عشم حياتي

٤

رجعته البيت وبقيت قاعده مستنيه خالد طبعا الوقت داك قريب الساعه 11وانا براي وم عندي تلفون عشان اتصل ع خالد ولا اعرف الحاصل شنو،خفته وبقيت قاعد لمن غفيت ف الكنبه😪فجاءة صحيت ع صوت الباب وهو بفتح قمته مشيت بسرعه لقيتو خالد قلته لي هو:خير الحاصل شنو؟قال لي:مافي حاجه دا واحد صحبي عمل حادث ونقلوهو المستشفى،قلته ليهو:اممم طيب وكان لازم تنتظر معاهو لحدي ٤صباحا يعني🙁🙁هاج فيني وقال لي:اكيد دا صحبي شديد ووقف معاي كتير ولازم اكون معاهو ف وضع زي دا😠سكته عايز يمشي كدا قلته ليهو: طيب ليه م رديت عليهو اول م اتصل؟؟عاينته للرقم وختيتو🤨م تفتكر اني عبيطة والله انا بنقشها وهي طايره ومتأكدة انو دا م كان صحبك وكانت..سكته وم كملته كلامي،اتلفت وقال لي:مالك سكتي كملي العايزه تقوليهو،،ختيت عيني ف عينو وقلته ليهو:حنان"خالد ظهرت عليهو علامات الاندهاش واكيد كان مستغرب انا كيف عرفته اسم حنان🙁بقى واقف بعاين لي بطريقه غريبه م فهمتها"كسرته حاجز الصمت وقلته ليهو:م تفتكر انو فارق معاي كتير كونك تمشي تلاقيها او حتى تتكلم معاها،لانو انا م بحبك ولا بتهمني زي ما انا ما بهمك💔ومشيت خليتو واقف دخلته الغرفه شلته ملابسي ونقلتهم للغرفه التانيه وهو لسه ف مكانو🙁رقدته وراسي كان ح يتفجر من الوجع😣ياربي انا غلطته بكلامي القلتو دا؟؟م عارفه ليه ضميري أنبني💔وانا متأكده مليون ف الميه انو كان معاها ومش مع صحبو زي م قال،حنسته نفسي تحنيس حتى نمته😪صحيت الصباح وانا لسه مصدعه مشيت دخلته الحمام الخارجي لقيت المويه م شغاله😑😑يا الله مشيت غرفة خالد لقيتو لسه نايم دخلته اخد لي دش واتوضيت،صليت الصبح ودخلته المطبخ عملته الشاي وقعدته ف التلفزيون📺جا خالد طالع قال لي:صباح الخير..م رديت..دخل بقى يكركب ف المطبخ وبعديها رجع الغرفه وجا طالع بعد ربع ساعه وانا كنته لسه قاعد بحضر🙂قال لي:انا نازل الشغل الليله وبرجع قريب الساعه 4انتبهي ع نفسك وم تطلعي من البيت طيب،،برضوو م رديت وعملته نفسي طرشاء😐😐بعد طلع قمته وقفته فالشباك بعاين ليهو وهو ماشي ع العربيه اتلفت ولقاني واقفه"ابتسم لي طوالي جريت الستاره وزحيت من الشباك. مرو كم ساعه وانا عايزه امووت من الزهج😩قمته اتنفضته وكفكفته قميصي،ودخلته ع المطبخ،لي زمن من اكل البيت من جيت البلد دي شغالين اكل جاهز😑ف الاول كان عاجبني الوضع بس اسي اشتقته لاكل البيت،المهم ظبطه ليك حلة دمعه ومعاها قُراصه لمن اتكيفته😆طبعا نبع الحنان م قصرت معاي ساجناني ف المطبخ ومكسره فوقي قريب خمسه مفراكات😂😂💔حتى رضيت اتعلم الطبيخ🌚ع الاقل طلعته من دق المفاريك بي حاجه🤣🤣👏🏻 اهااا اتغديت ليك تمااام ومشيت اتحكرته ف التلفزيون🙂🙂خالد جا داخل سلم م رديت