قفلة علاقاتي .. آلفهــــد

البارت الثالث عشر

#قفلة علاقاتي .. #آلفهــــد
#لـ دعــــاء

رجعت للجهاز واخذت العينات شفت علاء عاكف حواجبه ومستغرب كلتله ماراح تساعدني
- منو فهد
- شنو أي فهد ؟!
- ماعرف منو فهد بس الي اعرفه اني علاء مو فهد...

ارتبكت كلش معقوله كلت اسمه بدون ماحس ..
- اسفه علاء عندي ضغوطات بحياتي مجاي تخليني اركز  ....  درت وجهي وكلتله انطيني الانبوبه

- اي انبوبه هنه هواي
- اي وحده ماكو فرق
- اكو فرق بيهن الاصليه وبيهن العاديه.. تنكسر بسرعه وبيهن الي تتفاعل ويه الادويه وتخرب مفعولها وبيهن الي شكد مااستخدمتيها تبقى مثل ماهي ..
- كلامه مقصود درت علي
- كول الي عندك اسمعك
- الحليم تكفيه الاشاره
- وهي ؟؟
- موكلها نفس فهد اكو انسان يحبج وراح يسعدج
- محد يحبني مثل فهد ولا راح تكون الي سعاده ويه غيره
- الي يحب مايترك ..
- ولا عمره تركني كلشي صار سببه انا ..
اذيته وخذلته وماراح اسامح نفسي ابد
- ماجاي اصدك انج تكسرين گلب احد
- للاسف صار وغصباً علي ۔۔ الله يسعده وين مايكون
- اكدر اعرف التفاصيل
- لا لان الكلام بهلموضوع يتعبني مايريحني ماعرف شلون ذكرت اسمه كدامك ... ماتحملت تلومه ع شي ماسوه
- ماناسيته
- ولا راح انساه.. علاء نرجع نشتغل ؟
- انا اسف قلبت عليج المواجع
- ولا يهمك ملازمني الوجع من زمان

باوعت عليها وهي تشتغل معقوله كل هلهدوء والابتسامه الصافيه تكسر گلب احد بس ياريت ماحجيه شي ومخليتني متأمل لو حتى على الفاضي

علاء سكت وماحجه شي حتى نظراته تبدلت جنت اشوفها كلها اعجاب واتضايق منها ۔۔
فرزنه الادويه وبقى قسم كلتله غير وقت لان تعبت
رجعت للبيت اتغديت وكعدت يم امي شوي واجه جود كال لامي ع بنت متعرف عليها من زمان ويريدها تخطبله
- خلي يجي ابوك واسولف وياه
- اوك انتظره ماما همه حالتهم مو هلكد بس ماناقصهم شي انا عاجبتني البنت
- يصير خير
- حور ساكته ماشاركتينه لحديث
- الله يسعدك ويصير الي بالك ..
باوعلي بأستغراب وكال
- اي شكرا يوم الج

رجعت عيني للايباد مارديت علي
هههه يدور سعاده وطبعا كلها راح تقبل لان كلهم مو ضد السعادة الا سعادتي يحللونها بكيفهم ويختارونها همه يله الحمدالله ع كل حال

فهد : كانت الساعه 2 ونص رجعت للبيت حدي تعبان
- السلام عليكم
- هلا يمه كواك الله
- يكوي حيلج
- يمه جوعان ابي غده ابدل ثيابي وانزل
- ابشر يولدي
- من عندنا
- اخوك محمد وسعد بغرفة سلوم
- طيب صعدولي الاكل بغرفة سلوم
- طيب
رحت لغرفتي سبحت وبدلت وكعدت يم اخواني
- هلا ابو سلطان مته جيت
- الحين .. شلونك سعد .. محمد شحالك
- تمام
سلوم : وانا ماعلي سلام
- نعرفك تعرفنه
- شفتوو اخوكم انتم خلصانين منه طايح بجبدي
دخلت ام سعود معاها صينية الاكل

