السلام عليكم
# الشيخ & العشگ
° بسبس
قراءه ممتعه للجميع
. . . . . . . . . . . . . . .
فهد طلعت من البيت للمركز باقصى سرعة لكيتهم متحضرين بس يجينه الامر من المركز الاعلى عمود ننطلق
5 دقايق ودك تلفون المركز يعني اطلعو راستن ركبنه السيارات الفوج وكل واحد منه شايل سلاحه بيده ورحنه
للميناء ام قصر جان بوكته ساعة 2:05 وصلنه ساعة 2:25
فهد . . حسن انت و الفرقة ج ترحون للجهه الخلفية للميناء والفرقة ب من يم السفن وانه والفرقة أ نبقه هنا بوقعنه
وتضلون تنتظرون الاشارة مني
حاوطنه الماكن بكل هدوء ننتظر تجي سيارة الي راح تنقل بيه البضاعة لبغداد عمود كلهم نلزمهم متلبسين
يعني خاف نلزم بس ذولة لهنا ويطلعون ميعرفون منو رئيسهم الي وجهم لا قررنه ننتظر البقيه عمود نلزم الكل
بالجرم المشهود ضلينه ننتظر بهل اثناء جان واحد مبين عليه هو الي مترئسهم ضل يحجي وياهم بعدين عافهم وراح
فهد بجهاز اللاسلكي . . حسن حسن
حسن . . نعم سيدي
فهد . . الرجال التوه راح شفته
حسن . . اي سيدي
فهد . . اريدك تلحكه يمكن يوصلنه لمكان المخزن مالتهم
حسن . . حاضر سيدي
رفعت راسي شفتهم بعدهم واكفين ينتظرون يابه شكد طولو صارت الساعة 2:57 شفنه ضوه سيارة جاي من بعيد
كلنه ستعدينه فاتتت السيارة هو مو سيارة شاحنة كلش جبيرة وكفت يم الولد
واحد من الشرطة ويه فهد . . سيدي نهجم
فهد . . لا خلي يحملون نص البضاعة عمود يتعبون هم
الشرطي . . حاضر سيدي
ضلينه ننتظر كامو يحملون بالبضاعة لمده 10 دقايق يعني بعد شوي تقريبا ويخلصون
فهد . . كول للفرق خلي تتحضر باشارة مني نهجم
. . حاضر سيدي
. . عمليات عمليات الفرقة ب الفرقة ج مع الاشارة يبدا الهجوم اكرر مع الاشارة يبدا الهجوم
فهد . . يله شباب وي العد واحد اثنين تلاثة انطي اشارة
جان واحد من الشرطة يطلع مسدسة ويضرب بالجو اكثر من مره سمعو الفرق الثاني هم كامو يضربون
وتقدمو عليهم وفهد بالمقدمة بده ضرب وجماعة الثانية طلعو شايلين اسلحه وصار اشتباك كلش عنيف
ويه رجال خلي نكول العصابة ماتو 3 من عدهم و من عدنه بس واحد تصاوب لحد ماكدرنه نلزمهم كلهم
واحد منهم راد ينهزم فهد شال سلاحه وجه عليه راد يضربة جان تجي لفهد طلقتين من ورة وحده بطنه والثانية
بصدرة قريبة على كلبة اندار جان يشوف
. . . . . . . . . . . . . . . .
