السـلامُ علـيـكـم
طاقة تحمُـل
الـعـبـاديــ،،ــه
البارت//17//
زهراء
اجه عليه مسرع بخطواته فتح باب السياره وگعد يسوق بكل سرعته واني اعيط وابچي يعرفني اخاف من السريع بس فاصل عني اصرخ بعلو صوتي واضرب على متنه قوي بحيث ملخته وهو بس مركز بالطريق ودماراته بارزه وكل شويه يضرب الاستيرن اخر شي ضربته قوي لما عاط بيه خنسني غمضت عيوني قوي وسديت إذاني وابچي بقيت اعيط بعلو صوتي
: نزلنننننييي اكررررررهككك اكررررهكك
اول ماحجيت فقد السيطره على السياره وردنا ننرطم بشجره لو ما بلحظه لزم بريك جان صار حادث فضيع والدنيا مظلمه لان بلشت بدايات الغروب
اصرخ بعلو صوتي وابجي واتنفس سريع هو تجه راسه على الاستيرن ويتنفس قوي مثل المكطوع عنه النفس بقه خمس دقايق على هذا وضعه وبعدين رجع راسه لورة وظل يفرك بوجهه الصار احمر من العصبية
التفتلي ونزل من السياره فتح الباب الي على جهتي وكال (إنزلي)
حطيت إيدي على وجهي وابجي بصوت مسموع مصحوب بشهكاتي ..
_ مم مااااارررريدددد
عاط بعلو صوته خله رجليه تتطاگگ وانزل بدون رشدي نزلت من السياره سحبني وطبكني السياره وصرخ بوجهي فززني
_لج انتي شلون هيج تسووووويين شلوون فهميني
جاوبته بصراخ وعليت صوتي عليه
_ شسويت فهمنيييي كفرت خوما كفرت
_صوتججج لججج
_اني حسرة عليه الضحكه والطلعه والونسه كلهه محرمات عليه كلهههههه
_من اسلوبج وتصرفاتج من ايدج الله يزيدج .. انتي هسه بموقفج اليوم خليتيني عمري وحياتي بعد مااوصلج للباب وبهذا اللبس الخزي
_ شبيه لبسي اشو طويل ومستور
_لعد ليششش رقمججج ليششش اذا لبسج مستور ميسوي هيجج ميسسوي
عطت عليه
_متشوف خطيبتك لو بس انيي ؟؟
هيَ جانت لابسه قميص وبنطرون لاطش ع الجسم وكل افخاذها بارزة
_ خطيبتي ماتمضحكت وياه وانطته مجال
دفعته بكل قوتي وانجنيت عليه
_ معليك بيههه معليككك اني حياتي وبكيفي انته من تكون وتدخل بيهه منووو
_ارجع واگول مادام انتي ببيتي يعني مسؤليتي
شفت عصبيتي ماتفيد وياه لان اكيد يستمتع من يشوفني معصبه هدأت نفسي همست بهدوء واحرك بإصبعي السبابه
_ملاحظه صغيرة خليهه ببالك لو عجبني ابو المحل اخذه للرقم واسكت مااگول لأي شخص وعندي موبايل واخابره واسوي علاقه وياه حالي حال هاي البنات إلي .....
