لاخر نفس <3
الحلقه 23😍
نهي " بصوت واطي خوك يرن
سلوي" وانا نقول حاط راسه في تلفونه من بدري شوفي
نهي" اصبري تو ندزله مسج
مش فاضيه توا خلودي نحكو بعدين
سلوي" خلودي مره وحده
نهي" نوع من انواع تطييح
كان مقعمز ع كرسي الي مقبلها خالد وقعدت تبحت في تعابير وجه
سلوي " عيونك طيح سعدك
نهي " بحتت فيها بنص عين بطلي طروح امتاعك
سلوي" راه تكبدي عليه خويا بس
نهي " اععع ماتخافيش انا لما درت هكي لي جو بس
سلوي " توا انشوفوا راه ينقلب السحر ع ساحر بس
نهي " لا ماتخافيش دايره احتياطاتي
خش معتز
معتز " السلام عليكم
جمال" وين كنت انت
معتز " قعمز في كرسي الي جنبي
انت مالك تقصقص
انا "بحتت فيه وين كنت صاح
مهند " توا انت ولعت نار الغيرة عندها
معتز " لقنك سامط ي جمال
جمال " اليوم جمعة ماتكذبش وتقول عيادة يعني اعترف احسنلك
خالد " بلكي يخون فيك راه
ردي بالك ي ناني
مهند " تلقي مجوز التانية وماشيلها كان
انا "بحتت فيه
اديرها زعمك
معتز " معقوله ياعمري نديرها انا ونبحت في وحده غيرك
انا " انحرجت
مهند "نعليا قاللها ياعمري
انجلطت انا
خالد " راعي مشاعرنا شـويــة
معتز " بطلو سمــاطه ازف -_-
مروه "مافيش حشم بكل
اسلام " ماهو ماطحت الا في يدين هذوما
وجاني حمادي وقعمز ع كرعيا
معتز " انزل حول
انا " بطل ي سامط خليه
حمادي " انلا مش محول
مهند " تقول فوق روس بعضهم
معتز " هو الي لسانة طويل العيل هذا مش عارف لمن طالع
اسلام " اسكت وسيب ولدي في حالة
قالها زمان كنت هادي ع اساس
انا" هههههه
ليلي " يقعد في حاله لين تجي وتلمسي بشكليطه امتاعه يبدا يطلق لسانه
معتز " ماهو انتي بارده حاجه شوري مانحبش من يلمسها
حمادي" انت بارد وقعد يحضن فيا
ناني صاحبتي انا
مهند " مش ساهل حمادي يستفز فيك
معتز " امشي لي باتك ويفنص فيه
انا" معتز من جدك
حمادي" يطلعله في لسانة
معتز " هههههههههههه
لمن طالع ولدك هذا
اسلام " لي ولد عمه
نسيت نقوللكم في شهر هذا عمو اسلام خذا حضانة حمادي انه يعيش معه
سمية " بشويه عليا معش فهمت
انتي الي كنتي تحبي معتز هو الي توا راجل نسرين
مها " اها الحيوانه شكلها سحراته من اول ماجوزو انقلب عليا الراجل
سمية " ووواووو اصلاا هيا انانية مش عارف ليش حبها هو مافيها ماينحب
سحر " مش صاحبتك توا هيا كنك تحكي عليها هكي
سمية " من الي دارته فيا كرهتها
مها " عدوتنا مشتركة يعني
سمية " هههه حبيتــك
مها " مهما حاولت نفرقه عليها هياا شي لاصقة
سمية " بتسيب العز وراحه الي معيشها فيها -_-
ريحينا
مها" انتي تعرفي عيلتهم كويس
سمية " الي نعرفه ديما انهم مرتبطين واجد بي بعضهم
مها " اها ديما يحكيلي معتز زمان هكي
سمية" واخيرا لقيت حد يشاركني في كرهي لها
مها " كنت ندور في سبب بيش نفرقهم وطحتي انتي بين يديا
سمية " شن تبي اديري
