لاخر نفس <3
الحلقه 20 😍
مشينا للبوسكو ولعبنا ومر يوم من اروع الايام
تاني يوم الصبح كنت راقده ونضت ع صوت معتز يقول
معتز " لاحول ولا قوة الا بالله
وهو شن صارله
معتز نضت في الصبح ع رنت تلفون وكان مهند
مهند " معتز وينك
معتز " كنك في الحوش
مهند "اسمع نبي نقولك
فجرو سيارة عمي اسلام
معتز " لا حول ولا قوة الا بالله
وهو شن صارلة
مهند " ماكانش فيها كان نازل للمحل ووهيا تفجرت
معتز " باهي وين قاعد توا
متاكد انه كـويس مافيش حاجه
مهند" والله كويس ماصارله شي بس ستر ربي ماكانش في السيارة
في حوش توا خش
معتز " خلاص توا نجيكم
مهند " كلمت نقولك بيش يقعد عندك علم بس
معتز "تمام هيا سلام
سكرت وخشيت للدار لقيت نسرين نايضه
انا " صباح الخير
معتز " صباح النور
نبي ندوش ونطلع
انا" في من كنت تكلم في حاجة ؟
معتز " مافيش حاجه
انا " لاحظت كان مرتبك
عزو شن فيه
وصبيت وجيت مقابلته
معتز " مافيش شي انتي مش عندك جامعة
انا" اها عندي
معتز " نوضي توا نوصلك انا
انا" وعليش
معتز " نسرين ماتسالينيش
انا" شن فيه احكي
معتز " مفجرين سيارة اسلام
انا " نصدمت من الخبر
شن صارله ماتقولش مات
معتز " بلا غباء توا كان مات تلقينا قاعدين هنا
ماكانش في سيارة
انا" متاكد
نبي نمشي نشوفه مش حنطمن انا هكي
معتز " عندك قرايه امشي لي جامعتك
انا " لا مانبيش نبي نشوفه
وقعدت نبكي
معتز " عليك عناد بطلي بكاء
انا " شيلني معاك راه نمشي بروحي
معتز " خلاص باهي
خفي روحك
خشيت دوشت ولبست وكذلك معتز ومشينا وصلنا حوش عيت جدي خشينا ولقيت بابا وعمي وجدي كلهم قاعدين لوطه
انا " اول ماشفت عمو مشيت حضنته
حمدالله ع سلامتك
اسلام " مافيا شي ليش مكبرين الموضوع انت
جدتي " نعليا يبو يحرمووني منك وتبكي
اسلام "امي مافيا شي قدامكم قاعد
جدي " كان نحساب قرايتك للقانون وتطلعي محامي حاجه حتعبني راه ماخليتك
بابا " البلاد كل مالها ماشيه في هاويه
اسلام " شنو تبوني نسيب شغلي مثلا
انا "اها خير ماتخسر روحك
جمال " هما كان حطوك في راسهم حيحاولو لين يقتلوك
اسلام "موقفي مش مغيره والروح وحده
عمي جبريل " شايف كيف وضع البلاد كيف قعد كل يوم نسمعو اغتيال ويموت ناس
وقاعدين يصفو فيهم
اسلام " كان كل واحد فينا وخـر من يبي يقعد يدافع ع البلاد فكونا من السلبية
جدي " مش ناقصني نفقدك انا
فكر في ولدك تيتمه
اسلام " الي كاتبه ربك حيصير خلاص سكرو ع الموضوع
وبحت فيا
كنك جيتي ماعندكش قرايا
