تذكير سريع للاحداث
ياسمين عرفت الحقيقه بعد مقرت الرسالة وانصدمت قررت تنتحر وتنهي حياتها لان بنظرها متستحق تعيش بعد
ايمن عرف بالرسالة وظل محتار شنو راح يسوي بس توصل لشي ميكدر يعوفها وهي مو ذنبها هو يحبها ولازم يوكف وياها.
_______________________________________
بقت ياسمين تبجي بحضنه حست بالامان والحب معقولة راح تكدر تنسه وتعيش حياتها طبيعي راح يبقه هالشي مثل الغصه بحياتها صفحه سوده بس هسه تريد تتناسه تريد تبقه بحضن حبيبها بهاللحظه وتعوف كولشي ولو دقائق
شدت على حضنه اكثر تريد تاخذ القوة منه
بدت تغفه شويه شويه بحضنه من التعب
حس ايمن هدئت وسكتت من البجي ظل يمسح على شعرها بداخله مشاعر مشوشه من قلق خوف بس الشي الي متأكد منها هو ميكدر يعوفها هو يحبها موبس يحبها يعشقها
شال راسها شافها نامت بحضنه
تقرب منها وباسها من راسها وهمس بصوت ناصي: اني وياج ومااعوفج
شالها وحطها بالفراش اخذها بحضنه ونام من التعب والتفكير.
بغير مكان
كان مصطفى كاعد بالغرفه وبيده الجكارة يفكر
مصطفى بينه وبين نفسه : هسه شراح تسوي مصطفى بعد معرفت صارت مرت صديقك شراح تسوي
اووف ياسمين شفتج وصحت مشاعري من جديد
شكد شفت وراج بنات ما الكه ولا راح الكه مثلج
لازم اسوي شي اريدج الي تصيرين الي وبس