زهرة

البارت ٢٣ ج٢

زهرة
ج 23

سمعت صوت طكه جداحة .
وياها نفس
عبالك بصفي واخذ نفس جكارة حتى حرارتها حسيت بيها ..

كال
بس جاوبي ..

كوليلي مرتاحة وياة بروح ابوج ..

سمعت كلمه بروح ابوج ..

كتله شبي ابوية وتحلفني بروحة .

كال مابي شي ..الروح عند العدل والميت شبيج

هيج طلعت مني داقصد بداعة ابوج ..

كتله عليك الله ابوي بي شي ..منير احجي .

كال شبيج زهرة مابي شي واصلا قبل مدة شفتهم ..

كتله شلونهم

كال زينين كلهم ..ويسولف الي،عن واحد واحج من اخواني وامي والبنات ..
وطمني عليهم
كال

شفت اختج هديه ..صارو عدها جهال 2

صغار ..
كتلة اي فدوة سوالفي اخبارهم

كال ماكو شي صدكي ..

بس هدية رجلها مو خوش ادمي ..

واخر مرة من جنت بلقرية دزو علينا
لان يضربها ..
وعيالها مو خوش اوادم

كتله سودة عليه

كال المهم ..

لزمنا رجلها وحاجينا ..

شو يومين  وكاتلها وطاردها..

وقبل لا ارجع  لبغداد يازهرة ..

اشوفه ديصعد الجسر ..

وانزلج عليه اطلع قهر الدنيا بي،..

وربج طمست راسه بنص الطين ..

وسحلته لحد وليد وتولاه هو ..

بالكي ربج وتوب بعد ..

كتله فدوة لعينك متقصر اعرفك ..

هو منو بينا حظها كاعد ..

كال مكلتي مرتاحة وياه ..

سكتت ..اخذت حسرة ..

كتله ماشية ..

كال احس لا هي الواكفه ولا هي الماشية

ولج ليش منتظرتي ليش ..

ليش هيج سويتي بروحج وبيه ..

زهرة تفتهمين شنو انتي بنت عمي ..

تعرفين شنو من انتي وجاهله كدام عيني ربيتي..

تعرفين لو لا ..

كتله بعد شي راح ميفيد للحجي انت شخبارك اهلك عمه غنيه شلونها ..

كال بخير ..

كتله جبت بننيه ..تخبل ..

ع الخير ما جاج ..الله يحفظها الج ..

وانت شصار عندك ..

كال اووو 10جهال ..شصار زهرة

مو ازوجت ومرتك حامل قبل سنه اكثر هالحجي
كال منهو كلج هالكلام ..كتله امي كالت ..مرة اجتني وحجت الي ع زواجك ..

كال والله اول مرة اعرف بروحي مزوج وحامل هم ؟
ضحك ..

كال لا ابوية لا مزوج ولا مرتي حامل ..

توهم ..خطبولي ..ولبسنه نيشان ..

كتله ع الخير ..

كال شلونه وياج ياذيج يضربج ..

كتله لا ..

كال
زهرة اني يمج  ابد لا تخافين وهذا رقمي ..وروحي جيبي ورقه وقلم سجلي عنواني يمكم بغداد كاعدين ..

داروح كال اوكفي انتي متعرفين تكتبين ..

باعي دكي عليه ..
باي وكت وراح انطيج رقم الشغل ..

كتله بس اني اعرف اكتب واقرا

صدك شلون ..

كتله درست ..

عفيه عليج هاي خوش سالفه ..
كال كتبي رد العنوان ..وكتبته

سولفيلي عنج كل شي اريد اسمع

ماكو شي منير اتت احجيلي خطيبتك شلونها

كال زينه ..

كتله شجابك لبغداد

كال ..من رحتي راح كل شي وياج

كرهت القرية ..وشلنا للولاية ..

وراها طلعتلي كاع بغداد. .بنيتها وكعدنا بيها

زهرة

نعم

اني اسف

ليش تتاسف ماكو داعي ..