انا" جيت نشوف فيك
اسلام " ناني امشي لي قرايتك احسن مافيـا شي
معتز " نسرين هيا
جدي " امشي ي بنتي لي قرايتك
انا" صبيت وطلعت مع معتز
وكنت غمتلي من عمو بجد مش خايف ع روحه بكل باهي يخاف علشانه نحن مانبوش نخسرو
من لما بدا الاغتيالات وعمو كان يجي تهديد ومايعدلش لين اليوم فجروله سيارته
معتز " وين سارحه
انا "في الي صاير
معتز " مع حق في كلامه
انا " قصدك كلامه منطقي هو
معتز " عادي حتي انا لو مكانه مانقدرش نوخر
انا " ليش هو مستغني ع روحه هكي
تخيل لو كان قاعد في السيارة تخيل لو انتفجرت وهو قاعد جوا شن يبي يعوضنا نحن عليه
انا لو يصير فيه حاجه انموت وهو مش مقدر الشي هذا بكل مزال مسكر راسه
معتز" اهدي خلاص ماصارش اي حاجه من هذينا توا
انا" سكتت
وصلنا للجامعة
معتز " بعد تكملي رني عليا تمام
انا "تم
معتز " مسك يدي وباسها
ماتفكيرش في شي تم
انا " حاضر
معتز "رد بالك من روحك
انا" حتي انت باي
ونزلت للجامعة
امها " ماتبكيش وتنزلي دموعك ع واحد حقير
مها" ي ماما كلامه حسسني اني مانسوا شي عنده
امها " خلاص فوتي ربي ينتقم منه
مها " ان شاء الله حياته تخرب كيف ماخربلي حياتي
امها " انتي سمحه وميه واحد يتمناك فوتي مش واقفه عليه هيا
مها "واقفه عليه احلامي كلهن بنيتهن معاه ياما رفضت عرسان بسببه وفي نهاية يبيعني
امها " قتلك من قبل ماتحطيش ثقه فيه بس مسكره راسك كنتي
مها " كنت حمارة وغبيه
امها " توا معش تبكي وانسي ماتخربيش ع روحك وتنكدي بسببه وهو حسبي الله ونعم الوكيل فيه
مها " اناا يسيبني علشان الجربه مراته -_-
امها " شن قلنا عاد توا
مها " يهدد فيا انه يجي يحكي لي بابا
امها "هل حقير -_-
مها " مانحسابش نذل هكي
امها " فوتي مريض -_-
مها " مش حنتريح الا لما نخلي يندم ع كلامه
امها " مش وقت انتقام توا
مها " امالا وقت شنو
لازم نرد حقي مش حنسكت
امها " مادخلنيش بيك انا من اليوم
مها " خفتي انه يحكي لي بابا
امها "تبني نطلق انتي
مها " بس انا بنتك دافعي عليا
امها " توا اسكتي وخلينا نفكرو كويس بعدها ساهل
حضرت محاضراتي وقعمزت انا وهاله في كافيتريا ودزيت مسج لي عزو وقتله اني طلعت
هاله " وهو كويس توا
انا" اها ماصارله شي
هاله " مفروض ينتبه لي روحه الوضع بصراحه رايح يخوف
انا " حكيناله بس مسكر راسه
هاله " ربي يحفظه لكم
انا "امين يارب
هاله " باهي ماحكيتليش شن صار في موضوع مها
انا" مشيت انا ومعتز ............
