قصة عاندت اهلي واهلها

البارت التاسع عشر

///البارت تاسع عشر ///°•○●
///قصة #عاندت_اهلي_واهلها ///
///بقلم الكاتبة #بنت_الحجي ///
°•○●

ابو موسى   :-  شرفتونا
موسى     :-  منو كرايبك اخاف نعرفه ...

سيف    :-  ابو سلام ابنه سلام اخوانه جابر وستار
موسى  :-   مااعرفهم والله..

ابو موسى :-   الله كريم ونشاءالله اذا نصيبك عدنه تاخذه ... لان اكو عالم محاجيني عليها ..

جعفر    :-   انت شتشتغل
سيف    :-  اني خريج هندسة معماريه .. حاليا اشتغل بقناة _____ مهندس ديكور ..

موسى  :-  اشربو جايكم

ام موسى  :-  ياهمه ذول ياربي
جنان   :-  هسه يطلعون ونعرف ...

سيف   :-  رايدينها عالم خل اشوف اشلون ياخذها ... مبينين اهلها ناس طيبين بس صعبين ... بقو يسوالفون ابوي وعمي ...

زينب   :-  كعدت من نوم نزلت جوا امي كاعده بالهول وجنان الدرج صاير كبال الهول ..
ام موسى  :-  شرلي الملابس زينب 

زينب   :-  اي ليش باب الستقبال .. مسدود منو عدنه 😳
جنان   :-  عالم يم عمي ..
زينب   :-  ها ماهتميت اخذت الملابس صعدت شريتهم ...ونزلت .. صبيتلي جاي وعكعك
.
ابو حسن  :-  نترخص احنه ومتانين منكم رد عنوانه عدكم .. اتكدرون اسئلون ورقم هم ...
ابو موسى  :-  انشاءالله ...

سيف   :-  طلعنه منهم ... ارتاحيت من صارو.. صحبه همه وابوي وسوالف ... واني هم حجيت وي موسى ... حجه عن شغله ... حمله دار الايران وسعوديه وسوريا .. 

خوش عالم ..

موسى   :-   انطيني مي
ام موسى  :-  راحوو العالم
موسى   :-  اي طلعوو ...
ام موسى   :-  منوو ذول ...

جعفر  :-  خطابه جاين يمه 😐
ام موسى  :- خطابه ...ياهمه ومنوين ...

زينب   :-  بقيت بس اباوع خطابة شنوو .. ياربي اريد ابلع البسكت مااكدر ..
دخل ابوي كعد يمنا

ابو موسى  :-  عالم شايفين زينب ..
ام موسى   :-  وين شايفينها وهيه مطالعه من المدرسه اللبيت ..
ابو موسى  :-  من جايه من المدرسه مااعرف من رايحه شايفها الولد وعمه ..
عدهم كرايبهم هنا.

زينب   :-  ارتباك على خوف منوو هذا ..الي شايفني .. ياربي دخيلك
موسى  :-  مبينين خوش عالم بس .. لا نعرفهم ولا شي ..
ابو موسى  :-  الله كريم ..

ام موسى   :-  😒
زينب    :-  ياربي هذا سيف لوو غيره .. بس سيف مكالي عدهم كرايب لااا مو سيف .. كمت غسلت الكلاص .. اسمع ابوي ايكول ابو عصام هم حجاني بس بعيده الهواز ...

ام موسى  :-  ماادري شحجي .. وهيه اتريد تدرس ..
يمكن ماتقبل ..
موسى    :-  ابو عصام احسن على الاقل انعرفه وخوش عالم ذول منعرفهم يابه ...

جعفر    :-  اي بس ذول مبينين خوش عالم نسئل ومخسرانين شي ..

زينب   :-  ياااااربي كاعدين ايقررون والله ماازوج ... ماريد احد ..  اذكرت سيف ادموعي رادن اينزل ...
ام موسى  :-  منين ذول ...

ابو موسى  :-  كاعدين بالبنوك .. الولد مهندس ..
زينب   :-  شنوووووووو😦😧 سيف
همه هناك كاعدين ومهندس..

ام موسى   :-  ها يمعود بعدها تدرس مااكدر هم ازوجها فاطمه لهسه شالعه كلبي من راحت .. ادور زينب

موسى   :-  الله كريم

زينب   :-  اضحك مدري ابجي معقوله سيف جان هنااا كاعد بيتنا ياااربي فدوووه كون سيف هذا ... .

سويت عشه ..
جنان    :-  شنوو رئيج زنوبه
زينب    :-  ماادري 
جنان    :-   خوش  واحد مهندس وكال موسى بس اخ
وثنين اخوات ...

