ألوان

٢٦

ألــوان
الحلقه 26

ووقفو في سيمافرو ارتال مركزتش وفاتت .
علي: ارتااااال اررتاااال السياااااااااره من غاديي ...
شددد راسه نزل من سيارته ويسمع
بوووووووم 💥
علي: أرتااال أرتاال ،،، مشيي يجريي وفتح الباب وصارت زحمه فوقه معش عرف شن يدير 😦.
راجل: البنيه قاعده صغيره مفروض مايعطوهاش تسوق😐.
علي: ارتتال كلميني ارتال نوضي تسمعي فيا الله يربحك ردي عليا معنديش استعداد نخسر شخص غالي عليا مره تانيه 😭.
الرجاله: ياجماعه شووفوو الشاب الي في السياره تانيه.
علي: ارتال تسمعي فياا ردي تربحي.
ارتال: ععلي.
علي: نعم ها انا جنبكك شن تحسي قوليلي.
ارتال: علي رجل ي مش حاسه ه بببيها مرخيه بكل ودنيا ادور بيا.
علي: تمام ياروحي تحملي اشويه بس نجيب السياره ونجي.
راجل: تعرفها تقربلك؟.
علي: ايي بنت عمتي.
راجل: اه باهي ع سلامتها ان شاءلله.
علي: ان شاءلله.
ومشي يجري لسيارته جابها وخدي ارتال وركبها وبسرعته للمستشفى.
علي: ارتتاال كلميني اقعديي نايضه ماترقدييش .
ارتال: علي خخلاص مش قادره عيوني يتسكرو بروحهم.
علي: هي وصلناا معش مزال هلبا ياعمري خليك مستاقضه بس مترقديش 😭 .
ارتال: باه اقعد ههدرز انتت.
علي: باه حاضر مش حنسكت بكل غير خليك نايضه.
ارتال: بباه.
علي: حتقعدي تمام توا نوصلو للمستشفى والدكتور يشوف ويعاين احلى دكتوره مستقبليه في العالم كله ويديرلك تغديه ويقلك مافيك شي روحي وترقدي وتشبعي نوم ياكوالا وتنوضي تلقيني جنبكك وحنقعد ديما جنبكك واكيد حتجي امكك وحنحكيلها قداش عندها بنت كيوت ويعتمد عليها ووين ماتحطها تلقاها وقويه وقد المسئوليه وديما اطيح وتنوض وحتى توا حتنوض منها ارتال ياحياة علي اقسم بلله العظيم نحبك وانا من دونك مانسوى شي علي بدون ارتال مايسوى شي ❤.
ارتال: اااه علي كل شي في جسمي يوجع فيا.
علي: ياريتها فيا ولا فيييك قلبي متقطع انااا نشوفلك تتوجعي ومش قادر ندير شيي 😭... هي خلاص وصلنا.
نززل يجري جاب سرير ونادا الممرضين ونزلها ودخلو بيها.
الممرض: شنو الحاله؟!.
علي: حادث سياره 💔.
الممرض: تمام انت برا افتحلها ملف .
علي مشي زي ماقاله الممرض وطلع جري للسياره خدي منها التليفون وهوا داخل لقاه بدر كيف طالع.
بدر: اووو راس شن ادير هني ان شاءلله خير 😳.
علي: ارتاال دارت حاادث.
بدر: بلله علييييييك وينهاااا هيا تواا حالها باهي حادث كبير ولا بسيط.
علي: حادث بسيط لكن شكلها رجلها مكسوره مش عارف توا كيف دخلوهاا.
بدر: حيي امتا صار.
علي: توا قبل اشويه كله منييي انا مفروض مخليتهاش تسوق وهيا نعسانه💔.
بدر: اهدا اهدا لا منك ولا شي مكتوب وصار وان شاءلله مافيش الا الخير .
علي: ان شاءلله يارب تنوض بسلامه 💔.
بدر: اميين امها وين.
علي: حييي عمتي نعيمه نسيتها بكل قولي انت عندك مادير ولالا .
بدر: لا نستنى في ساره الفوق.
علي: باه خليك هنيي مع ارتال وشوف شن يصير وكلمني نمشي نجيب عمتي نعيمه ونجي.
بدر: تمام مايهمك شي توكل.
علي: منور .
بدر: ت اختي هادي.
علي: تم وجك.
بدر: سلام.

