺞ ﻣﺎﻛﻮ ﻫﻴﺞ
ﺳﺤﺒﺖ ﺇﻳﺪﻱ ﻗﻮﻯ ﻗﺒﻀﺘﻪ ﻋﻠﻴﻬﻪ ﻭﻣﻨﻌﻨﻲ ﺍﺳﺤﺒﻬﻪ ﻛﺎﻝ
- ﻣﺎﺍﻛﻠﭻ ﺑﺲ ﺧﻠﻴﻬﻪ ﺑﺤﻀﻨﻲ
- ﺍﻫـﻮﻭ ﺷﻮﺭﻃﻨﻲ ﻭﻃﻠﻌﺖ ﻭﻳﺎﻙ ﻣﺎﺍﺩﺭﻱ
- ﻭﺭﻃﺞ ﺣﻈﻲ ﺍﻟﻮﺭﺩﻱ
ﺳﻜﺘﺖ //.. ﻭﻛﻞ ﺷﻮﻳﻪ ﺍﻗﻠﺐ ﺑﻌﻴﻮﻧﻲ ﻣﺎﻋﺎﺟﺒﻨﻲ ﺍﻟﻮﺿﻊ ..
ﺻﺎﺣﺖ ﺍﻟﺪﻛﺘﻮﺭﻩ ﺑﺈﺳﻤﻪ ﻭﺩﺧﻠﻨﺎ ﻟﺰﻙ ﺑﻴﻪ ﺍﻻ ﻭﻳﺎﻱ ﻳﺪﺧﻞ ﺧﺎﻑ ﺍﺟﺬﺏ ﻋﻠﻴﻪ ﻭﺍﻛﻠﻪ ﻣﻮ ﺣﺎﻣﻞ ..
ﻓﺤﺼﺘﻨﻲ ﺍﻟﺪﻛﺘﻮﺭﻩ ﻭﺳﻮﻳﺖ ﻛﻞ ﺍﻟﺘﺤﺎﻟﻴﻞ ﻧﻮﻣﺘﻨﻲ ﻉ ﺍﻟﺴﺪﻳﻪ ﻭﺣﻄﺖ ﻣﺎﺩﻩ ﻋﻠﻰ ﺑﻄﻨﻲ ﻭﺷﺎﻓﺖ ﺑﺎﻟﺸﺎﺷﻪ ﺷﻐﻠﺖ ﺍﻟﺠﻬﺎﺯ ﻣﺎﻝ ﺍﻟﻔﺤﺺ ﻭﺳﻤﻌﻨﻪ ﺩﻗﺎﺕ ﻗﻠﺐ ﺍﻟﻄﻔﻞ ..
ﺍﻭﻝ ﻣﺎﺳﻤﻌﺘﻬﻦ ﺍﻟﺘﻔﺘﺖ ﻋﻠﻰ ﺻﻔﺎﺀ ﻋﻴﻮﻧﻪ ﺩﻣﻌﺖ ﻭﺑﻘﻰ ﻳﺮﻣﺶ ﻣﺴﻴﻄﺮ ﻋﻠﻴﻬﻦ ﻭﺍﻧﻲ ﺍﻧﻬﺪﻳﺖ ﺑﭽﻲ ..
ﺳﺤﺐ ﺇﻳﺪﻱ ﻭﻛﺎﻝ
- ﻫـٰﺬﺍ ﺍﻟﺮﺍﺡ ﻳﺮﺟﻌﻨﺎ ﺳﻮﻩ
- ﻻ ﻣﺴﺘﺤﻴﻞ
- ﺗﻨﺴﻴﻦ ﻭﺗﺼﻴﺮ ﺳﻮﺍﻟﻒ
- ﻣﺎﺍﺭﻳﺪ ﺻﻔﺎﺀ ﻟﺘﺠﺒﺮﻧﻲ ﻋﻠﻰ ﺷﻲ ﻣﺎﺭﺍﻳﺪﺗﻪ ﺍﺻﻼ .
- ﺍﺷﺸﺶ ﺍﺳﻜﺘﻲ ﻋﻮﻓﻲ ﻛﻠﺸﻲ ﻭﺑﺲ ﺍﻫﺘﻤﻲ ﺑﻔﺮﺣﺘﻨﻪ ﻭﺍﺑﻨﻪ ﺍﻟﻤﻘﺒﻞ ﻋﻠﻰ ﺣﻴﺎﺗﻨﻪ
- ﺍﻣﻢ
ﮔﺎﻟﺖ ﺍﻟﺪﻛﺘﻮﺭﻩ
- ﻭﻳﻦ ﻣﺎﺗﺪﺭﻭﻥ ﺻﺎﺭ ﺷﻬﺮﻳﻦ ﻭﻧﺺ !!
- ﺷﻨـﻮﻭ ﺷﻮ ﻫﻮﺍﻱ ﻭﻻﺑﻴﻦ ﻋﻠﻴﻪ
- ﺍﻧﺖِ ﻧﺎﻋﻤﻪ ﻣﻴﺒﻴﻦ ﻋﻠﻴﭻ ﺍﺻﻼً ﺑﺲ ﻫﺎﻱ ﺍﻟﻌﺒﺎﻟﭻ ﻛﺮﺵ ﺻﻐﻴﺮ ﻫـٰﺬﺍ ﺍﺑﻨﺞ ﻣﻮ ﺍﻟﻨﻮﺏ ﻋﺒﺎﻟﺞ ﻃﻠﻌﻠﺞ ﻛﺮﺵ ﻭﺗﺮﻭﺣﻴﻦ ﺗﺴﻮﻳﻦ ﺩﺍﻳﺖ ﻫﻬﻬﻪ
ﺻﻔﺎﺀ ﻛﺎﻝ
- ﻫﻬﻬﻬﻬـﻪ ﺷﺤﺪﻫﻪ ﺗﺮﻳﺪ ﺗﺨﻠﻲ ﺍﺑﻨﻲ ﺿﻌﻲ
ﺍﻟﺘﻔﺖ ﻋﻠﻴﻪ ﻛﺮﺻﻨﻲ ﻣﻦ ﺧﺪﻱ ﻭﺍﻧﻲ ﺑﺲ ﺍﺧﻮﺯﺭ ﺑﻴﻪ ﻭﻻﻳﺴﺘﺤﻲ ﻣﻦ ﺍﻟﺪﻛﺘﻮﺭﻩ
ﻛﺎﻝ ﺑﻀﺤﻚ
- ﺗﺮﻩ ﺍﺭﻳﺪ ﺍﺑﻨﻲ ﻣﺪﻧﻔﺶ ﻭﺍﺑﻴﺾ ﻋﻠﻴﺞ
ﺳﻜﺘﺖ //..
ﻭﺑﺲ ﺍﺑﺘﺴﻢ ﺧﺠﻼﻧﻪ
ﺍﻟﺪﻛﺘﻮﺭﻩ ﻧﻈﺮﺍﺗﻬﻪ ﻋﻠﻴﻨﻪ ﻭﻓﺮﺣﺎﻧﻪ ﻋﻠﻰ ﻓﺮﺣﺘﻨﻪ ..
ﻃﻠﻌﻨﻪ ﻣﻦ ﻳﻤﻬﻪ ﻭﻛﺎﻝ ﺍﻣﺸﻲ ﻧﺘﺴﻮﻙ
ﺑﻘﻴﻨﺎ ﻧﺘﺴﻮﻙ ﻭﻳﺠﻴﺐ ﻭﻳﺤﻂ ﺑﺈﻳﺪﻱ ﻭﺍﻳﺪﻩ ﺍﻧﺘﺮﺳﺖ ﺗﺴﻮﻙ ﺟﻬﺎﺯ ﻛﺎﻣﻞ ﻟﻠﻄﻔﻞ ﻋﺒﺎﻟﻚ ﻣﺘﺎﻛﺪ ﻣﻨﻪ ﻭﻟﺪ ﻛﻠﻪ ﺍﺯﺭﻕ ..
ﺇﻳﺪﻱ ﺍﻧﺘﺮﺳﺖ ﻋﻼﻟﻴﻚ ﻭﺍﻳﺪﻩ ﻧﻔﺲ ﺍﻟﺸﻲ ﻭﺍﻟﺴﻴﺎﺭﻩ ﺑﺎﻟﻜﺮﺍﺝ ..
ﺍﻧﻲ ﻣﻤﺴﻴﻄﺮﻩ ﻋﻠﻰ ﻣﺸﻴﺘﻲ ﺍﻣﺸﻲ ﻭﺍﺗﻌﺜﺮ ﻭﻛﻠﺴﺎﻉ ﺍﺭﻭﻝ ﺍﺭﻳﺪ ﺍﻭﻛﻊ ..
ﺭﺣﻨﺎ ﻧﺘﻤﺸﻰ ﻟﻠﺴﻴﺎﺭﻩ ﻭﻫﻮَ ﻳﺴﻮﻟﻒ
- ﺇﻳﭭﺎﻥ ﺍﺭﺟﻌﻲ ﻭﺍﻟﻠﻪ ﻣﺘﺒﻬﺬﻝ ﺑﻌﺪﺝ ﻣﺎﺷﻔﺖ ﺭﺍﺣﻪ ﻭﻻ ﺷﻔﺖ ﺍﻟﻨﻮﻡ ﺷﻨﻮ ﻃﻌﻤﻪ ﻛﻠﻤﺎ ﺍﺩﺧﻞ ﻟﻠﺸﻘﻪ ﺍﺷﻮﻓﺞ ﺗﻔﺮﻓﺮﻳﻦ ﺑﻴﻬﻪ ﻭﺍﺭﺟﻊ ﺍﺗﺤﺴﺮ ﻭﺍﻏﻢ ﺑﺮﻭﺣﻲ ﻻﻥ ﺿﻴﻌﺘﺞ ﻣﻨﻲ ﻭﺗﺪﺭﻳﻦ ﻫﺎﻱ ﺧﺎﻣﺲ ﻣﺮﻩ ﺍﺗﻌﺎﺭﻙ ﻭﻱ ﺍﻣﻲ ﺑﺴﺒﺒﺞ ﻻﻥ ﺑﺲ ﺍﺩﺧﻞ ﻟﻠﺸﻘﻪ ﻭﺍﻟﻜﺎﺝ ﻣﻤﻮﺟﻮﺩﻩ ﺍﺗﺬﻛﺮ ﻫﻲ ﺍﻟﺴﺒﺐ ﺑﺘﻔﺮﻗﻨﻪ ﻭﻫﻲَ ﺍﻟﺨﻠﺘﻨﻲ ﺍﻓﻘﺪ ﻭﺍﺳﻮﻱ ﻫﻴﺞ ﻳﻌﻨﻲ ﻟﻮ ﻣﺎ ﺍﻟﺴﺤﺮ ﺟﺎﻥ ﻫﺴﻪ ﺍﻧﺖِ ﺑﺎﺣﻀﺎﻧﻲ ﻭﺟﺎﻥ ﻧﺎﻳﻤﻪ ﻋﻠﻰ ﺟﺮﺑﺎﻳﺘﻲ ﻭﻭﺑﻴﺘﺞ ﻭﺑﻌﺮﺷﺞ
- ﻛﺎﻓﻲ ﺻﻔﺎﺀ ﻻﺗﻜﻤﻞ
- ﻻ ﺧﻞ ﺍﻛﻤﻞ ﻟﻮ ﻣﺎ ﻧﺒﺄ ﻫﺎﻱ ﺍﻟﮕـ ... ﺗﺪﺭﻳﻦ ﻫﺴﻪ ﺍﺣﻨﻪ ﻣﻠﻮﻙ
- ﺍﻱ ﻻﺯﻡ ﺍﻧﺖَ ﻣﻠﻚ ﺍﻟﻬﻨﺪ ﺟﻼﻝ ﺍﻟﺪﻳﻦ
- ﻫﻬﻬﻬﻬـﻪ ﻣﺮﺗﻲ ﺻﺎﻳﺮﻩ ﺣﺸﺎﺷﻪ
- ﻣﻦ ﻭﺭﺍﻙ ﺟﺎﻳﻨﻲ ﻣﻠﻜﻪ ﻭﻣﻠﻚ ﺷﻌﻨﺪﻱ ﻣﺴﻠﺴﻞ ﻫﻨﺪﻱ ﺧﻮﻣﺎ ﻣﺴﻠﺴﻞ
- ﻻ ﻣﻮ ﻣﺴﻠﺴﻞ ﺑﺲ ﺍﺣﺒﺞ ﻭﺍﺭﻳﺪﺝ ﺗﺮﺟﻌﻴﻠﻲ
- ﺻﻔﺎﺀ ﺷﺎﻳﻒ ﺍﻟﻌﺠﺎﺋﺐ ﺍﻟﺴﺒﻌﻪ ؟؟
- ﻣﺎﺷﺎﻳﻔﻬﻦ ﺑﺲ ﺳﺎﻣﻊ ﺑﻴﻬﻦ
- ﺍﻱ ﺍﻟﻤﻬﻢ ﺍﻻﻋﺠﻮﺑﻪ ﻟﺜﺎﻣﻨﻪ ﺍﺭﺟﻌﻠﻚ
- ﺍﺷﺘﻌﻠﻮﺍ ﻋﺸﻴﺮﺗﺞ ﻭﻋﺸﻴﺮﺓ ﻧﺒﺎ ﺑﻨﺖ ﺍﻟﻜﻠﺐ
- ﻛﺎﻓﻲ ﺗﻐﻠﻚ ﻉ ﺍﻟﻌﺎﻟﻢ ﺍﻟﻤﻴﺘﻪ ﺑﺴﺴﺲ
ﺳﺮﻋﺖ ﺑﻤﺸﻴﺘﻲ ﻭﻣﺸﻴﺖ ﻛﺪﺍﻣﻪ ﺗﺨﻄﻴﺘﻪ ﻭﺍﻣﺸﻲ ﻭﺍﺗﻌﺜﺮ ﻭﺍﻟﺸﺎﺭﻉ ﻣﺘﺮﻭﺱ ﻭﻟﺪ ﺳﻮﻙ ﺑﻌﺪ ..