زينب    :-  ههه بكلبي اضحك بس ممبينت مااعرف بكيف ابويه
جنان   :-  الله كريم ... تعالي نتعشه   ..

سيف   :-  رجعت فرحان وين الله اصير من قسمتي  .
ابو حسن  :-  والله خوش عالم

زيدون  :-  والله ياسويف انت مو قليل ..
سيف    :-  ههههههه 
رجعنا اللبيت وصلت ابوي وعمي البيته   .. رجعت اني هم اللبيت ساعه 7 سويت نركيله وكعدت

زينب   :-  كعدت اكل محد حجه شي ابد اريد واحد يفتح الموضوع .. ماكو كملنا عشه دخلت كوثر وجهالهاا صرنه هوسه وسلام وسوالف ..

كوثر   :-  شبيج زنوبه ضعفانه ..
زينب  :-  مابيه شي باوعت امي باوعت عليه ..
كوثر   :-  شكو ماكو فاطمه هم جايتكم ...

زينب  :-  صارلها اسبوعين من اجت ... شعجب اجيتي مو كلتي نهاية الشهر
كوثر   :-  ضجت والله كلت القاسم كال امشي ماصدكت بسرعه بدلت العبودي وسجاد ..

ام موسى   :-  كون تجي فاطمه ..
جنان  :-  خابريها عمه .. خل اتكول الاحمد اذا قبل ايجيبها ..
ام موسى  :-  لا بكيف رجلها اذا ايجيبها ايجيبها من كيفه ..

زينب   :-  مابقه شي المحرم .. هم خيطتي شي
كوثر    :-  اي خيطت 2 عد الخياطه بعدهن .. اكلج اشبيها امي ضايجه ..
زينب   :-  مابيها شي

كوثر    :-  ها
زينب   :-  اي  

سيف   :-  صار ثاني يوم وكل شي ماكو متاني ايخابرون ماكوو.  كضيتها بشغل باليل رجعت اللبيت اشتاقيتلها ياربي ... اشلونها هسه  . 

زينب  :-   اهلي ساكتين كل شي مايحجون اكثر شي مزعج طبعا من اتريد تعرف شي ومحد يفتح حلكه ويحجي ...

كاعده بالطرمه دنيا المغرب .. وحدي جهال كوثر ايلعبون يمي .. كوثر وامي راحن الفاتحت كرايبنه ..
كامت امي متخلي تلفونها واني

هم مااتقربله ... اريد ترجع ثقتها بيه ..

مر 3 ايام ابوي جان كاعد بالستقبال وديتله جاي .. سمعته ايخابر . . سلم وهاي كعدت اباوع على العراقيه طالع .. برنامج الايتام  . بالملجئ

ابو موسى  :-  والله خويه اريدك تعذرني بس فكرنه ..بالموضوع مالكم نصيب يمنا لان كرايبنا رايدها .. وتعرف
. الكرايب اولى هم ماقبلت لان بعدها تدرس .. وصغيره

زينب   :-  بقيت اعيوني على تلفزيون بس .. احس سجين بكلبي ابوووي رفض ..

ابو موسى  :-  الله ايرزقه بنت الحلال انشاءالله .. ولحنه اهل نبقه ...

انشاءالله رحم الله والديك الله وياك خويه.
زينب   :-  بقه ابوي ايباوع على تلفزيون خليت وكمت صعدت فوك شبعت بجي .. ليش هيج سوه ابوي ..

حتى ماسئل عليهم شبي ويرفضه  ...

سيف   :-  جنت طالع وي شباب خابرني .. حسن كال خابرو العالم .. وكالو كرايبهم  ايريدها .. وبعدها تدرس .
اتخبلت شنوووووو كرايبهاااااا منووووو هذاااا

منير   :-  خير سيف شبيك ..
سيف  :-  ماشي حسن روووح بعدين نحجي سديته منه
مرتضى  :-  شبيك فهمنا ..

سيف  :-  مخابر ابوها ورافض كايل الابوي تدرس وحتى كرايبهم رايدها ورافض ..

منير    :-  يمعود اعرف صعبه بس ذول اهلها قابل .. اتعاركهم ...

سيف  :-  وحق الي خلق محمد الي ومااعوفها ..
ورثت جكاره .. كرهت الدنيا اشبيه وارفض .. 
مرتضى  :-  اهدء سيوفي كول يالله .. كل شي له حل ..

زينب   :-  متت من القهر ماااريد احد غيره .. اني ولاااااا راح احب احد .. ياربي ساعدني شسووي ..

ام موسى   :-  زيييينب
زيييييينب

زينب   :-  مارديت ولا حتى كلت هااا .. كرهتوني بروحي حتى ماااسئلتوني ولا كلتووو هاي حياتها ..

