ام البنات (20)
السلام عليكم ورحمة الله وبركاته...
البارت بيه كلام تقريبا +18 فاللي ميعجبها لتقرأ
وقراءة ممتعه للبقية...
&&&&&&&&&&&&&&&&
.
.
قبل فترة طلبت شوق من اماني ان تساعدها في اختراق فيس بوك عصام لانه غير باسوورد الحاسبة وبهذا اليوم الذي اجتمع فيه الجميع لاجل استقبال سهيلة ومؤيد..
أماني:هذا زوجج مطفي بس دزيتله رسالة من حساب وهمي كتبتله على لعبة المزرعة السعيدة وشلون تحصل دنانير، دخل عالرابط اللي دزيته اله والحمد لله فتحه ودخل الايميل والباسوورد بدون ميعرف شنو القصة ههههههههه واكيد راسا ظهر عندي الايميل والباوسورد ماته..
شوق:اكولج لتظلين تفيكين عليه اني هاي السوالف مطفية بيهن المهم عندي حصلتيهن جيبيهن فتحيلي الفيس هنا بحاسبتج لان مااعرف بالفيس والتحفه ميقبل اسوي حساب فيس بوك..
أماني:وانتي جاي تحجين وياي فتحته الج،هاج شوفي..
تصفحت شوق حساب عصام،بدات بالرسائل القديمة قرأت العجائب،محادثات جنسية صور خلاعية له يرسلها الى البنات،غضبت كثيرا لكنها لم تهتم لانها رسائل قديمة،وهي تعلم جيدا ان عصام اصبح يميل الى ابناء جنسه،تصفحت الفيس بوك وانتبهت الى كروب غريب(مثليو العراق للكبار):ياا هنيالي والله،دخلت الى الكروب وشاهدت الامور المقززة وهي تقرا وتضحك..
اني شاب عمري 20 ابحث عن شخص يحترمني ويقدرني والحياة مو بس علاقة جنسية لازم اكو احترام بين الطرفين،اللي عنده هاي المواصفات يدخل خاص رجاءا بس للجادين
.
.
قرأت شوق هذا البوست وبكت من الضحك،تنظر لها اماني من بعيد:الله يثبت علينا العقل والدين.
.
.
تصفحت اكثر بالكروب
شباب اني ابحث عن حبيب بشرط عمره 40 فمافوق اريد عنده شوارب ويكون سمين للجادين فقط دخول عالخاص وهذه صورتي كدامكم شوفوها
.
.
.
شوق:اخ كلبي بعد ميتحمل 😂😂😂 هذولة شنو من بشر عوووع..
تصفحت قليلا رسفت القليل من الشاي..

غصت شوق في الشاي ونزل الشاي من انفها ضحكت لدرجة البكاء،اما اماني بقيت تنظر لشوق وتتأسف على حالها وبينها وبين نفسها(خطية شوق هذا عصام شسوة بيهة خلاها تضحك وحدها،خبال حتى خبال) ...
رجعت شوق الى اللابتوب وجدت منشور لعصام زوجها
شباب اني احب واحد واخاف اصارحه بمشاعري
.
.
شوق:عزة العزاني اخلص من رؤى هدور تحب واحد،خررب حظي الفگر،خلي اشوف التعليقات..
حمودي الأنيق:حبي روح صارحه هذا افضل مما تكتم مشاعرك بداخلك،ويجوز هو منتظر منك هاي الخطوة..
رجل شاب:حبي عصو ممكن صورة حبيبك حتى نقيمه
رد عليه عصام:اوك حبي حدزها الك عالخاص..
تصفحت شوق رسائل عصام ورجل شاب
رجل شاب:اويلي هذا يكطع فديتك عصو قنعه حتى يجينه للاستراحه واجيب ميشوو ويانه
شوق:خل اصعد فوك اشوف صورته هذا منو اللي يكطع(لان المحادثة طويلة احتاجت شوق وقتا أطول حتى استطاعت الوصول الى صورة حبيب عصو وكانت المفاجأة)
رمت شوق اللابتوب ولطمت وجهها:صخام وعزة ملكيت غير فلاح،نعلاعلا روحك اشتعلوا اهلك كلهم..
أماني:شكو شبيج تخبلتي؟؟
شوق:اي والله تخبلت وماظل عندي عقل
سمعت البنات صراخ فلاح على عصام..
أماني:هاي شكو ليش يصيحون؟؟
شوق:صخام الصخمني،عصام وفلاح وحدهم بالاستقبال،ركضت شوق بسرعة الى غرفة الاستقبال،وجدت فلاح يمسك عصام من رقبته يريد خنقه،باعدت شوق بينهم:شبيكم شصاير؟؟؟
ترقرت الدموع بعيون عصام مسحها بيديه قالت بصوت ناعم:اني مسويتله شي
فلاح:ليش يعني تريدني انتظرك،كوم اطلع برة ماريد اشوفك،خرج عصام من الاستقبال وهو حزين وكئيب،وقف امام الاشجار في حديقة البيت ومسح دموعه:كلبي يوجعني،ليش هيج فلاح مو اني حبيتك من كل كلبي وكانت مشاعري صادقة تجاهك،اه يازمن ااااه شلون حكدر انسى حبي الاول 😢😢
.
