قفلة علاقاتي .. آلفهــــد

البارت الثامن والعشرون🔞

#قفلة_علاقاتي #آلفهــــد
#دعــــاء

جاي البس ملابسي هو ترك تليفونه وتمدد فتحلي ايده وكالي تعالي جنبي ....

- اريد ابدل لا تجي ماما
- اسامه كال ب4 يجون بعد كدامج ساعه
- فهد انت ماتكعد راحه اذا اجي يمك
- لا وحياتج بصير عاقل بس تعالي هنا
اشر ع ايده اجيت تمددت رفع راسي وخله ايده تحته ودار علي
- سولفي شصار بهالساعات الي بقيتي فيها جوه
- ماصار شي
- اكيد
- عادي سوالف يعني
- مثل شنو السوالف
- ليش تريد تعرف حتى تعارك
- لا بالله ينبحون ويسكتون بس اعرف شيكولون
- حسدين حبك الي
- وبعد
- ماكو شي
- ونغثيتي
- لا
- اكيد
- شعلي بيهم مادام انت قابل بكلشي اسوي
واثق اني مااسوي شي من دون علمك

- حور انا فاهم عادات عايلتي وتقاليدها صعبه عليج .. بصعوبه راح تأقلمين عليها ويمكن لاا
راح تحسين اطبعهم تخنكج رغم انا منهم ومقتنع بهالعادات وربيت عليها واتمنى حرمتي مايشوفها احد غيري و راح تشوفين اني ماختلف عنهم وايد بس الفرق الي بينه اني انا اعشكج وماگدر على زعلج وما ابي اغصبج على شي انتي مومقتنعه بي  .. بس انتي تكدرين تتحملين كلشي منهم ؟
- يعني شسوي
- انتي تعرفيني زين انا اخذ حقج لو من حلك السبع .. بس لما تكونين بروحج معاهم  انا مابيج تسكتين لو سمعتي حد يغثج عطي العين الحمره الكل واحد يقلل من قيمتج لا تخلينهم ينقدونج على طالعه والنازله .. بس هلكلام ياحور مايشمل امي .. كلها كوم وامي كوم ثاني .. امي مابي يوم اشوفها مقهوره منج  كوني لها مثل ريم وئام والهام وانتي احسبيها مثل امج
اهي حرمة كبيره لو حتى سمعتي منها كلام ماعجبج لا تضايقين منها اسكتي عنها وتعالي هنا ذبي حرتج فيني لين تبردين
انا هلكبر وتجعمني كل يوم و مو بس انا اخواني كلهم بس والله مافي بحنيتها فهمتي الي اقصده

- اطمئن حبيبي ماراح يكون خاطرك الا طيب وثانيا لا شيل هم عايلتكم انا ماراح التقي بيهم هوايه فتره وارجع لدوامي ومايهمني حجيهم ابد  الي يهمني انت ماتتغير علي ولاينقص حبك الي

- من الناحيه هذي تطمني وخلي بطنج بطيخه صيفي
- وليش مو سلطان
- اوويلي ايي جذي .. سمعيني طرب سمعيني ونااسه ..
- 😂 نصي صوتك رحمه لدينك
- بيصير عندنا سلطان وجذي ينطط بالغرفه ومايخلينه ننام ولا ناخذ راحتنه وننحرم من العيب
- 😅 خطط لكلشي
- واناديج ام سلطان يالبه ام سلطان انا
- يعني تتمنى يصير عدنه اطفال
- ومنو مابخاطره صبي لو بنت من هلوجه الحلو
- وبله ماصار عندي
- يعني لازم تخلين بكلشي انه
- اكول بله الله ماكتب النه
- بعد هذا الشي بيد الله نتهاوش معاه
- ماراح تضايقك
- شهلسؤال الماصخ تبيني اكلج بستانس
- 😅 عادي جامل يعني
- اكذب عليج مو اجامل .. الحين شهلسيره اول مكنيني منج يله يصير عندنا عيال
-  اه ماصار هيج؟ والبارحه؟ شسوينه يعني
- مته شصار البارحه
- ها نسيت بسرعه زين والصبح
- ذكريني بالله عليج عشان نسيت اخذتها
حيل لحضني هي تكلي انت شكلت قبل شوي
- مامسوي شي وربي تصبيارات حگ ليل شفيج💋

يقبلون العشاق وعيونهم مغمضه هكذا هو الحب اعمى مااجمل الوقت عندما ينصفنا ويجعل بأحضاننا ذالك الذي تمناه قلبنا

وعده كم يوم قرايبنه للحين ماخلصانين منهم كل يوم عندنه وناس تجي تبارك والبيت مافاضي

حور احسها تأقلمت معاهم امي تحبها وايد وحاسبتها مثل خواتي اعرف حور ماعدها حقد وتحب الي يحبها