اريد اكمل كلامي صرخ عليه..كاااافييي كالهه ورفع إيده يريد يضربني اني شفت إيده خنزرت عيوني على إيده
عصر إيده حيل وضربهه ع السياره صاح منهه متوجع لان ضربهه قوي ذب حركته بيه
_صوووتجج مااسمعه اصعدي خل ارجعج لااهلج
_اي طبعا رجعني بعد ماابقه لحضه وحده
تقرب عليه صار وجهه بوجهي رفع اصبعه السبابه يحذرني
_ لسانج طولالان حيلللل ويرادله كككص
_اي سوي فضل وتعال كصه
عاط بصوت عالي خلاني اسكت حتى النفس كطعته من الخوف وبقيت ابلعم
صعدت بالسياره ورجعنه يسوق بسرعه وكل شويه يأخذ بريك قوي يخلي راسي ينطگ بالمقدمه مال السياره
لحد ماوصلنا واني اقرأ سور قرآنيه للحفظ
اول ماوكف السياره عدلت وجهي ومسحت الدموع ونزلت ماانتظرته دخلت لگيت عمتي واگفه بالباب وسجى وضحى والعائله كلهه مسطرين على التخم والاشكال صايره ليمونه من الخوف والقلق
مو عليه وانما على محمد لان هو مسؤل على كلشي قابل اني شيسون بيه ويخافون عليه اول مادخلت ركضت عليه عمتي ام محمد تبوس بيه وتشم
(يمة بنيتي زهورة شصار بيج شسوالج محمد)
تفاجئت بردة فعل عمتي توقعتها تعيط عليه وتلومني بس عكس متوقعت .. محمد تأخر وماإجه سألوني گتلهم عفته بره يصف السياره
_ماسوالي شي ابدد
بعد نص ساعه
دخل محمد بخطوات هادئه وبارده عكس البركاز الشفته قبل شوي حط علاكه جبيرة بوسط الصاله كلهم ركضو عليه واني واگفه بعيد عنه هو الكل ملتم عليه وعيونه تلاحقني انسحب من وسط التجمع الصار عليه وبين شكله مزعوج .. مشه من يمي وحچة
_لحد يگعدني ولايجيبلي أي شي اريد ارتااااح
حسيته يبسمرني وحسيت نفسي لزكة جونسون .. محد جاوبه إلتفت على جهتي ووجه نظراته عليه
_سمعتووووو
عمتي ردت عليه
_اي مانكعدك روح يمه روح ريح جسمك حتى احنه تعبنه راح نتعشه وننام
إجت ضحى عليه واحنه گاعدين بالصاله نسولف
_شسوالج محمد عليج الله
_ماسوالي شيء
_هذا الوقت كله انتم مموجودين ومسوالج شيء ؟
_ يعني شيگدر يسوي
غير عصب عليه وبقى يعيط
سمعنا صوته ورانه يحجي وهو ينزل من الدرج .. جفلت من الخوف
_أگدر كلشي اسوي بس اني مو من هذوله التعرفيهم !!
رفعت حاجبي وتلامة استفهام على ملامحي
_شنو قصدك بإلي اعرفهم ؟
_ تعرفين قصدي
عافني احچي وإتجه لغرفة عمتي يمشي بهدوءءء وتأني امشي وراه واحجي
_اكلك انت مو كلساع تعيرني اني مسويت شيء قابل اني كتله رقمني
وصل للغرفه واني احجي دخل وسد الباب بوجهي !!!
كلش متغير ومااعرف السبب
____________________________________
ساره
بعدما طلعوني من المستشفى طعم الحياة اختفه مني صرت جسد بلا روح الوان الحياة اختفت من عيوني
قررت اكضي هالفتره العصيبه ببيت ماما طلعت لبيبي بعدما خرجوهه من المستشفى بسبب ضربة هيفاء الي سببت عدها ارتجاج بالجمجمه دائماً دايخه وتتقيئ من توگف تفقد توازنها طلبت منهه اروح لبيت ماما
_ ساره هذا مو إسبوعج
_ بيبي اترجاج والله محتاجه ماما تكون يمي بهاي الفتره الصعبه
_ روحي اسئلي ابوج اني بعد لاتعتمدن عليه هالتشوفيني ممدده بالفراش من وره الحيه
_ بيبي تعرفين بأبوية ميحچي ويايه
_ حاچيه وحاولي وياه
رحتله لكيته كاعد بالحديقه ويدخن ! رغم بابا ميدخن بس هالمره يدخن تفاجئت !!
