يـا نهر روجـاتك مخاديد
ناموا عليها الإيـد بالإيـد
حتى اليريد يصيد ، شيصيد؟
ضحكات وشفاف ومواعيد ؟💔
#إنـا_لله_وإنـا_إلـيه_راجـعـون
#الموصل
مساااء الخير
هذا البارت بأربع بارتات متكون من 5138 كلمة لاول مرة اكتب هيج عدد سجلوهه بالتاريخ اريدكم تفجروه تعبت حيل
طاقة تحـمُل
الـعـباديـ،،ـه
البارت//12//
_________________________________
محمد
دخلت للبيت وسألت امي على المشكلـه الي عصبت كرار لهالدرجه وخلته يدفعني وهو يحترمني !!
ارتعدت أوصـالي وغـاب صوتي تسمرت بمكاني
الحيرة تتملكني شأسوي بهاي الحاله مااگدر ارد طلب أُمي ولااگدر مااحترم رأيها !!
حاولت احجي وياها بهدوء وافهمها انو مااقبل ولااريد اتزوج حالياً بس بدون جدوى
كلشي مخطط إله مسبقاً ومقررين المشيـه الجمعه !! وسجى اعرف بيهه تحب كرار الي اصلا ممعبرها ولا يحبها لان كلبـه ويه وحده ثانيه
إتصلت بـ سجى ردت حسيت الفرحه بصوتها !!
_ الوو
_ الوو هلو حمودي شلونك !
_زين الحمد لله
اگلچ شنو هذا الكلام مال الوالده اشو اني ماعندي علم !
_زينه الحمد لله
_ اااوو. آسف نسيت (شلونج)
_ بعد وكت
تنفست اصبر بنفسي مااريد اسوي تصرف بعصبيه واتندم عليه بعدين
_المهم زينه وهاي هيه . . اتصلت بيج علمود هذا الموضوع اريد تفسير لكل كلمة انگالت
_شنو تفسير إيش اني معليه امك وامي
_ لج شنو معليج انتي موافقه !
_خالتي هيه الي خطبتني وامي موافقه وتگوللي اذا موافقتي اغصبچ ف وافقت
_ وكرار ؟!!
_ كرار !!! ليش هو معبرني اصلا ؟
_ سجى انتي تعرفين بكلشي ماكو داعي اگلچ وتدرين كلبي وين والمن (مسولف إلهه مسبقاً دائما تفضفض إلي وافضفض إلهه)
_ اني انسيكياهه معـليك انت
فار دمي على برودهه وشلون تحطي ببرود .. عطت بيهه حسيت كلبهه راد يطلع من نبرة صوتهـه
_ لج شنوووو تنسينييي شنووو.. اني لو اگدر انساهـا ماانتظرج تنسيني فاهمه
_ محمد بس وافق والله العظيم اخليك تحس بالسعاده الي ماحسيت بطعمها ويه زهراء
_ لج انتي اكيد تخبلتي رسمي تعرفين زهراء. اذا تزوجتج بعد متشوف وجهي تعرفين لو. لااااا
سكتت عطت بيهه. _احججييي تعرفين لو لاااا
نبرة الخوف تتخلخل بصوتهه وبقت تبجي
_ اي اعرف بس اني شبيدي اذا امك وامي مخططات لكلشي وماما تكوللي اذا موافقتي اسوي حياتج جحيم لك اني شعليه ادفع ذنبك وذنبها
_ إسمعي زين اذا صار وخطبتج حطي ببالچ بأي وقت ممكن افسخ واذا تزوجتج بأي وقت ممكن اطلكج وانتي بكيفج فهمتي
_ اني بطريقتي مااخليك تفسخ ولا تطلك علمود وحده متحبك ولاحاسبتلك حساب اصلا حتى مشايفتك واني حتشوفني احسن منهه وتحبني
تنفست وتحسرت من تذكرت انو زهراء اصلا متحبني
_ نشووف .. يله مع السلامه
_ الله وياك
غلقته وبقيت مستعد لردة فعل زهراء شلون حتكون
إلي ببعض الاحيان احسها تغار عليه وتتنرفز من تشوفني يم سجى !!!
لان سابقا اني وسجى نسولف وهي جتي سحبتني من إيدي !! وكالت اريد احجي وياك حتى ماانطتني فرصه اكلها رفض او قبول مباشرةً سحبتني ومن رحت وياهه طلع موضوع تافه حتى نسيته بس بالاخير گالت لتسولف ويه سجى اني رفعتلهه حواجبي ورجعت يم سجى ! وسجلت عليهه نقطه يمي .. تغار من سجى !
ومراات متعبرني ولاتبين تصرف انو تحمل ذرة حب بداخلها محيرتني كلشش الافكار تدور برأسي
من نهيت المكالمه ويه سجى مباشرةً إتصل كرار شمرت الموبايل ماريد احجي وياه ولا اشوفه على تصرفه ويايه
بالليل حسيت نفسي اختنگت واحس نفسي متردد على هـٰذي الخطوه الراح اخطيها خايف لااخسر كلشي خايف لازهراء تروح من إيدي خايف لا مااگدر انساها !!!
لبست وطلعت بسيارتي لمكاني مال الشجره شفت شخص كاعد يمها من بعيد !!
تقربت واشوف كرار !! حالته مخربطه وعيونه وارمه ومتلف تراب ...