لا والله اسف ع كل شي ..اسف واعتذر وكل انواع الذنب بروحي ..

احس اخذ حسرة طويله
اخ الله ..ماكدر مخنوك بصدري كلام..
بس اكولج انعل ابوو الي يكول الدم ميحن ..
احن وربج يوميه ..

اختنكت وياه اني ..

من يوم الي شفته بيت خالتي راح احساسي بالكرهه والحقد ..اختفى ..

يمكن لان شفت الاقسى

ويمكن ..لان يدور عليه وجيته غيرت هوايه اشياء بروحي ..

كال مرات ..نظلم نفسنا بنفسنا ..

ونكضي باقي العمر نصحح الي خطئنا بي ..

ومرات نضيع شخص ..ونكضي العمر ندور عليه ..بس منالكاه لان راح بعد ..

واني الاثنين بيه ..

ماعرف ليش انزرع حب الج بروحي مينسي
وليش من يجي طاريج روحي تفز مثل فزة طفل من يسمع صوت امه ..

ليش زهرة ..
كولي ليش كومه حجي مخنوك لو احجي منا للصبح ميخلص ..

ملخصه تعبان..

مسحت دموعي..

وكتله ربي يريح بالك وتزوج وتستقر بحياتك
وتنسى الي راح ..

ميفيد الحجي بعد الي صار صار ..

كال بس كولي كلمه وحدة ..انتي حبيتيني بيوم ..

بس اريد اسمع ..كلمه اي،لو لا .

بقيت ساكته وروحي،تكول ممرتاحة اني
انباعيت ..
وادمرت ..
وانذليت..

اسمع زهرة شجاي تسوين
بسرعه سديت التليفون..

انداريت ام رند ..

لزمت قلبي كتلها خرعتيني ..

كالت شبيج كتلها خابؤت خالتي اسال ع اهلي،

كالت شلونهم كتلها زينين ..

ورحت فتحت الثلاجة وايدي ترجف شربت مي ..

وطلعت فواكه

وسويت نفسي اكل ..وضميت الورقه مال عنوان

كالت ادري شبيج مظلمتها وفتحت الاضويه ..

كتلها دموع بيها شي
لا مابيها بس جيت اشوف وينج

يلا امشي هناك..

اي جايه وراج ..

رحت ..بفرفتي ضميت الورقه

كلت احسن لا تصير الي بلوة ..

ضميتها  وطفيت الاضويه وطلعت وراها ..

طبيت فارشين لدموع بالكاع ..ويلعبون وياها
كعدت يمها واسرح بكلام منير
بس حرام هذا احساسي بي شو احساس غريب

زهرة انتي مزوجه حرام.
هيج احاجي نفسي
اي بس اسلم وماجيب طاري شي ..

بس ليش من سمغت صوته وشفته مدري،شيصير بحالي
هناك وفززتني ام رند

كالت زهرة شتكولين باجر ندز ع ام الصالون وتجي هنا تسوي شعرنا وترتبنا والله طاكه روحي
كتلها مالي واهس .

كالت ولج لروحج عوفي الحجي شعليج بي

كتلها مو سالفه حجي ميعجبني .

كالت مو اريد اروح لأهلي صار كومه مرايحة وكلت تغير ..
شتكولين ..

واني كلت لنعمان اذا نروح لاهلي واهله نفس المكان

ناخذج انتي ودموع اذا قبل الحجي،..

كتلها ياريت والله طاكه روحي حيل. .

واتمنى يجي،يوم اروح لاهلي ..

كالت بس اهلج وسكتت

كتلها ام رند اهلي مهما يكون شمروني ذبخوني اهلي ..

كالت يلا شتكولين اندز عليها ..

بكيفج والله ..

خوش راح اخابرها و واتفق وياها وع اجازة نعمان انروح ..

ثاني يوم اجتي ..البنيه..

