للهاوية...انا عميل في الانتربول...كيفاش و وقتاش منجمش نقول تو...اكبر عصابه بين تونس جزائر و الي يحرك في الخيوط الكل هما عايلة بن**** بلادي مقدرتش عليهم تحولو للانتربول جملة... و كنت انا في المرصاد...و تلاقيت بنوران بعد عامين بضبط من غيابي..و من وقتها زدت كبشت اكثر في مهمتي و اني نخرج نوران منهم...اما كي شفت عشقها لياسين و شفت حبو ليها بردت منجمت نعمل حتى خطوة لين تجي الفرصة المناسبه...انا موش نيتي نفرقهم..لا بلعكس و نعرف هو يحبها...اما حبو باش يتحول هوس و دمار يمحي نوران جملة...حد مايعرفو قدي درستو مليح و درست ماضيه...اذاكا علاش نوران يلزمها تبعد ...يلزمهم يطلقو و نسفرها لبرا تعيش عندي...مايلزمهاش تكون معاه ولا هو يكون معاها ....سر ياسين في يدي و بدليل...اما موش توا باش نكشفو و موش انا الي باش نكشفو باش نخليها هي تكتشف وحدها باش متقولش ادم كذب عليا...خذيت نفس ...عملت دوش سخون فرهدت بيه روحي..دخلت للبيت لبست شورط ترميت عالفرش رقدت...فقت على صياحها....تنطرت نجري دخلت لبيتها...نلقاها فوق الفرش مكمشة على روحها و "جوني" كلب متااعي جنبهاا يلعب معاها و هي خايفه ترعش تذكرت الي تخاف منهم برشا...قربت لعندهاا حملت جوني عندي بستو و خرجتو من البيت... قعدت جنبها حطيت يدي على خدها...
انا:لتوا مكبرتش متخافش ميعملك شي عاقل زيد موش كلاب المتوحشين متع دشرة هههه تو تستانس بيه ...
هزتلي براسها لا..
نوران:لا نخااف منهم برشا
انا:قتلك متخااقش عاد ايا ارجع ارقد شوي ليلة كاملة مرقدناش راو...
هزتلي براسها تبسمتلها و خرجت رجعت لبيتي...
تمديت عالفرش..دوب محطيت راسي عالمخدة بديت ننعس تعب راجع عليا...منعرفش قداش تعدا وقت...حليت عينيا شوي...رجعت سكرتهم و عاودت حليتهم كايني موش مصدق الي نشوف فيه...راقدة بجنبي في سابع نومة و يدها في يدي...تلفت للباب نلقاه مسكر بمفتاح...عديت يدي على وجهي عرفتها خافت وحدها و بلاصه جديدة عليها.. دورت يدي ورا ظهرها زدت جبدتها عندي... ريحت شعرها خدرتني...غمضت عينيا نستحلى فيه...في لحظة جبدت روحي...ميلزمنيش نضعف...هي مزالت على ذمة راجل يلزمني نحترم شي هذا... و زيد هي عشيرتي و زعما زعما كي اختي ...مايجيش هكا هي كبرت معادش صغيرة...كبرت ولت انثى كاملة...و انا مهما يكون راجل و نحس ...قمت من جنبها...حليت باب خرجت دخلت كوجينة نحضر حاجة ناكلوها...حسيت بيها ورايا تلفتلها نتبسم...
انا:صحة نوم بطوط...
تفرك في عينيها...
نوران:يعطيك الصحة...فاش طيب..
انا:هاني قصيت سلاطة و نشوي في سكالوب...
نوران:اسمع ا سيدك ...
انا:ههه كهو هذا حال العازب يلزمني نتعلم نطيب وحدي...
نوران:ادم...
انا:اممم هات مللخر نبرة هاذي نعرفها راو...
نوران:شاهية حوت انا
ضحكت عليها كيفاش تحكي كي صغار...
انا:ههه تتدلل سيبارات تحتنا عندها كل شي...حوت فرشك يعمل بون كيف...نهبط فيسع نشري و نرجعلك قدامك سكالوب لا يتحرق ...
نوران:نحب ندخل نعمل دوش و كمل انتي كل شي انا ضيفتك راو اه...
انا:هههه زايد ماتتبدلش باهي يا للا برا خليفتي على ربي...