ليهو🙂جا وقف جمبي وخته ليهو حاجه ف الطربيزه،طبعا انا عامله روحي ركزه ف التلفزيون😂😂بس من سمعتو دخل الغرفه نطيت ليك ف الطربيزه الشمار حارقني😂لقيته هدية♥وكان ف ورقه بي فوق شلتها وقريتها لقيتو كاتب لي""اوعدك دي اخر مره ازعلك فيها ومين القال انك م بتهميني❤""ابتسمته وطوالي فتحت الهديه كان جواها آي فون7 وحات اسم الله بقى لي حلم حلم لمن اديت نفسي قرصة عشان اصدق🤣🔥وبقيت بصرخ زي الزول الساكيهو كلب والعجب النطيت والكريشه تتراجف😂😂💃🏻استغفر الله بس جا خالد جاري مخلوع من جوا شكلو افتكر ضربتني كهربا ولا دي سكرات الموت جاتني😂😂وهو واقف مخلوع وانا بنطط وبصرخ وشغاله ليهو آي فوووون7 آي فووون7 وبهز ليهو يدي الفيها التلفون😂👏🏻👏🏻بالله الساعه النطيت واتشعبطه ليك ف رقبتو وانا لسه بصرخ وبضحك زي المجانين ومواصله نطيت م وعيت الا بي صوتو وهو بقول لي بسم الله بسم الله مالك ي بت انتي كويسه😳😳..

فكيتو طوالي وعملته رجوع للخلف😂😂اسي اودي وشي وين تلقاهو افتكرني مجنونه🌚م عارفه ليه من يوم لاقيتو بقت تحصل لي مواقف زباله بالشكل دا😂💔قال لي:دا كلو فرح عشان تلفون😐قاطعتو بسرعه ورديت:آي فون7😆ابتسم وقال لي:والله انتي غريبه وتصرفاتك وافكارك اغرب🙂وقام عايز يدخل الغرفه وقفتو وقلته ليهو:انا اسفه!!قبل عاين لي وتابعته كلامي:بعتذر عن كل كلمة جارحه قلتها ليك انا بطبعي لمن ازعل بقول اي كلام وحتى لو جارح وم بكون واعيه لنفسي بقول ف شنو🙁بختصار انا لما بزعل م بشوف وانت اول واحد اعتذر ليهو عمري م اعتذرته من زول مش لاني مفتريه او مغرورة بس م بعرف اعبر او ابدا الكلام من وين بخاف اجرح الزول تاني💔 طبعا كنته بقول ف كلامي دا كلو وانا مغمضه عيوني ورجليني شغالين رجفي شديد😂😂خالد كان مبتسم وهو بعاين لي وانا بالشكل داك وانبسط من جواهو♥وقال لي:خلاص فتحي عيونك ي عشه وبطلي رجفي رجلينك ح يتكسرو بعد دا😂😂👋🏻بقيت ب ضحك وقال لي:خلاص خلاص ي دفع الله😂😂قلته ليهو:خلاص خلاص ي بسيوني😂😂👋🏻 قام قال يلا ارح نتغدا برا قلته ليهو:لا لاا انا سويت دمعه وقُراصه ح تاكل صوابعك معاهم😁😁ضحك وقال لي:الخوف يجيني تسمم حاد😂😂ختيت يديني ف نصي وقلته ليهو:معاك الشيف عشم ع سِنه ورمح ي ود😌👩🏻‍🍳قال لي:لا لا تمام اررح سريع عشان ميت بالجوع😅😅ختيت ليهو الاكل وبالرغم من اني كنته شبعانه بس اكلته معاهو لانو قال م بياكل براهو🙂يااخ من شدة م شبعته الحركة غلبتني😩اتقول حامل، المهم مرت الايام وبديت احس بشي غريب اتجاه خالد،لقيت نفسي تلقائيا بحب اعاين ليهو وهو طالع الصباح من ورا شباك الغرفه ولحدي م يركب ف العربيه ويمشي بكون متابعاهو بي عيوني❤والغريبه بقيت بتحمس لموعد رجعتو للبيت وحتى مرات بصحى ف نص الليل واجي اطمن عليهو وهو نايم وارجع تاني لغرفتي،ما عارفه دا شنو بالضبط بس بقيت لمن اشوفو ببتسم حتى لو كنته مضايقه او زهجانه،شعور غريب يا ربي دا الحب المجنن الناس؟