سلام عليكم
# الشيخ & العشگ
& بسبس
. . . . . . . . . . . .
جاسر . . سما احبچ
سما . . اي اعرف
جاسر . . لا تقاطعيني من احجي فاهمة .. اني احبج من 6 اشهر مو من اسبوعين
سما . . شلون يعني
جاسر . . هههه تالي وياج
سما . . كمل بعد ماحجي
جاسر . . قبل 6 اشهر صار العرس مال ابن الرئيس حسين واني جنت من المعازيم طبعا لان
هو رئيسي يصير
سما . . اي
جاسر . . العرس صار بغداد بقاعة و مشترك نسوان وزلم واثناء العرس من رحت اسلم على العريس
شفت بنيه واكفه بصف العروسة هي وبنات غيره بس هي الي لفتت انتباهي بجمالة ورقته طيرته العقلي رغم بساطته
اخذتلي عقلي من ساعته واني بس بفكر بيه
سما بعصبية . . ومنو هاي ست الحسن وجمال
جاسر . . هههه انتي اكيد
سما بصدمة . . اني
جاسر . . اي انتي اول مره شفتج بيه جانت بالعرس تذكرين مو لو ناسيه
سما . . هاا اي تذكرت عرس ابن عمو حسين
جاسر . . هو يصير كرايب ابوج مو
سما . . اي صح من كرايب بابه بس مفتهمت يعني شفتني مره وحده من زمان شلون ضليت بالك
جاسر . . هو انتي لو تخليني اكمل حجي جان عرفتي
. . اسفة يله كمل
. . من شفتج بالعرس واكفه يم العروس عجبتيني شكلا بس هذا مو كافي كلت خلي اشوف اخلاقه زينه لو لا
ضليت اراقبج بس من دون ما الفت الانتباه شفتج نزلتي من يم العروس وكعدتي يم اهلج وبعد ماكمتي ولا تحركتي
من مكانج ونتباهج كله صار على عروس من الولد كامو يركصون نزلتي راسج ومرفعتي بعد بهاي فعلتج
عجبتيني كلش حتى ثكلج ورزانتج انو مكمتي تركصين ويه البنات وحته صوره مخذتي
سما بكلبه . . خطية ميدري بالتهديدات من نبع الحنان على كطع النت اذا بس رفعت راسي هههه شكد برىء هل ولد
جاسر . . هاي اول مره شفتج بيه المره الثانية وره اسبوع من العرس تقريبا جنت ويه الربع بالكاظم وشفتج هناك
لابسه عبايه طالعه مثل الملاك بيه عقلي جان مشوش بيج من يوم العرس نوب شفتج بالكاظم تشوش اكثر وراه بشهرين
جنت متعمد اجي لبغداد بحجت الشغل واكول عسى ولعل اشوفه صدفة
ورب الصدفة خير من الف ميعاد صدك وشفتج بالمول بس جانت ضربة بكلبي من شفتج ويه بكر وحدكم بالمول عبالي
خطيبج عقلي نجن وتسودنت بس مكدرت اسوي شي غير ان مافكر بيج بعد بس عقلي وكلبي رافضين هل قرار وضلو يفكرون بيج
من اخر مره شفتج بيه بعد ماجيت للبغداد ولا طبيتله وره فتره سافرت لدبي لشغل وجنت ناوي اضل هناك لفتره طويلة عسى انساج
ضليت 3 اشهر بس صار وياي حادث ونجبرت ارجع علمود اهلي ليضل بالهم يمي وره مرجعت بنفس اليوم اندعم ابن عمي بغداد
وجان لازم ادوس على كلبي وجي صدك وجيت وشفتج بالمستشفى من جنتي تبجين كلبي طار بشوفتج وبنفس الوكت احترك
من شفت دموعج تخربطتي واخذتج للغرفة وراها شفتج بالحديقة ويه بكر تتعاركين ردت ادخل بس كلت رجال ومرته اني شخصني
بيهم بس من لزمج من مره شعرج مسيطرت على روحي ودخلت وطيحت حظه لحد ما جا اخوج ورجل عمتج وكته عرفت انو بكر
ابن عمتج مو زوجج او خطيبج فرح وطرت من الفرحة بس مكملت عليه فرحتي لا حضرتج جذبتيني وخليتيني بوقف تافه كدام رجل
عمتج وهذا بكر لهذا دزيت عليج الممرضة وجبتج للغرفة ورزلتج بس مكدرت امنع نفسي منج وخاصتن من عرفت انو انتي ممزوج
ولا مخطوبه ومن بستج هذا جان ختم للملكية انو صرتي ملكة على عرش قلب جاسر وقررت ازوجج وحجيت لمحمد ولياسر بس
مكتلهم احبج لا كتلهم ازوجه بحجت الانتقام طبعا همه رغضو بس قنعتهم وهسه انتي صرتي مرتي وحلالي
الحمد الله بعد تعب الي محد حاس بي بس كدرت احصل عليج وتصيرين ملك جاسر
