ألـــوان
الحلقه 20
ارتال: غااااده مش قادره نشوف هديكه اسراء الي فوق الحوش ولاه .
غاده: حييييييييييي اي هيااااا.
سيف: بلله عليك اسراء بلله عليك سألتك بلله 😭.
اسراء: سيف انا اسفه 😭💔.
سيف: مشي جري وجبدها بسرعه جت ف حظنه طول قعد يمسح ع راسها ويبكي وهيا تبكي 💔... علاش يا اسراء حرام عليك.
اسراء: سيف خليتني نمووت نبي نرتاح والله تعبت حد يفهمني .
سيف: تموتي كافره ياغبييه اخ الصبر منك تعال ننزلو وتوا نتفاهمو.
اسراء: مافيش شي نتفاهمو عليه .
سيف: انا معاك غصب عنك وحناي ورهف حتى هما موجدين وبجنبك كلنا.
اسراء: مانبي حد انا الي نبيه ماات.
سيف: حسها في قلبه البنت الي يحبها تحب واحد تاني وزياده مات .
ارتال ركبت تجري ومفكرتش في حد الا انه صاحبتها بتنتحر وصلت والقت سيف معاها طول حظنتها وقعدت تبكي بعبرتها واسراء ساكته وعباره عن جثه ع الارض.
نزلو كلهم وحاولو انه مايفتحوش الموضوع مع اسراء ويمشو الجو عادي وماقالو لحد وسيف كل تفكيره فيها وشن بيدير والحل الي ف راسه شنو وكيف بيغير حياتها.
~
~~~~~~~~~~~
~
بيسان : مش عندك موعد عند الدكتور انتي اليوم.
ساره: اي لكن عمي طلع قال عنده مشوار ضروري واتصل ببدر وقال توا يجي يرفعكم انتي وبيسان.
بيسان: باه ميه ميه 😍.
ساره: خيرك فرحانه والله مانبي نمشي معاه خوك اهوا .
بيسان: تعالي تعالي البسي الجينز هذا والفالينا الصفره هادي ووشاح الاسود والسبيدرو الاسود.
ساره: نبي نلبس عبايه ترا اخطيني ماشيه مستشفى راه مش لمه .
بيسان: البسي وانتي ساكته لا نكسرلك راسك.
ساره: واااك الصبر.
بيسان: هيا هيا بلا جو بنبدل حتى نا .
ساره: ت باه قلنا.
بيسان: وين الباهي مانشوفش فيه.
ساره: ييي علينا ها نضنا .
بيسان: ايواه ماه من الاول.
.
ساره: نا وتيت
بيسان: تعالي تعالي الوشاح مش هكي يديروه.
ساره: بيسااان خلاص انا يالله متحمله اللبس الي ملبستهولي.
بيسان: ت والله طالعه طررف من الاخير 😍🔥.
ساره: شكراً ع المجامله.
بيسان: والله وحقربي اقسم بلله العظيم وحق لا اله الا الله طالعه تهبلي وكان مش مصدقه نحلفلك.
ساره: باه باه صدقتك😂😂😂.
بيسان: بدر يتصل البسي سبيدروك والحقي اكيد البرا.
ساره: تمام.
بيسان: خير يابرو لك وحشه .
بدر: تكلمي زي البنات خير ماتنضربي.
بيسان: اهلا ياحياتي استحشتك.
بدر: متبالغيش.
بيسان: نعن شكلك مره وحده ولع السياره.
بدر: ههههههههه وين البرنسيسه ساره.
بيسان: اونهي جت.
بدر: وينها.
بيسان: ت اونهي شن نعميت .
بدر: ساره وين .
بيسان: بلاش عبط .
ساره: سلام عليكم.
بدر: بري نادي ساره وتعالي.
ساره: بيسان كلميه لا نحلف وننزل.
بيسان: بدر سكفمك بلاش مهتكه.
بدر: تمام لكن بنت عمك طالعه قطعه فنيه شنو هذا😂💜... مشو شويا ووقف قدام حوش حناهم.. بيسان انزلي حناي تبيك ضروري بكري قتلي خطمها عليا.
بيسان: ان شاءلله خير شن تبي !.
بدر: مش عارف .
نزلت بيسان ونزلت وراها ساره.
بدر: هي هي وين انتي قلت بيسان مش ساره.
ساره: والله تبيني نمشي معاك وبروحنا تحلم.
بدر: من الداخل ميت ضحك... من مقايلك ناكل ف البشر بيسان تفاهمي معاها .
بيسان: ساره متسكريش دماغك وبري لعيادتك مش حيسد عليك هذا.
ساره: ركبت من الخلف.
بدر: ههههههههههه ترا احلفي تي اركبي من قدام ماتعبينيش.
ساره: مانش راكبه.
