ندى كانت كل يوم بتحاول تنسيني تطلعني من الانا فيهو ومرات كتير كنته بطردها من الغرفه بس برضو م بتزعل وبتجي تتطمن علي وتحنسني آكل معاها♥خصوصا انو صحتي ادهورت شديد ومرضته وكنته رافضه فكرة الدكتور.. ندى فضلت تنق ف راسي عشان نطلع ونغير جو وانا كنته رافضه تمام بس الحت علي كتير وفالنهايه وافقته عشان م تبراني كتير😑😑مشينا منتزه م بعيد شديد وندى العواليق اتاريها متفقه مع حبيبها يتلاقو هنالك🌚قلته ليها بهظار:قولي انك انتي الجايه تغيري جو وعملتني سبله عشان تلاقي حبيبك😂وانا كنت فاكراك شايله همي ي عنيات😂👊🏻ضحكت وقالت لي:والله اشتقنا لكلامك الحلو دا😙😙ابتسمته وقلته ليها:بطلي كسير تلج وامشي جيبي لي حاجه اشربا😂قالت:انتي تأمري امر ي حبقلبي😍 كنته قاعده وبراقب ف الناس وهم بتمشو ف الحديقه واصوات الضحك والفرح ماليه المكان الا انا بقيت م قادره احس بي اي فرح💔فجاءة جاتني ليك كورة طايره ف جبهتي انا لمن اتقلبته بالكرسي والسكاكات بقو ف السهله😂💔ع الاقل كانو يحترمو اللحظات الحزينه البمر بيها دي🌚سامعه واحد بقول لي:معليش ي استاذه م يكون جاتك حاجه😅ومدا لي يدو عشان يساعدني بس م اشتغلته بيهو وقمته اتنفضته سرييع سريع ومجهزه نفسي عشان اردح ليهو🙂اخير لقيت زول اتفشى ليك فيهو😎غزيت ليك إدياتي ف نصي والشمس طاقه ليك ف وشي وم شايفه حاجه وقلته ليهو:معليش بتاع جلحاتك🤨🤨 عميان ولا عميان يعني م لقيتو مكان تلعبو فيهو الا المنتزه حق الشفع دا😕بالله رجال طول عرض وتلعبو ف الكورة زي شفع الروضة وكمان تضربو بيها الناس امشو شوفو ليكم نادي ولا ملعب اتهابلو فيهو حتى ف دول الخليج م اتعلمتو النظام عملتو لينا فضيحه بين القارات والدول المجاورة🤨👋🏻الود اتفقع من الضحك لمن قعد ف الارض😂😂حتى شفته وشو كان اسمراني متوسط الطول عيونو واسعه وسوداء❣والدقن يحردوها ليهو ي يمه والعجب الضحكه توديك من الكلاكله لحدي امدرمان💕حمرته ليهو😒وقمته ماشيه وقفني وقال لي:دقيقه دقيقه ماشيه وين بعد كوم الشتايم الامطرتيني بيهو دا فاكراني بسكت ليك😏😂هووي ي شافعه المنتزه دا ملكيه عامه لمن ابوك يشتريهو ليك بقروشو تعالي حاسبيني😎💪🏻 بقيت واقفه وفاتحه خشمي شبرين😲قام قال لي:وبالمناسبه الجلحات دي شبهك انتي ي عسل🤨هييي نسيت عسل شنو انتي بصله خساره فيك يلا عندنا قيم واتأخرته ع الشباب بسببك ي هنايه🌚👋🏻👋🏻وقام ماشي وانا لسه مصدومه قادرين تتخيلو معاي الود دا ردح لي لحدي جدي السبعطاشر وانا م رديت🙉🌚كنته عايزه الحقو واتم ليهو الباقي بس ندى جات واتراجعته عن الفكرة😑 رجعنا البيت قريب المسا وصراحه حسيته بي راحه شويه وبقيت بفكر انا ليه حرمته نفسي كدا وقفلته عليها عشان خالد💔خالد