سلام عليكم
# الشيخ & العشك
& بسبس
♥. ♥ . ♥ . ♥ .♥ . ♥
- علي . . خوله تعاي هنا
خوله . . اي ابو عمر جايه
سما
يمه يمه يمه يمه يمه يمه ميه ميه يمه ميه
- مها . . شبيج تيميومين
- سما . . لج عرفتي هذوله منو الي جوي
- لا ماع. . لج بس لا ذوله اهل الولد الي عساس شيخ
- اي همه وج طلع من صدك شيخ
- اي وكد كلمه وجا خطبج بس شلون عرف بيتنه واسم ابويه
- ماعرف بس الي اعرف انو اني ماريده
- هسه بعدين تقررين تريدي لو لا خلي نفتهم منو الثانية الي يرودونه
- يريدون حيدر هم ياخذوه لابنهم لج غبيه اكيد لمى بس انتن الممزوجات
- وج اعقلي ما يستوعب منين يعرفون لمى والحجيه شنو قصده وليداتي مسودنين بيجن
- جاا اني شعرفني
- هاي بعدج مارحتي يمهم وكمتي تحجين نفسهم
- هههه شبيج دجربه شلون تطلع وياي
- هههه خبله امشي نشوف ابويه شنو ديحجي ويه امي
- وج خاف ميقبلون نفوت يمهم
- عمر . . سما لمى تعالن وانتن هم مها وحلا تعالن
- سما . . جاك الموت ياتارك الصلاة . . اشهد ان لا اله الا الله واشهد ان محمد عبده ورسوله
- اخذيلج ركعتين على الواهس
- انجبي متوتره احس عندي امتحان وراح ارسب بي
- اقري زين هههههه
طبينه يمهم اني ومها اول شي بعدين حلا جتني سانده لمى
- مها . . ها بابا تريدنه
- علي . . اكعدن بويه عندي حجي وياجن
كعدنه وحده تباوع للثانيه بس اني ومها نعرف السالفه شنو
- علي . . اسمعن بنياتي
لبنيه مثل الكيكه الكل يشوفه ويتمنى ياكل منه بس وحده عن وحده تختلف يعني الكيكه الي مغطايه
ومحد يشوفه بس الي يشتريه تختلف عن الكيكه المعروضه الي يتلم الذبان عليه و اني ماريد يصير عليجن شي
من بعدي الستر احلا شي بهل دنيا فـ يابوية
اليوم الزلم الي جوي طلبو من طلب صعب عليه انفذه يعني لو طالبين عيوني اطيهن بس مو ياخذون ضوه عيوني
اي يابه اليوم جوي طالبين ايد سما ولمى الولدهم واني يابوه اعرف من بعدين انو يخافون الله وزلمتهم حريص على عرضه
وشرفه واني موافق عليهم بعد بس موافقجن هاا يابه شدكولن
- لمى . . بس بابا بعدني ممكمله دراستي واني اريد اكمل كليه منو يكول يقبلون
- علي . . اني كتلهم اذا صار نصيب تنخطبون وتكملين سادس يمي والكليه يم رجلج تكمليه وهمه وافقو وكالو حقه
ابويه اني قابل اذبج وماسئل على مستقبلج لازم الامن عليجن قبل لا اتوكل
- سما . . عمرك طويل يابه بس
- علي . . بويه فكري وبعدين انطيني جواب الجن مده اسبوع تفكرن بيه على راحتجن ومحد غاصبجن على شي
- سما . . انشالله
كام هو وامي وعافونه
- لمى . . اني ماشايفته شلون اقبل بي
- حيدر . . نصيحه من لتقبلين
- لمى . . ليش محلو مو
- عمر . .غمز الحيدر . . يعني ماريد اجذب عليج بس ميعجب تشوفي حاله ابو القناني
- حيدر .كاتم ضحكته . . لا ومنو اسود بالظلمه ميبين
- عمر . . يعني اذا ضاع منج بالظلمه كليله ابتسم اسنونه بيض هو يبين
- حيدر . . ولا شعره اولي على شعره شايفه سوكه العبيطه الي بالفيلم المصري ابو علي
عبالك اخوه نفس الكفشه والحجي والشكل
- لمى . . ويع لعبتو نفسي
- عمر . . انصحج تزوجي اهم شي الاخلاق معلينه بالشكل
- حيدر . . اي صح هو صحيح ولد مو حلو بس خوش ولد
