مره اسبوع وكنته حاسه نفسي اسعد وحدة ف الكون♥خالد كلمني قبل يومين وقال عندو عرس صحبو شديد من زمن الجامعه وطول اليومين الفاتو كان مشغول معاهم حتى اخد اجازه من الشغل وبمشي وبجي راجع المساء،اها يوم العرس خالد قال لي انو حنمشي متأخرين يعني م من بداية الحفله نمشي منها والعرسان جايين ونحضر الجرتق وانتهينا،خالد دخل معاي المطبخ وقال الا يساعدني ظبطنا ليك حلة بامية خطيرة😂😂وبقينا نتشاكل منو يحمر البطاطس لحدي م حرقت والضحك شرطنا🌚،اها قريب الساعه١٠ طلعنا من البيت وكنته لابسه فستان اسود ناعم فيهو لمعه خفيفه وفاكه شعري كان نازل قريب من كتفيني💇🏻♀وشلته شنطه صغنونه باللون الفضي😍وخالد كان متظبط للنهايه حتى اشترى بدله جديدة عشان الحفله،وصلنا الصاله وكانت واااو شديد😂😂قصر بس يشهد الله،خالد مسك يدي وجينا داخلين وم كان ف ناس كتار انا لمن استغربته،خالد اشر لي ع طربيزه قريبه من باب الصاله والممشى بس انا رفضته وقلته ليهو كدا ح نكون بعيدين من العرسان وان عايزه اشوفهم من قريب🙁ضحك وقال لي:صدقيني الاحسن تكوني بعيده،،قلته ليهو كيف يعني😐ضحك وقال لي:بحكي ليك بعدين،قعدن براناا ف الطربيزه وكنته بتونس مع خالد وهو كل دقيقه يعاين للتلفون😑اتغظته من حركتو دي شديد بس قلته بحاسبو بعدين،تاني جا صحبو محمد وقعد معانا وكان بعاين لي بطريقه غريبه انا لمن احترته فيهو يا ربي ف شي غلط ف مكياجي او شعري🌚🌚خالد جاهو تلفون وقام طلع برا عشان يرد ومحمد مُصر يعاين لي انا لمن قربته اديهو كف😬😬بعد شويه اغنية الزفه اشتغلت والعرسان شكلهم وصلو،بقيت بتلفت وافتش لخالد بعيوني بس م شفتو رفعته التلفون واتصلته عليهو اداني مغلق😐😐فجاءة ضلمو المكان وبقت الاضاءة كلها ع باب الصاله وانا م عرفته اركز مع التلفون ولا الباب،العروس جات داخله وكانت ما شاء الله ملكة جمال عاد يا يمه قطعة شكلاته ع قول الصعيدين😂😂🔥عيني بارده عاد حوريه بس😍واثناء م انا مركزه مع العروس والعريس م قدرته اشوفو بسبب الاضاءة والدخان تبع العرض فجاءة اشوف ليك خالد ماشي مع العروس وماسك يدها😳😳اجي!والناس شغالين ليهو ابشر يا عريس وهو ببشر كمان،اجي انا بحلم ولا شنو😳كيف يعني انا م فاهمه حاجه😐بقيت مصدومه وم واعيه لي شي حتى صوت الزغاريد والاغاني م سامعاهم،بس مركزه نظري ع الباب وكل مره اللقطه دي بتتعاد ف عقلي كأنها مسجله،خالد💔ودي منو كمان؟