بنوته عايزه تلتزم ( الجزء الثاني )

و هو علي جمعهم "))

#اولاً انا واثقة ان البوست ده هيداوي قلوب كتير وفعلاً كتير محتاجين يقرأوه ضروري .. فياريت تعملوا #Like قبل ماتقرأوا عشان عاوزاه يوصل لغيركم ❤ :) !

٭ انا واثقة جداً جداً جداً ان لو ربنا أراد ان اتنين يتلاقوا هيتلاقوا ولو كانت المعوِّقات أصعب مما تخيلوا ! ومتيقنه في نفس الوقت ان الطريقة اللي هيتلاقوا بيها هيكون تدبيرها وطريقة حدوثها أغرب من صعوبة تلاقيهم أصلا ! لدرجة إني مبقاش عندي شك ١٪ ان اي حد بيوحشني او حتي ببقي نفسي اشوفه جداً وعارفة ان الظروف صعبة ؛ اني هشوفه ان شاء الله في يوم حتماً ولكن بالطريقة اللي ربنا حالياً بيدبرهالي ! وببقي مش حاملة هم الترتيب للقاء والله فعلاً لأن علي مدار سنوات عمري ؛ محدش وحشني وربنا ماجمعنيش بيه ورزقني رؤيته بطريقة انا بتعجبلها ؛ بطريقة محتاجة ترتيب سنين ؛ ولازم اندهش كل مرة يحصل فيه كده ! ❤🌸

٭ ربنا عظيم اوي يا جماعة .. عظيم للحد اللي يخليك واثق ان اللي في قلبك ومش قادر تقوله او ترتبله او توصل ليه واسبابك فيه أضعف من انك تستخدمها ؛ هو سبحانه بيغنيك عنها بأسباب ربانية تختصر الطريق كله في خطوة واحدة ! انت بتشوف انها خطوة واحدة لكنها بتبقي تدبير العليم الحكيم ! اللي ببحصل في كل لحظة في حياتك وانت ولا داري بيه ! 💙🌸

٭ عارف يعني ايه يحصل #لقاء بينك وبين حد بتحبه او نفسك تشوفه علي كوكب الأرض اللي يضم اكتر من ٧ مليار شخص ! اه حتي لو في قارة تانية .. حتي لو بينكم بحار ومحيطات ! عارف ده معناه ايه عندك ؟!
- معناه عندك #مستحيل طبعا ! اذا كان انت بتستصعب انك تشوف حد معاك في نفس البلد بل ويمكن نفس المحافظة ؟! 😃
عارف بقي ده معناه ايه عند الله ؟! معناه في الايه دي 🌸 #وهو_علي_جمعهم_اذا_يشاء_قدير !! 💜🎈

٭ هتقولي الاية دي مش مقصود بيها جمع البشر اصلًا !
هقولك يعني بالعقل كده .. الآية بتقول " وَمِنْ آيَاتِهِ خَلْقُ السَّمَاوَاتِ وَالْأَرْضِ وَمَا بَثَّ فِيهِمَا مِن دَابَّةٍ ۚ وَهُوَ عَلَىٰ جَمْعِهِمْ إِذَا يَشَاءُ قَدِيرٌ "
وتفسيرها : أنه سبحانه القادر على إحيائكم بعد فنائكم , وبعثكم من قبوركم من بعد بلائكم وجمعكم بعد تفرق اوصالكم في القبور .. !
القادر علي جمعك بعد موتك وبعد كده يجمعك بباقي البشر في مشهد من مشاهد يوم القيامة .. تفتكر هيعجزه يجمعك بحد في الدنيا ! 😃💙

٭ انا من كتر المواقف اللي حصلت معايا في الموضوع ده بقيت بحس اني بالفعل وكأني حددت ميعاد مع اللي نفسي أشوفهم وحددت المكان كمان .. ومنتظرة بس اني اقابلهم بقي ! ✋😍
بس فعليا انا لا عارفة امتي ولا فين .. بس واثقة ان امتي وفين دول مكتوبين عند ربنا .. وبيدبرلي أفضل (وقت) وافضل (مكان) في الوقت اللي انا كل اللي بعمله اني #بدعي_باللقاء ! ❤

