ياسين يحكي...
كملت الخدمة الكل...دخلت للبيت مع الفجر نطايح...شربت برشا مع الرجال.....نلقى كريم قاعد عالفرش...وجهو مايتفسرش...سكرت باب البيت و ترميت عالفرش على ظهري...حطيت يدي ورا راسي نحكي...
انا:مخلي مرتك و جاي لبيتي ماو لباس ..
رمى عليا باكو دواايات...و قاام يحكي بغش...بكل عصب الدنياا ...مينجمش يصيح باش ما يسمعو حد...عروق رقبتو بانو.......شدني من مريولي...قيمني لصقني للحيط...
كريم:اول مرة نمد يدي عليك ياسين...انتي لزيتني...فيق ...شبيك...علاش قصيت على دواك اه...من صغرة بابا كان في جرتك...كبرت و صار الحادث...حالتك زادت على قدام...و زيد من صغرة و انتي دروغ بيضة حرابش...شرب هم ....شنوه اه شنوه...كملت على قدام دخلت في تجارة سلاح ...ماتت اختنا و زدت اكثر في دوزة متاااعك و قلت ميسالش ...جات نوران و قررت تعرس فرحت قلت خويا رتاح و باش يبعد على دومان...دخلت معاك باش نحميك...مكانش راني لباس عليا شاد شريكات و قاعد...اناا عندي مرتي حبلة جايني صغير في ثنية...مايسااعدش نبقى هكاا...فيق ياسين يزي...قلت نوران خانتك و مشيت ضربتها عملت الي تحب و جبرتنا ننسااوها و معادش نلوجو عليها سكتناا على رواحنا خوهاا بارك في تركينة مريض...شفت غسان شفت حالتو كيفاه باش يموت على اختو...لا بوه لا امو يسألو عليه...شفت امهاا كيفاش حالتها...نعلمك ياا سيد امها رجعت لدشرة ليوم...تعرف شي ياسين انتي ماتستااهلش نوران و اناا متأكد الي هي مظلومة ....اما انتي رجعت لعاادتك لقديمة...نتصور كي تشرب دواك يرجع مخك في بلاصتو...ولا تعرف كيفاه انا باش نهزك للمصحة بيدي...
شدني من يدي باش يخرجني...نطرتلو يدو...ضربتو ببونية...شديتو دزيتو عالحيط لين ظهرو وجعو...
انا:كملت كلامك اه...مايهمكش في ز*** اناا حر...و هاو نبه عليك اسم نوران معادش تجبدو على فمك...منسيتش الي كانت عايشة معاك و الله اعلم اش عملتو...احمد ربي مقتلتكش..و شي اخر...كي انتي خايف على مرتك و صغيرك تنجم تخرج من هنا شوفلك فيلا اخرى عيش فيها...
كريم:طرد فيا من دار بابا والله لا تحشمها...و نوران اشرف منك...تعرف شي...احسن ماعملت كي بعدت عليك...انا لو بيدي نشجعها...
شديتو من خناااقو...ننزل عليه...
انا:كريم اسكت باش نقتلك...
دزني بكل قوتو بقينا نتضاربو ...
كريم:باش داوي يا ياسين باش داوي...
انا:تي شيهمك في امي...
مرة يضرب مره نضرب...لين فشلناا زوز ترمينا عالارض...نلهثو..نفس خاارج بالسيف خشوماتنا بالدم...شدتني هستيريه متع ضحك...نحكي و نضحك نفس الوقت..
انا:نعشقها..مزلت نحبها و مانيش متحمل غيابهاا..هي خانتني...غدرتني...اناا شفيت كي حبيتهاا و وليت يااسين جديد...امااا رجعت لحالتي كي خلتني و باعتني...الخيانة مانساامحش عليها الخيانة لا.. نقتل عليهاا......تعرف كريم ولدي بااش نفكو منها تو منحبش ندور بيها لين تولد...خليها تولد و انااا نوريك فيها...الا منحطمهاا...موش ياسين الي طحنو و تلعب بيه...