اول ماشافني ضحك وإجه حضنني هو يحضن بيه ويبوس واني منزل إيدي وجامد حتى مانظرتله بس دفعته عني استغرب .. ركز بوجهي ونطق بأسمي
_ محمد
رفعت إصبعي على شفتي حتى أسكته
_ اششش
صوتك مااسمعه
_ بس افهمني
_ مااريد افهم أي شيء
_ انت موافق بالديصير ؟؟
_ اي موافق
شكله برزت عليه ملامح الصدمه وتفاجئ من كلامي وجهه صار احمر ويحجي بعصبيه ويشمر بإيديه
_وزهراء
_شبيهه زهراء؟
_ لك محمد انت تغشم نفسك لو تسوي نفسك غشيم شنو شبيهه زهراء انت اكيد تخبلت
رفعت اصبعي السبابه اهدده
_ ثاني مرة تتجاوز ومااسمحلك ،،كلمه بعد ماتلگه نفسك هنا
_ زهراء اذا عرفت مراح تسامحك وتجي تبوسك براسك وتكلك ابدعت والله وترفعلك القبعه
_ ليش اضيع بنت متتعوض مثل سجى علمود وحده متحبني؟
أشر عليه بإصبعه السبابه من فوگ لجوه وحواجبه عاگدهن مستهزأت
_انته عود هسه فرحان؟
_ ليش لا ؟
_ وليش جاي لهذا المكان؟
_يشهد فرحي مثل ماشهد حزني
_ انت تخبلت رسمي وحق الحسين لو تخبلت لو امك ساحرلتك تريد تقنعني نسيت زهراء وهسه فرحان ذني سوالفك سولفهن على المخبل ميصدكك .. امك ماكو غيرهه فرت راسك
ضربته راشدي خليت وجهه يندار للجهه الخ
_ هـٰذي امك وغصباً على راسك تحترمها واذا تحجي عليهه احسب نفسك ميت
دار وجهه للجهه المعاكسه علمود مااشوف دموعه النزلت ويه ضربتي !! دموعه ألمتني حيل خلاني اتندم بإعتباره رجال واني شنو واضربة !
_ هو مو صوجك صوجي اني الي جاي علمود اصالحك وعبالي من التقي بيك عقلك بعده مامخدوع ومقتنع بالكلام وأهم بيك وأفكر بمشاعرك
بس خليهه نقطه ببالك واحفظ كل كلمـه .. زهراء تحبك وتتكبر علمود متكشف حبها إلك واذا خطبت سجى تحتقرك وهي مو من الاشخاص الي بسرعه يسامحون وانما راح تعاند وتحرگ كَلبك مثل ماحركتها وبقساوتك هاي راح تخسرني وتخسرها وماانسى هذا الراشدي لو اموت
تركني واكف بمكاني وراح
ومـئـات الأسـرار تـكمـن في دمـعـة حـزن
تـلـوح فـي مُـقـلتيـن . .
ومئـات الألغـاز فـي سـكتـة
تهتــز خـلف أنـطــباقـة الشفـتيـن .
صراخي ملئ المكان المتواجد بيه طلعت قهري وحيرتي وندمي وحزني واحساسي طلعت قهري بجذع الشجره
رجعت للبيت بخطوات يائسه على أمل الگاه بالبيت راجع رحت فتشت البيت كله مارجع !! تألمت حيل
ٱجه يوم الجمعه المشيه مالتي على سجى
إلي حددوه خالتي وامي بدون علمي حجيت ويه والدي يقنعها بس متقتنع قافله لو سجى لو ميتزوج مااگدر اقلل احترامي ويه الي ربتني وتعبت وسهرت على تربيتي واني من صغير احاول ابر والديه ماريد اخسرهم مااريد اصير عاق والدين
إتصل والدي بالعشيرة جمع الاعمام والاخوال علمود المشيه وصلنا لبيت خالتي ام سجى لگينه العائلـه المقربـه كلهه هناك من عمات وخالات تمنيت التقي بيهه بقت عيوني تدور عنهه بكل مكان على أمل المح وجهه شفت سارة صحتهه اجتي حتى ماسلمت وتحجي بثكل من ورة خشمها
_شلونج؟
_ زينه
_ليش متسلمين شنو هاي النبره اليوم ؟ .. شبيج ضايجه
_مضايجه
_بس ملامحج تدل على انو انتي ضايجه
_اههووو كلنالك مو ضايجه كافي
تفاجئت و ضحكت بإستهزاء
_ هاي منو تارس راسج اليوم ؟! شقى يوميه وين راح؟
_ محد تارس راسي اني مو صغيره كبرت من زمان
ضحكت بصوت مسموع خليتهه رافعه حواجبهه هزيت ٱيدي ومشيت عنهه
تريد تقنعني انو مسامعه كلام احد واني اعرفهه من زمان اني وياهه اصحاب اعاملهه ك طفله شخصيتهه حلوة ومرحه اجتماعيه وتجامل عكس اختها تماماً
طلعنا من المشيه بدون عقد لان ممستعد للعقد حالياً گتلهم بس حجز
___________________________________
ساره . .
قـد تـقـف الكلـمـات والحـروف عاجزه عـن وصـف تلـكَ المـشـاعـر .
الـتي ينـبض بهـا القـلـب و تـحيـا بـهـا النـفـس،
وقـد نشـعـر بـالحيـره . .
أمـام تـلـك الأحـاسيـس . . .
الـتي لا نعـلم كيـف نـوصلـها لمـن نُـحبّ .
