دي قصتي انا عشم ااي عشم م عشه😂😂 عمري 21سنة كلبوظه بس م شديد وطوييييله عمود كهرباء بس😂 وما شاء الله لا تعرفوني تبع البنوت ولا الاولاد😂😂💔حياتي عبارة عن فوضى انا والترتيب خطين متوازيين😂💔 من ما قمته ما ف زول اتقدم لي او خطبني لامن بعيد ولامن قريب اتقول حيطه بعيد عنكم🙊🙊عندي اختي اصغر مني اسمها مُنيه متزوجة وقريب دا ح تبقى ام🐣طبعا ماف مقارنه بيناتنا هي ست الجيه ومن قامت بتحب تتهتم بنفسها عكسي انا محمد ولد زي م بتقول امي🙉 وبشغلوها لي دايما ف البيت وخصوصا عماد اخوي الكبير بقول الا يسوقني اشتغل معاهو ف الورشه😒المهم بقيت الحبشيه ف البيت خصوصا بعد ما منيه اتزوجت😭😭طبعا وزي م قلته ليكم ولا شيطان معبرني مافي حتى ولو بالغلط🌚وانااا زاتي م اشتغلته بالموضوع كتير من البيت للجامعه ومن الجامعه للبيت😑😑لحدي هنا كويسين وفجاءة دخل حياتي العارض الاسمو"خالد🙂"وقلبها لي راساً ع عقب زي م بقولو🙃🔥
.
كان يوم عادي جاني عماد اخوي من صباح الرحمن كشح فيني جردل موية💦لمن اتشرقته😣😣 وقال لي:م اكون صحيتك😁😁قلته ليهو وانا باخد ف نفسي:والله الليله اكلم ليك ابوي ي غياظ😠😠قال لي بي ضحكه كدا:ابوي هو القال لي امشي صحيها وشيل معاك جردل موية لانو البت دي لو جا زلزال م بتصحى😂😂طوالي شلته المخده وفنيتو بيها وهو قام جاري وقال لي:ابوي قال عايز يتكلم معاك امشي ليهو ي خجيجه😂😝مشيت لي ابوي بهدومي ديك ومن شافني قعد يضحك وقال لي:عماد خلاك زي الغنمايه الصابه فيها مطرة😂😂ضحكته معاهو وفجاءة طلع قروش ومداهم لي🤩قلته ليهو ابوي حبيبي تسلم بس المناسبه شنو😁😁قال لي ناس عمك الزين جايين الليله امشي انتي وعماد السوق جيبو حاجات البيت لاني ماشي استقبلهم ف المطار🙂شنووو شنوو الزين منو وسوق شنو وكمان انا وعماد😨😨لا لا خليهو يمشي براهو اندرتيكر دا م يمشي معاهو😖😖ابوي فقعه ضحكة وقال لي:هو العرفو باللحمة والخدار شنو؟يلا سريع ماشي البسي ماف زمن الجماعه ع وصول🙂جريت رجليني ومشيت وماف داعي احكي ليك عن التنظيرات و الفلسفة العملها لي عماد ونحنا بنختار الخدار😑المهم قريب العصر كدا الباب دقا واسمع ليك السلام والضحك ف خرم فالشباك بقيت بعاين بيهو و عيني م تقع الا ف ملاك😍ياخ م صدقته عيني دا جا معاهم من قطر بالغلط ولا شنو🙊مستحيل يكون حقيقي دعكته عيوني لمن حمرو👀وتاني عاينته اشوفو ليك واااقف وااي ي قلبي الجاتك سكته🙉💓والله بدون م اشعر بقيت بنطط ف السرير كانو جايين يعقدو علي😆اول مره يلفت انتباهي واحد للدرجه دي شي عيون ورموش انا م فيني😂🙊 بس بقيت غازه عيني👁لمن قربت تطلع بالقدة ودخلو الصالون وانا لسه متلصقه وبكشف😍بعد شوية امي نادتني وقالت لي:هاك ودي العصير دا للضيوف وسلمي عليهم😍 قلته ليها بدون م اشعر وانا خاته يديني ف خديداتي🙊وااي م بقدر ي امي🙈جاتني ليك لللب ف ضهري لمن بقيت بقحقح😣وقالت لي:بتتعولقي مالك جنيتي يلا طيري ودي العصير للجماعه مسافة اخت الغدا😠خطفته ليك الصنيه وقمته جاري وبس وقفته ف خشم الباب وعاد تعالو شوفو الخجل لمن دخلته جسمي بقى برجف براهو زي الزول الطاقاهو كهربا😆ختيت الصنيه وزولتكم عينه م رفعته من الارض😂سلمته ع عمي ولمن جيت اسلم ع ولدو كان قاعد جمب عماد من اللخمه والكبكبه سلمته ع عماد اخوي وطلعته🙉قريب المغرب ابوي جاني وكنته واقفه ببحت ف دولابي وقال لي:عمك الزين خطبك لي ولدو خالد💙انا شهقته و اتلفته عليهو وبدون م اشعر قلته ليهو بي هجمه:كضاااب😳😳..