عده اسبوع على زواجنه الحمدالله
كنت جالس مع ربعي بديوان وايهاب كالي
- الجمعه هذي غداكم عدنا
- ماتقصر وليش تكلف ع نفسك
- يعني مااعزمك واتبر منك
- انطم راح نجي ..
- خلي الحجيه تجي معاك
- ان شاء الله
سلوم : طرشلي غده انا وحرمتي
ايهاب: تعال لو تبيلك دعوه
- الجمعه تزوارة اهلها
- اي وديها وتعال
الفهد : يخاف يخوي لازم يتم عندهم وياكل معاهم
- معرس انت الزم لسانك
- ولو معرس يعني اكل لساني الكطو بعدين تعال كل دقيقه تكولي معرس خلص تعدينه هلمرحله ... معرس و معرس الي يسمعه يكول للحين مو داش دنيا
- سموحه يالاخو ماكنه ندري
- الحين اطر راسك بطفايه دام هني عمامك عشان يفزعولك
ايهاب : سلام اسكت عنه متحمل عليك صارله سبوع  مامهاوشك
- ياخي مليت وانا اسكت ليمته يعني
فهد : وبعد يتشكه هذا الي بذبحه
- كايم انا .. شايل همك ايهاب شلون مجابله ليل ونهار
فهد: احسن مايجابل سودانين
ايهاب : هسه اتركه لو الا تحجي
- اسكت انت .. انطرني هنا بقولهم يسون لنه شي ناكله انا جعت
رحت ع البيت شفت عمتي تتوضى
- عمتي في احد غريب داخل
- لا ياولدي عماتك وخالتك ونسوان اخوك
-
دخلت البيت ماينطب ع كثر الهوسه سلمت عليهم وصعدت لغرفتي ادور حور ماشفتها نزلت اسال عنها كالو مع البنات بالمطبخ ناديت عليها

- نعم حبيبي .. اجت تقربت شالها ماكو
- حجابك وين
- ها نسيته هسه اجيبه راحت تركض خلته ع راسها واجت ..
ابتسمت وسكتت ماعلقت لان تعبت وانا اكلها شالج خلي على راسج
-
ايي حبيبي كول شنو ردت
- جوعان ..
- تدلل هسه اسويلك اكل
- كثري معاي سلوم وايهاب
- ماشي
...

وعدت الايام عادي اجه يوم الجمعه ورحنه ع بيت ايهاب دخلت حور تزهب مع مرت ايهاب ودقايق ندك الباب كان سلام داز حرمته لاهلها وجه علينه

زهبن الغده مابين اتغزل بـ أمي ساعه وتهاوش مع سلام ساعه زهبن السفره

حور : زوجة ايهاب كلش حبابه واحسها تعرفني لان ايهاب مسولفلها عني كالتلي
- ناكل وحدنا ..
- لا كلنه سوه
- خاف تتقيدين من ايهاب
- لا عادي
- طيب
حضرنه الاكل وخلينا ع السفر اول مادنكت اخلي الصحن فهد خزرني ورفع حواجبه باوعت لنفسي ماكو شي طالع مني حجابي مضبوط اشرتله بعيوني يعني شنو كالي روحي كلت لمرت ايهاب انتي خلي ع السفره واني اجيب وراج
جهزنه الاكل بسرعه وكعدنه .. ناكل جان كلش طيب ..

فهد : حنه بنسافر هلاسبوع
حور : انت ومنو
- انا وبنت الجيران .. انا وانتي بعد منو
كلهم ضحكوا
الام : وين بتسافرون
- تركيا.. دار علي مبتسم شهر عسل وغمزلي
حور : تحجي صدك
- اي بالله
- فدوه الكلبك حبيبي اخذت خده بسته فتح عيونه بتعجب وابتسامه خفيفه عود عيب انتهبت ونحرجت نسيت انا يمهم كلتله ... اسفه
- ههههه بتسوين السوايه وتكولين اسفه

اباوع عليهم مبتسمين وعيونهم بلاكل
الام : عسى الله يسعدكم
- اللهم امين الجميع ان شاء الله
خلصنه وراحن ع المطبخ
مرت ايهاب : ماجنتي تدرين راح تسافرون
- لا والله فاجئني
- مفاجئه حلوه
- ايي فدوه العمره
- تحبينه
- شويه هلكلمه ... الفهد النور الي نور العتمه الي جنت عايشتها
- بس حسب ماعرفت انتي اهلج الحمدالله مو قاصرين وانتي ماناقصج شي موظفه ودلال وجمال