- حلا . . ولكم كافي تضحكون عليه لمى حبيبتي معليج بيهم الي افتهمته من عمو انو حلو وشخصيه
- حيدر . . وج دسكتي خربتي السالفه خلي نضحك شوي
- احمد ربك انو ماكدر امشي جان جيت شوفتك سوكه العبيطه الي جوايه
- قل اعوذ برب الفلق كش كش ابعد ياشيطان ابعد
- عمر . . ههههه هاهي لك عوفه مريضه خاف يصير بيه شي وتكون تتنعوص مابيه حيله
- حلا تريدين رجلج لو اشوف شغلي وياه
- حلا . . لا يمه شعندي غيره بهل دنيه
- عمر . . فدوه لمرتي حبيبتي
- حيدر . . كوم كمل الفيلم فوك عدنه جفاف وكومه مستحملين
- متزوج ياخي احد لازمك
- حيدر . . انشالله اخلص من ذني الخبلات اخاف على مرتي منهن
- سما . . اوي يمه العاقل كعدين على كلبك احنه ومنو يكول مرتك عاقله وغمزتله
- حيدر . . اروح انام اشرفلي من الكعده ويه مخابيل
- عمر . . اخذني وياك . . حلا تنامين
- لا مو هسه شوي نوب . . لضلين سهرانه باجر دوام عندج . . صار حبيبي
- يله تصبحون على خير
- الكل , , وانت من اهلو . . راحو حيدر وعمر بقن بس البنات يحجن عن الزواج يوافقن لو لا
لحد مانعسن حلا راحت تنام ومها سندت لمى للغرفة مال ابويهن وامنهن تنام هناك وصعدت هي هم تنام
سما راحت سبحت ولبست تراك عريض مريح بالنوم مشطت شعره وكامت تخلي كريمات دائما تخليهن قبل النوم
كملت طفت الضوه وتمددت بالسرير تكلب بالفون لحد منامت
♥. ♥. ♥.♥. ♥. ♥. ♥. ♥. ♥. ♥.
جاسر
حجيت للولد عن زواجي وفرحولي ممصدكني انو راح ازوج لان جنت شايل هل فكره من راسي
انو اجيب مره ابيتي وبغرفتي وتضل اربعه وعشرين ساعة بوجهي ولازم تسايسه بالحجي وتزعل اراضيه
ومن هل سوالف اني مالي بيهن عايش حر نفسي اطب واطلع محد يكلي وين وليش
بس هل وضع تغير من شفت سما كلبي عشقه من اول مره شفته بيه وكلت لازم هاي تصير مرتي وحلالي
اخر مره شفته بغرفه العامل وبعد ما لمحته بالمستشفى لحد الليل هي ماكو رحت للغرفة الي بيه اخته لكيته فارغه
وين راحو بس لا طلعوه وين راح الكيه هسه
رحت للسكرتيره سئلته
- جاسر . . المريضة لبغرفة 90 وينه
- السكرتيره . . اليوم الصبح سووه اجراءات الدفع والخروج وطلعوه على مسؤلية الدكتور عمر
- الدكتور عمر . . هو شخصه بالموضوع
- هو يصير اخو المريضة ودكتور جراحي بهل مستشفى
- هاا ممكن اسمه بالكامل وعنوان بيته
- اسفه ماكدر انطيك هل معلومات هذا شي يخص المستشفى
- براحتج بس اعتقد من راح تشوفين هل كارت تسحبين كلامج . . طلع المحفضه من جيب الخلفي وطلع كارت
وخلا كدام عينه . . باوعت على الكارت قرت الي بي كامت ترجف
- حاضر استاذ شنو تريد
- عفيه بالسباعية طلعيلي ورقه واكتبي بيه اسم الدكتور عمر الكامل وعنوان بيته واذا اكو معلومات تخص احد من عائلته هم اكتبيهن
- اكو معلومات عن لمى اخته سوناه من جتي هنا تتعالج
- شنو يخص هل عائلة اكتبي
وره خمس دقايق كملت السكرتيره الروقه وطلته لجاسر باوع عليه
- ماريد كلمه تطلع عن الي صار واذا ادري بيج فاكه حلكج تنحسبين من الاموات
- السكرتيره هي وترجف . . حاضر استاذ
عافه وراح لغرفة محمد
♥. ♥. ♥.♥. ♥. عوده بالزمن .♥. ♥. ♥. ♥. ♥.