شخص خلال شهر فقط خلاني اقع بشباكه صرت مايمر يومي اذا ماراسله ابقى وياه للـ2 يحجي عن حياته واصدقائة واحجيله عن حياتي عرفت شيحب شيكره وهو كذلك هملت دراستي مستواي نزل مدرساتي يلوموني واني ماگدر اتركه واقرة تعلقت بيه .. اذا گال (وداعت أُمي) يعني الشي منتهي عنده شخصيته حلوة وطبيعته
شكله مقبول وجهه نحيف بجبهه عريضه وذقن مدبب مابيه شعر لحيه ، ملامح وجهه صارمه وحادة من ترتفع عظمتي الوجنتين تبرز تفاحة آدم على عنقه الطويل، عيونه بنيات وكبار برموش كثيفه وطويلة نظراتهه حادة ، حواجبه كثيفات متخذات شكل جميل مرفوعات من النهاية ،بشرته بلون القمح ، جسمه نحيف وطويل برقبه طويله بأعلى إيده وشم (امي حياتي) ، جسمه مرفوع وشامخ من يتحرك ،
شكله أصغر من عمره الي يشوفه عبالك عمرة 18 بس طلع عمره 22 عجبني حيل صوته الرجولي المتجمهر عند الكلام
زهراء بالفترة الاخيرة عازلة نفسهه متحجي هواي .. تمشي بدون عقل ولاتفكير مجرد شخص عايش بدون روح بدون حياة كل همهه يخلص تنظيف البيت والطبخ وتنجح بالدراسه .. ألوان الحيوية والحماس اختفت من قاموس حياتهه
صارت مشاية محمد الكل راح لان عمتي عزمت العوائل كلهه حاولت ويه زهراء مقبلت نامت وكالت كوليلهم مريضه حتى شكلهه ذبل عيونهه الي بلون خضار الزرع يبثن نشاط وحيوية هسه غارن وذبلن ممتلأت بالدموع واليأس
حزنت على إختي ،، كلش حقدت على محمد ومن حجه وياية بيوم مشيته يريدني مثل قبل ارحب بيه بالـ(هلا) و (شلونك) واني اختي تدمرت نفسيتهه بسببه ويتوقع انو هيه ترست راسي عليه بس مديفهم انو اني كبرت وعرفت الشخصيات واليحبنه من الي يكرهنه وعرفت شنو الافكار الي يفكروهه الناس من خلال لغة عيونهم وكلامهم
رجعنا من المشيه تعبانين هلكانين زهراء نايمه محبت تحجي وياية اني هم مباشرةً دخلت يمهه وحضنتهه ونمت
گعدنا بالليل اني وزهراء تعشينا وگعدت اسولف إلهه على المشية وشلون سجى فرحانه وتريد تطير
ساره.. اكلج اني مو سمعت تحب كرار شنو الخلاها توافق على محمد
زهراء.. ليش هو محمد يتفوت على أي بنيه يخطبها شاب ومرتب شخصيه هادئة ورزن والاهم الي تدور عليه سجى بيت وحده وسيارته ومدير شركه يعني شتتوقعين توافق على كرار الي يشتغل عند محمد لو توافق على محمد ؟!!
_اكيد محمد
_هي من البداية تسوي نفسهه تشكي هموم وعذاب الحب ويه كرار وهي اصلا دتتقرب علمود تاخذ راحتهه وياه
_لج اصلا هي تحب كرار والله ادري بيهه بس الفلوس والطمع ملئ عيونهه وطفاهن
_شيء اكيد
كملنه سوالف وفتحنا نت زهراء يمي ع السرير وبلال اتصل انطيه رفض ويتصل اخر شي سويته صامت وطلعت لبره اجاوبة
جاوبته رد معصب
_لج وين جنتي اتصل وماكو
_ شبيك اختي يمي مگدرت اجاوبك وانت متنطي مجال اطلع لبرة اجاوب
_ شتاقيتلج
_ اني الاشوق حبيبي
ظليت اسولف وياه وتأخرت اخذتنه السوالف ماحسيت الا الموبايل انسحب من عندي التفتت والگاها زهراء عيونهه تبث شرار وغضب مباشرة ضربتني راشدي فرت راسي فرر نطقت بخوف
_ زهراء
_ اشش اني عرفتج وشكيت بيج اختي واعرفج
بقيت ابجي بصوت عالي حطت إيدهه على فمي ودخلتني جوه
_ انتي اكيد تريدين تفضحينا فوگ فضيحتج هاي
بقت تأشر بيدهه على الموبايل
_ هذا المهتلف موو ؟؟
_ زهراء والله العظيم احبه مااگدر افاركه
_عرفتج انتي من يتغزل بيج موافقه واني اعرف شنو اختي بسرعه تتقشمر وكلبها ابيض بس اني صوجي خليت بابا ينطيج الموبايل
_لا زهراء عليج الله لتسوين هيج وتنطين الموبايل لبابا اتخبل والله
شمرت الموبايل على السرير وگعدت بالكاع تبچي وايديها على رأسها
_ليش هيج تقشمرتي ليش اني ادور على مصلحتج وحذرتج من اول يوم شفناه وگتلچ هذا واحد جذاب وميفيدج
_وعدني يخطبني بس اصير بالثالث
تعصبت حيل
_ لج ياخطوبة التحجين عنهه ياخطوبة صدگتي انتي شبيج عندج عقل لو لا ذولي كلهم جذابين كلهممم اول شي اعذار وبعدين ينسحب شوية شوية لما يتركج بعده متألمه وكلبج مكسور !
بقيت ابجي وياهه تمنيت ميته ولاشفت اختي هيج منهارة ودموعها تجري
_ احبه مااگدر فدوة لتحرميني منه
_ لج شحصلت اني من الحب يله انتي تحصلين
دنگت رأسي وبقيت ابچي بصوت عالي ممزوج بنحيب اجتي بأتجاهي وحضنتني اني ماصدگت مباشرةً حاوطتهه بإيديه وطلعت كل قهري وبقيت ابچي بحضنها
رجعتلي الموبايل وكالت لاتفاركيه بس لاتخلين احد يكشفج وإذا گلتيلة اخطبني وطلعلج عذر اتركي مباشرةً
وافقت وفرحت حيل زهراء اعرفهه عمرها متأذيني
رجعت اتصلت بـ بلال وگتله يخطبني هسه بس حجز ومن اصير بالثالث عقد بقى يطلع اعذار وحجج (عدنا بنيان هالفتره وامي تعبانه !! ) تذكرت من گال اخطبج ماحلف ب داعت امي گتله احلف بداعت امك سكت وغلق الموبايل !!
___________________________________
زهراء
مريت بحالة يأس على الصار كلما اتذكر موقف من مواقفه الرجوليـه ويايه تذرف دموعي !!
مامريت بحالة اذراف الدموع على رجل بس حالياً احوالي تغيرت تخربط كياني حسيت نفسي خسرت شخص ميتعوض صح متكبر ومغرور بس ويه البقيه مو ويايه مواقفه ماانساهه ابدد وكلما اتذكر موقف كلبي يعتصر ألم .
صارت مشيته واني احس هذا اليوم إعدامي وتحطيم أحلام إنبنت من الطفولـه
الكل حضر المشايه الا آني مااگدر اشوف احلامي تروح لغيري ماگدر اشوف الفرحه بعيونه بقاطه واناقته لان حيكون عريس بعد كم يوم !!
تألمت بداخلي وتأذيت بقى بس ذكريات ببالي وراح احتفظ بهالذكريات الي ملازمتني بكل لحضه كلما اگول انساه اتذكر ذكرى تهبط معنوياتي وترجعني لواقعي !!!