الخاين لازم اطلعو من حياتي وابدا حياة جديده متأكده انو الموضوع ح يكون صعب ف البدايه بس تاني ح اتعود وانسى بقيت بدعي ربنا ف كل صلاة انو يبعد عني كل شر وينزع حب خالد من قلبي للابد🍃 وحبه حبه بقيت بنزل من غرفتي وبقعد مع عمي ومرتو وباكل معاهم وبتونس وبضحك وعمي كان مبسوط وجاب لي تلفون عشان اتواصل مع ناس امي وكانو دايما بسالوني عن خالد كيف؟وبقول انو كويس بس مشغول وعندو سفريات تبع الشغل ولاني م حبيت اشيلهم همي ونبقى ف مشاكل بين الاخوان ونتفرق سكته ع الموضوع وعمي اتبسط من شديد ووعدني انو ح ياخد لي حقي ومستعد ينفز اي شي عشان يرضيني حتى لو وقف ف وش ولدو الوحيد خالد💔 مرضي زاد زياده وبقت تجيني حمه وبستفرغ كتير وعمي طلب من ندى تمشي معاي الدكتور وانا كنته مضايقه وم عايزه امشي لاني صراحه بخاف من الحقن😖😖السواق وصلنا مستشفى خاص وندى قالت انو الدكاتره الفيهو شاطرين شديد ومزز ومجكسه معظمهم😂😂البت دي عجيبه اي مكان بتعرف فيهو ولدين تلاته😂✊🏻دخلنا وسجلنا وقعدته منتظره دوري و كان ف ناس كتار زهجته وقلته لي ندى اني حاسه بي دوخه وضيق نفس وقالت لي خلاص امشي اقعدي ف الحديقه تبع المستشفى برا ووقت يجي دورك بناديك😊طلعته برا وكنته ماشيه وحاسه بطمام م عادي والارض دي زي التقول بهزو فيها🤢🤢فجاءة اتصدمته لي مع واحد رفعته راسي عايزه اعتذر ليهو لقيتو ليك...
الود الصفق لي اليوم داك ف الحديقه🌚قلته ليهو:انت تاااني اعوذ بالله😒ضحك وقال لي:اووو هناية المعصبه ازيك🙂صدفه عجيبه معقوله بس نتلاقه مرتين ف نفس الاسبوع معناها لازم اعرف اسمك بعد دا😂😂رفعته ليهو حاجبي وانا بقول ليهو:لا خلاص ي نفيسه ناقصاك انا الزول زاتو م يعرف عمل شنو عشان تظهر ف حياتو اشكال زي دي🙂🔪المره دي فقعه ليك ضحكه بي صوت عالي تحلف تقول رقاصه😂💃🏻والله لمن الناس الكانو ماشين اتلفتو علينا😳😳قام طلع تلفونو وخته يدو ف دقنو وهو بقول لي:اسي عليك الله شكلي دا م لزيز وجذاب ويفتح النفس😙💕💕طبعا قربته اضحك بسبب كلامو وحركاتو بس اتمالكته اعصابي وقلته ليهو:لا خلاص ي سندوتش الشاورما ي بيتزت ماك🤨👏🏻👏🏻طلع نظارتو ورفع لي حواجبينو الاتنين وقال لي:كل ما ذُكر صحيح😌👌المره دي م قدرته اقاوم وضحكته😂😂واثناء م انا بضحك قال لي:دا العايز اشوفو انا من قبيل ضحكتك دي😉سكته وقلته ليهو:ليه يعني؟