مساء الخير
طاقة تحمُل
العـبـاديـ،،ــه
البارت//23//
كرار
يومين أتصل عليهه متجاوب قشعر بدني وسَرَتْ رعشة بجسمي من الخوف والهلع .. خوفي من ملامة أهلي وغضبهم عليه وخوفي من الخسائر الكبيره لان سحبت كل تعبي مال سنين الي جمعناه اني ومحمد خلال السنين الماضيه راح برمشة عين !
يومين لااكل ولاشرب بس ادخن ومااطلع وامي كلما تدخل عليه أمثل النوم بس إلى متىٰ ؟!
قررت أصارح محمد بالحقيقه وهو يشوف حل كالعاده التفكير قلقني خوفاً من ردة فعل محمد
إتصلت عليه
كرار _ الوو هله محمد انته وين ؟
محمد _ بالشركه دنحمل بضاعه ليش ؟
كرار : تعال هسه
_ مو داكلك نحمل بضاعه بس اعوف العمال يخربطون بالشغل مثل ذيج المرة
كرار : إخوك بشده ماتخليه ينام ليله صار يومين اريدك توگف وياي
_شنو؟ شبيك
_شده اكلك
_ دقايق واني يمك
انتظرت نص ساعه وسمعت صوت خطواته ع الدرج يركض ومستعجل دخل لغرفتي وجهه عليه ملامح القلق ويحجي بسرعه متوتو
محمد : ها خيرك شكو؟ شصاير؟ بيك شيء؟
سولفتله السالفه كلهه عيونه تحجي حجي ولسانه حجي
عيونه تلومني وتگلي ليش هيج سويت ومنين نجيب الخساير بس كال غير شي وصدمني
محمد _على هاي مقهور ؟ تخسى الفلوس كله وصخ دنيا تروح وتجي اهم شي صحتك اذا صار بيك شي منو يفيدك ؟
_كوم راح اخلي امي تحضرلك اكل وكافي اطلع من القوقعه الي انته بيهه التدخين ميفيدك والصيام ميفيدك گوم على حيلك واشتغل وارجع جمّـع وهاي الجذابه شغلي وياهه خليهه عليه
ضربت على راسي قوي وصرخت غبيييي راساً إيدي وخزرني بغضب وماراضي بتصرفي
نتر
_لااا كررارر
كرار _اني غبي غبي يااخي والله غبي شلون هيج قشمرتني شلون ؟
رحت بس اشوفهه لااهلي رجعت واني خاسر 17 مليون ليش ؟ وياريت حلالي كلهن. أكثر من المبلغ يرجعلك واعرف هـاي حصتك
رفع حواجبه وفتح عيونه حيل
محمد _ معليك كافي سد الموضوع انته مو غبي بس هيه وهمتك ورسمت آمالك واحلامك على هذا الطريق خلتك تشوف بيهه مثال للمرة الزينه حتى تغتنـم فرصتهه وتبوگك انته لو غبي ماوصلت لهاي المرحله وكدرت تجمع هيج مبلغ خلال سنوات ولاكدرت تشتغل وشغلك ناجح
دنكت راسي بالكاع ووجهي مهموم لزم وجهي بيديه ورفع راسي
محمد_راسك مرفوع مذام بظهرك اخ.فهمت ؟
حضنته قوي
_هيه هاي الخوه
محمد وكل جماعه يسألون عليهه.طلعوا مشترين هذا بيتهم بالدين ومطلوبين لهواي ناس ف عرضوه للبيع وسددوا بفلوسه لاابو البيت..وبقو الناس البقيه واگفيلهم يردون فلوسهم ف نصبت عليه واخذت الفلوس سافروا بيهه وشردوا لماليزيا .. بقيت العن بالساعه الي شفتهه بيهه وبالساعه الـي سويت بيهه انستا
محمد يريد يخطب زهراء بعد ماحصل على موافقه وتوقف على الفلوس !!