- دولمه ومگشت اليوم كلبيناها يعطيج العافيه ام سعود
- الف عافيه
سعد: شلونه شغلك
فهد : الحمدالله
محمد : انا رايح الامارات هليومين
فهد: صج والله كم يوم تبقى
-بستلم البضاعه واجي اسبوع بالكثير
فهد : كان ودي اغير جو ..بس رجعت الدوامي ماراح يقبلون اخذ اجازه
سعد : مامليت من سفر ماصرلك شهر من اجيت
سلوم: يموت في الدياحه ماتعرفونه
فهد : الاكل كدامي احسابك بعدين
- اكل اكل جورج اكلنتن ويحاسب
- من عيوني سلوم صبر ..
محمد جيبلي مجموعة عطور الزايد قرب يخلص العطر الي عندي
- تأمر
سلوم: يسبح بي مو يرش جيبله درزن
- يدلل ابو سلطان كم فهودي عندنا

باوعت لمحمد تذكرت حور كانت دلعني جذي حشرت الكمه في زوري شربت ماي وكلتله مايدلل عليك ظالم ياخوي
سعد : سلوم درس ود انكليزي ترها تعبتني كل يوم موديها عند مدرس وكلشي ماتفتهم
- بنتك كلشي ماتفتهم تمللني وتعصبني
فهد : جايبها عند هلجحش خلي يفهم روحه يله البنت
- جحش !!!!ان شاء الله تجيني اترجملك شي اله اكظبك الباب

سعد : ياكثر ماتتناكرون مته تعقولون انتم
فهد: سودانين لشيب وهمه ماعدهم عقل ...
ضلوا يضحكون
- سلوم نزل الصينيه فديت عمرك انا ..تتعب ام سعود يانازله ياصاعده
سلوم :فديت عمري هاا عيل جحش من
فهد : سعد وبنته .. انت منو مثلك الي خلقك ماخلق غيرك ..
سويتله بوسه وطلعت بيها صوت من بعيد وكلتله فديت.. هو ماكال باطل نزل الصينيه ورجع ع طول مسكته ونزلت علي ضرب وهو يطفر ع السرير

- محمد سعد اكظبو ايده ثكيله يلعن بليسه
- عيل انا الدايح؟
- لا منت دايح بيتوتي الله يسلمك
- هذا الي اذبحه
محمد : سعد حنه وش مكعدنه جنب هذيله المهابيل
- لتفت عليهم : من همه المهابيل سلوم جنهم يغلطون علينه
- انا بعد سمعت جذي
نزلنه ع محمد وسعد تكامشنه وامي صعدتلنه عبالها صار شي
- شفيكم
- نتهاوش يعني شفينه
- حسبي الله عليكم من عيال وانا عبالي صار فيكم شي عيل ماتستحون كل واحد ترس وجه شعر وتلعبون
- شتبينه منه حجيه تحجي
- حجه الي تاكل حنوجك اعرف هاي سواياك

اخواني بس يضحكون وامي طاحت فينه رزايل حتى ماتخلي الواحد يتمرن زين 😂

حور : امي حاجت بابا ع البنت الي يريدها جود بس كاله ماكو زواج اذا ماعتمد ع نفسه ويتوظف مثل اخو و جود طبعا ماقبل بس كاله كل شخص بهلبيت يعتمد ع نفسه ماريد احد ينتظر المساعده من الثاني فسكت ع مايشوفله شغله

جنت كاعده ادرس واقدم اخر بحث بالتمريض واتصلت علي وسن كالتلي شمس اخذوها للمستشفى تطلك مادري شصار بيه تمنيت عندي جناحات واكون يمها
بسرعه نزلت ع امي وكلت الها كالت يجي ابوج وياخذنه
ع اعصابي بقيت انتظر لان انا مااكدر اسوق لاماكن بعيده وفعلا اجه ابويه وكلنه مشينه لشمس اخذت اجازه ورحت وصلنه لبيت شمس لكيتها كاعده بفراشها ترضع بنتها من شافتني انطتها لامها ورحت ركضت عليها حظنتها
- حياتي الحمدالله ع سلامتج ياروحي والله اتمنيت اكون وياج بهلحظه
- ياروحي لهفتج هاي كافي علي
- شلونج انتي زينه
- الحمدالله تمام
- وين سما انطونياها
امي وابويه سلموا عليها وانا اخذت البنيه فداوي عنونه وجه احمر صغيروني
- فديت سمسم انا شهلجمال ماطالعه ع امها
ثائر ضحك وكال اكيد تطلع ع ابوها كالتله شمس يعني هسه صرت كخه تقرب يمها وكال الها منو بحلات شمسي باس ايدها بعدين طلعو بالصاله وبقيت انا يمها
سولفلي ع الطلوك وشلون تعذبت وتحملت الالم بس الف الحمدالله الله كومها بسلامه