ﺻﺎﺭ ﻭﺭﺍﻱ ﺑﺒﻌﺪ ﻣﺴﺎﻓﻪ ﻗﻠﻴﻠﻪ ﻭﺍﻧﻲ ﺯﺍﻳﻄﻪ ﺑﻤﺸﻴﺘﻲ
ﺍﻣﺸﻲ ﺳﺮﻳﻊ ﻭﻋﺒﺎﻳﺘﻲ ﻛﻠﺴﺎﻉ ﺗﻠﺘﻒ ﺟﻮﻩ ﺭﺟﻠﻲ ..
ﻟﻤﺎ ﺻﺎﺭﺕ ﺟﻮﻩ ﺭﺟﻠﻲ ﺳﺤﻜﺘﻬﻪ ﻭﻃﺒﺒﺒﺐ
ﺑﻮﺳﻂ ﺍﻟﺴﻮﮒ ﻭﻛﻌﺖ ﻭﺍﻟﻐﺮﺍﺽ ﺗﺪﺭﺑﻦ ﻣﻨﻲ ﻭﺍﻳﺪﻱ ﺍﻧﺼﻠﺨﺖ ..
ﺍﻟﻨﺎﺱ ﻛﻠﻬﻪ ﺻﺎﺣﺖ ( ﺍﺳﺴﺴﺴﻢ ﺍﻟﻠﻪ )
ﺧﺮﺏ ﺣﻈﻲ ﻭﻟﻜﻢ ﺍﺿﺤﻜﻮﺍ ﺍﺿﺤﻜﻮﺍ ﻭﻻﺗﮕﻮﻟﻮﻥ ﺍﺳﻢ ﺍﻟﻠﻪ ﻫـٰﺬﺍ ﺑﺴﻤﺎﺭ ﻣﻦ ﻧﻮﻉ ﺍﺧﺮﺭ ..
ﺻﻔﺎﺀ ﺭﻛﺾ ﻋﻠﻴﻪ ﻳﻜﻮﻡ ﺑﻴﻪ ..
ﻟﻤﺎ ﺷﻮﻳﻪ ﻫﺪﺃ ﺍﻟﺠﻮ ﻭﺑﻌﺪﻫﻪ ﺻﺎﺭ ﺍﻟﻀﺤﻚ ﺑﻔﻠﺲ ..
ﻋﺰﺍ ﺍﻟﻌﺰﺍﻧﻲ ..
ﻋﻴﻮﻧﻲ ﻗﺮﻗﺮﺕ ﻭﺍﺭﻳﺪ ﺍﺑﺠﻲ ﻣﻦ ﺍﻟﻔﺸﻠﻪ ..
ﺻﻔﺎﺀ ﻣﺪﻧﻚ ﻋﻠﻴﻪ ﻭﻳﺮﻳﺪﻧﻲ ﺍﻛﻮﻡ ﻣﺎﻛﻮ ﻟﻄﺸﺖ ﺑﺎﻟﻜﺎﻉ ﺑﻌﺪ
ﺭﻓﻌﺖ ﺭﺍﺳﻲ ﺷﻔﺘﻪ ﺿﺎﻡ ﺍﻟﻀﺤﻜﻪ ﻭﻋﺎﺻﺮ ﺭﻭﺣﻪ ﻛﻮﻩ
ﺭﺟﻒ ﻓﻜﻲ ﺍﺭﻳﺪ ﺍﺑﺠﻲ ﻣﻦ ﺍﻟﻔﺸﻠﻪ
- ﺻﻔﺎﺀ ﻭﻋﻠﻲ ﺍﺫﺍ ﺿﺤﻜﺖ ﺍﻛﻠﺐ ﺍﻻﻣﻪ
ﺍﺑﺘﺴﻢ ﻭﺳﺪ ﺣﻠﮕﻪ ﺑﺈﻳﺪﻩ
- ﻣﺎﺍﺿﺤﻚ ﺑﺲ ﻛﻮﻣﻲ
ﻛﻤﺖ ﻣﺘﻠﻔﻪ ﺗﺮﺍﺏ ﻭﺭﺟﻠﻴﻪ ﺗﺘﺮﺍﻃﻢ ﻭﺍﺣﺲ ﺍﻟﺪﻡ ﻳﻨﺰﻝ ﻋﻠﻰ ﺭﻛﺒﻲ ﻻﻥ ﺍﻟﻜﺎﻉ ﺧﺸﻨﻪ ﻭﺣﺼﻮ ﺍﻟﺸﺎﺭﻉ ﻭﺍﻧﻲ ﻭﻛﻌﺖ ﻋﻠﻴﻪ ﺻﺎﺭ ﺑﻴﻪ ﻓﻠﻢ
ﻳﺘﺒﻊ ..
ﻋـﺒﺮﺍﺕ ﺍﻟـﻌـﺒـﺎﺩﻱ 🌼🌻
ﻭﺍﺣﻠﻰ ﺑﺎﺭﺕ ﺗﻌﻮﻳﻀﻲ ❤..
ﻫﺎﻻﻳﺎﻡ ﺣﺎﻟﺘﻲ ﻣﺜﻞ ﺍﻡ ﺍﻟﺒﺰﺍﺯﻳﻦ ﺍﺟﻲ ﺍﻛﺘﺐ ﺑﺎﺭﺕ ﺑﺮﺷﻔﺔ ﻋﺸﻖ ﻭﺍﺭﻭﺡ ﺍﻛﺘﺐ ﺑﺎﺭﺕ ﺑﻬﺸﺎﺷﺔ ﻗﻠﺐ ﻭﺑﻌﺪﻫﻪ ﺍﺭﻭﺡ ﻟﻄﺎﻗﺔ ﺗﺤﻤﻞ ﻭﻋﻠﻲ ﺍﺣﺲ ﺭﻭﺣﻲ ﻫﻠﻜﺖ ﻋﻘﻞ ﻣﺎﺑﻘﻰ ﻋﻨﺪﻱ ﺑﻌﺪ ﻫﺎﻟﻘﺼﻪ ﻳﺮﺍﺩﻟﻲ ﺍﺧﺬﺫ ﺷﻬﺮﻳﻦ ﺍﺳﺘﺮﺍﺣﻪ ﻳﻼ ﺍﺑﻠﺶ ﺑﻄﺎﻗﺔ ﺗﺤﻤﻞ ﺑﻮﻳﻪ ﻣﺘﺖ 😩😩😩
ﺍﻟـﺴـﻼﻡُ ﻋـﻠـﻴـﻜـﻢ 🌼🌻
#ﺭﺷﻔﺔ_ﻋﺸﻖ
ﺍﻟـﻌـﺒـﺎﺩﻳـــﻪ
#ﺍﻟﺒﺎﺭﺕ30_
ﺃَﻭَﻟَﺴْﺖَ ﺃَﻧْﺖَ ﻭَﻋَﺪْﺗَﻨِﻲ ﻣَﻬْﻤَﺎ ﺣَﺼَﻞْ
ﺳَﺘَﻜُﻮﻥُ ﺃﻧْﺖَ ﻛَﻤَﺎ ﻭَﺛِﻘْﺖُ ﻭَﺃَﻋْﺮِﻓـﻚْ
ﻳَـﺎ ﺃﻳَّـﻬَﺎ ﺍﻟـﻮَﻋْـﺪُ ﺍﻟـﺬﻱ ﻗَـﺪْ ﺿَـﺮَّﻧِـﻲ
ﻻ ﺃﻧْﺖَ ﺃَﻧْﺖَ ﻭَﻟَﺴْـﺖَ ﺣَﺘَّﻰ ﺗُﺸْـﺒِﻬُﻚْ
~~~~~~~~~~~~~~~~~~~~~~~~~~~~~~
ﺇﻳﭭﺎﻥ
ﺭﻓﻌﺖ ﺭﺍﺳﻲ ﺷﻔﺘﻪ ﺿﺎﻡ ﺍﻟﻀﺤﻜﻪ ﻭﻋﺎﺻﺮ ﺭﻭﺣﻪ ﻛﻮﻩ ﻭﻻﻡ ﺷﻔﺎﻓﻪ ﺧﺎﻑ ﻳﻀﺤﻚ
ﺭﺟﻒ ﻓﻜﻲ ﺍﺭﻳﺪ ﺍﺑﺠﻲ ﻣﻦ ﺍﻟﻔﺸﻠﻪ ﻋﺒﺎﺗﻲ ﻣﺘﺮﺑﻪ ﻭﺭﺟﻠﻴﻪ ﻣﺼﻠﺨﻪ ﻛﺘﻠﻪ ﺑﺤﺬﺭ
- ﺻﻔﺎﺀ ﻭﻋﻠﻲ ﺍﺫﺍ ﺿﺤﻜﺖ ﺍﻛﻠﺐ ﺍﻻﻣﻪ
ﺍﺑﺘﺴﻢ ﻭﺳﺪ ﺣﻠﮕﻪ ﺑﺈﻳﺪﻩ
- ﻣﺎﺍﺿﺤﻚ ﺑﺲ ﻛﻮﻣﻲ
ﻛﻤﺖ ﻣﺘﻠﻔﻪ ﺗﺮﺍﺏ ﻭﺭﺟﻠﻴﻪ ﺗﺘﺮﺍﻃﻢ ﻭﺍﺣﺲ ﺍﻟﺪﻡ ﻳﻨﺰﻝ ﻋﻠﻰ ﺭﻛﺒﻲ ﻻﻥ ﺍﻟﻜﺎﻉ ﺧﺸﻨﻪ ﻭﺣﺼﻮ ﺍﻟﺸﺎﺭﻉ ﻭﺍﻧﻲ ﻭﻛﻌﺖ ﻋﻠﻴﻪ ﺻﺎﺭ ﺑﻴﻪ ﻓﻠﻢ ..
ﻣﺸﻴﺖ ﺧﻄﻮﺗﻴﻦ ﻭﻫﻮَ ﻻﺯﻣﻨﻲ ﺧﺎﻑ ﺍﺭﺟﻊ ﺍﻭﮔﻊ ..
ﻭﺻﻠﻨﺎ ﻟﻠﺴﻴﺎﺭﻩ ..
ﺍﻭﻝ ﻣﺎﺩﺧﻠﺖ ﺍﻧﻔﺠﺮﺕ ﺑﭽﻲ ﻉ ﺍﻟﻔﺸﻠﻪ ﻭﻫـٰﺬﺍ ﺻﻔﺼﻒ ﺍﻧﺴﺪﺡ ﻉ ﺍﻟﻜﺸﻦ ﻭﻛﺮﻛﺮﻛﺮﻛﺮ ﺻﻮﺕ ﺿﺤﻜﻪ ﻭﺻﻞ ﻻﺍﻣﺮﻳﻜﺎ ..
ﻭﺍﻧﻲ ﺍﺑﺠﻲ ﻭﻫﻮَ ﻳﻀﺤﻚ ..
ﺷﻠﺖ ﺍﻟﻌﻼﮔﻪ ﻭﻃﮕﻴﺘﻪ ﺑﻴﻬﻪ ﻭﻇﻠﻴﺖ ﺍﻃﻠﻊ ﺑﺎﻟﻐﺮﺍﺽ ﻭﺍﺷﻤﺮ ﻋﻠﻴﻪ ﻭﻫﻮَ ﻭﻻ ﻳﻤﻪ
- ﻛﺎﺍﺍﺍﻓﻲ ﺍﺳﻜﺘﺖ ﻭﺍﻟﻠﻪ ﻛﻠﻪ ﻣﻦ ﻭﺭﺍﻙ ﺍﻧﻲ ﺻﻮﺟﻲ ﻟﺒﺴﺖ ﻋﺒﺎﻩ ﺻﻮﺟﻲ ﻭﺍﻟﻠﻪ .