~
~~~~~~~~~~
~

غاده: اوووووف علي قاعد مايردش الصبر ياربي.
اختها: مرات الراقد الولد شن.
غاده: لالا توا كيف مروحين مفروض.
اختها: خلاص فوتي توا.
غاده: تعرفيييي لو يطلللع مراد دايرلي حظرر جديات وبدون سبب مقننع صدقيني مش حنرجعله لو ع قطع رقبتي الانه اخر مره قتله وحلفتله انه غلطه تانيه بس ومش حتحلم تشوف وجهي تاني لكن قلبييي يوجع فيا تقول ترا من حط فيه موس😭💔.
اختها: انا مش عارفه ومن قبل نقلك فيها كيف قصدي ليكم اربعه سنين ومافكرتوش القدام شن بيصير اولا نداد نفس العمر قلنا عادي مرات تصدف ويصير منكم وتتزوجو تانيا مافكرتيش انه هوا بيدخل جامعه وانتي بتدخلي جامعه وبتشوفو حياه جديده وبيصير معاكم حاجات جديده.
غاده: لااا مفكرتش هكي بكل كنا حاطين في راسنا انه بنقرو في نفس الكليه وفي نفس المجال وفي سنه تانيه بيخطب وسنتين خطوبه وبعدها تخرج وزواج لكن الامور كلها نقلبت في لحظه مش عارفه كيف صار هذا كله 😭😭💔.
اختها: خلاص اسكتي معش تبكيي مرات كل ظنونك خطأ ومرات عنده عذره.
غاده: ان شاءلله يكون عذره مقنع الانه ماعنديش ولا استعداد نخسره 💔.

~
~~~~~~~~~~~
~

خالد وبيسان يحكو ع نت.
خالد: بيسان.
بيسان: نعم.
خالد: انتي موافقه عليه الولد.
بيسان: اما ولد.
خالد: ولد خالتك الي متقدملك .
بيسان: ههههههههههههه قصدك صدقت انت.
خالد: وانتي قصدك تبصري.
بيسان: اي كنت نبصر.
خالد: وووه وهيا حاجات زي هادي يبصرو فيها الله يهديك 😂.
بيسان: خيرك علاش يهمك الموضوع ولا كيف 😉.
خالد: نوعاً ما 😅.
بيسان: من اما ناحيه.
خالد: فاضيه انتِ.
بيسان: لا معبيا.
خالد: يابارده باه هاك الرابط هذا اسمعيها الاغنيه ليك يغني فيها راشد تحبيه انتي عاد.
بيسان: ايييي يلا هات.
خالد: تمام .
بعتلها الرابط وكان المغزى منه انه يعترفلها بحبه عن طريق الاغنيه هادي .

أنا أكثر شخص بالدنيا
يحبك وأنتي ماتدرين
وفيك أموت أنا وأحيى
من أول يوم لين الحين
يا أجمل أجمل
الاشياء ويا اغلى من نظير العين
متى قلبك متى ممكن
يصافح بالوله قلبي
متى هالبال يتطمن
على احساسي وعلى حبي
ابي هذا الغلا معلن
تعبت احب واخبي
تعالي بس يا أخت الغيم
على جدار السماء نكتب

حبايب في الغرام انهيم
نحب نحب مانتعب
يغازلنا المطر والديم
والين آخر سماء نهرب
كذا حنا كذا أثنين
تحت صمت الحكي عشاق
من اللي يحب فينا مين ومن اللي دايمٍ يشتاق
أنا أحبك أحبك لين تضيق بحبي الآفاق

سمعتها وفرحت قريب طارت وعرفت المقصد طول ومن الفرحه سكرت النت 🤷🏻‍♀😂💜.