مها " لازم نخلو معتز يعرف انه كانت دايره علاقة
سمية " بلا غباء علاقتهم انتهت قبل مايجوزها اصلا
مها " ماهو هنا تقعد لعبتنا ي شاطره
سحر " بديت نخاف شن في عقلك انتي
مها " كان مادمرتلهم حياتهم
سمية "انتي مازالتي تبيه ؟
مها " معش نبيه مانخذش حاجه مستعملة انا
بس لازم ندمره كيف ماخالاني بسببها لازم نفرقهم
سمية " والحل يعني هما كانت علاقتهم الحق قدامي بي احترم كلها وانتهت
مها " وهذي لعبتنا نحن
بعد اجوزتي انتي معش حكت معاه بكل
سمية "لا بكل واخره انا كنت نحاول ندير مشاكل بينهم بس هو ديما يقولي انه هيا ماديرهاش دايرها ليا ملاك
مها " عليك قهر تقول ملاك يمشي ع ارض
سمية " تبيلنا قعده طويله توا بابا يرن اكيد وصل
مها "عطيني رقمك لازم نحكي معاك ونفهمك شن انديرو
سمية " تمام
تبادلن الارقام وروحت سمية
سحر " طيح سعدك راه تخشي في لعبة مش قدها
مها " مفيش حاجة انا مش قدها
سحر " ينخاف منك
مها " مش انا الي بعد مل مني يعزقني هكي وموقف الي داره ليا في مول حنرد صاع صاعين
سحر " خلاص خلي وربي هو الي يحاسب
مها " مش حتطفاء النار الي في قلبي
سحر " ديري الي يريحك بس ماتخليش يعرف انتي وراها لانه مش حيسكت
مها " خليني نخش نغير دبشي
ونجي نفكر في خطه سمحه
سحر " ههههههههههه تمام
ناصر" تعرفوا كان نلقاه نرد نسافر
انا" بحتت فيه وعليش
ناصر" معش انسجمت هنا
جمال" تعود ع نسرفه وصياعة غادي
ناصر" والله جد هنا كساد
معتز " بعد تبدا شغل توا تغير روتين امتاعك
ناصر" بعد بكره عندي رحلة لي مالطا
نهي" تقعد تسافر كل مره لي بلاد وتقول كساد شن تقول ع خواتك المحبوسات -_-
خالد " تو تبدا قرايه وتلهي فيها ريحي روحك
نهي " ندويلك انا توا -_-
خالد " هكي لازم ندخل عندك مانع
نهي "عندي موانع -_-
مهند " شن رايكم نمشو بحر 3 ايام
معتز " اسبوع جاي مش فاضي بكل انا
مهند " عليك براده وشن وراك
معتز " وانت ليش تقصقص
انا" بحتت فيه
شن عندك ؟
معتز " تو بعدين نقولك
جمال" وراه شركات
معتز "تشفط ي مسخ
مهند " نحكي جد ويش وراك
معتز " اجلوها اسبوع الي بعده
اسلام " خلاص معناها
مهند " تو نسقها ونشوف الي جوا معناها
معتز " تمام هكي
انا "بصوت واطي
شن عندك اسبوع الجاي
معتز " بطلي قصقصه
انا" ي سامط شن فيه
معتز " مفاجاءه
انا" تو نقعد نحرق نبي نعرف
معتز "احسن احرقي
انا " حبيبي قولي شنو
معتز " ماتحاوليش معايا
انا " ياعيوني انت
معتز " ابدااا
انا" شرشبيلو حبيبي
معتز " قعد يضحك بصوت عالي
نهي " ضحكونا معاكم ؟
جمال" من بدري زارق عليهم يـوشوشو مش عارف شن يحكـو
نهي " قتلني فضول حتي انا
معتز " عليك قصقاصين شن دخلكم
خالد " مش مقعمزين بروحكم راه
معتز " واحد يحكي هو ومراته انتم شن زقبكم في نص
نهي " الفضول ي ولد عمي
مهند" باهي عليش ضحكت انت
انا "عليك سماطه
مهند "مبردكم
مر الوقت وروحنـا للحوش
