لاخر نفس <3
الحلقه 6 😍
جدتي " اسلام
ع. اسلام " نعم ي امي
جدتي " امتي تبي تجيب ولدك جيبه بكره وخلي يحضر الفرح هنا وسط عمامه
ع. اسلام " تو نجيبه بكره حاضر
جدتي " والله كان ترد مراتك وتخلي العيل يعيش بينكم
ع. اسلام " الموضوع هذا منتهي
جدتي " حرام عليك تخلي العيل متشحور بينكم
ع. اسلام "خير مايعيش مع امه وباته وهما مش طايقين بعضهم ريحينا ي امي وسكريلي موضوع هذا احسن
جدتي " براحتك انا ندور في راحتكم
ع. اسلام " نعرف راحتي وين كويس
نهي" ناني اسفه والله مش قصدي
انا " شنو هذا الي في الفون مسجات منو هذوما
نهي والله ماتوقعتك اديري هكي بكل
نهي " سكتت
انا" مازالتي تعاندي شن تحسابي روحك كان كلمتي كم واحد وقعدتي من واحد لي واحد حيبرد قلبك وتريحي هكي حتخربي سمعتك بس محد حيضرر غيرك انتي
نهي" كملتي محاضرتك
انا " راضيه علي اديري فيه
نهي " اها راضيه
انا " تلفونك تنسي بكل وجربي بس تمشي لي ماما وتقوليلها نبي فون
والله نقوللها كل حاجه وهيا تصرف معاك
نهي " الا ماما انتي عارفتيها مفيش معاها رحمه بكل
انا " كان عارفتيها مفروض ريحتي روحك من بدايه خلاص سكري الموضوع وانسي وخليك في قرايتك احسن
نهي " اسفه
انا" اطلعي من داري هيا
نهي " سامحيني باهي
انا " اطلعي مش وقت دوه راسي حينفجر والي فيا سادني
جاء يوم الجمعة والحوش كله حايس كل واحد يدير في حاجه ومش فاضيين بكل وانا حابسه روحي فوق في داري مانبيش نطلع
وقريب من العصر جتني هاله
هاله " خير ي حنه
انا" خير
هاله " نجيها قالبه وجها
انا " نفسيه مش متحمله راه
هاله" شوفي شن جبتلك معايا
انا" شنو
هاله " كان في يدها كيس وطلعت منه فستان لونه وردي وطويل
انا "لمن هذا
هاله " لكي انتي
انا " والله وعليش
هاله " شن تبي تلبسي اليوم مش فاتحتك والناس حيجوا
انا" ماتفرقش
هاله " امس طلعت للسوق وقلت لازم نجيبلك انا واحد لاني عارفتك فسخه مش حتطلعي ولا تشري
هذي فرحة عمرك ومره في الدنيا ولازم تعيشها صح واديري كل حاجه تحلمي بيها
انا" تفرق واجد الفرحه الي مش من قلب ماتسمش فرحه
هاله " عاذرتك بس مجبوره تأقلمي وتكملي مش حتوقف حياتك صدقيني
انا" من جابك
هاله " بابا
انا" وامك جت
هاله " تو تجي بعد العصر قالت
انا " زعمك احمد مبسوط مع سميه
هاله " بحتت فيا
نخنقك ولا نقتلك ولا شنو بالضبط
مازالتي تفكري فيه الي دارلك هكي
انا" قلبي مزال يفكر فيه
هاله " اعفسي عليه
جتنا مروه وفي يدها حمادي
مروه " يييي مازالتي ماوتيتي روحك
انا " حمادي
وجاني يجري
هاله " منو العسل هذا
انا " ولد عمو اسلام
حمادي" ناني صاح انتي عروس
انا" هههه اها
حمادي " وانا نقعد عريس
انا" ياخيه مرايفه عليك
امتي جيت
حمادي" توا جابني بابا
هاله " هو مطلق عمك صاح
انا " اها ماطولش معاها مسرع مانفصلوا
حمادي عمره 5 سنين
مروه " الناس تو يجو هيا مفروض نازله توا
انا" باهي خلاص تو نوتي روحي
مروه " هيا حمادي ننزلو تو تنزل ناني
حمادي" ماتوليش :/
انا" حاضر ي قلبي
هاله " خلاص ربع ساعه وتكون واتيه
انا" من جاء ي مروه
مروه " العيلة كلها وجيران جدتك مش معقبه حد هذا كله قلنا نخلو للعائله
انا " باهي تمام