جاسر طلعت من الغرفتي لغرفة سجى دكيت الباب سمعته دكول تفضل
جاسر . . سجى اريد احجي وياج بموضوع
سجى . . اي تفضل جاسر اسمعك بخصوص شنو
جاسر . . بخصوص فهد صديقي
سجى بصدمة حاولت تخفيه . . هاا اي شبي
جاسر ببتسامة خفيفه من رده فعلها . . عرفتي شصار اليوم بالديوان
سجى بخوف . . لا والله يشيخ محد كلي خير شصاير
جاسر . . فهد قبل خطوبتي هو اسبوع غايب محد يعرف هو وين لحد قبل يوم من الخطبة جا من سئلنا وين
جان كال جانت عندي شغلة مهمه كملته ورها البارحة جان يسئل سرمد صاحبة على قميص له ضايع عباله يم
واحد منه طبعا احنه نعرفه للقميص شايفي
سجى . . اي مفتهمت شنو السالفة اذا على القميص والله اني معليه شوفه يم ياسر
جاسر . . هههه لا يا قميص خلي اكمل وتعرفين
سجى . . عبالي اي كمل
جاسر . . اليوم جوي جماعة من غير عشيرة اذا تعرفيهم سكنو جديد بالمنطقة
سجى . . بيت ام حارث
جاسر . . اي صح همه بنفسهم
سجى . . اي شبيهم
جاسر . . عدهم بنيه الله يحفظه اكبر منج صح
سجى . . اي صح
جاسر . . اي اليوم جوي اهله على بيت فهد ومكسرين الباب ومن طالعلهم صارت مشاحنة بالحجي
بين فهد وحارث ابنهم لين وصلت بيهم الى ان فهد يكتل حارث ومكسره شافهم عمي قاسم فاككهم
وجابهم وجا للديوان الي افتهمنا من اهل لبنيه ان فهد ماخذه وهي حامل هسه منه
. . سجى صدمني كلام جاسر معقولة فهد هيج يسوي مو هو كلي احبج وعساس اليوم يجي يخطبني
طلع يضحك عليه الجذاب صدك واحد حقير ونذل و ادبسز وميستاهل ذره وحده من حبي له هيج واحد
ميشرفني اعرفه سفيه ماكدرت اضم دموعي كدام جاسر كامن من كيفهن ينزلن
جاسر . . طبعا احنه منصدكهم بدون دليل هو القميصه الي جان مضيعه على حسب كلام لبنيه ان مره من
المرات من جاي عليه ناسي يمه وطبعا فهد ميدري بهذا الشي لان هو عاف الديوان وطلع كبل لا نكمل حجينه
. . سجى بس تبجي
كام جاسر من مكانه جان كاعد على كرسي وكعد يمه على السرير مسح دموعه
جاسر . . اعرف ان انتي تحبي
سجى باوعت على جاسر بصدمه شمدري
جاسر . . واعرف هم ان هو يحبج وجان اليوم يريد يجي يخطبجسما كلتلي كلشي و لتزعلين منه لان هذا راح
يصير بصالح فهد ان هو يحب ومقرر يزوج والي صدك يحب ميخون وفهد حسب كلام سما يحبج واني اعرف
صديقي من يحب يهب كل كلبه للي يحبه سجى اريدج متظلمي بحكمج عليه او تكرهي لان راح تتندمين بس ميفيد الندم
بعدين انطي فرصة اعرف هسه انتي مستغربه من كلامي لان بصفتي اخوج الجبير وشيخ العشيرة المستقبلي لازم
اذبحج بس اريدج تعرفين اني مو ضد الحب بالعكس وياه بس شحلاته الحب بالحلال لهذا ماريدج تغلطين وتوكعين
نفسج بمشاكل و توكعينه وياج كوني حكيمه بتصرفاتج صحيح انتي صغيرة بس انتي اخت الشيخ واعيه وفاهمه مو
سجى . . جاسر احبك وحضنته
جاسر . . لا عفيه و خري عندي خطيبتي تغارعليه
سجى . . هههه خلي تولي انت اخويه قبل لا تصير خطيبه غصب عليه احضنك وانت هم ابوه فديتك
جاسر باسه براسه وكرص خدوده . . هههه ماشي بس معليه اذا فد يوم شافتج سما حاضنتني يمكن تملخج
سجى . . ههه شحده طخني ههه لتخاف هي صديقتي
جاسر . . عفيه هيج اريدج قويه يله اكوم نام تصبحين على خير
سجى . . انت من اهلو
سجى كرهت فهد بلحظه ورجعت حبيته بنفس اللحظة من وره كلام جاسر و الله داخت ماعرف اصدك
فهد لو المن اصدك بس صدك متفاجئة من بت ام حارث لان لكعه وخفيفه ولكل يعرف هل شي بس مالكت الا فهد
. . . . . . . . . . . . .
اندار فهد جان يشوف الرجال الي راح قبل شوي ودز ورح حسن جان تغوش الرؤية عدنه ويفقد الوعي جوي الشرطة
ولزمو الرجال و اخذو البقية خبرو الاسعاف لفهد بهل اثناء جا حسن متصاوب بجتفه شاف فهد بالكاع وكم شرطي بمه جا يركض
حسن . . شبي شصار
شرطي . . واحد راد ينهزم رفع سلاحه عليه ديضرب ونغدر من وره خابرنه الاسعاف هسه جايه
حسن . . لك يا اسعاف شوف دمه بطوله كوم خلي ناخذه للمستشفى
شرطي . . اي هسه اجيب السيارة
. . . . . . . . . . . .