.
نظر فلاح تجاه شوق نظرات شك وريبة،فهو يعرفها جيدا منذ الصغر،مسكها من رقبتها:احجي لج شبيه عصام؟؟
شوق:مابيه شي،شبيه؟؟؟؟
عادت في ذاكرة فلاح لقطات ما حدث قبل ربع ساعة من شجارهم...
كان فلاح ممسكا بهاتفه الخلوي يرسل بعض الرسائل الهامة من اجل عمله،كان عصام يتقرب منه ويرمقه بنظرات
ولكن فلاح لم ينتبه له الى ان امتدت يد عصام ووضعها على فخذ فلاح،شعر فلاح بالقرف وتحول نظره تجاه عصام:شكو؟؟
عصام:سلامتك حووبي مرايد شي،وبدا يمسح بيديه على فخذ فلاح،اني مرايد شي بس قلق عليك لانك دتعب نفسك هواية،انتبه فلاح لحركات عصام ودفعه وضربه :تخبلت انت شنو هاي التصرفات
عصام:ارجوك فلاح اني احب التفاهم واكره العنف،عندها دخلت عليهم شوق وقاطعتهم....
.
.
فلاح:شلون مابيه شي؟؟؟وهو صاير من هذولة الكيكية(مثلي الجنس او هيج معنى)
شوق:ياا هاي منين جبتها
قبض فلاح على رقبة شوق بقوة:منين جبتها؟؟حاط مكياج وحاف وجهة وبنطرونه نازل كل هذا وتكوليلي منين جبتها؟؟؟احجي اني. متأكد انتي مسويه شي لان الشيطان اشوفه بعيونج يطفر من خباثتج،سوالفج اعرفها كلش زين شمسوية هالمرة؟؟
.
.
.
الشخص.الوحيد الذي تهابه شوق وتخاف منه هو فلاح،خافت ان تخبره الحقيقة ارتجفت شفتاها،نظر فلاح الى تلك الشفتين الشبيهة لشفتي ورود،تخبل ورود امامه شعر برغبة كبيرة في تقبيل شفتي شوق،لكنه استغفر ربه واعاد السيطرة على مشاعره..
ضغط على رقبة شوق بعنف اكبر:اقسم بالله العلي العظيم،اذا متحجين شنو اللي صار حظج اطيحه..
حكت شوق مافعلته بعصام،ضربها فلاح
غبية،غبية انتي بكيفج تتصرفين؟؟؟كان لازم تستشيرين واحد من عدنا بدل هاي التصرفات الفردية
شوق:المن استشير وانتو كل واحد حاير بهمه انت جنت قافل على روحك وامي وابوية مرضى مو بحيل مشاكل،اني اتصرفت تصرف صحيح،اللي مثل عصام حرامات ينحسب عالزلم ..
فلاح:استغفر الل ربي واتوب اليك،وهذا تصرفج الصحيح شنو نهايته؟؟؟وين تردين توصلين؟؟؟؟تدرين هسة هواي ناس انقتلت من هذولة الايمو والكيكية جاي يضربون راسهم ببلوكة ويقتلوهم يعني هسة اذا انقتل عصام فانتي السبب بهذا الشي..
..
شوق:اني قررت اكطع عليه الحبوب وان شاء الله يرجع مثل الاول بس قبلها لازم اتطلق،ويكون هو تعلم الدرس زين مو اي شخص يندگ بشوق
فلاح:راسج يابس وشخصية خالي احمد كلها بيج لاعندج رحمه ولارأفة بأي انسان..
تقربت شوق من فلاح وهمست في اذنه:انت هم بيك هواي من
.
.
.
.
.
.&
.
.
.
تقربت شوق من فلاح وهمست في اذنه:انت هم بيك هواي من جدي احمد الله يرحمه لو نسيت ثلثين الولد عالخال غمزت لفلاح وخرجت ..
.
.
دخل وعد ومؤيد وسهيلة الى البيت،كان عصام جالسا في الحديقة ولهذا فهو اول من استقبلهم:هلاو شونكم حمد لله على السلامه..
مؤيد&سهيلة باستغراب لتغير صوته وشكله:الله يسلمك
عصام:عمه النظارات طالعات يجنن عليج صايره كيوت كوووللش..
سهيلة:شكرا
مؤيد:عصام ينطرونك نازل صعده
عصام بدلع:ههههه لاعمو هاي الموديل كله هيج
وعد ومؤيد: ،خرج فلاح ورحب بهم،اكيد بعد الترحيب اعطوا الهدايا التي جلبوها من ايران لهم و......
.
.
.
ليلا.........