وتيت روحي وخليت شعري مطلوق ولبست فستان الي جابته ليا هاله
ونزلت
عند معتز
مها " تبكي يعني خلاص دقائق وتكون مراتك هيا
انا " سكتت
مها " رد عليا طمني شويه بي كلامك
ماتسكتش
انا" صدقيني مستحيل نرخي بيك
مها " حتكون هيا مراتك قدام الناس قدام الدنيا كلها
انا " بس انتي الي قلبي حبك ومستحيل قلبي يحب وحده غيرك انتي الاساس خليكي واثقه
مها " ياخوفي بعدين تغير عليا
انا " وقفي بكاء تعرفيني مانحبش حد يبكي قدامي ازف
مها " مانقدرش نوقف كل مانتخيل انه اليوم فاتحتك عليها ننقهر نموت الف موته
انا" توافقي تكوني مراتي التانيه
مها " لا مستحيل مانحبش حد يشاركني فيك انا
انا" مافيش غير الحل هذا
مها " لا في طلقها
انا" حيصير مشاكل في عيله حتخرب ونكون انا السبب
مها " قول ماتفهمناش
انا "شن ذنبها هيا تقعد مطلق وتكمل حياتها مع ظلم جدي لها انتي ماتعرفيش جدي كيف يفكر في البنت المطلقة
مها" انت خايف عليها وع مشاعرها وانا ننحرق عادي
انا " قاعد في النص بينكم انتوا الاثنين مش عارف شن اندير هيا حرام بنت عمي ومانرضش انها تضر بكل وحتي لو بي سببي انا في نهاية هيا بنت عمي
ولا انتي نفس الشي
مها " من توا بديت تحكي هكي ودافع عليها يابال لما تقعدو في حوش واحد
انا" استغفر الله انتي فكري بي عقلك
نحن الثلاثة مظلومين
مها " كان بي امكانها ترفض هيا
انا " انا الراجل ماقدرتش نرفض من جبروت جدي وحكمه فينا هيا البنت حتقدر تغير حاجه
مها " والحل توا نقعد هكي عشيقتك ويكمل العمر وانا هكي ويريح عمري وانا معاك ع فون وخلاص وهيا مراتك قدام الناس
انا " يابنت الناس انا قتلك وعطيتك راي وفكري فيه
مها " قعدت تبكي
انا " مانتحملش دموعك ازف سكري كان تبي تقعد تبكي
مها " بنسكر انا توا
مبروك عليك
انا " سكرت منها وغمتلي قعدت نخبط ع دومان
رن عليا علي فتحت عليه
علي " اووووه مبروووووك ي عريس
انا " قريتوها
علي "اها مبروك عليك وربي يهنيك
انا " الله يبارك فيك
علي " وين قاعد انت
الجماعه كلهم هنا وحيجوا بعدين ع عشاء غادي في الحوش
انا " في السيارة قاعد
علي" كنه صوتك في حاجه
انا " مخنوق بكل
علي " وين قاعد انت بالضبط تو نجيك
انا" انا قاعد قدام القهوه الي نقعدو فيها ديما
علي" ماتحركش من مكانك جايك
انا" نستنا فيك
سكرت ورنوا الشباب كلهم بالواحد يبارك وانجبرت انرد ونجامل وانا مش متحمل روحي
ماما " مبروك ي روحي ربي يهنيكم ان شاء الله
انا " قعدت نبكي ونحضن في ماما مازالت نحس روحي مش مستوعبه الي صار
وماما قعدت تبكي معايا
لين جتني جدتي حولتني منها
جدتي " مبروك خلاص بكاء هذا فرحك لازم تفرحي
انا" مسحت دموعي
وقعدن البنات يباركلي وضحك ورقص واغاني واانا مش معاهن بكل عقلي كله يفكر في حياتي مع معتز كيف حتكون كيف نعيشو في حوش واحد ونحن هكي مش متقبلين بعضنا بكل
خايفة واجد من حياتي معاه وخصوصا بعد كلام الي سمعته منه نحس في حياتي ماشيه للهاويه معاه مش عارفه وين حتوقف معاه زعمك نقدرو نعيشو حياه طبيعيه ولا حنقعدو كر وفر
خايفة بكل نحس حياتي حتدمر بي جوازتي من معتز
الله يسامحك ياجدي وخلاص
هاله " قربت مني ومسحتلي دمعتي الي نزلت وانا مش منتبه
هاله " معش تبكي