قرصتني من خدي دخلت لصالدو ...كملت شويت سكالوب و هبطت نشرري....عملت تاليفون...و دخلت لدار...ياليتني مادخلت 😵 نشوف فيها كي تعدات كي صاروخ بالمنشفة متااعي من كوجينة لبيتهاا...صدرها على برا و اكا الفخاض ياا ميمتي حسيت الفوارة طلعت و عرقت بكلي...وقفت في نص صالة...نسمع فيها تحكي..
نوران:ياخي متعملش حس كي تبدا داخل...
انا:وليت غالط يعني..و انتي شتعمل بحالتك هكاك في كوجينة..بلكشي تسخايل روحك وحدك في دار..
نوران:تي عطشت مشيت نشرب...ماشفت شي ماو موش هكا...
دوحت راسي شاد ضحكة بالسيف...
انا:لا بطوط ماشفت شي اي اش فيك مايتشاف هيا البس و ايجا هاني جبتلك الحوت...
مشيت كوجينة شويتلها الحوتات...نشوف فيها كي قربت قعدت...حطيتلها قدامها غطست تاكل مغزرتليش جملة وجها احمر طمطومة...عرفتها حاشمة ملي صار..وهو مصار شي اصلا..مركزتش راني 😂 قعدت على رخامة مركز معاها نسيت حتى روحي و نسيت الي انا جيعان اصلا...بديناها من نهار لول ربي يستر...
(خليو فوط /كلمة تشجيع نحبكم ❣)
ياسين يحكي...
جمعة تعدات بعد اكا ليلة...مفما حتى خبر عليها حتى ادم اختفى في نفس ليلة...عرفت بينهم حاجه من نهارتةالي شفتها مكبشة في يدو...كيفاه تتجرأ تخوني اناا تخون حبناا...كيفاه تحرمني من ولدي بطريقة هاذي...كنا لباس اشصار...مخي باش يطرشق باش نهبل...ضربت الكاس عالحيط نصيح...
انا:نورااااان والله مندفعك ثمن غالي على عملتك وذي موش ياسين الي يتلعب بيه...
دخل علياا غسان في الكرسي المتحرك متااعو... ضعف عللخر في جمعة...يغزر للكاس يحكي..
غسان:شفماا شبيك..
انا:بااقي تسأل يا غسان جمعة كاملة اختك مفمااش ريحتها هربت هي و عشيقها باينة لحكايه...
غسان:لا انتي هبلت اعرف شتحكي ...اكيد فماا حكاية اخرى نوران موش متع شي هذا...
تبسمت على جنب...
انا:الي تهرب من دارهم مع راجل و ترضى بالحرام و مبعد شراها خويا و عاشت معاه...توقع منها كل شي اختك ماتترباش...انا حبيتها عشقتها و نسبت ماضيها و ماضي متاعي الاحرف...و قلت صغيرة و غلطت المهم ماباعتش شرفها...و كانت اول حد يلمسها انا...اما طلعت غالط..غالط عللخر بين ليلة و نهار تقلي طلقني و مبعد هربت...مع ادم...شكونو ادم هذا يخدم عندي شهور و ماشي فيبالي نعرف عليه كل شي طلعت غالط...
قربت لعندو طبست عليه
انا:نوران باش تخلص كل شي و منحب حد يحميها مني .. اختك لعبت مع شخص الغالط نسات الي انا الشيطان...
غسان:ياسين صدقني نوران مستحيل تعمل شي هذا اكيد فما حكاية اخرى منعرفوهاش...
جيت باش نتكلم قص عليا صوت كريم ينادي...طلعت لعندو...نشوف في يدو باكو دواء متاعي...
كريم;يظهرلي عندك بريود مشربتوش ملي عملتو مع جانا عرفتك قصيت على دواك.. مايتخبى عليا شي ياسين انا نعرف الي صار... شد اشرب دواك تو...
نطرتلو الباكو من يدو...
انا:كريم مانيش ناقصك قتلك رتحت كهو...والي عملتو مع جانا كانت تستااهلو حبت تفرقني على نوران... و ردبالك تجبد حكاية دواء قدام حد..
هبط و خليتو مستنيتوش يحكي...هزيت الفاست متااعي و خرجت...تلفت لرجالي...
انا:سلعة تكون حاضرة ليلة غدوة ندخلها لسوق منحب حتى غلطة...
طلعت في الكرهبه ديماريت...حاولت نبطل على خاترها كنت باش نخرج منو عالم ريسك على خاترها ..و على خاتر ولدي...اما هي بعملتها هاذي رجعتني لنقطة الصفر...وانا باش نرجعهااا لسابع ارض...ضربت يدي عالفولون...