سما . . هو يحجي واني مصدومه بي طلع من صدك يحبيني يربي واني اكول جذاب لان الي اعرفه لشيوخ
مو بيوم والليله يحبون ويعشقون طلع صارله فتره يتعذب بحبي واني مادري بي مثل لزماله اركض وره بكر
وهو ميعبرني ويدري اني احبه وموته بي ليش هيج يصير بالواحد ياربي ليش نموت نفسه على ارضاء شخص
وهو اصلا ميهتم بوجودنه ميعبرنه وبنفس الوكت اكو شخص يتمنه كلمة منه او نظره
سما وعيونه مغوركه بالبجي . . جاسر
جاسر رفعت راسي على سما شفته تبجي . . شبيج حبيبتي جرحتج بحجي واني مادري . . كولي لتسكتين مو بطيتي لكلبي
سما وتحضن جاسر . . جاسر احبك والله
جاسر . . ههه خبلة زين ليش تبجين
سما . . مجنت اعرف اكو شخص بهل دنيا هيج يحبي
جاسر . . وهسه عرفتي شراح تسوين
سما وتشبكه بقوه . . ماعوفه للموت
جاسر ويبوس كصته . . يبعد كل هلي عساس اني اعوفج
سما . . اني شمسويه بحياتي والله رزقني بيك وبحبك
. . طيبه كلبج ولروحج الحلوة . . يله هسه شوفي الشقه ونطيني رايج بيه
. . ماكو داعي ماطول انت سويته اكيد حلوه
جاسر وكف ولزمه من جتفه وكفه وياه وهي قزمه راسه يادوب يوصل لجتفه
. . هههه ولج انتي ليش قومه هيج
. . بله هذا سؤال واني شمعرفني ليش قزمه وبعدين شبيه القزمه شو حلوه وتخبل
. . هههه اي ولسانه اطول منه
سما وترفع حاجبه وتتخصرله . . اذا متعجبك القزمه عيني اكو نخلات كومه ماليات هل بلد
سحبه عليه ولف ايده على خصره . . اكو واحد يشوف هل جمال وللسان ويروح على نخلات
بالعكس ياخايبه قزمه احسن عمود اشبكه واختله بين ضلوعي ماخلي الهوا يمسه
. . عبالي جان موتك والله اذا فكرت تاخذ نخله . . لعبالك تضحك عليه بكلامك معليه زعلت منك
جاسر ويدفن راسه بين شعره . . وحلو شلون يريد اراضي
سما وتسحب نفسه منه . . اريد نوتيلا يله ارضه
جاسر رجعه لحضنه . . زين اجيبلج بس بشرط
. . شنو الشرط
. . اول شي اني اشبع من النوتيلا مالتي يله اجيبلج موافقه
. . اي موافقه متشبع منو لازمك
جاسر . . هاا منو لازمني هجم على شفايفه يبوس بيه ونزل على ركبته شم عطره . . فلك مو عطر
كام يبوس بركبته بقوه عمودلايترك اثر ملكيته عليه
سما بصوت هامس . . جاسر شجاي تسوي
جاسر . . اششش وباسه من شفته سكته شاله بين ايده واخذه للغرفة وكعده على السرير وو
( احم احم ههههه عوفو العالم ذوله معوزين حنان سوده عليه خلي نروح على فهيدان نشوفه شمصخم )
. . . . . . . . . . . . . . . . . . . . .
فهد . . وك شنو اعقد عليه والله حلوه تجيت التهم وانت نايم
سرمد . . لك فهد لتخليني اغلط وياك اعترف بغلطتك واعقد عليه
فهد . . ياغلطه سرمد شبيك من كل عقلك مصدك اني ممكن اسوي هيج انت مو صديقي وتعرفني
سرمد . . ياصداقة تحجي عليه هاي السالفه تخلي الواحد يشك بنفسه وانت جاي بكل برود تكول مو اني
فهد بعصبيه . . اي مو اني لو اني مسويه جان لكيتني كاعد يمكن سرمد شسالفه اذا انت تشك بيه جا شعفت للغريب
سرمد ويهدء بي . . فهد السالفة مو مال شك لو مو الادله كله ضدك جان كدر احد يفك حلكه وياك
فهد . . اهووو هم يكلي ادله شنو دليل الي يثبت انو الي بطنه ابني فهمني شنو الدليل الي قدمته ضدي
سرمد . . قميصك
فهد . . هههههه لا والله وانت صدكت بكل سهوله هذا مو نفس القميص الي قبل كم يوم سئلتك عليه
عبالي يمك وطلع ضايع هو لو لا
سرمد وبده يجمع الحداث . . اي صح هو بس شجابه يم لبنيه
فهد . . هو هذا الي راح يخبلني قميصي شسوي يمه
سرمد . . انت تعرفه من كبل شايفه
فهد . . وغلات امي بعمري مشايفه ولا اعرفه
سرمد . . اوووف شهل سالفة الي طير العقل لعد شتريد منك
فهد . . واني شمدريني . .
