هاي
ادري قاعد اتأخر اعذروني
اكتبولي كومنتات كثيرة بهذا البارت
استمتعوا
---------------—-
دخل فواز البيت
فواز بعصبية : لانا
لانا جت : وش صاير وش فيك تصارخ
فواز رفع الجوال: فسري هذا
لانا فتحت عيونها بقوة
لانا : ف..ففواز انا احبك لاتصدق المقطع
فواز : تجهزي الايام الجاية بتكون اخر ايامك بهذا البيت
فواز : ومو بس بهذا البيت
لانا : وش تقصد فواز
فواز : بطلقك واطلعك من حياتي لان فيه اللي يستاهلها اكثر منك
لانا : يستاهلها اكثر مني .. -بدت لانا ترتجف- ففواز اسفه على كل شيء تكفى
فواز : ليش طيب ؟ سويتي كل هذا وش هالحقارة خليتيني اكسر قلب شخص من زمان وانتي السبب .. الحين راح انا ادمرك
لانا : طيب اسم..
فواز قاطعها : لانا لاتتكلمين ماابي اسمع .. عندي فترة اختبارات بالجامعة بعد الاختبارات كل شيء بيكون بالمحكمة بيننا الحين ماابي اشوفك قدامي ابدا
لانا تغير لون وجهها وبدت تلعن نفسها على كل شيء سوته وكان تسويه
مشى فواز من عندها وعطاها ظهره وراح لغرفة بالطابق الثاني
دخل الغرفة ومشى لنهايتها فتح النافذة والهواء جاه
فواز بنفسه : الله يرحمك عمر .. من داخلي ابي اقول كلمة وحدة
اسف
اخذ نفس عميق وبدا يناظر الرايح والجاي وهو يفكر بكل خطوة راح يخطوها بعد فترة الاختبارات
......
طلعوا من الاختبار واجتمع الكل
طلال : ليث وش سويت باختبارك ؟
ليث : القانون حبيته ومن زمان كنت افكر فيه ف زين اني غيرت تخصصي له واختباري كان حلو مرة
الكل بدا يتكلم ويسال
طلال : وش وضع القطنه سليمان
ليث : اي صدق وينه مو موجود
شرح طلال لليث السالفة
ليث : اما طلع وتهاوش من عوايده يسوي كذا عاد
طلال : بكلمه دقيقة
اتصل طلال على سليمان وليث حط اذنه بالجوال مع طلال
سليمان : هلا والله طلال وش سويت بالاختبار
طلال : حليت زين وانت وش صاير لك ليش طلعت بسرعة كذا ؟
سليمان : طلعت عشان اتاكد من شيء ضروري مرة
طلال: طلعت من اختبار عشان تتاكد من شيء؟؟
سليمان : اي وش فيها
طلال: مريض صح ؟ من يطلع من اختبار عشان يتاكد من شيء
سليمان :الزبدة بذاكر للاختبار الجاي باي باي
قفل سليمان
ليث : وش فيه متحمس خويك
طلال رفع كتوفه بمعنى مدري
وقتها سامي جته رسالة من شون
شون : انتهيت من الاختبار
سامي رد ب اي
شون : ستعود الان للمنزل
سامي : نعم سأذاكر للقادم
شون : اتمنى لك كل جميل ... اخبرني بكل شيء يحصل لك وان احتجت ان تأتي لمنزلنا فهو مفتوح لك كل الوقت
سامي : منزلنا ؟
شون: نعم منزلنا
سامي : حسنا اشتقت لك سأتي الان
شون ضحك : انتظرك عزيزي
..
طلع الكل من الجامعة ورجع بيته يذاكر
كان طلال يفكر كثير الفترة هذي بحكم انها قال لراكان كل شيء يتعلق بابوه
متوتر وخايف من اشياء كثيرة من انه راكان يتهور ويسوي شيء لابوه وتصير مشكلة
من الاشياء اللي مانع طلال من انه يتكلم هو امه
امه تحب طلال كثير لو عرفت شيء نفس كذا اقل شيء يمكن يصير انه يوقف قلبها من الصدمة او تتغير حياتها كاملة
اخذ طلال كتابه وبدا ينغمس عشان مايفكر اكثر من كذا ويدخل لنفسه بدوامة مالها نهاية
..