انا:وينك يا نوران وينك علاش هكاا...
ركيت الكرهبه قدام البناية...جبدت تاليفون نحكي...
انا:ياسين معاك...ابعثلي احلى و ابن وحدة عندك..كان عجبتني نزيدك في الدوزة... هاني لوطه
هو:تتدلل بوص ثواني و تكون عندك...
علقت تاليفون....تكيت راسي لتالي... حسيت بيه كي رمهالي من شباك...هزيتها في يدي غمزتو و ديماريت...راكيت الكرهبة على شط... ركح روحي...شميت البيضة لين حسيت روحي غبت عن العاالم..اما وجيعة قلبي قوية مزلت نحس بيها...تكيت راسي تالي...نحس في روحي مخدر نغزر للموجة و كهو و مخي ساارح لبعيد منعرفش شنوة الي مخبي...تاليفون يصوني هزيت بالسيف...اما بعد الي سمعتو طرت بالكرهبه...
نوران تحكي...
قمت صباح ناشطة ....فرحانة اماا فرحتي ناقصة...كنا باش نمشيو مع بعضناا نشوفو جنس البيبي..اما هذا الي كاتبو ربي...لميت شعري و خرجت نلقاه واقف يستنى فيا دوب ما شافني تبسملي...خرجناا و هزني للكلينيك..هبطت من الكرهبة نلقى رجال لابسين درا كيف...طبس عليا همسلي في وذني...
ادم:متركزش تابعيني حمااية ليك...
هزيتلو براسي...و دخلناا لعند طبيبة...تمديت حطنلي جال وبدات تمشي في الاباري...و تتبسم...قلبي نحس فيه باش يخرج من بلاصتو..
انا:دكتورة لباس بنتي...
ضحكتلي تحكي...
هي:صار تحب بنيه...
انا:اممم
هي:مدام نوران...شوف...
دورتلي الايكرون و توري فيا بصبعها...قوات الفوليم نسمع في دقات قلب...
هي:شوف هوني ثبت مليح...زوز عصيفرات..انتي عندك 3 ولاد توامة...
شهقة فرد شهقة...حطيت يدي على فمي...دموعي نزلو بالوقت...حط يدو على شعري...يتبسم...
ادم:هيا نمشيو..
هزيتلو براسي منجمتش حتى نحكي... وصاتني طبيبة على برشا حاجات و اهم حاجة الراحه... خرجناا ادم ثنية كاملة ساكت...وصلنا لدار...دخلت طول ترميت عالفوتاي...انا صحيح فرحانة اماا شنية ذنبهم 3 باش يعيشو بعاد على بوهم...قعد مقابلني يحكي..
ادم:مبروك...اما سامحني هاذي اكبر غلطة في حياتك باش تندم عليها...
انا:لا صغاري عمري مانندم عليهم و عمري مانندم على حبي لياسين..
ادم:نوران انتي تحبو و هو يحبك صحيح اماا حبكم غالط حبكم باش يضيعكم زوز عالمو هو موش متع حب معندوش حق يحب...هو وصل ضر اقرب ناس ليه...نوران باش يجي نهار اذاكا على قريب و تعرف كل شي قتلك الفيلم وفا و جا الوقت تشوف شنوة صار في الكواليس...
قام دخل للبيت و خلاني... قمت دخلت للكوجينة نشرب في الما رجعت لبيتي نحيت دبشي و لبست روب مهوية شوية...تمديت عالفرش و نخمم في كلام ادم يحكي معايا بالغاز منعرفش علاش ميحبش يقول شصار و يرتحني ...راني تعبت و فديت و زيد توحشت ياسين برشا زعما اش صار فيه...انا هكاك و الباب يدق استغربت...نورمالمون مايعرف حد و مايجيه حد. خرجت من البيت ..قربت باش نحل وقفني جبدني من يدي...دخلني للبيت ..
ادم:اقعد هوني متخرجش خليني نشوف شكون...
هزيتلو براسي و قعدت عالفرش...نسمع في صوتو اي هو صوتو... تجمدت في بلاصتي كيفاش عرف مستحيل...
حليت باب بالشوي طليت نلقااهم يتضاربو ...ادم طاح راسو تضرب على حرف الطاولة ترهوج..كاينو داخ منعرفش...جيت باش نسكر باب دزو..بقى يشوف فيا عينيه يقدحو نااار...صدرو يتهز و يتحط نفس متتاعو واصلي...