وبدت بامل جنت استحي اصيح الها امل
اكولها ام رند ..

امل ..بشرتها حنطيه وشعرها اسود طويل بي كسرة دومها شايلته ليفوك ..

هالمرة قرت براسها وسوته للها صاجي فاتح ..
وشسورته الها طلع يخبل ..

جانت تشتغل الها ودموع بحضني واضحك

كضيت صغري ابلل شعري ع مغسلة وامشط علموج يصير سرح ..

انزله هو يبس ينفش وابجي وارجع امشطه
وهيج اكابل المرايا المكسرة..

اخ ..يادربونتنا اخ. .

كالت يلا كومي انتي. .

كتلها اسود الحجي يحب اسود ..

كالت زهرة عيونج تخبل وحواجبج مرفوعات

ليش مااذب عليه ميش يصر يجنن

كتلها لا ماريد نفسة بس صبغي جديد كالت ولج حرامات هو شعرج بي،شكار ليش داكنته بللاسود. 

يقت تحجي الا ان قنعتني ..بي

يايمه شسوت بيه ..زرفت راسي تنزف احسة عنجر ..وكل شويه اكمز ..

مدري اطلع شعر ولو دم ..

ودموع بحضني لو اؤضعها لو اهزها ..

رجعت خلت عليه مادة حارة وشغلت شسوار

حركت جد جدي ..

علما سوته الي ..روحي طلعت. .

كملت وغسلته ..
اباوع شعري شنتر ..وتكطع مثل للاستيك

صح اصفر طوخ وحلو. .

بس دمرته ذبيت دموع وامشط بي يوكع

كمت احجي عليها ..

كالت لا تخافين هذا يوم يومين ويرحع

شيرجع شيرجع تكطع صغار صغار

لو بايدي الزمها واكتلها ..ع دكتها بيه ..

كامت تكص بي وترتبه

وسرحته صح حلو بس راح انعدم. .

من طلعت ..

بقيت احجي عليها وافور

ومن اباوع ع روحي بالمرايا ابرد

من اشوفه شحلاته صار وصدك
تغير ..

رحت لغرفتي طلعت دشداشة جديدة .

لبستها ..

وبقيت كبال المرايا

اعاين ع نفسي ..

وفرحانه بي مثل فرحة البدلة الي مارضيت انزعها ..بعرسي

كابلت المرايا وكعدت. 

اروح وارجع اعاين ع روحي

فرحانه حيل بي ..

بليل ..

رجعت من بيت نعمان اني،ودموع اريد انام ..

كلما انومها تغفى شوي وتكعد تبجي

اريد ارضعها متقبل تبجي ..

اهز تبجي ..حرت وياها ..

خشمها قبط ونفسها ضاق ..

كمت اهفي الها شسوي ياربي ..

وتكح ..

الا ان ازركت شفافها صارت نيلي ..

اخذتها مثل المخبلة
وادك ع نعمان. .

طلعولي ..

الطفله بايدي دتموت ..كوة هوى يوصل الها ..

ماعرف شلون طلع بسيارة وطلعنا ..

المسافه مطولت ..وبنتي بحضني

كل شويه تغص وتختنك .وتزرك

وترد الروح بيها.

الي اذكرهه ملخت روحي بالطريق ..

علما وصلنا للطوارئ اعيط ..

بيتي ماتت لحكوني ماتت ..

اخذوها مني وكبل خلو الها اوكسجين .

اباوع عليها ..

تنتفس سودة عليه بسرعه بسرعه .

كد مابجيت طلعوني برة
لان مانطيتهم مجال ..يفحصوها ..
شكلو كانونه الها ..
ويضربون ابر ..

ضلت ع الجهاز لحد ماغفت ..

طلعلي الدكتور. 

كال صدرها منتهي مقبط ..

شنو مريضة كتله لا والله ..

كال ..شامه عطر قوي
لا ..