_ الامارات العربيه المتحده _ دبي _
جاسر يحجي بالتلفون
. . اي باجر يمكن
. . انشالله
. . فهد خابر على ياسر كله ادري بي هسه ناسيني
. . اي اي من اجي نحجي بالموضوع
. . يله مع السلامه
سديت التلفون ويه فهد حطيته بجيب البنطرون الخلفي
رجع للمطعم الي جنت كاعد بي اني وكم صديق وياي بالشغل ونحجي على المهمه الجديده
اول شي خلي اكللكم على شغلي
طبعا اني مو بس ادير شغل ابويه بدبي لا اني الضابط جاسر هاشم ضابط بالجيش العراقي جنت مسافر لدبي
عمود صفقه مهمه ويه جماعة من اوربا والشركة المنافسة لنا من فرنسا دائما ادز تهدين للشركة على انو
لازم نلغي هل الصفقه علمود همه ياخذوه عبالهم راح اخاف من تهديداتهم الي وراح لغيه بس نجوم السما اقربلهم
على انو لغي هل صفقه وهمه ياخذوه
الصفقه تمت بمطعم قبل لا يخابر فهد جنت مكمل كلشي وراح اطلع من المطعم بس هو خابر كملت المكالمة ورجع
الاصدقاء وياي بالشغل كعدنه نحجي عن مهمه جديده لنه لازم نسافر لروسيا وناخذ حمايه ونجيب شخصيه مهمه من روسيا للعراقية
كملنه ترخصت منهم وطلعت ركبت سيارتي راجع للفندق اخذ جنطتي وارجع للعراق
بالطريق نتبهت اكو سيارة سوده ملاحكتني من اول ما طبيت للمطعم لحد ماطلعت وهسه هي ورايه
حاولت اخلص منه ماكدرت ضلت تلاحكني لحد ما وكفت بنص الشارع الاشاره حمره توه صارت خضره دمشي جتني سيارة ثانية
سوده وضربت سيارة ضلت تتكلب بيه لحد ماوكفت اباوع السيارة معقجه عبالك قوطيه ماكدر اطلع وايدي اليسره ماحس بيه وماكدر
احركه حاولت اطلع اكثر من مره لحد ما غوشت عيوني فتحته اني بالمستشفى مادري شصار منو طلعني منو اسعفني مادري
جاني الدكتور وكال سلامتك كلشي مابيك بس كسر خفيف بيدك اليسره لفناها اسبوع وشيله
ضليت بالمستشفى يوم وثاني طلعت عرفت الشركة الفرنسية هي ورا الحادث كلت من افض السالفة مال المهمه الجديدة اجرع
اشوفهم منو جاسر يلعبون وياه واصل الخبر الاهلي بالعراق مخبوصين خابرتهم خابرت ياسر وكتله انو يكللهم كلشس مابيه
وراح ارجع باجر وباقي تدرون اتو من استقبلوني ورحنه للبيت
. . . . . . . . . . . . . . . . . . . . . . . . .