- الفهد النقص الجبير الي بحياتي من دونه حياتي ولا شي
- هو هم يحبج
- اعرف بس تعرفين شي ابقى خايفه
- من شنو تبقين خايفه
- فهد طبعه يحب يهوا وملول اخاف يجي اليوم الي يخف حبه الي واصير شي عادي بحياته .. ماتحمل اعيش اذا فهد مل مني
ايهاب : تطمني من هلناحيه
لتفتن علي ثنينهن متفاجئات انا كنت اغسل واسمع كلامهن بس مادري ليش تدخلت
- ايهاب !!!
- فهد اذا راد شي ياخذه واذا صار عنده يمل منه صحيح ... بس انتي تختلفين انتي مو بس حباج وانما جنتي امنيته وفگدج معاناته..
الامنيه الي ماكدر يحصل عليها  قاتل نفسه حتى يطلعج من گلبه وفشل .. الي عمره لا فشل ولا اعترف بالفشل .. الحين هو يخاف يخسر هلامنيه بعد ماتحققت ويخاف يفگدج عشان لاترجع معاناته وحزنه السابق واعتقد مافي احد فينه يحب معاناته
 
انتي صحيح حبيتي وتزوجتي بس ماراح تعرفينه كثري لو تمين معاه الف سنه
- بس هيج اضوج
- ههههههه كولي اغار .. الفهد تركيبه خاصه صعب احد يفهمها او يحس فيها حاولي تغوصين اكثر بعالم الفهد راح تتعرفين علي اكثر وراح تخلينه يتعلق فيج ولو هو مجنون فيج ومخلص
- لا تحجي علي ..
- مجنون قبل لا يعرفج مو الحين .. عطوني الشاي
- هسه احنه نجيبه
- مو اكلج ماتعرفين الفهد زين
- ليش
- يوم اشرلج بعيونه شفهمتي
- مادري
- طيب من دقايق كلي ايهاب جيب النه شاي وشفهمتي
- مادري
- هههههههه طيب هو بعدين يكلج
- شنو لغز كالك شي
- لا بالله بس انا اعرفه من دون مايتكلم عشان جذي اكولج محد يعرفه كثري ..

اخذ الجاي وراح ..
فهد خزر حور وكلها روحي  لان من تخلي الصحون ادنك وهو مايقبل تدنك يكلها اذا ردتي تقدمين الشي وانتي كاعده لا تنحنين وتقدمينه بس حور تنسه 😒

- زوجج حيرني
- ياختي لاتحتارين مرات اغار واضوج واهاوشه ع كثر مامجابل الفهد ولو صاب الفهد شي كولي مانشوف ايهاب بعد ولا نلمحه يسكن عنده ولو اجه يظل مكدر مدري شنو السر البينهم
- بس حلوين
- تالي تحسين بمعاناتي
خلصنه تنظيف ورجعنه كعدنه يمهم

الفهد : كنه نشرب الشاي واشوف زهوري كاعده بحضن حور وكل شوي بايستها وتكلها ترحين وياي مدري وين بتاخذها بنت بليس وزهوري تكلها ايي عشان ثنينجن اشمرجن من الدريشه تالي رحنه ع البيت لكينه اختي ريم وعيالها وعيال سعد كعدنه نسولف .. حور ستأذنت راحت تبدل ثيابها

ريم : فهد ابي الجنطه الي كلتلك عليها لو رحت جيبها لي
- تأمرين امر .. يمه بتروحين معانا
- لا يولدي ستانس مع حرمتك انا مافيني شده ع التفرفر
- بشوفلج شاب حليوه تفرفرين معاه ماتملين موليه
- ايا جليل الحيه رجع هلسيرة الشينه
- هاي جزاتي عشان ابيج تستانسين
- كفني شرك .. نزلت حور .. تعاي خوذي زوجج عني مالي حمل طنازته
- هاا شصاير .. ليش تأذيها .. كوم بدل ملابسك
- صبر .. الحين حجيه ماتبين شي مني
- لا بس ورني عرض مكفاكً ..
- شفيج مو انا احبج  كعدت احضن فيها وابوس اسمع ريم تكول
- حور بنت عمك وين الي كانت معاكي ماشفناها بعد
- سافرت
- مو عايشه هنا
- لا ياريت عايشه هنا
- حسبتها اختج
- اكثر من اختي شمس كل حياتي
الفهد : ابي افهم انا وين من حياتج 
- ليش
- شمس بنت عمك كل حياتك بنت ايهاب نزلتي فيها بوس ومكعدتها بحضنج وكل شوي حبيبتي وياعمري اي احد كلمج كلتيله حبيبي وحياتي بفهم انا وين من هذا الكلام كله
كلها ظلت تضحك .. 
زوجة سعد : هو كلام ياخوي
- هاا ؟؟
حور : لااا هسه شجاب هلكلام ع بالك
- ردي بشوف يام كل حياتي
- هو انت تخلي واحد يحجي
- الحين ضاع الكلام منج قبل جنتي جذي لسان يكنس ويرش والكلمه الي اكولها تردين عليها بعشر الحين مسكينه وفقيره
- ع كولتك زمان اول تحول
سعد : هاا .. علمج كلماته
- من عاشر القوم
فهد: وشتغير بله
- قبل مااطيقك وخليت عقلك ويه عقلي يعني شلون اسكت ؟؟  بس هسه لا .. وكعنه ومحد سم علينه هسه روح بدل ملابسك حظرتهن الك ع الجربايه
- ابتسمت الها وكلت طيب
سعد : فهد انا بروح لديوان الحكني لو خلصت
فهد : ان شاء الله
طلعت من الغرفه وصلت للدرج صحت حور
- نعم حبي
بصوت ناصي كلت فديت حبج انا وصحت عليها عطيني فوني
ثواني واجت جايبه الفون عطتنياه مبتسمه رادت ترجع مسكت ايدها
- هاا رايد شي
- عيل صحت عليج شحكه
- ردت تليفوناتك
- لا انا خليتهن حجه
- بربك ؟
- ليش ماصعدتي وراي
- راح ابقى يمهم زحمه اساعدهم بشي
- هممم ماشي تعالي عطيني بوسه
مدت خدها بس انا اخذت بوسه من شفتها سريعه
- حنه مانبوس من الخد ...
- ههههه ترى مجنون
- ادري .. يله روحي

