(Kathryn)
Limang araw na lang at Pasko na!
Nasa shop ako ngayon ni ate. Nasa Canada kasi siya ngayon. Wedding ng friend niya at kailangan niyang umattend. Walang in-charge sa shop niya kaya ako ang inassign niya. Hekhek. Ang saya pala. Feeling manager tuloy ako. "Hello, ate?" At kausap ko siya sa phone ngayon.
"Bunso! Ayos lang ba ang shop diyan?"
"Of course, ate! Hehe. Kailan ka ba uuwi?"
"Before Christmas! May pasalubong na ako sayo, sis. Siguradong magugustuhan. Ah, need to go. Ingat ka diyan, bunso. Love you!"
"Love you too, ate. Bye!!"
Lumabas na ako sa office ni ate. Grabe! Paborito ko talaga ang season na 'to. Lahat ng tao parang biglang bumabait. Christmas spirit, kumbaga. Sana ganito nalang palagi.
Hekhek.
Tsaka kinikilig ako!
Magkikita kami ni Daniel pagkatapos kong magbantay sa shop.
Bumukas ang pintuan ng shop at may pumasok na magandang babae. Grabe! Para siyang dyosa. Ang puti-puti niya at napakahaba ng buhok niya. Hindi naman ako nainform na may ganito palang kagandang babae ang nage-exist. Shemay! Nanliliit ako.
"Hmm, isang slice ng Chocolate Cake." Shemay. Pati boses niya ang ganda! "Take out."
Tae! Para naman akong tibo.
Napatingin sa akin 'yung babae. Shemay! Ang stalker kasi ng dating ko. Namangha lang ako sa ganda niya. Ang ganda niya talaga! "Ikaw ba owner ng shop na 'to?"
Umiling ako. "Kapatid ako ng owner."
"Ohhh! Ang cool ng shop na 'to. Very cozy." Muli siyang ngumiti. Kahit ata mangulangot 'to, maganda pa rin. "Ah, ako pala si Lia! What's your name?"
"Kathryn." Nagsign ako sa kanya na umupo muna kami habang hinihintay ang order niya. Sumunod naman siya at umupo sa harapan ko.
"Ang pretty mo!" Saad niya.
Shemay. Maganda raw ako sabi ng isang dyosa.
"Ikaw, mukha kang dyosa." Pinisil ko 'yung pisngi niya. "Shemay, totoo ka nga!"
Tumawa si Lia. "Ang OA mo." Dumating na ang order ni Lia. May kinuha siyang ballpen sa bag niya at kumuha rin siya ng tissue paper. May isinulat siya dito. "Here's my number! Usap tayo minsan. Ang gaan ng loob ko sayo, eh! Don't know why! Pero una na ako, ah. May imi-meet pa kasi ako. Bye!" Nakangiting saad ni Lia.
Ngumiti ako at kinuha ang tissue paper na pinagsulatan niya at itinago ito sa bulsa ko. "Nice meeting you! Bye, Lia!" saad ko.
Grabe! Akala ko medyo suplada siya noong una pero super cool. Ang daldal pa. Pero okay lang kasi pretty siya. At tsaka sinabi niyang pretty rin ako!
Hekhek.
Pumasok ulit ako sa office ni ate at sinave ang number ni Lia sa phone ko. Minsan lang ako makameet ng magandang friendly!
"Kathryn ko! I love you!"
"Pusang kinalbo! Daniel naman! Wag kang manggulat." Tumayo ako hinampas si Daniel. Mukhang napaaga siya ng punta. Mamaya pa sarado ng shop, eh. Niyakap niya ako at hinalikan sa noo. "Pero, I love you too!"
"Date tayo!" Nakangiti niyang saad.
Pinisil ko ang ilong ni Daniel kasi ang cute-cute ng boyfriend ko. "Hindi ako pwede, Daniel. Mamaya pa ang sarado ng shop. Akala ko naman kasi mamaya pa tayo magdedate."
"Okay lang! Maghihintay ako dito!" Ang hyper ni Daniel ngayon.
"Sure ka?"
"Oo, mahal kasi kita." Nakangiti niyang saad. Umupo siya sa tapat ng inuupuan ko kanina. Ay grabe. Sasabog na ang puso ko sa sobrang kilig, eh.
"Kukuha muna kita ng makakain."
Lumabas ako para i-kuha si Daniel ng cake at drinks. Pagkabalik ko ay may tinetext ata siya. Pero agad din naman niya itong tinago nang makita ako.
"Salamat, Kathryn. Love you!"
"Love you, too!"
Pansin ko, kanina pa kami nagi-i love you-han ni Daniel.
Geez.. Sweet.
(Daniel)
Nagpatuloy si Kathryn sa ginagawa niya. Hindi ko maiwasang hindi mapangiti. Ang professional kasi ng dating niya. Mas lalo akong nahuhulog.
Nadistract ako nang biglang tumunog ang phone ko.
From: Nanay - Anak, kasama natin ang mga Barretto sa 25. Please, paki-reserve na ng date na 'yon. Take care, anak.
To: Nanay - MAY GIRLFRIEND NA PO AKO.
Hindi ko ba alam kung bakit pinipilit ako ni nanay kay Lia. Alam naman nila na girlfriend ko si Kathryn! Tsaka ang yaman-yaman na nila... hindi pa ba sapat 'yon?
Basta kahit anong mangyari, hindi ako papayag!
----------------xx
Naramdaman kong may tumapik sa balikat ko. "I love you."
Iminulat ko ang mata ko at napangiti. Ang ganda-ganda ng girlfriend ko. "I love you too." Tumingin ako sa relo ko. Eight thirty pm na. Sarado na ang shop. "Tara na?"
"Okay."
Hindi naman malayo ang pupuntahan namin ni Kathryn. Sa totoo lang, 'yung katapat na building lang ang pupuntahan namin. Magkahawak kamay kaming tumaas sa rooftop ng building na ito.
"Wow. Ang daming stars sa langit ngayon." Saad ni Kathryn.
Binack hug ko si Kathryn. Si Kathryn, isa siya sa mga importanteng babae sa buhay ko. Siya lang ang babaeng papakasalan ko. Kahit anong mangyari, ipaglalaban ko siya. Kinuha ko sa bulsa ang maliit na kahon at kinuha ang necklace. Isinuot ko ito kay Kathryn.
"Da-daniel... ano 'to?"
"Mga bituin." Muli kong niyakap si Kathryn. "Para sa akin, isa kang bituin. At ako naman ang buwan. Hinding-hindi tayo maaaring paghiwalayin. Kasi ginawa tayo ng Diyos na magkasama. Hindi tayo mabubuo kung wala ang isa. Hindi ako mabubuhay kung wala ka, Kathryn."
"Da-daniel..."
Hinalikan ko siya sa noo.
"Hindi ako bibitaw. Basta wag ka ring bumitaw." Oo, natatakot ako. Natatakot ako sa maaaring gawin ni nanay at ni tatay. Pero hindi ko naman hahayaang masunod ang plano nila.
Ayaw ko.
Hindi ko gusto.
"Da-daniel. Ano ba ang ibig mong sabihin?"
"Mahal kita, Kathryn."
"Mahal na mahal din kita, Daniel."
Napangiti ako.
Si Kathryn, siya ang gusto ko.
END OF CHAPTER THIRTY SEVEN
Thank you po sa pagbabasa!