عشق ليليان 💥💕

😍94😍

-مهدي حكم يد ليليان تحت الطابلة : يما علابالك انا و كامي كيف الخاوة
ليليان ما بقاتش حاملة متقدرش تسكت كتر جبدت يدها منو و وقفت شافت فيها و حطة يديها على الطابلة تهدر و ترص على كل كلمة
- ليليان : بنات الحرام مش نتي لي تحدديهم ... و مرة اخرى تحبي تقوليلي حاجة اوقفي قدامي و اهدريها ... غير الا كنتي خايفة
- مهدي : ليليااان
- ليليان عدلت وقفتها : وي ...
- مهدي : .....
- ليليان : مشي كي راهي يماك تقبح كيما تحب و انا نسكت ... ( عاودت شافت معاها و خرجت )
- مهدي : يما راني فاهمك مليح و هداك لي فراسك غير نحيه ...
- ام مهدي : هكا على جالها تقولي هكا
- مهدي بعياط : يمااا مشي عليك و عليهاا راكي تظلمييي... مشي هدرة تقوليها حرام علييك ( خرج و خلاها تغلي وحدها )
خرج يشوف فليليان مكانش يعني راحت ... زرب ركب طوموبيل و لحقها لقاها تمشي و تزرب
- مهدي : ليليان احبسي نهدر معاك ... ليلياااان ...
كانت ماشية و حاكمة دموعها بسييف مش حابتو يشفق عليها شافتو حبس الطوموبيل زادت زربت كتر كون يلحقها تضعف و تترما عندو و تبكي ... راهي عارفة مهوش مع هدرة يماه بصح يماه عندها الحق هكدا كانت تفكر ليليان .. لحق ليها جبدها من دراعها و حضنها زير عليها
- مهدي : ليليان مديريش على هدرتهم تعرفي نحبك و ديك الهدرة كامل ما تهمنيش
- ليليان باقية ساكتة بعدت عليه : عندها حق انا بنت حرام ... بصح وش ذنبي؟ ... صح انا نتيجة غلطة .. بصح وش دنبي ؟ ... راح نبقا حياتي كاملة نسلك ؟ ... مهدي انا خلاص ما بقيتش قادرة نعيش تما
-مهدي عاود جبدها ليه و حضنها : خلاص متعاوديش ترجعي
- ليليان : بصح كفاش و وين نروح راح نتشرد فالطريق
- يجبد فيها وراه من يدها و يهدر : مزال تعاوديها الهدرة هادي نقتلك اكي فاهمة ... اطلعي
طلعت معاه و راحو للشركة كي وصلت جات تدخل لبيروها قالها تلم وش تحتاج منو و تروح لبيروه .. دارت وش قالها و راحت عندو
- ليليان : مهدي وين راح نخدم
- مهدي : اليوم تبقاي معايا ... و غدوة يكون بيرو تاعك واجد هنا قدامي بعد