بسم الله الرحمن الرحيم والصلاة والسلام على خير خلق الله محمد وعلى أله وصحبه الطيبين الطاهرين
اللهم صل على محمد وآل محمد
السلام عليك ياسيدي وسندي ومعتمدي ومكان الروح من جسدي وذخيرة يومي وغدي ياأبا عبد الله الحسين
وعلى أهل بيتك وأصحابك
.............
ماذا أراد رجل الدين والأنسانية
الحسين بن علي
وماذا أراد أهل بيته وصحبه
■ لو الأمر يتطلب ننطي أطفالنا ننطيهم
هيج يريد الحُسين💜
■ لو الأمر يطلب أيديك وحياتك لا تتردد عن نصرة دينك
هيج يريد العباس 💜
■ لو تحترك علينا بيوتنا منترك خدرنا والستر
هيج تريد زينب 💜
■ لو جان الدين يريد عمر الشباب ننطي
هيج يريد علي الأكبر💜
■ لو طلب الموت النصرة وأحنة باأول شبابنا نموت
وموتنا أحلى من العسل
هيج يريد العريس( القاسم ) 💜
■ لو طلب الدين أموالنا ننطيهن بدون منفكر
هيج يريد زهير ابن القين 💜
■ حتلو جان عمرك جبير بس الأحسن منك صغير أمشي وراه
هيج يريد حبيب 💜
■ حتلو جان وجهنا أسود وعطرنا مو طيّب وسمعتنا موزينة منكطع أملنا بالحُسين
هيج يريد جون 💜
■ يجوز بعدك ستوك متزوج وأنت شاب والدنيا حلوة بعينك وصارت حرب بيها نصرة للدين
قدّم روحك وواعد زوجتك بالدار الآخرة ولتتردد
هيج يريد وَهب 💜
■ خلي أمام زمانك قبل كلشي
حتى من يكلولك شنو وصيتك وصي بي
تصدقوله ..اقروله الفرج دائما ..أدعوله ..أذكروه ..
هيج يريد مسلم بن عوسجة 💜
■ لتستحي .. ألطم وأصرخ وأبجي بصوت عالي وعيش حب الحسين بكل حالاته وخلي كل الناس تعرف أن فلان عاشق الحسين
هيج يريد عابس 💜
■ حتلو جنت قارئ وحافظ قرآن ومعروف والك صيتك وهيبتك ورادك أمام زمانك تقاتل وياه وتخسر عيشتك الحلوة لترفض
هيج يريد بُرير 💜
■ حتلو دكيت دكات سودة وصلت وجلت بالذنوب لتأيس
خلي ببالك ان بلحظة ممكن يتغير كلشي
هيج يريد الحر 💜
■ أن البكاء على الحسين ( عليه السلام )
لا ينتهَي حتى تخرج الروح
هيج تريد رقية 💜
■ القِ السلام
ردد وي المؤذن من يأذن
حافظ على الأذكار
أبتسم للناس
أحفظ شيء من السور
أسعد أبوك وأمك
تصدّق
سبّح
أستغفر
صوم ...
حافظ ع وقت الصلاة ...
تمسك بأهل البيت وبدينك
وديربالك واحد يأثر بيك
حتى تلتحق بركب الحُسين بيوم من الأيام
هيج يريد الله 💜
بسم الله الرحمن الرحيم
(( الذين آمنوا وهاجروا وجاهدوا في سبيل الله بأموالهم وأنفسهم أعظم درجة عند الله وأولئك هم الفائزون ))
# أن الأمام الحسين وأهل بيته ( عليهم السلام )
هم المصداق الأكبر لهذه الأية