سرمد . . مراح تكول لجاسر
فهد وصفن شوي. . اذا تريد انت كله اني ماحجي وياه . . نام وعاف سرمد يدك على جاسر
. . . . . . . . . . . . . . . . .
سجى حابسه نفسه بالغرفة من عرفت بشغلت فهد
سجى . . حقير خاين منحرف ادب سزز
اهئ اهئ ليش ياربي من احب شخص واكتشف انو هو هم يبادلني نفس الشعوريحبني ويخاف عليه
فجاءه يطلع حقير نذل يلعب على بنات الناس بس الي صدمني اكثر انو اذا هو هيج جاسر شلون مصادقة
ميستاهل اهئ اهئ قلبي شبيك ميستاهل تحزن عليه
سجى بصوت على ويه نفسه . . اي والله وليش مزعله نفسي على واحد ميسوه وميستاهل هل شي
بالعكس لازم هسه افتح اغاني واكعد اركص لان الله خلصني منه كلب لا احبه اكثر ويكدر يضحك عليه ويسويلي شي
فتحت تلفونه وعلى يوتيوب او من فتح طلع كدامه اغنية قافل
سجى . . يمعود نور ياقافل يابطيخ متعب نفسك وتغني على مالمن محد يسوه
كلبت باليوتيوب ملكت بس اغاني حب
سجى . . شبيك انت الثاني ( تحجي على اليوتيوب ) كله اغانيه حببجيه ويامن مكبل ويه غوغل
اووف محد يسوي واهس اروح اكل احسلي
. . . . . . . . . . . . .
. . ميصير تدخل عليهن الاداره متقبل بهذا الشي
. . هو شنو الي متقبل قابل شراح اسوي بس اخذه وطلع
. . هنه بدرس هسه وانت جاي تكعه عليهن
. . دكلج اخذه واطلع
. . ماشي بس متطول
. . انشالله
. . منا تفضل
مشيت وره المدرسة اخذتني للصف مال حبيبتي
. . اووفيش عطره منا اميزه
طبت المدرسة قبلي كالت للطالبات الي نازعه حجابه تلبسه لان عدهم ضيف
المدرسة . . تفضل الك بس خمس دقايق
. . ماشي شكرا
راحت المدرسة اخذت نفس وطبيت سلمت على المدرسة الي جانت واكفه
انداريت على الطالبات ادور على حبيبت كلبي وينه انتبهت عليه منزله راسه وممهتمه بالي فات عليهن
. . عفيه عليج يبت كلبي ملكتي كلبي هسه من صج
رحت تقربت عليه هي منزله راسه تباوع على الكتاب الي كدامه متدري بيه
تقربت عليه صرت بصفه مديت ايدي وجريت الكتاب من كدامه هي نصدمه ورفعت راسه عليه وشهكت
لمى . . عززه ياسر
ياسر بابتسامه خفيفه . . كومي يحلوه
لمى بتوتر وخجل من صديقاته . . وين اكوم عيب المدرسة كدامك شجاي تسوي
ياسر بحزم . . تكومين على رجليج لو اكومج بطريقتي
لمى بخوف . . لا كايمه والله بسرعه كامت
ياسر . . اخذي جنطتج وياج لان بعد مترجعين
لمى . . شنو منو كال
ياسر . . اني كلت شنو متملي عينج كلمتي
لمى بخوف منه اول مره يحجي هيج وياها . . لا والله مو هيج بس
ياسر . . مو وكت تبسبسين امشي
لمى لميت كتبي ومحفضتي خليتهن بالجنطة واستاذنت من المدرسة وطلعت وياه
ياسر . . امشي كادمي يله
لمى امشي وهو يمشي وراه بشويه طلعنه من المدرسة
ياسر . . اركبي
لمى . . وين اريحين
ياسر . . اركبي بعدين تعرفين
لمى والله خايفه اركب وياه صحيح خطيبي بس اني بعمري مركبت ويه رجال
حتى بابا بعمري مطالعة وياه وحدي اذا مو امي ويانه او مها انوب خطيبي اووف ربي
انوب مبين عصبي شبي هذا
ياسر . . جم ركعه صليتي فضينه اركبي
لمى . . اي راكبه الله اليستر
. . . . . . . . . . . .
جاسر جنت متمدد على الجرباية وسما بحضني وراسه على صدري وصافه بسته بكصته
جاسر . . وين صافن الحلو
سما . . لا مصافنه بس دفكر بشغلة
جاسر . . شنو هاا الشغ
مكمل كلامه جا اتصال مده ايده ياخذ التلفون من يمه الجربايه باوع محمد ( ابن عمه )
جاسر . . الوو هااا محمد
. . شنوو شوكت هذا الحجي . .
. . يله جايك بالطريق
. . . . . . . . . . . . . . . . . .
هلو حبايب ادري بيكم زعلانين مني استاهل بس والله امتحانات والبيت دنفلشه ونبني
وعماله وهوسه والله بس اصبرو علية شويه وبعدين هاي اول رواية لي ماعرف انضبط بالمواعيد التنزيل
بس انتو استحملوني ماشي حبايب كلبي احبكم
# بسبس