ياسين:و اخيرا لقيتك يا حبي...
نحى سبتت سروالو..يلوي فيها على يدو و يحكي...
ياسين:لابستلو روب هاذي زادة...انا تخوني يا نوران...اناا تهرب و تخليني ضحكه وصت اهلي...اما تلعب بياا يا نوران ماعاش ولا كان الي يلعب بياسين...
يهز يدو و يضرب...طحت في القاعة نبكي نحكي...
انا:ياسين استنى نفهمك راك فاهم بالغاالط...ياسين مستحيل نخونك راني...
يطبس عليا يشدني من شعري...
ياسين:تسكر ر** فمك كلمة لا مفما حتى تبرير حتى سبب باش تقنعني بيه...راك هربت يا نوران...مالة قتلي نهارتها شدتك وجيعه و هو هزك ههههههه اا شخت معاه مليح يا مسخه...
ضربني بزوز كفوف...رجع يضرب بالسبتة و انا نصيح و نبكي محبش يسمعني هذا وحش موش ياسين الي حبيتو...
انا:ياسين يزي امان راني حبلة يزي...عيشك اسمعني و مبعد اعمل الي تحب..
باقي يضرب كاينو موش يسمع فيا حسيت بجني تخدر دم يجري تحتي... حطيت يدي على كرشي نخرج في كلمة بالسيف...
انا:ولادي...ياسين يزي ولادي...
حبس على ضرب كان مجا ادم وقفو ...تلفتلو ياسين دزو عالحيط يحكي...
ياسين:هذا مايتسمى شي باش تخلصو حق عملتكم هذي...غزرلي يتبسم...
ياسين:عذابك على يدي...و انسى كان نطلقك...حياتك مانرجعهالك جحيم على خيانتك ليا...شنوة طامعين في فلوسي قلت تلم الي فما و تمشي لعشيقك موش هكا...
ادم:مريض زايد...
هزو و حطو...
ياسين:باش نمرضكم معايا و ندخلكم جحيم متااعي برا داوي الق** متاعك...
كل كلمة قالها تدخل كي السكينة في قلبي...حرج خلاني مطيشة قرب ادم لعندي حملني...
انا;ولادي يا ادم هزني للكلينيك امان منحبش نخسر صغاري...
ادم:لباس متخاافش..والله نانقصلو يدو الي مدها عليك لطف عليك يا روحي...
غمضت عينياا و فقدت الوعي...معادش حاسة على شي...
ياسين يحكي...
هبطت للكرهبة يدي ترعش...بدني بكلو يرعشو معادش حاامل روحي ...حليت باب طلعت منعرفش كبف نجمت نسوق ...راكيت على جنب...ناخو في نفس...حليت قفالي شوميز...كيفاه نجمت نعمل فيها هكا...انا موش في وعي...ماايزيش شاامم البيضة(كوكايين) و زيد تعميت و هبلت كي شفتهاا لابسة روب هكاك بدنها لكل باين...و ماخذة راحتها...و كاام اكا الواطي نرفزني عللخر غنضت عينياا نتذكر في كلامو و انتت نضرب فيه..
<آدم:باش نقلها كل شي باش نخليها تعرف حقيقتك البشعة انتي خسرت نوران يا ياسين انا باش نخليها تعرف كل شي عليك و على عايلة الكل...انتي ماتستهالش ورده كيفها انتي شيطان ذيب انتي ذيب يا ياسين >>>
حليت عينيا كبست على الفولون بيدي..صحت صيحة من عروش قلبي لين حسيت عرق باش يتقطعلي...عديت يدي على وجهي بعصب...تو استوعبت اناا شعملت فيها... اما معادش يهمني فيهاا كرهتها على قد ماحبيتها...الي خاني معادش عندو بلاصة عندي و اكيد باش يكون معندوش بلاصة في الدنيا...اما ولدي...اكيد ولدي جراتلو حاجة نسيت من بالي الي هي حبلة...اماا مهما يكون تستااهل هي وصلت روحهاا...هي خاينة واطيه...الا منعمل من عذابها صنعة...هي و اكا الواطي الكلب...جبدت تاليفون... نحكي...
انا:سلعة حااضرة...
هو:سي ياسين كل شي تمام اماا متأكد..
انا:متأكد تهنى منطيحوش و حضرلي سلاح هاني جاي..
