#نـصـيـبـي_فـيـك
الـحـلـقـة الـسـادسـة عـشـر
صهيب هدرز هو ونبيل اشوية وبعدين طلع ومشى خدا سالمة من مرام وروح بيها للحوش
عند الساعة 11في الليل سالمة حاطه سماعاتها كالعادة وتسمع في أغاني نبيل دز السالمة رسالة مكتوب فيها(لو فاضية نقدر انكلمة) سالمة ردت عليه برسالة(اها فاضية)ورن عليها نبيل
نبيل:اهلا😍
سالمة:اهلين
نبيل:شن جوك وشن جو مشيتك المرام
سالمة بصدمة:وانت شن عرفك
نبيل يضحك:بشوية عليش خفتي ماانراقبش فيك صهيب بعد شالك جاني للمعرض وحكالي
سالمة:والله انوريه صهيب صار ايبص عليا
نبيل يضحك:وسعي بالك والله صهيب ماقصده ايبص لا شي لما جا بيطلع قتله كسد قالي بنجيب سالمة من صاحبتها وبعدين وكان بص عليك كلها اسبوعين وبنقعد راجلك😍
سالمة سمعت الكلمة قلبها وقف وسكتت
نبيل:الو سالمة
سالمة:امعاك نبيل
نبيل:كنك سمعتي الكلمة رحتي
سالمة:لا بس مازال ماتعودت عليها
نبيل;حتعودي مع الايام
سالمة:ان شاءلله
نبيل:سالمة انتي فرحانه بخطبتي لكي
سالمة:اها فرحانة وانت
نبيل يضحك:من جدك تسألي فيا
سالمة;اها بنعرف
نبيل:قولي طاير من الفرح اتصدقي خاطري نطلع في الشارع وانعيط بعلو صوتي اني توا اسعد واحد في الدنيا وانقول واخيرا وافقتي ياسومة
سالمة:للدرجة هذي انت مجنون
نبيل:والله انتي جننتيني وراك
سالمة:لا ماتظلمني مجنون من قبلي
نبيل:باهي ياستي انا مجنون من قبلك ماتزعلي بكل
سالمة:نبيل احكيلي عليك اشوية
نبيل:شن نحكيلك
سالمة:كل شي عليك بنتعرف عليك اكثر
نبيل;حاظروقعد يحكيلها علي روحه وانسجمو في التهدريز
""
وليد في داره متمدد علي سريره ويحكي مع هديل
وليد ايعلي في صوته:تي انحبك انحبك انحبك
هديل:واطي صوتك يسمعوك هلك
وليد:خليهم يسمعو تي انا خاطري الدنيا كلها تسمع
هديل تضحك:انت مهبولي
وليد;اه ياقلبي باهي هدولي عشاني خلينا انطلعو الفرح
هديل;اووف وليد بترد النفس الموضوع خلاص عاد اتفقنا بعد انكمل قرايتي
وليد;حرام عليك مازال بنستني سنتين اخرى واجد هكي مانقدر انتحمل بعادك عني اكثر
هديل:لو اتحبني ترجاني واتحمل علي خاطري
وليد:اكيدة انحبك وعلي خاطرك انتحمل وراد الله عليا
هديل;حبيبي خلاص نرقدو بكرا عندي محاظرة بدري
وليد:باهي حبيبي
هديل;حركات هكي هكي مافيش
وليد:والله مافيه بكل
هديل:ماتسغفلني زي ماكنت ادير الخطيبتك لوله وتحكي مع غيري
وليد:اووف هدولي عليش اتذكري فيا بالهم انتي تفرقي عنها انا انحبك بس هيا ماحبيتهش واهو فوني ورني عليه الوقت اللي يعجبك
هديل;مرات يقعد فيه فون ثاني يمشنش عليا حركاتك
وليد:والله مافيه وقسما بالله غيرك مانبي ومع غيرك مانحكي
هديل:نجية ياربي اللي ايحبني
وليد;وليا نجيكي يادنيتي كلها
هديل:هيا حبي تصبح علي خير
وليد;وانتي بالف خير ياقلبي توا انوعيك انا في الصبح
هديل;تم حبيبي وسكرو
(طبعا وليد خطب هديل وقرا فاتحتها من اول مافسخ خطبته من سالمة بس هديل طلبت انهم ماايديرو بيان لانها ماعندها حد تعزمة وماتبي مصاريف زايدة واكتفت بدبله واشوي ملابس جابتهم الها ام وليد للحوش ودارو حفلة بسيطة بينهم بس ام وليد ماحبتها زي ماحبت سالمة لانها كانت اتمنى سالمة كنتها برغم ان جمال هديل كان فائق جدا عن جمال سالمة لكن الطبع مش واحد بس تقبلتها في الاخر والحق هديل اتعامل فيها معامله اكويسه)
"""