رجعت يمهم سولفنه تالي اجت خالتهم والهام
بعدين كامن يسون عشه كلت اساعدهم اول شي ماقبلوا بس كلتلهم خلص العرس شنو دوم ابقى بغرفتي ساعدتهم كملنه كلشي
صبينه عشه اخذوا الرياجيل وحد واحنه وحدنه تعشينه وخلصنه
زوجة سعد : انتي خوذي الشاي
حور : لا ماحب اصب انطيني اغسل المواعين
- ها تعرفين يعني
- طبعا شيرادلهن
- مو اكول هلاضافر ومدري شو ماعتقدت تغسلين
- ههههه اشتغل كلشي احنه بالبيت كلمن يخدم نفسه بنفسه ماما وحدها  منخليها تشتغل كل الوقت اخواني قبل لا يتزوجون لو يأمروني انا لو همه يسون شي بنفسهم
- يعني مايستنكفون
- بالعكس المساعده حلوه
- حنه الرجال عندنا يامر وينهي بس
- بعد كلمن وطبعه
- راح ترجعين داومين
- اكيد
- عيل مته جابلين زوجج
- هو بدوام وانا بدوام ماراح يضر بشي
- بس الحرمه منه لازم تجلس في البيت تناطر زوجها مته يجي مو هو طالع وانتي طالعه

- الفهد تزوجني وانا ادوام وراح ابقى هيج
- ماعنده اعتراض؟
- طبعا لا تفاهمنه ع كلشي قبل الزواج احتمال دوامي بصيدليه اتركه اذا شفته اثر ع حياتي
- عيل شغلج وين
اجت مرت سلام قاطعتنه .. كيف حالكم
- هلا نوف شلونج شوكت اجيتي
- من ربع ساعه اساعدكم بشي
- لا ماعدنا شي
- ايي كملي حور وين تشغلين
- الصبح دوامي بالمستشفى لحد 12 ارجع للبيت ب3 اروح لصيدليه ارجع ب6
- الله يعنيج كل الوقت مو باالييت
- هذا دوامي
نوف : احسلج من البيت انا سلام مو راضي اقدم ع شي
- صحيح الي عرفته انت مخلصه كليه
- ايي تربيه بس مو راضي يكول الراتب الي تاخذي منهم انا اعطيجياه
- انتي شتكولين
- انا اتمنى اتوظف بس عندي اهم شي سلام وماحب ازعله
- الله يسعدكم

شربوا جاي عدهم وجبه اساسيه هلجاي رتبنه المطبخ الساعه صارت ب9 ونص رحنه كعدنه يمهم
خالتهم ماعجبتني نظراتها وتكل للحجيه هذي الي ذبح عمره ولدج عشانها الهام تردها بالكلام وتكلها ياريت كل الناس مثل حور كلتلي
- لا يكون خليتي عينج علي يوم شفتي بالمستشفى
انا ابتسمت وكلت الها يمكن
الهام باوعتلي وكالت صج انتم كيف تعرفتوا ع بعض
- سألي الفهد
- هاا السالفه جايده
الخاله :  اي جايده وانا خالتج بنات هلوكت يسلبن عقول الرجال بلبسهن ودلعهن ماطالعتي فساتينها كلها مفصخه وبناطيرها