منتصف الليل
وصلت سليمان رسالة من فواز
وقتها سليمان كان يتروش وجواله على سريره
خلص بعد ساعة وربع وطلع
اخذ ملابسه ولبسها وبدا ينشف شعره
حب يشغل اغنية وهو ينشف شعره منها يسمع شيء بالوقت هذا
اخذ جواله وفتحه وشاف رسالة من فواز
استغرب وعلى طول فتحها
فواز : شكرا سليمان واعني شكري لك من قلبي صدق .. اهتم باختباراتك عشاني وابيك تجيب نسبة عالية
فواز : بعد الاختبارات بدعوك لمكان يمكن تستغرب بس بتشوف .. ركز على مستقبلك الحين
سليمان بدا يعيد ويعيد كلمات فواز وبدا يفكر بالمكان وقتها جته الف فكرة وفكرة وده يساله بس مدامه قال بعد الاختبارات ف بينتظر
..
بدت تمشي ايام الاختبارات
طلال كان مرات يدرس ببيت راكان ومرات عند ليث وسليمان وهم نفس نظامه
سامي اغلب وقته عند حبيبه شون كان يراعيه ويحطه بعيونه ويعطيه كل اللي يبيه واكثر بكثير
زياد كان يهتم ب اقرب صديق له مشاري اللي سحب الترم اساسا من الجامعة وصديقه تميم اللي حالته من حال مشاري ساحب الترم
وسليمان يدرس لحاله ومرات مع اصحابه ولا قابل فواز
ليث يذاكر ويطلع مع فهد بنهاية اليوم لما الكل يكون نايم عشان يشوفه
مشت الايام ويوم ورا يوم اختبار يخلصونه ويذاكرون للي بعده
كان اخر يوم اختبارات
فواز يراقب بقاعة فيها سليمان
كان يراقب الكل زين وطاحت عينه على سليمان اللي كان مبين انه متوتر من اخر اختبار
راح له ونزل فواز لمستوى الطاولة وحط يده على وجه سليمان ورفعه
فواز : وش فيك
سليمان متوتر :ففواز مدري وش فيني والله ذاكرت للاختبار كثير بس مدري وش فيني مااقدر احل شيء
شال فواز يدينه من وجه سليمان وحطها على كتوفه
فواز وكله ثقة : سليمان توترك هو اللي مايخليك تحل .. ثق بنفسك وخذ نفس وتاكد انه كل المعلومات عندك وتعبك ماراح يروح
فواز : وتذكر اني معك هنا لاتتوتر من شيء
وقف بعدها فواز وابتسم سليمان .. غمز فواز لسليمان وكمل مراقبه بالقاعة
سليمان اخذ نفس عميق وبدا يكتب الاجابات
بعد وقت خلص الاختبار الاخير وبدوا يطلعون من القاعة ويجتمعون العيال بمكانهم المعتاد
قبل يطلع سليمان ويسلم ورقته كلمه فواز وقاله ينتظره بمكتبه بيكلمه
طلعوا الكل وراح سليمان لمكتب فواز ينتظره
مرت دقايق ودخل عليه فواز وجلس قدامه
فواز : وش سويت بأختبارك ؟
سليمان : بعد ماحفزتني حليت زين مرة
فواز : كويس .. طيب بعد يومين يمكن بكلمك على شغله
سليمان : قلها الحين
فواز : انتظر وراح تعرف
سليمان : خلاص بنتظر هاليومين
فواز : تبيني اوصلك البيت ؟
سليمان : ماابي اتعبك السواق برا
فواز : بترجع على طول للبيت صح ؟
سليمان : اي بنام وبرتاح شوي وبعدها بنجتمع انا وطلال وسامي وتميم ببيت ليث
فواز : خلاص اجل انتبه لنفسك
سليمان : وانت بعد .. وشكرا على الراحة اللي عطيتني اياها وقت الاختبار
فواز ابتسم لسليمان وبعدها طلع سليمان
..