ودا شنوو البحصل دا من اساسو مستحيل طبعا🙁🙁خالد غدر بي💔بي💔بقيت متجمدة ف مكاني حتى م التفته وعاينته ليهم تاني بس قاعده وعيوني معلقه ف الباب لحدي م الحفله خلصت وبدو الجرتق،انا كنته قاعده زي الجثه لا قادره اتحرك او اقول حاجه او حتى ابكي💔ما عارفه كيف ولا متين لقيت نفسي طلعته برا الصاله ورجليني م شايلني🐽قعته ف الارض حاولته اقوم م قدرته انا عايزه امشي من هنا😭عايزه ارجع البيت عايزه ارجع لي خالد هو منتظرني هناك💔💔مستحيل يكون الكائن الانا شفتو جوا دا خالد مستحييل خالد بحبني وقال عمرو م ح يتخلى عني ولو للحظه☹لازم ابعد من هنا دا كابوس بقيت م قادرة اتحرك حسيت بجسمي كلو اتخدر،جا محمد رفعني بقيت اصرخ واقول ليهو:زح مني انا م محتاجه لي مساعده من زول،انت مجنون خالد لو شافك ممكن يقتلك هو بحبني شديد وم بيرضى زول يعاين لي،لزيتو وبقيت ماشيه وم شايفه اي شي قدامي غير صورة خالد وهو داخل وماسك يد البت ديك💔 صرخته بأعلى صوت عندي وانا بقول ليهو:خااااااين خاااين خااااييييين💔اتألمت لدرجة اني م قدرته انزل ولا دمعه بس حاسه نفسي زي المخدره،محمد وصلني البيت وكنت شبه غايبه عن الوعي وبتكلم ومرات اسكت وهو بس ساكت وبسمع ف كلامي لحدي م وصلته البيت وفتحته الباب وقفلتو حتى بدون م اعاين لي محمد او اشكرو،خالد💔قبل ساعات كنته بتضحك وبتهظر معاي كنته جمبي💔واسي سلبتني كل شي ومشيت💔 صحيت الصباح ع صوت جرس الباب كنته نايمه ف الارض م عارفه كيف ولا متين قدرته انوم صوت رنين الجرس المستمر اجبرني اقوم من مكاني ومشيت فتحته الباب كانت ندى من شافتني طوالي حضنتني وبقت تبكي وانا م حركته ولا رمش🙁بكت كتير وهي بتقول لي:انا م صدقته الحصل الا لمن محمد اتصل علي كنته قايلاهو مجرد مقلب عاملو خالد بس لمن محمد رسل لي صور حنان بالزفاف وخ..وقبل م تتم كلامها زحت منها وجات لاحقاني وهي بتقول:انا متأكدة انو ف سوء تفاهم خالد مستحيل يعمل كدا هو من فترة اتكلم معاي وقال انو نسى حنان وبدا يحبك انتي،م رديت وعملته نفسي برتب،قالت لي:عشم ف حاجه غلط انا متأكد والله خالد م كدا🙁💔خالد بيحب..وقبل م تتم كلامها صرخته وقلته ليها بغضب كدا:خالد منو خالد انتهى..🍃💔بتذكر اليوم داك اني بكييت كتير اكتر من اي يوم ف عمري بكيت بي حرقه والم كأني فقدته اهلي كلهم بكيت وف خاطري الف سؤال وسؤال بكيت وانا م عارفه ليه خالد عمل معاي كدا وانا م عرفته زنبي شنو ف الحصل دا كلو،بكيت ع اللي راح واللي الجاي،بكيت وانا والعبرة خانقاني وصوتي بطلع انين😭بكيت بسس بدون دموع وكأنو دموعي كانت بتقول لي خسارة ننزل ع واحد زي دا..💔🍃
