احمد:
"سلام" كلتها واني ادخل للبيت
"هلاااا بقلبي هلااا بشيخ الشباب" كالتها امي للعلم امي تقدسني
"فديت الي هالكثر يحبني" حجيت ودنكت ع ايدها ابوسها
"عندي سالفه وياج حجيه"
امي:"واخيرررا الله هداك"
احمد:"اوووف يربي شنو انتي" كلتها واني اضحك
بسرعه فهمتها طالعه عليه - يهف شعره-
سولفتلها ع حلا وانطيتها عنوانهم امي تعرفهم من بعيد
هي طارت من الفرح تريد بس تزوجني حسستني انه اني عانس
"زين انت تقبل تكمل دراستها لوعندك مانع لان اكيد حيصير هيج نقاش "
" لاماعندي "
" لعد باجر اروح اني وخالتك، يمكن خالتك تموت اذا عرفت😂"
"لعد اخذي شسمه علا احسن ماناقص حسد،"
"عاابت منو تحسدك يول قصدي راح تضوج جانت تريدك لبنتها"
"اكولج يوم روحي اليوم"
" اشوف، شدعوى مستعجل هيج "
" يلا رايح انام باي"
تركتها وطلعت امي واعرفها راح تجرجني بالكلام
العصر امي وصت علا اختي الكبيره تخابر اهل حلا علمود تنطيهم علم بجيتهم
علا اختي متزوجه وعدها بنت وحده حلوه ع خالها احمد، وهي متزوجه ابن عمتها لحلا
جنت اقره بروايه بالصاله واشوف اجتي علا مبتسمه وتضحك
" شكو شبيج عاابت -_-"
"هيج صارت يلا ولي لعد ما اروح "
"شبيج علاويه متتحملين شقه، اختي وادلل عليها"
ضحكت واجت كعدت مقابيلي
" شعجب اختاريت حلا اقصد شنوجذبك الها"
"سوالف كبار لتتدخلين" اخذت كتابي ومشيت
"نعال مو بيدك" احنه ميانه زفره بيناتنه
.
.
.
" حمودي احنه رايحين انتبه للبيت "امي حجت من وره باب غرفتي
" اوك"
وره ساعه هيج رجعوا امي معجبتها حلا لان حستها مطايقتهم ومن طرف خشمها كاعده يمهم بس حلا تمدح بيها وتكول هو هذا طبعها
اي طبعا وفيه ليحيى افندي
ع اساس اسبوع ويرجعون خبر
باجر عندي درس وياهم واشوفها
اهلها اكيد حيوافقون هم ناس متشدده ومياخذون اذن المره بهيج اشياء رغم هم مددلللين بناتهم
بس ما الهن قرار اخواتها الي قبلها كلهن تزوجن غصب حسب كلام علا
اكيد محيرفضوني لان عائلتنه الها مكانه وهيبه وفلوس
لهالسبب عندي احساس قوي حيوافقون
............
"سلام" كلتها واني ادخل لصفها
باوعت لمكانها مباشره مموجوده الها وحشه بالصف
قبل لا يخلص وقت الدرس
"ايلاف"
"ننعم استاذ" بتوتر- تصطفل 🌚-
"وين حلا شو ماكو"
"مريضه متكدر تجي"
هزيت راسي وطلعت من الصف
...
ثاني يوم هم مموجوده
...... ثالث يوم هم مموجوده
اني مو كل يوم عندي درس عليهم
بس هي كل يوم تكعد هي وصديقاتها ع الدرج ويظلن يلغن بس صار ٤ ايام هي ماكو
خامس يوم جان عندي درس وياهم
قبل لا اطلع
" ايلاف وين حلا؟؟ الاحد امتحان الشهري كوليلها اذا مأجتي تحلم امتحنها "
"صار استاذ" مجاوبتني الغبيه
طبعا كل هالفتره بالي يمها اكيد متعاركه وياهم ومتقبل لان تحب الافندي وصايره مشكله ميحتاج روحه للقاضي😒
باجر المفروض يرجعون خبر
حلا ...................