- ﻟﺞ ﺍﻧﺖِ ﺷﺎﻳﻔﻪ ﺧﻠﻔﻴﺘﺞ ﺗﺨﺰﺯﻱ ﻣﻦ ﺍﻻﻏﺮﺍﺀ
ﺷﻠﺖ ﻋﻠﺒﻪ ﻧﺎﻳﻠﻮﻥ ﻭﻃﮕﻴﺘﻪ ﺑﻴﻬﻪ
- ﻛﺎﻓﻲ ﺷﻜﺪ ﺍﺩﺑﺴﺰﺯ
ﻏﺎﺑﺖ ﺍﻟﻀﺤﻜﻪ ﻋﻦ ﻭﺟﻬﻪ ﻭﺍﻟﺘﻔﺖ ﻋﻠﻴﻪ ﺧﺰﺭﻧﻲ
- ﻻﺗﺘﺠﺎﻭﺯﻳﻦ ﻣﻮ ﺍﻧﻄﻴﺘﺞ ﻣﺠﺎﻝ
ﺿﺤﻜﺖ ﺑﺴﺨﺮﻳﻪ
- ﺍﻳﺒﺎﺍﺍﺍﺥ ﻫﻬﻬﻬﻬﻬـﻪ ﻭﺍﻟﻠﻪ ﻳﺎﺍﻟﻠﻪ ﺯﻳﻦ ﻫﻢ ﺍﻟﻚ ﻟﺴﺎﻥ ﻭﺗﺤﭽﻲ
- ﻣﻬﻤﺎ ﻳﻜﻮﻥ ﻟﻮ ﻛﺎﺗﻞ ﺍﺑﻮﭺ ﻣﻦ ﺗﺘﺠﺎﻭﺯﻳﻦ ﺍﻓﺮﻙ ﺣﻠﻜﭻ
- ﻫﻲَ ﻋﻮﺯﻫﻪ ﺑﺲ ﺗﻜﺘﻞ ﺍﺑﻮﻱ
- ﻏﺼﺒﺎً ﻋﻠﻴﺞ
- ﺩﻳﻼ ﻳﻼ ﻭﺻﻠﻨﻲ ﻭﺑﻌﺪ ﻻﺗﺨﻄﻲ ﺧﻄﻮﻩ ﻟﺒﻴﺖ ﺟﺪﻭ
- ﺍﺧﻄﻲ ﻭﻧﺺ ﺑﻜﻴﻔﻲ ﻋﺎﺩ
- ﺍﻣﺸﻲ ﺭﺟﺎﺀً
ﻭﺻﻠﺖ ﻟﻠﺒﻴﺖ ﻣﺒﺎﺷﺮﺓً ﻧﺰﻟﺖ ﻭﻣﺎﺍﺧﺬﺕ ﻭﻻﺍﻱ ﺷﻲ ﻭﻳﺎﻱ ﺣﺘﻰ ﺍﻟﻌﻼﻟﻴﮓ ﺍﻟﻔﺸﻠﻨﻲ ﻋﻔﺘﻬﻢ ..
ﺩﺧﻠﺖ ﻟﻠﺒﻴﺖ ﻟﮕﻴﺖ ﻋﺒﺎﺱ ﻭﺣـﻮﺭﺍﺀ ﻳﺘﻨﺎﻛﺮﻭﻥ ﻭﻫﻮَ ﻳﻌﻴﻂ ﺑﻜﻞ ﺻﻮﺗﻪ ﻭﻫﻲَ ﻣﺎﺗﺘﻨﺎﺯﻝ ﺗﺮﺍﺩﺩ ﺑﻴﻪ .. ﻟﻤﺎ ﺟﺎﺑﻬﻪ ﺑﺮﺍﺷﺪﻱ ﮔﺪﺍﻡ ﺍﻟﻜﻞ ﺧﻠﻰ ﻭﺟﻬﻪ ﻳﻄﻔﺮ ﺩﻡ ﻣﻦ ﺍﻟﻔﺸﻠﻪ !!.
ﺭﻛﻀﺖ ﻋﻠﻴﻪ ﺩﻓﻌﺘﻪ ﻭﻋﻄﺖ ﺑﻴﻪ
- ﻟﻚ ﺍﻧﺖَ ﺷﻠﻮﻥ ﻫﻴﭻ ﺗﺴﻮﻱ ﺑﺈﺧﺘﻲ ﻣﻨﻮ ﺳﻤﺤﻠﻚ ﺗﺎﻳﻬﻪ ﻋﻨﺪﻙ ﺷﻨـﻮ
ﻋﺒﺎﺱ .. ﺍﻧﺖِ ﻻﺗﺘﺪﺧﻠﻴﻦ
- ﻻﺯﻡ ﺑﺲ ﺇﻧﺖَ ﺗﺘﺪﺧﻞ ﻣﻮﻭ؟؟
- ﻣﻌﻠﻴﺞ ﺍﻃﻠﻌﻲ ﻣﻨﻬﻪ
بيج قصص عراقيه حقيقيه من واقعنا.روعه الطائي
- ﻻﻭﺍﻟﻠﻪ ﻣﺎﺍﻃﻠﻊ ﻣﺎﺗﺒﻘﻰ ﻟﺤﻈﻪ ﻋﻨﺪﻙ ﺷﻨـﻮ ﻣﺨﻠﻴﻬﻪ ﻫﻨﺎ ﻣﺪﮔﻪ
- ﺇﻳﭭﺎﻥ ﻟﺘﺘﺪﺧﻠﻴﻦ ﻣﺮﺗﻲ ﻭﺑﻜﻴﻔﻲ
- ﻻ ﻣﻮ ﺑﻜﻴﻔﻚ ﺍﺧﺘﻲ ﻗﺒﻞ ﻟﺘﻜﻮﻥ ﻣﺮﺗﻚ
ﺣـﻮﺭﺍﺀ ﻣﺪﻧﮕﻪ ﻭﺗﺒﭽﻲ ﺭﻛﻀﺖ ﻋﻠﻴﻬﻪ ﺳﺤﺒﺘﻬﻪ ﻣﻦ ﺇﻳﺪﻫﻪ ﻭﮔﺘﻠﻬﻪ
- ﻳﻼ ﺍﻣﺸﻲ ﻻﺍﻫﻠﺞ ﻣﺎﻋﻨﺪﺝ ﻛﺮﺍﻣﻪ ﺷﻨـﻮ ﻣﺎﻧﺮﻳﺪﺝ ﺑﻌﻨﺎﺝ ﺍﻟﺞ ﺣﺘﻰ ﻳﻌﺎﻣﻠﺞ ﻣﺜﻞ ﺍﻟﺨﺪﻡ !!
- ﻣﺎﺍﺭﻳﺪ ﺍﺭﻭﺡ
- ﻟﺞ ﺷﻜﺪ ﻏﺒﻴﻪ ﺍﻧﺖِ ﻫﺴﻪ ﻳﻈﻞ ﻳﻌﻴﺮ ﺑﻴﺞ ﻭﻳﺸﻮﻑ ﺯﻋﻠﺞ ﻭﺭﺿﺎﺗﺞ ﻧﻔﺲ ﺍﻟﺸﻲ ﻭﻳﻈﻞ ﻳﺘﺼﺮﻑ ﺑﻜﻴﻔﻪ ﺧﻠﻴﻠﺞ ﻛﺮﺍﻣﻪ ﻳﺎﻋﻴﻨﻲ
- ﻟﺞ ﺍﻧﺖِ ﻣﺘﻔﻜﺮﻳﻦ ﺑﺄﻫﻠﻨﻪ ؟؟
ﺍﻭﻝ ﺷﻲ ﺍﻧﻲ ﻭﺑﻌﺪﻳﻦ ﺍﻧﺖِ ﻭﻫﺴﻪ ﺭﺍﺡ ﺍﺭﺟﻊ ﺍﻧﻲ؟؟
- ﺑﺎﺑﺎ ﻛﺎﻝ ﺑﺲ ﻭﺣﺪﻩ ﻳﺤﺎﺟﻴﻬﻪ ﻟﻮ ﻳﺬﻟﻬﻪ ﺗﺠﻲ ﻭﻣﺎﻋﻠﻴﻬﻪ ﻋﺴﻰ ﻣﺎ ﻳﻀﺮﺑﻮﻩ ﻃﻠﻘﺎﺕ
- ﻣﺎﺍﺩﺭﻱ ﺇﻳﭭﺎﻥ ﻣﺤﺘﺎﺭﻩ
- ﻫﻮَ ﻋﻠﻴﻤﻦ ﻋﺮﻛﺘﻜﻢ ؟
- ﺍﺳﻤﻌﻲ
ﺣـﻮﺭﺍﺀ .. ﭼﻨﺖ ﺩﺍﻏﺴﻞ ﺑﺎﻟﺨﻀﺮﻩ ﻭﻣﻨﺪﻣﺠﻪ ﻭﺍﻏﻨﻲ .. ﺇﺟﻪ ﻫﻮَ ﺷﻤﺮ ﻗﻤﻴﺼﻪ ﻋﻠﻰ ﺭﺍﺳﻲ ﺿﺤﻜﺖ ﻭﺳﻜﺘﺖ ﺇﺟﻪ ﻣﻦ ﻭﺭﻩ ﺣﻀﻨﻲ ﻭﺧﻨﻜﻨﻲ ﺑﺎﻟﻘﻤﻴﺺ ﻭﻟﻒ ﺭﮔﺒﺘﻲ ﻉ ﺍﻻﺳﺎﺱ ﻳﺘﺸﺎﻗﻰ ﺍﻧﻲ ﺍﺧﺘﻨﻜﺖ ﻭﻫﻢ ﺷﻠﺖ ﻣـﻲ ﺑﺈﻳﺪﻱ ﻭﺿﺤﻜﺖ ﻭﺷﻤﺮﺗﻪ ﻋﻠﻴﻪ ﻫﻮَ ﭼﺎﻥ ﻣﺨﻠﻲ ﻋﻠﻰ ﻭﺟﻬﻪ ﻣﺮﻫﻢ ﻣﺎﺍﺩﺭﻱ ﺷﻨـﻮ ﻣﻦ ﺷﻤﺮﺕ ﺍﻟﻤـﻲ ﻭﮔﻊ ﻑ ﻋﺎﻁ ﺑﻴﻪ
- ﺑﻨﺖ ﺍﻟﻨﻌﻞ ﻣﺎﺗﺸﻮﻓﻴﻦ ﻭﺟﻬﻲ ﺣﺎﻁ ﻣﺮﻫﻢ
- ﺇﻧﺖَ ﺧﻨﻜﺘﻨﻲ ﺑﺎﻟﻘﻤﻴﺺ ﻭﺑﻠﺸﺖ ﺍﻟﺸﻘﻰ
- ﻫﻴﺞ ﺷﺎﻗﺞ ﻣﻦ ﺍﻣﺪﺍﺝ ﻭﺍﻣﺪﻩ ﺷﻘﺎﺝ
- ﻳــﺎﺍ . !!..
- ﻭﻭﺟﻌﺎ ﻭﺳﻢ ﺑﺲ ﻭﺍﺣﺪ ﻳﻨﻄﻴﺞ ﻣﺠﺎﻝ ﺗﺎﻛﻠﻴﻨﻪ
- ﻻ ﺗﺮﻳﺪ ﺗﺨﻨﻚ ﺑﻴﻪ ﻭﺍﺳﻜﺘﻠﻚ ﻣﻮ؟؟
- ﺻﺎﻳﺮﻩ ﻛﻠﺸﺶ ﺍﺩﺑﺴﺰﺯ
- ﻻ ﻭﺍﻟﻠﻪ ﺍﻧﺖَ ﻣﺘﻐﻴﺮ ﻣﺎﺍﺩﺭﻱ ﻳﻤﻜﻦ ﻣﺮﺍﻓﮓ ﺷﻠﻪ ﻣﻮ ﺯﻳﻨﻪ ﻣﺎﺍﺩﺭﻱ ﺗﻜﺒﺮﺕ ﺑﺎﻟﻤﻌﻬﺪ ﺍﻟﻄﺒﻲ ﻣﺎﺍﺩﺭﻱ ﺍﻟﻌﻠﻢ ﻋﻨﺪ ﺍﻟﻠﻪ
- ﺷﻨـﻮ ﻗﺼﺪﺝ ﺑﺎﻟﺸﻠﻪ ﺍﻟﻤﻮ ﺯﻳﻨﻪ
- ﻫﻢ ﻣﻦ ﺍﺳﻤﻬﻢ ﻳﻌﻨﻲ ﻣﻮ ﺯﻳﻨﻪ
- ﻳﻌﻨﻲ ﺍﻧﻲ ﺳﺎﻗـ .. ﻣﻮ؟؟
ﺍﻧﻲ ﺟﺎﻭﺑﺖ ﺑﻬﺪﻭﺀ ﻭﺻﻮﺕ ﻣﺴﺘﻔﺰ ﻭﺭﻓﻌﺖ ﺍﻛﺘﺎﻓﻲ
- ﺍﻟﻌﻠﻢ ﻋﻨﺪ ﺍﻟﻠﻪ ﻳﺠﻮﺯ ﻛﻠﺸﻲ ﻳﺼﻴﺮ
ﻭﻣﺎﺍﺣﺲ ﺍﻻ ﺭﺍﺷﺪﻱ ﺻﻤﻚ ﻭﺟﻬﻲ ﺻﻤﻂ
- ﻭﻫـٰﺬﺍ ﺍﻟﺼﺎﺭ ﻭﺁﻧﻲ ﺍﻟﻐﻠﻄﺎﻧﻪ ﻣﺜﻞ ﻛﻞ ﻣﺮﻩ !!
- ﻻﺗﺒﻘﻴﻦ ﻭﻳﺎﻩ ﺻﺎﻳﺮ ﻭﺣﺸﺶ ﻣﻴﻨﻄﺎﻕ
ﺑﭽﻴﺖ ﻭﺷﻬﮕﺖ ﻋﻠﻰ ﺣﻈﻲ ﻭﻋﻠﻰ ﺍﺑﻨﻲ ﺍﻟﻌﻨﺪﻩ ﻫﻴﺞ ﺍﺏ !!
ﺍﻓﻜﺮ ﺑﺄﻫﻠﻲ ﻳﻮﻣﻴﻪ ﻭﺣﺪﻩ ﺯﻋﻼﻧﻪ ﺷﻄﻠﻌﺖ ﻫﺎﻱ !