بدر: مانشتغلش سواق نا راه متخلينيش نفصل.
ساره: واااك واااك .
بدر: معش تعيطي.
ساره: ممكن تقعد ساكت .
بدر: حاظرين😂💜.
ساره: 😒.
بدر: طالع حاجه الاصفر علييك قميييل بكل💛.
ساره: بدررررررررر.
بدر: ههههههههههههه باه خلاص سكتت امتا موعدك ف العياده.
ساره: ساعه 8
بدر: اردك مزال ساعه بطوبتها.
ساره: اي مرات يدخلوني بكري ولا يطلبو صور او اي شي .
بدر: شن في خاطرك؟!.
ساره: شن موقعه من الاعراب السؤال هذا.
بدر: سؤالي واضح شن في خاطر حضرتك.
ساره: شي .
بدر: هيا قولي.
ساره: مش عارفه مافي خاطري شي .
بدر: باه شن اكتر حاجه تحبيها وتبدعي فيها .
ساره: الكيكات والتطيب والجو هذا.
بدر: وماعمرنا ذقنا منك حاجه .
ساره: كذاااااب مره واكل رز مش معقب منه شي .
بدر: باه نبصر نبصر 😂.
وصلو لمحل كبير متع مستلزمات المعجنات والحلويات.
بدر: هي انزلي.
ساره: شن جيبنا هني.
بدر: انزلي وانتشري في عالمك.
ساره: ان شاءلله خير.
بدر: خير خير يلا.
ساره: هيي💛.
نزلو للمحل وساره فرحانه وسرحانه في هلباا حاجات لكن ماقدرتش تاخد تحشمت هيا معندهاش فلوس وبدر اكيد معنداش فأكتفت بالنظر .
اما بدر سرح فيها وللحظه هكي تخايلها مرته وجايبها باش تاخد حاجاتها وقعد مركز ع كل حاجه تقيم فيها وتحط ومستمتع 😍.
ساره: هي خلاص خلي نمشو للعياده .
بدر: هي.
مشو للعياده ونزلو ودخلت للدكتور وطلب عليها صوره مشت تصور فيها وقعد بدر مع الدكتور.
الدكتور: انت خوها.
بدر: اي.
الدكتور: ساره متعرضه لبرده قويه ع رجليها قبل.
بدر: مش عارف مانذكرش.
الدكتور: في حد ضاربها ع رجليها بالقوه لما كانت صغيره او طايحه او شي .
بدر: لا مااعتقدش ان شاءلله خير.
الدكتور: ان شاءلله لكن الواضح انه بداية روماتيزيوم.
بدر:كيف ؟!.
الدكتور: يعني بعد وقت حتطلع عليها الاعراض مش توا حيبدا مشيها بطئ في البدايه وتتأتر من النسمه المصقعه وعظامها حيقعدو بارزات بعد وقت ولو ماغيرتش المفصل احتمال معش تقدر تمشي.
بدر: لا حول ولا قوة الا بلله باه نغيرولها مفصل حتى من توا نديرو اي شي من توا قبل مايفوت الوقت.
الدكتور: توا ماتقدر ادير شي الانه قاعده صغيره المفصل ع اقل يتغير في عمر الاربعين.
بدر: باه توا مافيش علاج ليه مافي شي 💔.
الدكتور: لا في يبر تضربهم ضروري وان شاءلله خير.
بدر: ان شاءلله يارب باه يادكتور ضروري نقولولها.
الدكتور: اي باش تحافظ ع روحها.
بدر: باه ف الوقت الحالي عادي نقلولها تحافظ ع روحها بس مش ضروري اتقلها انه مريضه .
الدكتور: ليش!!؟.
بدر: نفسيتها مش تمام باش تستقبل حاجه زي هكي.
الدكتور: لكن ضروري تقولولها الانه وراها زواج ووراها هلبا حاجات تانيه ضروري هيا تعرف وزوجها يعرف الانه الشي هذا حيأتر ع جياب الاطفال بعدين .
بدر: ان شاءلله يادكتور بعدين ساهل.
طلعو بدر وساره من العياده وقلها تحافظ وهكي وبدر مايبيش يقلها توا مستني الوقت المناسب.
ساره: علاش وقفت هني.
بدر: نسكافي ولا عصير.
ساره: عصير.
بدر: كريب ولا بريوش .
ساره: بريوش .
بدر: هههههههه تمام زي الصغار عصير وبريوش .
ساره: قاعده صغيره اساساً.
بدر: وعسسسل .
ساره: 😳.
بدر: ههههههههه توا نجي.
مشي جاب وجي وكلو وروح بيها.
بعتتله في رساله بدر شكراً ماقدرتش نقولها في وجهك لي انك مستفز.
