سلام~~
®صراحه البارت مستعجل وكتبته بنص ساعه فماعاجبني
💜 حذفت الجزء الاخير لان ماجان عاجبني
....
احمد:
مر اسبوع و٣ايام ع خطوبتي
طبعا فد متندم لان خطبتها يعني يوم يومين وانساها شعندي ورطت نفسي بيها
المهم هي التزمت بالاتفاق ورجعت تداوم ولشطارتها القديمه بس بعيده كل البعد عني
قررت اليوم اخذ حلا ونتعشى بره واشتريلها كم هديه طبعا ع كثر امي متلح عليه اسوي هيج والا لو تموت ما اطلعها
قررت اصير لطيف وياها شويه لان هي زعطوطه
وبكلمتين تجي هيج حبيت اتحدى نفسي
هي عادي وافقت ولا عاندت رغم هي واضح عنيده هواي بس احسها تقبل لان متحب تحجي وياي
يطبها طوب شكد اكره نفسي ع هالغلطه
.
.
.
.
العصر :
لبست ستره سودا وبنطلون كابوي اسود وقميص اسود
الاسود عششقي يجماعه
"لك جعل محد غيرك يلبس اسود" وبوست نفسي بالمرايا
اني نسبه حبي لنفسي ١٠٠٠٠٠٠٠٠ بالميه
وصلت لبيتهم اتصلت عليها تطلعلي
طبعا بيتهم كولش حلو هم هم ناس حالتهم كولش زينه بس بيهم خيط همجيه، 😂وين اكو واحد يجبر بناته ع الزواج
اتأخررت ٥ دقائق بس حسيتها سنه بطبعي اكره الانتظار
اجت لابسه فستان اسود حلو وطالعه تجنن
مطقمه وياي حلا افندي
حلا:مساء الخير
بدون متتباوعلي وتباوع بعثد عن وجهي
اني بس هزيت راسي مرديت عليها
طول الطريق مشغل اغاني واغني وياها
حلا:ممكن تقلل الصوت وتبطل تغني ترى رب الازعاج صوتك
احمد:مشكلتج حب🌚
محجت شي بس بقت تتأفئف - يعني تسوي اااف ااف-
وصلنه للمطعم
نزلنه ولزمت ايدها طبعا فرق الطول بيناتنه تقريبا ٢٨ سم هيج منظرنه يضحك🌚💔
توقعتها تستحي ومراح تاكل 😂 تاكل ومتباوعلي
ولا اني فتحت وياها موضوع ولاكلمتها بس اكنك و اتفرفر بمواقع التواصل
احمد: كافي تعلفين ترى احب الرشاقه اني 🌚
تركت الاكل وتباوعلي بهيج براءه مصطنعه
حلا: يا عززا استاذ غير تحجي 😒
وتحجي بأستهزاء بنت الاوادم
احمد : حلا اسمعيني زين ترى تمشين عدل امشي عدل متمشين عدل اشوفج جدج السابع بالملون .. سو بطلي زعططه وصيري خوش مره 🌚
حلا: يمه ه ه ه خفت راح اشخ ع نفسي
وتكلب عيونها من تحجي
احمد : بسيطه اني الج يلا كومي 🌚
رحنه نتمشى اشتريتلها كم هديه ع ذوقي وطبعا لا شكرا ولا جزيلا
وراها رجعتها لبيت اهلها متأخرنا
اكتشفت انه هي مو سهله وراسها يابس مدري حسيت بحماس اللعبه بدت تحلى
..
.
.
.