دلالي عليه وعنادي بس هو يتحمله غيرته عليه وشهامته !! الافكار تدور برأسي ومحتاره
إضافه لحيرتي الي اني بيهه زادتني ساره حيره ثانية من لگيتهه تتختل بالسر علمود تخابر !!
اني شكيت بيهه من أول يوم وهيه عيونه تلمع من ندخل الفرع واحسهه تدور عنه بكل مكان ومرات من نشوفه ميتغزل بيهه !!
من صار ميتغزل بيهه عرفته توصل إلهه لان تحول الغزل لاإبتسامات طفيفه على الشفاه
بقيت اراقب بيهه فتره وشكوكي تأكدت من گاعده يمي وإتصل موبايلهة وطلعت تجاوب بره !!
طلعت وراهه سمعت المكالمه كلهه من صدمتي مباشرةً ضربتهه راشدي حسيت كلبي اعتصر من ضربتهه ولحد الان ممستوعبه شلون ضربتهه ؟!
تندمت على هـٰذي الضربة اني لو يخيروني بين نفسي وبينهه اختارهه هيه اخواني اعز شي عليه
تذكرت انو الحب مو شخص يتحكم بيه ... يجي وحده ويسيطر على الكلب ميخليه يشوف غير المحبوب.،،، ميهم كلام الناس على محبوبه ميهم عيوبة يريد محبوبه وبس من يشوفه عيونه تلتمع وجوارحه تفيض فرح .
أكدت عليهه مو تنكشف لان جدو صارم حيل بقراراته واذا يعرف بهيج سالفه إحتمال يسوي شي ممتوقعيه !! وانطيتهه نصائح اذا ميخطبهه تتركه اني اعرف جذب ميخطبها بس نحاول عسى ولعل يخطبها وترتاح ويه الشخص إلي تحبه
ثاني يوم الصبح صادف عطله يوم السبت گعدنه اني وسارة الساعه بـ11 لان عطله وإذا ميگعدوني من وقت بس بالمدرسه علمود الطبخ بس بالجمعه والسبت بيبي ومرت عمي يستلمون بمكاني
طلعت بالكراج حلو الجو مشمس وبيه نسمات هوى خفيفه اخذت فرشة وسجينه وجيس الباكلة وبقيت افلس بيهه علمود بيبي تطبخها لان احنه نتريگ متأخرين ف غدانا يصير متأخر احياناً بـ2 او ب3 مندمجه أدندن ومدنگه وخصلات من شعري متدليه ومغطيه عيوني وتتلاعب بيهه نسمات الهوى الباردة.....
حسيت انفتح الخيط مال الباب الرئيسي واندفع الباب رفعت راسي شفته محمد !!! تفاجئت إجتي عيني بعينه ... عيوني بقن يعاتبن عيونه واحسه ميريد يباوع عليه مباشرةً دار وجهه للجهه المعاكسه وإنما خجلان يباع بوجهي ..
انتبهت لنفسي بدون شال وملابسي قصيرة لابسه تراك بيتي ببرموده قصيره للركبه وتيشيرت نص ردن ماخذه راحتي لان يوم الجمعه والسبت مموجودين اعمامي يجتمعون بس ع الوجبات الرئيسيه .
طفرت ركض خجلانه شافني بملابسي ذني قصيرات وممستورات بقيت اندب بحظي على هذا الموقف ليش بقيت بملابس النوم !
اسمع بيبي ترحب بيه وتباركله وهو يرد عليهه بكلام مختصر (يبارك بيج) و (شكراً) ماطلعت حتى سارة ماطلعت تكول مااريد اشوفه واني هم
سمعت صوته يسأل على علوش وطلعت هـاي الزيارة علمود ياخذه العصر يونسه لان سابقاً انطاه وعد ولكونه ميخلف بوعده يريد ينفذه علوش كلش يحبه ويفرح من يشوفه
سـأل على سارة وگال ليش البنات ميجن يسلمن عمتي هيفاء اتخذت إسلوب الذم كالعاده (معدهن إسلوب ويتعايرن)
اما بيبي گالتله (يستحن) گاللهه ليش اني غريب ويستحن مني ؟!
الكل سكت محد جاوب عليه
سارة گالت راح اطلع أسلم عليه
_ لا لتسلمين هسه يگول ليش مااجتي ويه اختهه تسلم عليه
_ متسمعين عمتج شسوت وركبت سالفه علينه
_معليج بيهه
دخلت عمتي هيفاء بقت تخوزر بينه وتعيط اطلعن سلمن وتحذر بينه بنظراتهه
_مانريد نسلم قابل جبر
_انتي خصوصا هالايام شاكه بأمرچ شو شعندج ؟
_ شعندي مثلاً
_إطلعي سلمي واستري على نفسج
_ ماأسلم متجبريني
_ خوش خل يجي عمچ وشوفي شاگله
_ گوليلة عادي ممسوية شيء والي ممسوي شيء ميخاف
تفاجئت من إسلوبي وياهه دائما مااتجرأ أرد عليهه بس اذا الموضوع يخص كرامتي اتحمل كلشي ولااتنازل إله بقت تتوعدلي وتهدد واني معليه بيهه اصلا مطنشتهه متكدر تسوي شي لان اكثر شخص حذر بهاذي العائلـه اني ماانطي شي على نفسي ويبقون يهددوني بيه
طلعت ساره سلمت بقت شويـه ودخلت الي
( عمتي هيفاء گالت لبيبي عليج وزودت كلام من يمهه )
گتلهه خليهه عادي شتريد تسوي خل تسوي
اني ماهمني الموضوع مادام بابا بعده موجود متگدر تحجي ويايه كلمه عود من يروح لدوامه يله تگدر تتصرف براحتهه واني مااسكتلهه بعد اليوم .. كافي صامده لهذا اليوم وساكته
جهزوا الغدة وقدموه بالصالة اني ميته جوع ممتريگه ومنتظره الغدة بفارغ الصبر والقانون بالبيت الغدة ميتاكل غير على المائـده ماكو كل شخص يـأخذ لنفـسه غدة إلجـوعان يجي ويأكل
وهذا القانون محد يكسره قانون جدو وبيبي
صحت لسارة إجتي لكمتهه بحلكهه وتاكل
_لج طلعيلي لفه حموت من الجوع
_ ههههههههه هو تمن ومرك وفواكه وطرشي ولبن وخضرة وركي وكلشي وكلاشي إبقي جوعانه خل اروح اكل يممم
_ خرب حظج عود تشهين بيه بس إلا اطلع وأكل على عنادج
_يله لو بيج خير اطلعي
_اي اطلع اهم شي بطني حموت من الجوع مااتحمل بعد لحضه وعليمن اتهرب اروح احرك كلبه احسن
غيرت ملابسي ولبست شال وطلعت گلت (السلام عليكم)
الكل جاوب ركزت عليه اول ماشافني رفع راسه ضحك بإستهزاء ودنك رجع ياكل حتى مارد السلام !!!