اجو العصر وسن واسامه وزيون صاير يخبل كلت لشمس راح اخطبله سما بس اموتها اذا طلعت لسان مثل امها
- متوازيه انطي زيوني يعلكها من اذنها طفل هو
- كلشي ولا اميري حبيب عمتو هذا
- عمه شنو جبتيلي وياج
- ياروح عمتك باجر اخذك لسوك وشتري لتريده لان عمتك شمس خلتني اجي ع وجهي حتى ملابس هوايه ماجبت وياي
شمس : هذا الكنتور يمج طلعي ولبسي
- هو انا حسبت حساب لهلشي
زيون : اريد ملابس ريال مدريد
- ياحياتي شكبرك وتشجع ريال اسامه اشو ابنك مو عليك
- اي ع امه يمكن  
وسن : ع اساس ذابحه روحي ع الالعاب
- ههههه   ان شاء حياتي تدلل شنو تريد بس كولي
اسامه : ياكل راسج هسه انتي شلج بطلابته
- احلى طلابه وين بوستي
- اموووووح
- صدقه اموووت عليك
زيوني جنت من اشوفه جني شايفه العافيه كلش متعلقه بي واتمنى يبقى يمي ع طول بس ماكدر دوامي وامي مابيها حيل للاطفال وسن واسامه مايكدرون يفاركونه لوجنت هنا جان اخلي كله يمي يارب اشوفه احلى شاب بالدنيا

بقيت يم شمس واهلي رجعوا ثاني يوم
اجو بيت عمو ابو حسام يباركون لشمس سلمن علي البنات من وره خشمهن وعمتي اكلتني بعيونها كلش ماحبيت جيتهن
- اي حور متغيره
- دوام وتعب محد يبقى ع حاله
- لا اقصد للاحسن
- هاا شكرا لعد مادام للاحسن
- وشعجب باقيه لهسه بلا زواج بناتي كلهن تزوجن وهاي شمس بعمرج وصلاوات بتها مثل الكمر
- الله يسعدهن كلمن وقسمته عمه
- يعني انتي قسمتج لهسه ماجايه دكتوره صيدلانيه ومدري شدرسين وماكو احد تقدملج
- ابتسمت بأستهزاء شرد عليها بله عمه ماريد ازوج لاغيه هلفكره اصلا
- هممم لاغيتها ماكلتلج خطبنه لحسام بنت اختي نداوي
- والله الف مبروك ..
صدك هلخبر فرحني
- عبالج يبقى منتظر
- ينتظر منو
- لا خاف عبالج لهسه ذابح روحه ترى انتي مو باله

صدك عصبتني وكوه لازمه نفسي وابتسم جذب كلتلها.
- احسن شي لان اذا ابقى اباله يتعب ومايحصل شي
- شتقصدين
- ماقصد شي عمه يارب يسعده ويوفقه بحياته انا ماعندي اي مشكله ويه حسام يبقى اخويه وابن عمي وفرحت بهالخبر

بقت تخزرني بعينها خليتها كاعده يم شمس هي والبنات واستأذنت منهن ارتب البيت واحضر العشا لان عمه ام شمس راحت لبيتهم ترتاح وترجع دقايق وندك الجرس صاحت علي شمس حوري فتحي لباب لثائر كلتلها ماشي طلعت افتح لباب وانا اكول جبت تشيز كيك لو هم نسيت وجان يطلع بوجهي حسام

تفاجئت هو بقى صافن علي من زمان ماشايفته وحتى لو اشوفه اتجنبه ومالتقي بي  تراجعت شوي وكلتله هلو حسام تفضل
- هلو حور  شلونج
- ماشي الحال وانت
- الحمدالله
- شخبارك  .. تفضل ليش واكف
- الكلام كله ضاع مني
- نعم ؟!!
- ليش تتهربين مني
- وليش اتهرب
- حتى من اجي لبيتكم ماتنزلين تسلمين علي
- مااصادف بالبيت
- هااا حلوو
- راح تبقى ع الباب