~
~~~~~~~~~~
~

ساره: ها وينك انا كملت.
بدر: تعالي انا في الاسعاف لوطه.
ساره: خييييرك شن ادير غادي 😳.
بدر: شكله ارتفاع في الضغط في حد زعلني مشي دخت وجابوني هني.
ساره: حيييييييي سكرت في وجهه ونزلت تجري .
بدر: ههههههههههه ياربي ع العبيطه الي مطيحني فيها ربي .
ساره: كله مننك ياغبيييه كلله علاش ترقيله فيهم😣.

ارتال: ناضت القت بدر فوق راسها.
بدر: ها ياراس الحمدلله ع سلامه شنو منو شن تحسي.
ارتال: رجلي ثقيله بكل.
بدر: ههههههه هذا جبس ياعيني بتقعدي جو شهر هكي وبعدين يتحول😂.
ارتال: قصدك معش بنلبس سراويل.
بدر: هههههههههههههه هذا فاش فكرتي ت احمدي ربك انك طلعتي منها بكسر رجل بس .
ارتال: الحمدلله علي وين اخر واحد شفته هوا.
بدر: مشي بيجيب امك ويشوف السياره وجاي.
ارتال: الانسان هذا مش عارفه كيف بنوصفه لو قتلك حياتي ترتكز عليه مش حتصدق❤.
بدر: باه احترمي شعورنا اشوويه الجفاف ضاربنا ياهمي 😂.
ساره: ياحيواااان انت هنييي وواقف وتهدرز ونا ندور علييك مافيك شي اهو زي الحصااان خزييييييي علاش تخلع فيا يابارد 😭.
بدر: اهو تعلمي الرومنسيه الاصليه من هادي مقطعه بعضها 😂❤.
ساره: ضرباته ع كتفه.. منو هادي؟!.
بدر: نفهمها غيره ولا كيف 😉.
ارتال: هههههه جو عليكم.
ساره: 😐.
بدر: هادي ارتال صديقة من القرايا.
ارتال: ومش اي صديقه.
بدر: مكسوره وتناشبي سكري فمك لا نكملك ع رجلك التانيه.
ارتال: هههههههههههه ااااه خلاص سكتت.
ساره: باه نبي نروح ومدخليش فيكم.
بدر: اهدا ياجمل😅❤.
ساره: بدررر.
ارتال: والله نبصرو عليك مافي شي .
ساره: مش شوري نبي نروح.
بدر: نكد ياكبدي باه بري هي لاحقكك.
ساره: لاااء نمشو مع بعض.
بدر: ههههههههههه باه تمام .
طلعو بدر وساره لما وصلو علي وامها.
علي دخل يجري هوا ونعيمه امها طول مشت باستها وقعدت تبكي.
ارتال: ياماما ماتبكيش ها شوفي حالي باهي والله .
علي: الحمدلله ع سلامه 😥❤.
ارتال: الله يسلمكك❤.
امها: كنتي تركزي يابنتي لو صارلك ايشي انا اروح فيها.
ارتال: بعيد السو علييك والله غالب مش عارفه حتى نا كيف صار اسفه ماما سامحيني.
امها: الي حصل حصل اهم شي انك بخير.
ارتال: الحمدلله.
علي قرب منهاا وقعمز بجنبها هيا مصدومه ومش عارفه كيف تحكي.
علي: متأكده مافي شي يوجع فيكك.
ارتال: تشوفله وتشوف لي امها متع اصحى ياابني راه ماما موجوده.
علي: هههههههه خيره عيونك بيطلعو استرخي حكيتلها كل شي.
ارتال: تبصرررر😳😳.
علي: والله 😂.
ارتال: لمااااا نقتلك توا تشووف 😦.
علي: ههههههههههه فدااك.
ارتال: حي ع لقطه شن قتلك هيا.
امها: ماقلت شيي الانه كنت حاسه ب الي يصير.
ارتال: ماما اناا 🤕.
امها: مش وقته الحين ارتاحي وبعدها يصير خير ونحكو.
ارتال: اليوم بنقعد هني قصدكم.
امها: اي اكييد.
ارتال: لااا نبي نروح.
امها: مو على كيفك.
ارتال: واااك باه امتا بنروح.
علي: غدوا وانا مروح من الكليه توا نفوت عليكم.
ارتال: السياره مضروره هلبا؟!.
علي: لالا شي بسيط وهيا توا في الورشه.
ارتال: باه خلاص علي تعبتكك اليوم انت روح .
امها: اي سلم ابني روح نام وارتاح وتسلم على كل شي سويته النا ماقصرت💜. 
ارتال: ماما حتى انتي روحي مازن مع منو بيقعد.
علي: انا بنرفعه معاي ماتشغليش بالك بشي انتي ارتاحي بس.
ارتال: (😍😍😍😍 ياربي قداش مانحبه يارب يخلييييك ليااا ).
امها: بارك الله فيك.

~
~~~~~~~~~~~
~

