هااي
رمضان كريم🧡
....
حلا...
كعدت من النوم ع صياح امي هو المفروض انام ع راحتي لأن جمعه لا مدرسه ولا شي
كعدت سبحت وتريكت وامي متخبله ع الزواج احسها اوفر
تريد تاخذني اكمل تجهيز ماطلع جهاز خرررا كل يوم ماخذتني للسوك
ام حلا: حلا وين صرتي يلا تأخرنا اخوج راح يعوووووفنا
حلا: اااااف اااااف شهالعيشه هاي ما اريد اشتري شي
عوفوني
امي متتعاند اجت جرتني من ايدي وطلعنه
رغم ياحبي للتسوق واللفه بالمحلات بس جد مالي واهس لشي يربطني باحمد
....
وصلنا للمجمع وامي تشتري ع ذوقها اصلا معاجبني اي شي
اشترت مكياج ع ملابس بيت ع ملاببس طلعه ع ملابس نوم ماخلت شي
من كل عقلها راح نصير مثل الازواج الطبيعيين
رجعنا للبيت بعد ما اشترت كل شي عاجبها الها
المهم
اخذت موبايلي شفت احمد كومه متصل
خير شيريد بعد
بهالاثناء رجع اتصل
احمد :الو
حلا:نععم 😑
احمد :وسم ردي بأدب
حلا: واللهي مؤدبه وغصبا ع الي ميرضى
احمد : اني الج ... المهم امي عازمتكم ع العشا يمنه
من هسه حركات معصبه وشايله خشمج ومغصوبه بطليها
كل شي ولا تضوجين امي فاهمه لو اعيد
حلا : بشرط....
احمد: لا شرط ولا بطيخ يلا باي حب
وسده بوجهي هالغبي
ااااااااف ماكو هيج عيشه
رجع بعدين يراسل وكذا بس اني حظرته
المهم لبست كيلوت وقميص احمر وخليت مكياج خفيف ورتبت شعري طلعت ولا اجمل😍 الا احرك كلبك يا احمد افندي
ام حلا: اي هيج اهتمي بنفسج خل يتعلق بيج ويشوف شكد حلوه
حلا: يطبه مرض تعلق واذا ماتعلق
ام حلا: ابقي ابقي بهالسوالف .😡
طول الطريق افكر شلون اسوي مشكله
وصلنه لبيتهم مبين حلو
استقبلتنه امه احسن استقبال واضح طيبه بس ابنها شيطان اخته هم جانت موجوده وهم جد لطيفه
رغم هالشي مسلمت عليهم بشكل قوي هيج من وره خشمي
كعدنه تقريبا ٥ دقايق وشرف حظرته ويباوعلي بتدقيق عصبني والله
بقوا يسولفون ويحجون
جنت باوعلهم ع شنو يحجون جان تجيني رساله ع الخط لان حظرته من كل البرامج
" اذا اجيتي لغرفتي أأجل الزواج اسبوعين 🤫
ها غرفتي ع اليسار حب "
مرديت عليه يولي
مسوين كومه اشياء حرفيا واني متغديت لان رجعت تعبانه من السوك فرجعت نمت يعني اكلت بس مو هواي والاكل طيب
يمكن طبخها الحلو احسن شي بهالموضوع هاي اذا بقت تطبخ وماتخبلت عليه
حلا :عن أذنكم اروح للمغاسل
رحت للمطبخ هم كولش حلو ومرتب وصلت يم باب غرفته فتحت الباب يمكن كل شي اسود ورمادي عدى الستائر لونهن ابيض
عود سوداودي وكذا 😑
الله يعيني بس
بقيت افتش بغرفته شفت شعنده ماعنده عطورات ع ساعات احس واكف يم الباب بس مهتميت
................................................. احمد
لكيتها تباوع وتشوف اشيائي اني بالعاده من النوع الي اتقزز واحد يلمس اشيائي بس ما اعرف هي غير
احمد : ويل يابه شنو تريدين تسويلي سحر😑
وجهها صار احمر هي هيج دوم من تتعصب
مردت عليه وطلعت
تجاهلتها طول ماهم موجودين يمنه وهي كذالك
بس ساكته
بس هي شنو ماكو هيج جمال جميله بمعنى الكلمه
بعد ماراحوا حتى علا راحت لبيتها
كاعد يم امي بالصاله
امي: احمم ..شو ما اشوف بينكم انسجام ولا ذره موده
ترى الزواج مو يوم ويومين
احمد: اعرف والله بس لتخافين احبها وراح اخليها تحبني
ام احمد :الله كريم واشوف اولادك
احمد : انشاءالله احفاد احفادي تشوفينهم
ضحكت وراحت تنام خطيه تعبت اليوم
وهي مره مريضه قلب وضغط
....ثاني يوم.....
كعدت الصبح متأخر على السريع بدلت وطلعت
ياربي شكثر اكره التأخر والمشكله اني اول درس
اني منطيهم خبر اذا اتأخر يراجعون بالوقت وع اساس اسوي امتحان يومي 🤫
المهم وصلت للصف لكيت الصوت والسوالف واصله برا انزعجت
اليوم الا اسويلهم امتحان واعلمهم بس هالمره اسوي oral يعني شلون الشفهي
وصلت للصف ..
سلام
ردن السلام
احمد: يلا بنات سدوا الكتاب ويلا نبدي امتحان بس هالمره اسئل كم وحده وتجاوبني والباقين ع غير يوم
وهن بدن لا استاذ حباب امتحنه بدرس اليوم ولا عفيه ومن هالسوالف
احمد: دقيقتين تراجعن
طبعا مراح احسب هالامتحان بس تخويف
طبعا لأن متوترات مني وما اعرف شنو مترددات وبطيأت
المهم كملت الدرس واني ع عادتي معتبر حلا صنم لا اباوعلها ولا اسئلها ☻
بس من المحها تشخبط بدفترها ابوك نظره وحده لا اكثر
خلص الدوام تأخرت يلا طلعت من المدرسه جان شفت ايلاف تعزم حلا ترجع وياها
وهي متقبل ....
.
.
.
.
.
.............
....
YOU ARE READING
هو وطالبته~
言情استاذ يعجب بطالبته ليتزوجها غصبا تحت غصب الاهل والتقاليد +١٦ * * * * * الي قارين روايه" استاذ بارك" يمكن حجيهم شعور الروايه تشبهها بس هي ماتشبهها عموما روايه "استاذ بارك"عشششق ❤