مرو الايام والتهو العيلتين بتجهيزات العرس والكل كانو فرحانين وبذات نبيل اللي كانت الدنيا مش سايعته من الفرحة بس سالمة كانت عكس نبيل فرحانة بس فرحتها مش كامله وحاسة بانها تسرعت في قرارها سالمة ونبيل طول فترة التجهيزات ماكانو يحكو يومي لان نبيل حس من سالمة انها تبيش تحكي كل يوم وماحب يضغط عليها وكل همه انها توصل عنده وحيغير كل شي الصالحة وايخليها اتحبه
"""
وليد في صيدليته وايرتب فيها خش عليه امجد صاحبه
امجد:خيرا يادكتورنا
وليد;اهلين مجودي عاش من شافك وينك
امجد:قاعد انت اللي مختفي لكي فترة خطمت من هنا قلت نسأل عليك
وليد;والله قاعد مشاغل الحياة وانت عارف
امجد:ربي ايعينك لكن قولي شن صار في مشكلتك مع هل سالمة
وليد:خلاص حليناها وفضت
امجد:باهي تمام يعني اصالحتو ورديت انت وسالمة
وليد:تي لاوين ردينا خلاص فسخنا الخطبة وكل حد عده في حاله
امجد:كيف صار امالا شن قصة الدبلة اللي في يدك
وليد;قصدك ماسمعتش خطبت اخرى
امجد:الف مبروك لكن والله ماسمعتها
وليد:الله ايبارك فيك
امجد:بس راك اتقول انك خطبت البنت اللي صارت عليها المشكله
وليد:هي بروحها
امجد:كيف صار يعني الكلام جد اتحبها
وليد;قالك انحبها وامكبد اخرى
امجد:يعني واخيرا القيت البنت اللي في راسك
وليد;الحمدلله واخيرا القيتها
امجد:بس معقوله لاتعزمني علي بيان لاشي وهكي نقعد انا اخر من يعلم
وليد:والله جت كل حاجة بسرعه واصلا قرينا فاتحة بس وما درنا بيان لاشي هيا قالت ماعندي من نعزم وماتبي بيان
امجد:مشاءلله الباين قنوعه
وليد:الحمدلله بس والله كان خاطري انديرلها بيان كبير
أمجد:ان شاءلله الفرح اديره كبير لكن قولي من هيا
وليد;سمحة غير انقولك من قيسك هبل
امجد;وشن فيها صاحبك وبعدين ماكنت عارف قصتك مع سالمة
وليد:هذكي سالمة ماكنت انحبها وهذي تفرق انحبها وتوا مراتي
امجد:اووو وليد ايغار المهم ربي ايهنيك ياصاحبي
وليد;ان شاءلله والعقبالك نفرحو بيك حتي انت
امجد:لالا انا خليني طير حر هكي خير
وليد;كنت انقول فيها بس توا اتجيك وحدة اتخليك اتغير رايك
امجد:لما اتجي ساهل المهم توا عندي شغل بنمشي وراك تنسى تعزمني عالفرح
وليد:اول واحد انت ياباشا
امجد:تم سلام وطلع
""
مشن الايام بسرعه وجا اليوم الموعود اللي الكل يرجى فيه وخاصتا نبيل اللي مش عاطي فرحته الحد واخير حب حياته بتقعد ملكه
نرمين في القاعة ومشت قبل الكل عشان تشرف علي ترتيب الصالة وتنظيم الطاولات زي مايبو
المضيفة في الصالة:ياانسة كملنا كل شي بس مازال العصير تأخر
نرمين:اها اهو جاي في الطريق بس مش عارفه اللي جايبة عليش تأخر
صهيب خاش من الباب الخلفي المطبخ القاعة ويحكي مع امال
صهيب:تي اهو وصلت خلاص
امال بعصبيه:عليش التأخير هذا كله
صهيب;والله مادخلني المحل اللي ايدير فيه هو طول
نرمين خشت للمطبخ ومش منتبها للي قدامها وتحكي مع نهى واتهزب
نرمين:كان اتقوليلي من الحقير اللي دزينه بالعصير صهيب سكر مع امال ويسمع فيها وشافها كيف جاية اتهزب ايقوللها افطني افطني وهوب خشت في العصير اللي قاعد علي بعضه وطاحت
صهيب قعد يضحك
نرمين صبت وطايرتلها عالاخر وفطنت الصهيب يضحك رقتلها اخرى;لم اسنونك مافيش حاجة اتضحك وبعدين انت من وشن خششك هنا
صهيب:انا الحقير اللي جبت العصير😒
نرمين انحرجت الاول مرة في حياتها😊