تقدمت عليه بخطوات متردده .. محتاره احاجيه لو لا ،؟؟ اخر شيء قررت احاجيه اول ماصرت مقابيله دار وجهه للجهه المعاكسه وعكد حواجبه
_ شعدج هنا ؟
_بابا ليش زعلان مني
_لتكولين بابا اني ماعندي بنات بس اثنين وحده ماتت ووحده حاليا ببيت اختي
مباشرةً دموعي اذرفت بغزارة
_بابا اني صغيرتك مدللتك سارونه
_ اي صغيرتي ماتت ولحد الان كلبي يوجعني عليهه
كرفصت بالكاع صرت يم رجليه وابجي بخنكه وقهر حطيت راسي بحضنه دفعه بهدوء رفعت راسي عليه واشهك
_بابا لتسوي بيه هيج فدوه اروحلك تعرفني مااتحمل والله مااتحمل
اشوفه الدمعه بطرف عينه تريد تنزل بس حابسها
_انته ماحبيت ماجربت احساس الحب شنو والله العظيم مو بإيدي ولابإرادتي سويت اي شيء ولاتخاف يجي يخطبني
جاوبني وهو رافع حاجبه
_ حتى لو اجه وخطبج ماانطيج اله لو يموت
_ليش ؟ انته مو تريده يخطبني ؟
_ اني بنتي التعبت عليهه وجازفت وخسرت ودخلت محاكم وحاربت بقوه علمود اخذهه لااحضاني ماانطيها لواحد هتلي لااله فصل ولااصل مصرگع وابو بنات وسكير ويبوك وكل الصفات المو زينه بيه
_بس اني حبيته
باوعلي بغضب ودفعني بقوه ..
_ لج شنو هالجرأه العندج تحجين هيج وياي ؟؟ منين تعلمتي هالصلااافه
صار عصبي واني جسمي رجف .. دنكت ودموعي تصب همس بصوت مخنوك
_اريد اروح لماما
اول ماسمع كلامي فز ونتر
_ شتسوين؟
_ قصدي هاي الفتره اخذني لماما اكضيها يمهه هيه
_ عود افكر
_شنو تفكر هسه اريد اروح فدوه
_ روحي حضري غراضج وغراض علوش وجيبي مفتاح السيارة وتعالو
جاوبت بفرح
_ اوك بابا
رحت حضرت غراضنه اني وعلوش وجهزتهن اجه اخذهن للسياره وكعدنه وصلنه لبيت اهل ماما لحيت على بابا ينزل متأمله بلكي يرجعون بلكي واحد يشتاق للثاني ويرجعون
لأول مرة قبل بابا ينزل ويانه دكينه الباب طلعتلنه ماما من وره الباب سمعنه صوتهه ناصي كالت (منو) جاوبناهه وفتحت الباب اول مادخلنه بابا خزرهه وكالهه
_ليش انتي تفتحين الباب اخوانج الشفيه وين؟
گالتله
_محد موجود بالبيت بس اني وقافله الباب عليه
صدك هو الباب مقفول وهيه فتحته سكت ودخلنه للاستقبال اني من هذا الموقف كلت تحركت غيرته بقيت اكمز من الفرح بينما علوش ضاج سألته كال
_ماريد ماما ترجع للذل ويه بابا وهو والبنات ومخابراته بنص الليل وماما متتحمل وتتعذب
اني سكتت عنه لان بطبعه دائماً يضوج ويبقى يتوعد سكتت ضيفتنا ماما عصاير وكيك سألهه بابا
_ هذا منو اشتراه ؟
_ابن اخويه الصغير
_هاا عبالي انتي طلعتي
_لا شسالفه مااطلع
تفاجئت بغيرته بداخلي ميته من الفرح شويـه وطلع بابا استقبلت ماما بالاحضان واشم بيهه مشتاقه لريحتهه حيل كعدنا نسولف بلكي تنصحني
هيه تعرف مقتطفات من السالفه بس متعرفهه بالتفصيل سولفتلهه شصار بالتفصيل من اول ماعرفت بلال لحد هـاي اللحظه
زينه _ حبيبتي عوفيه ميفيدج
_ بس خليني اخابره من عندج فدوه والله بس اسمع صوته واقطع الاتصال
_ مااكدر ساره ماما لاتسوين هيج
