لاخر نفس <3
الحلقه 28 😍
طلع دكتور ولحقه مهند
مهند " دكتور نبي نطلب منك طلب
دكتور " شنو هو
مهند " مانبيكش تردني فيه
دكتور " لو كنت نقدر حنديره اكيد
مهند" نبي منك تخليني نقعد معاها
دكتور" قتلك ممنوع
مهند " مانقدرش نسيبها ونوعدك محد منهم يعرف اني قاعد هنا
دكتور " تحطني في موقف صعب مع الادارة المستشفى هكي
مهند " حتي لو ماخليتنش مش حنروح وحنقعد نستناها هنا راه
دكتور" اختك هيا
مهند" لا بنت عمي
دكتور "هههههه فهمت عليك خلاص بعدين تو نخششك انا
مهند "شكرا بارك الله فيك
دكتور" ربي يشفيها لكم ان شاء الله
مهند "ان شاء الله
بابا " نور دبالك من روحك وبكره من صبح حنكونوا هنا
نور" ماتخافوش عليا
ماما "تبي اي حاجه تلفونك عندك رني علينا باهي
نور "حاضر
روحنا وسيبناها بروحها
خـالد " كوني متاكده حترد كيف قبل
نهي " ان شاء الله يارب
خالد " اول مره نشوفك تبكي
نهي "مش انسانه انا مثلا
خالد " تي كنك رايحه عصبيه انتي
كلمة نتفجري مني
نهي " مش متحمله روحي اصلا
خالد " وسعي بالك ليش توتر هذا كله
نهي " خايفه بكل عليها
خالد " ماتخافيش كل حاجه حتمشي وترد كيف قبل واحسن
نهي " ان شاء الله
بعد خطرها نظراتك امبدري ع ممرضه فطنتلهن راه
خالد "هههههههه حرام عليك نظره بريئه
نهي " عيونك مره تانيه نطلعهن لكي تبحت
خالد " هههههههههه ياواعره انتي
نهي " خزي ومشكله قاعده معاك وتبحت معناها لما تكون بروحك واخذ راحتك اكيد
خالد " حرام عليك والله ظالمتيني
نهي " والله انت حتعبني واضح
تعرف كان ماتلم عيونك احسن ماتخسرهن راه
خالد "هههههههههههه حطي فيا ثقه وعد مانخونكش
نهي " الثقه في رسول والرسول مات
خالد " لا مش لدرجه هذي عاد
نهي " لدرجه هذي واكثر ي عيوني
خالد " والله نحبك انتي باهي
نهي " محلاك وانت تحب غيري
مهند "بعي
نور " كيف خشيت هنا
مهند " هو انا نقدر نسيبك بروحك
نور " فرحت بجيتك
مهند " امبدري حكيت مع دكتور وخلاني نخش
وجاء قعمز جنبها ع السرير
نور " سااكته وتبحت فيه
مهند " كنك ساكته
نور" عادي متوتره وخايفه من بكره
مهند"مسك يدها
انا متاكد حتمشي العملية وترديلي كيف قبل
نور" يارب
مهند " دموع لا فكينا عاد
نور " وعدتك مش حنبكي
مهند " مسحلها دموعها بلا بكاء
نور " خلاص
مهند "شن اندير تعشيتي
نور " جابولي الوكال امتاعهم شين سيبته
مهند" بس تقعدي هكي بدون وكال مايجيش بكل
نور" خاطري في شاورما
مهند " بس
نور" اها
مهند "تو نمشي نجيب ونجي
نور" ممنوع تخشش وكال
مهند "اس انتي تو نجيبها غصبن عنهم
نور" هههههه راه يمسكوك منعرفكش بعدها
مهند " خزي ع الي باعتني
نور" هههههههههه ماطولش باهي
مهند" هنا قريب في مطعم توا نجيب منه
نور" تمام
معتز " نحبك
انا " باه
معتز " ونموت فيك
انا" باهي كويس
معتز " والله
انا" معتز ران عليا توا متاخر ليش