نعمان كال اليوم صبغو

جاوب الطبيب صبغ بيت

كتله لا،شعرنا ..

هي حجايتين ونزل بيه نزله ..
ورزاله ..طيح حظي بيهم ..

اني مداسمع كلامه

رجعت ذاكرتي شلون امي وابوي

نزل بيهم دكتور العيون رزاله ..

وصح بين مديحجي هو ..

عيوني طفن ..ونزل عليهم غواش ..

بقيت افرك بيهم ..

طول هالمرة

كعدت بالكاع وماحجيت شي

بس تجيت راسي وغمضت ..وادعي ربي يشافي بنيتي .ويرجعها الي

واكل بروحي اكل ع سويته بيها

هناك ورجعت اشوف

من يوم ضربه وليد الي لليوم عيوني بين فترة وفترة تسود

وماشوف،شي بيها ..

......

بقت دموع لثاني يوم العصر

يلا طلعها ومنعني من اي عطر ودخان ..

لان صدرها تحسس.

تعبت منايمه ..يوم كامل ..
ومهبوطه وبجيت بكد رحمه الله ..

طبينا لكينة الحجي ..

ديتغدى .

سلمت وسلم نعمان ..

بلا سلام كام يعيط ويصيح عليه

وع نعمان ..

وكام يركع بالمواعين مخله شي ع حاله..

صح ميضرب بس يكسر ويعيط

وهذا وجهه يصير دم ..

اني ونعمان ولا حرف نطقنا كال ..نعمان
فيروز اختنكت ..

ودينها ونمنى بيها بالمستشفى..

عدها تحسس بصدرها. .

حجي ماطلعنا من حالنا ..

اندار عليه ..

زهرة صيري ادميه لا اخذها منج واخلي الحجية تربيها ..
ام رند كالت ماتت الطفله. 
لا تجبريني زهرة

هن هالكلمتين ..بس ..

وراح طلع من البيت واجه بليل ولا كانما صاير شي ..

...

بهاي الفترة ..بدى الحجي يحن ع دموع

ويجي للبيت لخاطرها ويلعبها ..

خاصه من كامت دردم وتلعب ..

ياخذها ساعات يلعبها ..

ويحير شيجيب الها من ملابس وملاعيب

.....

ومرات يطردنا من البيت ونروح انام يم ام رند ..

عشت سنين ويا هالتناقض ..

الي ماله اول من تالي

كبرت دموع وكبر همي عليها وياها ..

مايمر يوم انام بي مثل العالم

اني اخلي راسي ع مخدة

وتجي افكار سودى وعقلي يسوي افلام ع دموع

واكوم مثل المخبله اشبكها

واقفل البوب ..وارجع اريد انام

وهم افز واروح اشوف البوب..

مقفله لا ..

مرات حتى من ابوها يلعبها ويبوسه

اجرها منه ..بحجة نعست انومها ابجل الها

خووف عمة قلبي وعيوني عليها ..

.....
وبنفس هاي الفترة  منير مراح من باللي،ابد
ولا يوم يوميه يجي ابالي
واتذكر ملامحه وصوته وكلامه

جنت احاةل اتصل ع منير من يصير مجال 
واسمعه هناك وابطل خلي يشوف حياته ..

وارجع ادك عليه ..مرات يجاوب هيج بس اسمع صوته واسدة

ومرات ..مو هو يجاوب ..

الا ان فديوم دكيت وجاوب

كال زهرة ..احجي

بيومها من الخجل سديت الفون وشلعت الفيشة

عرف اني،اخابر اسمع،صوته ..

رجعت شكلت الفيشة ودكيت ..

كلت اسلم عليه عليمن خايفه واستحي

واسال ع اهلي، .

واروح

اول مادك
حضرت روحي

سمعت الخط انفتح

كتله شلونك منير اني زهرة

رد صوت مراه ناعم. .

يازهرة ..هاي

وللحكايه بقيه
شهرزاد