صهيب:ممكن انا نعرف انتي من تغلطي فيا
نرمين بلوية بوز:انا اخت نبيل
صهيب:خوات نبيل نعرفهن نسمة ونهى ونرمين بس انتي مش منهن
نرمين:لا منهن انا نرمين
صهيب:اها انتي المفصوعه الصغيرة حلك كبرتي
نرمين رقتلها:مفصوعه قالها الكبير شوف روحك قبل وبعدين احكي وعدت اتنفخ من تلاه
صهيب يضحك:وااو مطول السانها وحط يده علي قلبه بس انا ليش لما شفتها قلبي قعد ايدق بسرعه زي المرة اللي فاتت معقوله اتكون لالا مش هي
""
كملو التجهيز ووصلو العيلتين ووصلو معازيهم والفرح بدى وكان فرح حلو وكل شي فيه راقي ومن احسنو والعيلتين كانو متفاهمين علي كل شي واجواء الحب باينة بينهم اهل نبيل كانو طايرين من الفرحة واهل سالمة كانو زيهم
سالمة في الكوافير وامعاها مرام
مرام:اضحكي كنك لاوية بوزك انتي عروس
سالمة:حاسة روحي تسرعت
مرام:عليش اتقولي هكي والله نبيل اكويس
سالمة:عارفه بس مش متخيله ان بيقعد راجلي انتي عارفه من اللي كنت انتمناه في يوم زي هذا
مرام:والله انتي هبله قاعدة اتفكري في واحد باعك وعايش حياته مع غيرك
سالمة تبكي:مش بيدي ياسالمة من قلبي اللي مش راضي ينساه
مرام:حرام عليك نبيل اكيدة توا طاير من الفرحة وانتي تبكي علي واحد خاين وتمت تمسحلها في ادموعها اتخربي مكياجك عليه وهو مايسوش اصلا علي قولتهم(خودي اللي يشريلك مسكرة مش اللي اينزلها لكي علي خدودك)
مرام:انتي عروس ياسومة حطي كل شي وراك وانسي وابدي حياتك الجديدة وانا متأكدة مع نبيل حتقعد احلى حياة وحتحبيه وانحقكك اتقوليلي مش قادرة انتخيل حياتي بلاه
سالمة:ان شاءلله بس مش حاسة الشي هذا حيصير
مرام;حيصير وحتشوفي وتوا خليني انلبسك البرنوص صهيب من بدري قال في الطريق اكيدة قريب يوصل
اشوي وجاهن صهيب في سيارة اتهبل ومزينها تزيينه تاخد العقل ونزل وركب سومة من قدام وطول الوقت وهو ايبصر وايشفط امعاها وهيا
اشوي وجاهن صهيب في سيارة اتهبل ومزينها تزيينه تاخد العقل ونزل وركب سومة من قدام وطول الوقت وهو ايبصر وايشفط امعاها وهيا تجلط عليه
واخيرا وصلو للقاعة ونزلها صهيب من السيارة طبعا صهيب كان لابس بدلة ومأنق روحه وطالع ايهبل عشان هو اللي بيخششها للقاعة وكان دايرلها مفاجئة وخششها للقاعة علي اغنية (مصطفى امان اسمها اختي حبيبتي حندير للرابط امتاعها مشاركة من اليوتيوب في منشور بروحه ياريت كلكن تسمعنها اغنية اتهبل)وسالمة اول ماسمعت الاغنية قعدت تبكي صهيب ماتحمل وطلع بسرعه جتها امال ومرام وسكتوها وردن اجواء الفرح حلوة زي ماكانن بعد حوالي ساعة جا نبيل وكان لابس بدله سودة وطالع طرف بكل وكان خاش وفي يده باقة كبيرة وحلوة بورد ابيض واحمر سلم علي امه وخواته واول مشى جيهة سالمة اللي كانت مصبية ومنزلين طرحتها وكان قلبه بيطلع من مكانه من كثر الفرحة رفع طرحتها وباسها علي جبينها ونسى كل العالم اللي وراه وحظنها الكل مصدومين من لقطة نبيل وطبعا اكثر بنات العيلة كان عاجبهن فكلهن كانن بيموتن من القهر وايمان كانت حالتها حاله ومرضت وتحجت للبنات بمرضها وماجتش للفرح
نبيل بعد الحظن الطويل السالمة بعدها اشوي وشافت سالمة العيونه وكانو ادموعه ينزلو
سالمة;نبيل انت تبكي
نبيل:ادموع الفرحة مش مصدق انك قعدتي حلالي