ﮔﻠﺖ ﻻﺇﻳﭭﺎﻥ
- ﺍﻛﻠﺞ ﻣﺎﺍﺭﻭﺡ ﻻﺍﻫﻠﻲ ﺧﻄﻴﻪ ﺍﻣﻲ ﻭﺍﺑﻮﻳﻪ ﻣﻦ ﺍﺷﻮﻓﻬﻢ ﺷﻠﻮﻥ ﻣﻘﻬﻮﺭﻳﻦ ﻋﻠﻴﻨﻪ ﺍﺗﻤﻨﻰ ﺍﻃﻢ ﺭﻭﺣﻲ
- ﻻ ﻳﻤﻪ ﺍﺑﻘﻲ ﻫﻴﺞ ﻳﺬﻝ ﺑﻴﺞ ﻭﻣﻜﻴﻔﻪ ﻭﻃﺎﻳﺮﻩ ﺗﻬﻲ ﺑﻬﻲ
- ﺍﻫﻠﻲ ﻣﺎﺍﻛﺪﺭ
بيج قصص عراقيه حقيقيه من واقعنا.روعه الطائي
- ﺍﺑﻘﻲ ﺷﻌﻠﻴﻪ ﺑﻴﺞ
ﺑﻘﻮﺍ ﻣﺎﻳﺘﺤﺎﭼﻮﻥ ﻭﺑﺲ ﻳﺸﻮﻓﻬﻪ ﻛﻠﺴﺎﻉ ﻳﻄﺨﻬﻪ ﻭﻫﻲَ ﻣﺒﺎﺷﺮﺓً ﺗﻠﺘﻔﺘﻠﻲ ﻋﻮﺩ ﺷﻮﻓﻲ ﺗﺼﺮﻓﺎﺗﻪ ﻭﺍﻧﻲ ﺍﻛﻠﻬﻪ ﻣﻦ ﺇﻳﺪﭺ ..
ﺍﺟﻪ ﻫﻮَ ﻣﻦ ﺍﻟﺸﻐﻞ ﺳﻮﺗﻠﻪ ﻏﺪﺍﻩ ﻭﺑﻘﻰ ﻳﺴﻮﻟﻒ ﻭﻳﺎﻧﻪ ﻭﺇﺣﻨﻪ ﻻﺑﺴﻴﻨﻪ ﻭﻣﻄﻨﺸﻴﻦ ﺍﻟﻮﺿﻌﻴﻪ ﻭﻻﻋﺒﺎﻟﻚ ﺩﻳﺤﺠﻲ ﻭﻳﺎﻧﻪ ﺍﺑﺪﺩ ..
ﺍﺧﺮ ﺷﻲ ﻋﺎﻁ
ﻋﺒﺎﺱ .. ﺍﻧﻲ ﻣﻮ ﺩﺍﺣﺠﻲ ﻭﻳﺎﺟﻦ ﻟﻮ ﻻﺍﺍ؟؟
ﺍﻧﺖ ﺻﺪﻙ ﻣﺎﺗﺴﺘﺤﻦ ﻭﻭﻻﻋﺪﺟﻦ ﺍﺣﺘﺮﺍﻡ ﻻﺍﺣﺪ
ﺣـﻮﺭﺍﺀ ﺗﻘﻠﺐ ﺑﻌﻴﻮﻧﻬﻪ ﻭﺁﻧﻲ ﺍﻋﻮﺝ ﺑﺤﻠﻜﻲ ﺳﻮﻳﻨﻪ ﺑﻴﻪ ﻓﻠﻢ .
ﺑﺲ ﻃﻠﻊ ﻃﮕﻴﻨﺎﻫﻪ ﺿﺤﻜﻪ ..
ﺭﺟﻊ ﻣﺪ ﺭﺍﺳﻪ ﻣﻴﺖ ﻣﻦ ﺍﻟﻌﺼﺒﻴﻪ ﻭﻭﺟﻬﻪ ﺍﺣﻤﺮ
ﻋﺒﺎﺱ .. ﻭﺳﻢ ﻭﻣﺮﺽ ﻋﻠﻴﻤﻦ ﺗﺘﻤﻀﺤﻜﻦ
ﺳﺎﺩﻳﻦ ﺣﻠﻜﻮﻧﺎ ﻭﻛﻠﺴﺎﻉ ﺗﻄﻠﻊ ﺿﺤﻜﻪ ﻋﻠﻰ ﺷﻜﻞ ( ﺑﺦ ) ﻭﻧﻜﻤﻞ ﺍﻟﻀﺤﻜﻪ ﻣﻴﺘﻴﻦ ﻋﻠﻴﻪ ..
ﺍﻟﻌﺼﺮ ﺍﺧﺬ ﺧﺎﻟﺘﻲ ﻭﺑﻴﺒﻲ ﻟﻠﺸﻂ ﻭﻳﺼﻴﺢ ﺑﻌﻨﺎﺩ ﺍﻟﻤﻀﻐﻮﻃﻴﻦ ﻋﻠﻴﻨﻪ ﻫﻬﻬـﻪ ..
ﻋﺒﺎﺱ .. ﻳﻼ ﻳﻮﻡ ﺇﻟﺒﺴﻲ ﺧﻞ ﺍﺧﺬﺝ ﻓﺮﻩ ﻟﻠﺸﻂ ﻭﺍﺷﺘﺮﻳﻠﺞ ﻭﺍﺷﺒﻌﺞ ﻭﻧﺴﻪ
ﻫـٰﺬﺍ ﻳﺤﺠﻲ ﻭﻋﻴﻨﻪ ﻋﻠﻰ ﺣـﻮﺭﺍﺀ ﺍﻟﻼﺯﻣﻪ ﻣﻮﺑﺎﻳﻠﻪ ﻭﺗﻜﻨﻚ .
ﺍﻧﻲ ﻫﻢ ﻃﻠﻌﺖ ﻣﻮﺑﺎﻳﻠﻲ ﻭﻛﻌﺪﺕ ﻳﻤﻬﻪ ﻭﻛﻨﻜﺖ .. ﺗﺨﺒﻞ !! ..
ﺻﻔﻦ ﻭﺧﺼﻢ ﻋﻴﻨﻪ .. ﺑﺤﺮﻛﻪ ﺳﺮﻳﻌﻪ ﺭﻛﺾ ﻋﻠﻰ ﺣـﻮﺭﺍﺀ ﺳﺤﺐ ﺍﻟﻤﻮﺑﺎﻳﻞ ﻣﻨﻬﻪ ﻭﻳﺮﻓﻌﻠﻬﻪ ﺣﺎﺟﺒﻪ ﺑﺈﻧﺘﺼﺎﺭ ..
ﺍﺷﺮﻟﻬﻪ ﺑﺈﻳﺪﻩ ﺑﻌﻼﻣﺔ ﺑﺎﻱ ﻭﮔﺎﻟﻬﻪ
- ﺑﻴﺒﺎﻱ ﺣـﻮﺣـﻮ ﻫﻬﻬﻬﻬﻬﻬـﺎﻱ
ﻃﻠﻊ ﻭﺑﻘﻴﻨﺎ ﺻﺎﻓﻨﻴﻦ ﻭﺣﺪﻩ ﺑﻮﺟﻪ ﺍﻟﻠﺦ ﺣـﻮﺭﺍﺀ ﺍﺷﺮﺕ ﺑﺈﺻﺒﻌﻬﻪ ﺍﻟﺴﺒﺎﺑﻪ ﻋﻠﻰ ﻧﻔﺴﻬﻪ ﺑﺠﻤﻮﺩ ﻛﺎﻟﺖ
- ﺁﻧﻲ ﺣـﻮﺣـﻮﻭ؟؟
- ﻫﻬﻬﻬﻬﻬﻬﻬﻬﻬـﺎﻱ ﺷﻬﺎﻟﻠﻘﺐ ﺍﻟﺴﺨﻴﻒ
- ﺻﺪﮒ ﺯﺍﺡ ﺍﻟﻤﺴﺘﺤﻰ
- ﺷﺴﻮﻩ ﺍﻟﺮﺟﺎﻝ ﺍﻟﻔﻘﻴﺮ
- ﻫﻬﻬﻬﻬـﻪ ﺍﻧﺖِ ﻭﻳﺎﻩ ﻋﻠﻴﻪ ﻓﻬﻤﻴﻨﻲ ﻣﻮﺿﻮﻋﺞ ؟؟
- ﺍﻧﻲ ﻻﻭﻳﺎﻩ ﻭﻻﻋﻠﻴﻪ ﻣُﺤﻴﺰﻩ ﻟﻠﻄﺮﻓﻴﻦ
- ﺍﺧﺘﻲ ﺍﻧﺖِ ﻋﻮﺑﻪ
- ﻣﻴﺨﺎﻟﻒ ﻧﺸﻮﻑ ﺗﺎﻟﻴﺘﻜﻢ ﺷﻨـﻮ .
..
ﺑﺎﻟﻠﻴﻞ ﺭﺟﻊ ﻋﺒﺎﺱ ﻭﺟﺎﻳﺐ ﺧﺎﻟﺘﻲ ﻭﻳﮕﻠﻬﻪ
- ﺍﻱ ﻳﻮﻡ ﻫﺎﻱ ﺷﻔﺘﻴﻬﻪ ﺍﻟﺒﻨﻴﻪ ﻭﺍﻟﻠﻪ ﺗﻜﺘﻞ ﺑﺲ ﺍﺧﻄﺒﻴﻬﻪ ﺍﻟﻲ
ﺣـﻮﺭﺍﺀ ﺍﻟﺘﻔﺘﺘﻠﻪ ﺧﺰﺭﺗﻪ ﻭﻫﻮَ ﺑﺎﻭﻋﻠﻬﻪ ﻭﺩﺍﺭ ﻭﺟﻬﻪ ﻏﻴﺮ ﻣﺒﺎﻟﻲ .
ﺍﻟﺘﻔﺘﺖ ﻋﻠﻴﻪ ﻫﻤﺴﺘﻠﻲ
- ﻣﻮ ﻣﺎﻝ ﻭﺍﺣﺪ ﻫﺴﻪ ﻳﻤﻄﻠﻪ ﺑﺎﻟﻜﺎﻉ ﻭﻳﻜﻌﺪ ﻋﻠﻴﻪ ﺑﻮﻛﺴﺎﺕ ﺑﺸﺮﻓﺞ
- ﺩﻛﻮﻣﻲ ﻧﻤﻄﻠﻪ
- ﻭﻟﺞ ﺧﺎﻑ ﻳﻤﻄﻠﻨﻪ ﻣﺎﻧﻤﻄﻠﻪ ﻫﻬﻬﻬﻬﻬـﻪ
ﺿﺤﻜﺖ ﺑﺼﻮﺕ ﻋﺎﻟﻲ ﻭﻫﻮَ ﺇﻟﺘﻔﺘﺖ ﺇﻟﻬﻪ ﻓﺸﻼﻥ ﻻﻥ ﻋﺒﺎﻟﻪ ﻳﺤﺘﺮﻙ ﻛﻠﺒﻬﻪ ﻭﻣﻦ ﺿﺤﻜﺖ ﻓﺸﻞ !.
ﺻﺎﺡ ﺑﻌﻠﻮ ﺻﻮﺗﻪ ﻭﻳﺒﺎﻭﻉ ﺑﻴﻬﻪ
- ﻳﻼ ﻳﻮﻡ ﺗﺨﻄﺒﻴﻠﻲ
ﮔﺎﻣﺖ ﺣـﻮﺭﺍﺀ ﻭﺻﺎﺣﺘﻨﻲ
بيج قصص عراقيه حقيقيه من واقعنا.روعه الطائي
- ﺗﻌﺎﻟﻲ ﺇﻳﭭﺎﻥ ﺣﺒﻲ ﻧﻜﻤﻞ ﺍﻟﻤﺴﻠﺴﻞ ﺑﻼ ﻫﺎﻟﻤﻮﺍﺿﻴﻊ ﺍﻟﻔﺎﺿﻴﻪ
- ﺟﺎﻳﻪ ﻏﻼﺗﻲ
ﮔﻤﻨﺎ ﻭﻫﻮَ ﺑﻘﻰ ﺑﻤﻜﺎﻧﻪ ﻭﻳﺰﺃﺭ ﻋﻠﻴﻨﻪ ﻣﺜﻞ ﺍﻻﺳﺪ ﻣﺤﺮﻭﮒ ﮔﻠﺒﻪ ﻣﻴﺖ ﻣﺘﺸﻌﻮﻁ ﻫﻬﻬﻬﻬـﻪ
ﺭﺣﻨﺎ ﻟﻐﺮﻓﺘﻬﻪ ﻭﻫﻲَ ﻃﮕﺘﻬﻪ ﺑﭽﻴﻪ ﺍﻭﻭﻑ ﮔﺎﺑﻠﺘﻬﻪ ﻭﺿﻠﻴﺖ ﺍﻭﺍﺳﻲ ﺑﻴﻬﻪ
- ﻟﺞ ﺷﻔﺘﻲ ﺷﻴﮕﻮﻝ ﻳﺮﻳﺪ ﻳﺨﻄﺐ ﻫﺎﻱ ﺟﺰﺍﺗﻲ
- ﻭﺍﻟﻠﻪ ﻳﺮﻳﺪ ﻳﺤﺮﮒ ﮔﻠﺒﭻ ﺷﺒﻴﺞ
- ﺍﺩﺭﻱ ﺑﻴﻪ ﺑﺲ ﻣﻮ ﻳﻜﻮﻟﻬﻪ ﺑﻮﺟﻬﻲ
- ﺍﺫﺍ ﻣﻴﺤﺮﮒ ﮔﻠﺒﺞ ﻭﻳﮕﻮﻝ ﻛﺪﺍﻣﺞ ﺍﻟﻤﻦ ﻛﺎﻳﻞ ﺑﻌﺪ
- ﺧﺒﻠﻨﻲ ﻭﺍﻟﻠﻪ
- ﻻﺗﺒﺠﻴﻦ ﻻﻳﺠﻲ
- ﻫﻢ ﺻﺪﻙ
ﻣﺴﺤﺖ ﺩﻣﻮﻋﻬﺎ ﻭﻛﻤﻨﺎ ﻟﻠﻤﻄﺒﺦ ﻧﺴﻮﻱ ﻋﺸﺎ ..