فجاءة قام خطف تلفوني من يدي ورنه ع رقمو وقال لي:بوريك بعدين اسي عندي شغل مستعجل ولازم احصلو😂ورمى لي التلفون وقام جاري وانا خشمي م فتحتو وبقيت مستغربه ف الحصل دا😕😕 غايتو جنس محن مشيت قعدته لحدي م جا دوري وندى ندهت لي،دخلته ع الدكتور وحكيت ليهو الحاصل معاي وطلب مني فحص دم وطلع عندي ملاريا وفقر دم بس الصدمة انو طلعته حامل وداخله ف الشهر التالت،ولحظتها م عرفته افرح عشان ح ابقى أم ولا ابكي ع حالي والمفترض خالد يكون جمبي ف لحظات زي دي💔الدكتور كتب لي حبوب وڤيتمينات كتيره عشاني وعشان البيبي💟اشترطته ع ندى ممنوع تكلم زول بالحمل دا خصوصا خالد لحدي م اشوف نهايتي معاهو بترسى ع شنو،،رجعنا البيت واول م دخلنا اتجهته ع غرفتي وقفلتها علي وطوالي دموعي جو نازلين😢😢اصلا كل شي انتهى بيني وبين خالد من لحظة شفتو فالصاله داك💔اي نعم انا لسه بحبو بسس تاني مافي شي اسمو نكون سوا💔قشقشته دموعي وبقيت بمسح ع بطني بقى عندي سبب يخليني ابتسم واعيش عشانو💚نمته وانا جواي احساس غريب غلبني تفسيرو هم ولا حزن ولا سعادة ولا خوف من اللي جاي🍃 صحيت بصوت التلفون رفعتو ورديت وانا بين صاحيه ونايمه وبصوت مليان نُعاس وبتثائب قلته:الووو😪،ردا لي:بطلي كسل ي هنايه ف زول بنوم من المغرب😂زحيت التلفون حبه وعاينته للساعه لقيتها ٨ونص،قال لي:انا اسمي فؤاد وانتي ي هنايه لسه م عرفته اسمك انا😂😙قلته ليهو:عشم،ضحك وقال لي اسي الزول لو عايز يدلعك يقول ليك شنو عشوم ولا كيف🤣قلته ليهو:بطل استهبال عامل نفسك ظريف وبتتظارف انا م عندي ليك اخلاق😒😒ضحك تاني وهو بقول لي:اسمك مميز وعندو معاني عميقه وحلوة بس اكيد اكيد م احلا من اسمي اللي هو منبع الاحساس والمشاعر "فؤاد"😌✌🏻💕ضحكته ليهو بإستهزاء كدا وقلته ليهو:ها ها واضح جدا ي شفيف اختصر كلامك ووريني عايز شنو قبل افصل ف وشك وابلكك😒😒 وع طول قال لي:عايز اعرف سبب حزنك شنو!سكته مسااافه حتى قلته ليهو:ومنو القال ليك اني حزينه ي استاذ😏قال لي:كلمتني عيونك🌸سكته تاني حتى قال لي:ممكن اعرف السبب؟وقبل م افتح خشمي بكلمه سامعه ف زول بنادي ليهو ي دكتور فؤاد عايزنك ف القسم Bعندنا حاله مستعجله،قال لي:برجع ليك بعدين اسي مشغول سلام.. قمته صليت المغرب والعشاء ودعيت ربنا كتيير يقويني ويصبرني ع الامتحان الانا فيهو دا🌸مرو كم يوم وفؤاد تاني م اتصل علي ولا انا فكرته ارجع ليهو ونسيت الموضوع،كنته قاعده بتونس مع ندى جاني اتصال من رقم غريب اتوقعتو يكون فؤاد بس لمن رديت وجاني الصوت الخلا قلبي يدق وانتفضته من مكاني بسرعه وطلعته برا الغرفه وقلته ليه:ف شنو تاني؟قال لي:عايز الاقيك!!،،رديت بسرعه وانا حاسه بأنفاسي بقت حاره:بعتذر بس م عايزه اشوفك او اتكلم معاك وقفلته الخط ف وشو وحظرته رقمو ع طول، واثناء م انا واقفه والعبره واقفه لي ف حلقي،تلفوني رنا وكان رقم غريب ع طوال فتحته الخط بإنفعال وبدون م اسمع الطرف التاني"قلته ليك م عايزه معاك كلام خليني ف حالي يااخ"وقفلته الخط لاني كنته متأكده مليون فالميه انو دا خالد...