سامي كان يتكلم مع العيال وطلع برا بيرجع البيت
بس شون كان حاط سيارة الفارهة قدام باب الجامعة وينتظر سامي
سامي طلع وشافها واستانس .. اول ماشاف شون سامي فتح ايدينه عشان يحضنه
مشى سامي له وحضنه وكان فيه ناس حولهم بس كملوا
شون مد القهوة اللي يحبها سامي له
سامي : اههه شكرا شون
شون : كيف كان اختبارك ؟
سامي : سهل جدا
شون : استطيع ان اقول الان سيستطيع ان اراك كل الوقت
سامي ابتسم : نعم
فتح شون الباب لسامي وركب سامي وشون راح لباب السائق ومشى
شون : اريدك اليوم ان تاتي للمنزل
سامي مد شفايفه : اممم لا اعلم بسبب ان الجميع سيكونون بمنزل ليث الليلة
شون : حسنا طفلي استمتع
سامي ابتسم ولف جسمه لشون وبدا يسولف معه
رجع الكل لبيته
....
دخل ليث وكلم خدامته تنظف له المكان وتسوي له كل شيء وشكرها وصعد غرفته ينام
كان منسدح على السرير يحاول ينام بس اتصل عليه فهد
فهد : هلا ليوث
ليث :هاي
فهد : اسمع بكلم عن موضوع
ليث : اللي هو ؟
فهد : بنسافر كلنا يمكن
ليث تحمس : سفرة مرة ثانيه ؟؟ امانة
فهد : اي بس كلنا ماقصدت كلنا يمكن يكون بس انا وانت وراكان وفواز وسليمان وطلال بس العيال قاعدين يشوفون الوضع
ليث : كويس انا من الحين موافق
فهد : زين مدامك موافق انا بعد بروح الحين بهذي اللحظة فواز يكلم اتوقع سيلمان عشان يساله وراكان بعد يكلم طلال
ليث:اها خلاص اذا خلصوا اجل بيقولون لنا كل شيء
...
راكان اتصل على طلال
راكان : هلا طلال
طلال رد السلام وبدوا يتكلمون عن سالفة السفر وجاء طاري ابو طلال
راكان : انا بتكلم معه
طلال : اخاف يصير شيء راكان
راكان : حنا بنسافر بعد اسبوع يمكن ماعليك ماراح يصير
طلال: راح اكون موجود اذا كلمته
راكان : افكر وقتها
طلال: راكان
راكان : عيونه
طلال: متاكد ماراح تسوي شيء ؟
راكان : احبك طلال
طلال: وانا احبك بس قل لي لو بتسوي شيء
راكان : لاتخاف انا معك وانت معي ماراح نطلب اكثر من كذا .. اساسا لو ماوافق بخطفك
طلال: خلاص اخطفني بأي وقت تبيه
بدوا يتكلمون برومانسيه بينهم
راكان : اخليك تريح الحين واذا قمت من النوم قل لي طيب
طلال:يلا اجل باي
ودعوا بعض
.....
بالاخير فواز انتظر وماكلم سليمان يبي يكلمه بعد شغله هو مقرر يسويها
الكل كان يستريح من الاختبارات
الساعة 8:30 بدوا يطلعون متوجهيم لبيت ليث كان مجهز ليث لهم المكان
بدوا يوصلون واحد ورا الثاني لين صارت الساعة 9 واجتمع الكل
بدوا يلعبون ويسولفون ويتابعون فلم
وصلت الساعة 2 وربع واجتمعوا على بعض وبدوا يسولفون عن حياتهم
كان تميم هادي حيل فيهم
وبدوا يتكلمون عن الكبار اللي هم راكان والباقي
تكلم تميم وقال
تميم : بسالكم
طلال: اسال
تميم: انت مثلا طلال علاقتك قوية بينك انت وراكان بينكم شيء
طلال: وش تقصد ؟
تميم : عمر الله يرحمه كان حبيب الدكتور فواز
فتحوا عيونهم كلهم بأستثناء سليمان اللي كان يدري
طلال: مدري اذا بتتقبلون هذا ولا لا بس اي راكان حبيبي
ليث: وانا مدام الكل بيتكلم فه..