هاله " نعليا من عزو
انا " من سمحلك ادلعي قدامي
هاله " ي بارده -_- ماتغاريش مني انا وياك واحد
انا "الا في هذي مش واحد اثنين
هاله "خزي بعتيني
انا" والله الا حبيبي مانحبش من يشاركني فيه
هاله "باهي سكري فمك وانتي رايحه مستفزه -_-
انا" ههههههه تعرفي اكتشفت انه ماكنتش نحب احمد زمان كنت متعوده عليه تعود اما الحب بجد حسيته مع معتز
هاله " ايوه ي كاظم الساهر كملي
انا " ياسامطه حماره انا نعبرلك عن مشاعري
هاله "لا عبري عبري
انا" والله جد شعور حلو
حب بعد الزواج احلي
هاله " تنصيحني بيه
انا" اها مره بعد كل وجبه
ي سامطه
هاله " ههههههههههههههههه
خاطري نشفط عليك
انا " مثقلك كنك رايحه هكي
هاله " من جفاف الي طايحه فيه صاحبتك
رن فوني وكان معتز
معتز " حبيبي راه قاعد بره ع البوابه امتاع الجامعة
نخشلك ولا تطلعي
انا "لا تو نطلع خليك
معتز " هي نستنا فيك
انا "تم
سكرت
هاله " خزي رايحة تكملي في محاضره دغري وتروحي الله يرحم ايام زمان
انا " ورايا راجل انا ومسؤوليات ي ابله
هاله " اطلعي خيرلك -_-
انا "باي
طلعت بره ونشوف معتز مصبي مع احمد ويهدرزو
انا "جمدت في مكاني حي عليا قربت منهم
معتز اول ماشافني مسك يدي
معتز "خلاص العيادة وتعرفها واي وقت تعالي
احمد "قعد يبحت فياا زين
تم ي دكتور مانعطلكش
معتز " مع السلامه
ومشاه
انا "منو وهذا وشن تعرفه ؟
وخوف كان باين فيا
معتز " مريض مره جاني في العيادة من فترة والصراحة ولد كويس باين عليه
انا "اهاا
معتز " كيف حالك توا
انا "كويسة
وركبنا في السيارة وروحنا الحوش وتغذيـنا ولميت المطبخ وخشيت لقيت معتز راقد خشيت رقدت جنبه
وباسته ع خده وقعدت نلعب ع لحيته وحطيت راسي ع صدره ورقدت
معتز " بطلي ازعاج
انا " واعي ؟
معتز" كنت راقد مغير انتي نوضتني
انا " ياكذاب
معتز " في وحده تقول راجلها ياكذاب
انا " مش انا درتها معناها فيه
تو حلك رقدت تبي تقنعني
معتز" ماهو انتي كان مانبشتينش راه رقدت
انا " باهي ارقد وانت دوتك اكثر مني
معتز " تعلمت منك
انا" برمت وعطيته بي ظهري :/
معتز " كرني له
فكينا من زعل
انا "مازعلتش نعسانه بكل
يدك راه ضاغط ع بطني
معتز "عضني في وذني
انا " ي سامط كنك رايح متوحش هكي
معتز "ههههههههه ماشفتش حاجه من توحش انتي
انا " ههههههه باهي خليني نرقد نعسانة
معتز " طيرتلي نوم انتي وتبي ترقدي
انا " قعدت نبحت فيه
معتز" في شنو تبحتي انتي
انا " فــي لحيتك سمحه
معتز " ههههههههه لدرجه هذي
انا "والله نلقاك محلقها نقتلك
معتز " تهديد هذا
انا "اها ياروحي تهديد
معتز " واثقه من روحها الاخت تهدد
انا " بلكي مش عاجبك
بجد لما تحلقها تقعد ثقيل وبارد ومافيكش جو
معتز " والله انا هكي نقعد
انا "بكل احلي حاجه فيك اصلا
معتز "توا اتشوفي تو نحولها
انا" جرب ديرها والله معش نحكي معاك بكل ونزعل زعله كبيره بكل
معتز " هههههههههههه لا انتي مهبولة من جدك تحكي
انا" اها من جد جدي انا حذرتك وانت جرب اديرها
معتز "ههههههههههههه خفت تصدقي
تحبيني علشانها انتي
انا" ههههههههههه
معتز " تعب فيا ضحكت
انا " تو معش نضحك
نقعد نقولك انا اضحك الان ههههههههههههههه
معتز " كنك رايحه سامطه ي بنت
انا " ماهو انت تقولي تعب فيك
معتز " لا اضحكيلي انا بس ماتضحكيش قدام حد
انا " والله عليك طلب غريب
معتز "شن فيه من غرابه
انا" نحبك ي مجنون
معتز" والله انتي جننتيني
انا " مش ملاحظ كل حاجه تعزق فيها عليا
معتز " قدامك كنت عاقل وفي حالي
انا "لا انت كنت مجنون مغير مش باين عليك وكنت محتاج حد يختشك وربي طيحك فيا انا
معتز " احلي طيحه والله
انا " بلكي عندك كلام تاني
معتز" بـاسني ع ....
