• الاء اعرف انتي وين تردين توصلين بالضبط ليش هيج تسوين إول شي حبيتي إحسان وهسه تزوجتي علاء وكاعده تضحكين ويه علاء واكفين بالمطبخ وعلاء يبوس بيج شنو اللي تردينه بالضبط ليش هيج آلاء خافي الله بخواني
. يي هسه اني للي صرت مو زينه اني اللي كسرت قلبي ودست عليه بالنعال علمود أخوي والا علاء شنو مجرد رجال غريب بالغرفه مابينه غير الرسميات حته باليل انام من قبل لا يدخل الغرفه علمود ما يصير بينه شي اني اللي مو زينه لان فضلت سعاده اخوي ع سعادتي يا مروه ليكون بعلمج لو ما اني جان انتي و مازن تحلمون بعض
• تعيريني بهاي الزواجه حسافه يا الاء عمري كله ما اتوقعتها منج
. لحظه لحظه محد معيرج بشي بس مو اني اخاف الله بخوانج لا انتم خافو الله بيه اخوج المفروض يفكر بيها من قبل مو هسه يجي وهوه ابو الراهي اني مامجبوره اتحمله مثل ما هوه كسر قلبي ماله شي يمي إحسان اذا هوه ضعيف اني مو ضعيفه مثله
.. الاء احنه وياج نعرف إحسان مايكدر يتصرف يحجي بس إحسان لان مبتعد عن الناس هيج بس انتي لا تعذبينه إحسان اخونه وعلاء اخونه مانريدهم يتعذبون الاء رحمي اخونه الله يرحمج صوت ضحكم واصل جوه اترجاج من تصيرون جوه لا تحتكين بعلاء
. ماعرف الضحكه حرام بهذا البيت بس يلا من اليوم و رايح حته ضحكه ما اضحك ان شاء الله حته سلام ما أسلم عليه
.. الاء لا تفهميني غلط بس الخاطر علاء و إحسان مانريد تصير مشكله بين الاخوان
. لا تخافين ماراح يصير شي
• الاء والله انتي مثل اختي بس هم مانريد مشاكل
. حبي وانتي هم بس الصوج مو بينه الصوج بالوكت اللي لعب لعبته
.. اكلجن انتن مو عرايس شسون هنياا يلا كل وحده الغرفتها
. 😒😒😒 كاعدين بيتج
.. بيت ابوي
• وبيت ابوي
.. لا عيني انتي خلص دورج بيتنه هسه ترحين البيت رجلج
• انجبي
_ ضلينه كاعدين بغرفه صفا شوي وصعدت ازل وهم كعدنه نسولف شوي ونزلنه وكعدنه بالحديقه للمغرب يلا دخلنه للبيت صفا راحت للمطبخ تحضر العشه ويه ريان احنه انطردنه من الباب المهم مرت الايام مثل ماهيه خطارهم اربع وعشرين ساعه علاء مثل ما هو بارد وياي وإني كذالك كلامنه قليل بالغرفه بس من نكعد يمهم يحضن بيه مااعرف شنو غايته من هاي حركات البنات عبالهن عناد بإحسان اسوي هيج إحسان طلع من حياتي لان ما اتشرف برجال ضعيف اريد صكار باجر عكبه لو صارت مشكله هو مايكدر يوكفلي لهذا السبب طلعته من حياتي وصار مجرد ماضي فتره المراهقه اكثر فتره مامتوازنه راح ننجرف كلشي بينه يتغير مرحله صعبه ممكن نتخذ قرارات نندم عليها بالاخير بس مو بينه الصوج هاي هرمونات تتغير وعقلنه ما يفرز وما ينبهنه الصح من الغلط نايم وصافنه بوجها احلا من إحسان بهواي مبين ع وجهه التعب اسمر حواجبه سيوف لحيه وشارب وشعر صدره عاري نايم مثل الميت ما يحس بشي لو تنكلب الدنيا ع رأسه يبقى نايم حاولت اكعده بس يعند مايقبل يكوم كعدت يمو واخذت جهازو فتحتو يريد رمز مره دحكتو وهو يفتحو رسمتو انفتح دخلت ع الاستوديو كله صورو وياه ولد بعمرو ضليت ادحك عليهن اكثر صورو بملابس الشغل دخلت ع الفيس مالتو ما ضايفتو بحسابي كله ولد مابي بنات بس وحده اسمها أرو الفضول عندي دخلت ع بروفايل مالها الحاله الاجتماعيه في علاقه مع النقيب علاء ***** انكفخت ع رأسي ضليت ادحك بحسابها كله صور العلاء واشعار حب وهوه يعلقلها ويضحك وياها بس التعليقات قديمه طلعت من الفيس ومسحت كلشي ورجعت الجهاز المكانه وطلعت من الغرفه يعني عنده علاقه وتزوجني ماكدرت ابلعها صعبه باجر لو عرفو اهله يكولون مقصره وياه ضل الموضوع ياكل ويشرب وياي وتفكيري مشغول بي البيت هوسه ديفتحون غرفه مازن اوووف ماادري شسوي بهل مصيبه مااكدر احجي ضليت ساكته العصر أهلي رادو يطلعون لو اني فرفحت يرحون واني ابقى هنا مستحيل شكلت بأيد ابوي وابجي واتوسل بي