تقلبت شوق في فراشها،تفكر بكيفية السيطرة على عصام وجاءتها فكرة ان افظل مكان يبقى فيه عصام بهذه الفترة هو السجن،السجن راح تطلع منه رجال وايضا سيبقى بعيد عن الانظار لفترة،لذلك قامت بفتح فيس بوك عصام من لابتوبها الخاص واخذت الفلاشة التي اعطيت لها من قبل ذوالفقار وابتسمت
نشرت فيديو ل(تاج راسي) مع نونه الحنونه وكتبت كلام سب وشتم على الفيديو وبدقائق ثارت ضحة اعلامية كبيرة حول الموضوع..طبعا سجن عصام بتهمة التشهير في السمعه وان الفيديو مفبرك وكذا....
وطلبت شوق الطلاق وطلقت منه بعدما قصت لاهلها ماكانت تعانيه،القي اللوم عليها لانها لم تخبرهم منذ البداية واؤنبت لتصرفها وقاطعها مؤيد ورفض التكلم معها،لكنها لم تهتم لتأنيبهم لانها وحسب تفكيرها ان مافعلته هو الصحيح...
استاذنت شوق من امها في الذهاب الى السجن لزيارة عصام،فذهبت للسجن لرؤية،في نفس الوقت طلب مؤيد من فلاح اللحاق بشوق الى مركز الشرطة والاطمئنان عليها...
قابل عصام شوق وهو فرحا ضاحكا:هلو شوشو الشريرة
شوق:هه توقعتك راح تكون حزين وضايج شو اشوفك مبتسم وفرحان..
عصام:اني متأكد انتي الج علاقة بنشر هذا الفيديو،بس اني گلبي طيب وراح اسامحج..
شوق:لااا صدك شكرا لطيبة كلبك،لعد ليش مجنت طيب وياي بتعاملك لو من صرت هيج خلقة حتى صرت طيب القلب
عصام:بصراحة اني جنت تايهة ومااعرف شبيه وميولي اعرف اني جنت شرير وقاسي وياج واعتذر عن هذا الشي،اني بعد هذا العمر كله اكتشفت انه اني مااصلح اكون زوج لامرأة اني خلقت ذكر لكني بمشاعر انثى،فتحت شوق حقيبتها واخرجت منها زجاجة وابتسمت بمكر:شايف هاي الكدامك شنو؟؟
عصام:لا مااعرف..
شوق:هه شوف ياعصام الحالة الي انت بيهة تتسمى بالمثلية يعني الانسان ينولد بفطرته يميل للجنس الآخر لكن من يكون مثلي فاكو سببين لهذا الشي اما يكون سبب مرض بالجسم كالاختلال الهرموني او يكون مرض نفسي نتيجة تعرض الشخص لصدمة نفسية او للعنف او للاغتصاب من كان طفل فاحيانا يتحول هذا الشخص الى مثلي..
عصام: So what
شوق:سلامتك،هه تتذكر من كتلك عصام تجفى شري وابتعد عني،مقبلت وبقيت على عنادك وعبالك اني سهلة او ضعيفة الشخصية حتى تكدر بسهولة تهز كياني او تزعزع ثقتي بنفسي بتصرفاتك الهمجية وتخطيطاتك السابقة وية رؤى..
عصام:اهاا شلون عرفتي برؤى؟؟؟
شوق:العصفورة كلتلي،عالعموم اني حطيتلك هرمونات انثوية وخليتك تصير هيج..
عصام:متوقعتج تكون شريرة لهاي الدرجة،اني هسة اخذت عنج نظرة سيئة كولش،واذا بهذي تصرفاتج انه غثيتيني فانتي غلطانه اني هسة كولش مرتاح خصوصا بالسجن،لكيت هواي گايز هنا..
شوق:يراگل هههه خلي اشوفك ورة ميبدي يتراجع تركيز هذا الهرمون بجسمك شحتسوي وية الگايز
عصام:لو لااني حاليا ضد ثقافة العنف كان ضربتج.
وقفت شوق:هه اتمنالك اوقات سعيدة
.
.
خرجت شوق من مركز الشرطة،ارتدت نظاراتها ومشت بكل كبرياء وثقة وغرور،وجدت فلاح واقفا امام المركز ينتظرها..
شوق:اخر واحد اتوقع اشوفه هنا..
فلاح:عالخير السيارة الجديدة
شوق:خير اليصيبك،أشكرك
فلاح:يوم اللي تشترين بيه سيارة ياباني بدل هاي الصيني..
شوق:ان شاء الله بس ارتب أموري اشتري ارقى سيارة بنالي وبمجهودي
فلاح:لعد فلوس ابوج مو فلوسج؟؟؟
شوق:احب اعتمد على نفسي..
فلاح:الله يرزقج،شلونه عصام؟؟؟
شوق:بخير
فلاح:اكيد جيتي حتى تتشمتين بيه
شوق بكبرياء:اكيد طبعا
فلاح:وهسة؟؟؟
شوق:شكو؟؟؟
فلاح:ارتاحيتي؟؟؟
شوق:مفهمتك؟؟؟؟
فلاح:ارتاحيتي بعد كلشي سويتيه بعد هاي المخططات والتصرفات،ارتاحيتي
شوق:فوگ متتخيل،شعندك هنا؟؟؟
فلاح:ابوج قلق عليج وخابرني حتى اجي اشوفج شسويتي
شوق:متوقعت امري يهمة لهذي الدرجة وهو صارله اسبوعين ميحجي وياي
فلاح:اكيد امرج يهمنا كلنا،صحيح انتي غلطتي بس تبقين منا وبينا
شوق:اشكرك،اني اترخص،في امان الله
فلاح:في امان الله..