إِنِّيْ بِكَ عُمِيْتُ عَنْهُمْ جَمِيْعَاً .
احمد" بالي طلعتي
سميه " تفضل شن تبي
احمد " جايبلك ورقة طلاقك
كيف ماخشينا بالمعروف طلعنا
سميه "الحمدالله ريحتني وتريحت انت
احمد " وحقك يوصلك كامل
سمية " شكرا تعبت روحك وجيت كان دزيتها احسن
احمد " هههههه ماجيتش بيش نشوف سواد عيونك جيت علشان عندي كلمتين ونبي نقولها لكي
سمية " شن هنا كلمتين
احمد " بجد نادم اني غلطت وتزوجتك كنتي بي امكانك تسكتي ومحد يعرف واطلقنا وخلاص بس الي درتي حيبرم ويردلك ونادم ندمه كبيره بكل اني خسرت نسرين واجوزتك بيش نقهرها طلعتي حقيره
الحمدالله الي خلصت منك بسرعه وربي يوريك النار الي حطيتيني فيها
سمية " نسرين الي تحكي عليها فاتتك ومجوزه وعايشه حياتها تحملتك واجد في زواجنا وكم مره تغلط في اسمي وتناديني بي اسمها وساكته وتوا تقولي احسن منك هههههههه كان احسن مني راه مانخطبتش لي ولد عمها وعزقاتك
احمد " ربي يشفيك بجد
وصباه وطلع
سمية " علي اساس تهمني انت يالله طريق جدي -_-
نور "كنت نلبس فوق ونبي ننزل لانه جايات عماتي
خذيت فوني ونزلت معايا بيســا وسكرت باب الشقة وطلعت وانا نازاله من دروج نشوف صفاء مقعمزه ع دروج ومهند ماسك كراعها ومطبس عليها
صفاء "هنودي توجع فيا بكل
نور " احم
مهند "رفع راسه وخش في بعضه
صفاء " نوني شفتي طحت
نور " غمتلها
انتبهي مره تانيه
ونزلت وماعدلتش عليهم
مهند " خلاص توا صبي
صفاء " عطيني يدك بيش نصبي
مهند " مدلها يده وصباها
صفاء" توجع فيا بكل
مهند " تحملي توا تخف
صفاء" شكرا تعبتك
مهند " لا عادي
نبي نطلع انا هي سلام
وسيبها وطلع
نور " خشيت جوا ورن فوني وكان مهند سكرت عليه مابيتش نرد
سلوي " شن جوك
نور " تماام
هبه "كنك قالبه وجك
نور " ماكني شي
صفاء" جت قعمزت
وتبحت في نور وتضحك
هبه "كنها كراعك
صفاء" طحت ع دروج
سلوي " وشن صارلك
صفاء " انفصعت كراعي بس مهند دارها ليا
نور" غمتلي منها بس ماعدلتش عليهاا وقعدت نبحت في الفون
نهي " كيف مهند تحول لي دكتور فجاءه
صفاء" ياخيه حنون مهند
نهي" هههههه استغفر الله
وبحتت في نور وعرفتلها غمتلها
ليلي " مهند حنون ههههههههه
سلوي" هههههه انصدمتي حسيتك
ليلي " الحق الحن كله في معتز مع انه عصبي بس حنووووووووون بكل
سلوي" هههههههه ياعوينك ي ناني معناها
ليلي " بجد هو الحق عصبي ولما ينفصل يهزب يهزب بعدها يجي يراضيكي
نهي " نعليا طلع عنده احساس شرشبيل
مروه "عنجدك مازالتي مذكره الاسم هذا
نهي " معقوله ننساه
صفاء "بحتت في نور
باهي ومهند كيف مش حنون
ليلي " لا حنون اوكي بس مش كيف عزو يختلف
نور" ياريت في منه طرف واحد تاني عزو
صفاء " مش عاجبك الي عندك
نور "مادخلكش
هبه" تو خالد عكسهم
سلوي "اس خالد امتاع بنات فرخ هذا
هبه " ههههههه امس كبسته يكلم في وحده