معتز " واحد مرايف ع مراته الي مسكره راسها ماتبيش ترد لي حوشها
انا" والله هو مش داير خير فيها
معتز " هو نادم واجد
انا" مش مقتنعه بالندم امتاعه انا
معتز" شن اندير باهي بيش ترضى
انا " سكتت
معتز" وين رحتي
انا" معاك
معتز " كنك تحكي بصوت واطي
انا "حمادي راقد جنبي خايفه ينوض
معتز " حمادي كنه راقد عندكم
انا " شن فيها العيل يبيني
معتز " والله العيل هذا كان كبير راه ضاربه
انا " حاط عقلك من عقل عيل صغير
معتز " المهم خلينا نردو لي موضوعنا
انا" موضوعنا قتلك رأي امتاعي انا فيه
معتز " فكره انك تسيبيني هذي ماتحلميش فيها
انا " مش بجوك هيا
لو مافيش احترام بينا بلاش منه خير الزواج هذا
معتز " من قال انا مش محترمك
انا" مديت يدك عليا وهذا كله محترمني
معتز " من غيرتي عليك درت هكي
انا" ماعندكش الحق ادير هكي عفست ع كرامتي مره ورديت وتوا مانقدرش
معتز " اعتذرت منك
وندير اي حاجه المهم ترديلي معش قعد يهمني في حياتي كلها الا انتي تكوني جنبي
انا" كلامك هذا مش حينفع جراحتني بي كلامك إهانتك ليا
معتز " ماتخيلتش الفكرة انك كنتي تعرفي حد غيري
انا" انت مش حاط فيا ثقه بكل حتي 1 في الميه تي مش واثق فيا
معتز " واثق فيك
حتي كلام التيس الي اسمه احمد عليك قهرني
انا" وانت حكيت معاه
معتز " والله يهمك تعرفي
انا" عادي معش قعد يهمني
معتز" كلمته وتلاقينا وتعاركنا
انا" ليش ادير في مشاكل
معتز " لاني مش حنقدر نرقد ولا نتريح في نومتي الا لما نحاسبهن هنا الاثنين
ومشيت حتي لي بات مها وحكيتله كل حاجه
انا" يعني هكي تبيني نرضى ونرد عادي
معتز " بجد تعبت والله زعلك هذا لعند امتي نبي نعرف
انا" انت كسرتني
معتز" ليش نديرو في روحنا هكي ونعذبو في روحنا
انا" قعدت نخاف منك ومن عصبيتك هذي بجد لما تعصب تنقلب شخص تاني مانعرفش حتي نتفاهم معاك مش مستعده نضيع عمري وانا نقعد نتحمل في انقلاب شخصيتك هذي
مليت حتي من كلام هلي الي شكو انه في مشكله بيني وبينك
معتز " انتي اصلا ماتبيش ننفصلو مغير تكابري قدامي بس ماقدرتيش تقولي حتي لي هلك
انا" كنت حنقوللهم لاني مصره ع الرأي امتاعي هذا
بس مرض نور هو الي خلاني نسكت مش ناقصهم مشكله تانية
معتز" انسيها ليا فكره الطلاق هذي امسحيها من مخك نعطيك وقت الي تبيه تقعدي غادي بس انك تطلقي هذي مافيش وسكر في وجي
انا" استغفر الله العظيم
مهند " كولي بي شويه
نور " اسكت جعانه بكل
مهند" هههههه وانا خاش مسكتني الممرضة قالتلي
وين ي استاذ
نور" هههههه نسمع في صوتك وانت تقوللها وطي صوتك
مهند " صوتها عالي وشهداره شكلها
نور" ههههههههههه
كيف طلقتك تخش
مهند "بطريقتي الخاصة
نور" ياراجل
مهند " تحسابي حبيبك ساهل يعرف يصرف
نور" ههههههه باهي ي حبيبي كنك ماتاكل
مهند " ماعنديش نيه انا
نور" مدتله ساندويتش امتاعها كول بلا سماطه
مهند" تو ناكل وانتي تفنصي
نور "ايوه اسمع كلامي