ندى حاولت تطبطب علي بس انا فاللحظه ديك م كان ف اي كلمة اعتذار ممكن تخفف الوجع الكنته حاسه بيهو،قلته ليها:ممكن تمشي وتخليني براي،ندى قالت مستحيل تخليني براي وانها م كلمت زول بالحصل حتى امها من محمد كلمها لبست وجات ع طوال،قلته ليها:لو سمحتي انا عايزه اقعد مع نفسي شوية ممكن تمشي عشان م تسمعي كلام ما برضيك💔ندى سكتت وبالرغم من كلامي الجارح الا انها ابتسمت وقالت لي طيب بس ح اجي اطمن عليك بعدين انا م رديت عليها وكان كل همي انها تمشي بسرعه لانو عيونها بتشبه عيون خالد وانا م عايزه اشوف اي شي بذكرني بيهو تاني💔فجاءة نزلت رساله ف التلفون رفعتو وشفتها كانت من خالد،وكان كاتب"بتتألمي شديد صاح،دا نفس الالم الانا حسيتو وقت اتزوجتك"،،ولا كضبته ع طوالي اتصلته عليهو ومن اول جرس ردا وقبل م يقول اي حرف قلته ليهو بضحكت استهتار كدا:أنت مفتكر نفسك كدا تضوقتني من نفس الكاس الانت جربتها بسس شكلك نسيت حاجه واحد،انت بس جربته شعور الفراق،اما انا جربته الاسوء من الفراق،الخيانه والغدر والخذلان انت بقيت مجرد خاين وانت لو كنته بالجد حبيت قبل كدا مستحيل تقدر تجرح زول او تخليهو يضوق نفس الالم الانت عشتو بس نفسي افهم كيف الزول ممكن يزيف مشاعرو ويوهم زول تاني انو بحبو؟كيف بتقدرو تقولو كلام عن الحب وهو طالع من طرف اللسان م القلب💔الظاهر الحاجه دي مشتركة بين كل الخونه زيف المشاعر وموت الضمير💔🍃وطوالي قفلته الخط وغمضته عيوني ع الحقيقه المره الانا عايشها🙁رميت التلفون بكل قوتي ف الارض وكسرتو،دا نفس التلفون الكنته فرحانه بيهو لبعد الحدود بقى م فارق معاي ورميتو بدون اي تردد،عايزه اتخلص من كل شي بخص خالد بقيت بكرهه كل شي بذكرني ليهو💔دخلته ف حاله رميت كل الملابس الجابهم لي خالد حتى ملابسو الخاصه رميتهم والفستان الكنته لابساهو جبته سكين وشرطو وبقيت شغاله ارمي ف الحاجات بالشباك وانا بكورك لحدي م انهارت قواي ووقعته ف الارض💔وعيت ع صوت ندى وكان باين ف وشها الخوف والقلق وهي بتقول لي:عشم الحصل شنوو والبيت مالو مقلب كدا و..و ليه راقدة ف الارض وفستانك القطعو كدا شنوو😟😟يا بت ردي علي م تخليكي ساكته كدا،قلته ليها:م عايزه اشوف حاجه بتخصو حتى البيت دا طلعوني منو عايزه ابعد من كل شي لو سمحتي سوقيني من هنا🤢وفعلا ندى اتصلت ع السواق حقهم ومشيت معاها بيتهم..وكنته مقرره امسح من حياتي حاجه اسمها خالد للأبد بس الكلام كان اسهل من الفعل...🍃
انا خالد مهندس مدني عمري 29سنه كنته عايش حياتي بكامل حريتي والحمدلله وضعنا كان اكتر من ممتاز وكنته ع علاقه مع وحدة معانا ف نفس الكليه بس قسم تاني اسمها حنان اعجبته بيها وحبيتها من اول يوم شفتها فيهو وهي برضو،علاقتنا دامت اربعه سنوات وكنا متفقين نتزوج بعد اخلص الجامعه واشتغل،بس حصلت حاجه وحدة م كانت ف الحسبان ابوي قرر يرجع السودان ونزور اهلنا الهناك انا حبيت الفكرة بس لمن مشينا اتغير كل شي ولقيت ابوي فجاءة بفاتحني ف موضوع زواجي من بت اخوهو الاسمها عشم!!