كريم:جرب دور بيها تلقاني واقف في وجهك..دار هاني خارج منها و باش نهز غسان امي الهذبه و مرتي ابقى ارتع فيها وحدك...و انسى الي عندك خو...
قام باش يخرج...وقفتو كي شديتو من ساقيه...
انا: متأكد ...
كريم:اي ياسين وفا...انتي تخوف وليت...
خرج طربق الباب...تركزت بيدي عالحيط..وقفت دخلت لصالدو....دخلت تحت السباله بدبشي...ماء بارد هابط عليا...فمااش ماايطفيلي ناري شوي..غمضت عينياا تذكرت نهارتهاا انا وهي في دوش..مارسناا عشقناا و غرامناا و عشنا احلى لحظات...توحشت ريحتها و لمسة يديااتها صغرونين..تحوشت بلادتهاا و ضحكتها...توحشت مرتي ...هبطت دمعة تحرق على خدي...علاش حد ماهو فاهمني حاس بيا...هماا مايعرفو شي عليا...يعرفو الي انا مريض شيطان كهو...مسألوش عالاسباب...حتى خوياااا ميعرفش شنوه صار اناا وقتهاا كنت صغير ..اماا نتذكر الي صار الكل قدام عينيا...كبست على بونيه يدي...ياسين صغير مزال في داخلي موجوع...مزال يرعش و يبكي في ظلمة ....ظلمة الي مخرجني منهااا حد لتوا....خذيت نفس مسحت دموعي و نحيت دبشي المبلول كملت دوش و خرجت تمديت عالفرش غفيت طول....
نوران تحكي...
اسبوع تعدا معااودش رجع قتل ولادي و مشى...انتقم بطريقتو و برد نارو و لوحني...اناا الي ضحيت باش نمنعو انا الي قتلت جانا على خاترو...انا الي دخلت في ريسك المهم هو مايشدش ثانية في الحبس..في للخر باش كفااني...شعملي...ذبحني...قتلني و شوالي كبدتي...معطانيش فرصة نفهمو..مخلانيش نبررلو...مخلانيش نقلو ياسين راو باش يجوك توامة ولاد اولياء العهد كبما تحب...اماا عهد متع شنوة ! باش يطلعو ماافيوزيين كي بوهم .....امي خويا رمااوني زادة و صدقوه...بابا وصل الي حاجتو بيه...الوحيد الي قبل بياا و يعاني فيا صابر عليا...ادم اي ادم...كيماا لقيتو و اناا صغيرة ...لقيتو توا زادة في محنتي هاذي...قداش عز بيا...حكى معايا برشا و حاول يبرر في عوض ياسين...و حاول يبردلي وجيعتي اماا انا متقبلتش حتى شي ...تفكيري في كلام الطبيبة <<<مدام نوران انتي معادش تنجم تحبل مرة اخرى>>>
باش نعيش طول عمري وحدي...اناا مايلزمش نطول اكثر عند ادم...يلزمني نطلق و نمشي نبعد بعيد على ناس...حتى ادم من حقو يعيش حياتو و اناا منحبش نكون عالة عليه اكثر من هكا....اما قبل مانمشي يلزمني نعرف ادم شبيه يحكي بالالغااز علاش يتصرف هكا...شنوة الفيلم الي يحكي عليه...مخي تبلنتاا معرفتش فاش نخمم وين نشب اصلا...حليت عينيااا ...نشوف فيه راقد بجنبي...تبسمت
حطيت يدي على لحيتو...هبطت لصدرو بعدت المريول شوي نشوف في الاترااس..عديت عليه صوابعي...بدا يتململ باش يفيق جبدت روحي شوي...باش نقوم...و هو شدني راجعني ليه...وجهي مقاابل وجهو...انفااسنا تخلطت...دقات قلب قوات...حسيتو يغزرلي درا كيف...باسني من خدي بوسة خفييفة.... تكلم بصوت محجرش بالنوم...