انا " مش قادره واعره والله
هاله " افرحي توا وحاولي تكسبي معتز لي صالحك لانه معندكش خيار تاني
انا "انا الي نتحمل لازم يعني
هاله "الله غالب مجبوره
علي " ياصاحبي الي درته هو الصح وامشي فيه خلاص معش فيه رده
انا " ومها شن ذنبها
علي " ماذنبها شي ولا انت ذنبك
بس هكي نصيب وقدر يبي ربي هكي كاتب
انا" نحس روحي مخنوق ومسكره في وجي
علي " دبالك تظلم بنت عمك لانه حتحشم فيك ودنيا تبرم راه وانا وصيتك
انا" مانيش حيوان انا عاد
علي " لا فتره هذي اكتشفت انك تيس اخره
تصرفاتك وكلامك معاها بروحه يقهر
انا" مش متقبلها كانها مراتي بكل
علي" حتقبلها تريح انت بس الوقت ينسي ويداوي
انا" باهي شن جو الفاتحه
علي" كل حاجه تمام بكل
وابتسم شويه بعدين ع العشاء عاد حسس الناس انك مبسوط شويه
انا" حاضر ي امي في اوامر اخره
علي" تسكر خاربك ولا نعيطك بوني يخربلك فسختك
انا " بحتت فيه
واخذ الدور واجد حسيتك
علي" مع اني اصغر منك بي شهور بس اعقل منك
انا "قالولك مكلوب انا
علي" مكلوب شويه فيك
مشينا للحوش جدي الي كان داير عشاء للعيلة وانا كنت عازم اصحابي وجماعتي كلهم
جاء وقت العشاء وعشيناهم ومر الوقت عادي ضحك وتشفيط وماحسستش حد بي شي
لين جاني عمي اسلام
ع. اسلام " عزو صبي نبيك شويه
انا " صبيت
شن فيه
ع. اسلام " تعال للجنان من لاورة
انا " يستر الله شن فيه
ومشينا غادي وكان في السيارات مدرسات
اتكيت ع سيارتي وحطيت يديا في جيوبي شن فيه
ع. اسلام" اول حاجه عارفك مجبور بس معش في يدك حاجه اديرها
انا "خلاص كلام مش وقته
ع. اسلام " خليني نكمل كلامي
انا" تفضل
ع. اسلام" نسرين كيف بنتي ومانتحمل فيها شي وكلهم عارفين كيف هيا غاليه عليا وقريبه مني ومانتحملش الشوكه تبزها
تو قعدت مراتك صونها وانا متاكد منها لاني انا الي مربيها وحتعاملك كويس وحتصونك وتحترمك
لذلك حطها في عيونك لاني لو سمعت يوم انك مزعلها بس ولا ضاربها زي يوم المستشفي
انا " مش وحش انا
ع. اسلام " قتلك خليني نكمل
لو سمعتك انك مزعلها انا الي حنصبي في وجك مش حنرحمك لو لقيتها تبكي بي سببك حتي لو انك ولد خويا
حتشوف حاجه مش حتعجبك
وحبها لانها تنحب
انا " عندها حصانه يعني هيا توا هههههههه
ع. اسلام " وحصانه قويه بكل راه رد بالك عليها وانا قتلك مش حنرحمك
انا" متخافش كون هاني حنحطها في عيوني
ع. اسلام " ايوه هذا كلام الي نبي نسمعه منك
انا" خفت تصدق ههههههه
ع .اسلام " مش سايبه هيا وراها راجل
انا" اطمن مش حيصيرلها شي
ع. اسلام " ماديرش غلطتي واطلق وتوا نادم ع حاجه وحده ع حمادي الي قعد هكي مشرد بينا بس
انا " نصيب كلها راه
ع.اسلام " هههههههه خلاص فرحك الشهر الجاي
انا " ههههههه يستر الله
ع. اسلام " حوشك كامل
انا" حاجات بسيطة
ع. اسلام " دار النوم عليا انا
انا" ماتعبش روحك كل حاجه حنديرها
ع. اسلام " ي معفن انا عمك غصبن عنك
وهذي اعتبرها هديه مني لكي
اما هديه نسرين بروحها
انا" هههههههه نغارو نحن نقعدو يعني
ع. اسلام " شوف جوك انت
وجاهم حمادي يجري
حمادي" بابا بابا
قرب منه معتز ورفعه فوق
انا " مغير سلم ي شين
حمادي" خبط راسه نسيت
ع. اسلام" كنك شن تبي
حمادي" تبيك ناني