مهند " ههههههه حاضر ي ماما
نور" هههههه تضحك انت
مهند " تبيلك صوره انتي بي منظرك هذا
نور" كنه منظري سمح
استنا ناخذو سيلفي للذكرة
قرب انت
مهند " مدي هنا يدك قصيره
نور " امسك ماطلعنيش شينه ايوه
مهند " ههههههه كان انتي شينه شن نبي نديرلك
نور" خزي توا انا طلعت شينه
مهند" نحبك وانتي بشعه اخره وتفجعي حنقعد نحبك
وصورو كم صـوره
مهند" خلاص شبعتي
نور "الحمدالله
مهند " تبي حاجه اخره
نور" حاليا لا
مهند " ههههه باهي ارقدي تريحي وراك نوضه بدري
نور " مانبيش نرقد
مهند " عليش ؟
نور" نبي نشبع من شوفتك
مهند " هههههههههه مهاجر انا
نور " عيونها بدن يدمعن
مهند " شن قلنا نحن عاد
نور " بجد مش قادره ننساه
مهند " ياروحي هكي تعبي في نفسيتك شن قلنا نحن مش حتكوني قوية وتغلبي عليه
نور" فكرة الموت بجد نخاف منها
مهند" ماتفكريش هكي انتي
فكري ديما في جانب الحلو انك حديري العملية وتطلعي وتشفي منه بس ماديريش هكـي
تعذبي فيا بي دموعك راه علشاني انا اقعدي قوية هذا الشيطان يلعب بي عقلك خليك مؤمنة بالله وبي رحمته وانه مايسيب حد
نور" يارب
مهند" دموع معش نبي نشوفهن مفهوم
نور" هزت راسها
مهند " واهو الدكتور قال نسبة نجاح العمليه 70 في المية نسبة كويسة
نور " مش حتغير عليا
مهند " مهبولة انتي
نور " انت توا تقول هكي بس بعد نبدا في كيماوي ويطيح شــعـري مش حتقدر تحمل
مهند " فكينا من تفكير هذا حنقعد معاك طول عمري مستحيل نسيبك قلتها لكي مرض مستحيل يفرقنا
نور" نحبــك
مهند " تي شنو الدموع هذينا شيشمه مولعتيها انتي
نور " ياسامط
مهند " خلاص عاد بلا نكد
نقولك نكته بيش تضحكي
نور" قول بس تكون ضحك مش شينه كيفك
مهند "تشرطي اخره
نور "اها اكيد
مهند " مره واحد احول سجل في الجيش...... حطوه في قسم القصف العشوائي.
نور" هههههههههههههههههههههه سامطه -_-
مهند" خير من بلاش
نور" هههههه مش شورك النكت معش تقول
مهند " منوره ع تحبيط المواهب
نور " مافيش مواهب هيا اصلا
مهند " خزي ديما تحبي تحبطيني
نور " نقولها لكي انا خير مايقولها لكي الناس
انا نتحملك الناس لا
مهند " حي امبدري فاتك نهي تفنص في خالد وهو يبحت في الممرضات تي تقريبا اليوم ليلته نزيكه
نور" ههههههههههه لاحظتها رقتلها وهو كنه مايريح روحه يستاهل
مهند " تعرفي انصدمت لما عرفت انهم يبو بعضهم
نور" كان تعرف كيف صارت تموت من ضحك
مهند " كيف
نور " قعدت تحكيله في قصه كلها
مهند " طيح سعدها كله هيا تقدر
نور" نهي بكل شخصيتها قويه
مهند " ولسانها اطول منها
نور" مانحكيلك
مهند " نسمعك اغنيه
نور" شنو هيا
مهند "وسعي
نور "والله بترقد جنبي كيف يسدنا ان شاء الله
مهند " مغير صفي نيتك بس توا يسد
نور " وسعتله
مهند " رقد جنبها وعلق السماعات وعطها وحده وحده خذاهاه هو
نور" تي هيا ولعها
مهند" اصبري وانتي سكانه