رحت لغرفة محمد
- جاسر . . لازم اخابر الاهل هسه يجون
- ياسر . . ليش بس لا محمد حيموت يمه وليدي فدوه وحيدي
- محمد . . دنجب يومك قبل يومي
- جاسر . . مو وكت عركاتكم لازم يجون يخطبولي
- ياسر . . ليش مستعجل لبنيه مطير
- جاسر . . يا خويه اريد اخطب بس هل اسبوع مجاز اسبوع الثاني اسافر
- محمد . . توكل يا شيخ وخابرهم
- ياسر . . هسه مكلت شنو اسم لبنيه
- جاسر . . ابيش يفيدك طلعله هويه
- ياسر . . دكول هسه
- جاسر . . سما علي بشار
- محمد . . سامع بهل اسم
- جاسر . . وين سامع بي يول
- مادري بس هل اسم مو غريب عليه علي بشار وين سامعه . . اكف لحظه ياسر تعال افتح هل دورج
- ياسر . . شجبتلي اذا شعر بنات ماريد
- محمد . . الخاطر الله افتحه هسه وطيني الهويه البي
- ياسر . . ماشي . . هاك ها الهو. . اكف شسوي هويه لمى يمك
- يا لمى
- ياسر . . لمى علي بشار . . يعني لمى اخت سما . . شيخ بس لا راح تزوج لبنيه الخبلة
- جاسر . . ياخبلة يول منين تعرفه
- ياسر . . ماعرفه زين بس اخته جانت مريضة هنا وعبالنه ماتت وكامت تبجي بس تكول حجي يضحك
- جاسر . . وانت شمدريك
- مو اني احب اخته
- محمد . . هله هله والله وكعتو يا ولد الشيخ هاشم ومحد سمه عليكم
- جاسر . . اسكت محمد خلي تفتهم من شوكت تحبه وشلون تعرف
- اعرف من اول ماجينه اني وياك نشوف محمد جانت هي بغرفة العناية تكدر تكول حب من اول نظره بس هي متعرفني
واذا انت خطبت اخته اني اخطبه وياك
- جاسر . . ماعرف شكلك بس يصير خير بالمبارك عليك
- محمد . . يعني ثنينكم راح تزوجون واني مزوجوني وياكم
- جاسر . . خير انت هم تحب اخته الثالثه
- لا ثالثه ولا رابعه الله يبعدنه عن الزواج خليني عايش بكيفي احسلي
- ياسر . . يله خابر الاهل يجون يطلبونهن
- انشالله راح احجي وياه الشيخ واجي
طلعت احجي ويه الشيخ اول شي اعترض انو ازوج وحده غريبه بس من كتله احبه واريد هي وبس اقتنع وحجيتله على ياسر هم
كال يصير خير راح نطلع هسه والله كريم لما نوصل لبغداد
- توصل بسلامه
سديت التليفون واني مرتاح مادري ليش يمكن لان راح تصير من نصيبي او لان راح احقق غايتي
نفضت تفكيري ورجعت للغرفة كلتلهم ياسر طار من الفرح من عرف الشيخ وافق
جا الدكتور يفحص محمد وكال يومين انشالله ويطلع فل ايده وراسه بقت رجله كال قبل لا يطلع نفله له
كعدنه ننتظر الاهل اني خابرتهم 10:27 الصبح 11:00 طلعوو من البيت والطريق طويل يمته راح يوصلون منعرف
لحد العصر ماكو همه 6:14 خابر الوالد كال وصلنه للمستشفى نزل ياسر يستقبلهم صعدهم وطببهم للغرفة يشوفون محمد
وبالليل يروحن يخطبولنه جانو جايين بيبي الحجيه الشيخ هاشم والشيخه وسن وعمي جاسم ابو محمد مرته سعاد ولد
عمي اخوان محمد اثنين وسجى اختي لصغيره ضلو يم محمد شافو تحمدوله بالسلامه صار الليل تعشينه بالمطعم بس ياسر