كنا راقدين ع سرير
انا "عزو ماتبيش تقولي شن هيا مفاجاءه
معتز " بكره طيارتنا
انا " قعمزت وبحتت فيه
شنو
معتز " اها بكره العشية
انا " تبصر
معتز " وراسك انتي
انا "نعليا وين
معتز " اسبوع في اسطنبول شن رايك
انا" نحبك تعرف
وحضنته
معتز " مهبوله والله
انا " شن خطر عليك انه نسافرو
معتز " مامشيناش شهر عسل نعوضو توا
انا " وليش ماقتلي باهي
معتز " من ايام امتحاناتك فكرت فيها واستنيت لين كملتي
انا " نحبك مانبيش شي غير تكون جنبي
معتز " وانا جنبك ديما
انا " بس كنك ماقتلي امبدري راه وتيت شنطتنا
معتز " ههههه مازال بكره الصبح عندك كله طيارة في العشية
انا "محد يعرف انه مسافرين
معتز " تو بكره نرن نقولها لي مهند
انا" امممم نقعدو اسبوع بس
معتز " ي طماعة تبي اكثر
انا " هههههههه لا نسال بس
معتز " ماهو عياده مانقدرش نسيب علي بروحه
انا " حتي اسبوع يكفي
معتز " حضني زين
انا "عصرتني راك
معتز "هههههه اس نبي نرقد
انا" وانت ارقد انا مالي بيك
معتز "اسكتــي قتلك
انا " سامط
معتز" نسرين
انا "عيونها
معتز "اسكتي وارقدي
انا " حبيبي
معتز " حط يده ع فمي
ازعاج راك ارقدي
خالد" بالي فضيتي شويه
نهي " ماهو عيلة كانت مجتمعة عندنا بس
خالد " اممم باهي رايفت ع صوتك اليوم
نهي " هههههههه اهو تسمع فيه قاعد
خالد" ليش نحس فيك تهربي لما نقولك نبي نشوفك
نهي "حسيت الشكل يهمك واجد
خالد " لا بالعكس بس اكيد عندي فضول اني نشوفك
نفس صوره الي راسمها لكي في خيالي ولالا
نهي " قريب تو نتفقوا نتلاقوا
خالد " نرجوا راد الله علينا
نهي " الصبر حلو
خالد " ههههههه تعرفي بديت نكبد
نهي " ياراجل وسع بالك
خالد " نحكي جد راه مش تقولي يحكي هكي علشان يطيحني
نهي " لا فاهمتك انا كويس
من بنات الي عندك ع فيس
خالد " علشانك كلهن نحذفهن عادي
نهي " والله
خالد " مش مصدقتيني
نهي " خلينا نقعدو صريحين شويه
خالد " وانا صريح امعاك قاعد
نهي " لا مش واجد
خالد " والله
نهي " توا انت حتي كومنتاتكم لي بعضكم تبين انه في حاجه مش نظام صداقه بس
خالد "مضايقتك حسيت تو نمشي نحذفهن كلهن
نهي" مش حديرها نعرفك
خالد " وكان درتها
نهي " تو انشوفوا
يعني ممكن تحذفهن قدامي فتره هذي بعدين ترد عادي
مانقدرش نسلم قلبي لي حد ويقعد كل مره مع وحده سامحني فيها بجد نحس فيك طايش
خالد " ماتقوليش طايش يمكن مالقيتش الي نحبها صح والي فيها مواصفات الي نبيهن كلهن
نهي "وشن مواصفاتك لها انت
خالد " كيف الي فيك انتي
نهي "والله ع اساس شفتني انت
خالد " اسلوبك ودوتك معايا هكي عجبني
مش ضروري نحبك علشان شكلك راه
نهي "اقنعتني تصدق
خالد " ديما كلامي مقنع انا
نهي " ههههههه
خالد " انتي شن حسيتي اتجاهي
نهي "مانقدرش نجاوبك توا
خالد " وليش
نهي" نبي فرصه نتاكد من روحي
خالد " خوذي وقتك
تــاني يوم..