جي الصبح وهووب كل واحد ع الكليه .
غاده: علييييي وينك انت امس كله نتصل بيك ماتردش.
علي: والله ارتال دارت حادث ومافضيتش بكل.
غاده: حاااااق الحمدلله ع سلامتها حالها باهي💔.
علي: اي الحمدلله كويسه .
غاده: الحمدلله توا نكلمها ان شاءلله.
علي: خيرك انتِ علاش تتصلي .
غاده: نبيي نفهمممم شن قصة مرااااد خيره معاااي .
علي: والله ها شوفي مانبيش نكذب عليك بكل .
غاده: شن في قول.
علي: مراد يمر بفتره اخي بكل وقالي قلها تفوتني وتخطاني معش نبيها مش عارف كيف نقدر نقلك الكلام هذا ولكن ياغاده فوتيه مش حيصير منه وشوفي حياتكك وكوني انت احسن منه 💔.
غاده: بسهوله هادي 😳💔.
علي: عارفها صاعبه ولكن هوا الي سيب فيك وغبيييي مش حيلقى وحده تحبه زيك ولكن مدام هذا قراره خليه توا يندم عليه.
غاده: تمااام تماممم خلاص علي 😭😭💔.
مشت بخطوات سريعه وتحاول انها تستقبل الكلام الي قاله علي قعمزت تحت روشن وقعدت تبكي بالعبره وتشهق وتتكلم 💔💔💔.
غاده: انااا شن درتلك يامراااد باش تمشي وتفوت التلاته سنين بسهوله هادي مش كنت تقول الغربه مش حتغيرني وانتي معاي في كل مكان ووين ماتمشي وينننه الكلاااام هذا وينه😭😭.

دكتور فيصل سمعها من روشن وطلع بيشوف هادي منو.
دكتور فيصل: النسكافي مره تانيه علاش تبكي مايبوش يعطوك نسكافي ولا كيف.
غاده: دكتور ماتزيدهاش عليا والله ماكنت نسحابك دكتور سامحني مش قصدي واسفه .
فيصل: عادي حصل خير خيرك انتي في مشكله صايره معاك.
غاده: لالا مافي شي هكي وخلاص.
فيصل: مافي شي وهيا بكيتك طلعتني من المكتب.
غاده: شوف الحظ ماجيتش غير تحت مكتبك انت 😭💔.
فيصل: هذا الي صار تبي تحكي انا نسمع مكتبي تعرفيه.
غاده: مشكور بس حنكمل بكي تحت مكتبك عادي بعد اذنك .
فيصل: ههههههههه طبيعيه انتي.
غاده: لا والله في الوقت الحالي لاااا .
فيصل: نجيبلك نسكافي.
غاده: لا شكراً دكتور .
فيصل: باه.
مشي جابلها طاسة نسكافي وكلينكس وشكلاطات هيا ابتسمتله طول حطهم بجنبها ودخل مكتبه وقعد واقف في روشن يشوفلها لين ناضت ❤.

~
~~~~~~~~~
~

محمد: اويي يالاسود.
مسره: نعم .
محمد: صباح الخير.
مسره: صباح النور.
محمد: مبروك لوحتك هيا الي فازت ❤.
مسره: حااق نزلهم النتائج الاستاذ.
محمد: اي.
مسره: الله يبارك فيك وحظ اوفر لك.
محمد: لا اصلا كنت نتمنى انه لوحتك هيا الي تفوز الانه ابداع.
مسره: تسلم.
محمد: اللون الاسود حسيته مأتر في حياتك هلبا حتى لبسك اسود لدرجة من لون القلم متعك اسود ليه قصه معاك ولا كيف.
مسره: آسفه نحكو مره تانيه ان شاءلله توا مش فاضيه.
محمد: تمام خودي راحتك.
مسره: سلام.

كانت فاضيه بس فضلت انها تهرب الانه ماتحبش تحكي ع خصوصياتها لحد ابداً.

~
~~~~~~~~~~
~

جي اليوم الي بتروح فيه اسراء من العمره مشي سيف بيجيبهم من المطار وصل للمطار ويستنى فيهم امتا بيطلعو شاف بوه وحناه ولكن ...
.
.
.
.
.
يتبع

( أسفه جداً جداً ع تأخير ولكم كل الحق في اي شي بتقولوه بس للأسف كانت عندي ظروف ماقدرتش نفضى للروايه بكل وعارفتها قصيره سامحوني واسفه مره تانيه وهيا معش مزال هلبا اربعه حلقات وتم ان شاءلله نحاول نكملهالكم في أسرع وقت ممكن  💛)