احشائي تتقطع ألم وصل لحلمة وآني اشوفه شلون محتار ومنين يدبر للخطوبه وهو مستعجل خايف لاتصير مشكله ويخرب كلشي
آخر شيء تداين من صديقه ورحنالهم خطبنه زهراء ،، تندمت لو باقي على ساره الي رافضتني ولا مسوي هـاي الكارثه بأهلي ماگدر ارفع عيني بعين ساره واني ذيج المرة اتفاخر مقابيلهه وبكلامي اگلهه ماتوگف الدنيا على أحد
اكتشفت نور محبيتهه يوم وانما عوضتني عن الحرمان والجفاف الي لكيته من ساره كلام محمد صحيح وهمتني باحلام وردية..تندمت لو باقي على حب ساره الي من طرف واحد ولا هيج حب لا مو حب وانما اعجاب ،، ورجعت احن وهذا الشيء دمرني
محمد مستعجل كلشش ع الخطوبه بس يريد يخطبهه وفرحته ماتنوصف ،، ماواسعته الدنيا من الفرح ،، من شفت فرحته اني من يمي فرحت على فرحته يستاهل كل خير ،، رجال بمعنى الكلمه
__________________________________
زهراء
تفاجئنا بإستعجال محمد يريد مباشرةً ننخطب ونتزوج وصلتله خبر اول شيء دراستي وماابطل منهه گال جدو شيء اكيد تكملين محمد مو من الي يعارضون يحب البنيه التدرس، تطمنت من هـاي الناحيه بعد ماجنت خايفه ميقبل اكمل
الكل عرف بالبنيه الي كذبت على كرار كلش انقهرنه عليه بس ساره اشوفهه فرحانه وتصيح (حل)
زهراء _انتي شبيج معندج احساس والله خطيه 17 مليون !!!
ساره : حل يستاهل منو گاللـه يصير غبي
زهراء : وانتي ليش فرحانه بله (وغمزتلهه)
ها ها متطورين ست ساره
ساره : خب شو دروحي عندي بلال يسواه .. بس هسه اني اول الشماته بيه من يشمر عليه كلام
(بقت تسوي اشكال مضحكه بملامح وجهه تقلده)
-حبيبتي قلقت عليه موبايلهه ضايع
لك دروح انته وحبيبتك
زهراء _ تره هـاي اسمهه غيره للعلم
سحبتني من إيدي حيل وطلعتني وسدت الباب واني اضحك عليهه ..
___________________________________
ساره
نتواصل اني وبلال بالموبايل الصغير الي اشتراه إلي لان موبايلي انسحب ف تشاقينه اني وزهراء طلعتهه وسديت الباب ماقفلته بس سديته رحت إتصلت على بلال وبقينه نسولف وهو يتغزل بيه واني اضحك
ممده ع السرير والعب بأطراف شعري ابرم بالخصل بإصبعي السبابه.. وهو يتغزل بيه وتخيلت نفسي عبالك فوك النجوم عن سوالفه ولباقته بالكلام مااعرف شيسويلي دائماً يسحرني بكلامه حبيته حب اعمى لازمني مثل المرض مااگدر اتخلص منه كلما احاول اتركه واخذ نصيحة اهلي الگه نفسي لاارادياً تتصل بيه شخص حبيته مااگدر اتركه
المهم مندمجه واسولف ومااحس الا الباب اندفر بكل قوته اني مباشرةً طفرت عبالي هجوم !!
دخلت هيفاء عيونهه تبث شرار وشافت الموبايل بإيدي اول مدخلت ركضت عليه ضربتني راشدي خلت اذني تصوفر وبعدين ملخت شعري اريد ادفعهه ماأگدر بيهه كل الحيل واني مامستعده للهجوم بقت تعيط علمود يجي جدو
اول مدخل جدو سوت نفسهه واگعه ومتخربطه عود اني ضربتهه اني بقيت ابجي واعيط كذب ماضربتهه .. جدو خزرني خزره خلت رجلية ميحملني، ارتعدت خوف وهلع من القادم ،، هالمره مراح تعدي على خير متأكده
الكل اجتمعوا على صوت الصريخ وزهراء دخلت وجهه لونه مخطوف وتأشرلي براسهه بمعنى (شكو) اني اول مشفتهه دموعي صبت تمنيت اكون مثلهه محد قشمرني محد لعب بتفكيري حافظت على نفسهه ياريت وياريت وياريت !! وشتفيد الياريت؟!