ادم:وين هاربة بطوط...
انا:م...معندي وين هاربة علاش...
عدا صبعو على خدي..
ادم:فاش كنت تعمل تو !
انا:شي ...
ادم:امممم شي قتلي..باهي ويني بوسة صباح...
انا:هههه يا مزلت تنذكر قبل مانمشي نقرا نتعدا عليك نبوسك و انتي راقد و نهز فلوس من سروال...
باسني بوسة اخرى مرصوصة على خدي لين وجعني ...
ادم:اي نتذكر بطوطي مبنو هو...
ضحكتلو و بستو من خدو...جبدت روحي فيسع قمت...نحكي..
انا:ياخي لوقتااش باش نبقااو هوني..
تقعد شوي حط يدو ورا راسو...
ادم:شنوة فيسع قلقت...
انا:لا اماا نحب نطلق في اسرع وقت...
ادم:تحس في روحك سافا تو...
انا;امم الحمد الله...
ادم:مالة ليلة نحطلك الفيلم الي قتلك عليه...
عقد حواجبي ...قربت لعندو قعدت جنبو...
انا:وريني توا معادش نجم نصبر ...
ادم:توعدني تتحمل الي باش تراه...
هزيتلو براسي و قلبي يخض وسط صدري...تبسملي ندرا كيف و قاام جاب البيسي..خرج و رجع في يدو فلاشة...حطهاا...و حط البيسي على حجري...
نتفرج و دموعي نزلو شلال على خدي من غيير صوت...شديت البيسي بيدي نرعش...حملتو وقفت مبعدتش عينياا عليه جملة كملت تفرجت لين وفاا الفيلم كيما قال هو...هز البيسي من عندي...جبدني عندو عنقني...
ادم:اشششت علاش تبكي انتي تو هاذي الحقيقة ...احمد ربي انك معايا مكانش راك ....
حطيت يدي على فمو...
انا:متقولهاش...يلزمنا نرجعو لتونس توا...
ادم:شنوة!!
انا:عيشك ادم رجعني تو و في ثنيه تو نحكيو...خليني تو وحدي...
ادم:نوران اما....
انا:ادم ...
هزلي براسو وخرج...وقفت قدام المراية...نشوف في روحي...مسحت دموعي....خذيت نفس...كهو حان الوقت...كفاانا سمااح و غفران و اعذار....جا الوقت الكل باش يخلص حق الي صارلي في حياتي... بابا اولهم ابراهيم بن**** هاني جايتك ...
تعداو سوايع...وصلناا..مشيناا دار اخرى...حراسة متشددة ...حط الفاليزات يحكي..
ادم:على شنوة ناوية نوران...
خذيت نفس ...نحيت الفاست متااعي رميتها على الطاولة ...
انا:لعبة الانتقام...معادش نحب نطلق...نحب ننتقم ...
عدا يدو على وجهو...قرب لعندي...شدني من وجهي يحكي..
ادم:نوران سقف هذا منحبكش تدخل تحتو ماكش قدهم صدقني.. خليني انا نخدم خدمتي...باش نشدهم متلبسين...جمعة جايه فما عملية تهريب سلاح عالحدود..وهو باش يكون غادي...بعد مايدخل الحبس تنجم طلقو بكل سهولة...
جبدت روحي منو نهزلو براسي لا...
انا:لا لا ياسين ميدخلش الحبس...ادم عيشك منحبوش يدخل حبس...
ادم:نوران الفيديو الي تفرجت فيه يستااهل الحبس ولا ولا..
تبسمت على جنب ...وخرت تالي قعدت عالكرسي...
انا:يستااهل حاجة اخرى...
عقد حواجبو مستغرب...
انا:باش ندخل نعمل دوش و نحبك تهزني لاحسن كوافير هوني...
ادم:ههههه و علاش هكا محلاك متستحقش كوافير...