نهي " اسمعي جتني فكره
هبه " شنو
نهي " خالد ماعتقدش عنده رقمي صاح
عطيني رقمه خليني نكسد عليه مكسده
نور " طيح سعدك
مروه " كان يعرفك انتي يشنقك
نهي " تي خلينا نكسدو بعدها كان يبي يشنق عادي
سلوي "عجبتني فكره هااتي فونك
خذاته وكتبت رقم خالد
نهي" نور صبي سكري باب الدار راه يخش علينا حد
نور " مش متريحه انا
نهي " بلا خوف
نور "سكرت الدار وجت قعمزت
نهي " مانسمعكنش تحكن
هبه " راه يفطن لي صوتك
نهي "لا ماتخافيش صوتي ع فون يختلف
سلوي "رني ازف سحنتينا
ليلي" هههههههه افتحي السبيكر ايوه
نهي " رنت عليه وفتحت السبيكر وطول مارد ع اخر رنه فتح الخط
خالد " ايوه
نهي " بصوت رقيق وهادي وتجعون
الو
خالد " نعليا من صوت
نهي "من معايا
خالد " انتي الي رانه ي سمحه
نهي " سوري شكلي ملخبطه في رقم
خالد " قولي من كنتي تبي
نهي " مش انت احمد
خالد " نقعدلك احمد عادي مايهمك شي
نهي " نحكي جد انت احمد ولالا
خالد" والله ماني احمد بس اعتبريني احمد عادي
نهي " ههههههههه حلوه هذي
خالد " انتي الي شكلك حلوه
هبه " تضحك ع صامت
نهي " شكرا من ذوقك هذا
خالد " ممكن نعرف اسمك
نهي " يهمك واجد تعرف
خالد " اها نحب لما نحكي مع حد نعرفه
نهي " ميــار
خالد " نعليا الاسم سمح كيف صاحبته شكله
نهي " توا انت ماتعرفش صاحبته
خالد " ماهو حنتعرفوا اكيد
نهي " وانت شن اسمك
خالد " خالد
نهي "تشرفنا
خالد " بيك زاد الشرف
نهي " نبي نسكر توا
خالد " خلينا نهدرزوا
نهي " خلاص انت عرفت الاسم شن تبي تعرف اكثر
خالد " هههههههههه شن وراك خلينا نهدرزوا
نهي "مشغولة شويه
خالد "باهي ع راحتك
نهي " بااااي
وسكرت وقعدت تضحك
ليلي" طيح سعده طلع خفيف
سلوي "خويا ونعرفه مرعوش مع بنات
نهي " كان ماربيته لكن وخليته يتحشم ع وجه
مروه "ان شاء الله تبي تردي تحكي معاه
نهي " ههههههههه هو كساد كساد ازف -_-
هبه " كملها كله نعليا
نهي " واطي اصلا
تي كلهم هكي ولا كيف
ليلي" عرق خيانه يشتغل عندهم
نهي " ههههههههههه مش عارفه كيف طلع معايا الاسم
نور "تي طلعتي خبره تجعوني
نهي "ههههههههههههه
صفاء" كان يعرفنا نحن وراها حتنقلب علينا
نهي "والله كان طلع موضوع وعرف هو واضح من حاكيله يعني خلي موضوع سر بينا ممكن -_-
سلوي " جمولتي يرن معناها في جنان قاعد
نهي " ليلتك بيضاء
سلوي "ي حقيره
هبه " ااطلعي بس راه تفطنلك ماما بس
سلوي" استرن عليا
وطلعت تجري بره
ولقاته يستنا فيها
جمال" كنك طولتي
سلوي" كنت انأمن في طريق
جمال " ههههههه خطيره نأمن في طريق
سلوي" راه يطلعنا شي حد بس
جمال" ماعاد فيها خطيبك توا
سلوي" خطيبي مش قاري فيا فاتحه
جمال" نقرا القران كله ماعندكش مشكله
سلوي " كنك رايح بارد
جمال" هههههه سخنيني
سلوي " لا شكلي نخش قبل ماننجلط
جمال " حضنها تتخشي عينك روحت بدري اليوم علشانك