فهد : وداعتج ياخالتي حبيتها وانا ماشايف حتى اضفرها
لتفتنه علي متفاجئين بس انا فرحت وابتسمتله منقذي الوحيد
خالته : من وين طلعت انت
- من فطور الكاع
- تسمع علينه
- عيل في احد يضايق حوريتي واتم ساكت
ضحكت وكلتله لا حياتي جاي نسولف
هز راسه وكال ايي .. لتفت ع الحجيه
- يمه دواي وين
- في المجر هني افتحه .. فيك شي
- لا .. اريد اخلي بداري اذا احتاجه
- ماعندك الا العافيه تفاول ع حالك شفيك
راح ع المجر اخذه وراح رحت وراه
- فهد راسك يأذيك
- لا حبي مافيني شي روحي اكعد يمهم
- لا جايه وياك
- بنام شوي لا ينشغل بالج حبي
- تعال .. لفيت ايدي ع ذراعه ومشينه سويه صعدنه الدرج
- قابل ماعرفك ليش تكابر ؟
- ابتسم وكال : شفيها خالتي معاج
- مادري وحدها
- زعلتي
- لا مره جبيره تحجي وتسكت
- حجابك وين
- هاا 
-  عداوه عندج معا فهميني ؟
- لا والله ..  غسلنه الصحون ويزعجني بشغل ماعرف وين خليته وبعدين ماكو احد
- مايهم مرات اخواني يدشون يسلمون ع امي
- اي من يجون يطلعون صوت
- وانتي حزتها شتسوين تلبدين
- اايي
- لا يروحي انتي لبستي حجاب البسي عدل
- وسلام
- شفي
- ماعرف البس يمه احسه مثل جود
- طالعتي حرمته تذب الحجاب لما تشوفني ؟
- لا
- عيل انتي ليش
- هسه الله كريم تعال اهمزلك راسك ولا تشرب الدوه صاير مدمن كلش
- يوم امس وانا مدمن عليهن .. نزعت ثيابي وعلكتهن كعدت على الجربايه وتربعت
- تعال هناا .. اشرت ع حجرها .. تمددت وخليت راسي 
- وهذي نومه
- ألم قوي
- لا
- متأكد
- ايي

ظليت امرخ براسه وهو مغمض عيونه شحلات تقاسيم وجه .. عيونه واسعه وحواجبه طوال حتى خشمه مرسوم طويل .. فكه عريض وجناته عراض شامه كانت على خده قريبه من ع عينه كلشي بي يجذبني كعدت امرر اصابيعي ع ملامح وجه  اشوفه مبتسم كالي وهو مغمض عيونه
- شبتسوين
- ارسمك بالي
- وانا وين عنج بالحقيقه
- خاف يجي يوم وبعد مااشوفك عاد تبقى صورتك محفوره بالي
- فتحت عيوني .. ليش دايما مخليه الفراگ بالج
- لان احبك واخاف اخسرك ..
كام وكعد كبالي
- بتفكرين اهملج بيوم وينقص حبي لج
بوعتله وسكتت .. كال
- حبيبتي اكولج شي انا حياتي دونج ولا شي ياما جربت احب غيرج ودخلت لحياتي غيرج بس عشان انساج .. حتى وهمت حالي اني افكر بوحده ثانيه بس شو كانت النتيجه كنت بكل مره اشوف صورتج كبالي حسيت حياتي مالها معنى وحسيت حالي مقيد والقيد مفتاحه حبج لو وين اروح وين اطالع برجع حكج وبس

- الله يخليك الي ولا يحرمني منك خليت راسي ع صدره واخذني لحضنه

- افهمي شي واحد انا اعشگج اعشگج يابنت الحلال
- اعرف بس ادلل عليك اريد اشوف غلاتي عندك
- همم عيارتج
- نعديت منك .. ضحك  .. ابدل ملابسي واجيك
- البسي الاحمر الطويل
- اعتقد راسك
- لنعل ابو طاهره
ضحكت رحت بدلت بس هو صدك راسه يأذي يحاول يحسسني انو مابي شي اخذته لحضني وكعدت امرخ بجبينه والعب بشعره حسيت علي غفه غطيته ونمت بصفه

ماكعدنه الى ثاني يوم الصبح حسيت واحد يبوس برقبتي وره ذاني باوعت لنفسي جنت بين احضانه انا حضنت ادينه ورجعت نمت لان بس يشوفني كاعده يتوكح 😜

وره يومين جهزنه اغراضنه لسفر وحضرت الجنط سلمت ع اهلي واهله وسافرنه 

بالطياره جنت سانده راسي ع الكرسي وهو ماسك ايدي ملتفت علي مبتسم
- كلتله هاا
- مافي شي
- ليش هيج تباوعلي
- انتي خايفه
- عادي
- الا خايفه ونص
- ههههه شلون عرفت
- اعرفج لما تنزعجين ويمزجها الخوف يبان عليج ع طول
- بربك .. ؟!
- ايي عاقده حواجبج ومغمضه عيونج كنت دايما سوين جذي لو عصبت عليج
- وانت صدك ليش تعصب علي
-  خيره انتي ومسكينه وانا مهبول يجن جنوني عليج
- ماحبك من تعصب
- ولا احبج من تعصبيني
- شكلت ؟!!!
- غثتج كلمة مااحبج
- ايي طبعا
- عيل انا ماتغثني لو كلتيها