غزرتلو على جنب...
انا:ادم !
ادم;نوران شنوة الي في مخك...وليت معادش نعرفك ...
انا:هزني و مبعد تو نحكيلك كل شي
ادم:باهي ربي يستر منك...ياليتني مااوريتك الفيديو خوفتني صراحة...
ضحكت ضحكة عاليه بكل جواارح قلبي... هزيت الفاليز و دخلت للبيت... عملت دوش...لبست سيرفاات و هزيت في يدي ساك فيه لبسة اخرى و خرجت نلقااه يستنى فيا... طلعت جنبو...وصلي للكوافير و بقى يعمل في قهوة مقابلة صالون...ريڨلت اموري...وقفت قدام المراية...نشوف في روحي معرفتش روحي نوران البريئة ويني...البراءة نشات و دفنها ياسين ...الي كنت ساترتو عريتو...و الي كنت حاابتو قصيتو...تنهدت من كل قلبي... نسمع في حجامة تحكي ورايا...
هي:صراحة زينك صاروخ...و تبدلت برشا...في حالتين محلاك.. تلفت لعندها...
انا:عيشك ...تفضل ..
عطيتهاا الفلوس هزيت ساكي خرجت...نشوف فيه كي وقف مقاابلني نحى لينااتو يهز فيا و يحط...شاورتلو بيدي باش فاق من سرحتو...
انا:ادم شبيك هيا نروحو...
في لحظة تحول...
ادم:نورمال لابسة هكا انتي ....وينو مخط وين تسخايل روحك..تو تدخل و تبدل و تفسخ هالهم من وجهك و قلها ترجعلك شعرك...
تبسمت قربت لعندو حطيت يدي على خدو...
انا:ادم قتلك هيا...
جبدت روحي طلعت في كرهبة بقى ياكل في روحو و يخرنن ثنيه كامله مفهمتش علاش هذا الكل....
ساعة لابسة عادي عللخر...هبطنا دخلت لدار...وقف قدامي يشاور بصبعو ..
ادم;تو تنحي الي لابستو تي هاك موش لابسة اصلا ...
انا:ادم اقعد خلينا نحكيو ساعة..
جبدتو من يديه قعدتو جنبي و بديت نحكي...
نشوف فيه كي حط يدو على راسو كاينو يحب يدخل الكلام ف لمخو و يستوعب...
ادم:نوران بلهي تفدلك ...اكيد تفدلك...
هزيتلو براسي لا..
انا:نخليك تخمم ليلة و غدوة قلي موافق ولا لا..
قمت هزيت ساك دخلت للبيت سكرت على روحي...دموعي نزلو بالوقت...نغزر للمرايه...نمسح في المكياج...بعنف...وجهي طيبتو... منحبش نكون هكا منحبش هما سبب هماا الا مايخلصو ثاني و مثلث...
(خلي فوط فطريك💫😍)
نوران تحكي..
فقت صباح... نحل في عينيا بالسيف...ليلة كاملة نتفرج عالفيديو و تصااور الي في الفلاشة...عملت كوبي عليهم... و كل مقطع منهم يخص حد عمتلو كوبي في فلاشة وحدو و كتبت عليها اسمو..تبسمت بقهرة...اصلا معادش نجم نبكي دموعي معادش تبرد ناري شاعلة...تململت شوي قمت ..نلقى ادم يحضر في الفطور...قربت لعندو...هزيت نترشف في القهوة نحكي..
انا:ادم شوي اخر باش توصلني...عرفتلي اجتمااع وقتاه
ادم:غدوة اماا شبيك مزروبه
انا:لا بلعكس...و نحبك تأجل حكاية تشدهم متلبسين...تصرف...
نطر صحن من على طاولة...
ادم:لا عاد كثرتلها راك..تو نهارين تعاادو صحيح قتلك باهي موافق اما موش باش تدخل في خدمتي نوران راو جنيرال موش بابا..افهم انتربول هاذي...