رشوا مي على هيفاء گعدت تمثل الالم
الجد : شنو شصار بينكم حسره عليه اعوفكم لحضه الگه البيت گاب مشاكل ! شصار احجي
هيفاء : مريت من يم الغرفه وأسمع صوت تدندن وتمضحك عبالي البنات يسولفن رحت للمطبخ لگيت زهراء تبدل لعلوش ،، يعني محد بالغرفه بس ساره ،، بعدين گلت منين تدندن وهيه ماعدهه موبايل قررت افتح الباب ،، فتحت الباب ولگيت بإيدهه موبايل وتسولف وتضحك وكلام يفشل غطي وجهك عليه
اني مباشرة عطت (كذابه والله مسمعت شيء)
اجاني راشدي من جدو خلاني اوگع وينضرب راسي بطرف السرير لزمت الضربه ايدي انترست دم بقيت ارجف اخاف من الدم بقيت اعيط (دم ولكم دم )
زهراء فدوه ساعديني حموت التمو عليه
زهراء ركضت عليه ودموعهه تصب جدو سحبهه من ٱيدهه وعاط بصوته العالي
_ممنوع احد يتقربلهه الظاهر سكتنه هواي تسوين اغلاط ونسامح اكول خطيه وبنيتي لما تمردتي بس لهنا وكافي انه اربيج من جديد اذا ابوج ماعرف يربيج انتظري تربيتي وشوفيهه شلونهه
صدرت مني صرخه قويه مزقت أحشاء الكون
(فدوه وخروا الدم وخررررررروووووواا)
إجاني راشدي ثاني نومني بالكاع مستسلمه جدو كلش قوي وبعده بحيله اطلع يمه نملة
عاط بصوته
الجد : صوت مااسمعلج وانتي هيفاء كملي
هيفاء : اي دخلت لگيتهه تخابر وتلعب بشعرهه تتحلم وعايشه الحاله اول مادخلت گتلهه راح اگول لجدج هجمت عليه كسرتني تكسر وانته شفت بعينك ذيج المره شسوت بيه مثل الثور الهايج اليجي يمهه تنطحه
الجد : الموبايل وين ؟
هيفاء : هذا عندي سحبته من إيدهه اول مادخلت
سلمته الموبايل فتحه ولگه رسائلنه كلهه انه وبلال عيونه انفتحت على آخر درجه وعظامه برزن إرتعدت أوصالي خوفاً وبقيت ازحف واني اتراجع لوره
صاح بصوته العالي المرعب
الجد : منو اشتره الموبايل ؟
جاوبته من بين شهقاتي وكذبت عليه
ساره : لگيته باالشارع
يتقرب يمي واني ازحف ارجع لوره
طبگ إيديه ببلعومي وخنگني
الجد : شايفتني جاهل گدامچ؟
بقى يعيط وفقد أعصابه وايديه بقت ترتعش
ضربني راشدي .. وراشدي .. وراشدي .. بالمختصر گطعني تگطع جسمي كله بقه يون اول مره اشوف جدو بهـٰذي الحاله
اعيط وابجي وهو مو يمي ابدد لزمني من فكي ويغصص بيه يريدني احجي وجهي انترس دم إيديه عباره عن دم واني ارجف من الدم بس اعيط وابجي
بهـاي اللحظه دخل كرار للغرفه مستغرب على اصواتنه الطالعه لبره اول مشاف جدو شلون لازمني استغرب وعگد حواجبه
جدو التفتله ورخه ايده اني مباشرةً دفعت ٱيده وركضت ختلت وره ظهر كرار لزمته من قميصه وعصرته
_فدوه كرار ساعدني حيموتني
جاوب مستغرب (شكو شصاير)
سكتت وبقيت بس ابجي ،، جدو تقرب يمي يريد يسحبني من وره ظهر كرار واني مچلبه بيه بكل قوتي هو حاوطني بإيده وگال
(جدو شنو السالفه ماكو شيء ينحل بالضرب غير تفهموني شصاير)
الجد : اسئلهه شصاير
التفت عليه وسئلني
_شصاير ساره فهميني
ازدادت شهكاتي مااگدر اشرح أي شيء شأگله بلال اشترالي موبايل ونتخابر !!
جدو تقرب يمي
الجد : منو اشتره الموبايل
سكتت
عاط بصوت فززني خلاني ازداد بجي
الجد : اححججججييي بالعباس راح اشنقج اذا ماحجيتي
كرار التفتلي مستغرب رفع حاجب (ياموبايل؟!)