دخل كعد بالصاله رحت جبت عصير وقدمته اله جان يتفحصني بنظراته الي متعوده عليهن ردت اطلع
لزم ايدي وكال اكعدي ماصدكت شفتج باوعتله وكلتله بلا هلحركات حسام ارجوك
- اكعدي ..
- رايد شي تفضل
-جاي اكولج اكعدي

كعدت ضل يباوع وهو عاكف حواجبه
- مضيع شي
- ايي ...
-شنو؟
- انتي
- حسام رجعنه مو كلشي خلص وانتهى
- بالنسله الج انتهى ةة.. سؤال اريد اسأله بس تجاوبيني بكل صراحه
- تفضل
- شنو سبب رفضج الي
- مارافضتك لذاتك بس انت مثل اخوتي وهذا كل مابلامر
- هاا خواتج بس انتي مو اختي
- بقت يمك حسام اهم شي انا شنو حاسه ناحيتك .. اعتقد احنه سدينه هذا موضوع
- انتم سديتوا مو انا
- انت مو خطبت شتريد مني بعد 
- خطبت بس مو الي بالي والي اختارها كلبي
- راح تتقبلها مادام راح تعيش وياها
-  ليش ماكلتي هلحجي لنفسج ليش ماتقبلتني
- انا اختلف
- بشنو !!!

سكتت مجاوبته .. كال
- اسمعيني حور قسم بالقران اذا عرفت انتي رافضتني ع مود شخص ثاني ماراح يصير خير

- انت شتحجي؟؟ اكو شخص او لا انت راح تزوج  وانتهى الموضوع
- لو ازوج 3 راح تكونين 4 بس لا عبالج خطبت وتزوجين الي يحلالج لا هذا حلم
- ههه عجيب ياربي شنو هو عناد
- اذا ع بالج اني لهسه ميت بيج لاا... هلحب تحول حقد بسبب صدج الي.. وزواجي منج ومن غيرج بس حتى اكسر هلخشم العالي

- انت موممكن تكون انسان طبيعي انت انسان مريض..

كام بسرعه ولزمني من شعري وصك على اسنانه وكال
-  منو المريض؟؟ هاا ولج ... والله لندمج
تعتبرين الناس كلها مرضه عندج مو؟؟
والله لحرمج الحياة ومااخليج تتهنين مادام انا عايش
- حسام اتركني لا تصير حقير ..
زاد بقبضته ع شعري حسيت بلالم نبتت اضافري بأيده وكال
-  الحقير هذا تعب وهو ينتظر منج كلمه تعب وهو ينتظر يوم الي يشوفج اله والله لعذبج اضعاف لعذاب الي شفته منج .. يحجي وهو يعت بشعري تالي دفع راسي وتركني كمت ع حيلي وكلتله

- اسمعني زين انا مو الك ولا راح اكون الك تحلم تلمس شعره مني .. تحلم تشوف كلمه حلوه مني.. لكم انا ضحيت بسعادتي بس حتى لا تنتكس روسكم وله انا من زمان عايشه حياتي مثل ماريد واتحسر عليها لحد الان  .. تركت كلشي وره ضهري في سبيل هيبت ابوي واخوتي تبقى مثل ماهيه.. جاي هسه تكلي لعذبج كد ماعذبتيني اذا تحجي ع العذاب اطمن شاربه المر من كعاني واصلا صار طعمه عادي عندي ومايهمني شنو يصير لو شراح تسوي لان انا ماشوفك ولا راح اشوفك فهمت ياا حسام يابن عمي

تركته وطلعت وانا اعصابي تلفانه وبقى هو يفور بدمه و يكول بصوت عالي وبعصبيه
-  عرفت سالفتج مو خاليه جنت متأكد عندج شخص بحياتج حقيره والله لشوفج الوجهه الثاني

امه سمعت صوته راحت تركض كالتله
-  شبيك شصاير
- خلصتو يله انروح
وطلع بعصبيه لحكتني عمتي فتحت علي الباب شسويتي لحسام انتي ماتخلصيني من شرج شتردين من الولد مرمرتي الله لا ينطيج
- انتم الي مرمرتوني ومللتوني عيشتي الله ميخلصني منكم شوكت الله ياخذ عمري وافتك منكم