علقت تاليفون...باش نرجع لخدمتي باش نرجع ياسين لقديم و نوريها وجهي الحقااني...اناا حبيتهاا عشقتهااا نتنفسهاا هي روحي دنيتي...علاش نوران عملت فيا هكا علاش...شديت راسي بيدي...نحس في روحي مزلت تحت تأثير شيخه...منعرفش على روحي الي عملتو صحيح ولا ولا شعوري متنااقض تو...قويت في الفيتااس اكثر...وصلت لدبو...نلقاا سلعة تعباات في الكميونة...مدلي الفرد في يدي...حطيتو ورا ظهري...نحكي..
انا:كلمتو صايا...
هو:اي ربع ساعة ويبدا في الغاابة في***
انا;باهي هيا نمشيو و وصي رجال ماايسلمو سلعة كان ماايقلضو زوز مليارات و يحسبوهم بالمليم... انا باش نبقى في وسط كرهبة كان حاول يتلاعب تو نهبطلو...
هزلي براسو حلي الباب من تالي طلعت كرهبه كلها فيمي...شديناا ثنيه...نتفرج في تصاورها في تاليفون و نثبت في كرشها المكعبرة شوي ...عينيا جمعو و انا نتذكر في اياماتي معاها...صونا تاليفون في يدي تبسمت على جنب هزيت نحكي...
انا:مرحبا دكتور...
هو:مسيو ياسين مقتليش بشنوة حاجتك بضبط...كلاوي ولا القلب...
انا:الزوز يلزمني نبعثهم غدوة و الحساب كيما تفاهمنا...اما نقتليش شكون الضحيه المرة هاذي...
هو:طفلة جات باش تعمل كيرتااج...بالسرقة على دارهم زادة توفات تحت البنج...و هذي فرصة ميلزمنااش نضيعوها ...
انا:الله يرحمها كانت ناس طيبة اش لزها ههههه هيا اخدم خدمتك غدوة نتعداالك...
علقت تاليفون...تكيت راسي تالي...هذا عالمي ...اناا من هناا...هي سبب في رجوعيي...و خلتني نرجع اقوى من قبل و نحرق الاخضر و اليابس... نوران نعشقك صحيح اماا الي يخون ياسين مصيرو الموت....
آدم يحكي...
تو قرابت اسبوع و هي على نفس الحالة لا تاكل لا تشرب ...معرفتش شنعمل معاها...تعبتني و وجعتلي قلبي على حالتها.... جبدت تااليفون من جيبي نحكي...
انا:كيفاش صار هكا علاش مامنعتوش نهارتها ....
هو:سي ادم صدقني منجمتش نمنعو كيفاش باش نجبد عليه سلاح و ناس و صغاار قدام البناية...
انا:كيفاه عرف بلاصتنا اه كيفاه...اكيد في وصتنا واحد خاين كلملي جنيرال الامريكي احكيلو كل شي تو يعرف بطريقتو انا تو يلزمني نهز نوران من هوني...
هو:باهي سي ادم...
علقت تاليفون رميتو على طاولة...دخلت لبيتها...نلقااها قاعدة مربعه ساقيها و نضرتهاا ضايعة هايمه موش معايا جملة... وجهاا اصفر...شفايفها شايحين...خذيت نفس...قدمت لدرسينغ جبدت دبشها الكل حطيتو في الفااليز....قربت لعندهاا حطيت يدي على شعرها نحكي
انا:ليلة باش نمشيو بلاصة اخرة نبعدو شوي من هوني
هزت راسها تبسمت درا كيف...تحكي بصوت ضعيف...
نوران:منحبش نهرب منو...نحب نواجهو..اما معنديش القوة تو..اناا مهزومة و ضهري تقسم....حتى امي سلمت فيا...غسان محبش يهز تاليفون...كلهم سلمو...صدقو الي حكاه هو...كلهم جاو معاه...محبوش يسمعوني...محبوش يفهموني...
انا:نوران مناش باش نهربو اما دار هاذي تذكرك بلي صارلك...خلينا نمشيو ارتااح شوي و مبعد انا معاك في الي تقررو...
هزتلي براسها تبسمتلها بالسيف...و خرحت عبيت دبشي في الفااليز...نسمع في تاليفون يصوني...
مشيت لصالة هزيت نحكي (اكيد الحوار ب Englais)
انا:سيدي...