معقوله اكون حبيت خالد😐لا لا لا مستحيل طبعا انا متأكدة انو خالد لسه بحب حنان💔بس انا م بحبو لكن دا شنو البحصل معاي دا،طيب لو فعلا بحبو اقول ليهو عادي كدا ولا كيف؟لا لا حب شنو وبطيخ شنو😖💔 زوول يطلعني من الانا فيهو داا يا عالم ياهووو😫😫 بقيت م مركز ف حاجه ومعظم الوقت سرحانه وبتخلع اكتر من اول😂💔اتصلته ع اشجان وحكيت ليها الخلطه العجيبه الحاصله لي دي🌚 وقالت لي:واضح انك بتحبيهو الموضوع م يحتاج سؤال لازم تعترفي ليهو عادي جدا😌😌قلته ليها بإستهزاء:يااا سلام عليك ي صحبتي الحلوة تصدقي اسي بمشي وبقول ليهو:خالد انا حاسه اني بحبك ممكن تحبني انت كمان وخلصنا🌚✋🏻قعدت تضحك قمته قفلته فيها الخط وبقيت ماشيه وجايه ف الهول وغلبني الاسوي وفالنهاية قررته اتجاهل الموضوع احسن😑😑خالد لاحظ لي وجا سألني:انتي كويسه ي عشم؟قلته ليهو:ااا اي كويسه كويسه يعني ح يكون مالي🙂قال لي:لا بس ملاحظ انك متغييره ليك فترة وحتى الاكل بقيتي م بتاكلي كويس😐تحبي نمشي الدكتور نتأكد؟؟ ضحكته وقلته:نتأكد من شنو بقول ليك انا كويسه وم بشكي من شي والحمدلله🙂✋🏻قال لي:متأكده؟يعني م مخبيه عني شي كدا ولا كدا🤨،،قلته ليهو:كيف يعني شي كدا ولا كدا😐انا كويسه بس الايامات دي فاقده امي وابوي واخواني💔قال لي:طيب،وطلع،،فالنهايه قررته اتجاهل الحاجه دي واتابع حياتي عادي بس الموضوع طلع اصعب من توقعاتي..

اوووف زهجتا انا😑😑لمتين ح افضل عايشه ف التوتر وجو التفكير دا🌚جاتني ندى وقالت الا نطلع نتسوق وانا حبيت الفكرة لانو عايزه لي فساتين وشباشب زاحفه بدل الكعوب التياب العندي ديل😪دي انا تبته تووبه نصوحه من يوم الكعويج والتزحلق الحصل لي فالمطعم داك😂💔اللهم دقيت لي خالد وكلمتو اني عايزه قروش،ولا ناقشني وصف لي مكان القروش وقال لي:شيلي المحتاجه ليهم ورجعي الباقي😍،حبيبي انت والله م تخليني اجيك بالتلفون واعضيك😂😂🔥مشينا لي مول قريب كدا كان وااو ياخ عمري وحياتي م لفيت لي ف سوق بالشكل دا😍اي شي عجبني شلتو والله لمن قلنا نجي طالعين المغرب اذن🙊🙊جيت داخله البيت والاكايس دي عشرة عشرة👏🏻خالد جا وقال لي:شكلك اشتريتي السوق كلو😂😂👋🏻ضحكته وقلته ليهو:دي حاجات بسيطه😌قال لي:يا زوله شايله ليك قريب 60كيس وتقولي لي:بسيطه😂😂👊🏻ضحكته وبعديها شال الحاجات ودخلهم جوا وقال لي:دا كلو من ندى عمرها عيشتها كلها اسواق😂قلته ليهو:ماف بت ع وجهه الكره الارضية م بتعشق الاسواق😍💃🏻ابتسم وقال:الله عالم كلكم مجانين وجنكم هدوم جديده😂😂 تاني يوم من الصباح قمته اجرب ف الحاجات الاشتريتها ومشيت لميت