احنا ملناش الا بعض، بوعدك م الليلة وعد
مش هعيش من غير هواك، ياللي دنيتي معاك
اتغيرت فرقت كتير
العيون دي حنينين طول ما هما قريبين
فرحتي بتملى المكان، ببقى حاسس بالأمان
لأ بقى الموضوع كبير
جتلي منين هموت و أعرف، اكيد انت من الجنة
عايزلي سنين عشان أوصف حلاوة اللي حصل بينّا
خد هنا قرّب أوام، من سكات من غير كلام
سيب قمرنا يدلنا ع الطريق ويقولنا
نمشي فين ونعمل ايه
انت كل اللي عليك، م النهارده تسيب ايديك
بعدي عنك برفضه، والملايكة بيشهدوا
ع اللي روحي حاسة بيه
جتلي منين هموت و أعرف، اكيد انت من الجنة
عايزلي سنين عشان أوصف حلاوة اللي حصل بينّا
مر الليل كله وهما يحكو مع بعضهم ومارقدوش بكل لين جاء الصبح صبو صلوا
نور " روح تريح مارقدتش انت بكل
مهند " لا مش حنتحرك من هنا الا لما تطلعي من العملية ونطمن عليك
نور" بس عملية حطول
مهند" عادي نستناك
نور" تو ايجو ويشوفوك هنا
مهند " نقوللهم جيت توا
نور" الكذبه واتيه
مهند "هههههه ياستي علشانك لمينا ذنوب
نور" محد جبرك راه ي روحي
مهند "حي بدت تعلم طولت اللسان
نور" سلحت السلسلة الي لبسها له
امسك
مهند" عليش سلحتيها
نور" كان طلعت كويسة من العملية تو تلبسها ليا
وحضناته
مهند " كان هو خايف اكثر منها بس يبينلها انه الموضوع عادي
ي هبله حتطلعي وتقوليلي شن العباطه الي درتها
نور" وخرت منه
ان شاء الله
نحبك واجد
مهند" نمموت فيك كوني متاكده انا معاك لاخر نفس فيا
مشينا نحن للمستشفي انا وماما وناصر ومروة وعميمة اسماء ونهي
ناصر " مهند ؟
مهند "صباح الخير
بابا "جيت بدري
مهند "اها اول مانضت جيت
ماما " كيف حالك ياروحي
نور " كويسة الحمدالله
انا " باين عليها كويسه
نور" فهمت قصدي
انا" صبيت جنب مهند
بصوت واطي
قصدك كنت بايت معاها
مهند " استرينا الله يسترك
انا " منحرفين
مهند " قالتها انتي وخويا محترمين واجد
انا" اس بلا قلت ادب
شويه وجاء الدكتور ومعاه ممرضة
دكتور "صباح الخير نور جاهزه
نور" ان شاء الله
دكتور "خلاص توا حتمشي مع ممرضه بيش تجهزك للعملية
بابا "توا حديروها
دكتور " بـأذن الله
انا " نوني ماتخافيش حبيبتي
نور" مش خايفه وبحتت في مهند
مهند" ابتسملها
حنقعدو نستنوك هنا لعند تطلعي تمام
نور" ان شاء الله
خذتها ممرضة وطلعت
مها" معش تهزبيني
امها "لانك اصرفتي بي غباء خربتي كل حاجه هذا اخر تصرفاتك
مها " ساد اني نحرمت من جامعة ولا تلفون ولا طلعه ولا خشه
امها " حتي انا خذا مني السياره باتك كله منك تستاهلي
مايجيك
مها " توا نقتل روحي وتريحي مني
امها " جبتي المشاكل لكي محد قالك قربي منه ووخربي حياته
مها "حسبي الله فيه قهرني
امها " معش تطلعي من دارك ماتخليش باتك يشوفك تو يقتلك اصلا
مها " يدي توجع فيا من الضربه
امها " جبتيها بروحك
مها " انتي امي ولا عدوتي كنك تحكي معايا هك
امها " اسكتي اصلا ريتني ماجبتك من عملك