تميم قاطعه : الله يهينكم
ليث : شش..شكرا
انسدح وقتها سامي وحط رجل على رجل : عاد تصدقون
سليمان : اصدمنا اكثر
سامي:شون
الكل : تستهببببببل
سامي : والله العظيم اعترف لي بداية فترة الاختبارات
وكل واحد فيهم بدا يقول كيف حبيبه فاتحه بحبه له
تميم : وانت سليمان ؟
سليمان سكت وسرح
تميم : وين وصلت سلوم؟
سليمان : ااا..ماعندي للحين ماارتبطت بحد
تميم : ليه
سليمان : وش ليه ؟ انا بكبري مدري
طلال : وانت تميم صدق؟
تميم : لا
وبعدها مر الوقت ورجع الكل لبيته
وصل تميم اول واحد
جلس بالصالة وماكان فيها احد بحكم ان الكل نايم
وجلس يفكر وجاه اتصال من يزيد
ورد على طول
يزيد : هلا تميم
تميم رد بنبرة هادية : هلا
يزيد : بتكلم معك بموضوع
تميم : تكلم
يزيد: جلست فوق الاربع ساعات اقنع مشاري بالسفر وانه يطلع من كئابته تبي تجي؟
تميم : ابي اطلع من البيت الحين لو الحين الطيارة عادي اروح
يزيد : كويس بتحلي السفرة
تميم : بوجودك اكيد يزيد ... بس اسمع اتذكر انه العيال الباقين بيسافرون بنروح معهم ؟
يزيد :لالا بنروح دولة ثانية
تميم : اها زين اجل
قفلوا من بعض
....
قال سامي لاهله انه بينام عند صاحبه وعلى طول متوجه لشون
فتح شون الباب له وحضنه على طول
بدوا يسولفون مع بعض وجاب سامي طاري السفر
سامي : هل سمعت اخبارهم ؟ سيسافرون لنذهب
شون : اخبرني راكان عن السفرة ورفضت ان اذهب معهم
سامي : لماذا
شون : لاني سأسافر انا وحبيبي لوحدنا
سامي : بجدية؟؟
شون مد التذاكر : نعم
سامي بحماس : اعشقك شون سنستمتع جدا
شون : نعم
.....
بعد يومين
كان طلال وسليمان وليث مجتمعين مع بعض ببيت طلال ومع انه نادر يجون عنده
قاعدين يسولفون بين بعض وحاط جوالاتهم على الارض قدامهم
اخذهم الوقت وهم يسولفون وفجاة جت مكالمة لجوال سليمان
كلهم حطوا عيونه على جواله وكان اللي يتصل فواز
ليث : رد عليه
طلال: اي رد وحط سبيكر نبي نسمع
مسك سليمان الجوال وحطه سبيكر بعد مارد
فواز : هلا سليمان
سليمان :اهلين فواز كيفك؟
فواز نبرته تغيره نبره شخص سعيد يتكلم براحة والصحكات بين كلماته
فواز : انا بخير انت شلونك
سليمان : انا بعد بخير
فواز : طيب بتستغرب اني متصل بس اسمع
سليمان : وش صاير؟
فواز : برسلك موقع وابيك تجي يعني لازم تجي بكرا
سليمان : لحالي ؟
فواز : لا عادي كيفك تبي تجيك احد من الباقين طلال او ليث سامي اللي تبي
سليمان : الساعة كم ؟
فواز قال لسليمان كل شيء وقفل وارسله الموقع
على طول فتحوا الموقع وكانت الخريطة مو مبينه لهم وش المكان له بالظبط
ليث : شف هذا الموقع اعرفه فيه هنا مستشفى وهنا الحديقة الكبيرة اللي مرة رحنا لها وهنا محكمة وهنا المول
سليمان : طيب لو رحنا وش نروح له ؟
طلال: يمكن المول
سليمان : مدري غريبه خلاص بكرا تجهزوا بتجون معي
طلال +ليث : طيب
..