طلعت من ظهر كرار وعطت
_اشنقني خلصني مااريد اعيش المن عايشه للضيم اشنقننننييي
ضربني راشدي وگعني بالكاع انتهيت من الضرب حسيت ملك.الموت يفتر فوك.راسي
ركض عليه كرار گعدني وگال
_إعترفي راح تبقين تتعذبين ومااتحمل اشوفج هيج كافي ساره احچي واني احميچ
ساره: بلال هو اشتراه لان اخذتوا موبايلي مني
ركض عليه يريد يضربني وكرار سحبني وره ظهره وحاوطني بإيديه
_كافي ضرب متتحمل كافيييي
الجد : ولك هاي الفصعونه نزلت راسي خليني اربيهه من جديد
كرار ارتفع صوته على جدو
كرار : تربيهه يعني تريد تموتهه شنو هالتخلف هذا تره ميصير شيء بالضرب اگعد وتفاهم وياهه
الجد _ لاتتجاوز وانته ماتدري شنو السالفه صارلي اشهر ساكت عنهه اريد اشوف شني تاليتهه بس مايصير وياهه الا بالعين الحمره
كرار : كافي تضغطون عليهه كافيي
الجد : جيبهه خل اربيهه ولاتتدخل انته
كرار : راح اخذهه وياي لااهلي خل تهدأ أعصابك وارجعهه
الجد : ماكو لاتاخذهه ولاتاخذك اريد اربيهه واندمهه ع الحريه الاخذتهه واول شيء دوام ماكو طلعه ماكو وحتى خطوبة اختهه ماكو ماتحضرهه الا احبسهه واندمهه ع اليوم الي صارت بيه وبس هاي الغرفه ماتتعداهه
كرار : انته هسه معصب واذا اخليهه ترجع تضربهه خل اخذهه
عاط بيه بصوت عالي
الجد : اگلك ماكووو ماتاخذذهااا
كرار : احلف ماتضربهه
الجد : لا مااحلف واضربهه واربيهه
كرار _ لعد اليوم انه باقي هنا مااطلع
الجد : اطلع لاتتدخل انه احل هاي المشكله
كرار : مااطلع اذا ماتوعدني ماتضربههه
الجد _يله وعد مااضربهه
كرار : وعد رجال
الجد : اي بس اطلع
كرار : لا خل اغسللها ماتشوف الدم شلون يجري من كل مكان
الجد _ اللهم صبرج ياروح يله بسرعه اريد اشوف شنو تاليتهه
راح جاب مي وقطن وديتول اول شيء مسح الدم وبعدين عقمه وخله مرهم كل مايخلي على مكان انز والزم إيده وهو يطمن بيه بنظراته من شفت كمية الدم بجيت ودموعي بقت تنزل على وجناتي مسح دموعي بحركه خفيفه
_لتصيرين جبانه عيونج يدمعن من الدم خليج قويه بعد وراج هواي تحُمل
ساره : الى متى اتحمل الى متى ؟!
اعرف اني سويت بنفسي هيج بس مااگدر كرار مااگدر
رجعت ابجي بعد ماهدأني انهاريت صدگ
كرار _ آني مو گتلج صيري قويه ممنوع البجي انتي غلطتي والشخص ممعصوم من الخطأ وكلنه نخطأ مو بس إنتي
ساره : من اگللهم ماگدر اعوفه مايصدگون بيه عبالهم اني بإيدي والله مو بيدي والله
اشوفه يعصر بقبضة إيده ويعض بشفته التحتيه بحرگه وعيونه يرمشن احسه يريد يسيطر على نفسه ...ويحچي هيج وياي ويعرف بيه غلطانه بس كلبه ماينطيه يرزلني مثلهم ..وهو يتشعوط الم غّـيـر الموضوع متهرب من كلامي
كرار _كافي..بعد محد يضربج جدو انطاني وعد وهسه اريدج تصيرين قويه ومتهتزين على أي شيء وشبيه الدم وتخافين منه تره شيء عادي
نزلت راسي وسكتت ودعني وطلع سمعت صوت الطگه مال القفل مال الباب مباشرةً نزلت دموعي !!