وولد عمي ضلو يم محمد بالمستشفى صارت 8:00 ابويه كال راح ادز جماعة يسئلون عليهم بسرعة عمود نعرف اصلهم
فصلهم شنو قابل اروح عميان لحد ال9:30 جوي الجماعة كالو خوش ناس وسمعتهم حسنه ومن هل سوالف
- الشيخ هاشم . . يله لعد نتوكل احنه
- جاسر . . يله يابه
- هاشم . . وين رايح
- وياكم غير تخطبولي
- لا ماتروح انت من يقبلون ويصير العقد عود تجي هسه ماتروح وتضل انت وياسر هنا انروح اني وعمك وولده
وناخذ المريات ويانه
- صار بويه تأمر
- يله يا جاسم نشوف ولدي وختيارة بالغربة شلونه
- جاسم . . اعرفه لشيخ جاسر ما يختار له الصح
- نطيتهم العنوان وراحو واني ضليت على نار بس لا هاي الخبلة متوافق عمود اشوف شغلي وياه
ضلينه ننتظر وياسر لزم الغرفة ذهابا وايابا ثولنه ثوله مثل المره الجايه تطلك لا هي الولدت وخلصتنه ولا هي الي ساكته
ومريحتنه وكل دقيقة يباوع من الشباك يشوفهم جوي لا
لحد الساعة 11:56 يله جوي تعبانين وممامرتاحين من الطريق البصرة وهسه طلعو يعني من جويه غادين طرنكه من التعب
محد حجه شي بس الي افتهمته من ولد عمي انو نطاهم مهله اسبوع يفكرون ويردون خبر ولحد ما يردون الخبر اضل بالمستشفى
وهمه يرجعون عمود اذا قبلو يجيبون عمامي ويطلبوه كدام عمامه ونعقد ونخطب بنفس اليوم
. . . . . . . . . . . . . . . . . . . . . . . . . . . . . . . . . . . . .
سما
كعدت الصبح على صوت نموري يلعب بشعري ويناغي يم راسي فدوه حبيب عمته الصاك تعال
- انت اش تسوي هنا هاا يكلبي يلوحي يعمري انننن واننن وانننن جتي النمله جتي النمله وكركرككركرر وككرككركركر
اغو اغو نمورررريييي حبيبيييي وينك انانه بخ بخ بخ نموري انانه ههههه يله ننزل على بيبي عمود تشترينه
لميت شعري بلكو نموري بس يجرجر بي خليته بقراصه صغيره وشلت نموري ونزلت
لكينه علوش وعمر وخوخه وحلا يتريكون ومها واكفه على طباخ تسوي بيضه ام عين رفعت ايد نموري وكلت
- ثباح الحير
- الكل . . صباح النور
- خوله . . يله يمه تعاي تريكي وجيبي نموري اوكله
- سما . . لمى وين شنو محد كعده تتريك ويانه
- مها . . لا كاعده بس مابيه حيل تتحرك رجله دايسه عليه وتوجعه
- خطيه لعد راح اخذ صينيه واكل يمه
- علي . . اي بويه خطيه تضل وحده ديري بالج عليه
- ماشي بابا . . مها وين الجاي
- يمج على ميز واخذي مربه وياج ام المشمش تحبه
- اي ادري هي اني جنت ناوي اخذه
- عمر . . الحمدلله يله اني ترخص عندي شغل يله حلا
- حلا . . غسل بين ما جيب جنطتي عمه اليوم انمار ماودي للحضانه
- خوله . . اي عمه عماته هنا اليوم هنه يديرن بالهن عليه
- عمر . . وج يله كملت وانتس لساعج واكفه تحركي
- اي اي هسه جايه
راحو عمر وحلا للمستشفى وبابا طلع وراهم للشغل حيدر نايم مها اخذت نموري تبدله الحفاظه امي تكلم بانيه للغده
واني اخذت الصينيه الريوك وللغرفة على لمى طبيت اشوفه تبجي
- سما . . وج شبيج يولي ليش تبجين منو وياج
- لمى . . سما لحكيني رجلي موتتني من الوجع