حطيت كاس هزيت كيك نااكل و نحكي بكل برودة دم...
انا:اي صح جنيرال موش بوك اما كي ندخل انااا في لعبتكم كل شي يتبدل موش هكا!
نفخ بعصب ...عدا يدو على وجهو...
ادم:تحب تولي عميلة.. لا هبلت انتي...
انا:لا منوليش عميلة ...شوف مللخر هزني تو لغادي...و مبعد باش نبداو في الي تفاهمنااا فيه...تعداو نهارين ضيعنااهم هكاك...
ادم:باهي تو نهزك اما موش باش نخليك تقابلو وحدك...
غزرتلو على جنب...
انا:ادم شنوه تو...
ادم:باهي باهي هيا قوم...
هزيتلو براسي...دخلت للبيت...حليت درسينغ..جبدت جيب نوار قصير...و بيل نوار فيه الروج...و طالون روج...لميت شعري كودشوفال...عملت بانسو و روج فااقع في شفاايفي...هزيت سااكي و خرجت...عاطيني بضهرو..قربت حطيت يدي على كتفو...تلفتلي حل عينيه على وسعهم...
ادم:نوران فيباليش ماشية سهريه...برا بدل...
هزيتلو براسي لا...
انا:حكينا فيه الموضوع..تغيير هذا تابع شخصيتي جديدة الي باش تقضي عليهم واحد واحد..
بديت نعدلو بصوابع يدي...
انا:ابراهيم...ياسين...و نجيب منسيتش الي هو حب يبيعني..
ادم: و كريم...
انا:لا ردبالك مرتو حبلة خليهم يفرحو و زيد معملش معايا الخايب...و اناا باش نخرجو منها كي شعرة من العجين...منخليهوش يتضر....
ادم:نوران صدقني خايف عليك..
انا:ادم مدامك معايا و مساندني معندك علاش تخاف..
باسني من جبيني...شدني من يدي..و خرجناا..سرحت مع ثنية...كل شي تقلب و تبدل عمري ماتوقعت يصير معايا هكا...ندادي تو يقراو يخدمو لباس بيهم و اناا هذا الي جرا فيا...اما كلو بثمنو كلو باش يخلص..فقت من سرحتي على صوت الفران..خذيت نفس باش نهبط...
انا:ادم ستناني هوني
هزلي براسو...هبطت...كبست على ساكي اكثر...كل خطوة نقربهاا قلبي تقوى دقاتو...جيت داخلة وقفني واحد من رجالو...
انا:هبط يدك انا نوران بن***
هو:سامحني مدام نوران معرفتكش...تفضل..
عطيتو ڨحرت موت..و دخلت عرضتني في الباب للا نجوى...هزتني حطتني...
نجوى:الق** شيعملو في داري..
تبسمت على جنب..
انا:اخر وحده تحكي عالق** هي انتي..نسيت ولا نذكرك..
نجوى:متحشمش تحكي معايا هكا...برا لم روحك شوف اكا الحالة...تعرف فرحت كي طيشك على طول يدو حتى انتي تتلاوح بين اخوة و زيد هاربة مع خادم راجلك خييت..
خذيت نفس نهدي في روحي قربت لعندهاا اكثر لين معادش بيناتنا مسافة...همستلها في وذنيها نحكي...
انا:الدار رقم*** في ** متذكرك بشي هاذي... تعرف محلاك في تصاور...خاصة اكا البلون وتاك عللخر..
جبدت روحي شوي..نشوف فيها وجهااا حماار عللخر..
تبسمت على جنب...
انا:نضن وصلك ميساجي...و تو نقلك باي طالعة لبابا..نعرف الي هو هوني..
هزيتها و حطيتها...و طلعت اكا دروج...بقيت ندور في عينيا عالبيوت ...موش عارفه اناهي بيتو...بقيت نحل في كل بيت لبن وصلت لعندو هاذي اخر بيت اكيد هو هوني دقيت باب...سمعتو كي قال ادخل.. خذيت نفس و زوز كبست روحي دخلت...قام من فوق الفرش...يهز فيا و يحط...تبسم ندرا كيف...