.
.
ركبت شوق سيارتها ولحقها فلاح من بعيد يراقبها،شعر باضطراب واهتزاز صوتها اثناء كلامها ففضل مراقبتها من بعيد..
فتحت شوق اغنية كاظم الساهر (عبرت الشط على مودك)وبدأت تغني وتطرب مع الاغنية
عبرت الشط على مودك وخليتك على راسي،بكل غطه أحس بالموت وبقوه أشهق أنفاسي وسميتك أعز ناسي كل هذا وقلت أمرك أحلى من العسل أمرك وين تريد أروح وياك بس لا تجرح إحساسي
دمعت عيون شوق وهي تدندن بس لا تجرح احساسي،صمتت وبقي صوت كاظم،عمر وعيوني بعيونك وأنت عيونك لغيري فضلتك على روحي وضاع وياك تقديري قول أيش قصرت وياك وش تطلب بعد أكثر،على ذراعي تنام الليل وأقول إرتاح وأنا أسهر،اوقفت شوق سيارتها على جانب الطريق،ازداد تنفسها ونزلت دموعها،انتبه فلاح لها اوقف سيارته ونزل فتح باب السيارة وينظر لشوق ولاول مرة يرى دموعها فقد تعودت شوق ان لاتظهر ضعفها امام احد كانت تنفرد لوحدها وتبكي،دخل الى السيارة وجلس بجانبها وبقيت الاغنية،وصلت لشاطئ أحلامك بتضحيتي وسهر ليلي ولا مرة گلت ممنون وأنا الل منهدم حيلي گول أشقصرت وياك وشتطلب بعد أكثر على كفوفي تنام الليل وأقول إرتاح وأنا أسهر
ازداد بكاء شوق فحضنها فلاح وبكت على صدره
فلاح:اششش كافي والله محد يستاهل دموعج
شوق:حبيته،فلاح حبيته من كل گلبي،ليش هيج حظي ليش؟؟
فلاح:اشش هو الخسر والله هو الخسران..رفعت شوق رأسها ونظرت بعيون فلاح الخضراء،كذلك فلاح نظر باتجاه شوق وعيونها الحمراء من بكاءها،مسح دموعها وابتسم:حرامات عيونج الحلوة تدمريها لخاطر عصومي الشرير،ضحكت شوق ههه
شوق:يلا كافي روح لسيارتك،خلي ارجع للبيت
.
.
.
.
.&
.
.
.
.
يتبع
ام البنات (21)
فلاح:اشش هو الخسر والله هو الخسران..رفعت شوق رأسها ونظرت بعيون فلاح الخضراء،كذلك فلاح نظر باتجاه شوق وعيونها الحمراء من بكاءها،مسح دموعها وابتسم:حرامات عيونج الحلوة تدمريها لخاطر عصومي الشرير،ضحكت شوق ههه
شوق:يلا كافي روح لسيارتك،خلي ارجع للبيت
فلاح:مااكدر اروح واعوفج،خاف متكدرين تسوقين سيارتج،اغمضت شوق عينيها وعادت مرة اخرى شوق الانسانه القوية،تغيرت نبرة صوتها من الضعف الى القوة:لاميحتاج،وياريت اللي صار محد يعرف بيه..
فلاح بإبتسامه:تأمرين أمر ست،ترجل من سيارة شوق وذهب الى سيارته مبتسما،بعدها الى نفسه والى تصرفاته:شبيك فلاح تخبلت؟؟شنو هاي التصرفات مال المراهقين غبي غبي...
.
.
.
حسام:بوية عندي موضوع مهم وياك..
ابو حسام:هاابني خيرك؟؟
حسام:بابا اني اريد تفاتح عمي مؤيد بموضوع مهم..
ابو حسام:حسام اذا قصدك على تهاني فهي ...
حسام:لا بوية مو تهاني،اني اريد اتقدم لأماني..
.
.
.&
.
.ابو حسام:اماني؟؟؟؟هاي السمرة
ام حسام:سمرة شنو؟؟؟گول سودة گول صخلة گول عبده
حسام:يوم مااسمحلچ تحچين بهذا الاسلوب،هي مااختارت لون بشرتها،الله خلقها هيج..
ام حسام:ومن قلة البنات حتى تأخذ هاي؟؟؟
ابو حسام:ابني اكو احد ضاغط عليك؟؟؟اكو احد جبرك تتزوجها؟؟؟؟هذا الموضوع قبل فترة استاذ مؤيد فتحه وياي ولمح لي انه يريدك تتزوج أماني...