رحت غسلت ورجعت للمائده انتبهت لگيته
گاعد بمكاني !! بقيت مبسمرة بمكاني وواگفه جدو گال روحي جيبي كرسي وأگعدي يمي جبت الكرسي صار مقابيلي !! كل مرة يصير مقابيلي واكره هذا الشيء
آٱكل وأحس نظراتة تراقبني حتى تلبكت رفعت راسي وشفته صافن عليه اول مارفعت رأسي نزل عيونه عود كمل اكله
كاام ترخص يغسل ... و اني مكمله بس اريده يرجع واروح اغسل لان مااريد التقي بيه يم المغاسل رجع ورحت غسلت وحطيت قوري
تكيت جسمي على الكاونتر وصافنه هو دخل مااعرف شگال لان صافنه فزيت من صفنتي على ٱيده يأشر بيهه على وجهي علمود انتبه
انتبهت ورديت بعدم انتباه
_ها؟
_ وين صافنه ؟
_صافنه يعني وين ؟!
_ عدكم اعواد تنظيف الاسنان ؟!
_إي
توجهت للكاونتر طلعتله وانطيتهياه طخت إصابيعه بإيدي مباشرة سحبت إيدي ووگعن الاعواد هو نزل واني نزلت وهم مديت ايدي وصارت إيده فوك إيدي وگفت متذمره من هاي المواقف
أخذهن وگال عاكد حواجبع وضايج
_ ليش متجين تسلمين ممكن اعرف السبب ؟
_ وإذا سلمت قابل شيتغير ؟!
_ ميتغير شي بس گولي خطار عدنه وعريس خل اطلع أباركله
_ عود من تتزوج رسمي اباركلك مو بس حجز !
_ هاا يعني هسه ماكو مبروك ؟!
_اكيد ماكو
_ لعد خل اسرع بالزواج حتى نسمع كلمة مبروك من حظرتج !!
_لهالدرجه متحمس تسمعهه مني ؟
_ طبعا لان بس إنتي مباركتي بسبب عنادج وأحب اكسر هالعناد
من سمعت يعجل بالزواج خفت لايسويها ممستعده لهذا الشعور .... مباشرةً اتنازلت عن العناد وكل كلمـه احس دتطلع نتيجه ألم وإعتصار داخلي واضطرابات
_ اذا لهالدرجه متحمس فـ (مبروك) يوم اشوفك أب !!!
_ ههههه يبارك بيج
_ عليمن تضحك !!؟
_ لا هيج
يمكن إفتهم ليش گتله هالكلمه ف ضحك !!
الظهر نام الكل واني طلعت بالحديقه مالتنه الي اني مهتمه بيهه شكلهه صغيرة متوصل لحديقتهم لگيته گاعد بيهه ويدخن !!
اول ماتحسس بخطوات إلتفت شافني استغربت سألتة
_ شعجب كاعد هنا ؟
_ عجبني المنظر حلوه حديقتكم منو معتني بيهه ؟
_ آني
بس متوصل يم حديقتكم
_ حلوه كلش وكلشي صغير ومتواضع يطلع حلو .. اهتمامج واضح عليهه
_شكراً
ماكلف نفسه وگال (العفو)
_ صدگ ليش كرار ماإجه وياك ؟؟
اول ماسمعني التفت عليه خزرني وفتح عيونه ورفع حواجبه دماراته برزن حسيته يريد يگوم يقتلني
_وليش تسألين عليه ؟
حجيت على فطرتي
_مشتاقتله صار هواي مشايفته
اول ماسمع كلمتي وگف شمر الجكاره من إيده وداس عليهه برجله بحرگه وعصبيه وانطاني ظهره وراح قبل ميطلع من الحديقه إلتفت وگال
_ اي لعد ليش متشتاقيلة حبيب كلبج هذا !!
اني ماسكتت اشوفه يغلي وازيد بيه
_ اي والله صح حبيب كلبي
شنو من شخص شكل وشخصيه ومحبوب واخلاق وفوگ كل هذا يونس بدونه الجو مدري شلونه
كل كلمه اگولهه يخزرني ويفتح بعيونه أكثر ! ويصك على أسنانه حسيته حينفجر دخل للمطبخ وضرب الباب قوي !!
ضحكت عليه شلون حركت غيرته مثل ميسوي بيه أسوي بيه خليته يغلي ويفوور حسيت بلذة النصر من شفت شكله هيج
دخلت للغرفه علوش مموجود !!!
تخبلت الدنيا ظهر وجو حار اخاف عليه يطلع گعدت ساره كالت جان نايم هنا ركضت ادور عليه دورت البيت كله ماكو !!
بعدين تذكرت غرفة بيبي دخلت اشوفه ولگيته نايم بحضن محمد ومحاوطه بإيديه ومحمد يلعب بشعره وعيونه مركزة ع السگف اول ماشافني أشرلي اطلع
إطمنت عليه ورجعت نمت صارت الساعه بالـ4 إندگ باب غرفتنه فتحته لگيته علوش ووراه محمد گال
(انطيه ملابسه مال الطلعه خل يبدل)
إنطيته الملابس ومشط شعره طلع أنيق هو شكله ناعم لزم بإيد محمد وطلعوا وصيته على علوش
_ديربالك عليه
رفع حاجبه گال
_ اذا متثقين بيه ف ماكو داعي اطلعيه ويايه
_ لا مو مااثق بيك بس ديربالك عليه خاف يعوفك ويمشي
_لا مو صغير هو رجال صح علوش ؟
_ اي طبعا صح
_عفيه عليك.