ﺗﻌﺸﻴﻨﺎ ﻭﻛﻤﻠﻨﺎ ﻭﺑﻘﻴﻨﺎ ﺳﻮﺍﻟﻒ ﺻﺎﺭﺕ ﺑـ 12 ﻭﺗﺬﻛﺮﻧﺎ ﻣﺎﻛﻮ ﺣﻠﻮﻳﺎﺕ ﻟﻠﺴﻬﺮﻩ ..
- ﻟﺞ ﺷﻨﺎﻛﻞ ﻫﺴﻪ؟
- ﻧﺴﻮﻱ ﺍﻱ ﺷﻲ ﻣﻮ ﺷﺮﻁ
- ﺣﻮﺭﺍﺀ ﺷﺒﻴﺞ ﻣﺎﺍﻋﺮﻑ ﺍﺫﺍ ﻣﻮ ﺟﺎﻫﺰ ﺑﻴﻪ ﺣﻴﻞ ﺗﺠﺮﺑﻴﻦ ﺑﻴﻪ ﺣﻠﻮﻳﺎﺕ
- ﻫﻬﻬﻬـﻪ ﻋﺎﺑﺖ
- ﺧﻞ ﻧﺪﺯ ﻋﺒﻴﺲ ﻟﻠﺴﻮﻙ
- ﻻ ﺧﻴﻮﻟﻲ ﻣﺎﻧﺘﻨﺎﺯﻝ
- ﻫﻢ ﺻﺪﻙ
ﺷﻮﻳﻪ ﻭﺇﺟﻪ ﻋﺒﺎﺱ ﺑﺈﻳﺪﻩ ﻋﻼﮔﻪ ﻭﻳﺒﺎﻭﻋﻠﻨﺎ ﻭﻳﻀﺤﻚ ﻭﻳﺼﻴﺢ ﻣﺎﺍﻧﻄﻲ .
ﻫﻤﺴﺖ ﺣـﻮﺭﺍﺀ
- ﺩﻳﻼ ﻻﺗﻨﻄﻲ ﻣﻴﺘﻴﻦ ﻋﻠﻴﻚ
ﺑﻘﻰ ﻳﺎﻛﻞ ﻭﻳﻄﻠﻊ ﺍﺻﻮﺍﺕ ﺍﻟﺘﻠﺬﺫ ﺑﺎﻟﻄﻌﺎﻡ ﻭﻳﻤﻄﮓ ﺧﺒﻠﻨﺎ ﺍﻧﻲ ﺍﺗﺨﺒﻞ ﻣﻦ ﻫﺎﻟﻌﺎﺩﻩ ﻭﺣـﻮﺭﺍﺀ ﻫﻢ ﻭﻫﻮَ ﻋﻨﺎﺩ ﺑﻴﻨﻪ ﻳﺴﻮﻱ ﻫﻴﺞ ..
ﺻﺎﺭﺕ ﺑـ 2 ﺑﺎﻟﻠﻴﻞ ﻭﺭﺍﺡ ﻳﺴﻮﻱ ﻣﻌﻜﺮﻭﻧﻴﺎ
ﻋﺒﺎﺱ .. ﻳﻼ ﺍﺣﻠﻰ ﻣﻌﻜﺮﻭﻧﻴﺎ ﻣﻦ ﺍﻳﺪ ﺍﻟﺸﻴﻒ ﻋﺒﺎﺱ
ﺣـﻮﺭﺍﺀ .. ﺍﻟﻄﺒﺦ ﻣﻮ ﻟﻠﺰﻟﻢ
ﻋﺒﺎﺱ .. ﻻ ﻟﻠﺰﻟﻢ ﻭﻧﺺ ﻭﻏﺼﺒﺎً ﻋﻠﻴﺞ ﺍﺻﻼً ﺍﻟﺮﺟﻞ ﺍﻭﻝ ﻣﻦ ﺍﻛﺘﺸﻒ ﺍﻟﻄﺒﺦ
ﺇﻳﭭﺎﻥ .. ﺟﻴﺒﻮﺍ ﺍﺳﻌﺎﻑ ﻃﻔﻮﺍ
ﻛﻠﻨﺎ ﺿﺤﻜﻨﺎ
ﻋﺒﺎﺱ .. ﻻﻫﻲَ ﺇﺳﻌﺎﻑ ﻻﻫﻲَ ﺍﻃﻔﺎﺀ
ﺇﻳﭭﺎﻥ .. ﺍﻱ ﻣﻮ ﻳﺸﻴﻠﻮﻙ ﻟﻠﻤﺴﺘﺸﻔﻰ ﻣﻦ ﺍﻟﺠﺬﺏ ﻭﺗﻄﻴﺮ ﺍﻟﻔﻴﺎﻟﻪ
ﻋﺒﺎﺱ .. ﺍﻧﻀﻐﻄﺘﻲ ﻻﻥ ﻣﺎﺍﻧﻄﻴﺞ
- ﺑﺎﻟﻌﺎﻓﻴﻪ ﻋﻴﻮﻧﻲ ﺑﺎﻟﻌﺎﻓﻴﻪ
ﺳﻠﻚ ﺍﻟﻤﻌﻜﺮﻭﻧﻴﺎ ﻭﺑﻘﻰ ﻳﻨﺘﻈﺮﻫﻪ ﺗﺴﺘﻮﻱ
ﻛﻤﺖ ﺍﺷﻢ ﺭﻳﺤﻪ ﻣﻮ ﻃﻴﺒﻪ ﻛﻠﺘﻠﻬﻢ
- ﺍﻛﻠﻜﻢ ﺭﻳﺤﻪ ﻣﻮ ﻃﻴﺒﻪ ﺷﻨـﻮﻭ؟؟
ﻋﺒﺎﺱ .. ﻣﺤﺪ ﻳﺸﻢ ﺑﺲ ﺧﺸﻤﺞ ﻋﺒﺎﻟﻚ ﺳﺎﺣﺒﻪ
ﺣـﻮﺭﺍﺀ .. ﺍﻧﻲ ﺩﺍﺷﻢ ﻫﻢ
ﻋﺒﺎﺱ .. ﺧﺸﻮﻣﺠﻦ ﺳﺮﺍﻓﻪ ﺗﺴﺮﻑ
ﻃﻠﻊ ﺍﻟﻤﻌﻜﺮﻭﻧﻴﺎ ﻣﻦ ﺍﻟﺴﻠﻚ ﻭﻃﺒﺨﻬﺎ ﻭﻇﻞ ﻳﺎﻛﻞ ﻭﻳﺘﻠﺬﺫ
بيج قصص عراقيه حقيقيه من واقعنا.روعه الطائي
ﺷﺎﻝ ﻟﮕﻤﻪ ﻭﺷﺎﻑ ﺷﻲ ﺍﺳﻮﺩ ﺻﺎﺡ ﻟﺤـﻮﺭﺍﺀ ﻭﺍﺟﻴﻨﺎ ﻧﺮﻛﺾ ﺷﻔﻨﺎﻩ ﻭﻃﻠﻊ ﺫﺭﮒ ﻓﺎﺭﻩ ( ﻓﻀﻼﺕ )
ﻛﻠﻨﺎ ﻋﻄﻨﺎ
- ﻳﺒﻮﻭﻭﻭﻭﻭﻭ ﻫﻬﻬﻬﻬﻬـﺎﻱ
ﺇﻳﭭﺎﻥ .. ﺣﻴﻞ ﺑﻴﻚ ﺗﺴﺘﺎﻫﻞ ﻭﺍﻟﻠﻪ ﻋﻮﺩ ﻳﺤﺮﻙ ﻛﻠﻮﺑﻨﺎ
ﺭﻛﺾ ﻟﻠﺤﻤﺎﻡ ﺩﺧﻞ ﺍﺻﺒﻌﻪ ﺑﺒﻠﻌﻮﻣﻪ ﻭﻇﻞ ﻳﺘﻘﻴﺄ ﻭﺇﺣﻨﻪ ﻓﻮﮒ ﺭﺍﺳﻪ ﻧﻀﺤﻚ ﻭﻧﺼﻴﺢ ﺍﻟﻤﺎﻛﺪﺭﻫﻪ ﻳﻐﺺ ﺑﻴﻬﻪ ﺑﺤﺮﻛﺘﻨﺎ ﺍﻟﻤﻌﺘﺎﺩﻩ
- ﺣـﻮﺭﺍﺀ ﺷﺪﻱ ﺍﻟﺸﺎﻝ ﻭﺗﻌﺎﻱ ﺧﻞ ﻧﺴﻮﻱ ﺍﻟﻤﺎﮔﺪﺭﻫﻪ ﺑﺲ ﺍﻫﻢ ﺷﻲ ﻣﺎﻻﺯﻡ ﻣﻮﺑﺎﻳﻞ
- ﻳﻼ
ﻧﺮﻳﺪ ﻧﺴﻮﻱ ﺍﻟﻤﺎﻛﺪﺭﻫﻪ ﻭﻫﻮَ ﺭﻛﺾ ﻋﻠﻰ ﺣـﻮﺭﺍﺀ ﺳﺤﺒﻬﻪ ﻣﻦ ﺯﻧﺪﻫﻪ ﻭﺩﺧﻠﻬﻪ ﻟﻠﻐﺮﻓﻪ ﮔﺎﻟﻠﻲ
- ﻋﻮﻓﻲ ﻣﺮﺗﻲ ﺑﺤﺎﻟﻬﻪ ﻳﻼ ﺑﻌﺪ ﻣﺎﻛﻮ ﺍﻟﻤﺎﮔﺪﺭﻫﻪ ﺍﺭﻳﺪ ﻣﺮﺗﻲ ﺭﺍﺡ ﻳﺼﻴﺮ ﺳﺒﻊ ﺍﺷﻬﺮ ﻣﺸﺘﺎﻗﻠﻬﻪ ﺭﻭﺣﻲ ﻳﺎﺑﻪ ﺭﻭﺣﻲ
- ﺍﻣﻢ ﺍﺫﺍ ﺧﻠﺘﻚ ﻋﺎﺗﺒﻨﻲ ﺟﺎﺍﻭﻭ
ﺭﺣﺖ ﻧﻤﺖ ﻭﺍﺗﺬﻛﺮ ﻣﻮﺍﻗﻔﻨﺎ ﻭﺍﺷﺒﻊ ﺿﺤﻚ
------------------------------------------------------
ﺣـﻮﺭﺍﺀ
ﺳﺤﺒﻨﻲ ﻟﻠﻐﺮﻓﻪ ﺩﺧﻠﻨﻲ ﺷﻤﺮﻧﻲ ﻉ ﺍﻟﭽﺮﺑﺎﻳﻪ ﻭﺩﻝ ﻳﻨﺰﻉ ﺑﻘﻤﻴﺼﻪ !!
ﮔﺎﻝ
- ﻫﺎﻱ ﻫﻲَ ﺑﻌﺪ ﺧﻠﺺ ﺍﻟﺼﺒﺮ !!
- ﺷﻨـﻮ ﺷﺘﺮﻳﺪ ؟؟
- ﻫﺴﻪ ﺍﻛﻠﺞ ﺷﺎﺭﻳﺪ
ﺗﻘﺮﺏ ﻭﺁﻧﻲ ﺍﺑﺘﻌﺪﺕ ﻣﺎﻃﺎﻳﻘﺘﻪ ﻗﺮﺑﻲ ﺍﺑﺪﺩ ﺍﺳﻢ ﺍﻟﻠﻴﺎﻧﻪ ﻣﺎﻛﻮ ﻛﻠﻪ ﻗﺴﺎﻭﻩ ﻭﺍﻧﻲ ﺍﺗﺨﺒﻞ ﻣﻦ ﻫﺎﻻﺳﻠﻮﺏ
ﺩﻓﻌﺘﻪ ﻣﻦ ﺻﺪﺭﻩ ﺑﻌﺪﺗﻪ ﻋﻨﻲ ﺧﺰﺭﻧﻲ ﻭﻛﺎﻝ
- ﻭﺍﻟﻠﻪ ﺍﺫﺍ ﺩﻓﻌﺘﻲ ﺍﻛﺴﺮ ﺍﻳﺪﺝ
- ﻭﺧﺮ ﻋﻨﻲ ﻣﺎﺍﺭﻳﺪﻙ
- ﻟﺞ ﺷﻨـﻮ ﺑﻜﻴﻔﺞ ﻣﺎﺗﺮﻳﺪﻳﻨﻲ ؟؟
- ﺍﻱ ﺑﻜﻴﻔﻲ ﻣﺎﺍﺭﻳﺪ
ﺗﻤﺪﺩﺕ ﺑﺎﻟﺠﺮﺑﺎﻳﻪ ﻭﻧﻤﺖ ﻛﺎﻡ ﺳﺤﻠﻨﻲ ﻭﺍﻧﻲ ﺑﺲ ﺟﻤﺎﺩ ﺿﺮﺑﻨﻲ ﻫﺰﻧﻲ ﻣﺎﻓﺎﺩ ﻋﻨﺪﺕ ﺑﻌﺪ .
