سلام عليكم
# الشيخ & العشگ
° بسبس
. . . . . . . . . . . . . .
سجى . . عاا يمه منو هنا
لازمة التلفون وارجف اريد افتح الضوه جان واحد يلزمني من ايدي ودفعني على جرباية وصار فوكايه
تلفوني انشمر من ايدي مدري وين واني جامده بمكاني من الخوف لا حس ولا نفس
. . اششش سجى اني فهد
سجى نصدمت من كلي هو فهد شلون يتجرأ ويدخل بيته بهيج وكت لا وبغرفتي هم
سجى بصوت شبه عالي . . انت شلون فتت للبيت بهيج وكت وشجابك لغرفتي هااا
فهد وخله يده على حلكه . . اششش بابا شبيج راح تكعدين العالم بصوتج وتفضحينه
سجى وخرت ايده منه وتعيط عليه . . ايباه تخاف تنفضح مجان خفت من فكرت تجي لهنا بهيج وكت
انت متستحي هااا ماعندك غيرة متخاف على عرض صديقك اذا هسه احد شافك هنا شيكولون هااا مفكرت
فهد بعصبية . . لسانج لطولي كدامي ترى اكصه فتهمتي واني مخايف اذا احد يشوفني هنا . . لزمه من ايده
وقربه عليه وباوع بعيونه بتحدي . . وعرض صديقي هو عرضي واخاف عليه مثل ماخاف على خواتي
سجى بخوف . . جا انت شتسوي هنا
فهد بتنهيده . . شفت اليوم كمر بالخطبة جيت انهي عليه
سجى بعدم فهم . . شنو شنو قصدك
فهد بهمس . . قصدي يحلوه حضرلي نفسج تصيرين حرم الضابط فهد
سجى بتوتر . . اطلع بره ترى هسه اعيط والم عليك الناس
فهد . . عيطي اذا تكدرين سويه . . وكعد على جرباية
سجى . . عااااا يييييمه
فهد وكام بسرعة وحط ايده على حلكه . . وج خبلة شبيج طالع دشاقة وياج سويته صدك
سجى . . ااااي شعب. . ماكملت كلامه خله ايده على حلكه
فهد . . اششش احد جاي
سرى . . سجى سجى شبيج تعيطين ولج مو دحجي وياج بعدج عايشة
سجى تاشر لفهد انو يوخر ايده
فهد تقرب يم اذنه بهمس . . ردي عليه بس اذا كلتي شي ثاني متلومين الا نفسج
سجى وهي متوتره من قربه منه . . هاا سرى كلشي ماكو بس شوفي الكهرباء شبيه
سرى . . اي هسه اصيح لواحد من الولد يشوفن شبيه لتخافين
سجى . . اي عفية بسرعة
فهد بهمس يم اذن سجى . . هااا الحلوة تخاف من الظلمة مادري والله لو ادري مجان طفيت الكهرباء
سجى . . عززه بعيني انت الي طفيته
فهد . . جا شلون اجيج بالضوه والكل يشوفني
سجى . . وانت اصلا شكو جاي
فهد . . يولي شنو متريديني
سجى تلطم على وجه . . يربي شوف اني شكول وهو شيكول
فهد . . باعي يا بت الناس انتي خافه من جيتي هنا وهذا حقج واعرف الي سويته غلط واذا احد دره انتي
الي راح تتأذين بس لو ماجانت نيتي طيبة وياج مجان سويت هيج واني رايدج على سنة الله ورسولة
ويوم بس يطلع الصبح اني يم الشيخ طالبج منه بس جيب اريد اسمع الموافقه منج انتي قابله بيه رجال
وسند وظهر لج
سجى ضليت ساكته وهذا شجاوبه هسه يربي ليش تخليني دائما بموافق مثل هاي
فهد . . السكوت علامة الرضا . . كاله وجتي الكهرباء . . هههه حتى الكهرباء موافقه
سجى خجلت منه ونزلت راسه فهد تقرب عليه ورفع راسه بصبعه وكال
فهد . . من هل لحظه صرتي حرمة الضابط فهد وباسه بكصته . . يله اني لازم اروح اشوفج بالعقد القران
فهد ديطلع رجع باوع عليه لكاه تباوع عليه راستن نزلت راسه
فهد ضحك . . يله في امان الله وعود لبسي دشداشتج عدل ههههه
سجى فتحت عيونه على وسعهن وباوع على دشداشته عززه بعيني لابسه بالمكلوب وهذا شكد ميستحي
يباوع عليه ههه ديله عيني هو فات لغرفتج وباسج بكصتج ومتريدي يشوف الدشداشه عدله لو لا
اووف يفهد شسويت وخليت بت الشيخ تعشكك
. . . . . . . . . . . . . . . . . . . .