٭ في أغلب المواقف اللي هحكيهالكم هتعرفوا بجد ان الطريقة اللي ربنا بيدبر بيها اللقاء مستحيل تخطر علي بالك من جمال تدبيرها ؛ وكأن ربنا رايدلك تفرح كذا مرة ؛ مرة باستجابة دعوتك ؛ ومرة برؤية احبابك ؛ ومرة بجمال تدبيره ليك ...ياااه .. ياه لو فعلا اطمنت لربنا وتدابيره .. هتعيش في جنة روحياً ونفسياً واللهِ . :) 🌸💜

★ الموقف الأول :-
٭ كتير اوي من بنات الدفعات الأكبر او حتي من دفعتي بس مش أصدقاء عن قرب يعني .. يعرفوني عـ Facebook ؛ وكذا مرة نتكلم ونقول عاوزين نتقابل .. ياااه كتير جداً جداً .. مش علي مدار سنه ؟! لا ولا حتي سنتين .. والله يمكن اكتر من كده ..
وكل مرة نرتب فيها نتقابل تحصل حاجة تمنع اللقاء ده ..
يا إما حاجة طرأت عندي او عندهم ..
وخلاص بعد تكرار محاولات اننا نتقابل وتفشل .. بالرغم من تواجدنا في نفس المستشفي او الكورس او ع الاقل في نفس المنطقة يعني .. بنبطل نتفق اصلا اننا نتقابل وبتتحول لمجرد = أمنية في قلبك انك تقابل فلان او فلانة او اياً كان .
وتعدي الأيام ويجمعنا موقف لا هو مترتب ولا في مكان طبيعي نتقابل فيه... ولا في وقت اصلا لو كنا رتبناله مكانش هيناسبنا ! طب ازاي اتوفقنا احنا الاتنين بالدرجة دي !
عارف بالظبط زي جملة (ايه اللي لم الشامي علي المغربي) 😂✋❤ !

٭ وكمان ايه .. معظم المواقف اكون انا مِرَوحة مثلا واللي اقابله يكون لسه جاي .. يعني لو الفرق في التوقيت كان زاد دقيقة واحدة ! مكناش اتقابلنا أصلا ! 😃
والمكان يكون مزحوم جداً واللي يعرفنا ببعض حد تالت غيرنا يكون عارفنا احنا الاتنين .. وااحد ده ميعرفش أصلا اننا كنا عاوزين نتقابل !

★ موقف تاني :-
٭ تبقي مش عارف ايه اللي خلاك تنزل من بيتك في خروجة معينة وبعد ما تبقي في نص الطريق .. يقف وتلف وترجع .. وانت راجع تلاقي تليفون من حد بيقولك ماتيجي شوية ؛ تروح وانت في طريقك تشوف حد كان نفسك تشوفه بقالك سنين ؛ والحد ده كان بيزور ناس في نفس عمارة الشخص اللي عزمك ؛ ولا انت كنت عاوز تخرج ولا كنت راضي عن وقفان الطريق .. ولا كنت رايح العزومة بنفس.. وبعد كل ده تتفاجئ ان الأمر مترتب أصلا من اللي رأي في قلبك رغبة في شئ حاوات توصله لكن معرفتش ؛ فدبرهالك بأفضل مما تتمني ! ❤

