قريب المغرب جو خالات خالد واختو الكبيرة نهاد وجابو حاجات الخطوبة❤طبعا ام خالد متوفية💔ليها قريب ال١٠سنين وابوهو متزوج وعندو من زوجتو التانية بت واحده اسمها ندى بس م نزلو معاهم وقالو بنزلو قريب من موعد الزواج بسبب دراسة ندى،جاتني نهاد وقعدت معاي دا اول لقاء لانها هي زاته متزوجة ومستقرة ف السعودية وكانت ظريفه شديد حكت لي كل شي عن حياتها وانها من زمان كان بتتمنى تلاقينا بس الظروف💔و تشيل وتشكر ف خالد وانو طيب وزول حاره والكلام دا وانا من جواي بقول ليها شكلو خالد البتحكي عنو دا واحد تاني غير خالد الشفتو بعيني داك💔عملنا خطوبه بسيطه وبقيت بتونس مع خالات خالد وبناتهم وقريب الساعة 9طلعو من عندنا اما خالد فما جا ونام ف بيت خالتو،اصبح الصباح قمته صليت ومشيت شربتا الشاي مع ناس ابوي وعمي وكانو مبسوطين💙وبتكلمو عن التجهيزات ومتين موعد الزواج يجي ويتم ع خير،اما انا سرحته واتذكرته كلام خالد ووعدو لي اني م ح اضوق معاهو غير الوجع لو الزواج دا تما💔قمته دخلته غرفتي اتصلت ع اختي منيه وبارك لي وقالت انها ح تجينا قريب💓وفجاءة يجي داخل ع خالد انا من الخلعه التلفون وقع من يدي،دنقرته عايزه ارفعو قام خالد عفصو بي رجلو👞طبعا حركتو دي استفزتني شديد قمته لزيتو بكل قوتي وقلته ليهو:اوع تفتكر اني ضعيفه وممكن اخاف منك او من كلامك😠😠ابتسم وقال لي:البشوفك لما جيتي تسلمي علينا وشغاله تتراجفي زي السوسيو المبلول م بقول عندك جراءة بالشكل دا😏😏ووقف ف الباب وقبل م يطلع قال لي:خليكي قدر كلامك😏 م رديت ليهو وشلته تلفوني ورجعت لي منيه واتونستا معاها وبعد قفلت مني مشيت لي امي ف المطبخ وساعدتها ف الفطور،بعديها شلته عبايتي عبد الواحد😂💔 ومشيت لي صحبتي اشجان فتيتو ليها كلو طبعا اول عملت نفسها زعلانه عشان م عزمتها للخطوبه بس بعد فهمتها القصة راقت وقالت لي:الود دا خطير بس اووع تظهري ليهو ضعفك🤚🏻قلته ليها يا زوله دا قولك تربيتك ي ستي😂😂💪🏻وقعدنا نضحك قيلته معاها لحدي العصر حتى رجعته البيت ولقيت العارض داك ف وشي😒😒واقف بتكلم بالتلفون وشكلو بيتكلم مع حبيبتو القالها ديك لاني اول مره اشوفو بضحك بس الصراحه ضحكتو تجنن😍عملته نفسي م شايفاهو ودخلته غرفتي بعد شوية جاتني امي وقالت لي:العقد حددوهو الجمعة الجايه وبكرا ح يجيبو الشيلة وكل مستلزمات العرس،،انا اتصدمته وقلته ليها مستحيل طبعا ومش كانو متفقين بعد تلاته شهور☹☹امي قالت لي:انا زاتي م رضيت لانو الوقت ضيق ولسه م جهزناك ولا اتحبستي حاولته اتكلم مع ابوك بس قال انو عمك قال خير البر عاجله وانو عايز يرجع الدوحة قال اتصلو عليهو من الشركة وقالو ف مشاكل ولازم يرجع ف ظرف اسبوعين
سكته وبقيت م فاهمه حاجه وفعلا تاني يوم جابو الشيله وسد المال واي شي وعدا الاسبوع سريع ونهائي م شفته خالد من يوم امي كلمتني بموعد الزواج تاني م ظهر..
قريب الساعة 8جا خالد وساقني من الكوفير وخشمو م فتحو معاي وبس مركز ف الطريق وعاقد حواجبو☹انا كنته متوترة وبهبش ف باقة الورد الكانت بين يدي،فجاءة قال لي:انتي عمرك م ح تحسي بالعذاب الانا عايشو حاليا💔ولاحتى للحظه لانك لو كنتي بتعرفي احساس تفارق قطعه من روحك و قلبك م كان تابعتي ف الزواج دا💔طبعا اتغظته شديد قبلته عايزه اردح ليهو لقيت ف دموع نازله من عينو😭اتراجعته وركزته نظري ع الورود فجاءة وقف العربيه ونزل وجاني صوت الموسيقى والزغاريد عاينته لقيتنا وصلنا الصالة♥ و احنا داخلين خالد مسك يدي بقوة م باقي ليهو الا يكسرها عاينته ليهو لقيتو صاري وم ببشر مع زول والناس كلهم متلمين وبباركو لينا وخالد كان ببتسم ابتسامه خفيفه وباهته💔☹جو صحباتي وبنات اهلنا وبقينا نرقص سوا واي وحدة تشاغل فيني وكانو مبسوطين كلهم الا اتنين انا وخالد💔 انتهت الحفلة والمباركات والتهاني وطوالي اتحركنا ع المطار وشغالين عزاء انا وامي ومنيه وحتى عماد اخوي كان ببكي بس حاول يخفي دموعو وجا ضربني ف كتفي وقال لي بضحكه كدا:عشوش اخييرا حنرتاح منك ي بايرة ي الما بتشبهي البنات😂😂💔قلته ليهو عماد وفكينا الضحكه كلنا ومنها بديت حياة جديدة عمري م اتخيلتها بالشكل دا..