جاء وقت نبي نمشو للمطار
معتز " وتيتي كل حاجه
انا" اها مانسيت شي
معتز " هيا باهي
انا" رن وقوللهم انه ماشيين
معتز "بالي ذكرتيني
انا " ديما ناسي انت
معتز " اطلعي تو نرن عليهم في سيارة
سكر الحوش
وركبنا في السيارة ورن ع مهند
مهند "ها
معتز " عصا تشيلك
مهند " تي شن تبي ازف
معتز " انا توا طالع للمطار مسافر
مهند " وين وين
معتز " وانت مالك
مهند "باهي وعليش ران تقهر فيا مثلا
معتز "اها نسحن فيك -_-
مهند " خزي تفو
معتز " باهي قوللهم بيش ماينشغلوش علينا
مهند " طريقكم بيضا
معتز" هي وجك
مهند " مع سلامة
مها " فهمتي ولالا
سمية " بس كيف نوصلو الكلام هذا لي معتز ي شاطره
مهـا " انتي
سمية " شنو
مها " ي حماره انا لو نمشي حيكذبني ومستحيل يصدق بس انتي اقعدي ابكيـلة وقوليلة اطلقتي بسببها وحرماتك من راجلك وووووووه الخ
وهكي حتلبسها تلبسها
سمية " خفت منك بجد
مها "كيدهن عظيم
سمية " هههههههه بس يعني انتي توا تبي اديري ايميل بي اسمها وايميل بي اسم احمد ونحكو فيه نحن
مها " الله واكبر واخيرا بديتي تفهمي
سمية " ههههههههه حتخش في بعضها قسما بالله
مها " مهمتك توا تسكري وتمشي ادزيلي صور لي نسرين كان عندك
سمية " لا مش اوفر هكي
مها " انتي مش تبيها تنكد وتكره حياتها خلاص خليها عليا
سمية" حتطلق هكي
مها " وهذا الي نبو نحن
سمية " تمام عندي صوره من قبل مصورينها في لمه لما كنه في حوش هاله صحبتنا
مها " عز الطلب اخره
دزيها ليا تووا انا ندير الاكاونت وندزه لكي ونقعدو نحكوا
سمية " قلبي يرعش
مها " خليك قوية شويه ماتقعديش خوافه
سمية " بس بجد حنشمت فيها هكي ونشوفها منكسرة وهيا ديما رافعه خشمها مش عارفه ليش
مها " ههههههه الدنيا تبرم راه تو تشوفي فيها يوم
سمية " وانتي مش حتردي لي معتز
مها " لا خليه يتعذب مع الي بدلني عشانها
سمية " استغلي الفرصة وحاولي تقربي منه
مها "ساهل مغير تخلصو من وجه النكد نسرين بعدها نصرفوا
سمية " خلاص وجك رصيدي بيفصل
مها " باي ي قلبي
دزيلي الي قتلك عليه
سمية " تم تم
وصلنا انا ومعتز لي إسطنبول وحجزنا في فندق
معتز " جعانة
انا "بكل
معتز " خلينا نصـلو وننزلو نتعشو لوطه
انا" تمام هي
ناصر" خش ع نهي وهيا تكلم في خالد
ي نهي ي كلبه من بدري نادي عليك
نهي "من رعشه سكرت فون بسرعه وتنطر منها
ناصر" في من تكلمي انتي
نهي" كنك تهد هد انت فجعتني
نعن شكلك
ناصر" وعليش انفجعتي
نهي " خليتني نسكر في وجه البنت نعن شكلك
ناصر" امسكي حدديلي دبشي
نهي " مافيش غيري في حوش يعني
ناصر" تي مروه تقرا ونور لوطه قاعده
هيا حددي وبلا طروح خيرلك
نهي "كنا متريحين من خلقتك -_-
ناصر" راه نعجنك
نهي " خفت اطلع وسيب دبشك هنا تو نحدده لكي