بالرغم من انو اتكلمته معاها ووريتها اني مرتبط وكدا وحاولته اهددها واخوفها عشان تعمل اي حاجه ونفركش بس كانت عنيدة وشجاعه بالرغم من الخجل الكان ظاهر ف عيونها بس كانت عصبيه وتصرفاته غريبه وحتى كلامها خصوصا بعد م تم الزواج وعشته معاها.. عزمته اخليها تجرب نفس الالم الانا عشتو،وقلته لازم اخليها تتعلق بي حتى انفذ الفي راسي😏😏دا كل الكان هاميني ف البدايه وفعلا نفذته كل الفي بالي وبعد اتعلقت بي ووهمتها بي حبي مشيت واتزوجته البت الكنته بحلم بيها طول عمري🌸وجبتها معاي حفل الزفاف،كنته عايز اشوف ردت فعلها ع الحصل بس هي بقت ساكته وقاعده ف مكانها وانا لحدي م خلصت الحفله كنته مراقبه بعيوني بس هي م اتحركت وكنته بس شايف شعرها بتحرك مع الهوا تبع التكيف وهي قاعده ومقبله ع الباب وكنته بتمنى انها تتلفت عشان اشوفها بس فضلت بدون حركة لحدي م فجاءة اختفت من نظري م عارف بس كان عندي رغبه كبيره اني اطلع واشوفها وين وفضلته افكر ف البحصل ليها بعد دا وبقى تفكيري معلق معاها وقدر م حاولته اتجاهل البحصل دا م قدرته وتاني يوم ع طول رسلته ليها وقبل ازح التلفون من وشي اتصلت وكنته عارف انها ح تتعامل معاي بي برود وفعلا حتى طريقة كلامها ونبرة صوتها اتغيرت بين يوم وليله فضلته اسمع ف كلامها الحاد وم حاولته اقاطعها بس ف شي واحد اتغير جواي لمن هي قالت لي لو كنته حبيت بالجد م كنت بتقدر تضوق زول نفس الالم الانت عشتو💔ومن هنا اتغيرت حاجات كتيره بسبب كلمة دي حاجات انا زاتي م كنته منتبه ليها ولا حسيت بيها قبل كدا..
مرو شهرين وبالرغم من اني كنته مع البت الحبيتها سنين واتمنيتها تكون ست بيتي وام اولادي وكنته منتظر بلهفه وشوق اليوم الح تبقى فيهو حلال ويجمعنا بيت واحد❣بسس م قدرته اطلع عشم من تفكيري وكنته دايما بحس كأنو ف فراغ جواي💔ومرات كتير لمن اجي انادي ع حنان وبدون م اشعر بقول ليها ي عشم🌸حنان كانت قريبه مني بس حاسي انو اللهفه والحنين الجواي كلهم راحو🍃بس وين م عارف!!يا ربي دا شنو؟تأنيب ضمير ولا مجرد تعود لكن كيف وانا يادوب بعرفها من سته شهور،وبالرغم من انو علاقتي مع حنان ليها قرابة الاربعه سنين بس م حصل غلطه قدام عشم وندايتها بي حنان حتى لو سهوا حاولته اتصل عليها كم مره بس تلفونها مقفول وم لقيت طريقه غير اختي ندى،اتكلمته معاها وكانت زعلانه بسبب الانا عملتو وطبعا م قدرته ابرر ليها الحصل،بس سألتها بإختصار عن عشم كيف؟طبعا ندى كانت مستغربه وقالت لي انا لييه بسأل عنها او ح استفيد شنو بالسؤال دا،انا زاتي م كنته عارف بس كان ف حاجه جواي بتجبرني اسأل عنها واحاول اطمن عليها💔ندى قالت انها كويسه بس بقت منفرده ويومها كلو جوا الغرفه لا بتكلم زول لا بتشوف زول الا لو اتصل واحد من اخوانها او امها،،سألتها بسرعه:عمي عرف بالحصل؟