ع. اسلام " شن تبي
حمادي" شي هيا كانت في دار تبكي ولما شافتني قالتلي ناديلي عمو
انا "فنصت في اسلام
امشي شوفها
ع. اسلام " ومشيت وخشيت الحوش
لقيتها قدام الباب حضنتني دغري
ع. اسلام " كنك تبكي شن صاير
انا " عمو قوللهم يوقفو كل حاجه مانبيش انا
ع. اسلام " عروسه بكاية تقعدي شينه لما تبكي راه
انا " مش موافقه انا
ع. اسلام " ليش معتز ولد عمك مش حد غريب عليك
انا" لانه ولد عمي ونعرفه مانبيش
ع. اسلام " انتي تقولي هكي لانه راقيلك بس
كان الموضوع بي يدي راه ماخليش صار بس توا معش ينفع شي لازم تأقلمي
حضني زين
كوني متاكده انا معاك ديما ومعتز كويس صدقيني
انا" قعدت ساكته وخلاص
نهي وسلوي كانن في مطبخ وباب الجنان مفتوح
نهي " خلاص كيف ماقتلك ليا كم يوم محرومه من فوني
سلوي" تستاهلي
هذا اسهل حاجه اديرها لكي احمدي ربك ماقلتش لي عميمه
نهي " ربي سترها
الكارثه شافت المسجات كلهن
سلوي" مبردك الحق -_-
نهي " تره ساد هزايب كرامتي انسحنت
سلوي" تستاهلي ي بارده كم مره نصحتك
نهي " ههه تي امشي لي جمال وفوتيني ازح
سلوي " وينه هو بس مرايفه عليه اليوم ماشفتش بكل
نهي "هههههههههههه
تقلد فيها
وينه هو بس مرايفه عليه
عليك قرف كله انتوا
سلوي" مقهوره انتي من حبنا
نهي " ي نور ومهند انتو خفو علينا
سلوي " خزي راقيلي منه انا امبدري رنيت عليه نبي نشوفه يسكر ع وجي
نهي" شفتي مش معبرك بكل
سلوي" حتي ولو نحبه ونموت فيه
نهي " تركبو فيا في حموضه بي حبكم هذا
سلوي" حست بي حد حضنها من لاوره
قعدت تعيط حطلها يده ع فمها
نهي "جمال الله يفضح بيك حتفضحي بي روحكم راه
جمال " حول يده
مرعوشه الفرخه هذي
سلوي" فجعتني قلبي وقف
نهي "نعليا وقف تو يرده لكي جمال -_-
سلوي" هههههه من امتي قاعد هنا انتي
نهي " من بدري
سلوي" خزي وكنك ماقلتي
جمال" انا شيرتلها
نهي " اطلع انت راه يخش حد لي مطبخ
جمال" مسك يد سلوي تعالي معايا
سلوي " وين يفطنوا
جمال" كل واحد لاهي في حاله
نهي "استغفر الله العظيم
جمال" استغفري الاستغفار كويس
نهي " ركبتولنا جفاف راكم
جمال" مشكله انتي من تلقي يقبل بيك
نهي " ميه واحد يتمنا نبحت فيه
جمال" وينهم ماشفت منهم حد
نهي " هههههه ياسامط
سلوي" وين كنت انتي
نهي " كان عند مراته التانيه
جمال" زيدي خربيها انتي عاد
كنت بره رجاله توا كيف روحوا
خشيت عليهن انا
جمال " اووه العروسه هنا
انا" خير
جمال" والله وصار منك واجوزتي الكارثه في اختك ام لسانه وين نلقوا حد يقبل بيها
انا "صعب بكل تحصل واحد يتحمل لسانها طويل
جمال" تقول فرشة ممر
انا" هههههههه نعن شكلك
سلوي " حرام عليكم كنكم معاها
نهي " خليهم يسمطوا
تو تشوف ي جمال من يغطي عليكم بعدين تو تحتاجلي
جمال" عيب عليك نبصر انا معقوله
سلوي" تذلي فينا انتي
نهي " خيري واجد عليكم راه
سلوي" ههههههه في هذي صدقتي
انا " حتفضح بيكم هذا شكلها
جمال "مامعهاش ستر بكل
بعد خطرها يبو شاهي بره راه
نهي "مليت انا امشي كلمي مروه ولا هبه يديرن
سلوي "ديري انتي ي ناني
انا "انا عروس ماندير شي اليوم
جمال "صدقت روحها
انا "نبي نركب نغير لبستي وننزل
نهي " المفتاح الشقة عند نور خوذي منها