حسام:حلوو،يعني استاذ مؤيد ماعنده اعتراض
ام حسام:بس اني عندي اعتراض،مااقبل ابني الشاب المرتب اللي الف بنت تتمناه واللي مناقصة شي لاشكل ولامادة ولاأخلاق،يتزوج سودة،زين ليش هي؟؟؟اذا عاجبك تتزوج من بنات الأستاذ مؤيد،اخذ تهاني شگرة وحلوة تخبل..
حسام:يووم البنية داومت يمنا بالعطلة الصيفية، كنت اني مديرها تعاملت وياها وعرفتها وعرفت اخلاقها ومتنطي مجال لأي أحد،اخلاقها عالية وية الكل..
ابو حسام:وتهاني؟؟شنو موقعها من الإعراب؟؟موچنت قبل تريدها؟؟؟
حسام:تهاني اللي يشوفها ينجذب لشكلها الحلو،بس اللي يتقرب منها ويتعامل وياها،راح يعرفها ويعرف اخلاقها باختصار اللي يريد ياخذ تهاني،ياخذها لأجل رغباته وبس،اما اللي يريد وحده تربي اطفاله وتحميه وتسانده بالحياة فياخذ وحده مثل أماني،اخلاق وعلى قدر كبير من المسؤولية..
ام حسام:اني مراضية ولو اموت مااروح اخطبها..
صرخ ابو حسام بوجه زوجته:مدام الولد قابل فترحين تخطبين وغصبا عليچ فهمتي؟؟؟
حاولت ام حسام تأخير موضوع الخطوبة لفترة:اني اكول انتظر اختي تجي من الموصل حتى نروح نخطبها..
ابو حسام:شوكت تجي؟؟؟
ام حسام:هالعطلة الصيفية...
ابو حسام:حيل هواي هو احنه اصلا بعدنا ببداية السنة،اني راح اخابر زوجها وبحيل الله نهاية الاسبوع يجونه ولو اني مااشوف الها داعي جية اختج،انتي وحدج اذا ترحين كلش كافي
ام حسام:لاشلون عيب وحدي اروح لازم وياي احد يجي،خواتك بالبصرة ميكدرن يجن و ..
قاطعها ابو حسام:خلاص خلاص،نسوان تحبن اللغوة...
.
.
جلست أفراح تنظر الى ابنها الوحيد في التلفاز،فلقد اصبح ابنها معذب قلوب العذارى بسبب وسامته وطبعه المحبوب لدى الكثير من الناس
أفراح:تحفظك الزهرة وليدي،اللهم صل على محمد وآل محمد ربي يحفظك من كل عين..
دخل عمر ضجرا وغاضبا:السلام عليكم
وقفت أفراح لاستقبال زوجها:عليكم السلام اهلا ابو وليد شلونك..
عمر:موزين ولعبانه نفسي من هاي الوضعية..
أفراح:ياستار شكو شصاير؟؟؟؟
عمر:الحكومة جاي تتعامل وية المواطنين على اساس طائفي،وهاي من غير السيطرات اللي نص الواگفين بيهة مكبسلين بس مسوين ازدحامات وكلشي ميسوون حتى تفتيش ميفتشون بس هيج واكفين
أفراح:لاحول ولاقوة الا بالله العلي العظيم،شبيهم تخبلوا هذولة
عمر:مجاي افهم ليش هيج يسوون موكافي مشبعتوا من الطائفية ومن الذبح والقتل،ليش ميتعاملون وية الناس بالعدل؟؟؟وين الديمقراطية والحرية وهمة الشوارع تارسيهة سيطرات اذا واحد يطلع مشوار عشرين متر ياخذله ساعتين حتى يوصل،وتدرين جاي ياخذون هاي الشباب ويسجنوهم ويعذبوهم بس حتى اهلهم يدفعون رشاوي الهم،وداعتج كلها نفس الشي راح علاوي اجانه عليوي..
أفراح:الله يستر،موكتلك مااريد ارجع للعراق،بس انت اصريت على الرجعه،اكل خبز وبصل ولااعيش بالغربة موهذا كلامك اتحمل لعد..
عمر:شدراني هيج العيشة طايحظها،مختار العصر مدمر الناس دمار بالطائفية،تدرين نص الشرطة والجيش اللي هنا مو من اهل المنطقة،كلهم جايبيهم من غير محافظات وحاطيهم هنا بس حتى يبتزون الناس وطبعا كله ابتزازهم على اساس عرقي،يوگفون يسبون الصحابة والسيدة عائشة ولازم المقابل يسكت الهم واذا مسكت راح تطين عيشته بسببهم
أفراح:لاحول ولاقوة الا بالله،ادري شيريدون يحصلون من السب والشتم،أهل البيت وين وهذولة وين،شوهوا المذهب بهاي سوالفهم..
عمر:ساعة السودة اللي رجعت بيهة للعراق،لو ادري العيشة هيج،جانت سافرت لتركيا وقدمت لجوء
أفراح:والله يا عمر لو تخلينه نسافر،والله خايفة على وليد منهم،تدرين بس هو الية بهاي الدنيا...