#
بعد شوية نزلت لي رساله"ي هناية إتأكدي اول من الرقم حتى تبدي ردم معاك د.فؤاد😂😂"رسلته ليهو"حل عني الساعة دي م ناقصاك😒🔪"فجاءة اتصل عان السغيل دا بالله نهائي م عندو دم😑رديت وبنهره قلته ليهو نعم🙄😒قال لي:اول شي م اسمها نعم اسمها السلام عليكم ي هلا اهلين او مرحب🤗م ممكن اسلوب المتنمرين دا😂😂قلته ليهو:اصلا انا م عارفه بتكلم معاك ليه حل عني ي لصقه😒ضحك وقال :لصقه بس عليك الله م ظريف وبغير جو🤣🤣قلته ليهو:لا خلاص ي مكيف نسمه يا..،،قاطعني وهو بقول لي بسرعه كدا:نسمه وLG وفريون وكلوو اللهم منتظرك بعد ساعتين جمب نفس المنتزه اليوم داك يلا سلملم👋🏻👋🏻 وقفل الخط،اجي دا نظام شنو يعني😐😐وكمان بحدد لي موعد الاقيهو من غير م يسمع اذا موافقه ولا لا😕دا اخر الزمن ولا بمشي ولا ح افكر زاتو🙄🌚يا زول بس مرت ساعه ونص وانا بقيت كل دقيقه اعاين للساعه فجاءة نزلت رساله فتحتها"انا اتحركته ع المنتزه اطلعي بعد دا"،،بقيت ماشيه وجايه ومره اعاين للساعه ومره للرساله🌚اتقول انا ناقصه ياخ فوق كم لفحته اقرب عبايه وطلعته اجرته لي تكسي ومشيت،لقيتو ليك واقف جمب عربيتو ومدخل يدينو ف جيوب البنطلون ولابس ليك داك ي الطقم الما خمج وعاد نضيف اكتر من نيتي😂😂اول م شافني ابتسم وجا مدا يدو للسلام احرجتو وقلته ليهو:م بصافح😌 وكان ف بت قطرية ماره من جمبنا تخيلو وقفا وقال ليها:ممكن اسلم عليك عشان اقول لي اصاحبي صادفته القمر وسلم علي😍💕البت ضحكت وبعد سلمت عليهو اداها رقمو واتلفت وغمز لي وقال ليها: تاني م ح اغسل يدي عشان ريحتك م تفارق يدي😍💕وقامت ماشيه وهي بتضحك،عاد لكن م بسألك يختي🌚ولا انت ي كبير عوعو خفيف ولفيف وعامل ظريف🤨 قال لي وشك مالو بقى عامل كدا دي الغيرة ع شباب الوطن ولا شنو🤣🤣👋🏻بس بيني وبينك عليك الله م كسار انا😌🤗قلته ليهو:اي والله كسار تلج من الدرجه الاولى😏👋🏻 ضحك وقال لي:يلا يلاااا سريع ح نتأخر ومشى ركب ف العربيه وفتح لي الباب القدام،بقيت واقفه وخاته يديني ف نصي وبهز ف رجلي وبعاين لي بي نظرة لا بالله 🤨🤨شكلو فهمني وضحك وقال لي:م تخافي اسي شكلي دا شكل متحرش😂😂 عاينته ليهو كدا😒😒وقلته ليهو واضح🤨خته يدو ع صدرو وهو بقول لي:دا انا غلبان والنبي🙈وقفته مسافه بعاين ليهو وهو لسه بأشر لي ع الكرسي😑مشيت ركبته وقفلته الباب وانا بقول ليهو:م عارفه البخليني اسمع كلامك شنو ولا حتى اضمنك وانا م بعرف عنك شي غير اسمك😑😑 دور العربيه وقال لي:دا سحر فؤاد الخاص😌😂✌🏻قلته ليهو وانا خاته يدي ع باب العربيه:ح تبطل ظرافه ولا انزل واخليك😒قال لي:خلاص خلاص سكته وعمل حركه بي يدو نظام قفلته خشمي🤐 سندته راسي ع الشباك وبقيت براقب ف الشارع وجاتني صورة خالد ومعاهو حنان لمن جو داخلين الصاله💔غمضته عيوني وانا بحاول ابعدها عن تفكيري وامسحها وبدون م احس دموعي نزلو😢اااه ي خالد متين ح اقدر اتجاوز الذكريات والالم السببتهم لي متين💔،،"م سألتيني ماشين ع وين"قلته ليهو:م فرقت..