ظلت تسب ودعي علي والله ياخذج ويخلصني منج اخذت بناتها وطلعت كعدت ابجي شمس كامتلي تمشي ع كيف من شفتها جايه كمتلها
-  شجابج تعالي رجعي بمكانج
- شصاير فهميني
رجعتها ع جربايه وهي تكلي احجي شبي حسام وياج
- شمس راح اموت والله تعبت
صرت انحب وابجي بحرگه
- الله ياخذه كافي ياروحي لا تبجين شسوه الي مايستحي
- هو بقت علي اذا الله موقابل يرحمني انتظر حسام يرحمني لو امي وابويه  جود... تعبت بعد ماريد هلدنيا والله تعبت والله مابقى شي بداخلي حتى يتحطم.. صرت كومه من الرماد
- بس كافي لا تحجين هيج تعالي
حضنتني وكأني ماباجيه صارلي سنين بجيت لحد مانشفن دموعي حسيت بلاعيمي تجرحت من الالم والعبره

حياتي كل معنى مالها جاي احس كلشي يصير وياي ثمن غدري بفهد او عقوبه الي لان عذبته
كل وعودي اله كاذبه .. جاي  ادفع  ثمن غلطة عمري بتركي لفهد اخ لو سامعه كلامة ااخ
....
فهد : رجعت الدوامي الحمدالله وروتيني القديم بين اهلي وربعي بس تبقى غصه بالگلبي محد يحس فيها الا انا  بس عندي ثقه برب العالمين مثل ماوصلت لهذي المرحلة من بعد تعب وعناء راح يمحيها من گلبي كلش وانسي شي اسمه حور وابدي حياة جديده بلا حب وبلا هم اشوف رب العالمين شنو قاسملي وراح اقبل بي مستحيل اغلط مثل هالغلطه َاخسر اهلي مره ثانيه واتغرب ... اخذت درس بحياتي عمري ماراح انساه

مايا كانت تتصل وتراسلني مرات اتعمد ماارد ومرات اسلم واسكر الخط بعدين كلتلها انا ماتركتج عشان اسولف معاج بالفون انتي لازم طلعيني من حياتج لا تنطرين مني شي ماراح اسوي
صج هي تبيني وشاريتني بس مااكدر احبها ولا اعطيها امل جورج اتواصل معاه كل ماسمحت لي الفرصه..
كنت جالس العب بليستيشن انا ولد اخوي شهاب سالت ع سلام في غرفته مدري وشعنده كلبي ناغزني رحت لغرفته ...... فتحت الباب ودخلت
- انت هني وانا ادورك
- شتبي
- بسولف معاك
- الحين موفاضي متشوفني مشغول
( تليفون على ذانه )
- الله .. هذا الكلام الي  لو لغيري بكلمك سكر الخط يله 
- شعندك..
-الحين اصكه كف..
- اكلمج بعدين بااي... سكرت الجوال شتبي ماتخلي الواحد ياخذ راحته
- انت تكعد بروحك وايد والجوال ماتتركه تصفن شعندك ولك كولي
- وانا حرمه تراقب فيني
- لان مو عوايدك .. حتي في داري ماكمت تنام مثل قبل  ولو جاك اتصال تاخذ الفون وتتكلم بروحك خابرك تسولف وانا موجود عادي عندك شلي تغير؟؟
- خصوصيات
- في احد بحياتك
- 😶 تكدر تكول جذي
- وماتكول بلسانك عظم
- الحين عرفت شتبي بعد
- من هي من بنته كيف عرفتها وش غايتك وش نهايتك معاها
- شفيك نزلت تحقيق زواج وشنهايته يعني
- عرفتها زين يعني متاكد من مشاعرك صوبها
- اكيد احبها وابيها بس ماتقبل اخطبها الحين هي عندها جامعه تبي تخلص.. وانا بعد مو جاهز ابي اكون نفسي اول
- على بركة الله .. ربي يتمملك ع خير ماكلتلي. من بنته
- قرايبنه بنت ابو مشاري
- اهاا عيل يخطبونها لا تحاتي
- ضحكت .. لا الحمدالله مطمن مو غريبه ماعندهم اعتراض لو كلتلهم

