مااكدر احجي واكول مرتي ماكو ضليت بالعها كمت افتر بالغرفه جهازها يرن بس ما تجاوب افتر رأسي ماادري شسوي وين اولي مصيبه حركت جهازها حرك ماترد خديجه كاعده يمي رأسي أحسه راح ينفجر ماتحملت ابقى كاعد كمت فتحت الكنتور وجان ادحكها نايمه والهيتفون باذنها سحبتهن من ذانها وزكحت .. بنت الكلب كومي لشوف
الاء من فتحت الباب اريد اشوف شكوو شفت الولد كلهم بغرفه إحسان والهوسه من غرفته سديته طلعت جهازي شفت احسان مراسل قبل نص ساعه
.. راح يزفونه عليج وموتي من راح يدخل للغرفه
وراسل فيديو
شغلت الفيديو حرك كلبي ماكدرت اسيطر ه دموعي ماكدرت ابقى كاعده اخاف يدخل علاء ويشوفني ويضل يسئل ليش تبجين ومااعرف شجاوبه فتحت باب الكنتور وختلت بي والهيتفون باذني بعدها ماحسيت غير ع صوت علاء وهوه يصيح ويصارخ
.. انعل ابوج لا ابو الخلفوج طلعي اشوف
. شكو شبيك
.. ماكو شي سلامتج طلعي
_ طلعت من الكنتور واشوف خديجه تضحك علينه وهذا روحوو واصله الخشمو كتلهم شبيكم
.. ادري انتي شنو اكو هيناا عقل لو مطي مدد
. هسه ع شنو كل هذا شبيك شسويت
.. ما مسويه شي بس هيج مخبل احب اعارك ع كلشي بدون سبب
. والله تعرف نفسك خبل ما يحتاج احجي بعد
.. بنت الكلب هسه اكسرو الراسج
خديجه ... يلا ما صار شي لا تشيلون هم وانته علاء ع كيفك وياها يلا اني اروح
.. الله وياج خويه طلعت ام هيثم انداريت عليها يي وهسه شنو
. شنو اني راح انام كاعده من الصبح تصبح ع خير تركته ورحت للتخت تمددت بسرعه نمت وهو كذالك بعدها ماحسيت غير ع صوت علاء وهو يكعد بيا
.. صباح الخير
. صباح النور
.. يلا كومي الساعه ب9
. حيل شكد نايمه
.. يلا كومي هسه
. يي كايمه طلعت ملابسي ودخلت للحمام اخذت شاور وطلعت سفته كاعد دحك بسرعه كام ونزلنه مروه ومازن نازلين نزلنه الحجيه كاعده بالصاله ومروه يمها رحنه عليها
.. صبحج الله بالخير يمه
الحجيه ، هلا يمه صبحك الله بالخير صباحيه مباركه الف مبروك
.. الله يبارك بيج يمه
. صبحج الله بالخير حجيه
، هلا يمه هلا بالعروس
_ يي احلا عروس دسكتي والله الكم خلك وهذا شلون يمثل ومصدك نفسه عريس رحت سلمت ع امي وكعدت يمها هو طلع للاستقبال يم الولد شوي ودخل الحجي وابوي كمنه اني ومروه
الحجي.. هلا بيج بنيتي من اليوم هذا صار بيتك ابوج ترحيله خطار وبيته انتي ضيفه بي مو الج تحتاجين شي هذا رجلج ترحيلو لو تجين الي اني شنو تردين يجرالج
. مشكور حجي ما تقصرون
.. وانتي سباعيه ما ينخاف عليج وعلاء من اليوم صارلج ضهر تسندين نفسج عليه
ابو مازن... بس عاد مو تنسين ابوج
. لا عاد انته الخير والبركه شلون انساك هاي مستحاله أنساك
... يابه راحت بنيه مني واجت وثانيه وانتي اريدج ترفعين رأسي هناا وتحافظين ع رجلج وبيتج ولا تخلين واحد يدخل بينكم ويتقارش وياكم