ﻛﺎﻡ ﺑﻌﺼﺒﻴﻪ ﻟﺒﺲ ﺍﻟﻘﻤﻴﺺ ﻣﺎﻟﺘﻪ ﻭﮔﺎﻝ
- ﻣﺎﺗﻨﻄﻴﻨﻲ ﺣﻘﻲ ﻣﻮﻭ؟؟ ﺑﺴﻴﻄﻪ ﻭﺍﻟﻠﻪ ﺑﺴﻴﻄﻪ ﺭﺍﻳﺢ ﺑﺲ ﺍﻻ ﺍﺧﻠﻴﺞ ﺗﺘﻨﺪﻣﻴﻦ ﻃﻮﻝ ﻋﻤﺮﺝ
ﺧﻠﻰ ﻭﻃﻠﻊ ﻭﺁﻧﻲ ﻇﻠﻴﺖ ﺍﺑﭽﻲ ﻫﺎﻱ ﻛﻞ ﻣﺮﻩ ﺑﺲ ﺍﻟﺒﺠﻲ ﻓﺎﻟﻲ ﻣﺪﻳﺼﺪﮒ ﻣﺎﺍﻃﻴﻘﻪ ﺑﺲ ﺷﻮﻓﺘﻪ ﺗﺨﻨﮕﻨﻲ ﺩﻳﻀﻐﻂ ﻋﻠﻴﻪ ﻭﺭﺍﺡ ﺍﻧﻔﺠﺮ
ﺣﺎﻭﻟﺖ ﺃﻧﺎﻡ ﻭﺑﺲ ﺍﺣﻮﺱ ﻭﺍﺗﮕﻠﺐ ﻣﺎﻏﻔﻴﺖ ﺍﺑﺪﺩ
ﺗﻘﺮﻳﺒﺎً ... ﺍﻟﺴﺎﻋﻪ ﺑـ 5 ﺩﺧﻞ ﻭﺁﻧﻲ ﺑﺲ ﻗﻠﻘﺎﻧﻪ ﺍﻭﻝ ﻣﺎﺩﺧﻞ ﺭﻛﻀﺖ ﻋﻠﻴﻪ
- ﻭﻳﻦ ﺟﻨﺖ ﺻﺎﺭ ﺷﻜﺪ ﻣﻨﺘﻈﺮﺗﻚ
ﺷﻤﻴﺖ ﺭﻳﺤﻪ ﻏﺮﻳﺒﻪ ﻭﻛﺮﻳﻬﻪ !! ﺗﺨﺒﻠﺖ !!
ﺗﻘﺮﺑﺖ ﻳﻢ ﺭﻛﺒﺘﻪ ﺷﻤﻴﺘﻪ ﺭﻳﺤﺔ ﺷﺮﺏ ﻭﻫﻮَ ﻣﺨﺘﻞ ﺗﻮﺍﺯﻧﻪ !! ﺗﺨﺒﻠﺖ ﻓﺘﺤﺖ ﻋﻴﻮﻧﻲ ﺣﻴﻞ ﻣﺼﺪﻭﻣﻪ
ﻋﻄﺖ
- ﺷﺎﺍﺍﺭﺏ؟؟
ﺳﺤﺒﻨﻲ ﻣﻦ ﺧﺼﺮﻱ
- ﺍﻣﻤﻢ ﺩﻭﺭﻱ ﻳﺤﻠﻮﻩ ﺩﻭﺭﻱ ﺧﻞ ﺍﺷﻮﻑ ﻫﻞ ﺧﺼﺮ ﺷﻠﻮﻥ ﻳﻬﺘﺰ
بيج قصص عراقيه حقيقيه من واقعنا.روعه الطائي
ﻟﻌﺒﺖ ﻧﻔﺴﻲ ﺩﻳﺤﺎﭼﻴﻨﻲ ﺑﺼﻴﻐﺔ ﺑﻨﺖ ﻟﻴﻞ !!
ﺩﻓﻌﺘﻪ ﻗﻮﻱ ﻭﻛﻊ ﻉ ﺍﻟﻜﻨﺘﻮﺭ
- ﺷﺒﻴﻚ ﺗﺨﺒﻠﺘﺖ ﺭﺍﺡ ﺍﻧﺠﻠﻄﻂ ﺍﺣﺠﻴﻲ
- ﺗﻌﺎﻱ ﻳﺎﺑﻪ ﺗﻌﺎﻱ ﻫﺰﻳﻠﻲ ﺷﻮﻳﻪ ﻫﺴﻪ ﻗﺒﻞ ﺷﻮﻳﻪ ﺟﺘﺘﻲ ﻣﻨﻄﻠﻘﻪ ﺷﺒﻴﺞ ﻫﺴﻪ
ﻟﻄﻤﺖ ﻋﻠﻰ ﺧﺪﻭﺩﻱ
- ﻋﺰﺯﺍﺍ ﺟﻨﺖ ﺑﺎﻟﻤﻠﻬﻰ ؟؟؟
- ﺍﻣﻤﻢ
ﺭﻛﻀﺖ ﻋﻠﻴﻪ ﺍﻓﺘﺢ ﺑﺎﻟﻘﻤﻴﺺ ﻭﺍﻟﻤﺢ ﻃﺒﻊ ﺣﻤﺮﻩ ﻋﻠﻰ ﺻﺪﺭﻩ !!
ﻓﺘﺤﺖ ﻋﻴﻮﻧﻲ ﻋﻠﻰ ﻭﺳﻌﻬﻦ ﻭﺩﻓﻌﺘﻪ ﻟﻌﺒﺎﻧﻪ ﻧﻔﺴﻲ
ﻧﺰﻟﺖ ﺩﻣﻌﺘﻲ ﻭﺳﺄﻟﺘﻪ ﺑﺨﻮﻑ ﻣﻦ ﺇﺟﺎﺑﺘﻪ
- ﻧﺎﻳﻢ ﻭﻱ ﻏﻴﺮﻱ ؟؟
- ﻟﻴـﺶ ﻣﻨﻴﻪ ﺍﻧﺖِ ؟؟
ﺑﻘﻴﺖ ﺍﺩﻓﻊ ﺑﻴﻪ ﻭﺍﻋﻴﻂ
- ﻣﻨﻴﻪ ﺍﻧﻲ ﻣﻨﻴﻪ ﺗﺨﻮﻧﻲ ﻋﻴﻨﻚ ﻋﻴﻨﻚ ﻭﺟﺎﻱ ﻣﻔﺘﺨﺮﺭ ﻋﺰﺍﺍ ﻋﺰﺍﻧﻲ ﻭﺧﻼﻧﻲ ﺍﺑﻘﻰ ﻫﻨﺎ
ﺭﺣﺖ ﻟﻠﻜﻨﺘﻮﺭ ﻭﻫﻮَ ﺳﺤﺒﻨﻲ ﻭﺣﭽﻰ ﺑﺼﻮﺕ ﺭﺯﻥ ﻭﻣﻔﻬﻮﻡ ﻣﻮ ﻣﺜﻞ ﻗﺒﻞ ﺷﻮﻳﻪ
- ﺍﻛﺴﺮ ﺭﺟﻠﺞ ﺍﺫﺍ ﻃﻠﻌﺘﻲ ﻭﻋﻠﻲ
- ﺷﺎﻟﻚ ﻋﻠﻲ ﺷﺎﻟﻚ ﻟﻚ ﺗﺤﻠﻒ ﺑﻴﻪ ﻭﺍﻧﺖَ ﺷﺎﺭﺏ
- ﻣﻮ ﺻﻮﺟﺐ ﺻﻮﺝ ﻣﺮﺗﻲ ﺧﻠﺘﻨﻲ ﺍﻟﺘﺠﺄ ﻟﻐﻴﺮﻫﻪ
- ﻫﻲَ ﻫﺎﻱ ﺳﻮﺍﻟﻔﻚ ﺗﺪﻭﺭ ﺑﺲ ﺷﻐﻼﺕ ﻃﺎﻳﺢ ﺣﻈﻬﺎ ﻋﻤﺖ ﻋﻴﻨﻲ ﻋﻠﻰ ﻫﻴﺞ ﺯﻭﺍﺟﻪ ﺍﻱ ﻭﺍﻟﻠﻪ ﻋﻤﺖ ﻋﻴﻴﻴﻨﻴﻴﻲ
ﺿﺮﺑﻨﻲ ﺭﺍﺷﺪﻱ ﺳﻜﺘﻨﻲ
- ﻛﺎﺍﻓﻲ ﻟﺘﻌﻴﻄﻴﻦ ﻣﺎﻟﻲ ﺧﻠﻜﺞ ﻛﻮﻣﻲ ﺍﺭﻛﺼﻴﻠﻲ
ﺩﻣﻮﻋﻲ ﺗﺼﺐ ﻭﺍﺣﺠﻲ ﺑﺤﺮﻛﻪ ﻭﻗﻬﺮ
- ﻋﻤﺖ ﻋﻴﻨﻚ ﻭﻋﻤﺖ ﻋﻴﻦ ﻏﻴﺮﺗﻚ ﻳﺎﻧﺎﻗﺺ
ﻛﻤﻠﺖ ﻫﺎﻟﻜﻤﻠﻪ ﻭﺍﻟﺮﺍﺷﺪﻳﺎﺕ ﻭﺍﻟﺒﻮﻛﺴﻴﺎﺕ ﺑﻜﻞ ﻣﻜﺎﻥ ﺗﺠﻲ ﺑﻮﺟﻬﻲ ﻭﺍﻧﻲ ﺑﺲ ﺍﻋﻴﻂ
ﻛﺎﻡ ﻭﺧﻼﻧﻲ ﺍﻭﻥ ﻣﻦ ﺍﻻﻟﻢ ﻓﻮﻙ ﺷﻴﻨﻪ ﻛﻮﺍﺕ ﻋﻴﻨﻪ
ﻇﻠﻴﺖ ﺍﻫﻤﺲ
- ﺗﺨﻮﻧﻲ ﻣﺪﺍﺻﺪﮒ ﭼـﺎ ﻣﺎﺍﻟﻮﻡ ﺻﻔﺎﺀ ﺍﺫﺍ ﺍﻧﺖَ ﺍﻟﺼﺎﻳﻢ ﺍﻟﻤﺼﻠﻲ ﻫﻴﺞ ﺗﺴﻮﻱ ﻭﺗﻠﺠﺄ ﻟﻠﺤﺮﺍﻡ ﻑ ﻛﻴﻒ ﺻﻔﺎﺀ ﺍﻟﺘﺮﺑﻰ ﻉ ﺍﻟﻜﻔﺮﺍﻥ
- ﺍﺳﺴﺲ ﻛﺎﻓﻲ ﺻﻮﺗﺞ ﻣﺎﺍﺳﻤﻌﻪ ﻟﻐﻮﻩ
- ﺑﻌﺪ ﻟﻮ ﺗﻤﻮﺕ ﻟﺤﻈﻪ ﻣﺎﺍﺑﻘﻰ ﻳﻤﻚ ﻭﺑﺲ ﺧﻞ ﻳﺠﻲ ﺍﻟﺼﺒﺢ ﻭﺷﻮﻑ ﺍﻧﺘﺤﺮ ﻭﻻﺍﺑﻘﻰ ﻳﻤﻚ ﻟﻮ ﺍﻣﻮﻭﻭﻭﺕ
- ﺻﻮﺗﺞ ﻟﺘﺮﻓﻌﻴﻨﻪ ﻭﻛﺎﻓﻲ ﻫﺮﻣﻠﻪ ﻛﻮﻣﻲ ﻏﺴﻠﻲ ﺍﻟﻘﻤﻴﺺ
- ﺍﻱ ﻋﺎﻳﺰﻩ ﺑﺲ ﺍﻏﺴﻞ ﻗﺬﺍﺭﺍﺗﻚ ﻣﺎﻝ ﺑﻨﺎﺕ ﺍﻟﻠﻴﻞ
- ﻟﻮ ﺗﺮﻛﺼﻴﻦ ﻣﺜﻠﻬﻦ ﺷﺘﺴﻮﻳﻦ
- ﺭﻭﺡ ﺍﻟﻬﻢ ﺭﻭﺡ ﺍﺭﺟﻊ ﺍﻟﻤﻦ ﺍﺟﻴﺖ ﺗﻨﻜﺪ ﻋﻠﻴﻪ ﻟﻮ ﺗﺸﻮﻩ ﺧﻠﻘﺘﻲ ﺑﺎﻟﺠﺬﺏ ﻣﺎﻛﻠﺖ ﺣﺎﻣﻞ ﻭﺍﺑﻨﻲ ﺑﺒﻄﻨﻬﻪ ﺑﺲ ﺧﻞ ﺍﺟﻴﺐ ﻭﺷﻮﻑ ﺍﺫﺍ ﺑﻘﻴﺖ ﻭﻟﻮ ﺑﺎﺟﺮ ﺍﻧﻲ ﺭﺍﻳﺤﻪ ﻭﺍﺑﻨﻚ ﻣﺎﺗﺸﻮﻓﻪ
- ﻗﺼﺪﺝ ﺍﻧﺖِ ﻣﺎﺗﺸﻮﻓﻴﻪ ﺍﺧﺬﻩ ﻣﻨﺞ ﻏﺼﺐ ﻋﻨﻚ ﻭﺭﺟﻠﺞ ﻋﻠﻰ ﺭﺍﺳﺞ
- ﻻ ﻭﺍﻟﻠﻪ ﺍﻧﻲ ﺍﺧﺬﻩ ﻭﻣﺎﺍﻧﻄﻲ ﺍﺑﻨﻲ ﻳﺮﺑﻰ ﻭﻱ ﺑﻨﺎﺕ ﺍﻟﻠﻴﻞ