ابراهيم:عرفتك باش تضربك الحيوط و تجيني...اما هاك تبدلت...
انا:اي هاني جيتك يا بابا..و جبتلك معايا فيلم تحفون...قلت نتفرجو مع بعضناا..
دورت عينيا عالبيت...نلقى االبيسي متاعو...قربت للفرش...هزيتو و قعدت شاورتلو بيدي باش يقعد جنبي...حطيت الفلاشة...و حطيتلو بيسي مقاابلو يتفرج و قمت اناا ندور في البيت و نحكي..
انا:ااه يا ابرهيم...اا سوري نقصد ااه ياا بابا...قداش دنيا دوارة...تخيل اه تخيل معايا...بالبوند العريض في جرايد و تلافز و الفايسبوك عااد عالم كامل يعرف... <فضيحة اكبر رجل اعمال في تونس اغتصاب فتاه قاصر و انجاب طفلة غير شرعية..وزوجته تشتغل راقصة و بائعة هوى و الخبر الاهم...قتل اخيه و ابنة اخيه..و هي تكون زوحة ابنه الوحيد...>> واو موش هكا بابا..اي عرفني على اختي عاد..اممم اسمها شهد موش هكا! عمرها 15 سنة... امها توفات و هي تولد ولا انتي عندك يد ! ههه اكيد عندك يد في موتها... شنوة برهوم متشدش روحك..
نشوف فيه كي يحل في قفالي شوميز متااعو..تخنق ملي يرا فيه..
انا:مصدوم الي انا عرفت ولا مصدوم الي مرتك طلعت **** سوري منقصدش هههه
قربت لعندو طبست عليه...نغزرلو في عينيه...دزني لتاالي وقام..
ابراهيم:فيبالك قادر نقتلك تو ندفنك في بلاصتك..
تبسمت على جنب...
انا:اي عاادي اعملهاا...و نص ساعة اخرى يهبط الخبر... راني بنتك اكيد باش يكون عندي ذكاء كيفك ...
ابراهيم:منين ليك هذا كل...
انا:حاجة متخصكش...
ابراهيم:المطلوب...
انا:صحيت المطلوب....
قعدت عاالفرش حطيت ساق على ساق..نحيت الفلاشة نلعب بيهاا في يدي..
انا:شريكة الي فيهاا كريم و انتي و ياسين و غسان...سمعت الي باش تتسكر بحكم معادش لاهين بيها..و لاهين بشريكات معاامل لخرين...متع مودالات هي موش هكا!
ابراهيم:هات مللخر مزلت موسع بالي معاك..
انا:لا عاد يلزمك توسع بالك...المهم اناا باش ندخل فيهاا..انتي باش تبيعلي منابك...و اناا باش نطلع شريكة لسماء...
ابراهيم:و انتي منين تفهم على قرايتك الهايله...
انا:ماو كان جا بابا راجل...راني موش هكا تو اما هو طلع على مراد الله.. المهم باش تعلن الخبر هذا في اجتماع الي جاي...اممم يعني غدوة ...
ابراهيم:على شنوة ناوية و منين ليك باش تشري...
خبيت الفلاشة...وقفت حطيت سااك على كتفي قربتلو ...
انا:بابا ولدك الي هو خويا ربي يفضلو كتبلي نص الاملاك..يعني عندي الكعب..وباش تعمل الي قتلك عليه مكانش الخبر يهبط و شوف شنوة يصير فيك...
ضيقت عينياا...
انا:مسمعتش شقتلي...
ابراهيم:ب..باهي تو نعمل الي قتلي عليه...