مها " والله ماتنسيش انتي كنتي تساعدي فيا اخره
امها "بس مش لي درجه نوصل في شرف البنت
مها" تستاهل هيا الي يصيرلها
امها " نطلع خير ماننجلط منك
مها " يارب نموت نفتك منكم
مر الوقت ونحن في المستشفى ونستنوا في نور وكنا كلنا ع اعصابنا
لعند طلع الدكتور
صباه مهند يجري له
مهند "شن صار طمنا
دكتور" العملية نجحت بس
بابا " بس شنو
دكتور" حتقعد في عناية توا
مهند " مش حنشوفوها يعني
دكتور "لا ممنوع توا
ماما" حتي نشوفها من بعيد نطمن عليها بس
قلبي مشغول عليها
دكتور " ممنوع بعد تنوض ساهل توا هيا مش حتحس بيكم بكل
ناصر" باهي يعني كل حاجه تمام توا
دكتور " الحمدالله توا نحن حنحطوها في عناية 24 ساعة وبعدها ساهل وان شاء الله ربي يشفيها
مهند" الحمد الله ياربي
معتز "بارك الله فيك
دكتور " واجبي هذا
بابا" معناها قعدتنا هنا راه ع فاضي
معتز " قرب من مهند
انت ركز في تصرفاتك راه ينتبهو
مهند " مانقدرش نمسك روحي
معتز " حاول تمسك روحك راه ناصر شاك في حاجه بينكم
مهند "خليه يشك مايهمنيش
معتز " تحط البنت في موقف شين
مهند "توا نعرف نتفاهم معاه المهم نور انا توا تقعد كويسة
معتز " باهي خلاص روح توا تريح من امس قاعد هنا
مهند "لا حنقعد لين تنوض
معتز " توا شن تبي ادير وهيا راقده مازالت ومش حتقدر تشوفها روح ارقد وبعد اتنوض تعال
بابا " ناصر روح بي امك والبنات
ناصر" وانت وين ماشي
بابا" ماشي للشغل في حاجات كلموني لازم نشوفهن
معتز "بحت فيا نسرين هيا
انا" فنصت فيه
ناصر "روحي مع راجلك انتي سياره يالله تسد هذينا
ماما" هذينا عندهن اسم ي فرخ
نهي "ههههههههه حي باعك ناصر
انا " انحرجت وهو فرح طبعا السي معتز وانا ماقدرتش نقول كلمة
معتز " ناني هيا
طلعنا كلنا وانا ركبت مع معتز وانا راقيلي منه
معتز " كنك راقيلك
انا " عادي -_-
معتز " افردي وجك
انا" حدده ليا -_-
معتز "حي ع حناطه سيبيها احسن
انا" برمت وجي ع روشن
معتز " توا اتشوفي عليها
انا" ع اساس تقدر ادير حاجه
معتز " توا انشوفوا
انا" هذي مش طريق الحوش
معتز " عارفها
انا" وين ماشيين
معتز " نبي نخطفك
مش مروحين للحوش
انا" معتز بلا تصرفات هذينا
معتز " انتي الي خليتني نديرهن
انا" يعني كان درت هكي نبي نرضى مثلا
معتز " مش حنردو غادي الا لما نحلو مشاكلنا
انا" وين ماشيين
معتز " لي مكان سمح توا يعجبك
انا" معتز خلينا نردو مش وقته الي ادير فيه
معتز " لا وقته خلاص خليتك ع راحتك واجد
انا" نور وضعها مش مستقر
معتز " نور كويسة ماديريش سبله انتي بس
واسكتي صدعتيني
انا" اوووف منك
وطلعت فوني كره مني
لا هات هنا
معتز " مافيش
انا "لقنك رايح سامط باهي
معتز " اسكتي وانتي تقول خاطفك مراتي راه
انا "اها واخذني غصبن عني مش راضيه -_-
معتز " اسكتي ممكن
انا" اوف منك وبرمت وجي ع الروشن
ناصر" مهند تعال نبي نحكي معاك