قالت لي:لا م وريناهم ولا حتى عشم كلمتهم وبشوفها بتتونس معاهم عادي،بس ابوي زعلان منك شديد ومانعنا نجيب سيرتك ف البيت حتى انو طلعك من الشركة 💔قلته ليها خير وقفلته الخط،اخده نفس عميق وحسيت كانو ف نار جواي وعارف نفسي غلطة وغلطه كبيره شديد🙁ومهما حاولته م ح اقدر اواجه ابوي وعمي وخصوصا عشم،عديت كم يوم وانا ف حالة نزاع مع نفسي بين امشي البيت ولا ل وف النهاية قررته امشي واليحصل يحصل كل همي كان اريح نفسي من تأنيب الضمير البقى ملازمني ف كل لحظه،طلعته وكلمته حنان انو عندو مشوار واحتمال ارجع متأخر،دورته عربيتي واتحركته وكل م اقرب من المكان قلبي بدق زيادة لحدي م وصلته باب البيت ووقفته العربيه كنته متردد شديد وقعدته قرابة العشرين دقيقه وانا فالعربيه وم قادر انزل،ف النهاية اتوكلته ومشيت دقيت الجرس وانا م عارف ابدا الكلام من وين ولا حتى اقول شنو؟رنيت الجرس كتير بس م كان ف زول بفتح الباب،ياربي طلعو ولا الحاصل شنو،اتلفته عايز ارجع العربيه فجاءة الباب يفتح اتلفته كان اشوفها ليك واقفه وعلامات الصدمة كانت ظاهره ف عيونها😦وملامحها اتغيرت وبقت نحيفه شديد وظاهر الحزن والاكتئاب ف وشها والسواد التحت عيونها وحسيت بيها باهت م زي زمان دا كلو بسببي💔قلته ليها:عشم!!شتت نظرها بعيد مني واتراجعت لورا بدون م تنطق اي كلمة🙁اتقدمته ناحيتها وانا بحاول افتش عن اي كلمه ممكن تشفع لي قدام الذنب الانا ارتكبتو ف حقها بس م لقيت💔وبقيت واقف وانا بتأمل ف شكلها وبحس كانو آلاف السكاكين بتتغرز ف صدري🔥بعد لحظات من الصمت قلته ليها:عشم انا..وقبل م اكمل العايز اقولو قاطعتني وبصوت مليان غضب وعتاب قالت لي:انت شنو؟انت م عندك اي حق تتكلم معاي او حتى تنطق اسمي💔 قلته ليها:بس ي عشم..وبرضو م خلتني اتم كلامي ومسكتني بيديها من بدلتي وهي بتهز فيني وبتضغك ع اسنانها وهي بتقول لي:مافي حاجه اسمها بس✋🏻وريني بس شنووو؟ولا مفتكرني ممكن اقبل اعذارك الواهيه وافتح ليك يديني واسامحك دا لو كان عندك عذر من اساسو😠بكرهك..انا بكرهك ي خالد بكرهككك💔?💔قالت كلامها دا وهي بتضرب ع صدري بكل قوتها وعيونها كانت مليانه دموع💔 مع كل ضربة كنته بحس بي كميه كبيرة من الوجع مهما حاولته اوصفها ليكم ما ح قدر💔،،،،
كنته بضرب ع صدر خالد بي يديني الاتنين وانا كل انواع الالم والوجع كنته بحسها فاللحظه ديك،ودموعي الكنته حابساها طول الشهرين الفاتو الليله نزلو وكنته حاسه بيهم زي النار وهم جارين ع خدودي اللي بقت شبه مافيشه💔فجاءة ظهر ابو خالد من وين م عارفه ولصق ليهو كف لمن فقد توازنه ولاحظته لي دم كان نازل من خشمو بقيت واقفه ومخلوعه من الحصل،وخالد فضل ساكت وم قال شي وابوهو بقى يكورك وقال ليهو:جاي تاني هنا بتفتش لشنوو؟نسيت العملتو ولا قايلني ح امشيها ليك كدا بالساهل😠دا اخر الزمن تكسر ثقتي فيك وتخجلني قدام الناس،ما فكرته الناس ح يقولو علينا شنو بعد عملتك دي؟طيب خليهم الناس عمك الامنا ع بتو اقول ليهو شنو؟الشركة كلها بقت تتكلم عن الموضوع دا وكيف انت بكل برود غشيت مرتك ووديتها الحفله ع اساس عرس صحبك وطلع..💔وتاني لصق ليهو كف وقال ليهو:يا خسارة ثقتي فيك ولدي الكنته بفتخر بيهو قدام الناس ف النهايه طلع اي كلام☹💔وقبل م يطلع اتلفت وقال ليهو:اووع اشوفك قدامي تاني وزي ما بقيت راجل وسويت الفي بالك،خليك بعيد مني ومن بت اخوي وعيش حياتك الاخترتها..✋🏻بالرغم من انو خالد استاهل كل حرف وكلمه اتقالت ليهو وزيادة،،بسس مهما حصل مستحيل تتحمل تشوف الزول البتحبو وهو بتألم قدامك..🍃💔
😊ابقو قراب♥♥♥🌸