سلوي" لدرجه هذي تحب تشوفني
جمال" نعن شكلك بطلي تجعوين راه يصير جو مش تمام بكل
سلوي " حرام عليك مانجعونش انا نحكي عادي
جمال" استغفر الله ههههههه
سلوي " استغفار كويس راه
جمال " ههههههه تنابشي انتي
سلوي" مسرع ماطلعت لحيتك
هههههههه
جمال" باهي مانحصلوش بوسه عليها
سلوي " لا اكيد تحصل وباسته ع خده
جمال" محظوظ فيك
سلوي" ياحظي فيك انت
مهند" قعدت نرن عليها وتسكر في وجي عرفتها رقتلها مني من جديد بس والله مش بي قصد الموضوع
كنت نازل من الحوش وهيا راكبه وبعدها انفصعت كرعها هيا ومسكت فيا
يعني مش بي قصد داير الجو هذا سكنت نرن عليها وهيا ماتردش
دزتلها مسج
بلا طروح عيال صغار ردي ع تلفونك
نور " مانبيش نحكي معاك
مهند " نستنا فيك ع دروج فوق
اطلعي احسن مانخش ونطلعك بي طريقتي
نور " طلعت وركبت فوق لقيته قاعد قدام حوشهم مصبي
مهند " بالي توضعتي وركبتي
نور" ركبت بس مانبيش ندير فضايح قدام العيلة
مهند " كنك
نور "كني
مهند " انتي زعلتي من لما شفتيني ع دروج مع صفاء
نور" شن رايك انت
مهند " فاهمة غلط
نور "مطبس عليها وماسك كراعها فاهمه غلط هكي
مهند " اها فاهمه غلط
بنت نفصعت كرااعها
نور" والله ياعليك طروح خش شوفها كيف تمشي عادي ولا كانها توجع فيها فكني من طروح امتاعها
مهند " ي بنتي انتي كنك مركبه ع موضوع
نور" انت وعدتني قتلي معش تحكي معاها
مهند "موقف عابر صار مش قاصده انا
نور " بس هيا قاصدته وتبي يصير
مهند " ياربي الصبر
نور" خلاص اهو حكينا نبي نخش
مهند " مافيش مازالت نحكي معاك انا
نور " انت ادافع عليها معناها عليش نتعبو روحنا ونحكوا
مهند " ي بنت من قال ندافع عليها
نور " كلامك ركز
مهند " انتي تبي تخليها عاق تقعد في علاقتنا
نور " انا مانبيكش تحتك بيها بكل
مهند "وانا وعدتك
نور " والي شفته انا اليوم شنو هذا
مهند " مش قصدي وي ستي اسف
مانتحملش نشوفك زعلانه مني ياعمري
نور " انت مشكلتك لما تكون غلطان تقعد تهزب وتعلي في صوتك
مهند " باهي انا اسف معش نعاودها تريحتي
نور" نهارك تعاودها اصلا
مهند " سماح يعني
نور " والله نشوفك مره تانيه معاها نقتلك
مهند "يا داعش انتي
نور" والله ونقطعلك راسك اخره
مهند " خفت امشي انظمي معاهم يستفيدو منك
نور "مانشفطش انا
مهند " حاضر ي نور عيوني
نور " ايوه هكي من بدايه
مهند " والله ايام وانتي هادية وتحشمي خير
نور " نعم
مهند " لا مش قصدي كيف مافهمتي
نور " والله تبي ترقعها توا يعني
مهند " هههههههه
قعدو يهدرزو ع الدروج لين ركب ناصر
ناصر" شن اديرو هنا
نور" كنت نازاله لوطه لقيت مهند
مهند " نهدرزو شن نديرو يعني
ناصر" تهدرزو هنا وبروحكم
مهند "ناصر كنك وين عقلك
ناصر " نور انزلي لوطه
نزلت وهيا ترعش
مهند " انتبه لي كلامك راه
ناصر" انت ليش قاعد معاها بروحكم