مهند " كنك
ناصر" انت كنت بايت مع نور صاح
مهند" قتلك جايت الصبح
ناصر" وكنك مش مغير لبستك اخره -_-
مهند " من لاخير اها وكان تبي تعرف اخره نبيها ونحبها ومن زمان مش توا وماديريش طروح الواعر تمام مش حلال عليك بس وغيرك لا تمام وماتقدرش تحكي معاها ولا تجي شورها فاهم
ناصر" كان ملاحظ تحكي ع اختي راه
مهند " اختك هذي تقعد بنت عمي وحبيبتي وحتقعد مراتي فاهم
ناصر" انت دايرلنا قرون انا وعمك
مهند " حشاك مادرتش هكي مانلعبش عليها انا
ناصر " والي تقول فيه هذا شنو
مهند " ماكذبتش عليك انا وقتلك كل حاجه ولما نقعد نكذب عليك هذكي ساعه نقعد دايرلك قرون وحنحكي لي جدي ومجرد ما نور تردلها صحتها حندير حاجه رسمي تمام
ناصر " تبيني نسكت انت بي كلامك هذا
مهند" كان تبي ادير عركه خليها بعدين تعبان ونبي نركب نرقد اعصابي كلهن تلفن اليوم
ناصر "تعرف مش حندير مشاكل توا لانه الوضع مايسمحش بس نشوفك غادي حيصير جو شين
مهند " حتشوفني وتعرف مش حنسيبها في وقت هيا تبيني فيه نقعد جنبها
ناصر" فكنا من المعيلة لانه لو ننفصل عليك تشوف حاجه ماتعجبكش
مهند " شن تبي ادير تبي تضرب يعني
مادرتش حاجه غلط تبي طلع روحك انت بريئ يعني عادي تحب بنت الناس وبس خواتك لا تي خليك واقعي شويه وانا مانلعبش بيا ونبيها وكان سكرت راسك اخره حنمشي نحكي لي عمي كل حاجه
خش ع اسلام
اسلام " كنه صوتكم عالي
ناصر" شوف ولد خوك شن يحكي قاعد
اسلام " مهند كنكم
مهند" ماقلتش حاجه غلط انا
ناصر" تقولي تحب اختي وعادي عندك
مهند" مادرتش حاجه غلط ولا حرام انا
اسلام " ازف وطي صوتك انت و ياه
مهند اطلع اركب فوق
مهند" راكب حتي انا
ناصر" نشوفك في مستشفى حي عليك
مهند "حتشوفني ماتقولش كلمه وانت مش حتقدر ادير شي تمام
وطلع ركب فوق
اسلام " كنك انهبلت تبي تعارك
ناصر" انت معاه وكنت عارف
اسلام " تقريبا العيله كلها عارفه ولحظت مهند يحبها وبيها وين الغلط
ناصر "الغلط انه يمشي ويبات معاها في المستشفى من ورانا الغلط انه دايرلنا قرون
اسلام " ولد عمها هو مش براني
ناصر" انت مصبي امعاه راه
اسلام" توا كان انت تحب والي تبيها صاير معاها هكي كنت حتسيبها ولالا مشاعرك ههنا الي حيصرفن مش انت خلاص توا اسكت وماتحكيش ولا كلمة ومهند راجل حيصونها وحيحطها في عيونه
الوضع مش متحمل حتي انك تحكي لي باتك اسكت
ناصر" مغير تنوض نور نعرف كيف نصرف
اسلام" بعدين ساهل
ناصر" نبي نركب انا
اسلام " تم
نهي " ناني مازال ماجت قصدكم :/
مروه " مازال
ليلي " مش طلعو معاكم
نهي " سكرنا تقريبا ساعه هنا نحن
مروه " بلكي روحت مع معتز خليهم
عميمة اسماء" مشت معاه وهيا راقيلها
نهي "تي مغير طروح هيا قريب تموت بيش تسامحه ويردو
ليلي " تعرفي استغربت قعدتها هنا انا اصلا
نهي " طروح يتعاركو وتجي تغم علينا هنا بي نكدها وبعد يصالحو معش نحقوا وجها بكل