. لا تخاف بابا ان شاء الله رأسك مرفوع
... ربي يسعدج ويهنج
.. ابو مازن بنتك تربيتك ترفع رأسك بكل مكان تدخله رأسك مرفوع ابو مازن
... من طيب اصلك ابو مخلد ولا تخاف بنيتك بين عيوني وحالها حال الاء واحنه ماعدنه العشره هيه بس هالبنيه وراح يصير حسها بالبيت من بعد ما راح طلع صوت الاء
.. مااخاف عليها وهيه يمك وبيتك
_ وووو من هذا حجيهم واحد يمدح الثاني هذا ابوي وهذا الحجي وهاي خوتهم واحد يحب الثاني للضهر ماقبلو نكعد وياهم نتغده صعدونه فوك سوي وصعد علاء
.. هلا
. هلا
.. هاي السالفه مغثه كل شوي كوم سلم
. يي والله صدك كل شوي واحد داخل وتعال سلم وحلكك ينضرب شرجي ويصير عوج
.. هه يي والله صدك هم زين احنه ما نتباوس مثلجن
. ههه بهاي ربحانين ماتتباوسون
.. بس مصافح ما نكعد نمطك بالزلم وشواربنه ع وجوهنه
. هههههااي شلون تمطك بيهم صدك اكلك مخلد كال صورتو الحنه وين الفيديو
.. عند إحسان بعدين اخذه منه انتي شسوين بي
. مو العراضه اريد أشوفها
.. وانتي منو كلج ع العراضه
. سمعتهم يهوسون
.. سمعتيهم لو طلعت تتسمعين
. سمعتكم وطلعت
.. هاا اذا هيج ما تشوفينها
. لا علاء ليش والله أحبهم
.. شبيج راح تبجين اتشاقه وياج بعدين اخذه من هذا الخبل واجي اشوفج اياه
. ميرسي
.. هم سئلوج عن أمس شصار
. ااا لا محد سئل
.. هاا اذا سئلو لا تحجين
. اوك شوي وصعدت صفا الاكل كعدنه ناكل علاء بعده مثل ما هوه يحجي وياي بس يحسسني مو وياي يحجي بليل طلع واني بسرعه انام ماحسيت غير ع علاء يتمدد يمي ما عرف ليش اتمنيته إحسان هو اللي يمي بهاي الحظه مو علاء ماريد علاء كلشي بيه مايريده بهاي الحظه عرفت اني غبيه بهاي الحظه عرفت اني مالازم اكون زوجه العلاء وماريده ولا اريد اتزوجه ماريد يصير زوجي بس شكله هو راح يتقبل ماريد اتزوجه وهو الحد الان ما فرض علي هاي الشغله مااعرف ليش بس احسن يمكن حته هو ما يريدني اوووف يرادلها بخت نمت كعدت يوم ثاني هو ماكو كمت من الفراش غسلت وجهي وطلعت نزلت ظماكو احد كلها نايمه الساعه ب6 بس الحجيه كاعده بالصاله رحت عليها
. صباح الخير
.. هلا صباح النور
. امين وين
.. طلع عنده شغل شوي ويرجع
. هاا
.. تعاي يمه خلي احجي وياج شوي
. يي حجيه تفضلي اسمعج
.. يمه انتي وعلاء اعرف لحد هسه ما تم زواجكم بس انتي صبري مو اذا ما تم زواجنه اني مالي دخل بي لا يمه مو هيج انتي خدمي تره الرجال مايريد شي غير مره تهتم بي وتخاف عليه وهسه الوضع مو شي وهوه كل يومين ناقلينه المكان وخوفج يروح بيوم ومايرجع بعد وين ننطي وجهنه وين نعزي تره المره بدون رجال محد يتحملها