قراها وضحكك وقعد يخمم وعارف شن بيدير .
~
~~~~~~~~~~
~
علي: ليه ليه توتي .
مراد: اي خلاص كل شي واتي.
علي: اوباه توا نوصلك انا للمطار .
مراد: ههههه وهادي تبي اتنين يحكو فيها.
علي: واو عليك راحه الواحد بيفتكى منك وبينزينته بتقعدله.
مراد: هذا فاش فكرت.
علي: ماعندي فاش بنفكر تاني.
مراد: فكر في انه بتقعد بروحك معش هناك من بيلعب معاك سوني معش هناك من بتكسد بتلقى من يغيرلك جوك ها علي تعال نطلعو ها علي تعال نمشو تعال نجو هذا كله بيريح فكر صح ولو لمره ف حياتك وحسسني اني مهم 😂💔.
علي: هيييي بلله قعدت بروحي وفات سند مشي من اسبوعين وتوا انت.
مراد: الله يرحمه وصكفمك شن تفاول عليا ماشي وراجع نا وصغاري يقعدو يلعبو مع صغارك لين نكبروهم ونحصلو في مشاكلهم ويجلطونا.
علي: قول ان شاءلله.
مراد: ان شاءلله.. قبل كنت قنبلة نكد لكن توا قنبلة نكد موقوته تمسها تسمح حسها .
علي: ههههه اطلع اطلع كان بتودع العيله انا في السياره.
مراد: حتى امي وبوي ماشين للمطار.
علي: باه تمام .
.
مراد قعد يسلم ع العيله كلهم وعلي مقعمز في السياره وبين انه يتصل ولا مايتصلش ب ارتال ولكن في الاخير اتصل وردت.
ارتال: الو.
علي: مرحبتين .
ارتال: اهلين .
علي: كيف حالك.
ارتال: تمام.
علي: شن امورك.
ارتال: الحمدلله.
علي: شن اخبارك.
ارتال: كويسه.
علي: جو تمام ؟!.
ارتال: ههههه اي الحمدلله.
علي: باه دوم.
ارتال: نبضك.
علي: ارتال.
ارتال: هم.
علي: هههههه في عينك شنو هم.
ارتال: كأني حسيت وعرفت علاش متصل.
علي: علاش.
ارتال: تبي تعرف ردي؟!.
علي: ياااااريييت.
ارتال: علي اسفه مانقدرش.
علي: كييف.
ارتال: مانشوفش فيك الا صديق وحاولت نشوفك كحبيب ماقدرتش فا منقدرش نعطيك امل انه نحبك فخليها تنتهي قبل ماتبدا احسن.
علي: تمام سكر الخط ومصدومم كان يسحابها حتى هيا تبادله الشعور.
ارتال عاودت اتصلت المره الاوله ماردش التانيه ماردش في الثالثه رد.
ارتال: شنو التسكيره الي في الوجهه هادي.
علي: شن متوقعه مني ندير خلاص ارتال توا نحترم قرارك مافيش داعي تبرري.
ارتال: يااااااغبي نبببببصررر عليييييييك وربييييي نحببببك ونبيك بمميزاتك وعيوبك وعصبيتك ودمك الثقيل ياثقيل 😂❤😍.
علي: ساكت ومبتسم 😂💛.
ارتال: علي اويي ياانت .
علي: نعم .
ارتال: ههههههههه ينعم عليك اعتقد سمعت.
علي: علاش تعصبي فيا باه.
ارتال: منظرك جميييل بكل لما يرقالك ترقي حاجب وتنزل حاجب وحليلي وخلاص.
علي: اطلع ياحق ربي وين كان مدسوس هذا كله .
ارتال: هههههههههههه خزي شنو وين انت.
علي: في السياره.
ارتال: وين ع الله .
علي: بنوصل مراد للمطار.
ارتال: اه اي حق قله تمشي وتجي بسلامه.
علي: غير كيف قلتيلي.
ارتال: شنو.
علي: تحبيني؟!.
ارتال: لا نكرهكك.
علي: هههههههه باه انا نحبكك.
ارتال: هههههه المشكله حتى نا.
علي: حتى انتي شنو؟!.
ارتال: نحببك.
علي: ييييي عاوديها تاني.
ارتال: امشي اقلب وجككك.
علي: هههههه تمام نحكو بعدين اساسا حتى مراد جي.
ارتال: باه تمام سلام.
علي: سلام.
مراد: سبحان مغير الاحوال اكيد كنت تكلم ف ارتال.
علي: شفت حياة علي كلها تتلخص في ارتال.
مراد: اوبااا كلام كبير هذا😍.
علي: هههههه هذا الحق.
مراد: ههههههههه منو قال علي وارتال الي كانو زي القطوس والفار يبدو زي قيس وليلى .