ضربته ع صدره لا سويها وحده بوحده تعرف شقصد
- وانا بعد تعرفين شقصد
- ماريد لو حتى ماتقصد كولها بعد وتشوف شسوي بيك
- شبتسوين يعني
- اصدمك
- للاسف حنه بطياره كان بخاطري تصدميني
- هذا عقلك وين يفكر
- فيج
- لا والله عقلك ابد مو راحه
- من وراج
-  شكد سخيف يااخي
- اخي ؟!! خوه الي تخوي حنوچچ گال اخي گال
- ههههههه الحمدالله ياربي ترى طلعت عفويه
- عيديها بعد ..
- اسفين ماندري يااا حبي وضحكت
- تطنزين ها
- لا والله اتشاقه وياك ترى احبك لا تصير ثقيل دم
- خففي اذا تكدرين
- اووي شكد تطنز ع كولتك

وره ساعات وصلنه المطار اتاتورك اخذنه الجنط ورحنه ع اسطنبول حجزنه فندق وجان راقي
رتبت ملابسنه سبحنه ونمنه لان تعبانه من الطياره 

صبح الصبح شحلات الشمس تدخل من الشبك والعصافير تزقزق كعدت فتحت البلكون الله شلون هوا منعش فهد لهسه نايم جنت لابسه قميص نوم اسود قصير لبست فوكها الروب مالته هم قصير
رحت جهزت الريوك وخليته ع طاوله وتفننت بي ورحت اكعده
- حياتي حبيبي يله اكعد

فهد : عتدلت بنومتي جذبتها لصدري صباح الخير
- صباح الورد
- يمته كعدتي
- قبل نص ساعه
- ماحسيت عليج
- لاا .. يله كوم اتريك شوف شنو سويت يله حيي
- يله
سحبته من ايده شوفته الطاوله
- فديت الذوق .. باس ايدي راح للحمام غسل وانطيته الخاولي كعدت اصب جاي هو بساني برگبتي وكعد
- شهالصباح الحلو
- مثلك😊
انطيته الجاي .. واكلنه واحنه نسولف وين راح نطلع وكل شوي كال ثكلي لبس ترى مو حمل اتضايق جينه نستانس كلتله ماشي

كملنه ريوك راح غسل وانارحت اغسل الصحون شوي واجه وراي شبكني من وره وخله راسه برگبتي ويشمشم ويبوس بيها ويهمس اتركي عنج حبي

- بس اغسلهن خلصت
وكل شوي مايله برگبتي لان يسوي حركات يخليني اغار عاد غسلت ادي ودرت علي طخيت بسنك كلتله يعني ماتنطيني صبر شوي

- نزعت الروب الشيفون وطاح بلارض كلتلها ماعندي صبر بستها بشفتها وهي نفس شي لفت اديها ع رگبتي تتحسس بيها بكل حنيه وع خدي هلحركه تذوبني وماتخلني ماحس بالحواليه رفعته الي وخليت راسها بمستوه راسي بستها تالي شلتها اخذتها لسرير و  ..

ستانسنه مع بعض ومابقى مكان مارحنه علي بعدها رجعنه حك ديرتنه و خلصت الاجازه وكلمن رجع دوامه حور تركت دوام الصيدليه

ماتغيرت علي .. نفسها لو زعلتها اصالحها ع طول ولو حست ع نفسها زعلتني بتراضيني بدلعها وشقاوتها واصلا انا گلبي مايطاوعني اشد عليها وايد
ماتخلى حياتنا من المشاكل العائليه بس هي ماتحب تشكي بس في اشياء تصير كبالي اخذ حقها وماحب احد يحجي عليها ..
بس للحين تعصبني وتعاند بلبسها الي تعرفه انه يضايقني واغصبها تغيره ماتحمل احد يطالعها بنظره مو حلوه لو شافتني عصبت تلوي بوزها وتلبس ع هواي عاد اعرف كيف ارضيها اهم شي تلبس ع هواي واتخبل لو تاخرت بدوام وماعطيتني خبر .. اكلها تليفونج مابي يتسكر  اضل احاتي ودماغي تودي وتجيب
لان بيوم من الايام ساعه 2 وماجت اتصل عليها ماترد .. قلقت .. رحت عليها المستشفى اسال عنها مايدرون يكولون طلعت من ساعه 10 عيل وين راحت ليش ماخبرتني تعبت وانا اتصل .  بعدين فتحت خط .. يمها هوسه
- هلا حبيبي .... صحت بيها
- انتي وينج في
- نص ساعه واجي والله مادري بيك متصل هلكد
- انت وين
- بصيدليه الدكتور كلفني ابقى كم ساعه بمكانه
- وليش ماخبرتيني
- صار شي
- لا ..
سكرت الجوال ورحت عليها .. لكيتها هي وثنين شباب وبنت يرتبون بلادويه وهي واكفه تفرز اسماء الادويه ولا هامها شي وتضحك وتكول ..
-  رائد يحجي اكثر مايشتغل
الشاب : وانتي شنو شغلج بس واكفه وتتأمرين

سلمت ولتفتو علي باوعت عليها كالت بتعجب
- فهد! ..عن اذنكم .. انطت الاوراق لواحد من الشباب وطلعت من وسطهم وتقربت
- هلوو ..  بيك شي
- يله ع البيت
- مابقى شي راح نخلص
- ع بيت حور ..
طلعت وكفت يم السياره لان صج عصبت ..