جنيرال:حضرت العميل ادم...جا الوقت باش نقبضو على ياسين متلبس..و نرتاحو من القضيه و تتسكر...و ترجع تشرفنا في امريكاا ..
انا:سيدي...خليني ندرس تحركاتو مليح و انا نعلمكم و زيد مرتو معايا و حالتهاا تاعبة...هي في خطر ينجم يضرهاا...
جنيرال:متخاافش انا نحميكم ...المهم في اقرب وقت نحب نسمع تم القبض عليه..هو وعاايلتو الكل..
انا:حاضر سيدي...
علقت تاليفون...تلفت نشوف فيا واقفه ورايا...قربت لعندي شدتني من يدي تحكي..
نوران: نحب نطلق تنجم تعاوني!
انا:متأكدة
نوران:اممم متأكدة..
جبدتها من يديها قعدتها...
انا:تحب نحكيو صراحة ! و انتي تعرفني معاك شنوة ...معنديش تلوعيب..
هزتلي براسها...خذيت نفس بديت نحكي..
انا:صراحة ردة فعلو منطيقيه في حالة كهو...انو دخل عليك لابسة هكاك..و زيد ماشي في بالو انا عشيقك..اما غلطة الوحيدة انو نسى انك حبله مخممش في صغيرو..كنت تنجم تعذرو تسامحو لو كان ممااتوش صغار !!
نوران:كنت نجم نسامحو اماا هو قتلهم بيدو و مرحمنيش و انا نترجى فيه و دمي سايل تحتي...كنت نجم نرجعلو و الي يصير خلي يصير...اماا فات الفوت...هو قتلني معااهم...نهارتها برسمي شيطان قدامي مكذبش كي قال على روحو شيطان...
انا:نوران انا عمري ماكنت نحب نفرقك على ياسين ...بلعكس انا نفرح كي تشوفك فرحانة اما ملي خذيتو و انتي تعاني اي صحيح هو يحبك اما حب متااعو يضر اي بشر...علاش مسئلتش روحك ياسين معرسش و محبش قبلك..علاه بقى لين وصل عمرو 40 سنة.. مسألتوش ! ولا مسألتش روحك...
هزتلي براسهاا لا...اصلا هي تخرج في كلام بالسيف...
انا:باهي نحبك ترتاح و كي نشوفك رجعت لباس...وقتها اناا باش نخليك تتفرج في فيلم محلاه...
عقدت حواجبها مستغربه...
انا:متركزش بطوط ارتاح ساعة هيا قوم ليل قريب يطيح...اكيد كرهبة وصلت...
نوران:باهي وين ماشين
جيت باش نجاوبها...جاني ميساج من عند جنيرال حليت نقرا فيه...تبسمت تلفت لعندها...
انا:ماشين لقلب البحر...
تبسمتلي...هزبت الفاليزات و "جوني" يتبع فينا...حليتلو باب من تالي طلع...طلعناا ...وصلنا للمينااء نلقى زوز رجال جنسية افريقيه...خشان عللخر ...يفجعو الحاصل... اشرولي بيدهم باش نطلع في اليوت طلعتها و رجعت لعندهم نحكي
انا:كل شي مأمن...
هزولي بريوسهم و دخلت...و القبطاان انطلق بيناا لقلب البحر... القبطان صاحبي عميل صغرون موش كيفي... مزال جديد في دومان...خليتها تركح في امورها... و مشيت بحذاه نحكي..
انا:اسكندر... سافا صاحبي..
اسكندر:خير منك...مشبها القطوسه الي معاك...
ضربتو بونيه على كتفو ...
انا:احشم طفلة معرسة راو..هاو نبه عليك مدورش بيها خليناا بالقدر..
اسكندر:باهي شبيك نغرت نفدلك...منفدلكوش!!
انا:لا منفدلكوش بخصوص نوران...رتح روحك ...
اسكندر:حقى شعملت تو في المافيا...مقواهم يا صاحبي...
تبسمت على جنب...
انا:القوة لربي ...العميل الي قبلي قتلوه فاقو بيه حصل كي ضبع... اما لعب موش معايا...تو تشوف الا منشدهم متلبسين و نترقى ...و كان لزم نشد بلاصة الجنيرال ههههه
اسكندر:هههه اي احلم صاحبي باهيلك...حياتك باش تعداها هكا ياخي لا تحب لا تتحب لا تعرس...
تنهدت من عروش قلبي...