بقيت ابجي لان اعرف امي ضعيفه يم دموعي استغليت ضعفهه ومحبتهه إلي وماتكدر ترفضلي طلب وخصوصا اني اجي يمهه خطار اسبوع تروح تضوجني
كالت بحنيه
_ ماماتي لتبجين والله مااتحمل اشوف دموعج ولااتحمل هيج تنقهرين
_لعد خل اخابره من عندج
_ ليش تجبريني ياماما
دنكت وجرت حسرة
_خابريه بس متحجين .. تسمعين صوته وتسدين الموبايل صعبه عليه بنتي تخابر يمي
_ لا ماما بس اسمع صوته .. ماحطج بهالموقف اخر مره صدكيني
انطتني الموبايل دخلت رقمه واتصلت ويه كل رنة كلبي يرتج ويرجف اجاني صوته
_الوووو
بقيت ساكته ماحجيت اي شي رجع نتر
_الووووو
بقى يعيط لوحده الوووو الوووو لما غلقته خفت لان عصب رجعت إتصلت مرة الخ اول مجاوب همس بصوت واهن
_كافي ساره احجي مشتاق لصوتج لتعذبيني
تفاجئت شلون عرفني مباشرةً غلقته بوجهه وكلبي يدك سريع يرجف رجف
انطيت الموبايل لاامي رجع إتصل بيهه كالت اني اجاوب
_ الوووو. ساره وينج والله مشتاق اسمع صوتج بس احجي
_ اني امهه .. شلونك ابني
_ هلا هلا خاله شلونج
_ هلا بيك
_اني اريد احجي وياك بخصوصكم انته وساره شنو تاليتك انته ويه ساره شمفكر
_خالتي اسمعيني اني احب ساره واريدهه لو يكلولي ذب نفسك بالنار لخاطرهه اذبهه والله ماعندي مانع لاجل حبي كلشي اسوي واني مستعد اخبطها بس نخلص البناء مال السطح ووالدتي متخربطه ف الظروف بهذي الفتره متأزمه كتلهه بس انطيني فرصه اجي اخطبج
_اسمع ابني انته بعد لتتصل منا لما تشوفون حل وتكملون بناء بس هيه ابوهه ميقبل على الخطوبه ف انته حاول تدز شيوخ وكبار بلكي يقنعون ابوهه وجدهه وتتزوجون انته تحبهه وهيه تحبك بعد ليش نوكف بطريقكم
_ فدوه لحلكج خاله هذا الحجي المضبوط مو اخابرهه تكلي ابويه ميقبل يكول مصرگع ومهتلف شايفتلج وحده تگول لحبيبها هيج حچايتين يرفسن بالبطن
_ لا هيه غلطانه والنعم منك بس ابوهه وجدهه شويه صعبين ويضغطون عليهه صدگني مو بيدهه هيه الي انتحرت عاقله برأيك
_اي والله سمعت بيهه منتحره
_ ابني اخر كلام تريدهه باب اهلهه موجود ودكه ماتريدهه الله وياك ومحمد وعلي اني حجيت بعد ماحجي
ماما كانت فاتحه مكبر الصوت واسمع كلشي من كال سمعت بيهه منتحره يعني يعرف بالموضوع ولاخابر ولاسأل مباشرةً سحبت الموبايل من ماما وحاجيته
بنتر
_من عرفت بيه منتحره وبسببك شيل موبايل ودگه ع الماسنجر خاف تكلفك المكالمه اشو حتى ع الماسنجر مكالمه مجانيه خوش حب وحنيه
_ عرفت اهلج كشفوج ليش اورط روحي وهم انتي مقتولـه وهم اني مقتول عاد واحد بينه عايش كلت ليش اسببلهه مشكله الهه اول ماالهه تالي
_ عذرك اقبح من فعلك
_ سارة مايوم جذبت عليج وكتلج اني هيج وهيج وخلفت وعدي ارجع اكلج اني احبج واموت عليج
_اريد فعل مو بس كلام فارغ
_ لا مو فارغ تشوفين بعينج شلونه كلامي
_نشوف
رجعنا مثل السمنه ع العسل سوالف وضحك وغزل هو هذا زعلنا ميطول هواي اكثر مده تزاعلنا بيهه وطالت كانت شهرين
___________________________________
كرار
لو زرعـت وردة واحدة
فـي كل مـرة أفكر فيـها بك
لـكـان لـدي حـديـقـة . . .