ليك كل التياب والكعوب العاليه واديتهم لي خالد وقلته ليهو:اتبرع بيهم لي اي زول او اهديهم احسن م يقعدو بدون فايده🌚🌚اهااا بعد خالد طلع ومليت ليك كريشتي😋😋جيت قعدته والزهج داير يقتلني،فجاءة جاتني فكره طايره خالد كان جاب ليهو سماعتين كبار زي البركبوهم اسياد الركشات ديلك عرفتوهم😂😂👋🏻يا زول مشيت وصلتهم ودخلته الذاكرة حقتي وشغلتهم ليك ف اعلى درجه وبديت الجبجبه والهجيج🤣🤣💃🏻💃🏻 والله م بعرف ارقص بس زي م قال ابكر قُدره حقنا نسوي🤣👏🏻وف العاده انا لمن اجي ارقص بحب احاكي الفنانين ومعظم الاغاني العندي انقلش بس م فاهمه ليهم الحبه اللهم شغاله مع الايقاع بس💃🏻كنته مشغله اغنية"Hasta Luego"بتغنيهاMalu Trevejo❤مشيت لبسته لي واحد من قمصان خالد ومعاهو شورت،زمان كنته مكرهه عماد اخوي البناطلين والبدلات كل مره يقبضني برقص بيهم وبديني علقه حااره بس يا جبل م تهزك ريح😂✊🏻 بقيت شغاله نطيت ومتحمسه لابعد الحدود كل عضله ف جسمي بقت تقول يا ليل🤣💃🏻👏🏻وانا اعجبكم عاد مندمجه لاخر نفس لحدي م فجاءة الموسيقا وقفت😐الكهرباء قطعت ولا شنو😑عاينته للمكيف لقيتو شغال🤨طيب ما اهو دي الكهرباء شغاله،قبلته عشان اشوف الوصله فصلت ولا حاجه لقيت ليك خالد واقف جمب الكوبس ومربع يدينه🙉🙊طبعا م عرفته اعبر ولا حتى انطق بحرف😳لحدي م اخدته لي نفس وقلته ليهو:خالد!!جيت متين؟ف حاجه ماا من عوايدك ترجع بدري كدا🙊خالد كان عاقد حواجبو وعرفته انو الليله دي م ح تعدي ع خي قال لي:اتصلو ع ف الشركة وقالو ف بلاغ تبع ازعاج وضوضاء عملو واحد من الجيران ف حقنا🤨🤨وجيت اشوف الكلام دا🌚وووب علييييا محل اقبل م عرفته يوووخ موقف بيئه ليييه كدا يالجيران😭😭بقيت ساكته وم فضل لي الا ابكي من الاحراج🙈🙉فجاءة خالد بقى يضحك وماسك بطنو وعيونو دمعو وهو بقول لي:بس صراحه منظرك كان م بتوصف انا بالجلاله مسكته نفسي من الضحك لمن جيت داخل وقلته اشوف نهايتك شنو بس لمن لقيتك زدتي زيادة طوالي جريت وفصلته الوصله🤣🤣🤣🔥وهو لسه مواصل ضحك وانا اتغظته منو وقربته امشي اخنقو😑😑 حمرته ليهو مساافه😒😒وعايزه امشي كدا قال لي:دقيقه دقيقه😂✋🏻اتلفته وقلته ليهو:خير عندك تعليق ولا ضحك لسه م كملتو😒👊🏻قال لي:اللابساهو دا قميصي🤨قلته ليهو:دقيقه امشي اغير واجيبو ليك😒قال لي:بس انا دايرو اسي وفالحال🙂،،اجي يا ناس دا كلام😂😂💔عايزه اجري كدا مسكني🙊🙉 وجراني عليهو لمن بقيت حاسه بأنفاسو ف وشي🌚وقلبي بقى شغال دلوكة جرتق🤣💔👏🏻 قلته ليهو خالد بطل عواره 😖قال لي:مالك ؟خفتي؟رديت ليهو بسرعه:والبخوف شنو؟قال لي:طيب بترجفي مالك😏وخته يدو ع خدي وانا بس بقيت برمش ف عويناتي بسرعه ومنطتاهم قدر الفنجان خطوة زيادة وح يغمى علي وحات اسم الله😂✋🏻وفجاءة قال لي..

#تابعوني