. لا حجيه اسم الله عليه ربي يحفظه من كل شر واني ماريد منه شي حجيه الله شاهد اني وافقت عليه بس علمود مازن اعرفه رايد مروه بالحلال وسعادتي من سعاده مازن وبعدين اني أحبكم ودائما احب اجي هنا وهسه راح اعيش عدكم بس حرامات مروه ماكو وبعدين ابنج كله بشغل وهاي كدامج اليوم ثاني يوم بزواجه وطالع من الصبح للشغل
.. عفيه عليج يمه انتي بنيتنه انعرفج ونعرف اهلج وما شفنه منكم شي غلط وعاشت امج بتربيتج
. حجبه تره انثول من واحد يمدحني
.. لا يمه حشاج لا تكولين انثول
. ان شاء الله ضليت تحجي وياي علمود علاء ومالازم ازعله او اعصبه علمود السكر ما يصعد عنده اول مره اعرف علاء مريض بالسكري وبعد شنو مخفي وشنو راح يضهر الله يعلم شكلي ما راح اتهنى ولا راح اتعايش وياه شوي وكعدو كلهم كامن النبات يحضرن بالريوك ردت اكوم وياهن الحجيه ما قبلت اكوم وياهن عشتوو عروس مروه ما شفناها نايمه ومازن كذالك مختفين كملن الاكل وكعدنه نأكل شوي ودخل علاء لابس عسكري اتقرب علينه اجه خله ايده ع كتفي اشرلي بمعنى سويلي مكان بعدت وكعد بيني وبين الحجيه جان يطفر مخلد
* يي عيني يي شكو بيها عرس وكام يكعد ويانه
.. وهسه انته من شنو مضغوط
* يابه والله ما مضغوط بس انته صاير مدري شلونك مورد هيج المره تسوي بيج
.. والله هذا الشي بيد رب العالمين وردت مو من المره بس بالي مرتاح هاي اليومين والاء ما مقصره حته ما ارتاح
* ان شاء الله دوم راحت البال خويه
.. رحم الله والديك ماتاكلين
بكل ثول . هااا
.. شبيج اكلي لا يضل حلكج فاهي
. يي هاي مو داكل
.. يي اكلي شوفي شلون صايره
. عيني هذا حدي بالاكل
.. ولج اكلي ع الاقل نص خبزه
. ليش الاكل الطبيعي شكد
.. اقل شي كرصه لو كرصتين
. حبيبي هذا مفجوع مو اكل طبيعي زين اذا كدرت اكل نص الخبزه مو اثنين
.. ولج منو المفجوع
. والله يعرف نفسه اللي ياكل خبزه لو خبزتين مفجوع
.. طيح الله حظج قصدج اني مفجوع وبعدين اسمها كرصه مو خبزه
. والله احنه نسميها خبزه مو كرصه
.. انتي هنيا تحجين مثلنه مو مثل حجيكم
. ماا ماا شنو هاي حته بحجي تتحكم
.. عجل شلون غير رجلج واتحكم بيج وانتي تسمعين كلامي
. عشتوو😒😒
.. هاا شو ما عاجبج
. لا شلون ما يعجبني قابل مجذب انته وايدي ورأسي مو بس رجلي اني كلت هيج اشو هذا ضربني ع رأسي ويكلي
.. ثوله احجي عدل عرمه
. هسه شبيك شنو كلت
.. ماكلتي شي بس سويتيني رجلج
. شبيك قصدي زوجي مو قدمي بعد هلي بالفصحه كلتها
.. عشتوو عود تعرف بالفصحه
. والله هذا اللي عندي
.. اشو سكتي وكملي اكلج
. الحمدلله يمه باركيلي صرت حامل بكروش من وره نسيبج
.. هسه ماادري شاكلتي يابه مو باليل تكعد الفاره تكرط فوك راسي بهالعاويص
. اكلك هنه بس يومين يمك شوو كمت تتململ مني
.. ولج محد متململ منج بس بليل تتاذين يا عمري انتي