- اخذاتي دواج
- لا مها كالت تريكي واني اجي اطيجياه
- يله لعد خلي نتريك جبتلج مربه مشمش من هاي الي تحبيه
- ماشتهي عفيه جيبيلي الدوا الوجع موتني
- ميصير يا حبيبتي غير لاوم تاكلين شي قابل الدوا ينزل على معده فارغه
- عفيه ماشتهي ونفسي تلعب
- هسه دكلي لكمتين وهاهيه على كد متاخذين الدوا ونامي ترتاحين
- يله لعد ناوشيني الصمون خلي اكل اريد انام ولحد يكعدني
- يله ميتين عليج نكعدج عود نامي نومت اهل الكهف منو لازمج
- اي فديتكم متكدرون على فراكي لحظه
- اكلي اكلي ليطكلج عرج وتموتين
- العار ميموت
- ههههه زين تعرفين نفسج
- ههه لا دحجي عليج
- يا صخله مصخله امشي ولي صوجي كلت اجي اتسسم وياج وجيب هاي جرت الصمونه من ايده لمى حتى اكل ماكو
- عاااااا رجلي يمه
- سما بخوف شبيج شبيج من وين يوجعج وج احجي
- هههههه لا ميوجعني بس دشوفج انو تخافين عليه
- وج من همداني العوبه صدكتج ولي اروح اشوف مها احسلي
- لا تعاي تعاي بعد ماعيده والله
- خلي نشوف
كعدنه ناكل ونكت لحد ما كملنه وتكول ماشتهي وكملت لمربه كله لعد لو تشتهي جا كلتني
- لمى . . سما شنو قررتي
- بخصوص شنو
- شبيج بخصوص الزواج مال بارحة
- مادري والله بعدني دفكر وانتي
- والله اني ماعندي اعتراض اذا يخليني اكمل دراسة
- يعني موافقه
- اي موافقه بس اذا سئلوج كلليهم بعد مقررت عساس ابيع ثكل هههه
- هههه خبله مبروك تتهنين انشالله
- انشالله . . كللللوووووش كلللوووش
دنحجي وطبت خوخه نهلهل
- مبروك يمه
- لمى . . هااا خوخه صاره تسمعين على حجي العالم مو عيب مو انتي الجبيره ههههه
- خوله. . دمشي لج الي يسمعج يكول متسمعه على بيت الجوارين لو ما انتن بناتي
- هي هاي الكاتلتني انو بناتج هههههه
طبعا احنه علاقتنه ويه امي مو ام وبناته لا هي امنه واخته وصديقتنه نضحك ونشاقه وياه وهي علمتنه انو
شنو يصير ويانه نحجيله بس الي صار بيه ويه جاسر مادري بس ماكدرت اكلله بالاخير هي تبقه ام ومتقبل احد
هيج شسوي ويه بنته
جتي مها جايبه نموري ملبسته قاط يخبل عده حفله عيد ميلاد بت صديقته وراح تاخذه وياه بس فديته حبيب عمته من
صدك صاك يخبش يفدووه
- خوله . . يمه دبقي ليش ماخذته يشلع كلبج
- لا لتخافين هي نص ساعة ونجي منتاخر
- بكيفج اخذتي المميه مالته
- اي حلا حضرتلي جنطه مالته لصغيره بيه الغراض الي احتاجهن
- يله لعد توكلي ولتتاخرين رجلج جاي على الغده تعاي قبله
- انشالله يمه يله نموري سوي باي البيبي وعماتو
- الكل . . بااااي
- يييييييمممممممه
- سما . . هذا صوت حيدر شبي
- يييمممممممه تعااااااي
رحنه نركض اني وامي ولمى ورانه تمشي على العكازه
صعدنه فتحنه الباب ووو
. . . . يتبع
.♥. ♥. ♥. ♥. ♥. ♥ .♥. ♥. ♥. ♥. ♥.
هلو حبايب طبعا تاخير صار بالبارت عمود الدراسة لان اني هم طالبة ولازم ادرس
هذا البارت طويل لحد يكلي قصير وماعرف شنو
انشالله يعجبكم