بكر دورت بالكاميرا كلهن الي جوه لحد مالكيت فيديو قصير يمكن مده مالته 30 ثانية
طالعة بيه فرح من غرفة الممرضات للمصعد هسه لازم ادور بالطابق الارضي للمستشفى
وبالكاميرات الخارجية عمود اخذهن وعلى خوانه كبل وشوفه منو بكر
بديت ادور بالكاميرا الارضية اول فيديو كلشي مابيه والثاني هم الثالث فتحته جانت فرح واكفه يم
واحد تحجي وياه بس مني ظهره للكاميرا وجه مامبين وكفت الفيديو وقرب الصورة عليهم
واخذتلهم صورة رديت فتحت الفيديو شفته انطاه شي هي رفضت تاخذه لزمه من ايده واخذته عافه
وطلع شديصير هنا شو كلشي مدفتهم راستن رحت على الكاميرات الخارجي شفت نفس الرجال الي
جان واكف يم فرح ركب السيارة عاليه ونطلق بيه رجعت الفيديو وكفت السيارة وكتبت رقمه يمكن احتاجه
ضليت اكلب بالفيديوات وصلت للفيديو الي طلعت بيه فرح بس طلعته مابيه شك او شي ضليت اكلب
لحد مالكيت فيديو راجعه بيه وبيده جنطه صغيرة من طلعت مجانت شايلته صفتن بيه القصة بيه انه
ولازم اعرفه اخذت كل الفيديوات الي احتاجهن وطلعت شكرت الرجال وطلعت على ابو عمار
ابو عمار . . هاا ابني بشر لكيت منو ماخذ التلفون
بكر ياربي نسيت هل سالفة . . هاا عمي لا والله طلعت مو هنا مضيعته يمكن بغير مكان مشكور مقصرت انت
ابو عمار . . هاا خوش بيه صالح انشالله لا لتكول هيج واجبي هذا سلملي على الوالد وعلى ابو عمر
بكر . . يوصل انشالله مع السلامه
ابو عمار . . الله وياك ابني
بكر اووف شلون هسه منين ابدي عمود انشوف هاي شجاي تلعب اووف منج فرح وراج مصيبه كلبي يكلي
. . . . . . . . . . . . . . .
لمى كعدت الصبح ( هذا الحجي بعدنه يوم السبت دوختكم ادري )
عبالك جنت بعركه راسي يوجعني احسه راح ينفجر باوعت على الغرفة مكلوبه كلاب المكياج
بصفحة وملابس بصفحة وشسوار بصفحة من البارحة من الخطبة ماعزلتة اريد اكوم ماكدر ادوخ واكع
شويه وكمت امشي واتعثر اريد اوصل للمراية ماكدر اريد اشوف وجهي ادري بنفسي طالعة اخوف
وصلت للمراية باوعت
لمى . . عاااا يمه جني عاااا . . كمت ارجع ليوره جان اعثر بشي وكعت باوعت جوه رجلي على الشي
الي عثر بيه ضليت صافنه يمه هاي مو رجل انسان
لمى . . عاااا ييييمه اشباح بغرفتي يييمه . . طلعت تركض من الغرفة
. . . . . . . . . . . . . . . .
جاسر كعدت من النوم مرتاح وبالي صافي
باوعت على الساعة ب7:15 كمت سبحت وبدلت نزلت لكيت لبيت هدوء
بعدهم نايمين طبيت للمطبخ لكيت الشيخ والشيخه كاعدين يتريكون
جاسر . . صباح العسل
الشيخه . . صباح النور وليدي شهل طله الحلوه انشالله دوم فرحانه هيج
جاسر . . وباس راس امه وابوه . . تسلميلي شيخه احلا دعاء من الصبح
الشيخ . . تعال يشيخ تعال اريد احجي وياك بموضوع
جاسر . . اي حاضر يشيخ تفضل
الشيخ . . مو هينه بالديوان امشي . . راح كبل جاسر للديوان
الشيخة . . روح وراه واني هسه اسويلك الريوك واجيبه لك
جاسر وباسه ايده . . مشكوره يمه بس ماريد والله مشتهي هسه خليه من تكعد سجى اني وياه نتريك
شيخه . . على راحتك
جاسر رحت للديوان لكيت الشيخ كاعد يسبح كعدت كباله
جاسر . . اي يشيخ كول اشوفك عندك حجي مهم
الشيخ . . اي والله جبته عندي حجي وياك واريدك تسمعني ومتردني
جاسر . . لا يشيخ ماعاش الي يردك كول والي اكدر عليه انفذه
الشيخ . . جاسر اريدك تلزم المشيخه اليوم كبل باجر
جاسر حجيه مطمني صحيح هو هواي يطلب مني استلم بداله بس هل مره غير احس اكو شي راح يصير
جاسر . . شيخ اكو شي بيك شي شو حجيك ميطمن الواحد
الشيخ . . لا ابني ماكو شي بس اني اليوم موجود باچر لا ولازم أمن على وضع العالم وانت كده بس اسمع كلامي واقبل
جاسر . . انشالله شيخ خلي أخلص من سالفة السفر وزواجي وانشالله الي تأمر بي يتنفذ
الشيخ . . عشت يجاسر املي ماخاب بيك ابد وانت كده
. . . . . . . . . . . . . .
هلو ياحبايب شلونكم اخباركم طبعا هذا البارت جان لازم ينزل قبل يوم بس النت ماشالله عليه زباله حشاكم المهم القصة بدت تصير حماسية انشالله تعجبكم
وهااا ملاحظة القصة مقتبسه من قصة حقيقية مع ايضافه شوي ابهارات ستمتعو 😉🖤🖤