أمـشـي بـهـا طـوال حيـاتـي دون أن تـنتـهـي .
ساره ماتطلع من تفكيري من يوم الي اطلقت الاسهم عليه لحد هذا اليوم نوم ماكو راحه ماكو اكلي قل مو مثل قبل واهسي بالحياة طارر صرت شخص فارغ بيت اهلي تركته خاف يجون زيارة النه واشوفهه واضعف مقابيلهه حاولت وحاولت ماتطلع من تفكيري
صديقي الي عايش وياه بالشقه سألته وكتله إنصحني شأسوي راح اموت انام افكر بيهه اكعد افكر بيهه لو ماحاجي افضل الي والهه ولاصار هالشي ويايه وهالعذاب ع الاقل مرتاح اشوفهه براحتي اسولف وياهه براحتي
بس هسه تدمر كلشي من اشوفهه احس نفسي مذنب ويتهرب من ذنبه
صديقي گال
_جرب تصادق بنات بلكي تحب وحده
فكرت بالموضوع وشفته سالفه واگفه مال احب غير ساره
بقيت يوميه افكر بالموضوع ومن افتح نت ببرامج التواصل بنات شكددد كلهه تزحف واحبك واعشقك بس مطنشهن لان عندي وحده تملي عيني بس هسه صرت افتح الرسائل وارد عليهن لما يوم نشرت فيديو اغني بيه اغنية
حرامات ..
حرامات التعب بيهم ..
عشت سنين اداريهم ..
تالي من بعد عشرة . . نسوني الله لينطيهم
مشغل الاغنيه واغني وياه ولاحت إبتسامه على شفتي بس اني قصدي بيهه الاستهزاء نشرت الفيديو .. مشاهدات وصلت 2000 مشاهد والتعليقات كلهه بنات لما إستفزني تعليق بنيه
(راحت الهيبه ويه الاغنيه)
سويت رد على رسالتهه
(ليش اليغني لو يضحك تروح هيبته )
(لا بس هذا يسموه ميوزكلي والميوزكلي بس للجراوي )
(لا بالعكس عجبتني الاغنيه وحبيت اغني وياه لاميوزكلي ولاشي)
(لعد شبيك معصب ؟ )
(ممعصب بس انتم ترفسون بالبطن )
(ههههههه غير نحب نعلق عراقيين مو بيدنا)
(اي والله صدگ عراقيين لازم تتدخلون وتعلقون على اشياء متخصكم)
(لا تخصنا)
(شلون بله تخصج هذا الفيديو خاص بيه )
(انته من نشرته صار عام وحتى اذا لاحظت من نشرته طلعلك عام او خاص ف من انشر صار خاص بينه )
(بس يبقى الي بالفيديو اني )
(اي ميخالف المهم صار ملكي حاليا ونزلته للاستوديو حفظته )
(هههههه انتي اليوم من اجيتيني )
(من الفضاء الخارجي)
(هههههههه)
انتهت المحادثه وياهه بس اكثر محادثه شدتني صرت يوميه اتفحص الكلمات الي كتبتهن وحتى حفظتهن ماعرف شي جذبني بهاي المحادثه بقيت كل يوم اصور فيديو وانشره اجاني واهس فضيع ويوميه هيه تدخللي ونبقى نسولف تعرفت عليهه من اهالي بغداد عمرها 20 طالبة كليه اسلوبهه بالكلام كلش عجبني عرفتهه عليه وصارت جزء من يومي كل يوم اسولف وياهه صرنه نحجي صوتيات صوتهه روعه يعني كل الانوثه بيه كل الرقه بيه الجمال من صوتهه وحسيت بإنوثتهه اخيرا لكيت التنسيني همي
يتبع ......
الـعـبـاديـه