ناصر " ايوه من الاول
وطلع
نهي " حي عليا اكيد سمع وووه شن اندير
مسكت الفون الي من قوه الخبطه طفاء ولعاته ورنت عليه
خالد " من هذا الي خش عليك
نهي " خويا
خالد " كانه صوته مار عليا عندك اخت اسمها نهي
نهي "اها كان يبي اختي هو
سوري سكرت عليك
خالد " لا عادي ي هبله
نهي "تو نبي نسكر نحكو بعدين
خالد " تمام ي قلبي سلام
سكرت منه
نهي" شكرت ربي واجد انه مافطنش وماركزش علي الاسم
صبيت نحدد في دبش الحصله ناصر
انا "هيييييييييي شوفهم هذوما
معتز " ههههههه كنك مستغربه هما حياتهم هكي ع الشارع
انا "قلت ادب -_-
معتز " باهي انتي غمضي عيونك مش داعي تبحتي
انا" هو احلي منها
معتز " راه نركبك فوق
انا " نحكي جد والله شوفه هو سمح هيا شينه -_-
معتز " انا حمار جايبك
انا" هههههه بلا غيــرة عاد
معتز " تي قدامي تقولي ع راجل سمح وماتبينيش نغار
انا "ههههههههه مش كيف جمالك طبعا هو
معتز " اسكتي وكولي احسن
انا "يؤبرني الي غار انا
معتز " ماسك ضحكته وداير روحه راقيله
انا" هههههههه اضحك ماتقعدش ماسكها
معتز " بطلي براده
انا "تعلمتها منك راه البراده
معتز " مالقيتي ماتعلمي مني الا هذي
انا " الله غالب
معتز " شبعتي
انا "اها الحمدالله
معتز " صبي نطلعو نتمشــوا
انا " ليل بس
معتز " مازال بدري
انا" باه هيــا
طلعنا من أوتيل ومسكت في يده وقعدنا نمشوا
انا " راه نريحوا بس
معتز " ممكن توقعي
انا "تحكي جد مش حافظ الطريق
معتز " لا مش حافظها
انا " لا معناها خلينا نردو
معتز " هههههههه كنك هبله اكيد عارف
انا" خوفتني خزي عليك
معتز " تستاهلي
انا " مازال راقيلك قصدك
معتز " مش عارف
انا " تي كنت نبصر بس امبدري نشوفك تغار ولالا
معتز " لا والله
انا" تقعد سامط لما تزعل
معتز " تحبي السامط هذا
انا" ونعشقه اخره
وباسته ع خده
معتز " الله بنت بدت تنحرف
انا" ههههههه تربايتك
معتز " ونعم التربية
مر اليوم هذا يهبل بكل ادهورنا وروحنا تعبانين ع طول للنوم
في الصبــح
حمادي " نبي نمشي لي ماما
اسلام " شن رايك نمشو ندهورو انا وياك اليوم
حمادي" لا نمشي ماما قبل
اسلام " ماتبيش بابا يعني انت
حمادي "لا نبيكم انتو الاثنين
عميمة اسماء" شيله يشوف امه
اسلام "بحت فيها
اليوم زفتها
عميمة اسماء" نسيت بكل
اسلام " نمشو للملاهي شن رايك
حمادي " نلعبو غادي
اسلام" الي تبيه انديرو
حمادي" باهي امتي
اسلام "في العشية نطلعوا
حمادي " امباه
نهي " من جدك تحكي انتي
سلوي " والله اليوم حكالي قالي في بنت رايح مكبد فيها
نهي "حي عليا حي
سلوي" قتلك حتنقلب جد هذي العيل كبد فيك
نهي " بيش تعرفي اني مش ساهله
سلوي" فرحانه بيها انتي
شن تبي اديري
نهي " حرام كل مانبي نقول نسكر ونحطه في حظر يوجعني
سلوي "ي حنونه انتي
