دموع فى عيون بريئه. .بقلم امل الملوانى ..الجزء التانى
..الحلقه السادسه بسم الله والصلاة على رسول الله
عندما يخرج شئ من حياتك ا
اياك ان تحزن بل انظر إلى السماء
وقل ربى عوضنى خيرا منه
يجلس احمد ويتذكر زوجته ويقول لابد ان ارجعها بيتها
واغير من اسلوبى واعوضها
سوف أتى لكى حبيبتى واضمك بين احضانى
واعطيكى الامان واهون عليكى مصاعب الحياه
التى كنت انا سببا فيها حبيبتى ارحمى ضعفى
فقد كنت انانى ابحث عن ذاتى ولا ابالى
بك او بحالك ولكن من اليوم سنكون سويا
معا للابد هكذا حلم احمد ولبس وتعطر وذهب لياتى بمحبوبته
التى طال غيابها واشتاق القلب لها
نعود الى المستشفى
جاء عبدالله جارهم كى يأخذهم بسيارته فودعت ايمان اسماء
على وعد اللقاء القريب وامينه شكرت كل العامليين الذين ساعدوهم
وودعت د/هشام ود/اسماء ورحلو جميعا ولكن الذى لم يعلمو ا حسابه
حضور احمد الى المستشفى ومعه باقة ورد كبيره وظل ينتظر نزولها
نزلت ايمان مع أمينه تستند عليها وعلى الاستاذ عبدالله ولكنهم فوجئوا
كلهم بمن يقف ويمسك بباقة ورد حمراء كبيره ولكنهم تعمدوا الاينظروا له
ليذهب احمد لهم ايمان حمدالله على السلامة لترد اى سلامه بتتكلم عليها
انت مش شايف حالتى انت مش شايف عملت فى ايه انت لسه
لك عين تورينى وشك
احمد ايمان اتكلمى كويس ومتنسيش انى جوزك
امينه اهدوا كده مينفعش هتفرجوا علينا المستشفى ميصحش كده
احمد ما انتى شايفه ياماما بتكلمنى ازاى
ايمان لوسمحت انا تعبانه ومش ادره اقف سبنا نمشي ومش وقت
الكلام ده ليرد احمد خلاص ياله تعالى معاى على البيت
امينه مينفعش يابنى بنتى محتجانى عايزه رعايه
احمد هعملها اللى هى عيزاها بس فى بيتها
أحمد انا غلطت وجاى اتاسف واوعدك معتش هعمل كده تانى
لتصدم امينه من تصريحه..بقلم امل الملوانى. .مولى
ايمان ايضا تفاجأت ولكن فات الاوان
ايمان بنبره قويه غير اللى هى عليها انتهى جيم اوفر نقطه من اول السطر
احمد انتى بتقولى ايه اتجننتى
ليتدخل الاستاذ عبدالله احمد اهدى كده والكلام ده لا وقته ولا مكانه
سبها تروح مع والدتها وإبائه تعالىى اتكلم معاها هناك ياله يا ايمان
يابنتى ويتركه الجميع واقف يحمل الزهور ولا يعلم ماحل به
او نزل عليه مذهول مما سمع ورأى احقا خسرها احقا تريد
تركه ليقول لنفسه على جثتى مش هسيبك دنتى حب حياتى
اه صحيح اتغابيت بس غصبن عنى وانتى عارفه ليه ايوه عارفه
غصبن عنى صح مش بإيدى اللى حصل بس بحبك
بكيت دمعا على فراقك حبيبيتى
ولكن كل الامك وحزنك بيدى
اهواكى كما تهوى الطيور الطيران
اعشقك كما تعشق الزهور الماء
لا اقدر على العيش بدونك كما لايعيش النبات بدون ماء
اه واه حبيبتى حبك صار لعنتى
ويرجع احمد الى بيته يائس حاقد لن يتركها ولو وقف العالم
كله امامه ساحاول بكل الطرق واي شئ نتركه مع حزنه
وحسرته يوم لاينفع الندم
ايمان وامها وأستاذ عبدالله فقد ذهبوا الى البيت لترحب بهم
ام سامح زوجة استاذ عبدالله وتكون محضره لهم غذاء معتبر
امينه والله فيكى الخير يا ام سامح ويندهشان ايمان وامها فقد
نظفت ام سامح البيت وروقته ووجود الطعام معد على الترابيزه
لالا متستغربوش دايما اهل الحى طيبين وبيشيلوا بعض ووقت
