هو وطالبته~

بارت ٢

حلا:
قبل لا انام بقيت افكر
هذا شمسويتله وهيج يعاملني الي يكول عدوته ..يولي افكر بشي ايجابي مثلا يحيى حبيبي
هو ضابط 😍 اعشقه واعشق شخصيته

ثاني يوم اني ماحضرت درسه هو هذا الناقص يرزلني ع اخر عمري🌚💔

...من طلع من الصف صار بوجهي رغم اني بالفرصه يلا رحت لصفي
متعمد هيج تأخر عابتله
  زين ماتكلم وياي كلت بكلبي هسه ينطيني محاضره  يمشي وشايف نفسه الي يكول  فد معجزه
دخلت الصف
"لج حلاا لحكي انطاج صفر ع  ع ١٠٠ اليومي  لان اليوم ضربتي درسه"
"ياكل خررا مو هو الي كال لاتحضرن "

ايلاف:لج نعال ليش ماحضرتي شبيج بس تعاندين اني حضرت وهو نسى السالفه
حلا:يروح هي بكيفه اروح اشتكي عليه بالاداره

.......

مشت الايام ممله بشكل بالمدرسه وبالبيت
وبس امتحانات

ثاني مره حضرت درس الفيزيا
هو تجاهلني وماكلمني كالعاده اني هم ما حجيت شي 
بالامتحان الشهري جانت اسئلته صعبه واغلب البنات مجاوبن
اني  هيج قدرت احصل ٩٨ هيج شي يعني
بس هو العار انطاني ٨٠ و باليومي انطاني ٥٠ رغم اني استحق اكثررر بهواي

هواي ضجت منه كرهني بالفيزيا اني لا اشتكيت ولا ابد قررت اتجاهله

بالليل اجه يحيى لبيتنه هو علاقته زينه باهلي 🙈💗
وجايب حلويات و اشياء احبهن بس ع اساس للبيت يعني
جد تونست هواي 
رحت للمطبخ اسوي جاي  هو  اجه وراي انطاني هديه ع السريع وطلع علمود متصير مشكله ضميتها ورجعتلهم

قدمت الجاي و رحت اركض لغرفتي اني واختي هم زين فارغه قفلت الباب وطلعت الهديه
جانت عباره عن قلاده باسمي بس تجنن تجننن 😍 لبستها بس مخليتها تبين
جان بنفسي احضنه بس خفت
اووف   اريده يجي يخطبني واخلص هواي اشتاقله 🌚💔 بس هو مدري شمنتظر

نمت واني اتخيل نفسي عروس ويحيى العريس وشلون راح يصير زواجنه وشلون راح اطلع بالبدله البيضه الللللله 😭❤

ثاني يوم بالمدرسه :
جان ماعدنه درس لان مدرسه العربي ممداومه وناس بدت تركص وناس تقره الدرس الي بعده وناس-اقصدني- تحجي وتسولف
المهم كاعده يم الدرج  اني وايلاف وغسق وندى هن صديقاتي المقرباات
"امس اجه يحيى لكم صاير يجنننن  احبه ، ايلاف بربج روحي خطبي الي 😭"
البنات يضحكن
ايلاف" عمت عيني هيج الحب ذابحج  وبعدين  هو يموت عليج اكيد عنده شي مأخره عن الخطبه"

ندى: "نفس تفكيرج"
"شوووفوا شنو جابلي امس "وطلعتلهم القلاده 
ايلاف "تجنن" غسق "انطيني يحيى فددوه"

"اكليخرررررا كل شي ولا يحيى خطووووووط حمرر"هن ضحكن
"عززا هاي انتي متوحشه"
حضنت القلاده بيدي وكلتلها "اعشقه خيه مو متوحشه"
ايلاف:امشووا عازمتكم ع نساتل
حلا: اليوم من وين نازل هالكرم ،عين الحسود بيها عود
غسق:امششن قبل لا تغير رأيها
ورحنه نركض
جان طلع بوجهنه احمد افندي نعال
رجعنه نمشي مثل البشر  😂  العززا بس لاسمع قصه حبي

........................احمد

ايامي ممله يوم اسوء من الثاني
وهاي حلا ببالي ع طول 
انطيتها اقل من درجتها وباليومي انطيتها ٥٠ رغم تستاهل ال١٠٠
ردتها تتعارك وياي ،تجي تحجي ع الاقل
بس هي جانت بارده لدرجه

...
يوم من الايام بالمدرسه دا امشي بالممر  سمعت صوتها تحجي  اني انتظرت خلف الدرج اصلا الممر فارغ كلها بالصفوف 
طلعت تحب واحد ويحبها هواي ضجت 

لا وفرحانه بهديته وتغار عليه
اني هواي تعصبت وحتى من طلعن يركضن بوجهي مهتميت

اريد اخنكها بنفس القلاده الي فرحانه بيها🐸

....بامتحان  االكيميا اني جنت المراقب على شعبتها 
"يلا بنات حلوا بهدؤء اقل صوت اعتبره غش  واضح؟"

وره تقريبا ربع ساعه شفت حلا تحجي ويه ايلاف واني جنت كولش ضايج من عدها
"حلااااا "
"استاذ وربي رادت المساحه"
مارديت عليها
كولش واضح انه ايلاف هي الي تلح ع حلا وتريد غشش
درت وجهي جان ااسمع صوت

هم حلا وصديقتها
"حلا وايلاف يلا اوراقكم وطلعن من الصف"

ايلاف:"استاذ صدكني ماغشينا والله  ،كل الموضوع المساحه سودت الورقه واني ردت ورقه منها"
"الاوراق يلا"

" تفضل وزير التربيه" كالتها وهي تنطيني الورقه  ما كلمتها
" ايلاف تعالي رجعي كملي امتحانج"
"اني  وحلا"
"لا بس انتي يلا تعالي "
"رجعي امتحني حبي "ودفعت صديقتها

اني الها تستهزء حضره جنابها

رأيكم؟؟؛
توقعاتكم؟؟؟