خير مايتعلق بي ميار الوهمية اكثر
نهي " شن تبيني اندير نعترفله مثلا
سلوي " احسن مايقعد متعلق بالبنت الي مش قاعده في دنيا بكل هذي
نهي " حي عليا وجعني خلودي
سلوي" تشفطي ي كلبه
نهي " والله نحكي جد حسيت روحي حقيرة
اني درت هكي
سلوي" الحمدالله انك عرفتي روحك حقيرة مبروك عليك
نهي" الحل باهي
سلوي" انتي حطيتي روحك طلعيها ي حنه
نهي " بعتيني توا
سلوي" والله اول مره نشوف خالد النسونجي خويا هكي
يحكيلي ويعبر عن مشاعره يقولي مع اني مازالت ماشفته بس حبيتها ي سلوي
نهي "هههههههههههههه نحسابه يكذب مش صح انا لما يقولي فيها
سلوي" ههههههههه وهو يحكي وانا نقول حي عليك ي نهي
حي اسمعي هذي قالي تو نعرفك عليها
نهي" ليلتي سوده اليوم
سلوي" المهم رنيت عليك بيش تحاولي توخري روحك لانه بديت نخاف انه يكبر الموضوع
نهي "لازم نوقفها خلاص
سلوي" شن درتيله خويا شهر وكبد فيك
نهي " ههههههه ماهو مش ساهله انا
طيحته طيحته
سلوي" ينخاف منك
نهي " تعال نعطيك دروس
سلوي" الحصه بكم
نهي " تو نديرلك تخفيض
سلوي" لا والله تعبتي روحك
نهي "وجك توا خوك خش انتظار
سلوي" امشي سكري عليه توا
نهي "هي وجك
سكرت منها وعاودت عليه ودارت روحها تبكي
نهي "ايوه
خالد " ميرو ي قلبي شن جوك
نهي "كويسه ي خالد
خالد " نحب خلودي توا انا
نهي "خلودي سامحني معش نقدر نحكي معاك
خالد " كنك
نهي " ماما شافت فوني ومسيجات امتاعنا وهزبتني وصارت مشكله انها تحكي لي خويا
خالد " باهي ليش تبكي انتي تنحل
نهي "مش حنقدر نحكو
خالد " عطيني امك نحكي معاها
نهي " ( مصح وجك )
تبيها تقتلني انت
خالد " بس انا نبيك مانلعبش عليك
نهي " انت مازالت ماشفتني وحبيتني هكي
خالد " قلبي الي حبك مش انا
نهي "سكتت
خالد " نحكي جد تعلقت بيك ي بنت الناس
ونبيك وانا متريحلك مافيش حاجه تمنع انه نكونو مع بعضنا عطيني امل انك تبيني بس ونحارب دنيا كلها حبيتك انا بجد مانكذبش عليك
نهي " سكتت وانصدمت من خالد وهو كيف متعلق بيها
وجعها وقلبها قعد يدق شعورها تلخبط بكل
خالد " ردي كنك ساكته
نهي " صدمني كلامك بس
خالد " مانبيش ننحرم منك
نهي "خالد سكر توا صوت ماما جاء اول مانحصل فرصه نحكوا
خالد " ماتخلينيش مشغول عليك رني عليا
نهي " حــاضر
وسكرت وانصدمت من مشاعر خالد وتلخبطت
خشت عليها مروه
مروه "كنك مستوها
نهي " الحقيني في مصيبه قاعده
مروه " انتي ديما جايبه كوارث احكي
نهي " قعدت تحكيلها
مروه " قتلك حتختم بي كارثه انا المقلب هذا
نهي" حتي مش قادره نعترفله نقوله مقلب العيل كبد رسمي
مروه "وانتي
نهي "انا وجعني بس وقلبي وجعني عليه
مروه "راه يحشم فيك ي هبله
نهي "شن اندير
مانحسابش روحي حنتورط هكي
مروه "ياما قتلك وخري بس انتي شي -_-