★ موقف تالت :-
٭ خارجة من الكورس النهاردة .. قابلت زميلتي اكبر مني بسنه .. انا عارفاها شكلاً لكن هيا مش عارفاني شكلاً وكان نفسها تشوفني .. تقريبا اكتر من سنتين بنحاول نرتبها عشان نتقابل ومفيش فايدة .. النهاردة انا اتأخرت في الكورس بسبب امتحان .. ومش ميعاد خروجي كده خالص .. وانا خارجة اتأخرت في كذا حاجة عملتهم وانا متسربعة جدااا عشان ماتأخرش ومتضايقة اني اتأخرت .. وانا خارجة لقيتها في وشي .. انا عارفها .. وقفتها قولتلها ازيك يا (فلانة) وقولتبه باسمها 😃 ؛ هيا استغربت شوية كده وبعدين اول ما قولتلها انا فاطمة علي كانت مش مصدقة 😃😃 !! ايه ده بجد 😍 ! تيحي علي اهون سبب كده !
انا أصلا مكنتش أعرف انها بتيجي المكان هنا وطلعت بتاخد كورس جنبي ومحصلش اننا اتقابلنا خالص وسبحان الله النهاردة اتقابلنا بدون تخطيط مسبق لا مني ولا منها ! :)

٭ لو مكنتش اتأخرت .. ولو هيا كانت جات متأخر لحظة .. مكناش شوفنا بعض .. لان اللي هتستغربوه اننا اتقابلنا علي باب السنتر من بره .. يعني اي تأخير عن الوقت اللي العليم الحكيم كتبه .. عمرنا ما كنا هنتلاقي علي الباب ! 💜🌸

٭ انا اوقات بقعد مع نفسي واقول ..
طب هو اشمعنا اللقاء بيحصل وربنا بيجمعنا بعد مدة طويلة ؟!
ليه بتفشل محاولات كتيرة لاننا نكون مع بعض ؟!
طب ليه حتي لما ربنا بيكتب لنا اللقاء بنتقابل علي اخر لحظة ممكنة ؟!
اللي هو كل حاجة فعلا بتبقي صعبة وفجأة تحصل بطريقة عجيبة ؟!
ليه !!

٭ لقيت ان الإجابة سهلة جداً ..
اوقات انت بيكون نفسك في عربية .. وهتموت وتشتريها .. لكن انت متعرفش انك لو اشتريتها في الوقت الحالي هتعمل بيها حادثة ويمكن تفها للأبد .. وتفقد صحتك معاها او حتي عمرك !!
بس انت في الوقت اللي موضوع العربية متأخر ومعصلج معاك فيه ؛ عمال تقول ليه كده .. هو ربنا مش بييسر ليه ؟! انا عملت كل اللي عليا.. ليه مش كاتبلي كذا ؟!

٭ صدقني انت لو عرفت الحكمة من التأخير هتفضل طول عمرك تحمد ربنا ومش هتوفيه حمده ! :)

٭ عارف .. كل حاجة بتتأخر عليك .. اي حاجة ( استجابة دعوة - لقاءك بحد نفسك تشوفه وربنا يجمعك بيه رغم صعوبة الاسباب - امنية معينة نفسك فيها - مال- زواج - ذرية - وظيفة ) اي اي اي شئ اتاخر عليك !
اعرف علطول ان انت طلبته في غير وقته المناسب ..
ومش عليك غير انك تفضل تطلبه بس وانت منتظره يحصل في الوقت المناسب .. مش الوقت اللي انت عاوزه وعشان انت عاوزه شايفه مناسب !

٭ بص انت مهما عملت مش هتعرف ايه يصلحك ويناسبك اكتر من ربك اللي خلقك !! ✋

٭ لو حاجة بترتبلها كل ما تبقي خلاص هتتم ترجع تتعصلج وتقفل في وشك .. اوعي تيأس من حدوثها ..
والله اكتر حاجة حلوة في الدنيا هيا الفرحة بعد انقطاع الأسباب ! 😊
انك تتفاجئ بتدبير ربنا ليك بعد ما حاولت كتير وفشلت !

٭ هتقول طب وليه احاول طالما كده كده هتحصل في الوقت اللي ربنا كاتبه ؟!
هقولك لانك لو ما اخدتش بالأسباب + ومادعيتش + وفقدت الأمل في ريك = عمر ما ربك هييسرلك الشئ اللي نفسك فيه بأسباب مدهشة كده اصلاً ..