علي: هههههههه واطي والله اهو مابعد العداوه الا محبه.
مراد: ان شاءلله خير هيا طلعنا العيله اهما ورانا.
علي: هيي.
.
وصل مراد للمطار وركب طياره واهله وعلي روحو متنكدين الانه بيقعد هلبا البرا وبيتغرب.
~
~~~~~~~~~~~~~~~~~
~
بدر: بوي.
بوه: نعم.
بدر: بندخل في الموضوع طول.
بوه: كم تبي.
بدر: نحبك لما تفهم ع طاير.
بوه: هههههههه هيا كم تبي.
بدر: 400 لو فيها كيف.
بوه: شن بندير بيهم .
بدر: بنشري بيهم مستلزمات قصدي بناخد بيهم حاجه يابوي بتعطيني ولا نفوت الموضوع.
بوه: غدوا يصير خير.
بدر: احسن واحد ف الوحدين غدوا من صبحات ربي بنجيك نبيهم.
بوه: باه تمام.
.
بعد مابوه عطاه الفلوس مشي طول لمفس المحل ولقط الحاجات الي ساره حطت عينها عليهم وبعدها مشي لمواد غذائيه خدي منهم دقيق وووو حاجات متع الكيكه وطول ع حوش بيسان اتصل ب ساره.
ساره: تفضل.
بدر: وعليكم السلام.
ساره: لخص شن تبي.
بدر: قدام الباب في كياس تليقهم دخليهم ليك انتي.
ساره: نلقاك انت قدام الباب مش عارفه شن بيصير فيك وكياس شنو الي ليا.
بدر: ليا لا كبده بري توا تعرفي وتخافك مش حتلقيني.
ساره: توا نشوفو اخرتها معاك.
سكرت ومشت للباب طول القت هلبا كياس وعرفت طول انه من المحل الي مشواه قعدت تضحك وفرحانه قريب طير دخلتهم واتصلت بيه طول.
ساره: الو.
بدر: هااا💛
ساره: شنو هذا يامهبول.
بدر: شوية حاجات تحبيهم.
ساره: هلباااا هادو علاش متعب روحك.
بدر: لا تعب ولا شي كل ماديري حاجه ذوقينا منها عاد.
ساره: هههههههههههه تمام.
بدر: ماشي 😂💜.
ساره: بدر.
بدر: نعم.
ساره: شكـرا هلبا ❤.
بدر: عفوا ولو ♥️.
.
.
تسريع أحداث ⏳
فات شهر ولحد الان جثة سند مفقوده ومافيش اي خبر عليه عيلته كلهم رضو بالامر الواقع ووكلو امرهم لربي ولا اعتراض ع حكم الله.
اسراء قاعده ف حالة كآبه ولكن سلمت امرها لربي واقتنعت انه حبيبها مات خلاص وقعدت تستنى في الموت حتى هيا وامتا ربي بيخاد امانته.
اما سيف فيحاول بكل الطرق انه يهدرز معاها ويصبرها ويقنعها تعيش ويهدرز عليها يومياً باش متحسش روحها بروحها وهيا تساير فيه وخلاص.
ارتال قاعده تحارب مع علي وتغيراته المفاجأه وصابره عليه الانه تحبه وحتى هوا يموت فيها ويعرف روحه لما يغلط يجي يعتذر طول وعلاقتهم باديه بالمقلوب.
اما غاده يومياً تحكي مع مراد ع نت وجوهم لوز ولما مايردش عليه ف راسها خلاص يخون فيها وديرله قضية الاكربي 😂😂💔.
خالد قاعد يحب بيسان وخاطره فيها لين خلاص يستنى امتا يكون روحه باش يمشي طول من الباب ويكلم بدر.
اما ساره بدت تميل لبدر وكيف يعامل فيها معامله كيوت للمليون.
وبدر لحد الان مقلهاش انه هيا عندها رومتيزيوم.
ومنال حياتها كلها في المحلات تاخد في الدبش للجامعه الي بتبدا.
ومسره همها كلها في رسمات الي تبي تكملهم وشدت اللون الاحمر ويستر الله 😂❤.
جي يوم امتحان القبول في الجامعات كلهم نشاط وقوه وحيويه يوم التغير المننتظر الي بتنقلب فيه حياتهم يوم الي بيجربو فيه حاجه جديده يوم الي بيدخلو فيه لعالم تاني سوا ها العالم هما حبينه او لا .
ارتال: صباح الخير حنينه اسراء نايضه.
جدة اسراء: لا يابنتي قاعده راقده.
ارتال: توا انوضها انا.
جدة اسراء: بري شوفيها يابنيتي بالك ربي يهديها وتنوض تمشي للأمتحان.
ارتال: اسراء..
.
.
.
.
.
يتبع