بكر ضليت كاعد بالحديقة جتي فرح كالتلي الدكتور اجه رحت عليه وصيته على دوا للسكر ورجعت كعدت
بالحديقة ضليت متاني اكلب بالتلفون لو احجي ويه الحارس ابو عمار لحد مصار الليل رحت لبيت خالي هسه
دكولون ليش باقين بيت سما لحد متزوج يله نرجع عمود امي وخواتي يساعدوهم بدلت واكلت على الواكف
ورجعت للمستشفى لكيت فرح طالبة خفارة ومنطيه طبعا ضليت اراقبه بدون متدري طبته طلعته ويامن تحجي
عليمن تخابر ضليت هيج لحد الفجر 3:30 جنت كاعد يم الباب مال غرفة الممرضات لان فرح جانت جوه
كاعد اكلب بالتلفون لحد ما فرح طلعت من الغرفة تمشي سرييع وراحت للحديقة ومن سرعته حته مشافتني
رحت وراها جانت واكفه يم الاشجار جيت بهدوء وكفت بين الاشجار ودينه ضلمه مابين هي جانت تخابر بالتلفون
. . شنو ماكو لعد ليش خليتني اخذ خفاره هاا
. . واني شعليه اذا لزمو او لا لازم دزلي جرعة لان اليمي متكفي
. . ماكدر اتصرف بلي يمي متكفي راح يشكون بالامر وننفضح
. . اي اي بس عوف اخويه اني كلشي اسوي
سدته منه وكعدت على ركبته تجبي ربي سامحني مو بيدي هذا كله عمود اخويه وضلت شوي تبجي بعدين مسحت
دموعه وكامت نفضت هدومه وراحت واني راكف بمكاني و لا تحركت هذا كله صار كدامي بس مدفتهم ماعرف
افسر الي شفته او اشرحه شنو الي راح تسوي عمود اخوه وليش تبجي ربي سترك هاي شرلح تسوي خلي الحكه
. . . . . . . . . . . . . . .
حسن اخذنه فهد الاقرب مستشفى يمه اذخو راستن لغرفة الطوارئ واني ضمدولي الجرح الشرطة اخذو العصابة
للسجن ضلينه ننتظر اني وشرطي الي جابنه انتظره كومه طولو تقريبا 4 ساعات ضوه النهار بده يطلع همه لحد
هسه بالعمليات اروح واجي كدام الغرفة احس ايدي ورجلي مربطات صديقي ورئيسي بالشغل جو حالته خطره
واني واكف هنا مو بيدي بس الدعاء حته الاهله مطيناهم خبر لحته مايخافون ويقلقون عليه ردت اكعد انفتحت
الباب طلع الدكتور
حسن . . هاا دكتور ابشر شلونه سيدي
الدكتور . . والله ما عرف شكلك
حسن . . خير دكتور احجي
الدكتور . . الطلقة الي جتي بصدرة خطرة بس كدرنه نطلعه بدون اضرار بس الي بطنه جتي بمكان حساس
ويمكن ترجع عليه بعوامل سلبية
حسن . . مثل شنو هل عوامل
الدكتور . . بعدنه منكدر نحدد لان حالته حرجه هسه خلال الساعات الجايه نكدر انحددد هسه هو بخير الحمدلله
على سلامته كم ساعة ويكعد
حسن . . الله يسلمك دكتور تعبناك
الدكتور . . لا ابني لتكول هيج هذا واجبي انشالله يكوم بسلامه
حسن . . شكرا
كعدت على الكرسي مرتاح الحمدلله طلع منه سالم بس ليش خايف من العوامل الي كال عليهن الله تمام وكلشي ميصير عليه
. . . . . . . . . .
بكر رحت وره فرح لكيته طلعت من غرفة الممرضات راستن ختلت ماخليته تشوفني
شفته شايله ابره بيه ماده حمر باوعت عليه وخلت بجيبه وراحت على الردهه الرابعة
لحكته وكفت يم باب الردهه اباوع عليه شفته راح على الرجال الي خلته يبقه بالمستشفى يوم اضافي
لزمت السيروم مالته جان تخلي الابره بي وضربته كملت وبسرعة طلعت الثوله عبالي شافتي
من ثوله ماشافتني اني مشيت الامر الصبح جاي الدكتور يفحص المرضى وصل لعند هذا المريض
لكاه ميت ونكلبت المستشفى كلاب
. . . . . . . . . . .
رايكم ولا تنسو تصويت وتعليق
قراءه ممتعه للجميع
بسبس