تبسمت على جنب و خرجت...هبطت اكا الدروج.. هذا لول..و مزال الباقي...الي باش يصير غدوة خطوة اولى باش تحلي برشا بيباان..اناا مزلت مرتو امااا مواجهة بينااتناا باش تكون قاسيه و صعيبة عليناا زوز ...
خرجت طول طلعت في الكرهبة نرد في النفس مقاابله و تحدي صعيب...حط يدو على يدي كبس عليا يحكي..
ادم:لباس..
هزيتلو براسي..
انا:تو بدا لعب..
ادم:كنت نحكي مع جنيرال...
انا:اي و بعد..
ادم:مفماش و مبعد...مدامك انتي عملت خطوة هاذي اكيد ياسين موش باش يهرب سلعتو و باش يتلهى معااك ...
انا:هذا الي حاجتي بيه..
غزرلي درا كيف..خذيت نفس...
انا:ادم شبيك ياخي موش عاحبك شي..
ديمارا الكرهبة لفت وجهو عليا...
ادم:عادي اعمل الي تحب..
انا:باهي نحب نجيب شهد عندي
ادم:الميتم موش باش يعطوهاالك بكل سهولة..
انا:الطفلة عمرها 15 سنة..
ادم:اي ولو ...ميتم راو كل شي قانوني..
انا:ادم نعرفك متحيرش...عيشك نحب نجيب شهد تعيش معايا..
ادم:نوران تو نحكيو فيه الموضوع...باش تخرج طفلة للخطر...خليهاا رايضه...
انا:باهي ادم باهي...
وصلنا لدار...هبطت و سكرت باب بنطرة...خلط عليا يحكي..
ادم:بربي هزو الباب معاك موش خير...
تلفت خرجتلو لساني و دخلت للبيت... عديت عشية كاملة قااعدة نتفرج و نخطط لكل شي...و قريت حسابي في كل شي..دخل عليا للبيت في يدو صينيه...
ادم:وليت نهار كل قدام البسي و ناسية روحك...قلت خليني نذكرك الي لازمك تتعشى و تشرب دواك ...نوران راك مزلت مريضة...
تبسمتلو ...خذيت من عندو صينيه بدبت ناكل و نحكيو على صغري و عمااايلي فيه كي كنااا في الدشرة...تعدات ليلة منعرفش كيف رقدت عندو...اصلا ستاانست بوجودو معاايا..ادم مختلف عليهم الكل...منعرفش علاش عمري مغزرلتو بنضرة اخرى غير خويا عشيري...و باش يبقى خويا و عشيري...عشقي لياسين كبير اماا بعد الي شفتو و عرفتو...يلزمني نمحي هالعشق خاترو دمرني و يمكن يكون سبب موتي شي نهار....
وقفت قدام المراية...نمكيج و حضرت روحي و هو باقي راقد... قربت لعندو... نفيق فيه حل عينيه بالسيف...
انا:قوم معادش وقت الاجتمااع تو راو.. هيا باش توصلني...
نطر المخده...يثبت في لبستي..
ادم:باش تمشي هكا...مستحيل على جثتي المرة هاذي باش تسمع كلامي نوران...مكانش انسى مفماش مشي...
ضربت بساقي عالارض..
انا:ادم نضن مانيش لابسه القصير..
ادم:اما صرك عريان...و زيد محزوقة لبسة...
انا:كل يوم باش تعمل هكا انتي ماو فهتك عاد..
ادم:دمي حامي الله غالب يا للا...
قام خرج من البيت كملت اخر لمسة...عملت برفان قوية و خرجت...طلعت في الكرهبة...معدتي بدات توجع...من الخوف و المواجهة الي باش تصير تو...اماا مايلزمنيش نبين ضعفي لاي حد...اناا باش ناخو حقي منهم كلهم حطوني بين انيابهم و خلاوني واحلة معلقة...موجوعة مهمومه...جا الوقت اناا باش نحطهم بين انيابي نعيشهم في الرعب...اناا الي باش نحرك خيوط لعبه من ليوم...
_____يتبع💖