الزنقه تظهر المعادن وديما الجيران الطيبه موجوده لتسعد إيمان
وتتنفس الصعداء فقد رجعت بيتها الذى طالما وحشها
امينه والله تعبتى نفسك يام سامح مكنش له لزوم كل ده
ام سامح ميجيش من بعد خيركم ياناس ياطيبه انتى نسيتى
مين اللى وقف جمبى ايام الولاده ولا لما تعبت والله مايجى من
بعد خيرك وبطلوا بقه لاعيط ثم ترحل هسيبكم بقه ترتاحوا وتتغدوا
ولو فى حاجه اندهى بس ..بقلم امل الملوانى. ..مولى
امينه ربنا يقدرنى على رد جميالكم وجزاكم الله خيرا
ثم تلتفت امينه الى بنتها وتحتضنها وتقبلها وهى سعيده
لوجود ابنتها بجوارها وفى بيتها ثم يجلسا ليتناولوا الغداء
ويحمدون الله على وجود هذه الناس بجوارهم ويقفون معهم
لينقضى الوقت وتاتى الجيران ليسلمو على ايمان ويتمنون لها الشفاء
العاجل ثم يرحل الجميع وتظل امينه وبنتها لتقول ايمان لامها
ماما
الام ياقلب امك
ايمان ماما انا تعبانه ومحتاجه انام
الام بس كده ياله ياقلبى على اوضتك
ايمان ماما ممكن تنامى فى حضنى لو سمحتى
الام بس كده انت تامرى بس اخاف اديقك وانت تعبانه كده
الام انتى عامله ايه الواتى ياحبيبتى
ايمان الحمدلله ياماما احسن بس ممكن بلاش نتكلم نفسى
تخدينى فى حضنك زى زمان وتبطبى على لغاية ما اروح فى النوم
ممكن
الام طبعا ياقلبى
ايمان حضنك وحشنى اوى من زمان
الام تعالى ياقلب امك من جوه ويناما سويا الاثنان
فى مكان اخر
تجلس صفيه وعبدالكريم ونسمه يتسامرون ويضحكون
الام سعيده بلمة اولادها حولها ويهنئونها على العمره التى سوف
تذهب لها ويمضى الوقت سريعا ثم يرحلون جميعا وتجلس صفيه
لتقول لنفسها مسير الحق يرجع لصحابه ومسيري الاقيكى ياايمان
مهما حصل لازم قبل فوات الاوان قبل ما اموت الاقيكى ياإيمان
لازم الحق يرجع لصحابه كفايه كده يارب مد فى عمرى لغاية
ارجع الحق بس لصحابه انت عالم يارب انه مش بايدى
كل اللى حصل اهدينى للصالح يارب وخد بإيدى ووصلنى لها
في صباح يوم جديد تشرق فيه الشمس
امينه اصحى ياإيمان يا حبيبتى لتفتح ايمان عينها ببطئ فكانها
لم تنم منذ زمن بعيد صباح النور ياست الكل
الام ايه يابنتى النوم ده كله ولا كانك جايه من سفر بعيد
ايمان هى الساعه كم ياماما الام العصر ارب يابنتى قومى عشان تصلى الظهر
ايمان هو فعلا سفر بعيد ياماما بس سبتينى انا كل ده ليه
الام ياله قومى صلى الاول وبعدين نتكلم
ايمان حاضر ياماما ثم قامت وتوضات وصلت وخرجت الى امها
عارفه ياماما انا مش مسداه انى معاكى هنا كانه كابوس
وصحيت منه بالعافيه
الام حمدالله على سلامتك ياحبيبتى
ربنا يسمحه اللى كان السبب وبعدنا عن بعض غمه وانزاحت
ايمان معتش فى بعاد تانى خالص الام ناويه على ايه احمد شكله
ندم يا إيمان
ايمان ماما الموضوع ده اتقفل لازم تعرفى كده الانسان
ده لو جه تحت رجلى وبسها مش هسمحه انتى متعرفيش عمل
فى ايه ولا انا شفت معاه ايه
الام بس شكله ندمان بجد
ايمان ماما لوسمحتى انتهى الكلام وبلاش تفتحى الموضوع ده
تانى بليز وبدات فى البكاء
الام خلاص خلاص اومى ياله اغسلى وشك وتعالى ياله نفطر
انا لغاية دلواتى على لحم بطنى وحشتنى اعدتك معاى على الاكل
وعلى فكره د اسماء اتصلت تطمن عليكى والت هتيجى بعد يوميين
على ما ترتاحى ....بقلم امل الملوانى. ...مولى