مروه "شن تبي في خلقتك كان هيا وياه جوهم سمح
نهي " امتي ياربي انا حرام هكي
ليلي" امشي لي خالد في مربوعة قاعد
سلوي " بعدك خويا واتي في اي وقت راه
نهي "ي سخيفات الادب
هبه "انتي الي بديتي في قلة الادب
نهي " نعليا والله قعميزه مع خلودي احسن من وجكن
سلوي " اطلعيله وبأذن الله ترديلنا حامل
نهي " مش لدرجه هذي عاد
صفاء " وجعيني عيالكم الي انتي امهم وخالد باتهم
سلوي" يطلعو من بطنها صايعين
نهي " حسيتكن خذيتن راحتكن في تشفيط علينا
عيال ي حنه حيطلعو سماح ويجننو كيف امهم وباتهم
صفاء" والله قعميزه هذي ناقصها نور
مروه " ان شاء الله حتطلع بخير وترد تقعمز معانا
نهي "ان شاء الله
هبه " دكتور شن قال نمشو نشوفوها
مروه" هيا مازالت مش حتنوض اليوم بكل في عناية
هبه "ربي ينوضها بالسلامة
كلنا " ان شاء الله يارب
انا "وين جايبني انت
معتز " انزلي
انا " كنك جايبني للبحر هنا انهبلت
معتز "تبي تنزلي بالطيب ولا نصرف انا
انا "مش حننزل نبي نقعد في سيارة هنا
معتز " بلا هبال هيا انزلي
انا "مانبيش
معتز " الناس تبحت فينا راه
انا" خليهم راه نعيط ونقول خاطفني
معتز " تو نقوللهم مجنونه -_-
انا" خلينا نردو
معتز " هيا نسرين ماتعبينيش
انا" نزلت من السيارة
معتز "أيوه خليك هكي عاقلة
انا" -_-
معتز " امشي من هنا
انا" اوووف منك
معتز " كم مره قايلك عليها اوف هذي
انا" -_-
وصلنا لعند باب الشالية
معتز " فتح الباب خشي هي
انا" خشيت وانصدمت من الي شفته
كان مزين الشاليه وكاتب اسف بالشموع انا تنحت فيه
انا "بحتت فيه
هذا شنو
معتز " شن تحقي فيه انتي
انا " يعني واثق اني حنجي معاك كنت
معتز "بالغصب نجيبك ساهله هذي
انا" مش مقبول اسفك هي خلينا نروحوا
معتز " سكر الباب بالمفاتح وحطه في جيبه
ماتحلميش
انا" معتز
معتز " عيونه
انا "ماتعبش روحك وخلينا نروحوا
معتز " لا نبي نتعب روحي انا المهم ترضى وترديلي
انا " لا واثق واجد
معتز " لانه قسما بالله الباب هذا مش حينفتح الا لما نحلوا مشاكلنا
انا" مشكلتنا فيك انت وعصبيتك
معتز " نغيرها نتغير علشانك الي تبيه يصير
انا " قلتها المرة الاولي وماصارشي
معتز" شيطان وخش بينا
انا " سكتت
معتز " قرب مني وانا وخرت لين لصقت في الساس
وهو حاصرني بي يديه الاثنين طبس راسه لعند وذني
انا "معتز
معتز " عيونه وقلبه وروحه
انا" وخر
معتز " اسف
ونادم وياريتني متت ولا درت هكي مقدر زعلك ومن حقك بس مانقدرش نعيش بدونك افهميها
انا " ساكته
معتز " بحت فيا وكانن عيونه حمر قريب يبكي
احكي ماتقعديش ساكته
انـا " دمموعي نزلن
معتز " اسس ماتبكيش ومسحلي دموعك
حرام العيون السماح يبكن
انا " .......
يتبع
اسفه واجد ع تاخير ي بناااات 😭 عارفتها قصيرة بس االيوم الحق مافضيتش نكتب وتوا كتبتها متاخر بس قصيره خير من بلاش 😂 بكره نعوضكم ان شاء الله 😍😍