نهي " حي عليا
معتز " نوضي ي شينه هيـا
انا " ي سامط بطل
معش دغدغني
معتز " باهي نوضي جايبك هنا بيش ترقدي
انا " حي ع النشاط الي نازل عليك
معتز " تحسابيني تنبال كيفك
انا" امتي نضت انت
معتز " من بدري وانا نوض فيك وانتي ميته دايره روحك
انا" ههههههههههه كنت نسمع فيك ونقول تو يسكت ويفوتني شي مزعج
معتز" صبي هيا
انا " باهي انت حول من فوقي كيف نبي نصبي
معتز " وانتي فتحتيها هدرزه
انا" انا ولا انت الي تهدرز
معتز " انتي طبعا
انا " ماتعرفش في رومانسية بكل في واحد ينوض في مراته هكي حول تره
معتز " تبي رومانسية انتي
انا" انت ديما تفكيرك ماشي شور قلة الادب فوتني توا
معتز " هو في احلي من قلة الادب
انا" ي سخيف
معتز " بطلي جعونه
انا" هههههههه باهي حول راهو صبح
معتز " عليك سكنان ازف
صبي هيا
انا " وين نطلعواا اليوم
معتز " مغير دوشي وتوا نقولك
انا" امباه
خشيت دوشت ولبست وطلعنا فطرنا
انا" وين توا
معتز " نمشو للملاهي
انا " الله نردو الطفولة هي
مشينا ومر علينا جووووووو سمح بكل
مهند" اها سافرو
نور "ماقلتهاش ليا امس
مهند " نسيت حتي اني قلت لي امي في صبح
نور" تعرف مستغربه كيف انسجمو مع بعضهم وحبو بعضهم كيف
مهند "اانا اكثر منك
معتز الي كان رافضها وهيا رافضته توا الحب باين في عيونهم
نور" تي لما تقعد تحكيلنا عليه عيونها يلمعن
ربي يخليهم لي بعضهم
مهند " ويخليك انتي ليا
نور " امين يارب
ومر هل اسبوع من احلي مايكون مع حبيبي
صح معتز لما يتعصب يتغير وينقلب 360 درجه بس الحق حنون وطيب وحنيته معايا حببتني فيه وزدت تعلقت في اخره نحس في نعمه ربي عطها ليا ونبي نحافظ عليها
كان يوم جمعة وقاعدين في الطيارة
انا " احلي اسبوع مر عليا
تمنيته مايكملش بكل
معتز" ههههه نعاودو اخره
ومسك يدي
انا " يــاريت
معتز "بس مش بروحنا
انا" منو معانا
معتز " بنتنا ولا ولدنا الي حيجي
انا" حسستني اني حامل ومش عارفه
معتز " نخليك توا حامل كان تبي
انا "ي سخيف قاعدين في طيارة
معتز " ههههههه
انا " تفكيرك ديما منحرف ربي يعيني عليك
معتز " اس قالتها المؤدبة
انا "ههههههه نحبك
وصلنا لي بــنــغازي وروحنا للحوش
سمية "تبيني نمشيله بكره
مها " خلاص طولنا اخره
سمية " خايفه يكبسني
مها " انتي مهمتك واضحه شن اديري مغير نزليلي كم دمعة بس
سمية " ههههه جت في هذي ساهله
مها "ههههههه كيف ماقتلك بالضبط لا تزيدي لا تنقصي ديري وحيقتنع هو وانتي اطلعي
وخلينا نتفرجوا وعليهم من بعيد
سمية" نستنا في لحظه الي نسمعها تقول اطلقت
مها " ههههههه الشماته باينه في عيونك ي كلبه
سمية " ههههههههه اه نمسح كبدي شويه فيها
مها " ماتخافي ديري الي قتلك عليه بس
سمية " وكيف حنمشي غادي