٭ ببساطة رينا بيعين اللي متيقن فيه بأسباب ماتخطرش علي باله !
زي بالظبط اللي متعشم فيك وفي كرمك .. انت هتعمل اقصي ما عندك عشان تبقي عند حسن ظنه فيك ! ولله المثل الأعلي .. اصلا ربنا قالك "انا عند ظن عبدي بي فليظن عبدي بي ما شاء " !! ❤

٭ وخلي الآبة دي قصاد عينك ..
" وَلَوْ تَوَاعَدتُّمْ لَاخْتَلَفْتُمْ فِي الْمِيعَادِ ۙ وَلَٰكِن لِّيَقْضِيَ اللَّهُ أَمْرًا كَانَ مَفْعُولًا"

الاية دي نزلت في لقاء المسلمين بالمشركين #علي_غير_موعد !! فربنا بيقولهم ولو كان ذلك عن ميعاد منكم ومنهم ، ثم بلغكم كثرة عددهم وقلة عددكم ، ما كنتوش بردوا هتتلاقوا " ولكن ليقضي الله أمرا كان مفعولا " ، أي : ليقضي الله ما أراد #بقدرته ، من إعزاز الإسلام وأهله ، وإذلال الشرك وأهله ، عن غير تخطيط منكم ، ففعل ما أراد من ذلك #بلطفه .

#ففعل_الله_ذلك_بلطفه .. :) !

٭ انت يمكن تشوف #التأخير ده #عذاب ؛ ولكنه والله العظيم #لُطف بالغ من اللطيف الخبير ..
انت يمكن تشوف #الصعوبات اللي واقفة في طريق حاجة نفسك فيها او امنية ربنا يجمعك بيها .. فتيأس منها ؛ ولكنها والله العظيم يمكن تكون استجيبت ولكن لسه تحقيقها بقي في الوقت اللي يختاره لك ربك !وهو يعلم أنه أنسب لك ولقلبك ..

٭ انا اتعلمت من كل المواقف دي كلمة عظيمة اوي اسمها #التهيئة ❤
ان ربنا يهيأك لاستقبال فرحتك اللي هيجمعك بيها ..
يهيأ قلبك ..
يمكن يضع في طريقها صعوبات عشان يختبر يقينك فيه ؟!
يمكن عشان تحس بقيمتها وتشوف بنفسك أد ايه انت عاوزها فلما تجيلك تشيلها في عنيك ؟!
يمكن بيربي قلبك علي انك تلجأ ليه في الصغيرة والكبيرة وتحس بمعني ان ربك وكيلك .. اللي مستحيل يضيع موكله ابداً :)

٭ واخر حاجة هقولهالك ..

اسمع مني الآية اللي بحبها حباً جماً .. ❤ 😊

" وان من شئٍ الا عندنا خزائنه وما ننزله الا بقدرٍ معلوم "

عارف يعني ايه ! :)

يعني كل حاجة #اتأخرت عليك .. موجودة دلوقتي في خزائن الرحمن :)

ده انت لو حد قالك انك هتورث بعد سنه مبلغ اد كده .. بس لازم تسيبه فترة في #البنك يكون اتضاعف وبقي اكتر !
هتوافق #وتنشكح .. ودي #خزائن_بشر !!! :)

ما بالك لما ربنا يقولك ان كل شئ اتأخر عليك [ سعادة - زواج - اموال - ذرية - استجابة دعاء ... ] كل دول متخزنين ليك عنده ❤
واللي في خزائن الرحمن والله لا ينقص .. بل يزيد الي ما لا حد له :)

اطمن لكل حاجة اتأخرت عليك .. مسيرها جاية :)
ولا انت مش عاوز تستثمر رزقك عند ربنا ! :) ❤

لما رزقك يبقي مكتمل #هيجري عليك مش انت اللي هتجري عليه :) !
وهو ده بقي القدر المعلوم :) ❤

* منشن وشير ووصل الكلام ده لغيرك واكيد هتاخد أجر عظيم جداً * والجزاء من جنس العمل ❤ 😊
#Repost 🌸