هو كال كلمة غريبه لو احسه صوبني بكلبي كلتله ان شاء الله خير

سلام : انتبهت شكلت وعرفت اني دست ع جرح فهد القديم رغم هو مااحسسني بشي ..
- فهد سموحه ياخوي ماقصدت المعنى ...
- شحكه تأسف انت ماكلت شي خطأ
- انا اسف
- بعده يتاسف سلامو شفيك ترى كلشي من الماضي
- متأكد انك نسيت ترى انا مو غشيم اعرفك زين واعرف وره هلضحك والمزح كلب مكسور
- عرفت وشيفيد تكدر تجبره
- فهد انا...
- اكول اسكت وسكر ع هالسيره  .. انتبه ع حالك البنت اذا تبيك وانت تبيها لا تضيعها من ايدك ع سبب دراسه ومدري وشو انت ماقاصرك شي انزين
- الله كريم
- تعال .. سحبته من رگبته وبسته براسه والله ونشوفك معرس وانا ازفك بايدي
- عسى الله لا يحرمني منك ياخوي
- ولا منك يابعد اخوك

فهد طلعت من غرفة سلام ع كثر مافرحان اله ع كثر ما هلكلمة قهرتني .. اعرف مو مايقصد شي بس هلكلمة تفهرني و تحز بنفسي مته تفهموني انها مو غريبه حور بنت گلبي مو غريبه
صج هي كسرت گلبي وكطته وراها وماسالت في بس مو گادر الا احبها .. احقد عليها بس احن الها وايد مشاعري كانت ملخبطه بس الي اعرفه انا للحين اتمناها .. اووف ياحور الحين وينج في؟؟
بتذكريني اجي على بالج ؟! وله خلاص حتى ملامح شكلي وصوتي نسيتيهن .. يارب اسعدها وين ماتكون وشيلها من گلبي مثل ماحببتني فيها

سلام: رجعت اكلم نوف ...
نوف تعرفت عليها بعرس ولد عمي حمد
يوم نزلن الحريم من السيارات

في بنت نزلت من السيارة ولد خالتي وره ثواني رجعت حك السياره تفتح فيها كانت مقفوله لتفتت يمين شمال كان الهوا عالي مسكت شالها اجيت عليها كلتلها ..
- كولي اختي امر
-  جنطتني تركتها بسياره
- طيب ثواني
- سيارتك
- لا بس دشي داخل وانا الحين اجيبها حكج

باوعتلي بنظرات محتاره ..كلتلها
-  شفيج مومصدكه..
تركتها وصحت ع ولد خالتي جبت المفتاح و فتحت سيارته وعطيتها الجنطه..
- تفضلي
- يعطيك العافيه ...
راحت دخلت القاعه.. كانت حلوه
رحت يم الربع ماعرف ليش تمت صورتها وخجلها في بالي.. خلص العرس وبغينه نرجع للبيت حبيت اعطي سيارتي لولد خالتي وانا اخذ سيارته بغيت اشوفها بعد اكثر وفعلا اجت مع الحريم دشت للسياره وانا خليت اغاني والحريم تصفك عكست المنظاره عليها اشوفها كيف تضحك وشلون تسولف شي ما جذبني لها تتكلم مع الحريم الي جنبها وتصفك وتبتسم وانا مستمتع اشوف حركتها لاحظتني اراقبها طالعت بعيوني نزلت اديها وبعد ماصفكت وخجلت وايد.. انا ماشلت نظري منها وهي طالعني بالخلسات اخر شي غمزت لها من المناظره ارتبكت وايد وخرت راسها موليه وخلتني مااشوفها الى ان وصلنه نزلن ظليت اباوع الها جد عجبتني بس شو نوع العلاقه ماحددت بغيت اتعرف عليها سالت عليها وعرفت انها بنت عايله ونعم فيهم مال وجاه واداب تدرس ترجمه ظليت الحكها من دوامها لين بيتها سالت عليها مافي حد بحياتها عاد قررت اصارحها وفعلا تكلمت معاها  صدتني مره ومرتين وتكول انا مو حك العب الى ان جد شفت نفسي احبها وابيها بالحلال عاد ماخليت الطريقه ماسويتها الى ان اقتنعت نكعد مع بعض بجامعه ونتعرف ع بعض ومن بعدها صار كلشي تمام حبيتها وتعلقت فيها كثير كنت وحيد من بعد ماسافر فهد بس يوم شفت نوف كلشي تغير ..