- ﻟﺞ ﺷﺠﻠﺒﺘﻲ ﺑﺒﻨﺎﺕ ﺍﻟﻘﻨﺎﺩﺭ ﻛﺎﻓﻲ ﺩﻭﺧﺘﻴﻨﻲ ﻭﺍﺑﻨﻲ ﺍﻟﻲ ﺗﺤﻠﻤﻴﻦ ﺑﺸﻮﻓﺘﻪ
- ﺧﻮﺵ ﻣﺎﺩﺍﻡ ﻫﻴﺞ ﺍﺳﻘﻄﻪ ﺍﺣﺴﻦ ﺣﻞ
ﻣﺒﺎﺷﺮﺓً ﺣﺴﻴﺖ ﺑﺤﺮﺍﺭﺓ ﺍﻟﺮﺍﺷﺪﻱ ﻋﻠﻰ ﺧﺪﻱ .. ﻛﻌﺪﺕ ﺑﺎﻟﻜﺎﻉ ﺑﻴﺄﺱ ﻭﺍﻋﻴﻂ ﻭﺍﺑﺠﻲ
- ﺍﻟﻠﻪ ﻻﻳﻨﻄﻴﻚ ﺑﺤﻖ ﻣﺤﻤﺪ
- ﺍﺩﻋﻲ ﻋﻠﻴﻪ ﺍﺩﻋﻲ ﺑﻠﻜﻲ ﺍﻣﻮﺕ ﻭﺍﺧﻠﺺ ﻣﻦ ﺟﻬﺮﺗﺞ ﺍﻟﺰﻓﺮﻩ
- ﺣﺘﻰ ﺍﺑﻨﻚ ﻣﺎﺳﻠﻢ ﻣﻨﻚ ﻛﻞ ﻏﻀﺒﻚ ﻣﻄﻠﻌﻪ ﻉ ﺍﻟﻨﺎﺱ ﺍﺷﻮ ﻭﻱ ﺍﻫﻠﻚ ﻭﺑﻨﺎﺕ ﻋﻤﺎﺗﻚ ﺣﺒﺎﻳﺐ ﻭﺳﻮﺍﻟﻔﻜﻢ ﻭﺿﺤﻜﻜﻢ ﺗﻮﺻﻞ ﻟﺮﺍﺱ ﺍﻟﺸﺎﺭﻉ ﻭﻣﻦ ﺗﺠﻲ ﻳﻤﻲ ﻛﺎﺿﻴﻨﻲ ﺗﻜﻔﺦ ﻫﺎﻱ ﺟﺰﺍﺗﻲ ﻻﻥ ﺗﻌﺒﺖ ﻭﻳﺎﻙ ﺣﺘﻰ ﻓﺎﻃﻤﻪ ﺭﺍﺳﻠﺘﻬﻪ ﻋﻠﻤﻮﺩﻙ ﻭﻣﻦ ﻛﺸﻔﺘﻨﻲ ﺟﻨﺰﺗﻨﻲ
- ﻣﻦ ﺍﻳﺪﺝ ﺗﺮﻩ ﻛﻠﻪ ﺑﺲ ﺍﺟﻲ ﺗﻨﻜﺪﻳﻦ ﺭﺍﺳﻲ
- ﺑﺸﻨﻮ ﻣﻨﻜﺪﻩ ﺑﺸﺸﻨﻮ ﺷﻜﺪ ﻇﺎﻟﻢ
- ﻛﺎﻓﻲ ﺗﺤﺠﻴﻦ ﻭﺍﻟﺤُﺴﻴﻦ ﺍﻣﻮﺗﺞ ﻣﻮﺕ ﻭﻟﻌﻠﻤﺞ ﺍﺫﺍ ﺍﺑﻨﻲ ﺻﺎﺭ ﻋﻠﻴﻪ ﺷﻲ ﺷﻮﻓﻲ ﺷﻴﺼﻴﺮ ﺑﺤﺎﻟﺞ ﺍﻻ ﺍﺷﻨﻘﺞ ﺑﺎﻟﻤﺮﻭﺣﻪ ﻭﺍﻛﻠﻬﻢ ﺍﻧﺘﺤﺮﺕ ﻻﻥ ﺗﺘﻌﺎﻳﺮ ﻑ ﺍﺧﺬﻱ ﺣﺬﺭﺝ ﻣﻨﻲ ﺍﺣﺴﻠﻠﺞ
~~~~~~~~~~~~~~~~~~~~~~~~~~~~~~~
ﺇﻳﭭﺎﻥ
ﻣﺮ ﺇﺳﺒﻮﻋﻴﻦ ﻋﻠﻰ ﺍﺧﺮ ﻟﻘﺎﺀ ﺁﻧﻲ ﻭﺻﻔﺎﺀ ﻣﻤﺘﺸﺎﻭﻓﻴﻦ ﻭﻻﻫﻮَ ﺇﺗﺼﻞ ﻣﻌﻘﻮﻟﻪ !!
ﻫﺎﻱ ﺍﻟﻔﺘﺮﻩ ﻛﻠﻬﻪ ﻳﺘﻮﺳﻞ ﻭﻫﺴﻪ ﺷﻨﻮ ﺗﻐﻴﺮ ﻣﻌﻘﻮﻟﻪ ﻫﻨﺖ ﻋﻠﻴﻪ ﺑﻬﺎﻟﺴﻬﻮﻟﻪ !!
ﺩﻳﻼ ﺧﻴﻮﻟﻲ ﻗﺎﺑﻞ ﻣﻴﺘﻪ ﻋﻠﻴﻪ ..
ﻇﻠﻴﺖ ﺍﻟﻮﺏ ﻋﻘﻠﻲ ﻳﺤﺠﻲ ﺷﻲ ﻭﻛﻠﺒﻲ ﻳﺘﻤﺮﺩ ﻋﻠﻴﻪ ﺍﺭﻳﺪ ﺍﺣﺪ ﻳﻄﻤﻨﻲ ﺷﺼﺎﻳﺮ ..
ﺍﺧﺮ ﺣﻞ ﺗﻮﺻﻠﺘﻪ ﺍﺗﺼﻞ ﺑﺎﺳﺮﺍﺀ ﺍﺳﻮﻱ ﻧﻔﺴﻲ ﺍﺳﺄﻝ ﻋﻠﻰ ﺷﻐﻼﺗﻲ ..
ﺍﺗﺼﻠﺖ ﻋﻠﻴﻬﻪ ﺗﺎﺧﺮﺕ ﻳﻼ ﺭﺩﺕ
- ﺍﻟـﻮﻭ ..
- ﺍﻟـﻮﻭ .. ﻫﻼ ﺍﺳﺮﺍﺀ ﺷﻠﻮﻧﺞ
- ﻫﻼ ﺣﺒﻴﺒﻲ ﺷﻮﻧﺞ
- ﺗﻤﺎﻡ .. ﺍﮔﻠﭻ
- ﮔﻮﻟﻲ
- ﻭﻳﻦ ﻫﺎﻻﻳﺎﻡ ﺷﻮ ﻣﺎﻛﻮ
- ﻭﺍﻟﻠﻪ ﻣﺸﻐﻮﻟﻴﻦ ؟؟
- ﺧﻴﺮ ؟
- ﺍﻛﻮ ﻏﻴﺮ ﺻﻔﻴﺎﻥ ﺍﺑﻮ ﺍﻟﻌﻤﺎﻳﻞ ﻃﻠﻊ ﻣﺎﺧﺬ ﻧﺒﺄ ﻫﺎﻱ ﺍﻟﮕـ .. ﻭﻫﺴﻪ ﻋﺸﻴﺮﺗﻨﺎ ﻭﻋﺸﻴﺮﺗﻬﻢ ﻣﻠﺘﻤﻴﻦ ﺑﺎﻻﺳﺘﻘﺒﺎﻝ ﺩﻳﺘﻔﺎﻭﺿﻮﻥ
- ﻋﺰﺯﺯﺍﺍ ﻭﺷﻠﻮﻥ ﻛﺎﻟﺖ ﻻﺍﻫﻠﻬﻪ؟؟
- ﺭﺍﺩﻭ ﻳﺰﻭﺟﻮﻫﻪ ﻭﮔﻠﺒﺖ ﺍﻻﻣﻪ ﻛﻠﺘﻠﻬﻢ ﺍﻋﺘﺪﻯ ﻋﻠﻴﻪ
- ﻋﺰﺯﺍﺍﺍﺍ ﻭﻳﻦ ﻭﺻﻠﺖ ﺍﻟﺪﻧﺎﺀﻩ ﻣﻌﻘﻮﻟﻪ ؟ !
- ﻟﺞ ﻭﺑﻌﺪ ﻭﺑﻌﺪ ﻟﻮ ﺷﺎﻳﻔﻪ ﺷﻤﺴﻮﻳﻪ ﺗﻜﻮﻝ ﻻﺍﺑﻮﻫﻪ ﺣﺒﻴﺘﻪ ﻣﻦ ﺍﻭﻝ ﻧﻈﺮﻩ ﻭﻫﻮَ ﻫﻢ ﺣﺒﻨﻲ ﺑﺲ ﺍﺟﺘﻲ ﺻﺪﻳﻘﺘﻲ ﺍﺧﺬﺗﻪ ﻣﻨﻲ ﺍﻟﻲ ﻫﻲَ ﻣﺮﺗﻪ ﻭﻫﺴﻪ ﻃﻠﮕﻬﻪ ﻋﻠﻤﻮﺩﻱ ﻻﻥ ﻣﺎﺧﺬﻧﻲ ﻣﻦ ﺯﻣﺎﻥ ﻗﺒﻞ ﺯﻭﺍﺟﻪ
- ﻫﻴﻴﻴﻴﻲﺀﺀﺀ ﺷﻜﺪ ﻧﺬﻟﻪ ﻫﺎﻱ ﻭﺍﻟﻠﻪ ﻣﺎﻝ ﻫﺴﻪ ﺍﺛﺮﻣﻬﻪ ﻭﺷﻠﻮﻥ ﻭﺗﺎﻟﻲ ﺻﻔﺎﺀ ﺷﺴﻮﻩ؟؟
- ﺷﺴﻮﻩ ﻳﻌﻨﻲ ﺑﺲ ﻳﻌﻴﻂ ﻭﻳﻬﺪﺩ ﻛﺎﻟﻌﺎﺩﻩ ﺑﺲ ﺑﻮﺧﻪ
- ﺍﺣﺘﺮﻣﻲ ﺷﻮﻳﻪ
- ﺣﻘﻴﻘﻪ ﻫﺎﻱ ﺣﺒﻲ
- ﺍﺧﺮ ﺣﻞ ﺗﻮﺻﻠﻮﻟﻪ
- ﻳﺘﺰﻭﺟﻬﺎ !!!!!!
ﻭﻛﻊ ﺍﻟﻤﻮﺑﺎﻳﻞ ﻣﻦ ﺇﻳﺪﻱ ﻭﻋﻴﻮﻧﻲ ﺻﺒﻦ ﺩﻣﻮﻉ !! ﺷﻔﺘﻲ ﺭﺟﻔﺖ ﻭﻋﻴﻮﻧﻲ ﺗﺼﺐ ﺩﻣﻮﻉ ﻗﻮﻳﻪ
بيج قصص عراقيه حقيقيه من واقعنا.روعه الطائي
- ﺟﺬﺏ ﺟﺬﺏ
ﺷﻠﺖ ﺍﻟﻤﻮﺑﺎﻳﻞ ﻭﺍﻛﻠﻬﻪ ( ﺟﺬﺏ ﻣﻮ ﺩﺗﺸﺎﻗﻴﻦ؟ )
- ﺻﺪﻙ ﺣﺒﻲ ﻳﻼ ﺑﺎﻱ ﺍﺟﻪ ﺻﻔﺎﺀ ﺭﺍﺡ ﻳﺎﺧﺬ ﺍﻟﺤﻠﻘﺎﺕ
- ﺣﻠﻘﺎﺕ !!!
ﺑﺠﻴﺖ ﻭﻓﻠﺸﺖ ﺍﻟﻤﻮﺑﺎﻳﻞ ﺑﺎﻟﺤﺎﻳﻂ ﺍﻟﻤﻦ ﺍﺗﺼﻠﺖ ﻋﺎﻳﺰﻩ ﻗﻬﺮ ﻭﺣﺮﮔﻪ
ﻛﻤﺖ ﺍﺗﺼﻞ ﻋﻠﻰ ﺻﻔﺎﺀ ﻣﻴﺠﺎﻭﺏ !
ﺗﻬﺴﺘﺮﺕ ﺗﺼﺮﻓﺎﺗﻲ ﻣﺎﺍﻋﻘﻠﻬﻪ ﺷﻨـﻮ ﺑﺬﻳﺞ ﺍﻟﻠﺤﻈﻪ .. ﻭﻳﺘﺤﻘﻖ ﺍﻟﺮﺍﺩﺗﻪ ﻧﺒﺄ ﻭﻃﻠﻌﺖ ﺍﻧﻲ ﺍﻟﺨﺴﺮﺍﻧﻪ ﻻ ﻣﺴﺘﺤﻴﻞ ﻣﺎﺍﺧﻠﻲ ﻫﺎﻟﺸﻲ ﻳﺼﻴﺮ !!
ﺻﻔﺎﺀ ﻣﻴﺠﺎﻭﺏ ﻭﺩﻣﻮﻋﻲ ﻣﺘﺴﻜﺖ !!