سالمة بالمنديل اللي في يدها قعدت تمسحله في عيونه ومالاحظت القرب اللي كان بينها وبين نبيل وبعد كملت قمعزو هما الاثنين
سالمة:تخيل شافو ادموعك شن بيقولو عليك
نبيل:اللي بيقولوه ايقولوه انا وحق ربي فرحان مش مصدق انك قعدتي ليا ومسك يدها زين
سالمة شافت اليدها في يد نبيل حست بحزن بس ماحبت اتبين ومشتها بإبتسامه خفيفة
طبعا سالمة من ايام التجهيزات للفرح قالت النبيل ان هيا رافضة ترقص او ادير اي لقطة مش حلوة نبيل تفهم الوضع وقال الخواته مافيش وحدة تحرجهم واتقوللهم ارقصو
بنات العيلة كانن ينظرن السالمة بنظرات حقد وتمن ايجن ايسلمن علي نبيل وايفوتن في سالمة
سالمة مصدومة;بنات عيلتكم كنهن هكي
نبيل:فوتيهن متكبرات
سالمة;ايسلمن عليك وانا لا
نبيل;حسد وغيره
سالمة;وعليش حاسداتني
نبيل بتكبر:علي راجلك لان طرف وميتات عليه كلهن وانا كنت مش معبرهن 😎
سالمة بحتت فيه بنص عين 😒
نبيل:والله والله ياسلومتي مانبي الا انتي
سالمة ابتسمت 😊
بعد اشوي نبيل وسالمة بيطلعو سلمت سالمة علي هلها ونبيل سلم علي امه وخواته وطلعو للسيارة
برا كان بات سالمة وبات نبيل مع بعضهم سلمو عليهم
ومشو بيركبو في السيارة اللي كانت خيال بكل
سالمة:وين صهيب سلمتش عليه
نبيل:مش عارفه مش باين
مع جيت صهيب شورهم
سالمة بزعل:ماشي ياصهيب ماكنت بتشوفني
صهيب;معقوله ياسومة مانبي انشوفك وجا حظنها
سالمة قعدت تبكي وقعد صهيب ايسكت فيها
صهيب:خلاص يامجنونة عليش تبكي وباسها علي جبينها
سالمة شافت الصهيب وكانو الدموع في عيونه;مع من بنتعارك توا وتبكي
صهيب يمسحلها في ادموعها;كل يوم انكلمك ونتعاركو يامجنونة وركبها في السيارة وسكر الباب
صهيب:نبيل ردبالك منها راهي اكبيدتي وماانتحمل فيها شي
نبيل:والله في عيوني ياصهيب ومستحيل انزعلها في يوم
صهيب:مبروك وربي يسعدكم وعدى ونبيل ركب في سيارته وطلع ماشي شور الفيلا وطبعا الطابق الثالث في الفيلا كان النبيل بوه بانية له
"""
كل المعازيم روحو ومازال بس هل سالمة وهل نبيل وبيطلعو توا
ام نبيل:اسمعي نرمين سيارة بوك معبية فيها عماتك وانا وقالك انتي ونسمه ونهى امشن مع سند ولد عمك ولا صهيب
نرمين:شنو سند ولا صهيب
ام نبيل:اها
نرمين;لا مانبيش نمشي امعاهم هما الاثنين
ام نبيل:وعليش ان شاءلله ومع تبي تمشي
نرمين:هكي متعاركة امعاهم
ام نبيل:من السانك ماخليتي حد صاحبك وبعدين سند وعارفه عركتك امعاه لكن صهيب امتى تعاركتي امعاه
نرمين:امبدري تعاركت امعاه عالعصير المهم توا راه مش مروحه امعاهم
ام نبيل:اسمعي ماعنديش ماانديرلك هدا اللي فيه عاجبك باهي مش عاجبك اقعدي في القاعة
نرمين تبكي:يااخسارة نبيل ماكنت نستحق امعاه الحد نبي نبيل توا
ام نبيل:عساس المسكين كان سالم من السانك وبعدين نبيل مع مراته توا ماعندي منين انجيبه لكي ارضي باللي فيه وعدت وسيبتها
مشت نرمين النسمة ونهى ولقتهن مقررات بيمشن مع صهيب فقررت تمشي امعاهن وخلاص
""
وصلو سالمة ونبيل للفيلا ونبيل كاين طاير من الفرح ورقو للطابق الثالث ونبيل افتحه وخشو وسكر الباب
#يتبع
زعما كيف بتبدى حياتهم الزوجية وهل حيعيشوها طبيعي زي اي اثنين او فيه شي بيصير وياترى شن حيصير مع نرمين وصهيب بعد ماتركب امعاه كله حنعرفوه في الحلقة الجاية انتظروني 😊
اسفة لو فيه أخطاء في الأسماء وأكيد رأيكم ايهمني 😉
گـتـابـتـي Koka Saleh 😊
منقولة💖