. لا لا تخاف ما اتاذه
.. عمه شوفي بنتج من هسه ميبسه رأس
& والله عمه بعد انته وياها اني ما دخلني تتصافون
.. هاا عجل هسه اكسرها
& واحنه نكسر بتكم
.. حيل وحده بوحده ع طاري بتنه وينها اشو ماكو
الحجيه... نايمه قابل مثلك تارك مرتك وطالع من صبح الله للشغل
.. حجيه شغلي مااكدر اتركه
... يمه بس مو من ثاني يوم بعرسك تطلع ع الاقل كمل اسبوع
.. ان شاء الله يمه هوه راح ابقى بس جان اكو شغله ضروريه كملتها ورجعت
_ تركتهم ورحت ويه البنات للمطبخ ماقبل اشتغل وياهن ضليت واكفه بالمطبخ ونحجي شوي ونزلت مروه و مازن صفا حضرت الهم الاكل واخذته للصاله البنات طلعن ينظفن بالبيت ضليت واكفه بالمطبخ شوي ودخل علاء شافني واكفه
.. هاا شدسوين
. ماسوي شي
.. هاا عجل امشي ليش واكفه هين
. مادري اسو قبل شوي البنات كلهن هنا وهسه ماكو احد كلهن طلعن
_ كاعده احجي وانتبهت إحسان باب المطبخ وعلاء جان قريب علي قربت عليه اكثر وكتله . ليش قميصك ما مرتب
.. يي ليش ما ترتبينو بيدج
. اممممم يي ليش لا مديت ايدي ع ياخه القميص هيه ما بيها شي بس حبيت اغث إحسان وبكل غباء ضليت احرك أصابعي ع ركبته باثاره ماحسيت غير ع علاء وهو يبوس بيا بسرعه دفعته
.. شبيج
. علاء عيب لا يجي واحد ويشوفنه شيكول
.. ما يكول شي مرتي شنو حرام
. لا مو حرام بس عيب
.. روحي ام عيب روحي
_ انتبهت ع إحسان مصدوم بينا المفروض يعرف هذا اللي راح يصير اذا مو كدامه وحدنه بس اني ما جان هذا قصدي بس حبيت اقهره بعد عن الباب بسرعه مااعرف شنو غايتي من كل هذا بس من قهري سويت هاي الحركه اعرف سوالف جهال واني حالي مو أحسن من حاله اكره علاء وقربه صح لحد الان ماصار شي بس اكرها اكره النفس اللي اتنفسه طلعت من المطبخ ورحت يم امي اريد اشبع منها اريد اشبع من عطرها ضليت كاعده يمها وحاضنتها شوي والحجيه كالت صعدي غيري ملابسج لا يجي احد وانتي ما مبينه عروس فعلا صعدت للغرفه علاء متمدد طلعت كلابيه خليجيه دخلت للحمام لبستها وطلعت كتله . علاء حلووه
.. يي بس لا تنزلين بيها جوه ضيكه عليج و مفصله جسمج
. لا والله عريضه و حلوه
.. كلت لا لا تعاندين يلا بسرعه غيريها
_ ضجت من تحكمه بلبسي هوه صوجي اني سئلته من امداي يي والله طلعت غيرها لبستها شافها ما علق كتله . وهسه
.. يي هاي حلووه امشي خلي ننزل
. لحظه بعدني ما كملت
.. يلا يبنت الناس بسرعه
. بس شوي ما اتاخر خليت مكياج بسرعه ولفيت الحجاب ونزلنه هوه راح للاستقبال واني كعدت بالصاله صفا كاعده بالجهاز تتصفح شغلت أغنية الرعد وميثاق كتلها هذول الاثنين حته بالاكل يخلونك تشك
.. يي والله اغانيهم كلها حزن وخيانه
. شكد اضوج من هيج اغاني
... وانوب عدنه عرس ومشغلتهم غيري الخاطر الله
. شغلي شي بي حظ