ام موسى  :- ولج وينج
زينب  
زينب   :-  صعدت امي فتحت الباب ..
ام موسى  :-  مووو احجي وياج مسمعين اصيح .. اشبيج تبجين شكوو

زينب   :-  مابيه شي عوفيني وحدي .. يمه
ام موسى  :-  ولج احجي شكوو عليمن كل هل بجي ..
زينب  :-  احجي حتى هم اضربيني .. مابيه شي

ام موسى   :-  احجي مااضربج غير افهم
زينب   :-  ابوي ليش رفض شبي لولد .. هااا ايريد ينطيني لواحد بااخر الدنياااا هييييييج عاجبج ..

ام موسى   :-  ولج يمه منووو كلج ينطيج ابوج رفض وماقبل ابو عصام لان بعيدين وهذا كل شي مانعرف عليه ..

زينب   :-  ليش ابوي سئل وماعرف .. احجي واشهك ..
اتعرفين فاطمه اتحب احمد وقبلتووو .. عليه
وكوثر ابن عمتي عايش عدنه وانطيتوها له ..

ام موسى   :-  والله وكت عفيه بنات هل وكت هيج تحجين وي امج ..
زينب   :-  يمه وي منوو احجي لعد موو انتي امي .
ام موسى  :-  اول شي كوثر عمرها 20 من ازوجت وابن عمتج مو غريب وعايش ويانه واني ربيته ... واحمد ابن عمج موو غريب .. بس هذا شنعرف عليه بله ..

زينب   :-  شكول ياربي احبه اخاف اتموتني ..
والله حباب والله خوووش ولد .. بقت بس ادموعي اصب ..

ام موسى   :-  مووو اتكولين اريد ادرس واكمل اشوو هسه اتغير المنهج علمود هذااا حتى اسمه مااعرفه

زينب   :-  اسمه سيف 😭
ام موسى   :-  هههههه ولج اكبري اشويه دكافي بجي لا صدك راح اكتلج ..
زينب   :-  يمه عوفيني ..
ام موسى   :-  المصلحتج ابوج هيج سوه والبجي ميفيد ديري بالج على دراستج احسلج ..

زينب   :-  عافتني ونزلت يااااا دراسه اووووف
شبعت بجي حتى على العشه صاحو مانزلت .. الفيت راسي ونمت ..

سيف  :-  شسوووي هسه لا اكدر احجي وياها لا هاي ..
مرتضى  :-  خل ايمر وكت وهم دز عالم عليهم ..
سيف  :-  اي هيه هم هيج ..

زينب   :-  داومت ثاني يوم شفت تقى احجيلها وابجي ..
تقى   :-  اووووف ابوج عود سيد عشتووو ليش رفض غير اعرف ..

زينب   :-  والله مااعرف شسوي ..
تقى     :-  باجر اول يوم محرم ادعي انشاءالله ايصير من قسمتج بجاه ابا عبدالله .. يجمع بينكم ..
زينب   :-  الله يسمع منج  ..

كملت دوامي اشكد مشتهيه احجي وياه .. بس شحجي وصوج صار عليه مو عليه وفه بوعده هوه ..
صرت من اطلع من المدرسه اباوع بلكي الكاه واكف ماكوو مر اسبوع على رد الجواب الاهله  ...

صارت اقرايه بيت تقى رحت اني وامي وجنان ..

سيف   :-  صار مالي خلك كل شي افوت واطلع ضايج مااكدر اروح المدرستها واشوفها  ..
من شغل اللبيت حتى اهلي حسو على تغير ..

شغلت التلفزيون اتمددت على جربايه اباوع ..
زينب  :-  قرت الملايه صوتها ايبجي الحايط ردتها حجه اني شبعت بجي

تقى    :-  زينب تعالي انحظر صينيه مال القاسم فوك ..
زينب  :-  كمت وياها ..   شفت تلفونها ماكو احد غيرنه بالغرفه
تقى    :-  خابري بسرعه ... يلا
زينب  :- ماكلت لا ... سجلت الرقم ودكيت ايدك ويدي على كلبي ..

سيف  :-  الوو 📲
زينب  :-  سيف 😭اول مسمعت صوته بجيت اووووف شمشتاقه الصوته
سيف  :- زينب فزيت من مكاني كعدت عدل الووو زينب
زينب  :-  اشلونك

سيف  :-  اوف الحمدالله انتي اشلونج ..صوتها مخنوك مبينه تبجي ..
زينب  :-  الحمدالله  .. سيف اسفه .. حجيتها وشهكت ..