لو ينطوني احمد هذا النعال الا اذبحححه بيدي ذذذذبح
شلون يتجرء يسوي هيج عابتله
كلب حقير خاطبني يريد يتزوجني هو خل يطيق وجهي بالاول
رجعت من المدرسه جنت بالصاله كاعده اشرب جاي
بهالوقت وحده خابرت ماما وامي كلتلها اهلا وسهلا
مبين خطبه وهالسوالف
جان التفتت عليه كلتلي "حلا روحي لبسي ملابس احلى ورتبي شعرج"
"خير ياساتر اني شكو"
"بيت ابو علا يريدون يجون عليج، تعرفينهم مو"
"ماااااا واللله ما اتحرررك ما اررريد هسه ترفضيهم وتعتذرين" واني اصيح وصرت عصبيه
"تأدبي ترى والله اصيح ابوج يرجع يربيج مو بكيفج هي "
شلون ام 🌚
"يووم والله ما اريد اتزوج وهذا احمد يكرررهني وميطيقني، ما اطلعلهم لو يجي القعقاع 🌚"
" امشي بدلي يلا"
رحت لغرفتي واني مقهوره اتصلت ع يحيى
اول شي ماكو رد ثاني مره رد
" هلاااا بقلبي شلونج"
من سمعت صوته مكدرت اتحمل بجيت 😢
" لج شبيج ليش تبجين يروحي"
اخذت دقيقه ماكدرت ارد عليه
" يحيى فددوه راح يزوجوني اتصل ع ماما واحجي وياها "
" صارر يعسل بس بطلي تبجين"
"
رحت اركض نزلت اشوفهم شنو راح يحجون
بس مدري وين مختفيه خرربحظي
اتصل ع يحيى ميجاوب
العصر حيل بدلت هيج لبس بسيط اجت امه واخته اني مطايقه نفسي حتى اطيقهم هم لاحظوا هالشي
رحت بارادتي لان اهلي من النوع الهَمج المتحضر مدري مرات اكرههم بسبب هالسوالف
اخواتي كلهم متزوجات باختيار اهلي
بس مسمعتهن يوم اشتكن وشكلهن حبنهم
،ع اساس اسبوع ويردون الجواب
بعد ما انقلعن رحت لفوني شفت يحيى متصل ٥ مرات
رجعت اتصلت بسرعه رد
"هااا بشرر"
"شوفي حلا امج متقبل ورافضه لان متنطي بتها لواحد مطلق ومتزوج قبل😑، روحي انتي قنعيها هي درت واني حروح لابوج هسه واحجي وياه"
"اوك... يحيى"
"عيونه"
" شايف اذا تعوفني ابتلي بيك وربي "سمعته ضحك
"مستحيل اعوفج لو اعرف اخطفج"
الباقي سوالف كبار مو مال تشوفوهن🌚لاجذب نهينه المكالمه ورحت اقنع ماما بس هي حتى ضربتني وصارت مشكله بيناتنه وهي متقبل تزوجني ليحيى لو اموت عاابت
" تزوجتوا ورجع مرته شتكولوين بذاك الوقت يثوله"
" ميرجعها وربي هي متحبه ولاهو يحبها"
" امشي عن وجهي مالي خلك سوالف المزعطه الي بيه مكفيني"
اجه بابا وسمع صوتنه اني جنت ناويه اشكيله ع تصرف ماما
"هلا هلا هاي منو الي طالعلها صوت وترادد امها ولابعد تدافع عن حبها" طبعا يحجي ببرود ولامهتم
خررربحظي
" بابا فدوه هو يحيى خطبني ليش متوافقون انتوا موتحبونه"
" تعالي شهالصلافه.. يحيى ميتزوجج انتهى لتلغين بعد وبعد روحه للمدرسه انسيها"
"الللللله ياخذكككم انشاءالله واخلص منكم"كلتها بعصبيه واني طالعه
.
.
.
.
.
هذا خاَمس يوم ماطالعه من غرفتي ويحيى هواي حاول ويه اهلي وميقبلون ويريدون يزوجوني لنعال
حتى اجت خالتي وهو جاب ناس شيوخ ومدري شنو بس مدري شبيهم الي يكول حيموتون اذا قبلوا بيحيى
هم يريدون فخفخه وفلوس ويحيى ممقصر فوس وجمال وشخصيه
هو زعل منهم وبطل يكلمهم ووصاني ابقى رافضه وما اقبل بنعال
اعيش. اسوء ايام حياتي حرررفيا.......
ايلاف تعرف ككل القصه
قررت الاحد اروح اداوم
..
جنت كاعده ويه البنات ع الدرج شفته جاي باتجاهنه
بس هو ممنتبه علينا مشافني يعني
من حسيت قرب علينا
"والله للموت ابقى احب يحيى وما اتزززوج ذاك العااار لو يموت" متعمده اريد اسمعه
وجها صار احمر من العصبيه مبين، 😂
ايلاف:عفيه عليج حلا لو غالطه بعد مطلعه حركه كلبج
متباوعلي ابد كالعاده واني لو بيدي اروح اخنككه وربي اكرررهه كرره
رجعت للبيت عرفت امي مرجعتلهم الموافقه اني تخبلت
بقيت اصيح وكسرت كل التحفيات الي تحبهم
وخلصتها ابجي
يحيى اقترح عليه نشرد ونتزوج ونعيش بالجنوب بعيد عنهم بس مقبلت لان مستحيل انزل راس اهلي واخوتي لو امووت لو مو يحيى
هو زعل مني وبطل يحجي وياي
الخميس الجاي الخطبه اوووف يرربي شسووويت بهالدنيا انا شسوويت عذبني زماني
رأيكم ياب؟؟؟ 🌚🌚🌚