.. والله لا اشغل ولا شي ولن
. ولي باقين عليج ضلينه كاعدين شوي ودخلت خديجه هاي البنيه ماتكدر اوصفها انسانه الها فضل بكل شي بحياتي هيه اللي تصبرني ع كل المشاكل اللي مريت بيها طفله مراهقه مااعرف اتصرف بس خديجه هيه منقذي من كل شي ماادري بدونها شسويت الحجيه ماتحب المشاكل واكثر كلمه تكولها سكتي لا تحجين وتعذبين الولد ويروح يموت من وراجن ومن وره سوالفجن خديجه اخت علاء اكبر من علاء ب6 سنوات عمرها 35 اتزوجت من كان عمرها 13 سنه ماعدهم مره تبقى ماتتزوج اذا اجتها قسمه زينه يزوجونهت والهذل السبب بسرعه وافقو ع مازن حته بدون ما ياخذون برايها عدها ولد اثنين وبنات اثنين ولدها هيثم الجبير عمره 20 سنه و كرار 18 اللي اصغر منه و ازل 16 بعمرنه و إيناس 7سنوات متزوجه ابن خالتها بيتها كلش مقابيل بيت أهلها دخلت وبسلامها الحار
خديجه... صبحكم الله بالخير والعافيه
الكل... هلا صبحج الله بالخير
خديجه .. هاا اليوم العرايس كاعدات
صفا ... عجل شنو يبقن خاتلات بغرفهن
.. والله بهاي صح تركن الولد يشمون هوه مو تسجننهم
الاء . اني مني وحده منطته كامل الحريه بس اختج ساجنه اخوي
.. وانتي خطيه اشو اخوي جان اربع وعشرين ساعه بس يفتر من اتزوجتو الهسه كاعد بالبيت
. لا والله شلج بهاي السالفه قابل قافله عليه الباب اشو يطلع ويدخل براحته
... يي صدك علاء براحته مو مثل هذا مازن اربع وعشرين ساعه كاعد بالغرفه مدري شيسون
هيه كالت هيج والكل ضحك عليها هيه حجتها بفطريه بس نسوان خوانها فهمنها غلط
.. انتي مدخلج بهاي السوالف عيب
... عيب وعيب هسه انه موته روحي ع سوالفجن الطايح حظها
.. اشو بلا سولي مكان بينجن خلي اسمع اخبارجن
كعدت بينه وكالت
.. يي مروه بشري شلونه وياج
.... تمام ومرتاحه وياه مااكدر اوصف دلاله
.. الحمد لله ان شاء الله ع طول هيج يي وانتي شلونه وياج
. كلشي تمام لحد هسه
هلا حبايبي اريد اوضح شكم شغله بالقصه اول شي إحسان اخو علاء وهوه يحب الاء بس هوه ضعيف شخصيه لو تاخذ الثوب اللي عليه ما يكلك لا يخجل يرد الناس والهذا ما تدخل من علاء راد يتزوج الاء وتحجج بالدراسه والشغل ومايكدر يتكفل بمره ومسؤليه
ثاني شي اسفه لان انتم ردتو بارتين باليوم وماكدرت انزل بارت الصبح لأسباب وهااا والبارتات مو واحد الصبح والثاني بليل واحد واحد الغصر لان الصبح راح اكتب وانشر العصر بدون موعد محدد والثاني مال اليل ب11 هذا الموعد النشر اتمنه القصه تعجبكم للان القصه بدايتها بعدها الاحداث الرئيسيه ما بلشت لا تنسون التصويت والتعليق حلو مثلكم علمود استمر وهاا اللي بس يتابعون تره التصويت بلاش اريدكم تصعدون القصه مثل القصص اللي قبلها احبكم من القلب للقلب
#زيجه_راس_براي
#فاطمه_كريم