انا" وجك وديري الشاهي واسمعي الكلام
نهي " يارب صبرني
مر اليوم وروحوا الناس كلهم قعدو العيلة بس
وخشو كلهم الشباب قعمزو جوا
انا خفت انه يخش معتز صبيت نبي نسحب روحي جيت نبي نطلع
خالد " العروس كنها هاربه
انا" انحرجت
فنصت فيه
خالد" ياروحي تحشمت وتخزرطت
مهند " وجها انحمر ياخيه طلعت تحس
ع. اسماء" سيبوها في حالها
هبه " كان شفتوا امبدري تبكي
اول مره نحق نسرين عندها مشاعر
صبالي مهند مسكني من يدي مافيش ركوب قعمزي هنا
جمال " راه تبكي بس سيبوها
انا " خاطني اطلقني
مهند " لا عاد لازم نكسدو عليك
جدتي " عيب عليكم سيبوها
مهند " محد قاللها تجوز -_-
جدتي "راه نكلملك جدك سيب البنت
خالد " شوفوا عيونها قريب تبكي
مهند" مسكني من وذني
راه نهارك بعدين نلقاكي ادير طروح انك تقعدي تحشمي منا
جمال" نتوقع معتز يحبسها بعدين
هههههههههههه ياطروح انه يغار
خالد " ههههههههه تقعد تجي تقولك حتي راجلي
نهي " حتي راجلي يحبي ههههههههه
انا "ياسامطين خطوني
مهند" قعد يقلد في صوتي
ياسامطين خطوني
انا " والله نحرش عمو اسلام باهي
مهند " هههههه خفت انا خالد خفت حتي انت
خالد " هههههههههههههه من الخوف مش قادر نقعمز ههههههههههههه
انا " بطلو حناطه امتاعكم حرام عليكم خلوني نركب
جمال " احلمي
محمد (خومعتز)" هههههه تو يجيكم معتز يهزبكم
مهند " زعمك يقول سيبولي مراتي
انا" هههههه بجد تافهين راكم
خالد " الله غالب جينات وراثية هذينا
انا" هههههههههه
سلوي" دبالك نلقوكي صابغه شعرك اصفر بس
انا" حي ع ثقاله
كانو مسكني مهند من يمين وخالد من يسار ويشفطو عليا
انا "عليت صوتي
خطوني نبي نركب
ع خشت عمو اسلام ومعتز
وجت عيني في عينه نزلت راسي لوطه
عمو اسلام " كنكم معاها
انا "عمو قوللهم يطلقوني سامطين
خالد " مش طالقك هكي لازم نمعيل بيك
انا " وحق ربي حيجي يوم ونذلك
عمو اسلام " سيبوها كنكم معاها
سلوي " نشفطو عليها
جمال " هههه نبصروا معاها بس
مهند " حي علما حتبكي عيونها حمر قعدن
معتز " بصوت عالي
خلاص بلا سماطه
محمد " ههههه مش قتلكم تو يجي ويهزبكم معتز
مهند " اووووه ختشنا شعوره جينا شور المدام
خالد " هههههههه راه يعطيك بوني بس
معتز " امتي تبو تكبروا انتوا بس
جمال" في ساعه سعيده
ياعااقل انت
انا " فكيت روحي منهم
لقنكم سامطين بكل
وطلعت نجري ركبت فوق
مهند " راقتلك
انا" مهند ريح روحك
جدتي " تعال ي معتز قعمز
انا " لا نبي نركب نتريح تعبان وبكره وراياه عياده
ع. صالحه "اركب تريح
ركبت للحوش دوشت وطحت ع السرير ع رنت مها
ماقدرتش نرد عليها غمضت عيوني وانا نحاول نسترخي كنت تعبان وراسي مشوش بكل
نبي ناخذ وقت بيش نفكر شن ندير بيش نطلع حل مانظلمش في حد دماغي ملخبط بكل اول مره نقعد مش عارف روحي شن اندير ديما كنت قراري واتي مانفكرش بكل الي في يجي في بالي ع طول انديره
خطر في بالي سؤال علي امبدري نسرين شن تعنيليك انت
تصدقو ماعرفتش نجاوب غير انها بنت عمي مافيش أي حاجه شورها
سكنت مها ترن لين رديت عليهــا
مها " كنك مارديت ع طول
انا " كنت راقد
مها " نوضتك من نوم يعني
انا " حاجه كيف هك
مها " نبي نحكي معاك
انا" احكي نسمع فيك
مها " .......
يتبع