عمر:هااا صارت بيهة وليد،لعد وابو وليد متخافين عليه
أفراح:هههه انتو وتاليتها وياكم،لهسة واحد يغار من الثاني،اثنينكم معزتكم بكلبي وحده،ليش تتحسسون من اقل كلمه اكولها الكم....
عمر:لامااتحسس اني بس انتي متهتمين بيه مثلما تهتمين بوليد
جلست أفراح بجانب زوجها،وضعت رأس عمر في حجرها،لمست شعر عمر المملوء بالشيب وبدأت تمسح عليه،تشابكت نظراتهم فابتسمت افراح:هو اني شعندي غيركم بهاي الدنيا،الله يخليكم اليه ويحفظكم يارب...
عمر:اممممم أفراح،بعد شگد على موعد وصول وليد
نظرت افراح الى الساعة الجدارية:يعني فد نص ساعة
عمر:اي يعني نلحگ
دخل وليد للبيت:شتلحگ على شنو،اووه ماي گاد،اترك البيت شوية ارجع اشوفكم مگضيها رومانسيات..
نهض عمر:ادري لهنا لاحگني،شوكت تعوفني بحالي،يلة روح لغرفتك،نام وليد بحجر والدته وقبل يديها:مشتاقلج مووت،تأفأف عمر وتحرك من مكانه:يلا كومي صبي الغده..
وليد:بس اني موجوعان بعد وقت الغدة
صرخ عمر:اني جوعان اريد زقنبوت يلة گومي اريد غده
قهقهت افراح لتصرفات زوجها وابنها،نهضت من مكانها ومرت من جانب عمر وهمست له:اليوم خلي مقداد ياخذ وليد يمه
ابتسم عمر:اي ذكرتيني بذيج الايام ههههه
وليد:شتحجون؟؟؟
انقلب وجه عمر:اعوذ بالله منك،بكلشي حاط روحه عبود...
.
.
.
.
.
طرق فلاح باب بيت مؤيد،فتحت شوق الباب وبعد التحية والسلام،سألها عن مؤيد،فاخبرته بوجود ابيها في المكتبة مع والدتها،فتوجه فلاح الى المكتب وقبل ان يطرق الباب سمع حديثهم...
مؤيد:شلون فكرتي بهذا الشي؟؟؟ شوق وفلاح مستحيل يتفاهمون،نار وشرار شلون ترديهم يتزوجون ويبقون ببيت واحد
سهيلة:احسن مما تزوج تهاني لفلاح،تهاني بعدها صغيرة مو حمل مسؤولية رجال واطفال اثنين وهي اصلا متريد فلاح،وفلاح ارمل وشوق مطلقة شكو بيهة اذا تزوجوا؟؟؟؟
مؤيد:استغفر الله سهيلة،استغفر الله لو احجي منا لباجر الصبح هم متقتنعين،سهيلة افترضي فلاح امريكا وشوق روسيا،هم فد يوم سمعتي امريكا ورسيا متفاهمين؟؟؟الشغلة مستحيلة،اثنينهم شخصيتهم قوية واثنينهم يريدون يمشون كلامهم وراسهم يابس وحجايتهم وحده هذولة اذا انجمعوا ببيت واحد يفلشوه..
سهيلة:شفت شلون
.
.
.
&
.
.سهيلة:شفت شلون حجيت صفاتهم،بس مذكرت الصفات الإيجابية لهذا الزواج،اولا فارق العمر بين شوق وفلاح اقل من تهاني وفلاح،ثانيا شوق مطلقة وانسب شخص الها فلاح والا تتوقع ممكن يتقدم لها شخص ممتزوج اكيد اذا يجي شخص يتقدم لشوق اما مطلق او ارمل يريد خدامه لجهاله او رجال كبير بالعمر،اقلها فلاح نعرفه ونعرف اخلاقه،واهم نقطه هي انه تهاني متريد فلاح،حتى الزواج الإجباري حرام وانت رجال تخاف الله يامؤيد ليش تظلم البنية؟؟؟
مؤيد:اني قررت وخلاص،قراري نهائي اصلا اني مفاتح فلاح بموضوع تهاني فشنو ترديني هسة اروح لفلاح اكولها تعال تزوج شوق؟؟؟مااگدر مستحيل اسوي هيج شي.
سمع فلاح كلام مؤيد وسهيله كله ترك المكان وتوجه الى حديقة البيت حيث اولاده احتضنهم وقبلهم وبقي يلعب معهم،الى ان انتبه مؤيد من خلال نافذه المكتب الى وجود فلاح في بيته فذهب هو وسهيلة لأستقباله والترحيب به...
بقي فلاح في بيت مؤيد الى ان حل الظلام،وبعد اداء الصلاة وتناول العشاء،انفرد فلاح بمؤيد في المكتب،تناولوا الشاي وتكلموا في مواضيع عامه تخص أمور العمل وسياسة البلد،بعدها حمحم فلاح وطلب من مؤيد الاذن بالتكلم بموضوع مهم..
