بين أنيااب الذئاب🔥🔞

23💖

نوران تحكي...
واقفة قدام المراية...جنبي امي و اختي الصغيرة...نشوف في روحي بلبسة العربي ...محلاني ...شاشية فوق راسي...وجهي مغسول بما و صابون ..اي ماو في سبرنا ليلة الحنة منعملوش المكياج كان نهارت العرس...زغرتت امي ...عنقتها بكل قوتي ....فرحانة عللخر خاصة هي موش متغشة علياا و راضية عليا... كملت حضرت روحي و خرجت من البيت نشوف في ميساء واقفة في دروج تستنى فيا و معها بنات باش نهبطو مع بعضناا...هبطنا و تصدرنا في صالة لمة نسائية...الدربيك و زغاريط و راحة البخور الفاوحة...الشطيح و جو العربي قداش نعشقو... الحنانة بدات تحنيلي في يدي و انا دموعي نزلو قبل تمنيت نعيش لحظات مع اكا الواطي نجيب... اماا تو احلى لحظات في حياتي مع حبي الرجل الاربعيني الي قهرني بحبو و عشقو ...تعدات السهرية تهبل....بقيت قاعدة جنب ميساء نشوفو في حنة بعضنا و نحكيو ...
انا: تعرف فرحانة عللخر..
ميساء. : و انا زادة ماكنتش نتصور باش نعمل عرس من اصلو ...تعرف هالجو منحبوش اماا خذيت بخاطر امي الهذبه و تو صراحة عجبني هههه
انا: ههه ايا باهي.. ميساء غزرتلي تتبسم ...
انا: راك محكيتليش شنوة صار قبل ..
تنهدت و تبسمت..
ميساء: خلي توفاا هالجوحمه و نحكيلك كل شي في وقتو
هزيتلها براسي باهي... نغزر لوحدة تتمعجن غزرتها معجبتنيش حتى لبستها...قربت لعند ميساء باستها من خدها ...و تباركلها عرفتها جانا صاحبتها..حسيت الغزول ركبني .. ناقصتها انا تو و خاصة من نوع ياسين الي كان معاهم قبل .. ربي يستر اوووه نقتلو والله ...
قعدت مقابلتنا ...حسيتها موش حاملتني تتشوحرلي ....شعور متبادل ا وخيتي... عطيتها ڨحرت موت و لفت وجهي عليها... تعدات ليلة كل حد شد بيتو...رقدت من تعب محسيت على شي...نهار جديد شمس ساطعة في كل ركن في البيت ... ليوم كتبان صداق ...قلبي في الالف اصل..اما نحس في روحي موش فرحانة كالعاده نحس في قلبي مقبوض ربي يستر ...مزال يوم كهو عالعرس بحكم غدوه الحنة متع ياسو...ااه توحشتو ياا ربي ....وقفت في البالكون نشوف فيه كي داخل و معاه العدل باين لابس جبة قداااشو موهر فيها ياا ربي يقتل راو ...و انااا لابسة قفطان في البااج ....و عاملة حجاااب و كالعادة مانيش عاملة شي في وجهي...دخلت من البالكون..نمشي نجي في البيت...نستنى وقتاه ينادولي...تعدا شوي وقت..جاتني امي و ميساء هبطت مطبسة راسي باش نموت بالحشمة...خاصة ناس كل مركزه مع كل خطوة نعملها...قعدت جنبو و العدل بدا يحكي ...مركزتش مع حتى كلمة مافقتش بروحي كيفاه صححنا و كملنا صايا...حسيت روحي في غيبوبة...وجيعة في كرشي...ولدي فرحان كيفي اكيد...وجيعة مرة تقوى مرة تخف حاولت منبين شي... منعرفش قداه تعدا وقت..ناس بدات تروح ...و اناا نحس في روحي عرقت بكلي ريقي معادش لاقيتو...ناديت لميساء بيدي..جات حذايا.. انا: ميساء بربي هيا خنطلعو معادش فيا و زيد موجوعة شوي مغير ماتقول لياسين متحيروش..
ميساء: لا ووه خليني نقلو ... انا: لا لا عندي دوايا هيا بربي.. شدتني من يدي و طلعنااا..القفطان خنقني نحيتو و لبست بيجاما ستان في الموف.. تمدبت عالفرش و ميساء عطاتني شربت دواء..مقدرتش نحكي ولا كلمه نحس في روحي مخنوقة .. ميساء: نوران الفيلا هاي فرغت و كريم و ياسين باز خرجو مشاو لدار لخرة ماو امي الهذبة حرمت عليهم الطلوع هههه ايا شرايك نهبطو ندورو شوي في جنينة ... هزيتلها براسي... قمت لبست كاب متااعي و حطيت شارب على راسي...و خرجنا بسرقة ... بقينا نتمشاو ...تقول غابة موش جنينة زدت تكمشت على روحي بردت...ميساء تعرفها مليح البلاصة يعني مانضيعوش...راحة الياسمين فاوحه..مبنها..غمضت عينياا و نستنشق فيهاا... نتلذذ بيهااا...نحكي... انا: ميساء مبنها ريحة ..اصلا حسيت عصابي ترخفت... هيا نقطفو شوي ياسمين نروحو بيه.. استغربت مجاوبتنيش حسها بات..حليت عينيا ملقيتهاش جنبي..تلفت ورايا نلقااها دايخه و في حملة راجل و هو يضحك ...قلبي خض وسط صدري من الخوف و الفجعة عليها هياا..تكلمت بصوت مربوث .. انا: شكونك انتي شبيها سيبها سيبها ... جيت باش نقرب لعندها... حسيت بشكون شدني من تالي بقيت نتفاارع معاه و نصيح لين حط قماشة على خشمي شممني درا شنوة...فقدت الوعي و محسيت على شي...