يله رايحين ادخلي جوة
_مااشي
طلعوا بسيارته وبقيت اباوع إلهم لما اختفت السياره دخلت للبيت نظفت
صارت الساعه بالـ6 رجع علوش محمل اجياس جبيره !!
گال ذني دزهن محمد إلج ..جيسين كبار وهم جايب لساره
فتحت اجيس الاول عباره عن أطباق مال نوتيلا !!
وفتحت الثاني أحذية وملابس وجنط !!
تعجبت منو موصلله اني احب الاحذية والملابس والجنط ! وخصوصاً النوتيلا !!
جيس صغير لساره فتحتهه لگت بيه عباه من الي تريد تشتريها ووياها اكسسوارات !!
تفاجئنه منو گال إله
_لج ساره انتي موصلتله
_اني شعليه هو اشتراهن
_بس محد يدري بيه احب النوتيلا والملابس غيرج وانتي همات تحبين الاكسسوارات
_مااعرف يمكن بيبي گايله مقابيله
_ الله أعلم
__________________________________
ساره
هاي الفترة المرت المدرسه كلهه عرفت بينه اني وبلال عدنه علاقه من خلال بنت عمه إلي طشت الخبر بكل مكان واني هم مارزلتهه لان گلت هو حيخطبني ويصير كلشي علني الكل صار يعرف بعلاقتنه
الى ان اجه يوم گاعدين نسولف اني وصديقاتي طالعين درس رياضه واجتي تقى ! صديقة زهراء ! تفاجئت شتريد
_ انتي ساره حبيبة بلال
_اي ليش
_هههه احب اگلچ بلال يحبني وچذاب ميحبچ والبارحه اعترفلي بهالشيء
تلبكت وبقيت امتمت بالكلام كد ماصدمتني
_لج انتي شتحجين ؟
_هههه والله مثل ماسمعتي
_صلا بلال ميعرفج ولاشايفج
_لتصدكين بس اليوم ادزلج السكرينات على صفحة ^^^ مالتج موو ؟
_ اي مالتي
_تدللين
تركتني بوسط حيرة خايفه لايطلع كلامها صدگ ضليت أدعي منا لما حلينه اول ماطلعت أشرلتي عود اليوم ادزهن الج
رجعت للبيت ركض فتحت النت ووصلن الرسائل بقيت اقرى وبلاعيمي تطگ ممصدگه ومصدومه من كلامهم كله غزل ويتوعد إلهه وكلمات احبج ويصيحلهه ام بيتي وعافيتي عيوني بقت تذرف دموع بدون متهدأ ضربت الموبايل بالحايط وٱجتي زهراء تركض عليه تسأل شبيه حضنتهه وبقيت الطم وأبچي على غبائي فرفحت روحي
_لج زهراء خانني خاننييييي باعي المحادثات
حضنتني وشافت كلشي بقت تبجي ويايه
_ اشش اسكتي حبيبتي يمكن تجذب عليج استفسري منه واسئليه
_شاسأل ومحادثتهم هاي عندي
_اشش حياتي ميستاهل دموعج والله ميستاهل
_ لج حموت زهراء حمووووت اريد اصرخ اريد اطلع العبرة الي خنگتني
_ياعيني راسليه وشوفي ردة ليش تحكمين عليه يمكن عنده غير كلام
_ مااريد
_اني حراسله
_لا
_معليج اني اراسله
راحت اخذت الموبايل مابيه شيء بس فطر باللزگه مال الشاشه
راسلته ومباشرة جاوب مثل الي منتظر
_ لج سارونه تعالي باعي شيگول
تقربت يمهه اقرة المحادثه يگللهه صديقي معجب بيهه واتقدم الهه ورفضته ويريدني اقنعهه
اكتبليه (وليش انته مو اصدقائك الباقيين ) بقت زهراء تكتب واني اردلهه
قنعني كلامه ورجعنه اني وياه مثل كل يوم حضنت زهراء لان ماحكمت عليه وتصرفت بعقل ورزانة
~~~~~~~~~~~~~~~~~~~~~~~~~~~~~~~~
زهراء
أصعب شعور من تعرف شيء غلط وتمشي عليه وخصوصاً اذا شي يخص إختي اعرف الدتسوي غلط ومااگدر امنعها
اعرفه يكذب على إختي الي تعلقت بيه وصارت ميمشي يومهه بدونه وارجع واقنع نفسي يخطبهه ويحبهه واني اعرف الشباب ذولي كلهم كذابين ومجرد مايقضون وقت يبحثون على بديل
ماتحملت اشوف اختي منهارة حتى لو يكذب عليهه بكلمتين ميخالف راسلته وطلع حجه تضحك عذرة اقبح من فعله .
حاولت اقنع بنفسي وقنعت ساره انو صحيح كلامه واقتنعت ورجعت تراسله ولاكأنما صاير شيء واني ابجي على إختي الي تدمرت وتدمر مستقبلهه وابچي على حظنا شحصلنه من الدنيا غير شلعة الگلب
سارة فطيره مثل مايوصفوهه وبسرعه تتقشمر بس واحد يضحكلهه تتقشمر على اقل شي
وهاي تقى وحده مو هينه ماكو ولد بالمنطقـه مالفت عليه واخذته إلهه هيه الي تضحك ع الشباب مو هم يضحكون عليهه تطورت لمرحله كامت تجي على دراجه ورة الشباب أصحابها ...