مها " حنجيك بكره في الصبح انا وماما ونوصلك وستناك بعيد من العيادة بيش محد يعرفك انك معايا
سمية " هههههه والله مفروض نفتحو مدرسه نحن
مها "يصير منا
سمية " مانحكيلك
خالد" شنو الي خاطرك تتعرفي بيه
نهي " ضميري يأنب فيا بكل
خالد " احكي وتريحي
نهي " مش عارفه كيف نبدا في الموضوع
خالد " ابدي من البداية
نهي " والله صعبه عليا بكل
خالد " ميرو خوفتيني عليك
نهي " خالد بجد اسفه
خالد " ليش تعتذري ي هبله
نهي " اسفه وخلاص
خالد " ههههههههههه مجنونه انتي
نهي " بجد غيرت فيا واجد
خالد " حتي انتي غيرتيني
نهي " دموعها ينزلن
خالد " ياريت تحكي ي بنت كنك
نهي " بعد نكون نقدر حنحكي
خالد " باهي صوتك تبكي
نهي "لا تو نبي نسكر نخاف ماما تشوفني سلام
خالد " استني
نهي " شنو
خالد " نحبك
نهي " باي
وسكرت وقعدت تبكي
كانت تكلم فيه وهيا لوطه في مربوعة عيت جدي
شويه وانفتح الباب وكان خالد خاش للمربوعة
نهي " نطت
خالد " اوووووه نهي تبكي شن صاير
نهي " مافي شي
خالد " لا اذا انتي تبكي معناها في كارثه كبيره
نهي " خالد بالله فوتني مافيا شي
خالد " احلفي
نهي " مضايقه
خالد " مافي شي يستاهل دموعك حطيها في عقلك
نهي "قعدت تبحت فيه وساكته وتحس بالذنب اتجاه وبدت اتعلق بيه ومش قادره تعترف ولا قادره توخر
عارفه انت شن خششك هنا
خالد " كنت ندخن في جنان
نهي " باهي نبي نخش جوا انا
خالد " معش تبكي باهي
نهي "حاضر
وخشت جواا
مــر اليوم وتاني يوم في الصبــح مشاه معتز لي عيادة وانا كنت معطله من الجامعة وقاعده في الحوش
قعدت نرتب في شناطي امتااعنا امس في دولاب ونظم في حوش
ممرضه " الحمدالله ع السلامة ي دكتور
معتز " الله يسلمك
ممرضه " الحالات اليوم مش واجد راه
معتز " تمام انا ماشي لي علي وبعد نجي ابدي خششيهن
ممرضه " حاضر
علي " عزوو
لك وحشه ي كلب
معتز " للاسف ماريفتش عليك
علي "عارفك نذل
معتز " شن اخبارك
علي " متريح بلاك الحق
معتز " هههههه صدقتك شوف الي بعدي
علي" والله الحق العيادة شينه بلاك
معتز "ههههه عارف عارف
علي " ههههههه حي ع واثق
قولي اسبوع مع المدام ريحلك نفسيتك
معتز "ههههههههههه مانحكيلك
علي " اللهم ارزقنا
معتز " مغير سقد روحك وطلع الفرح وعليا انا شهرين خوذهن
علي " هههههههههه بدون ماتقول نطلع قهرتي فيك
معتز " تعرف نمشي نشوف حالاتي بعدها نحكوا
علي " احسن تم
مشيت وبديت في حالات امتاعي ومر اليوم عادي قعدت ع اخر حاله
ممرضه "الحاله هذي اصرت تشوفك اخر وحده
معتز " وعليش
ممرضه " الله اعلم مع انها جت بدري بس مصره
معتز " تمام خششيها نشوفها
جت في بالي تكون مها بس كانت بنت مانعرفهاش
معتز " تفضلي
سمية" دكتور معتز صاح
معتز" ان شاء الله
سمية "........
يتبع