الحين هي ماتقبل اتقدم حكها الا تتخرج وانا اتمنى فهد يتزوج قبلي واشوفه سعيد بحياته مابي احسسه بشي من دون مااعلم بس شسوي العقله الي مو راضي يفكر بشي ...

عدت ايام عادية

الحجيه : ام سعود ... فهد وسلام وينهم
- فهد بغرفته و سلام طالع
- زين
فهد : كان راسي ثكيل واحس بصداع شربت دواي ونمت وللحين مصدع .. نزلت تحت اشرب شاي شفت امي وام سعود جالسه تسوي حلا

- يعطيكم العافيه ...
- الله يعافيك..
- ام سعود كوب شاي
- من عيوني
- ابيهن سالمات هلعيون الحلوه
امي : هاا تغزل بام سعود شعندك
- هذي الغاليه ليش مااتغزل فيها
ام سعود : يعز غاليك ياوليدي ثواني واجيبلك الشاي .. راحت..
امي : فيك شي
- لا
- تعال هني ... طرحت راسي بحجرها ... وكعدت تمسح وتقره علي
- فديتج.. بست ايدها 
- يمه كولي انت فيك شي تبي شي
- ابي سلامتج حجيه وربي يوم اشوفج تضحكين ومستانسه احس اني مرتاح ومافيني الا العافيه
- يابعد عمري انت بس احسك تعبان
- تعودت
- كولي يمه وشمنه تعبان
- من كلشي
- تروح حك طبيب اخبر اخوانك كولي وشسويلك
- خليني نايم هني وبس
- يمه لا تخوفني عليك
- مافيني شي دامني بحضنج مافيني الا العافيه
- يابعد عمري عسى الله يريح كلبك وينولك الي بالك

غمضت عيوني وهي اسمعها تردد ايات من القران وتكول صابوك عين عسى الله يعمي عيونهم
عاد ضحكت وكلتلها
- عليمن يصبوني عين.. على عيوني الزرك لوشعري الاصفر
- يرحولك فدوه .. تبي ازوجك
- لااا
- وشفيك تكولها من غير نفس
- لان مالي نفس بزواج
- بشوف عيالك عيل مته تزوج
- شوفي عيال سلوم
- وشفي سلوم
- يبي يتزوج
- صج والله هو كالك
- ايي مخلي عينه ع بنت
- من هي
- من عندكم
- حنه من
- نسيتي اصلكم
- ضربتني ع متني وليش تطنز وتكولها جذي
- ماطنزت بنت من عندكم اكيد كلكم تستانسون ماراح حك الغريبه
- وشتقصد في كلامك
- ماني قاصد شي بس اكولج دام سلوم يبي البنت لا تكعدون دورن مظاهر ومدري وشو يبها اخطبوها اله

جابت ام سعود الشاي .. بهلوقت رن جرس فتحوا الباب وكانت الهام سلمت وكعدت كلتلها
- كيف حالج هذا مته يطلع
الهام كانت حامل وبلاشهر الاخيره
- مدري تعبت
- عسى الله يسهلج عيل عيالج وين
- عند خالتي
- وايوب وين
- طالع
- منو جابج
- سالم ولد سعد
- فيج شي
- لا جيت اشوفكم
- طيب هلا فيج
رجعت تمددت وانا مغمض عيوني بس الهام مو على بعضها احس فيها شي تسالها امي وهي ترد عليها كلمة كلمة وبعصبيه كلتلها
- الهام تحجي شعندج
- مافي شي يخوي
- عيل اكوم وتكلمن ع راحتجن
- لا اكعد ماعندي شي اكوله
- وليش اشوف العكس
- لا تعبانه ومالي خلك من الحمل وبس
- طيب ...
بغيت اكوم واشوف الحجيه ترفع بحوجبها لالهام مدري شعدهن ..

- الهام انا بروح الحين يمكن عندج سالفه بينج وبين امي بس لو عرفت متضايقه من احد لو ايوب دايسلج ع طرف لا يلوم الا حاله !؟..
- انتم ع طول معصبين .. انا عشان جذي مااجي واسولفلكم
- كولي وشعندج صحت فيها
امي ندستها عشان لا تحجي...
- يمه خليها تحجي شنو صاير  ..... منو معاج

تصويت 😊