___________________________________
زهراء
رحت انطيت ملابس لعلوش يبدل واني يمه واسمع العياط ركضت واشوف ساره بوضع مخي انشل منه
تسمّرت بمكاني ولدم جمد بعروقي
أنذهلت بالمنظر الشفته من جدو ضرب ساره ترقرت عيوني دموع وكلبي انعصر على اختي واني اشوفهه بهالحال
حطيت إيدي على حلكي حتى أكتم صرخات بكلبي حسيت بيهه تريد تنطلق مني
ركضتلهه وسحبني جدو واستمر يضربهه ذاب كلبي وغاب صوتي اكتفيت بالبجي واباوع شلون يعذبهه
جسمي مثل القصبه المهتزه من الخوف والرعب
وجهه عباره عن قطعه حمرة گلت انتهت حتموت بإيده ... متقبل تعترف اول مره جدو هيج يضرب وحده بينه ،، دخل كرار اتطمنت حيل لان يحبهه بلكي ينقذها ختلت وره ظهره منظرها يكسر الخاطر .. ووجدو قرر عقابهه طلعنه كلنه وقفل عليهه الباب واسمع نحيبهه من ورة الباب واحشائي تتقطع ألم كلما اسمع صوتهه تون گعدت يم الباب وهيه ورة واني ابجي وهيه تبجي .. اجه علوش شافني تخبل ركض عليه يمسح بدموعي ويسأل بيه
علي : شبيج زهراء منو وياج
حضنته وبقيت ابجي وساره وره الباب ويانه تبجي .. اجت هيفاء
هيفاء _يله يله عوفن التمثيل كومي للمطبخ
زهراء : الله لينطيج ياظالمه
هيفاء : يلا روحي مالي خلك لغوة زعاطيط
رحت نظفت وطبخت
اجتمعنه ع الاكل ردت آخذ لساره جدو گال (ماكو اكل)
زهراء : جدو شسالفه مو لهالدرجه
الجد : گتلج ماكو
اني فرفحت يعني متفقين يموتوهه
زهراء : يعني گول تريد تموتهه وفض السالفه
الجد : لاتتطاولين لااسوي بيج مثلهه
زهراء : هيه هاي مصلحتنه الي تريدهه لو غيرهه ؟
عاط بيه بصوت سكتني
الجد : تزقنبي واسكتي
رقرقرت دموعي ولميت شفتي احاول اسيطر على دمعتي لاتوگع
بقيت بس گاعده اباوعلهم شلون ياكلون محد هامه الموضوع وكلمن ملتهي شياكل خليتهم وردت اگوم
الجد : اگعدي بعدني ماگتلكم بقراري
وگفت اريد اروح
زهراء : خل همه يسمعون قرارك اني شعليه
خزرني حيل اختلست ورجعت بمكاني گعدت
الجد : خلي معزتج نفسهه لاتخربيهه علمود اختج الماتستاهل مااريد اتذكرهه من اليوم ماتت بس انتي حفيدتنه
زهراء : اذا على حساب اختي ماريد اصير حفيدتك
الجد : زززههررررررااااء
دموعي ماتحملن ومباشرةً نزلن
زهراء : أقلهه بس خليني اخذلهه اكل ولكم اختي ياناس ياعالم تريدوني اشمرهه مااريدهه مثلا منو منكم يذب اخو لو ينساه منوو
الجد : اسمعي قراري واخذيلهه
مسحت دموعي واريده يكمل كلامه حتى اكحل عيوني بشوفتهه كلش قلقانه عليهه
الجد : باجر خطوبتكم انتي ومحمد قررت قرار نهائي مااريد اتناقش بيه وهسه گومي اخذيلهه اكل
زهراء : شنو ؟
بس بعدني ممستعده وساره اريدهه تحضر
الجد : كتلج مقرر واني قدمتهه حتى احرمهه من الحفله
زهراء : لا جدو فدوه
الجد : تاخذيلهه اكل لو اغير رأيي
نزلت دموعي ورحت حضرتلهه اكل ودخلت عليهه لگيتهه مكرفصه وحالتههه تبجي الكافر ،،هذا الموقف مااتمناه لعدوي ،، اول ماركضت عليهه حضنتهه وبجيت وهيه هم حضنتني وبقينه نبجي
يتبع ....
الـعـبـاديــه //.. راقيـه بـأنـامـلـي
حبايب الي يريدون شبه محمد
محمد شخصيته تشبه الممثل التركي باريش اردوج بمسلسل الغراب بس عيون محمد اكبر ،، وصور مالگيت تليق بشخصيته ف احاول ابحث عن صور للشخصيات واذا لگيت مااقصر
احبكم