فلاح:اني صارلي اسبوع مفكر بفد الموضوع واتمنى انك توعدني مترفض هذا الشي.
مؤيد:اول شي اعرف شنو الموضوع وبعدين افكر أرفض او لا..
فلاح:الصراحه اني اريد اتقدم لشوق بعدما تنتهي عدتها..
ارتبك مؤيد:انت سامع شي؟؟؟سهيلة حجت وياك بشي؟؟؟
فلاح:ليش صاير شي؟؟؟
مؤيد:هااا لا ماكو شي بس تفاجأت،توقيت طرحك للموضوع غريب
فلاح:اني اشوف شوق هي اكثر شخص مناسب لتربية اطفالي وهي انضج من تهاني واكدر اعتمد عليها واحملها مسؤولية اطفالي والبيت وياهم..
ابتسم مؤيد لفلاح:الله كريم،خلي تخلص عدة شوق ويصير خير
فلاح:ان شاء الله ميصير الا كل خير......
...
.
.
.
اخبر مؤيد سهيلة بحديثه مع فلاح وطلب منها السرية التامه لحين انتهاء عدة شوق،اما سهيلة فلم تستطع ان كتمان هذا الخبر فبلغت تهاني التي طارت فرحا فور سماعها لهذه الاخبار.
.
.
.
صباحا،......
توجهت تهاني الى مكتب الشركة واستأذنت الدخول الى مكتب حسام .
حسام:خير ياطير؟؟؟
تهاني بفرح:حسام حسام اخلي راح يزوج شوق لفلاح ..
حسام ببرود:ايه وشنو يعني؟؟؟
تهاني:شنو شنو يعني؟؟؟يعني اني ووياك نكدر نرجع لبعضنا..
حسام:ههه نرجع؟؟؟شنو هالكرم الحاتمي والتواضع اللي عندج،هه مو اني حافي ومنتف وابن فگر ومورجال وجنت بالنسبة الج تسليه لااكثر..
تهاني:اعتذر منك حسام،كانت لحظة عصبية لااكثر اني اعترف اني غلطت بحقك،وتجاوزت عليك هواي،اعتذر منك بس جانت حالتي النفسية زفت بسبب هذا الموضوع..
،.
.
.
.
.
.
.
.
.
وضع حسام كف يده على وجنة تهاني وابتسم:تحضري بنهاية هذا الاسبوع اهلي راح يجوكم،قفزت تهاني فرحا واحتضنت حسام،اغمض حسام عينيه وعض شفتيه بقوه،كان كلام تهاني يرن بإذنه،جرحته كثيرا واهانته اكثر فهو لم ولن يغفر لها...
.
.
.
خلال هذا الاسبوع عادت ياسمين واحمد من السفر بعد علاج دام لستة اشهر فشلت كل محاولات الاطباء ولم يحصل حمل،دخلت كئيبة وحزينه:احست ان هموم الدنيا جميعا فوق راسها،حاولت سهيلة واهلها التخفيف من حزنها لكن بلا فائدة،ارادت وخلال السنوات الست من زواجها طفلا واحدا،واحدا لااكثر...
.
.
صباحا......
توجهت ياسمين مع زوجها أحمد الى بيت اهل زوجها في الحلة،استقبلها اهل زوجها ببرود،كان والد زوجها مريضا في الفراش لايقوى على الحراك،يأس الاطباء من شفاؤه واخبروهم بتوقع موته في اي لحظة...
دخل احمد لغرفة والده وبعد السلام والتحية..
ابو أحمد:احمد هاي صارلكم ست سنين بلا زواج وانت وعدتني اذا مصار طفل بهاي سفرتكم لتركيا،راح تتزوج بنت خالتك واظن هسة لازم توفي بوعدك اليه..
أحمد:صحيح اني وعدتك بس والله صعبة مااگدر،بوية انت حطيتني بين نارين،نار رضاك ونار فقدان ياسمين..
ابو أحمد:هاي عاقر،ميصير عدها أطفال،شكو لازك بيها؟؟ابني انت وعدتني ولازم توفي بوعدك...
.
.
في غرفة اخرى....
ام احمد:والله ابني احمد وعدنا اليه ولابوه اذا مصار عدكم جهال بهاي سفرتكم لتركيا،ازوجه جيهان بنت اختي
ياسمين:شنو؟؟؟هذا الكلام اول مرة اسمع بيه وبعدين انتو شعليكم تتدخلون بحياتنا الخاصة؟؟؟
ام أحمد:والله حياة ابني هي حياتي وهاي طبيتوا بالسنة السادسة من زواجكم ولهسة بلا جهال
اخت احمد:خليه يتزوج جيهان ويخلف منها احسن منا يگابل عاگر مثلج ويمضي عمره وياج بلا طفل،ليش تصيرين انانية وتفكرين بس بنفسج؟؟؟
احست وكأن سكينا طعنت في قلبها شوقها لاحساس الامومه شوقها لاحتضان طفلها وفشل العمليات السابقة وكورسات العلاج كل هذا أثر تاثيرا سيئا على نفسيتها،صرخت بأعلى صوتها:معليكم معليكم بينه احمد اليه وبس مااقبل يكون لغيري مااقبل
اخت احمد:ومنو يگول احمد يريدج؟؟؟مفكرتي بيه انه يريد يتزوج وانتي واقفه بطريق سعادت..