ﺍﺧﺮ ﺷﻲ ﺃﻳﺴﺖ ﻭﻛﺮﻓﺼﺖ ﺑﻴﺄﺱ ﻭﺧﻴﺒﻪ ﻭﺍﺩﮒ ﻭﺍﻟﻄﻢ ﻭﺣﺘﻰ ﻋﻠﻰ ﺑﻄﻨﻲ ﺩﮔﻴﺖ
ﺑﻘﻴﺖ ﺍﺿﺮﺏ ﻋﻠﻰ ﺑﻄﻨﻲ ﻭﺍﻋﻴﻂ
- ﺍﻧﺰﻝ ﺍﻧﺰﻝ ﻣﺎﺍﺭﻳﺪ ﺷﻲ ﻳﺮﺑﻄﻨﻲ ﺑﻴﻚ ﺭﻭﻭﺡ
ﺭﻛﻀﻦ ﻋﻠﻴﻪ ﺧﺎﻟﺘﻲ ﻭﺑﻴﺒﻲ ﻭﺣـﻮﺭﺍﺀ ﻭﻳﺎﻫﻦ ﻭﺁﻧﻲ ﻣﺘﻬﺴﺘﺮﻩ ﻓﺎﻗﺪﻩ ﻧﻬﺎﺋﻲ
- ﺭﺍﺡ ﻳﺘﺰﻭﺟﻬﺎ ﺭﺍﺡ ﻳﺘﺤﻘﻖ ﻣﺮﺍﺩﻫﺎ ﻫﻮَ ﻫـٰﺬﺍ ﺍﻟﺮﺍﺩﺗﻪ ﭼـﺎ ﺷﺘﺮﻳﺪ ﺑﻌﺪ ﺷﺘﺮﺭﺭﻳﻴﺪﺩﺩ
ﺑﻘﻦ ﻳﻮﺍﺳﻦ ﺑﻴﻪ ﻭﺍﻧﻲ ﺍﺿﺮﺏ ﺑﺒﻄﻨﻲ ﺭﻏﻢ ﻫﻦَ ﻻﺯﻣﺎﺕ ﺇﻳﺪﻳﻪ ﺑﺲ ﺍﺟﺘﻨﻲ ﻗﻮﻩ ﻣﺎﻋﺮﻑ ﻣﻨﻴﻦ !!
ﺣﺴﻴﺖ ﺷﻲ ﻧﺰﻝ ﻋﻠﻴﻪ ﻭﻋﻴﻮﻧﻲ ﻏﻮﺷﺖ ﻭﺑﻌﺪ ﻣﺎﺣﺴﻴﺖ ﺑﺸﻲ ﻓﻘﺪﺕ !!
ﮔﻌﺪﺕ ﻟﻜﻴﺖ ﻧﻔﺴﻲ ﺑﺎﻟﻤﺴﺘﺸﻔﻰ ﻭﺍﻟﺪﻛﺎﺗﺮﻩ ﻳﻤﻲ ..
ﺍﻟﺘﻔﺘﺖ ﺑﺎﻭﻋﺘﻠﻲ ﺍﻣﻲ ﺟﺎﻧﺖ ﻣﻮﺟﻮﺩﻩ
- ﻟﻴـﺶ ﻫﻴﺞ ﺗﺮﻳﺪﻳﻦ ﺗﻜﺘﻠﻴﻦ ﺭﻭﺡ ؟ !
ﺇﻳﭭﺎﻥ ﺍﻧﺖِ ﺍﻟﺤﺴﺎﺳﻪ ﺍﻟﻤﺎﺗﺄﺫﻳﻦ ﻧﻤﻠﻪ ﺗﺴﻮﻳﻦ ﻫﻴﭻ ﺑﺈﺑﻨﺞ ؟
- ﻣﺎﺍﺭﻳﺪ ﻣﺎﺩﺍﻡ ﺍﺑﻮﻩ ﺍﻟﻤﺎﻳﺘﺴﻤﻰ
- ﻫﺴﺘﻮﻩ ﺻﺎﺭ ﻣﺎﻳﺘﺴﻤﻰ ﻗﺒﻞ ﺟﺎﻥ ﺍﻟﺮﻭﺡ ﻭﺍﻟﺮﻳﻪ
- ﻣﺎﻣﺎ ﺭﺍﺡ ﻳﺘﺰﻭﺝ ﻳﺘﺰﻭﻭﺝ ﺗﻌﺮﻓﻴﻦ ﺷﻨـﻮ ﻳﺘﺰﻭﺝ ﻳﻌﻨﻲ ﺑﺎﺡ ﺇﻳﭭﺎﻥ ﺑﺎﺡ ﻃﻔﻞ ﻳﻌﺮﻓﻨﻲ ﻣﻨﻴﻦ ﺍﺷﺮﺏ ﻣﻲ ﺑﻌﺪ ! ؟
- ﭼـﺎ ﻛﻮﻥ ﻫﻴﺞ ﻣﺎﺭﺟﻌﺘﻲ ﻭﺣﺎﻓﻈﺘﻲ ﻋﻠﻰ ﺑﻴﺘﺞ
- ﻟﻴـﺶ ﺍﻧﻲ ﺟﻨﺖ ﻣﻤﺤﺎﻓﻈﻪ ؟؟
- ﻋﻠﻴﻨﻪ ﺑﻬﺴﻪ ﻣﺎﺭﺟﻌﺘﻲ ﺷﻜﺪ ﺗﻮﺳﻞ ﺑﻴﺞ ﻣﺎﻗﺒﻠﺘﻲ
- ﺧﻴﻴﻮﻟﻲ ﺑﻌﺪ ﻟﻮ ﻳﺼﺒﻮﻩ ﺫﻫﺐ ﻣﺎﺍﻗﺒﻞ ﺑﻴﻪ ﻭﻫﺴﻪ ﺑﺸﺮﻳﻨﻲ ﺍﺑﻨﻪ ﻣﺎﺕ ﻟﻮ ﻻ؟؟
- ﻋﺰﺍ ﻋﺰﺍﺝ ﻋﻠﻰ ﻫﺎﻟﮕﻠﺐ ﺍﻟﺤﺠﺮ
- ﺍﺣﺠﻲ ﻳﻮﻡ
- ﻛﻠﺸﻲ ﻣﺎﺑﻴﻪ ﺍﺑﺸﺮﺝ ﻻﻥ ﺭﺑﺞ ﻣﺎﺩﺍﻡ ﻗﺎﺳﻤﻠﻪ ﺣﻴﺎﺓ ﻳﻌﻨﻲ ﻳﻌﻴﺶ ﻭﻣﺎﻳﻤﻮﺕ ﻟﻮ ﻣﻮ ﺍﻧﺖِ
- ﺍﺍﺧﺨﺦ ﻟﻴـﺶ ﻫﻴﺞ ﺩﻳﻌﺬﺑﻨﻲ ﻣﻦ ﻫﺴﻪ ﻟﻴـﺶ ﻣﺎﻣﺎﺕ ﺍﻟﻤﻦ ﺟﺎﻱ ﺍﻟﻤﻨﻨﻦ
- ﺍﺳﺘﻐﻔﺮ ﺍﻟﻠﻪ ﻣﺎﻣﺎ ﺍﻛﻮ ﻧﺎﺱ ﺗﺘﻤﻨﻰ ﺍﻟﺮﺯﻕ
- ﺷﻮ ﺳﻜﺘﻲ ﻳﻮﻡ ﺳﻜﺘﻲ
ﻃﻠﻌﻨﺎ ﻣﻦ ﺍﻟﻤﺴﺘﺸﻔﻰ ﻭﺑﻌﺪ ﺭﺟﻌﺖ ﻟﻤﻮﺑﺎﻳﻞ ﺑﺲ ﺍﻟﺸﺎﺷﻪ ﻣﻜﺴﻮﺭﻩ ﻃﻠﻌﺖ ﺍﻟﺨﻂ ﻭﻃﻔﻴﺘﻪ ﻫﺎﻱ ﻫﻲَ ﺑﻌﺪ !!..
....
ﻣﺮ ﺍﺳﺒﻮﻉ ﻭﺍﺗﺼﻠﺖ ﺑﻴﻪ ﺍﺳﺮﺍﺀ ﻋﻠﻰ ﺧﻂ ﺧﺎﻟﺘﻲ ﺟﺎﻭﺑﺘﻬﻪ ﻛﺎﻟﺖ ﺍﻓﺘﺤﻲ ﺧﻄﺞ ..
ﺭﺣﺖ ﻓﺘﺤﺘﻪ ﻭﺍﺗﺼﻠﺖ ﺑﻴﻬﻪ ﻛﺎﻟﺖ
- ﺍﻛﻠﺞ ﻋﻴﻨﻲ ﻣﻌﺰﻭﻣﻪ ﻋﻠﻰ ﺯﻭﺍﺝ ﺻﻔﺎﺀ ﺍﻟﻴﻮﻡ ﺍﻟﺴﺎﻋﻪ ﺑﺎﻟـ 5 ﺑﺼﺎﻟﺔ ﺩﻳﻤﻪ ﻟﻼﻋﺮﺍﺱ
ﺭﻣﺸﺖ ﺑﻌﻴﻮﻧﻲ ﻣﺎﺑﭽﻴﺖ ﺍﻟﺤﻤﺪ ﻟﻠﻪ ﻣﻦ ﺳﻴﻄﺮﺕ .. ﻋﺼﺮﺕ ﻋﻴﻨﻲ ﺣﻴﻞ ﻭﺟﺎﻭﺑﺖ ﺑﻨﺒﺮﺓ ﺣﻘﺪ
- ﻭﺍﻧﻲ ﺷﻌﻠﻴﻪ ؟؟
- ﻣﻮ ﺩﺍﻋﺰﻣﺞ
- ﻭﺻﻞ ﺣﺒﻲ ﻳﻼ ﺑﺎﻱ
ﺳﺪﻳﺘﻪ ﻭﺁﻧﻲ ﺍﺧﺘﻨﮕﺖ ﺍﻟﻐﺼﻪ ﺻﺎﺭﺕ ﺑﺰﺭﺩﻭﻣﻲ ﺍﺗﻨﻔﺲ ﺳﺮﻳﻊ ﻭﺍﻫﻔﻲ ﻋﻠﻰ ﻭﺟﻬﻲ ﺧﺎﻑ ﺗﻮﻛﻊ ﺩﻣﻌﻪ ..
ﺍﻱ ﺗﺰﻭﺝ ﻟﻴـﺶ ﻻ ﻣﻨﻲ ﺇﻳﭭﺎﻥ ﺍﺻﻼً ﻣﺎﺩﺍﻣﻚ ﺧﻨﺘﻬﻪ ﺑﻌﺪ ﻣﻨﻴﻦ ﺗﻌﺮﻓﻬﻪ ﻫﺎﻱ ﻫﻲَ ﻃﺎﺑﺖ ﻭﻳﺎﻙ
ﻓﻜﻴﺖ ﻋﻴﻮﻧﻲ ﺣﻴﻞ ﻭﻃﻠﻌﺖ ﺍﺿﺤﻚ ﻭﺍﺳﻮﻟﻒ ﻋﺎﺩﻱ ..
ﺑﺲ ﺑﺎﻟﻲ ﻛﻠﻪ ﻳﻤﻪ ..
ﺻﺎﺭﺕ ﺑﺎﻟـ 5 ﻭﺑﻠﺶ ﺍﻟﺘﻔﻜﻴﺮ ﻫﺴﻪ ﺯﻓﻮﻫﻪ . ﻫﺴﻪ ﻟﻤﺲ ﺍﻳﺪﻫﻪ . ﻫﺴﻪ ﺍﺧﺬﻫﻪ ﻟﻐﺮﻓﺘﻪ .
ﻣﻌﻘﻮﻟﻪ ﺑﺸﻘﺘﻨﺎ ﺧﻼﻫﺎ !! ﻭﺍﺧﺬﺕ ﻣﻜﺎﻧﻲ !!
ﺻﺎﺭﺕ ﺍﻟﺴﺎﻋﻪ ﺑﺎﻟـ 6 ﻭﻧﺺ ﻭﺍﺗﺼﻞ ﻣﻮﺑﺎﻳﻠﻲ ﺑﺎﻭﻋﺖ ﻉ ﺍﻟﺸﺎﺷﻪ ﺭﻗﻤﻪ !! ﻭﺍﺳﻤﻪ ﻣﺴﻤﻴﺘﻪ ﻣﺎﻱ ﻟﻮﭪ ﺑﺎﻻﻧﮕﻠﻴﺰﻱ !!
ﺍﻭﻝ ﻣﺎﺷﻔﺖ ﺍﻻﺳﻢ ﺻﺒﺖ ﻋﻴﻨﻲ
ﺍﻣﺴﺢ ﺑﺪﻣﻮﻋﻲ ﻭﻳﺮﺟﻌﻦ ﻳﺠﺮﻥ
ﻟﻴـﺶ ﻣﻮ ﻭﻋﺪﺕ ﻧﻔﺴﻲ ﻣﺎﺍﺑﺠﻲ ﻟﻴـﺶ ﺩﺍﺑﺠﻲ ﻟﻴـﺶ
ﺷﻮﻳﻪ ﻭﺻﻠﺖ ﻣﻨﻪ ﺭﺳﺎﻟﻪ !!..
ﺗﻮﻗﻌﺎﺗﻜﻢ ..
ﻳﺘﺒﻊ ..
ﻋـﺒـﺮﺍﺕ ﺍﻟـﻌـﺒـﺎﺩﻱ 🌼🌻
ﺣﺒﺎﻳﺐ ﻣﻮ ﻓﺎﺿﻴﻪ ﻭﻣﺴﺆﻟﻴﺎﺕ ﻋﻠﻴﻪ ﺭﺍﺳﻲ ﻣﺎﺍﺣﻜﻪ ﺍﻋﺬﺭﻭﻧﻲ ﻭﻗﺖ ﻓﺮﺍﻏﻲ ﺍﻧﺰﻝ ﻭﺍﻧﺘﻘﻮﺍ ﻛﻠﻤﺎﺗﻜﻢ ﻻﻥ ﺩﺗﺠﺮﺣﻮﻥ ﺑﺎﻟﻜﻼﻡ ﻭﻣﺎﺍﺭﻳﺪ ﺍﺟﺮﺡ ﺍﺣﺪ ﺭﺟﺎﺀً