حور : شباب انا رايحه.. وهاي المفتايح مصطفى خليها يمك
- ماشي الله وياج
طلعت لكيته واكف وجه ميكصه السيف فتحلي باب السياره وكال تفضلي كعدت .. سداه ودار كعد وطبك الباب حيل وحرك السياره من دون اي كلام
- فهد شبيك ... جاي احجي وياك
- شحگه عندج تليفون؟!
- ماسمعته والله
- هاا ماسمعتي !.. طيب
خلص الطريق ساكت انا هم ماحجيت وصلنه ع البيت جاي نصعد صاحت امه وهي بالغرفه ماشافتنه
- هذا انت فهد
- ايي يمه
- .. حرمتك اجت
- ايي معاي
- هلا فيكم ..
صعدنا للغرفه دخل كدامي ..  دخلت وسديت الباب
- فهد والله ماسمعته
- ويوم طلعتي من الدوام ورحتي ع غير مكان معرفتي تكولين لطرطور الي ماخذته

بقيت ساكته صدك انا ليش ماكلتله

- ليش ساكته ماتحجين
- مادري مااجه ع بالي
- ماجه ع بالج ؟!والله شي حلو ..
- ترى ماصار شي حتى ماصارلي ساعتين من تاخرت
- وساعتين شويه يعني تخليني افرفر ودور عليج والف حسبه اجت بالي
- تعود علي انا مرات اتاخر
- تتاخرين تكولين مو اشوفج برا دوامج

باوعتله بنضره ماقابله ع كلامه وسكتت
- كلامي مو عاجبج
- فهد شنو السالفه ترى جاي زودها ماسويت شي
- ازودها .. واكفه مع شباب وطول بطول معاهم تضحكين وسولفين معاهم ومزودها؟
- يا شباب ذول صيدلانين حالهم حالي
- طز فيهم
- اووو ..
سويت حركه بايدي و درت انزع الجاكيت لزمني من ذراعي بقوه ودارني اله
- عليمن هااي
- ايدي .... ضغط عليها زايد
- عليمن
- مو ع احد اترك ايدي شبيك .. دفعته من صدره ولهسه لازمه صحت بي فهدد ايدي تخبلت شنو
صك ع اسنونه.. تحجي عدل لا تخليني اتصرف غير تصرف
- لاحول الله بس اترك ايدي جاي تأذيني شنو هلتصرفات
- مو عاجبج موو ؟!اكيد .. دفعتها .. الفهد عقله دگه قديمه يحب يتحكم فيج وبطلعاتج وبلبسج ..

- وحتى بكلامي ... كلتها بحركه گلب
- والله .. !!؟
- انت لازم تتقبلني مثل ماانا وماجاي اسوي شي غلط وانت تعرف هلشي .. تحكمك بيه وغيرتك الزايده بطلها جاي تخنكني
- حور قسم بالله اهفج كف الحين اخليج تحجين عدل زين لولا .. ماردت علي صحت صوت ۔۔ عالي فهمتي الي گلته لو لا

حور : غمضت عيوني هزيت راسي بس خنكتني العبره كلش احاول مااخلي دموعي تنزل

- لا عبالج احبج بتركبين ع كتافي الحب شي وكرامتي شي ثاني ... الا احترامج لي ياحور مابي تستاهنين بي الاسلوب هذا كله بتغيري فهمتي ... ويله زهبي الغده بنتغده

- ماتغديت اكو واحد باقي لهسه
- ادور ع حضرت جنباج .. يله بسرعه
- انا ماريد روح تغده وحدك ..
- حورر
- ماريد هي گوه .. شهلمصيبه هاي
- مصيبه !! انزلي بسرعه وانتي ساكته مومتحمل كلامج موليه
- ولا تتحمله قابل كلامك ينحمل
- حوووور
- گمزت .. ترى مالي داعي الصوت العالي ۔۔ كلتلك سم ماريد اكل وحدك

صارت عيونه بگصته مانتبهت على كلمة سم تقرب علي بشكل سريع ماعرفت شنو راد يسوي يضرب او لا ..ماعرف
خفت منه لاشعوريا احضنته وكأنو اريد احتمي بي من عنده ونزلن دموعي هسه انا ليش هيج اطوخها بالكلام قابل ماعرفه..