. بابا حباب خلي اروح وياكم ماريد اضل هنا أبوس ايدك
.. بابا لا تبجين والله تعلعليني بدموعج
. ما اضل هنا اروح وياكم ماريده حباب خلي اروح
.. يا عمري مايصير بعد هذا بيتج
. مااريده ماريد اريد اروح وياكم ماريد اضل هنا
علاء & تعاي ولج هسه ما ترديني اشو تعاي
. انته مدخلك بعد عني لا والله اكلب الدنيا
بجي ونوح اريد اروح وياهم ولاكن شنو بيدي هذا الواقع لازم ارضه بي وابقى بيت الحجي اللي هوه قصر بس بعيوني سجن بومها ماطلعت من الغرفه اللي يدخل للغرفه انفجر بوجهه حته علاء ما دخل للغرفه خلاني ع راحتي بس يا راحه من اكعد الصبح وما اصبح عليهم ختلت بالزاويه مال الغرفه بس ابجي اختنكت مااكدر صعبه بدون ما احس غفيت واني كاعده ماحسيت غير ع علاء يدخل للغرفه ما اهتميت الا ضليت كاعده وراسي بين ايدي اجه علي
.. أرو لا تزعلين هاي سنه الحياه تتزوجين وتسطتين بيت اهلج
اتخبلت فوك همي يزيدني هم دفعته وكتله
. انعل ابوك لا ابو ارو وياك روحلها خطيها ليش تاركها وجاي يمي انعل ابو الساعه اللي شفتكم بيها
.. روان لا تخليني اتخبل عليج بهل اليل وانعل والديج
. بعد بعد مره أرو مره روان بعد منو باقي حيوان
.. ولج بنت الكلب صوتج ما جايبلي كح.... بنص اليل صوتها يلعلع
. لا تغلط ابوي يشرفك ويشرف اهلك كلهم
.. انتي ما يفيد وياج هيج جلدج يحكج وماتعرفين شلون تغثيني
_ كام ضرب ويغلط ويصارخ دفعته لو اجرمت طاح علي سب وفشار ما ينلبس عليه ثوب التزمت بالصمت لان شفت اعصابه تلفت كعد ع السرير صوت انفاسو علت وكام يشهك خفت منو وخفت عليه اخاف اتقرب منو وينفجر بوجهي وأخاف اتركو ويصير بي شي تقربت عليه وخليت ايدي ع رجلو رفع راسو كتلوو بيك شي
.. روحي مابيه شي
. لا بيك ادحك شلون صرت
.. اكرهج تفهمين اكرهج مستحيل انسىى اللي سويتي والله العظيم الا اطلع حب الاسنين اللي مرت من عيونج واعلمج شلون تضحكين علي اعرفج كلش زين تجذبين وتكليلي اسمي روان موو من بغداد وكل ما اروح البغداد تتهربين مني علمود ما اشوفج وهاي الدنيا جابتج إلي انه الج وراس امي اطلعهن من عينج وحده وحده وانعل ابو اهلج لا ابو الخلفج
. كافي كافي شنو انته عقلك ضارب منو روان ومنو هاي اللي من بغداد علاء لا تكعد تجفص
.. تعاي بلا صوتج عليمن ترفعينو
دخلت للحمام بسرعه قبل لا يكوم ادحك ع المرايه وجهي كلو دم ينعل ابليسك ع هاي العمله غسلت وجهي وضليت كاعده بالحمام اخاف اطلع ضليت كاعده احد ما حسيت صار هدوء فتحت الباب ع كيف شفتو نايم ع التخم بسرعه طلعت من الغرفه ورحت الغرفه دكيت الباب فتحته شافتني
.. عزه بعينج شنو هذا شصاير
. اخوج تخبل علي
.. ياا ولج شسويتي وهيج تخبل عليج دحكي وجهج شلونه عروس مكتوله
. هسه انه وين انتي وين خليني انام يمج
.. تعاي تعاي دخلي وكليلي شنو صاير بينكم
دخلت للغرفه . ما صاير شي هوه دخل علي روان و اني نرفزني بهذا الاسم شنو يعني ما يعرف اسمي لو عناد بيه هيج يسوي و اني مناا ضايجه عطت بي و هو ما قصر شوفه عينج
.. طاح حظج ولج فاهيه هسه انتي الا تراددين سكتي هو يسميج بالاسم اللي يعجبج ليش هيج تسوين
. اشو سكتي اريد انام
_ بهذا اليوم كانت اول كتله من علاء اول مره انكتل بعمري كله اكلتها من زوجي العزيز بابا بعمره مايقبل واحد يضربني حته بالمدرسة جان يووصي علي المعلمين علمود ما يضربوني الطلاب نمت كعدت يوم ثاني صفا ماكو انتبهت ع علاء واكف بالباب خفت منو اخاف يرجع يضربني
مساء الحب مساء العشق ع احلا متابعين اشكركم واحد واحد ع تفاعلكم احبكم واحب هواكم هذا بارت وان شاء الله اكو بارت ثاني
احبكم من القلب للقلب
#زيجه_راس_براس
#فاطمه_كريم