مهند " بنت عمي راه
ناصر" تمام ان شاء الله يطلع هكي بس
مهند " اطمن مافيش حاجه تانيه
معتز " فهمتي
انا" اها فهمت يستر الله وخلاص في الماده هذي
معتز " بالعكس ساهله مغير انتي مصعبتها
انا "الدكتور الي جانا كرهني فيها
معتز " جربي تحبيها تو تسلك معاك
انا" ههههههههه حلوه جربي تحبيها
يكفيني نحبك انت
معتز " هههههههههههه دبالك تحبيها معناها
انا " ييي مليت وبحتت في ساعه 10
واااو قصدك من بدري وانا نقرا
معتز " والله من بدري وانا متعذب نشرحلك وانتي شي راسك ميت فيه سوداني طولي ماتفهمي
انا " قصدك انا حماره
معتز " اناا ماقلتش هكي حرفيا بس مشاء الله عليك فهمتي قصدي
انا" باهي باه خطبته ع كراعه بقوة
معتز " نعن شكلك واعره راه
انا " تستاهل
معتز " واجعيني عيالي الي انتي امهم
انا " هييييييييي تي احمد ربك اني انا امهم
معتز " يطلعو مجانين
انا " خير مايطلعو معقدين
معتز " انا مقعد يعني
انا " حاجه كيف هك
معتز " قرب مني وكنت مقعمزه ع صالون وانا وخرت لين طحت وهو جاء فوقي
انا " قتلك من قبل نظره هذي مانطمنلهاش
معتز " ههههههههههه
انا " حي عليك
معتز "كنك
انا " عندك غمازات
معتز " تو كيف فطنتيلهن
انا " اها والله مش مركزه فيهن
معتز " طيح سعدك لكي فوق من شهرين معايا ومش مركزه فيهن
انا "ع اساس كنت تضحك انت تي نادر مانشوفك تبتسم
معتز " ماهو معقد
انا" واحلي معقد شفته في حياتي
معتز " كيف غيرتي كلامك
انا " والله تقول عليا هبله وتبيني نسكت
معتز " من وين جايبتها طولت اللسان هذي
انا " مش عارف
معتز " شن الي تعرفيه انتي
انا " حطيت يديا ع رقبــته
نعرف اني نعشقك انت
معتز " نعليــا
وباسني ع .... ونزل ع رقبتي وراحوووو في خبركان
خزي كــفار -_-
ناصر " في بينكم حاجه
نور " انت شن تحكي
ناصر" لو نسمع بس حنوريك
نور" ناصر مافيش منه كلام هذا
ناصر" انا مش عيل صغير
فاهم ليش قاعدين بروحكم فوق
نور" شي كنت فوق في شقه ولما نزلت لقيته ع دروج سلمنا وعادي هدرزه عاديه
ناصر" صفاء قالتلي من امبدري فوق مع مهند
نور " شنو
استنا لحظه صفاء هيا الي دوتلك وانت ركبت
ناصر " مش هكي
نور "امالا شنو
نردو لما خش ناصر للحوش
صفاء " كانت بره وتشوف في مهند ونور وتسمع فيهم
ناصر" شن اديري بره انتي
صفاء" نستنا في اختك
ناصر " اركبيلها كان قاعده فوق
صفاء" لا مش في حوشكم راكبه تهدرز مع مهند فوق
ناصر" رقتله وقريب ركب ضرب مهند
فكينا من دوه هذي نور ماديرش لطروح هذينا
صفاء" نكذب عليها انا يعني
اركب شوف بروحك اخره قالتلي شوفيلي طريق
ناصر" ركب يجري وشافهم فوق
نور " قعدت تبكي
متاكد صفاء قالت هكي
ناصر" اسف مش قصدي
نور " انا متعاركه معاها صفاء اصلا بس ليش ادير في طروح
ناصر" فوتيها وانا عندي فيك ثقه وحكيتلك توا بيش مانبيش نفقد ثقتي فيك