عصبتني وايد ولسانها شطوله جيت عليها من جد بغيت اضربها حتى تحجي عدل بس ماحسيت الا وهي تحضني وخايفه مني جريت نفس وغمضت عيوني ابي افرغ غضبي شلون ماكان

تخصرت وهي بعدها محوطه ذراعتها بخصري وراسها  مدفون بصدري

- لا تعصب فهد انا اسفه والله بعد ماتتكرر
- ليش تخليني اسوي جذي

سكتت ماحجيت بقيت ابجي لزم حنجي ورفع وجهي اله باوعتله مسح دموعي بثنين ادي خلص لا تبجين
- ردت تضربني
- ليش تحديني ع هلشي كم مره كلتلج لو شفتيني معصب اتركيني احجي لين اهدء
- يعني ردت تضربني
- تنكسر ايد الي تنمد عليج .. مااحب نفسي لو عصبت .. بغلاتي عندج لا تخلني اوصل لهاي المرحله
هزيت راسي باسني بگصتي واخذني الحضنه ويمسح ع شعري حور انا ماتحكم فيج بس خوفي الزايد يجبرني اتصرف بهلشكل .. خفت عليج وربي كلت شصار معاها ليش ماترد ويوم رحت ع المستشفى كالولي انج طلعتي من ساعه ١٠ طار عقلي والف شي وشي تخيلته وبكل برود عندج تكولين انا بصيدليه اجي الگاج وسط الشباب شيتحمل گلبي يعني؟!
- ماكان قصدي والله
- خلص يله بدلي ثيابج وحضري الغده حدي جوعان
- احبك
- وانا روحي فيج

بدلت ثيابها ونزلت ونادتني اكلنه بالمطبخ ع طاوله سوتلي شاي  وانا مكاني شربته وهي تغسل الصحون جه سلام
- فهد من راح يجي ع العشا
- ولد عمنه وربعنه ليش
- منو بيطبخ
- ولد عمي ابو هاني
- طيب لو رحت خذني معاك
- ان شاء الله
- حور صبلي شاي بلا امر عليج
- تدلل
صبيتله وكعدت يمهم
- شنو اليوم عدكم عزيمه
- ولد عمي عازمين بمزرعتنا
- تتاخرون
- حسب الربع
- ماشي اصبلك بعد جاي
سلام : انا اريد بعد واحد
فهد: ماتكوم انت تتخدم ع حرمتي
- هو شاي  شسوت قوزي
- ايا جليل الحيه حرمتك وين
- نايمه
- وماخمدت انت شعدنك مجابلني ع هلستكان
- يصير له طعم ثاني لو شربته معاك
حور : يوومه منكم شوو انطوني انا اصب شكد تتناگرون
- زوجج يتلاكف شطلبت انا يعني
- ثنينكم انتو واحد يرفع والثاني يكبس
سلام: اي طبعا ماتنطين في وتصفين معاه عيل تصفين مع هلعبد الفقيره
الفهد : اشرب واسكت يالعبد الفقير انا بطلع اسبح وابدل ابيك جاهز سمعت
- طيب
- ترحون هسه
- الساعه 4 نطلع
- اوك راح احضر ملابسك ع ماتسبح
- طيب حبي

رحت سبحت وبدلت ثيابي وتعطرت حور لفلفت روحها بالحاف وكالت راح انام مدام ماتجي ع العشا بستها وطلعت

حور : راح فهد ولا واحد بالبيت الحجيه راحت يم وائام والبيت بي بس انا ونوف انا نمت وكعدت الساعه 7 مادري بروحي هلكد نايمه نزلت جوه ماكو احد دگيت الباب ع نوف ودخلت لكيتها تباوع ع التلفزيون
- ماكو احد
- ايي كلها طشت
- تعشيتي
- لا
- راح ادز ع بيتزا تاكلين
- ايي
طلبنه بيتزا وفطاير وكيك ساعه وندك الباب جابوهن اكلنه بيتزا وببسي عزلت حصة سلام وفهد وفطاير قسمتها بنص وكيك مارادت نوف لان ماتحبه كعدنه نسولف صارت ساعه 10 وهمه ماكو كلت الها راح انام باجر دوام كالت حتى انا نعست
رحت الغرفتي ردت اسوي لفهد مفاجئه بما انو اليوم زعلته شعلت شموع وعطرت الغرفه وخليت الفطاير والكيك بصحون وزينتها وصارت اجواها رومانسيه لبست فستان

اتصلت علي وگالي انا بطريق طفيت الضوه ربع ساعه واسمع خطواته قريبه من الباب فتح باب الغرفه جانت  ضلمه وبس ضوه الشموع ...

تعليقاتكم تسعدني 😍
تصويت😊