ضربتها ياسمين بقوة اسقطتها على الارض،سمع احمد صراخهم ركض وحاول المباعده بينهن:شبيجن تخبلتن شنو هاي التصرفات مال الهمج،صرخت والدة احمد:مرتك مخبلة ماعدها عقل راد تكتلها لو انت تتدخل،التفت احمد لكي يسأل ياسمين،لكنها لم تكن موجودة صرخ باسمها لكن لايوجد رد،بحثوا عنها في البيت لكنها لم تكن موجودة...
خرج الى الشارع لكن بلافائدة،اختفت ياسمين ولم تترك لها أثرا،تركت هاتفها تركت كل شي اغراضها مستمسكاتها حبيبها كل شي،اصيب احمد بهستيريا سببها اختفاء ياسمين،قابتلها بردوة اهله وعدم اهتمامهم بالأمر،غضب بشدة وقف في صالة البيت:هذه رجلي تنگص اذا عتبت باب بيتكم بعد وخاف ابوية يكول اني متبري منك لا اني اللي متبري منكم كلكم،ترك البيت واتجه الى بغداد،ظنا منه ان ياسمين قد عادت لبغداد...
.
.
.
.
Flash Back....
خرجت ياسمين من البيت وهي بحالة انهيار عصبي اقترب من الشارع واوقفت سيارة التكسي،استغرب السايق الكبير في السن من حالتها عيون حمراء منتفخه اثار الضرب واضحة على وجهها،صعدت السيارة
السايق:وين تردين ترحين؟؟؟
ياسمين:وين بأرض الله گاع..
السايق:لاحول ولاقوة قوة إلا بالله العلي العظيم،تحرك السائق وبقي يسير في شوارع الحلة بدون هدف واضح،ارتفع صوت القرآن الكريم في مسجل السيارة ارتاحت نفسية ياسمين فور سماعها لصوت عبد الباسط،بعدها بكت كالطفلة وبدأت تشهق بأعلى صوتها،اوقف السائق سيارته:بنتي راح اخذج لبيتي،زوجتي علوية وجبيرة بالعمر تعرفي عليها وبلكت ترتاحين اذا بقيتي يمها،اخذها الى بيت صغير وقديم البناء،أدخلها الى البيت استقبلتهم امرأه كبيرة في السن:هاابو جاسم ارجعت أنچبلك الغده(بكسر الغين وفتح الدال)
ابو جاسم:ام جاسم عدنا خطار تعاي استقبليهم..
ام جاسم:ميتة هلة بيهم،تفضلي عيني تفضلي...
دخلت ياسمين الى هذا البيت القديم،ارتاحت الى هذه المرأة الكبيرة في السن بعد الغداء قصت ياسمين للمرأة العجوز ماحصل وحكت لها شوقها وحاحتها للاحساس الامومه....
ام جاسم:لچعتي گلبي بقصتج،كومي تحضري راح اخذنچ للسيدة شريفة بنت الحسن سلام الله عليها،هاي محد أجاها وطلب منها بگلب صافي ورجع خايب،اللي بيهم سرطان واجوها صاروا زينين،كومي اخذنج الها..
ياسمين:بس،بس
ام جاسم:كومي لاتبسبسين،وهسة انده لابو جاسم ياخذنه الها...
توجهت ياسمين الى السيدة شريفة مع ام جاسم وابو جاسم،دخلت الى الضريح،وبكت ودعت ربها ببركة السيدة شريفة ان يرزقها ويرزق كل محروم بالذرية الصالحة،وبعدها عادت الى بيت ابو جاسم وامضت الليلة عدهم على أمل العودة غدا الى بغداد..
.
.
.
اما في بغداد....
تهيأت تهاني لاستقبال أهل حسام وهي فرحة مستبشرة وتدندن(يانا يانا ويانا يانا في حبيبي اموت انه واموت انه في حبيبي.........)
سهيلة:يااهلا وسهلا بيكم..
ام حسام:وبيج حبيبه..
دخلت تهاني وأماني وشوق ورحبوا بالضيوف وجلسوا بجانب والدتهم...
ام حسام:خية احنه جايين وعدنا طلب يمكن..
سهيلة:تفضلي حبيبة ميردج الا لسانج..
ام حسام:ابني حسام دزني الكم حتى اخطب بتكم أماني اله..(جن جنون تهاني لهذا الخبر لكنها تماسكت حتى لاينكشف امرها هي وحسام)
سهيلة:أماني؟؟؟
ام حسام:اي خية أماني...
فرحت سهيلة لهذا الخبر:والله احنه ماعدنه مانع بس عدنا شرط تنفذوه نقبل بابنكم
ام حسام(فوك مراح امشي بتهم الصخلة هدور تتشرط):أمريني
يتبع
.