مر الوقت وكان سليمان يفكر بالسالفة كثير بس قال انه اكيد طلعه عادية ونام
قام على المنبه اللي حاطه عشان ماتفوته وكان موقته قبلها بساعة
اتصل سليمان على الباقين وكانوا قاعدين
ارسل بعدها ليث بقروبهم
ليث : ماشاء الله من متى تقوم من منبه ؟
سليمان : اي عشان مايروح الوقت
ليث : الله يرحم ايام يوم كنا ننط على بطنك وماتقوم
سليمان : ليث ليش ماتقوم تلبس وتفكني من شرك ؟
ليث : قمت قمت يلا تجهزوا انا بمركم
سليمان : طيب مر طلال اول على طريقك وتعال لي
ليث :اوك
بدوا يتجهزون وطلع من ليث من البيت راح اول لطلال نفس ماقاله سليمان
كان الوقت بالصبح تقريبا الساعة كانت 6:45
وصل ليث لبيت طلال وطلع طلال
فتح الباب وجاء بيركب
ليث :ها..
قاطع طلال ليث :جوعان
ليث : حسبي الله القاها منك ولا من الغثيث الثاني .. انا ليش اصبح بوجيهكم اساسا
طلال : ليث
ليث :نعم وش تبي خير
طلال: خلنا نفطر
سكت ليث وتوجه لبيت سليمان وعلى طريقهم اخذوا اكل واخذوا سليمان وتوجهين اللي ارسله
كان الطريق 25 دقيقة ويعتبر شوي بعيد
وصلوا للموقع واتصل سليمان على فواز
فواز : وصلتوا ؟
سليمان: اي انتم وين ؟
فواز ركز زين وشافهم
فواز : يمين حنا وقفوا السيارة وتعالوا
شاف سليمان فواز واشر له ب اوك
وقفوا السيارة وهم داخلها تكلموا
طلال: محكمة ؟
ليث : اي وش السالفة
سليمان بدا يستوعب الموضوع
سليمان : تستهبل
وفتح بعدها الباب وراح على طول لفواز
نزل بعده ليث وطلال وتبعوه بمشي عادي
وصلوا عنده وكان راكان وفهد موجودين
سليمان :وش صاير؟
فواز : مو صاير شيء لاتخاف
راح طلال لراكان ومسكه وراحوا عنهم شوي
طلال : لا يكون سويت شيء بسالفة ابوي !!
راكان : لالا مو على سالفة ابوك اليوم متعلق بفواز
دخلوا المحكمة وجلس فواز قدام وجلس فهد وراكان وراهم مع محامي
ورا بكم كرسي الثلاثي ليث وسليمان وطلال
..
مر الوقت لين دخلت
جلس لانا بالجهة الثانية وبدت محاكمة الطلاق بينهم ولانا كان قاعده تعقد الموضوع زيادة وتدخل اشياء كثيرة بالسالفة
مرت الساعة الاولى وهم يتكلمون .. ماكان يبي يعطيهم المقطع على طول عشان يشوه سمعتها زيادة قدام اهلها
كملوا وكملوا لين تعب فواز من السالفة
لف وجهه وشاف سليمان اللي جالس يتابعهم من بعيد يسمع كل كلمة تطلع منهم
ماتحمل وقتها فواز ووقف
فواز : عندي مقطع خليته للاخير لأسباب خاصه اقدر اقنع الكل بسبب طلاقي غير الاسباب الثانيه اللي ذكرتها قبل شوي
لانا هنا تأكدت ان زواجها انتهى رسميا فتكلمت
لانا: خلاص نتطلق بس لايعرض المقطع
فواز حس بالانتصار و سليمان حس بتحرر فواز
ام فواز وابوه فهموا انه المقطع كان سبب قوي وكافي انه يتطلق ف رضوا بالامر
بعد 15 دقيقة من الاجراءات بدوا يطلعون من القاعة بعضهم
قام فواز ومشى لين وصل قدام سليمان ورفع له اصبعه الابهام وابتسم بمعنى ان الامر خلص وتحررت منها
ابتسم سليمان ولا اراديا قام وضم فواز بقوة
سليمان بهمس : مبروك فواز
فواز : يبارك فيك
---------------------
انتهى البارت
استمتعتوا ؟
سوا فوت الحين بليز وكومنت على الفقرات
اشوفكم بالبارتات الجايه