سيف  :-  لا تبجين  ياروحي

اتهون بالي يمج .. والله
زينب  :-  شتهون ياسيف واهلي رفضو .

سيف  :-  هم ارجع ادز عالم لا تأيسين من رحمته ..
احجي واصبر عليها وعلى روحي

زينب  :-  والله سيف احبك . اسمع نفسه والحسره الي ايذبها ..

سيف  :-  ولج انتي روح سيف وعيونه .. وغلاتج مااعوفج ولا راح ايس

زينب  :-  اذا مقبلو اشلون ..
سيف  :-  ايقبلون بالاخير .. هذا رقم تقى موو
زينب  :-  اي عدهم قرايه واحنه يمهم .. اريد اشبع من صوته مااكدر
.
سيف   :-  امج اشلونها وياج .. خو متااذيج
زينب   :-  لا زينه 
سيف   :-  الحمدالله باعي حدزلج رقم تلفون اسراء .. بين فترا وفترا اخليها اتخابر  عليج او من تجينه  .. كولي هاي صديقتج بالمدرسه ..

زينب  :-  ماشي .. انت عندك رقم امي  انطي لها ..
وخلي اتخابرني ..
سيف  :-  ماشي حبيبتي والله اشكد ارتاحيت من سمعت صوتج ديري بالج على نفسج وكل مصيرلج فرصه احجي وياي ..

زينب  :-  ماشي وانت انتبه على نفسك..
سيف  :- ماشي صار ..
زينب  :-  يلا باي .. سديته ودموعي اصب شفت تقى هم تبجي  .

اشبيج تبجين
تقى   :-  مابيه شي .. حضنتها وابجي حاسه بيها .. لان رغم معافني مازن احبه واشتاق له
زينب  :-  نزلنا جوا كعدنه رجعت الملايه تقرء كضيناها بجي ..

مر شهرين . اجت فرحت الزهره

مبقه شي الامتحانات اخر اسبوعين .. ..
جنان فاتت بشهر السادس فطومه حامل .. هم ..

مر شهرين بس مرتين حاجيه وي سيف .. من تقى ..

سيف    :-  اليوم خطوبة منير
منير     :-  سيف باوع هذا راهم وي البنطرون ..
سيف   :-  اي راهم ... صعد وياي وامه هم رحنه خطبنه البنيه التعرف عليها على الفيس خوش بنيه    .. عالم على كد حالهم ..
منير    :-  يووووووم الالك سيوفي وازفك بيدي
سيف  :-  تسلم حبيبي الله يسمع منك ...

مرتضى   :-  هاااااي الرادهاااا وهاي التمناها بنت الفيس الابن الفيس جبناها ههههههههههه

منير    :-  كللللللللليش
سيف  :-  والك فوت من جامه هسه شكولون مامصدك ..
منير   :-  خطوبتي وبكيفي .... 😂

ام منير   :-  والك منير هسه انفوت بطسه وتنشمر فوووت
سيف    :-  شبعت ضحك عليه طالع من جامه واصدقائنا بسياراتهم ايركصون وياه  .. صدك احس فرحتي يستاهل ..

سيف    :-  خاله عاد حلوه لو جكمه
منير     :-  وعلي تخبل وكللليش شغلي اغنية خالتك ساجده عبيد

سيف   :-  لا يااا سافل هههههههههه
وصلنه اللبيت يلا كعد
سوينه حفله  ..  له بالكهوه ...

رجعت ساعه 11 اللبيت لكيت اسراء يمنااا هلا بسرو
اسراء   :-  هلا سيوفي اشلونك

سيف   :-  الحمدالله ..
ام حسن  :-  من شوكت رجعنا وين رحتو 
سيف   :-  سوينه حفله بالكهوه ..  يمه
اسراء   :-  امي اسوالف على منير شبعتنا ضحك ..😂

سيف   :-  هههههه اي ماكعد اليوم
تعاي اسراء
ام حسن  :-  خير اشعدكم انتو الثنين ..

سرى  :-  اي اسرار صايرين والله اني هم اجي وياكم
زينب  :-  كاعده بغرفتي اقرء .. امي فاتت بيدها تلفون

سيف  :-  دكي على زينب احجي وياها كولي انتي وياها بالمدرسه جاي سئليها على شي ..

دكت طلعت امها
اسراء  :-  مرحباا خاله اسفه على الازعاج اني صديقة زينب رفل اسمي عفيه بلكي تنطيها تلفون اريد اسئلها على الامتحانات
ام موسى  :-  تدللين الحظه

ام موسى  :-  زينب يمه صديقتج رفل .. اتريدج
زينب    :-  رفل منوو 😧😳بقيت صافنه .

ويتبع ... قرأءة ممتعه الجميع