كل مااشوفهه اگول الله يسترنا ويستر عرضنا خفت على سارة لاتمشي وياهه اي وحده تمشي وياهه يطيح حظها وتسويهه مثلهه علاقات 💏 ويه مختلف انواع الشباب ومره اول مااجيت لهاي المدرسه بعدني مااعرف كلشي داسولف على محمد وهيه كالت احبه وبقت تمشي ويايه تگلي ابويه يجيب مشروب هو واصدقائـه واشرب وياهم اني عبالي مشروب عادي ببسي او هيج شي بذاك الوقت جنت صغيره مـااعرف شي تقريبا اول متوسط مااعرف شنو مشروب لما كبرت وعرفت شنو مشروب راسي افتر
__________________________________
ساره
فاتحه ماسنجر اراسل بصديقتي (غدير) صديقتي المقربه اسراري عدهه واسرارهه عندي كلشش اني وياهه
إجاني اشعار اضافك إلى مجموعه
دخلت للمجموعه إنصدمت بإسم المجموعه !
وعيوني امتلأت دموع على وشك الاذراف
(كروب حبيبات بلال الصاك)
اريد استوعب الصدمه ماگدرت نشف ريقي ضميت رأسي بالمخده وطلعت الصرخات المكتومه والدموع مااريد اسمع ملامة زهراء
شيـئاً مــا يـدفعـني للـبُــكاء ، لكنني أشـفـقُ عـلـى وسـادةٍ ، مـاعـادت تحتـمل الـدمـوع
گعدت راسلت بالگروب وحده دزت رساله
_ أهلا بالحبيبة الرئيسيه
ساره _منو انتم ومنو ضافني
_حبيبتي احنه ماكو فرق بيناتنا كلنه حبيبات بلال
_ بس بلال معنده حبيبة غيري
_ ههههههههه بابا وين انتي المدرسه مالتنه اذا مو كلهه نصها حبيباته وهذا الكروب خاص بحبيباته
_ شنو الاثبات؟
_بنات دزولهه سكرينات لان متصدك هههههه روحي راسليه حيگوللج جذب ومااحب غيرج حبيبتي كلنه وگعنا بالفخ وحبيناه وقشمر علينه وانتي غبيه صدگ لحد الان مكشفتيه لج اني من اول يوم كشفته بس عادي عندي هو يجذب واني اجذب هههههه خوش ثنائي
رحت مباشرة راسلته وميعترف يخبلني من ميعترف يحلف يگول كذب ادزله السكرينات يكول مو اني كذب
ديكذبن عليج ومفبركات
_شنو مصلحتهن يكذبن عليه
_ يريدن يخربن حبنا
_ كافيييي
غلقت الماسنجر وبقيت أندب حظي وابچي زهراء تباوع عليه بإستغراب ماحجيت وياهه مااريدهه تعرف گتلهه تعاركنه اني وياه عركه بسيطه !! رغم بعيونهه مبينه ممصدگه بكلمه من الي گلته بس مشتهه إليه وسوت نفسهه مصدگه كلامي ..
بالليل الكل نام الا آني دموعي تذرف بشده على وسادتي الي شهدت كل حزني وٱلآمي
مااريد اتعلق بيه ابد رجعت لدوامي حظرته من كل البرامج كافي يضحك عليه كافي خداع
يوميه نروح آني وزهراء لوحدنه عفنا صديقاتنه لان آجرن سيارة وإحنه نحب نتمشى منحب السيارة يوميه اني وزهراء نمر على المطعم الي يشتغل بيه كل مايشوفني يطلع يبقى يباع عليه منا لما اعبر المحل ويدخل
بيوم زهراء ماجايه راحت ويه بيبي اخذتهه زيارة لماما لان هذا الاسبوع دورها إسبوع إليه وإسبوع إلهه ومن تروح علوش يرافقها ودوامهم للمدارس يكون بسيارة خالو
ف آني امشي وحدي دوام ظهري والشارع شبه فارغ اشخاص قليل مريت على محلهم معزل شوية وطلع بلال من عنده فتح الباب شافني وبقى واگف
امشي واحس خطوات هروله خلفي بقيت اسرع بخطواتي والشخص الخلفي يسرع بخطواته كلبي على وشك التوقف من الخوف رجليه كامت ترجف وكل خليه بجسمي تختض
حسيت إيدي انسحبت بقوه واندار جسمي كله للخلف فتحت عيوني طلع بلال ! اول ماالتفتت عليه بقيت اضرب بيه على صدره بوكسات وابجي انهاريت من الخوف هو حاوطني بإيديه وحضني واني بادلته وبقيت أبچي بغزارة
مانحس الا سيارة سوده مضلله تشبه سيارة محمد وگفت يمنه بقيت ابلع بريقي وادعي يطلع مو هوه
انفتح الباب واندفع بقوه حسيته يريد ينقلع من شدة الدفعه طلع محمد !!!
اول ماطلع ركض على بلال بوكسات خلة وجهه عباره عن دم واني ركض عليه لزمني من زندي بقوة حسيته انقلع من شدة قبضته .. انهاريت ابجي وهو يسحل بيه للسياره صعدني وضرب الباب بكل قوته ويسوق بسرعه كارثيه اصرخ عليه صوتي تجرح من شدة الصراخ وهو ميسمع بس يضرب بالهورن بقبضة إيده ويصرخ (إسكتي)
_ محمد فدوة والله مسويت شيء
عاط بعلو صوته
_ لججج كااافيي تصرخين تريديني اقتلج هسسسسه ؟؟
_والحُـسين مسويت شي
_ لجج شفتكم بعيوني متحاضنين وبالشارع !! وين الاخلاق وين التربيه ؟ وووين ؟؟
متوقع الغلط من الناس كلهه الا منكم انتي وزهراء بس صدمتيني مع الاسف وين اخلاقج
سكتت وعاط بعلو صوته
احجيي _ويييين ؟!!
صوتي امتزج بالشهقات وعيوني انترست دموع كلت بصوت واهن
_هو سحبني من إيدي وضمني لصدره والله اني حضرته ومعليه بيه
_احجيلي شنو بيناتكم ؟
سكتت وبس صوت شهقاتي مسموع
_احجججييي حتخبليني
وكف السياره ومنتظر احجي
حاولت اطلع صوتي ومع محاولات بائت بالفشل فززني صوته وخلاني اسردله كلشي بدون مااعرف شنو اليريد يسمعه
حاط إديه على وجهه ويه كل كلمه يفرك وجهه ويهدأ بنفسه ويتذمر
_ شعنده اليوم لحگج اذا حظرتيه ؟!