مر اسبوع ممل نفس الرواتين
نوم اكل مدرسه امتحانات سهر افلام هالفتره احس بملل فظيع
قررت اروح اشوفها ببيت اهلها
هيج خباثه لا اكثر ولا اقل
المهم كشخت وتعطرت ورحت لبيت اهلها طبعا انطيت خبر لاهلها وهم رحبوا هواي بيه الحق يقال اهلها ناس ينحبون هواي اسلوبهم حلو
كعدت يمهم تقريبا نص ساعه قدمولي فواكه وحلويات
وراها رحت للاستقبال اني وياها عود وحدنا وكذا🌚
كعدت مقابيلي وجانت لابسه دشداشه بيت عود متريد تطلع حلوه وتتأنقلي بس متدري طالعه تجنن
احمد: تجين تكعدين يمي لاوالله اخلي زواجنه هذا الخميس ومتلومين غير نفسج
حلا: استاذ كافي تخوفني ترى خوفه ذاك اليوم بعدها بكلبي 🌚😒
احمد:حلاا وربي اسويها
تأفأفت واجت كعدت يمي بس تقرييا بيناتنا نص متر هيج شي
رحت اني تقربتلها وحظنتها حاولت تبعدني بس اني اقوى واكبر منها هي مثل الطفله بين ايدي
بقيت حاظنها لحد ما بطلت محاولاتها انه تبعدني بوستها من خدها ذاك الوقت يلا تركتها
احمد: ترى هاي ابسط شي اسوي حياتي تعودي تمام😉
وجهها صار احمر مدري من العصبيه مدري من الخجل
بقيت شويه كاعد هيج نص ساعه كلامنه كله سطحي ونتعارك المهم وراها رحت
.
.
.
.
.
.
حلا:
رجعت ادرس وقررت بعد ما اهتم لشي بعد لا ليحيى ولا لاحمد
احمد شخص مزعج هواي من طلعنه سوا انزعجت لان هو فرحان ومروق مو لأن جان يغني لو بسبب صوته
واضح هو يحبني من نظراته وتصرفاته بس غروره فوق الجميع
المهم هو ابد ميتصل ويزعجني
ذاك اليوم اجه لبيتنه والحقير هددني وبيني وبينكم خفت لا يقدم موعد زواجنه رحت كعدت يمه
اجه حظني خجلت حيل بوقتها ورغم هالشي بكل قوتي حاولت ابعده بس هو وين واني وين مثل عصفور ونخله يمكن كل مدرستي يتمنن هييج شي منه حتى المدرسات خاقات عليه😝
مبقى هواي وراح
.
.
.
.
. مشت الايام ممله وروتينيه اني مززاجيه لديني 🌚💔 لاشي يعجبني ولا شي يفرحني
كل يوم افكر بيحيى واحاول احجي وياه بس هو حاظرني
احبه هوواي احبه بس كله بسبب ذاك الكلب الحقير
. باخر يوم من الامتحانات جنت كاغده اني والبنات مثل كل مره ع الدرج
جان هو يجي
احمد:حلا تعالي شويه
كلبت وجهي ورحت وراه ما اريد تطول السالفه
حلا:نعم خير
احمد: احترمي نفسج وتأدبي احسنلج اليوم اني اوصلج للبيت ابوج خابر
هزيت راسي وتركته ومشيت
والله يالله عيشتيش هاي
من خلص الدوام تعمدت اتاخر رحت لكيته منتظرني وعافس ويهه
صعدت وطبكت الباب كولش قوي بحيث اني نزيت لان دوم جان يكول بالصف اعز شي ع كلبه سيارته
هو بقى صافن
احمد :هسه اذا اخليج ترجعين مشي اكو احد يلومي
جان جدي وهو يحجي
حلا:لا
ووجهي صار احمر مدري ليش اخذت جنطتي وردت انزل جان لازم ايدي
احمد:كدامج احمد لو خراعه خضره وتتصرفين ع كيفج
مهتميت ونزلت
بقيت امشي بقى منتظرني
المدرسه مو كولش بعيده هيج ربع ساعه مشي
جنت امشي ومندمجه افكر
شخص:ثووول حتى ثوول متشوفين جان دعمتج وابتليت
وهو يصيح
انتبهت اني الغلطانه
حلا: اعتذر بس مداعي تغلط وكلبت وجهي ومشيت
شهالحظ النعال اليوم
اخيرا وصلت للبيت
اليوم نفسيتي هواي تعبانه جددن كثيرن
اسبوعين عن العرس
....
اليوم زواج بنت خالتي الثانيه يعني مو ام يحيى
البيت كله راح للعرس الا اني
قفلت الابواب كلهن وكعدت اركص هالايام بس الركص والمكياج .....
اعرف قصير بس جد راح اكمل القصه😚🧡
باجر بارت جديد
رأيكم******،،،،،،،،،،،،