بين أنيااب الذئاب🔥🔞

19

كريم يحكي... منعرفش كيف شعلت نار نشوف فيه يرعش بكلو نار زادت لهبت اكثر مانيش فاهم شي...دزيت ميساء و قربت لياسين نبعدلو في يدو من وجهو.... نعرفو يخااف من نااار برشا....ملي صار 8 سنين تالي....خلاه يكره حااجة اسمها نار و يخااف منها بصيفة غريبه ...حتى كي يبدا يطيب و يشعل الڨاز يخااف يكمل تطييب بالسيف... جبدتو لعندي عنقتو نحكي...
انا: اشششت كهو يزي... ايجا اقعد ارتاح ... ياسين يزي كهو متخاافش...
ياسين: نار مانحبش نار انا امان كريم معادش نحب مشوي معادش هيا ندخلو...
انا: باهي يزي كهو
وقت سمعت نوران صاحت باسم ميساء
تذكرت وقتها اني دزيتها.... درت مفجوع نشوف فيها طايحة فلما مسلمة امرها عينيا تحلو صحافي مش مصدق...عينيها مسكرين فاقدة الوعي... ملفجعة فشلت بقيت في بلاصتي لين سمعت نوران تصيح عليا...
نوران: كرييييم ميساء بش تموت فيسع خرجها
وقت سمعت كلمة بش تموت فطنت على روحي.. لا مستحيل نخليها تموت.... حطيت الي فيدي ورميت روحي فلبيسين وصلت عندها حملتها بين يديا... طلعتلها راسها خرجتو ملما ونقرب بيها لطرف البيسين... ياسين ونوران يستنو فيا... شدها عليا ياسين وحطها علرض خرجت انا وقعدت على ركايبي قدامها.... وجها ابيض حليب ناشف منو الدم وشفافها زرق... مبلولة بكلها شعرات طايحين على وجها... قدمت يدي ترجف بعدتلها شعرها بصباعي... وجها البارد خلا الدم يجمد في عروقي... مكني الخوف... الخوف من اني نخسرها... الخوف انو يجي نهار ونعيش من غيرها.... نسمع ياسين يحكي...
ياسين:كريم اعمل شي ولا ابعد خليني انا نعمل
جا بش يدزني شديتلو يدو وقفتو.... طلعت راسي شفت فيه فهمني بعد وخلاني... حطيت يدي تحت راسها طلعتو شوي وبديت نضرب بيدي على خدها... نضرب ونضرب وهي شي متحركتش.... رجعت حطيتلها راسها قربت وذني نسمع تنفسها ضعييييف برشا.... حطيت صبعي في رقبتها نبضها ماشي ويضعف.... حطيت يديا على صدرها وبديت نكبس ونرخف نعمل فالاسعافات الاولية.... نرحع نحط فمي على فمها نعمللها فتنفس اصطناعي..... عاودت وعاودت مرة واثنين وثلاثة لين يأست.... اخر مرة شهقت ترد فنفس وبدات تكح.... قلبتها على جنبها فيسع وبقيت نمسحلها على ظهرها وهي تكح وترجع فلما لي شرباتو... قصت ملكحة رجعتها لعندي ضميتها لصدري وكبست عليها... وهي ترجف بين يديا....
كريم: تخافش حبي صايا كابوس ووفا... تخافش هاك عندي....
نشوف نوران رتحت تجري جابت منشفة لفيتها بيها وحملتها باقي نبوس في جبينها وخدها مش مصدق الي صار.... طلعتها للبيت ونوران وياسين مسيبوناش لحظة حطيتها علفرش
نوران: خليني انا نغيرلها كريم وانت امشي غير حتى انت مبلول
شفت فيها عينيا ذابلين متاع انسان كان قريب يفقد حب حياتو... نحكي بصوت مبحوح فيه غصة
كريم: لا انا لي نغيرلها.... وانتي حضرلها شي سخون تشربو
نوران:باهي تو نحضرو اما فيسع غيرلها لا تمرض
ياسين: هيا نمشو خليهم براحتهم
خرحو وسكرو لباب... شفت فيها باين عليها تاعبة مشيت للقارد جبتلها بيجامة اكمامها طوال خاطر بش تبرد اكيد... قربت منها نحيت المنشفة وهي باقي ترجف وشفافها زرق... بديت نحيلها في دبشها بزربة ولبستلها لببجاما.... جبت منشفة وحطيتها على شعرها نشيح فيه ومبعد شديت سيشوار بش يشيح فيسع... كملت عدلتها فبلاصتها وغطيتها قربت بست راسها... جيت ماشي شدتلي يدي... رجعت قربت منها...
كريم: هاني معاك... بش نغير دبشي فيسع ونرجع
نشوف في شفافها لي يفبرو بلبرد بش تحكي...
ميساء: ت...تبطاش عليا
كريم: منيش بش نبطا وهاني بش نغير هنا منيش ماشي
مشيت جبت سيرفات ومريول ...وهي مركزة معايا علخر... كريم: احشم سكر عينيك خليني نغير
تبسمت... فرحت وقت شفت تبسيمتها... غيرت فيسع سروال ووقت نحيت لمريول لمبلول عينيها ترشقو في صدري.... سمعت صوتها ضعيف
ميساء: ك.. كريم...
تلفت ليها خفت يكون صارلها شي.. جريت لعندها وقعدت على طرف الفرش شديتلها وجها بين يديا..
كريم: روحي شبيك.. تحسي روحك تاعبة!! نكلم طبيب!!
وما نحس كان بيديها فوق صدري تمشي فيهم... هبطت عينيا نتأكد ورجعت نشوف فيها... تبسمتلي..
ميساء: ن.. نحب نبوسو
كلامها دوخني... تو انا فاش وهي فاش... انا خايف عليها وهي تخمم تبوس صدري.. بش تجلطني شي نهار... بعدت يديا من وجها قربت وباستو بوسة مرصوصة شعلت ناري بيها.... تنهدت ااش يصبرني تو...
كريم: نجم نلبس مريولي تو!!
هزتلي راسها اي وتبسيمة مزينة وجها.. لبست ودخلت عندها لزيتها ليا حطت راسها على صدري... حطيت خشمي على راسها نحكي...
كريم: روحي انتي.. كيفاش حاسة روحك تو
طلعت راسها تشوف فيا والعينين تلاقاو... خزرتها فيها خوف كبير....
ميساء: وقت كنت فلما... شفت الم...
قصيت عليها كيف لزيتها ليا اكتر...
كريم: متقولش هكا خليك معايا... ميساء تعرف انا نموت من غيرك... سمحني حبي وراسك معملتها بلعاني وقت دزيتك
طلعت يدها تمسحلي على لحيتي...
ميساء: متلومش روحك يا روحي... نعرف مش بقصدك... الي صار لكل كان حادث
كريم: كابوس... كابوس ووفا....