وانا لسه بعاين للشارع،قال لي:اسي لو خطفتك حتعملي شنو😂👋🏻 قلته ليهو وانا لسه سرحانه:ياريت..،،بعد مسافه وعيت لي نفسي😳قبلته عليهو بسرعه وقلته:ياريت😳ياريت شنو؟اووع تكون فهمته غلط انا اصلا م كنته مركزه معاك😅😅👋🏻 ضحك وقال لي:لا لااا كلام الاول م بتحول😂😂قام نزل من العربيه وجا فتح لي الباب وقال لي:اتفضلي ي سنيوريتا😂💃🏻نزلته وكان ف مبنى كبير وقدامو حديقه ملايانه ورود وف نصها نافورة وكان ف لوحه جمب البوابه مكتوب فيها"مستشفى الامل للأورام"استغربته شديد وبقيت بعاين لي د.فؤاد،قام قال لي وهو بأشر لي ادخل معاهو:ارررح سريع مافي وقت،بقيت ماشيه وراهو وف كميه من الدكاترة القطرين والاجنبين بسلمو عليهو والمرضى برضو بقيفو يتونسو معاهو وهو يضحك ويتهابل معاهم🌸كان ظاهر انو شخص محبوب شديد وطيب بقيت متابعاهو وبعاين ليهو وهو بزور ف اقسام المرضى العجايز والشباب والاطفال ويشاغل دا ويهظر مع دا وكان بقدم للأطفال قطع من الشوكلاته🍫🍬ويطلع السماعه ويخليهم يسمعو دقات قلوبهم❤صراحه حسيت بي كميه كبيره من الراحه والسعادة وانا بشوف الاطفال مبسوطين ويضحكو بالرغم من الالآم والتعب بسبب المرض والعلاج الكيماوي والحقن والاجهزه الكتيره الموصله ف اجسامهم الصغيرة💔حسيت قدر شنو انا محظوظه وبكامل عافيتي واهلي وصحباتي حوليني❣خصوصا بعد دخلنا ف قسم لمجموعه من المرضى الما عندهم اهل وليهم اكتر من سنه فالمستشفى بصارعو ف المرض وماف زول معاهم يطبطب عليهم ويصبرهم غير الاطباء والممرضين💔 واحنا طالعين د.فؤاد قال لي:اهاا كيف اسي؟قلته ليهو:كيف يعني م فهمته!؟قام نطته قدامي وقال لي:مخك عصيدة بس😂😂انا كنته متأكد انك م حتوريني سبب الحزن الشايفو ف عيونك دا عشان كدا شغلتك ذكائي الخارق وقررته اجيبك معاي هنا وتشوفي قدر شنو الناس المجودين جوا ديل صابرين وعايشين حياتهم بالرغم من انهم عارفين انو تحت اي ظرف ممكن يفقدو حياتهم حتى بدون م يودعو البحبوهم،تتخيلي مقدار الالم بكون قدر شنو وانتي بتشوفي زول عزيز ع قلبك بموت قدامك وانتي م بيدك شي وبس تراقبي بعيونك وتدعي ليهو،انا ياما شفتهم مناظر تكسر القلب لناس احبابهم ماتو بين ايديهم وكلنا م قدرنا نعمل ليهم شي وانتي براك شفتي بعينك حالتهم وبالجد هم منبع للتفائل والفرح❤عشان كدا عيشي حياتك واغتنمي كل لحظه بتجيك عشان تكوني جمب الناس البتحبيهم وبحبوك واما الاختارو يبعدو عن طريقك فأكيد لي خير والعايزك م بتهون عليهو العشرة حتى ولو كانت يوم ي عشم✋🏻وبعد دا امسكي مني المايك لاني اتحمسته🤣🤣🔥✊🏻 فاللحظه دي بكيت وضحكته ف نفس الوقت بسبب كلامو الاثرني شديد وف النهاية قلبو هظار😂قلته ليهو:انت م نصيح يلا انقلع قدامي عايزه ارجع البيت اتأخرته،نزلته بعيد من البيت بشويه وبقيت ماشيه وكل م اتذكر كلام د.فؤاد ابتسم،وكانت منتظراني مفاجاءة لمن وصلته...
يتبع