نور "اطمن وطلعت خشت لي دارها وقعدت تبكي
مروه " كنك
نهي " ي بنت شن كان يبي فيك ناصر
نور" مش مصدقه ي بنات مش مصدقة
نهي " شنو احكي ازف
نور " امبدري لما نزلت وشفت صفاء ومهند ماسكلها كراعها وقعدت تحكيلهن
نهي " باهي وناصر شن دخله
نور " تعرفي بعد ركبت نحكي معاه فوق صفاء لحقتني شكلها وبعد خش ناصر قالتله متواعده مع مهند فوق
نهي " طيح والله سعدها البهيمة
مروه "لقني لحظتها لما صبيتي انتي لحقاتك
نهي " اوووووه شت لقنها نرفزتني
نور " ليش حقاره واصله معاها لي هنا
حسيت روحي حقيرة وانا نكذب ع ناصر ونقوله مافي شي بينا
نهي " والله نربيها
ومسكت فونها ورنت عليها
مروه "سكري فكينا من مشاكل
نهي "اسكتي انتي
صفاء" اووه نهي رانه اكيد في معجزه
نهي "اسمعي طروح الي اديري فيهن هذينا اتبطليهن خير مش كان لاقيه نور هاديه وساكته وعبيطه مش حترد عليك وانتي تزيطي تهزبيها وتسكت لا ي ماما انا نهزبك ونوصلك لي حجمك وكلام الي قلتي لي ناصر هذينا طروح عيال صغار فكينا منهن احسن لانه خونا واثق فينا مهما حاولتي اديري مستحيل يشك في خواته
صفاء" كملتي ولا مازال
نهي " انا نبهتك ماتخلينيش نحط في راسي والله نتعبك
صفاء" ياواعره انتي ريحنا والله اختك هيا الي علنت حرب وتستاهل ومازالت ماشافت شي
نهي " اكتشفت انك مريضه راه هيا خذيتي اكبر من حجمك وسكرت ع وجها
مروه "ي جالطه تبي اديري مشاكل بيناتنا
نهي " والله لساني هو الي يردلكن في حقكن نوعيه هذي اسكتيلها تركب فوق ظهرك -_-
مروه "نوني بطلي بكاء خلاص
نهي " ي فسخه تبكي توا
نور "قهرتني هذي بدت تحكي لي ناصر خايفه شي يوم تجي وتحكي لي بابا عادي
نهي " تي مستحيل تقدر ادير حاجه
نور " تي اهو دارت
نهي " مستفزه البنت هذي
ورن فونها وكان خالد
مروه "من ؟
نهي " الصايع خالد -_-
نور " خششتي روحك في موضوع حتي انتي
نهي " خلينا نكسدو في الي نعرفوا خير من الي مانعرفوش
مروه "اقنعتيني
نهي "اس هيا مروه اقلبي وجك في دارك
مروه "تلزي فيا
نهي " اها نلز
نور " خليك
نهي " اقعدن هنا توا نمشي انا لي دارك وخذت فونها وطلعت وردت عليه
خالد " كنك طولتي مارديتي
نهي " ماكنتش جنب الفون
خالد " زعمك شكلك كيف صوتك سمح
نهي " شن احساسك انت
خالد " احساسي ديما صح
نهي " وشن يقولك احساسك
خالد " انك سمحه
نهي " خلاص احساسك صح
خالد " اشوقت نشوفك
نهي " مسرع كنك سريع ذوابن انت
خالد " ههه عليك
نهي " ماسكرنش ساعات نعرفو بعضنا
خالد " يفرق عندك
نهي " اكيد يفرق
بس انت شكلك هكي اي بنت تعرفها ادير جو معاها
خالد " لا حرام عليك تظلمي فيا
نهي " ( في سرها يابريئ ع اساس كنت تصلي في جامع قبل مانرن عليك )
خالد " وين رحتي
نهي " معاك
خالد " باهي ي ميرو هدرزيلي مواليد الكم انتي
نهي " ........
يتبع