.
ابوي حمر لي مسافه😒 وقال لي:بطلي عبط انا وافقته والناس ديل جاهزين وقالو العرس بعد شهرين عشان تسافري معاهو طوالي واعتقد م عندك اعتراض ع كلامي واذا خاته زول ف بالك وريني من هسي لاني م ناقص درامات مع اخوي وولدو،،هزيت ليهو راسي ب لا لا م عندي 🤭 ابتسم وقال لي ربنا يتم ليك ع خير وطلع❤انا طبعا رقدته سلطه ماااا قادرة اصدق ح اعرس الملاك دا احيييييي ي فشفاشي وقلبي وحواجبي🙊🙉💓بس كان القدر مخبي لي شي تاني..بليل وانا ف عز شخيري وتقول مخنوقه بي حبل😂😂 وكراع ف الارض والتانيه ف السرير والرياله شلال يشهد الله😴😂فجاءة افتح عيني القى ليك زول راقد جمبي وبعاين لي👀😨انا اتخلعته لمن شعرت جلدي قامت وغلبني اتحرك النور كان مفتوح بس طشش بي 😨خالد!!!قلتها وانا بتمتم وبحاول استوعب الموقف دعكته عيوني خمسطاشر مره امكن بتخيل لي😨قام خته يدينو ورا راسو واتكل عليهم وهو بعاين للسقف وقال لي:انا م داير الزواج دا وفي وحدة بحبها ووعدتها بالزواج و مستحيل اخلف بوعدي💔 انا كنته لسه مخلوعه وبعاين ليهو ومستغربه ف جرائتو الكبيرة دي😳😳اسي لو عماد جا داخل اكيد ح يقتلو او امي😳فجاءة قطع حبل افكاري وهو بقول لي:اتصرفي وفركشي الزواج دا لاني لو اتزوجتك صدقيني م ح تشوفي لحظه سعيدة🤨 قمته ع حيلي واتلصقته مع الحيطه وقلته ليهو:اذا انت م عايز الزواج دا كلمهم براك وف النهاية الكلام برجع ليك وانت البتقرر🙁صره حواجبو وقال لي:انا م بقدر اخالف كلمة ابوي عشان كدا انتي لازم تنهي الموضوع دا باي شكل والا صدقيني حتندمي ف النهايه😠وقام طالع من الغرفه وانا لسه متلصقه ع الحيطة ومصدومة وكلماتو بتتردد ف كل اركان الغرفه💔م قدرته انوم لحدي اذان الصبح قمته اتوضيت وصليت ودعيت ربنا يقويني ويطلعني من الورطة الانا دخلتها فيها دي..نمته وصحيت متأخره والغريبه امي م جات صحتني الليله زي عوايده مشيت ليها لقيتها بتعمل ف الفطور ومن شافتني ضحكت وقالت لي م قدرتي تنومي من الفرح اخيرا ح افرح بيك واشوفك عروس بسس اوع تجيني راجعه بي خبيزتك ولو انها م بعيده منك😂😂ضحكته معاها ورديت:الخوف يجيبوني تاني يوم طوالي😂😂جا عماد داخل وقال لي:والله ياا حليلو ود عمي اتورط وح يتزوج العوقه المنكوشه دي وفكاها ضحكة وقام جاري😂😂💔لحقتو وانا شايله المفراكه وهو جرى طلع برا البيت🏃🏻♀قفلته الباب عايزه امشي القى خالد ف وشي😒😒قال لي:خلاص انتهيتي من اللعب يلا امشي اتكلمي مع عمي عشان ننتهي من المهزله دي💔سكته وم رديت ليهو،عايزه امشي كدا مسك يدي وقال لي بدون م يتلفت علي وبنهره كدا:كلامي دا واضح😠 سحبته يدي طوالي وقلته ليهو:منو الاداك الحق تتعامل معاي بالطريقه دي🤨وغير دا مشش انت م عايز الزواج دا امشي براك اتكلم مع ابوي لاني برضو بحب ابوي ومستحيل اكسر بخاطرو💔وقمته ماشيه بسرعه بدون ما اسمع منو اي حرف زيادة..
ابقوو قراب❤❤❤❤❤🌸