ايمان طيبه اوى اسماء ياماما تحسي انها مننا كده قريبه من
القلب ونسبهم يفطروا ونروح مكان تانى
عم ابراهيم يا انشراح
انشراح خير يابو رقيه
ابراهيم ايمان خرجت من المستشفى امبارح هتروحيلها زى
ما اتفقنا
انشراح طبعا يابورقيه حتى الست ام صالح التلى متروحيش من
غيرى الالما نروح سوا بقلك يابو رقيه
ابراهيم خير يا انشراح قولى هى ايمان هترجع لاحمد اصل بهيجه
ام احمد بيقولو جيباله بدل العروسه عشر عرايس ينقى منهم
الوليه الناقصه بدل متروح نسال ولا تشوف البت الراقده
ده حتى بيقولو مزرتهاش خالص فى المستشفى
ابراهيم استغفر الله العظيم هو انا مش ايلك الف مره متعديش
مع حد فى الشارع وتتكلمى ولا تحكى ولا تسمعى
والله يابو رقيه دى الوليه ام حسونه بتاعت الخضرة وانا بجيب
منها هى اللى اعده تحكى
ليخبط يده بالاخرى لا حول ولا قوة الا بالله العلي العظيم انا نازل
بدل ما نزعل مع بعض حشريه حشريه مفيش فايده الطبع غلاب
امرنا لله
تعالو هخدكم مكان اكيد نفسكم تخشوه او تتعرفو على اللى فيه
فى شقه فخمه فى حى الزمالك برج فخم يسكن الدكتور سمير
البدراوى وزوجته واولاده ويملك مستشفى خاص خلونا فى بيته
الاول شقه فخمه تتكون من طابقين دور الاول رسبشن 4قطع
2صالون وانتريه وسفره وغرفتين للاولاد وغرفه للشغاله والدور الثانى
به غرفة نوم كبيره وغرفه بها انتريه امريكانى وشاشه كبيره
وغرفه بها جيم صغير مشايه وتوست دوار وعجله واثقال اوزان
حديد مختلفه وفى جناح لايقل فخامه عن جناح الزوجين جناح
للام وقت زيارتها لهم
وطبعا فى شغالتين واحده مسؤله عن البيت والاولاد والتانيه
عن المطبخ ومستلزماته وترحل ليلا وتاتى صباحا اما الاخرى
تبات فى البيت ...بقلم امل الملوانى. ..مولى
الاولاد سامر وسها
الزوجه الدكتوره ناريمان طبيبة اطفال وهى رقيقه جدا
وفى نفس الوقت وقوره وبتحب جوزها جدا وايه بتغير عليه مهى لها حق
بردو فهى بيضاء عيناها عسليتان شعرها بنى متوسطة الطول جسمها ممشوق
الاولاد سامر فى كلية اقتصاد وهو يشبهه امه بشكل كبير الا
الطول فهو طويل وعريض
سها فى كلية طب سنه اولى وقد اخذت نصيب من الجمال من ابوها وجدتها
اما بقه الطباع هنعرفها مع التعامل معاهم
عوده للاحداث
امينه فى بيتها تفكر كيف ترجع حق بنتها اللى هى ضيعته
وفى نفس الوقت خايفه على بنتها من احمد زوجها
وتفكر هل بنتها ممكن ترجع الى زوجها أحمد ولا هى فعلا
كده خلاص طب تدخل تفاتحها لان احمد ممكن يجى فى اى وقت
ولا ممكن تنهار زى كل مره ولا تستنى د/اسماء وتخليها هى
اللى تتكلم معاها زى ما التلها اه احسن حل أسماء هى التى
تكلمها هى كلها بكره وتيجى وافتح معاها الموضوع واشوف
رايها وهنا تدخل ايمان على امها اللى باين عليها انها فى عالم
اخر ايمان ماما لتنتبه الام لوجود بنتها نعم ياحبيبتى
ايمان لا دنتى فى عالم تانى بقالى ساعه بكلمك وانتى ولا هنا
خالص
الأم عيون ماما
ايمان هو علاج ايدى فين اصلها بتوجعنى
الام ثوانى يا قلب امك هجيبو لكى حالا
ايمان ياترى ماما كانت سرحانه فى ايه وايه اللى شغلها كده
نتركهم هنا ونكمل فى الحلقه القادمه ان شاء الله
اتمنى الحلقه تعجبكم ومستنيه ارائكم البنائه اللى بحب اسمعها
بحبكم 😍😍😍بقلم امل الملوانى ...مولى