انا:الي نحبها موش من نصيبي و منجمش نغصبهاا بالسيف و زيد في قلبها راجل اخر...و انا بعد المهمة هاذي باش نحكي مع عرفي و نرتح بريود طويييلة
اسكندر:ادم زعمة موش ....
تنطرت من بلاصتي..
انا:كمل سوق مليح لا تغرق بينا ...لا موش لا مشمااش ارتاح موش هي...
خرجت و خليتو...دخلت للبيت ملقيتهاش..طلعت فوق سطح اليوت...نلقااها قاعدة مكمشة على روحها...صوت شهقتها واصل لعندي... نسمة البحر طيرلهاا في شعرهاا...شعرها الي نعشقو من صغرة كانت تعملو ضفرة..
قربت لعندهاا قعدت جنبها...دورت يدي عليها جبدتها لعندي...نحكي...
انا:معادش نحبك تبكي...كون قوية نوران...جبتك لهوني باش تتفرهد نفسيتك ترتاح...موش باش تبكي...
غزرتلي بعويناااتها زرق المدمعين...شوافرها طوال مبلولين خشمها احمر طمطومة شفاايفة شايحين امتا بقي لونهم طااغي ..بقيت مركز مع تفااصيل وجهاا...مغير مانشعر حطيت خشمي على خشمها...حسيت نفسهاا دخل بعضو...وكبست روحها مابين يدي...غمضت عينيا...كبست بيدي على ظهرهاا نحكي بصوت واطي ...
انا:نوران كان مزلت تبكي نعملها معاك باهي... منحبش نشوف دموعك يقهروني...
هزتلي براسهاا...رخفت يدي من عليهاا..جبدت روحي شوي...
انا:هيا نهبطو باردة عليك و زيد مكليت شي هيا تو نطيب لبطوطي ابن مااكلة...
تبسمتلي يااا ويلي منهااا اكا تبسيمة و اكا الغمازات دوب باينين...
شديتها من يديها و هبطناا...دخلت للكوجينه...لقيت القضية موجودة بديت نطيب و هي تتفرج فيا حاطة يديها على خدها...
كملت طيبت حطيت على طاولة ...و ناديت لاسكندر ياقف و يجي ياكل معانا...
حسيتها تقلقت حطيت يدي على يدها نزلت عليها...
انا:متخافش صاحبي و طفل عاقل و بحبوح...
هزتلي براسها...
قربت لعندنا...كالعادة بدا يحكي و مايسكتش جملة...
هزت راسها تغزرلو...حلت فمهاا طاقة...وقفت مقابلتو تحكي..
نوران:يااا محلى شعرك و لون عينيك اما مفهمتش شلونهم بضبط..
اسكندر:يا وخيتي ماندريش كل مرة يتبدلو و اش يضهرلهم...حنى انتي لون عينيك محلاهم و شعرك زادة...
انا:احمممم
دارولي زوز...تبسمت بالسيف و في يدي السكينه صغيرة متع الماكلة نازل عليهاا نهدد فيه...
انا:اقعد كول اسكندر اقعد يا بابا...
قعدو ياطلو و اناا العصب يهز فيا و ينفض...بعني قرابت اسبوع نحاول نضحكها منجمتش...و هو فيسع متبسمتلو تضحك عاملة جو و هو سي شباب موش مقصر يحكي ميسكتش مااايخوش نفس..
نطرت صحن و قمت..
انا:هيا قوم ارقد...
نوران:خليني شوي محلا حكاياتو ساعة..
انا:نوران قوم ارقد...
نفخت بعصب قامت دخلت للبيت... خالطت وراها...حليت الباب...واقفة عاطيتني بظهرها...قربت لعندها...طبست شوي همست في وذنيها...
انا:ترقد ولا نجيبلك "جوني" يونسك
دارتلي هزتلي براسها لا..
نوران:نخاف نرقد وحدي خليك لين يهزني ينوم...
انا:اصلا كل ليلة معاك ملي جيت لعندي... هيا ايجا ...
جبدتها من يدها...حطيتها عالفرش...تمديت جنبها رقدتها عندي...فرحان برشا بوجودها معايا...و في نفس الوقت خايف برشا ملي جاي....ياسين موش ساهل...انسان مريض في حكايات اذومااا يتحول وحش حيوان نااطق...نشوف فيها غاطسه في النوم بستها من جبينها...غمضت عينياا..منحبش توفى لحظة هاذي...
_ يتبع ..