_والله مااعرف انت مباشرةً اجيت
_ انتي تحبيه ؟!
سكتت
_جاوبي ... تحبيه ؟؟!!
دنگت رأسي للأسفل وجاوبت بصوت خافت ودموعي انهمرن
_اي مااگدر افاركه هاي الفتره كلهه داحاول وبائت محاولاتي بالفشل
ضرب الستيرن بإيده يمكن انكسر من قوة الضربه وبحركه سريعه فرك وجهه
_ تعرفين هذا بنات المنطقه كلهه صديقاته !! وواحد ملعّب يلعب ع البنات وابوه متوفي وأعمامه متبرين منه بسبب سوالفه المكسره يشرب ويسكر ويصادق وكلشي يسوي شعرفج عليه ؟!
_دنمشي بالشارع رايحين للمدرسه وبقى يتغزل بيه وبعدين جتي بنت عمه كالت اريد اصادقج واخذت رقمي وانطته إله ومن سألتهه هو طلع دازهه
_وانتي شلون تأمنين تنطين رقمج لأي شخص ؟!
_ مو لان ويايه بالمدرسه وبالشعبه الثانيه صديقاتي يعرفنهه وتعرف عليه وكال احبج
_واعدج بخطوبة لازم وانخدعتي موو
دنكت وجاوبت
_ إي
صفن صفنه طويلة وبدون ميلتفت كال
_زهراء تدري ؟!
اني سكتت ماحبيت أنزل من قيمة اختي
_ لا
التفت عليه ورفع حواجبه وفتح عيونه حركته هاي دائماً يسويها
_واذا أگلچ تعرف ودتچذبين
_ لا مااچذب
_ باعي بعيونج وتلگين الاجابـه
دنگت ودموعي نزلن
_والله دائماً تنصحني تگوللي يكذب عليج واني الح عليهه واجذبهه لما شافتني تعلقت بيه حيل خلتني براحتي ومن نتزاعل تصالحنه والا هيه حتى ممحاچيته ابدد
_ تدرين لو غيري شايفج سمعت والدج تصير بالحضيض !!
_ادري والله وهو فاجئني بحركته هاي وإستغل إنهياري وحضنني !!
_ باعي ترجعين منا تلغين الحظر من عنده وتراسليه گوليلة ابن عمتي عرف بيك وباجر تجي تخطبني والا نسويهه عشائر ونگاومكم
_مااگدر كلبي مينطيني والله
عصب حيل ورفع صوته عليه
€انتي تخبلتي رسمي شنو كلبج عوفي كلبج .. هذا ميجي للطريق الا بالتهديد
_مااشي
رجعني للبيت ونزلت سولفت لزهراء بقت تلطم
_ لج شلون هيج تسوين شلون؟؟؟؟؟؟؟
_ اني شعليه اذا هو مر بالشارع صدفه وشاف هذا المخبل من سحبني قابل اني اعلم بالغيب
_ صخام بوجهج ليش كتيله اني اعرف هم هسه يكول تغطيلهه
_كتله لا وكال باعي بعيونج وتعرفين الاجابه
_فاضحه نفسج دوم
_ راح اسوي مثل مگال بلكي يجي يخطبني واخلص من هذا العذاب والتختل
_روحي راسليه هسه
_اي رايحه
رحت فتحت الحظر وراسلته ممتصل
صار المغرب تعشينا وكملنا واني ممرتاحه ابدد كلساع اباوع للموبايل منتظره رساله من عنده خايفه لايرفض او يهدد او ردة فعل غير متوقعه لان هو ميمشي بإسلوب التهديد اعرفه كلش زين اذا واحد هدده يعاند ويزيد صلابه
اجتي بيبي نامت يمنه ! بقيت اندب بحظي المزفت عافت الايام كلهه إجتي بهذا اليوم كالت بعد انام يمكم يوميه !! تفاجئنه اني وزهراء بقينا وحده تباع للخ !!
صارت الساعه بالـ1 وموبايلي انفتح بحساب بلال يتصل !!
بقى جسمي يتراجف كلت لزهراء كالت اطلعي برة خابرية لاتسمعج بيبي
طلعت بره رديت اجاني صوته معصب ويغلط على محمد ويتوعد
_ هذا الكلب الحقير اعلمه شلون يتسبع عليه
_كافي اترك محمد بحاله معصب ويريد يسويهه عشائر
_ انعل ..... خل يسوي شما يطلع بإيده قابل أخاف من أحد آني مااخاف بس من إلي خلقني فاهمه لو لا
_ لك بلال لتعاند فدوة تعال اخطبني وفض الموضوع انته مو وعدتني وگتلي اجي اخطبج بس يصير فرصه وهسه هاي خوش فرصه تعال إخطبني وفضها
_اني مااتهرب من خطوبتج احبج واريدج شوكت مااريد ادز امي تخطبج مااخاف من أحد بس گتلچ عدنه بنيان وبس يكمل السطح ادز أُمي تخطبج وتصيرين حلالي وماكو داعي أشوفج بالختلات ولاارسلج بنص الليل علمود ميسمعوج اريد كلشي علني اخذج واطلع براحتي تلبسين تمشين اشوفج براحتي
_ لعد شمنتظر ماتجي تخطبني وتفض الموضوع
_كتلج منتظر السطح يكمل واحيب امي واجي
_قصدك منتظر اروح من إيدك واتزوج
_ شحده الي يحاول يزوجج اقتله والنبي
_ فدوة تعال اخطبني كافي تهدد لو جدو يعرف بالي صار اليوم والحسين يقتلني
مااسمع الا صوت ورايه (وشنو صار اليوم ياعار)
إلتفتت واشوف بابا وعمه هيفاء بقيت أبلعم اريد اتحرك مااگدر احس إذاني يطلع منهه بخار من گد الصدمه وعيوني جحضت ورأسي طبول وتدگ بيه نفس قلبي اضطرب احس نفسي ماگدر اسحب نفس رجليه يرتعشن إيديه وگعن الموبايل وبس صوت بلال يصيح الوو
وطلع نومة بيبي يمنه مجرد مخطط لكشفي !!
يتبع .......
العـبـاديـه